I.

Aħna awditjajna:

II.

Fl-opinjoni tagħna, il-kontijiet konsolidati tal-Unjoni Ewropea (UE) għas-sena li ntemmet fil-31 ta' Diċembru 2016 jippreżentaw b'mod ġust, fl-aspetti materjali kollha, il-pożizzjoni finanzjarja tal-Unjoni fil-31 ta' Diċembru 2016, ir-riżultati tal-operazzjonijiet tagħha, il-flussi tal-flus tagħha, u l-bidliet fl-assi netti għas-sena li ntemmet dakinhar, skont ir-Regolament Finanzjarju u r-regoli kontabilistiċi bbażati fuq standards tal-kontabbiltà għas-settur pubbliku li huma aċċettati internazzjonalment.

III.

Fl-opinjoni tagħna, id-dħul li fuqu huma bbażati l-kontijiet għas-sena li ntemmet fil-31 ta’ Diċembru 2016 huwa legali u regolari fl-aspetti materjali kollha

IV.

Fl-opinjoni tagħna, bl-eċċezzjoni tal-effetti tal-kwistjoni deskritta fil-paragrafu li jirrigwarda l-bażi għal opinjoni kwalifikata dwar il-legalità u r-regolarità tal-pagamenti li fuqhom huma bbażati l-kontijiet, il-pagamenti li fuqhom huma bbażati l-kontijiet għas-sena li ntemmet fil-31 ta' Diċembru 2016 huma legali u regolari fl-aspetti materjali kollha.

V.

Aħna wettaqna l-awditu tagħna skont l-Istandards Internazzjonali tal-Awditjar (ISAs) u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Awditjar tal-INTOSAI (ISSAIs). Ir-responsabbiltajiet tagħna skont dawk l-istandards huma deskritti f'aktar dettall fit-taqsima tar-rapport tagħna intitolata Responsabbiltajiet tal-awditur. Aħna awdituri indipendenti f'konformità mal-Kodiċi ta’ Etika għall-Kontabilisti Professjonali tal-Bord tal-Istandards Internazzjonal tal-Etika għall-Kontabilisti (Kodiċi tal-IESBA) kif ukoll mar-rekwiżiti tal-etika li huma rilevanti għall-awditu tagħna, u wettaqna r-responsabbiltajiet etiċi l-oħra tagħna skont dawn ir-rekwiżiti u skont il-Kodiċi tal-IESBA. Aħna nemmnu li l-evidenza għall-awditjar li ksibna hija suffiċjenti u xierqa biex tipprovdi bażi għall-opinjoni tagħna.

VI.

L-infiq irreġistrat fl-2016, u li jkopri l-infiq fuq bażi ta' rimborżi (3), huwa milqut minn livell materjali ta' żball. Il-livell ta' żball stmat minna għall-pagamenti li saru fuq bażi ta' rimborżi huwa ta’ 4,8  %. Il-livell kumplessiv ta' żball stmat minna (3,1  %) għadu ogħla mis-soll ta' materjalità stabbilit minna, iżda dan mhuwiex pervażiv. Pagamenti li saru fuq bażi ta' drittijiet mhumiex milquta minn livell materjali ta' żball (4). Il-konklużjoni kumplessiva tagħna hija kkorroborata mill-analiżi tal-ammonti f'riskju li twettqet mill-Kummissjoni u li ġiet ippreżentata fir-rapport annwali dwar il-ġestjoni u l-prestazzjoni għall-baġit tal-UE.

VII.

Kwistjonijiet ewlenin tal-awditjar huma dawk il-kwistjonijiet li, fil-ġudizzju professjonali tagħna, kellhom l-akbar sinifikat fl-awditu li wettaqna tal-kontijiet konsolidati tal-perjodu attwali. Dawn il-kwistjonijiet ġew indirizzati fil-kuntest tal-awditu li wettaqna tal-kontijiet konsolidati fl-intier tagħhom, kif ukoll aħna u nifformulaw l-opinjoni tagħna dwarhom, u ma nipprovdux opinjoni separata dwar dawn il-kwistjonijiet.

VIII.

Il-karta tal-bilanċ tal-UE tinkludi pensjonijiet u benefiċċji oħra tal-impjegati, li ammontaw għal EUR 67,2  biljun fi tmiem l-2016. Din hija waħda mill-obbligazzjonijiet l-aktar sinifikanti fil-karta tal-bilanċ, u tirrappreżenta kważi terz mill-obbligazzjonijiet totali ta' EUR 234,8  biljun għall-2016.

IX.

Il-maġġoranza ta' dan il-provvediment għal pensjonijiet u għal benefiċċji oħra tal-impjegati (EUR 58,7  biljun) hija relatata mal-Iskema tal-Pensjonijiet tal-Uffiċjali u l-Aġenti l-oħra tal-Unjoni Ewropea (il-“PSEO”). Din l-obbligazzjoni tal-pensjonijiet tkopri l-“benefiċċju ddefinit” iggarantit permezz tal-Artikolu 83 tar-Regolamenti tal-Persunal tal-Uffiċjali tal-Komunitajiet Ewropej (ir-“Regolamenti tal-Persunal”), u l-Artikolu 4(3) tat-Trattat dwar l-Unjoni Ewropea (it-“TUE”). L-obbligazzjoni rreġistrata fil-kontijiet tirrifletti l-ammont li kien ikun inkluż f'fond ta’ pensjoni li kieku fond ta’ dan it-tip kien ġie stabbilit biex jitħallsu l-obbligi eżistenti għall-pensjonijiet tal-irtirar (5). Minbarra l-pensjonijiet tal-irtirar, dan ikopri pensjonijiet għall-invalidità u pensjonijiet li jitħallsu lin-nisa romol/lill-orfni tal-uffiċjali tal-UE. Skont l-Artikolu 83 tar-Regolamenti tal-Persunal, il-benefiċċji mħallsa taħt l-iskema tal-pensjonijiet jitħallsu mill-estimi (baġit) tal-UE, l-Istati Membri flimkien jiggarantixxu l-pagament tal-benefiċċji u l-uffiċjali jikkontribwixxu terz tal-ispiża għall-finanzjament tal-iskema.

X.

Il-PSEO hija skema tal-pensjonijiet okkupazzjonali obbligatorja għall-impjegati taċ-ċivil tal-UE, li skontha l-kontribuzzjonijiet mill-persunal u mill-istituzzjonijiet u l-korpi li jimpjegawhom jintużaw għall-finanzjament ta' pensjonijiet futuri. Hija maħsuba biex, permezz ta' aġġustamenti għar-rata ta' kontribuzzjoni għall-iskema u għall-età ta' pensjoni, tkun awtomatikament f'bilanċ attwarju. L-għadd u l-varjetà ta' parametri li jintużaw għall-kalkolu ta' projezzjoni fit-tul tal-ispejjeż għall-pensjonijiet jenfasizzaw in-natura attwarja ta' dan il-kalkolu, li itwettaq fl-aħħar nett mill-Eurostat fuq bażi annwali.

XI.

Bħala parti mill-awditu tagħna, aħna evalwajna s-suppożizzjonijiet attwarji u l-valwazzjoni riżultanti għall-provvediment għal pensjonijiet. Aħna vverifikajna d-data numerika, il-parametri attwarji, il-kalkolu tal-provvediment kif ukoll il-preżentazzjoni fil-karta tal-bilanċ konsolidata u n-noti għar-rapporti finanzjarji konsolidati. L-awditu li wettaqna tal-valur ġust tal-provvediment qabad xi inkompletezza u impreċiżjonijiet fid-database primarja sottostanti, li ma għandhomx impatt materjali fuq il-kontijiet konsolidati tal-UE. Bħalma ġie ddivulgat fin-Nota 2.9 għar-rapporti finanzjarji konsolidati, il-Kummissjoni se tieħu passi ulterjuri biex issaħħaħ il-proċessi li hija tuża għall-kalkolu tal-obbligazzjoni tal-benefiċċji tal-impjegati, li se nibqgħu eżaminaw.

XII.

Fi tmiem is-sena 2016, il-Kummissjoni stmat li l-ispejjeż eliġibbli mġarrba li kienu dovuti lill-benefiċjarji iżda li kienu għadhom ma ġewx irrappurtati, ammontaw għal EUR 102 biljun (fi tmiem is-sena 2015: EUR 106 biljun). Hija rreġistrat dawn l-ispejjeż bħala spejjeż dovuti.

XIII.

Aħna eżaminajna l-metodoloġiji u s-sistemi ta' kontroll għall-istimi ta' tmiem is-sena li ġew applikati fid-direttorati ġenerali prinċipali. Aħna ħadna kampjuni ta' fatturi u ta' pagamenti ta' prefinanzjament u wettaqna xogħol fuq dawn l-elementi biex nindirizzaw ir-riskju li d-dovuti ma ġewx iddikjarati b'mod korrett. Aħna tlabna lis-servizzi tal-kontabbiltà tal-Kummissjoni biex jagħtuna spjegazzjoni addizzjonali dwar il-metodi ġenerali li ġew applikati, u b'mod partikolari dwar il-metodu l-ġdid li ġie applikat għall-perjodu ta' programmazzjoni 2014-2020 fil-Koeżjoni.

XIV.

Ix-xogħol li wettaqna jippermettilna nikkonkludu li l-istima tal-ammont kumplessiv ta' imposti dovuti ddikjarati fil-karta tal-bilanċ konsolidata hija ġusta għad-direttorati ġenerali prinċipali. Madankollu, f'xi direttorati ġenerali iżgħar, aħna sibna dgħufijiet fis-sistemi fir-rigward tal-entrati ta' tmiem is-sena. Il-Kummissjoni żviluppat pjan ta' azzjoni f'dan ir-rigward.

XV.

L-awtoritajiet fl-Istati Membri jittrasferixxu parti mill-finanzjament li jsir bil-quddiem mill-Kummissjoni lil strumenti finanzjarji fil-forma ta' self, strumenti ta' ekwità jew garanziji.

XVI.

Għall-Qafas Finanzjarju Pluriennali (QFP) tal-2007-2013, il-leġiżlazzjoni tal-UE ma kinitx tirrikjedi li dawn l-awtoritajiet jipproduċu rapporti perjodiċi dwar l-ammonti miżmuma f'dawn l-istrumenti biex ikunu disponibbli fil-ħin għat-tħejjija tal-kontijiet. Għalhekk, il-Kummissjoni għamlet stima tal-użu li sar minn dawn il-pagamenti bil-quddiem, fuq il-bażi tar-rapport l-aktar reċenti li kien disponibbli (f'dan il-każ minn tmiem is-sena 2015), bis-suppożizzjoni li l-fondi kienu se jintużaw kompletament u b'mod uniformi matul il-perjodu ta' operat (inizjalment sal-31 ta' Diċembru 2015 iżda aktar tard dan ġie estiż għall-31 ta' Marzu 2017). Aħna nosservaw li għalkemm inqisu li l-użu ta' strumenti finanzjarji fl-2016 kien barra mill-perjodu ta’ eliġibbiltà (ara l-Kapitolu 6, il-paragrafi 6.20 u 6.21), il-Kummissjoni ma tippruvax tirkupra dawn l-ammonti. Għalhekk, il-preżentazzjoni fil-karta tal-bilanċ u fin-Nota 2.5 għar-rapporti finanzjarji konsolidati tirrifletti din il-pożizzjoni tal-Kummissjoni.

XVII.

Għall-QFP tal-2014-2020, f'kull klejm għall-ispejjeż, l-awtoritajiet huma meħtieġa jipprovdu informazzjoni dwar pagamenti bil-quddiem li jitħallsu lill-istrumenti finanzjarji u dwar żborżamenti li huma jagħmlu lil benefiċjarji finali. Fuq il-bażi ta' din l-informazzjoni, ammont stmat jiġi kkalkulat u rrikonoxxut fil-kontijiet għall-perjodu bejn id-data tal-aħħar klejm għall-ispejjeż li jkun ġie riċevut, u tmiem is-sena.

XVIII.

Aħna eżaminajna l-proċedura stabbilita għar-rikonoxximent tal-prefinanzjament relatat, u nqisu li l-ammont iddikjarat fil-karta tal-bilanċ huwa ġust.

XIX.

Il-maniġment huwa responsabbli għall-informazzjoni l-oħra. Din tinkludi d-Diskussjoni u Analiżi tar-Rapport Finanzjarju, iżda ma tinkludix il-kontijiet konsolidati u r-rapport tal-awditur tagħna dwarhom. L-opinjoni tagħna dwar il-kontijiet konsolidati ma tkoprix l-informazzjoni l-oħra, u aħna ma nesprimu l-ebda forma ta’ konklużjoni dwarhom f'dak li jirrigwarda aċċertament. Fil-kuntest tal-awditu li nwettqu tal-kontijiet konsolidati, ir-responsabbiltà tagħna hija li naqraw l-informazzjoni l-oħra u, filwaqt li nagħmlu dan, inqisu jekk l-informazzjoni l-oħra tkunx materjalment inkonsistenti mal-kontijiet konsolidati jew mal-għarfien li nkunu ksibna fl-awditu, jew jekk ikunx fiha xi tip ta' dikjarazzjoni skorretta materjali oħra. Jekk, ibbażat fuq ix-xogħol li nkunu wettaqna, aħna nikkonkludu li jkun hemm dikjarazzjoni skorretta materjali ta’ din l-informazzjoni l-oħra, għandna l-obbligu li nirrappurtaw dak il-fatt. Aħna ma għandna xejn x’nirrappurtaw f’dan ir-rigward.

XX.

Skont l-Artikoli 310 sa 325 tat-TFUE u r-Regolament Finanzjarju, il-maniġment huwa responsabbli mit-tħejjija u l-preżentazzjoni tal-kontijiet konsolidati tal-Unjoni Ewropea abbażi ta' standards tal-kontabbiltà għas-settur pubbliku li huma aċċettati internazzjonalment u mil-legalità u r-regolarità tat-tranżazzjonijiet li fuqhom huma bbażati. Din ir-responsabbiltà tinkludi t-tfassil, l-implimentazzjoni u ż-żamma ta' kontroll intern rilevanti għat-tħejjija u l-preżentazzjoni ta' rapporti finanzjarji li jkunu ħielsa minn kwalunkwe dikjarazzjoni skorretta materjali, sew jekk minħabba frodi u sew jekk minħabba xi żball. Il-maniġment huwa responsabbli wkoll milli jiżgura li l-attivitajiet, it-tranżazzjonijiet finanzjarji u l-informazzjoni riflessi fir-rapporti finanzjarji jkunu jikkonformaw mal-awtoritajiet li jirregolawhom. Il-Kummissjoni terfa’ r-responsabbiltà aħħarija għal-legalità u r-regolarità tat-tranżazzjonijiet li fuqhom huma bbażati l-kontijiet tal-Unjoni Ewropea (l-Artikolu 317 tat-TFUE).

XXI.

Fit-tħejjija tal-kontijiet konsolidati, il-maniġment huwa responsabbli milli jivvaluta l-kapaċità tal-UE li tkompli bħala negozju avvjat, filwaqt li jiddivulga, kif applikabbli, kwistjonijiet relatati ma' negozju avvjat u juża l-bażi kontabilistika ta' negozju avvjat dment li l-maniġment ma jkollux l-intenzjoni li jillikwida l-entità jew li jwaqqaf l-operazzjonijiet, jew ma jkollu l-ebda alternattiva realistika ħlief li jagħmel dan.

XXII.

Il-Kummissjoni hija responsabbli mis-sorveljanza tal-proċess ta' rappurtar finanzjarju tal-UE.

XXIII.

L-objettivi tagħna huma li niksbu aċċertament raġonevoli dwar jekk il-kontijiet konsolidati tal-Unjoni Ewropea jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari u li nipprovdu, fuq il-bażi tal-awditu tagħna, lill-Parlament Ewropew u lill-Kunsill b'dikjarazzjoni ta' assigurazzjoni dwar l-affidabbiltà tal-kontijiet u dwar il-legalità u r-regolarità tat-tranżazzjonijiet li fuqhom huma bbażati. Aċċertament raġonevoli huwa aċċertament ta’ livell għoli, iżda mhuwiex garanzija li awditu dejjem se jaqbad dikjarazzjoni skorretta materjali jew nuqqas ta' konformità meta dawn ikunu jeżistu. Dawn jistgħu jirriżultaw minn frodi jew minn xi żball u jitqiesu materjali jekk, individwalment jew flimkien, jistgħu jkunu mistennija, b’mod raġonevoli, li jinfluwenzaw id-deċiżjonijiet ekonomiċi li l-utenti jieħdu fuq il-bażi ta' dawn il-kontijiet konsolidati.

XXIV.

Għad-dħul, l-eżaminar li wettaqna tar-riżorsi proprji bbażati fuq it-taxxa fuq il-valur miżjud u fuq l-introjtu nazzjonali gross jieħu bħala l-punt tat-tluq tiegħu l-aggregati makroekonomiċi rilevanti li fuqhom dawn jiġu kkalkulati, u jivvaluta s-sistemi tal-Kummissjoni għall-ipproċessar tagħhom sakemm il-kontribuzzjonijiet mill-Istati Membri jkunu ġew riċevuti u rreġistrati fil-kontijiet konsolidati. Għar-riżorsi proprji tradizzjonali, aħna neżaminaw il-kontijet tal-awtoritajiet doganali u nanalizzaw il-fluss tad-dazji sakemm l-ammonti jiġu riċevuti mill-Kummissjoni u rreġistrati fil-kontijiet.

XXV.

Għall-infiq, aħna neżaminaw it-tranżazzjonijiet ta' pagament meta l-infiq ikun ġie mġarrab, irreġistrat u aċċettat. Dan l-eżaminar ikopri l-kategoriji kollha ta' pagamenti (inklużi dawk li jkunu saru għax-xiri ta' assi) minbarra pagamenti bil-quddiem fil-punt meta jsiru. Il-pagamenti bil-quddiem jiġu eżaminati meta r-riċevitur tal-fondi jipprovdi ġustifikazzjoni għall-użu xieraq tagħhom, u l-Istituzzjoni jew il-korp jaċċetta l-ġustifikazzjoni billi japprova l-pagament bil-quddiem, sew jekk fl-istess sena u sew jekk aktar tard.

XXVI.

Bħala parti minn awditu skont l-ISAs u l-ISSAIs, aħna neżerċitaw ġudizzju professjonali u nmantnu x-xettiċiżmu professjonali tul l-awditu. Minbarra dan, aħna:

XXVII.

Aħna nikkomunikaw mal-maniġment dwar, fost affarijiet oħra, l-ambitu u l-għażla taż-żmien ippjanati tal-awditu u dwar sejbiet tal-awditjar li jkunu sinifikanti, inkluża kull defiċjenza sinifikanti li nidentifikaw fil-kontroll intern matul l-awditu tagħna.

XXVIII.

Mill-kwistjonijiet li jkunu ġew ikkomunikati mal-Kummissjoni u ma' entitajiet awditjati oħra, aħna niddeterminaw dawk il-kwistjonijiet li kellhom l-akbar sinifikat fl-awditu tal-kontijiet konsolidati tal-perjodu attwali u li għalhekk huma l-kwistjonjiet ewlenin tal-awditjar. Aħna niddeskrivu dawn il-kwistjonijiet fir-rapport tal-awditur tagħna, dment li l-ebda liġi jew regolament ma jkun jipprekludi d-divulgazzjoni pubblika dwar il-kwistjoni jew meta, f'ċirkustanzi estremament rari, aħna niddeterminaw li kwistjoni ma għandhiex tiġi kkomunikata fir-rapport tagħna minħabba li l-konsegwenzi avversi ta' dan jistgħu jkunu mistennija, b'mod raġonevoli, li jkunu akbar mill-benefiċċji ta' din il-komunikazzjoni għall-interess pubbliku.

1.1.

Il-Qorti Ewropea tal-Awdituri hija l-awditur indipendenti tal-UE. Skont it-Trattat dwar il-Funzjonament tal-Unjoni Ewropea (TFUE), aħna:

1.2.

Ix-xogħol li aħna nwettqu għad-dikjarazzjoni ta’ assigurazzjoni (spjegat fl- Anness 1.1 ) jikkorrispondi għall-ewwel u t-tieni objettivi ta' hawn fuq. Fil-Kapitolu 3 u f'xi oqsma ta' politika (7), ix-xogħol li nwettqu għar-rapport annwali jindirizza wkoll l-ekonomija, l-effiċjenza jew l-effettività tal-infiq. Meħud fit-totalità tiegħu, ix-xogħol tal-awditjar li nwettqu jipprovdi wkoll kontribut importanti għall-opinjonijiet li nagħtu dwar proposti għal leġiżlazzjoni finanzjarja.

1.3.

L-infiq tal-Unjoni Ewropea (UE) huwa mezz importanti – iżda mhux l-uniku wieħed – għall-ilħuq tal-objettivi ta' politika. Mezzi importanti oħra jinkludu l-użu ta' leġiżlazzjoni u l-moviment liberu ta' oġġetti, servizzi, kapital u persuni madwar l-UE. Fl-2016, l-infiq tal-UE ammonta għal EUR 136,4  biljun (8), li jirrappreżenta 2,0  % tal-infiq totali tal-amministrazzjonijiet pubbliċi tal-Istati Membri tal-UE u 0,9  % tal-introjtu nazzjonali gross tal-UE (il- Kaxxa 1.1 ).

1.4.

L-osservazzjonijiet tagħna jikkonċernaw il-kontijiet konsolidati (9) (il-“kontijiet”) tal-Unjoni Ewropea għas-sena finanzjarja 2016. Aħna rċevejniehom, flimkien mal-ittra tar-rappreżentazzjonijiet tal-uffiċjal tal-kontabbiltà, fis-26 ta' Ġunju 2017. Il-kontijiet huma akkumpanjati minn “Diskussjoni u Analiżi tar-Rapport Finanzjarju” (FSDA) (10). Din l-analiżi mhijiex koperta mill-opinjoni tal-awditjar tagħna. Madankollu, skont l-istandards tal-awditjar, aħna wettaqna valutazzjoni tal-konsistenza tagħha mal-informazzjoni fil-kontijiet.

1.5.

Il-kontijiet ippubblikati mill-Kummissjoni juru li, fil-31 ta’ Diċembru 2016, l-obbligazzjonijiet totali kienu jammontaw għal EUR 234,8  biljun meta mqabbla ma’ assi totali ta' EUR 162,7  biljun. Ir-riżultat ekonomiku għall-2016 ammonta għal EUR 1,7  biljun (11).

1.6.

L-awditu tagħna sab li l-kontijiet kienu ħielsa minn dikjarazzjonijiet skorretti materjali. L-osservazzjonijiet tagħna dwar il-ġestjoni finanzjarja u baġitarja tal-fondi tal-UE huma ppreżentati fil-Kapitolu 2.

1.7.

Il-kwistjonijiet ewlenin tal-awditjar (12) huma dawk li, fil-ġudizzju professjonali tagħna, kienu tal-akbar sinifikat fl-awditu li wettaqna tar-rapporti finanzjarji għall-perjodu attwali. Dawn il-kwistjonijiet ġew indirizzati fil-kuntest tal-awditu li wettaqna tar-rapporti finanzjarji fl-intier tagħhom u aħna u nifformulaw l-opinjonijiet tagħna dwarhom, iżda ma nipprovdux opinjoni separata dwar dawn il-kwistjonijiet. Skont l-Istandard Internazzjonali Nru 1701 tal-Istituzzjonijiet Supremi tal-Awditjar (ISSAI), aħna nirrappurtaw dwar il-kwistjonijiet ewlenin tal-awditjar bħala parti mill-opinjoni tagħna (il-paragrafi VII sa XVIII tad-dikjarazzjoni ta’ assigurazzjoni tagħna).

1.8.

Aħna neżaminaw id-dħul u l-infiq tal-UE (13) biex nivvalutaw jekk dawn ikunux konformi mal-liġijiet u r-regolamenti applikabbli. Aħna nippreżentaw ir-riżultati tal-awditjar tagħna għad-dħul fil-Kapitolu 4 u għall-infiq fil-Kapitoli 5 sa 10 (ara l- Kaxxa 1.2 ). Is-sejbiet ewlenin tagħna kienu:

1.8 u 1.9.

Fir-rigward tal-istrumenti finanzjarji għall-politika tal-Koeżjoni (imsemmija fil-Kaxxa 1.2), il-Kummissjoni tikkunsidra li l-iżborżamenti li saru lill-benefiċjarji finali, sal-aħħar ta’ Marzu 2017 skont il-linji gwida tagħha dwar l-għeluq, ikunu fil-limiti previsti tal-perjodu stabbilit għall-eliġibbiltà (ara t-tweġiba tal-Kummissjoni għall-paragrafi 6.20 u 6.21).

1.9.

Il-livell ta' żball stmat minna b'mod kumplessiv juri titjib meta mqabbel ma' dak tas-snin reċenti (il- Kaxxa 1.3 ), iżda għadu ogħla mill-punt ta' riferiment tagħna ta' 2 % għall-materjalità. Minkejja dan, madwar nofs l-infiq għall-2016 kien ħieles minn żball materjali (il- Kaxxa 1.4 ).

1.10.

Aħna nistmaw li l-livell ta' żball fl-infiq ibbażat fuq rimborżi huwa ta' 4,8  % (2015: 5,2  %), li huwa sinifikattivament ogħla mis-soll ta' materjalità ta' 2 % (il- Kaxxa 1.4 ). F'dan it-tip ta' nfiq, il-benefiċjarji jikklejmjaw fondi tal-UE għal spejjeż eliġibbli li huma jkunu ġarrbu. Pagamenti bħal dawn jinkludu proġetti ta' riċerka (il-Kapitolu 5) u skemi ta' taħriġ (il-Kapitolu 6), kif ukoll proġetti fl-iżvilupp reġjonali u rurali (il-Kapitoli 6 u 7) u proġetti ta' żvilupp (il-Kapitolu 9). F'dawn l-iskemi, ir-riċevituri jridu jipprovdu informazzjoni li turi li huma jkunu involuti f’attività eliġibbli għall-appoġġ kif ukoll l-ispejjeż imġarrba li għalihom huma jistgħu jikklejmjaw rimborż. Meta jagħmlu dan, huma jridu jsegwu regoli kkumplikati rigward x'jista' jiġi kklejmjat (eliġibbiltà) u kif l-ispejjeż jistgħu jiġġarrbu b'mod xieraq (eż. akkwist pubbliku jew regoli dwar l-għajnuna mill-Istat). Dan iwassal għal żbalji li jaffettwaw il-konklużjoni tagħna għall-Intestaturi li ġejjin tal-QFP: 1a “Kompetittività” (il-paragrafi 5.28-5.29), 1b “Koeżjoni” (il-paragrafi 6.38-6.39), 2 “Riżorsi naturali” (globalment – il-paragrafi 7.32-7.33), u 4 “Ewropa Globali” (il-paragrafi 9.34-9.35).

1.10.

Il-QEA kkonfermat li proġetti li jużaw Għażliet tal-Ispejjeż Issimplifikati (SCOs) huma inqas soġġetti għal żbalji milli r-rimborż tal-ispejjeż attwali. Għal din ir-raġuni, il-Kummissjoni kienet qed tippromwovi b’mod attiv l-użu tagħhom fil-politika ta’ Koeżjoni u fl-iżvilupp rurali tul dawn l-aħħar snin. Barra minn hekk, l-użu ta’ SCOs inaqqas il-piż amministrattiv u jtejjeb l-enfasi fuq ir-riżultati mill-Awtoritajiet ta’ Ġestjoni, l-Aġenziji ta’ Pagamenti u l-benefiċjarji, b’mod partikolari meta l-SCOs ikunu ffukati fuq il-kisba tal-eżiti tal-proġetti jew fuq ir-riżultati.

L-akkwist pubbliku u r-regoli tal-għajnuna mill-istat mhumiex speċifiċi għall-infiq tal-UE. Sabiex tindirizza d-diffikultajiet li tiltaqa’ magħhom f’dawn l-oqsma, il-Kummissjoni qed timplimenta pjanijiet ta’ azzjoni mal-Istati Membri (ara t-tweġiba tal-Kummissjoni għall-paragrafi 6.15 u 6.18).

Fil-qasam tal-agrikoltura, l-iżvilupp rurali jibqa’ qasam li jistħoqqlu skrutinju bir-reqqa, b’mod partikolari għal miżuri f’sura ta’ investiment. Il-Kummissjoni sistematikament titlob lill-Istati Membri biex ifasslu pjanijiet ta’ azzjoni meta jiġu identifikati nuqqasijiet fil-kontroll u tappoġġa l-implimentazzjoni tagħhom. Madankollu, meta tittieħed inkunsiderazzjoni l-ħtieġa li l-legalità u r-regolarità jiġu bbilanċjati mal-ilħuq tal-objettivi ta’ politika filwaqt li jinżammu preżenti l-ispejjeż ta’ twassil (il-ġestjoni u l-kontroll), ma jistax ikun verament mistenni b’ċertezza li rata ta’ żball għal pagamenti għal benefiċjarji taħt it-2 % tkun tista’ tinkiseb bi sforzi raġonevoli. Minkejja dan, il-kapaċità korrettiva tal-irkupri tal-Istati Membri u l-korrezzjonijiet finanzjarji tal-Kummissjoni fis-snin wara s-sena tal-infiq tippermetti lill-Kummissjoni biex takkwista assigurazzjoni fuq l-infiq tal-PAK.

Ara wkoll it-tweġibiet tal-Kummissjoni għall-paragrafi 1.12 u 6.7.

1.11.

Aħna nistmaw li l-livell ta' żball għall-infiq ibbażat fuq drittijiet (inkluża n-nefqa amministrattiva) huwa ta' 1,3  % (2015: 1,9  %, il- Kaxxa 1.4 ). F'dan it-tip ta' nfiq, il-benefiċjarji jirċievu pagament jekk jissodisfaw ċerti kundizzjonijiet. Il-pagamenti kkonċernati jinkludu fellowships għall-istudenti u għar-riċerka (il-Kapitolu 5), għajnuna diretta għall-bdiewa u miżuri agroambjentali (il-Kapitolu 7), u salarji u pensjonijiet (il-Kapitolu 10). Aħna rajna titjib fl-oqsma kollha ta' nfiq ibbażat fuq drittijiet, u nikkonkludu li l-livell ta' żball stmat għall-għajnuna diretta lil bdiewa kien taħt is-soll ta' materjalità.

1.11.

1.12.

Kif jidher fil- Kaxxa 1.5 , l-Intestatura “Koeżjoni” kienet dik li kkontribwiet l-aktar għal-livell ta’ żball stmat minna għall-2016, segwita mill-Intestaturi “Riżorsi naturali”, “Kompetittività” u “Ewropa Globali”. Din id-distribuzzjoni hija konformi mas-sejbiet tagħna għall-2015.

1.12.

1.13.

“Kompetittività” (il-Kapitolu 5): il-livell ta’ żball stmat huwa ta’ 4,1  %, li jirrappreżenta tnaqqis meta mqabbel mal-2015 (4,4  %). Il-biċċa l-kbira mill-infiq isir fuq bażi ta’ rimborż tal-ispejjeż, u l-iżbalji hawnhekk essenzjalment jirriflettu kategoriji differenti ta’ spiża ineliġibbli (b'mod partikolari spejjeż għall-persunal, spejjeż diretti oħra u spejjeż indiretti).

1.13.

1.14.

Koeżjoni (il-Kapitolu 6): il-livell ta’ żball stmat huwa ta’ 4,8  %, li huwa aktar baxx mir-riżultat tal-2015 (5,2  %). L-infiq f'dan il-qasam huwa ddominat minn rimborżi tal-ispejjeż. Spejjeż ineliġibbli fid-dikjarazzjonijiet tal-infiq u proġetti ineliġibbli jirrappreżentaw 70 % tal-iżball.

1.14.

1.15.

“Riżorsi naturali” (il-Kapitolu 7): il-livell ta’ żball stmat huwa ta’ 2,5  %, li jirrappreżenta tnaqqis meta mqabbel mal-2015 (2,9  %). Il-Fond Agrikolu Ewropew ta’ Garanzija (FAEG) jirrappreżenta aktar minn tliet kwarti tal-infiq f’dan il-qasam u huwa ħieles minn żball materjali (1,7  %), filwaqt li fl-iżvilupp rurali għadna nsibu livell għoli ta’ żball (4,9  %), b’mod partikolari għall-infiq ibbażat fuq rimborżi. Aħna ma sibniex żball materjali fl-infiq ibbażat fuq drittijiet f'dak li jirrigwarda appoġġ dirett lill-bdiewa, li għandu regoli simplifikati ta' eliġibbiltà għall-art kif ukoll sistema effettiva ta' kontroll ex ante (SIAK) li tippermetti li jsiru kontroverifiki awtomatizzati bejn databases differenti.

1.15.

Ara wkoll it-tweġibiet tal-Kummissjoni għall-paragrafi 1.10 u 1.12.

1.16.

“Ewropa Globali” (il-Kapitolu 9): il-livell ta’ żball stmat huwa ta’ 2,1  %, li jirrappreżenta tnaqqis meta mqabbel mar-riżultati fl-2015 (2,8  %). In-nuqqas ta' xi dokumentazzjoni essenzjali ta' sostenn kif ukoll dikjarazzjonijiet eċċessivi ta' approvazzjonijiet interim  (14) mill-Kummissjoni jirrappreżentaw żewġ terzi tat-total.

1.17.

“Amministrazzjoni” (il-Kapitolu 10): dan il-qasam mhuwiex milqut minn livell materjali ta' żball. Il-livell ta’ żball stmat huwa ta’ 0,2  %, li jirrappreżenta tnaqqis meta mqabbel mar-riżultati tal-2015 (0,6  %). Il-biċċa l-kbira mill-infiq f’dan il-qasam huwa fuq is-salarji, il-pensjonijiet u l-allowances imħallsa mill-istituzzjonijiet u l-korpi tal-UE.

1.18.

Aħna ma nistmawx il-livelli ta' żball għal oqsma oħra ta' nfiq, inkluża l-Intestatura 3 tal-QFP (il-Kapitolu 8). B'kollox, l-infiq kopert mid-dikjarazzjoni ta’ assigurazzjoni tagħna f'dawn l-oqsma ammonta għal EUR 2,8  biljun (2,2  % tal-infiq kopert mill-awditu tagħna). Ix-xogħol li twettaq f'dawn l-oqsma jkompli jikkontribwixxi għall-konklużjonijiet kumplessivi tagħna dwar l-2016.

1.19.

L-iżbalji ta' eliġibbiltà fl-iskemi ta' rimborż tal-ispejjeż għadhom dawk li jikkontribwixxu l-aktar għal-livell ta' żball stmat:

1.19.

Is-simplifikazzjoni tirrappreżenta l-iktar mod effettiv kif jitnaqqsu kemm ir-riskju ta’ żbalji kif ukoll il-kost u l-piż tal-kontroll. Għal dawk il-programmi b’livelli ta’ żbalji persistentement għoljin, il-Kummissjoni kontinwament tieħu azzjonijiet, kemm preventivi kif ukoll korrettivi, biex tindirizza l-kawżi tagħhom u l-impatt tagħhom. Jistgħu jinkisbu iktar dettalji fil-Komunikazzjoni mill-Kummissjoni “Kawżi ewlenin ta’ żbalji u l-azzjonijiet meħuda (l-Artikolu 32(5) tar-Regolament Finanzjarju)” – COM(2017)124 tat-28.2.2017.

1.20.

Il-livell ta' żball stmat minna f'diversi oqsma ta' nfiq juri korrelazzjoni ħafna aktar b'saħħitha mal-bażi għall-pagament (jiġifieri rimborż jew dritt) milli mal-modalità ta' ġestjoni (15). Aħna sibna l-ogħla livelli ta' żball fl-Intestatura “Koeżjoni” (taħt ġestjoni kondiviża) u fl-Intestatura “Kompetittività” (immaniġġjata b'mod dirett mill-Kummissjoni u b'mod indirett permezz ta' entitajiet fdati). L-iskemi ta' rimborż jiddominaw l-infiq f'dawn iż-żewġ oqsma (il- Kaxxa 1.7 ).

1.21.

Għall-2016, il-livell ta’ żball stmat għall-infiq taħt ġestjoni kondiviża fl-intier tiegħu jammonta għal 3,3  % (2015: 4,3  %), u 3,3  %, (2015: 4,2  %) għall-forom l-oħra kollha ta' nefqa operazzjonali (16). Il-livell ta’ żball stmat għan-nefqa amministrattiva huwa ta' 0,2  % (2015: 0,6  %).

1.22.

Kull direttorat ġenerali (DĠ) tal-Kummissjoni joħroġ rapport annwali tal-attività (RAA). Dan jinkludi dikjarazzjoni li fiha d-Direttur Ġenerali jipprovdi aċċertament li r-rapport jippreżenta b'mod xieraq l-informazzjoni finanzjarja u li t-tranżazzjonijiet taħt ir-responsabbiltà tiegħu huma legali u regolari. Ir-rapport jipprovdi wkoll rendikont tal-ilħuq tal-objettivi ewlenin ta' politika (diskussi fil-paragrafi 3.5 u 3.18 sa 3.32) u rapport mid-Direttur Ġenerali lill-Kummissarji dwar il-ġestjoni.

1.22.

1.23.

Din is-sena, għall-ewwel darba, id-DĠ kollha stmaw il-livell ta' żball fl-“infiq rilevanti”. Id-definizzjoni ta' nfiq rilevanti (17) hija konformi mad-definizzjoni tagħna tat-tranżazzjonijiet ta' bażi (l- Anness 1.1 , il-paragrafu 10).

1.24.

Wara l-introduzzjoni tal-kunċett “ammont f'riskju fl-għeluq” fir-Rapport Annwali 2015 dwar il-ġestjoni u l-prestazzjoni (AMPR), id-DĠ inkludew din l-informazzjoni fir-rapporti annwali tal-attività tagħhom. Il-Kummissjoni ffukat fuq l-impatt ta’ mekkaniżmi korrettivi pluriennali, li se jirriżulta fi tnaqqis tal-livell ta' żball stmat minnha.

1.24.

1.25.

F'dak li jirrigwarda l-indikaturi tal-legalità u tar-regolarità, iċ-ċifri ddivulgati fir-rapporti annwali tal-attività għall-ammonti f'riskju fil-pagament huma, fil-biċċa l-kbira mill-każijiet, globalment konformi mal-istimi tagħna tal-livell ta' żball (il- Kaxxa 1.8 ) (18).

1.25.

1.26.

Aħna sibna li DĠ fi ħdan l-istess intestatura tal-QFP ħadu approċċi differenti għall-preżentazzjoni tar-rati ta' żball u tal-ammonti f'riskju (19). Sibna wkoll li kien hemm riskji metodoloġiċi fix-xogħol li sar mill-awtoritajiet tal-awditjar għall-infiq tal-perjodu 2014-2020 (20). Minbarra dan, sibna li l-Kummissjoni kellha tagħmel aġġustamenti sinifikanti għall-istatistika ta' kontroll li ġiet ippreżentata mill-aġenziji tal-pagamenti  (21).

1.26.

Jekk jogħġbok ara wkoll it-tweġiba tal-Kummissjoni għall-paragrafi 6.33 u 6.34.

1.27.

Ir-rata kumplessiva ta' żball fil-pagament li ġiet ikkalkulata mill-Kummissjoni għall-2016 fl-AMPR kienet materjali, billi kienet bejn 2,1  % u 2,6  % (meta mqabbel ma' 2,3  % u 3,1  % għall-2015). Il-livell ta' żball stmat minna huwa ta' 3,1  % (2015: 3,8  %).

1.27.

1.28.

L-FSDA għall-2016 tirrapporta total ta' EUR 3,4  biljun għall-korrezzjonijiet finanzjarji u l-irkupri li ġew implimentati. Il- Kaxxa 1.9 turi d-distribuzzjoni tal-ammonti rrappurtati skont il-qasam ta' nfiq u l-istadju fiċ-ċiklu ta' nfiq fejn il-Kummissjoni applikat l-azzjonijiet korrettivi (dikjarazzjoni/aċċettazzjoni tal-infiq/pagament mill-baġit).

1.28.

1.29.

Fl-2016, il-Kummissjoni rreġistrat EUR 0,6  biljun ta' korrezzjonijiet u rkupri f'ras il-għajn qabel ma aċċettat l-infiq. Dawn jieħdu l-forma ta' tnaqqis ta' ammonti ineliġibbli mill-klejms qabel ma jsiru l-pagamenti korrispondenti mill-baġit tal-UE (jiġifieri l-ammonti li jitnaqqsu ma jiġux inklużi sussegwentement fil-popolazzjoni awditjata minna, peress li t-tranżazzjonijiet li nagħżlu għall-ittestjar jittieħdu mill-pagamenti li l-Kummissjoni tkun aċċettat). Irkupri bħal dawn (EUR 0,4  biljun) kienu jirrappreżentaw aktar minn erba' partijiet minn kull ħamsa tal-attività korrettiva kollha fl-oqsma ta' ġestjoni diretta u indiretta fl-2016.

1.29.

1.30.

L-ammont ta' EUR 2,8  biljun li kien jifdal kien relatat ma' klejms li l-Kummissjoni kienet diġà aċċettat (u b'hekk ġew inklużi fil-popolazzjoni ta' pagamenti li awditjajna). Minn dan l-ammont:

(a)

Għal “Riżorsi naturali”, madwar EUR 2 biljun kienu jikkonċernaw deċiżjonijiet ta' konformità relatati mal-agrikoltura li l-Kummissjoni rreġistrat bħala dħul assenjat disponibbli għall-finanzjament ta' nfiq agrikolu.

(b)

Għal “Koeżjoni”, madwar EUR 0,6  biljun kienu jirrappreżentaw l-irtirar, mill-Istati Membri, ta' klejms għar-rimborż ta' proġetti/infiq li qabel kienu ġew aċċettati u s-sostituzzjoni tagħhom bi proġetti ġodda/infiq ġdid. Irtirar bħal dan ma jirriżultax fir-restituzzjoni ta' fondi għall-baġit tal-UE (23).

(b)

Il-leġiżlazzjoni tipprevjeni l-possibbiltà għall-Istati Membri biex jirtiraw l-infiq irregolari u jissostitwixxuh b’wieħed ġdid u regolari. Din tipproteġi l-baġit tal-UE b’konformità mal-prinċipju li f’ġestjoni konġunta, l-Istati Membri huma responsabbli fl-ewwel istanza, għall-identifikazzjoni ta’ irregolaritajiet u biex, fejn ikun hemm bżonn, jagħmlu korrezzjonijiet finanzjarji.

(c)

Għall-oqsma ta' ġestjoni diretta u indiretta (prinċipalment “Kompetittività” u “Ewropa Globali”), madwar EUR 0,1  biljun kienu relatati ma' ammonti rkuprati wara l-pagament.

1.31.

Il-Kummissjoni u l-Istati Membri jistgħu japplikaw korrezzjonijiet u rkupri b'diversi modi, filwaqt li jsegwu l-ordni ssettjat fir-Regolament Finanzjarju (24):

(a)

Flus minfuqa indebitament: il-korrezzjonijiet jiġu bbażati fuq il-valur tat-tranżazzjonijiet żbaljati (korrezzjonijiet individwali).

(b)

Żbalji sistematiċi f'kampjun rappreżentattiv ta' tranżazzjonijiet: bl-estrapolazzjoni tar-riżultati fuq għall-popolazzjoni kollha (korrezzjonijiet estrapolati).

(c)

Dgħufijiet fis-sistemi fejn ma jkunx possibbli li jsir kalkolu preċiż tal-implikazzjonijiet finanzjarji għall-baġit: bl-applikazzjoni tar-rati ddefiniti fil-linji gwida settorjali għal kull sitwazzjoni (“korrezzjonijiet b'rata fissa”).

(c)

Korrezzjonijiet b’rata fissa jintużaw meta hemm riskju sostanzjali li d-dgħufijiet stabbiliti fis-sistema kellhom impatt finanzjarju fuq il-baġit tal-UE imma meta mhuwiex possibbli, bi sforz proporzjonat, li jiġi identifikat id-dannu finanzjarju b’mod iktar preċiż. Jiġu applikati biex jindirizzaw id-dgħufijiet fis-sistema u r-riskji assoċjati li jiġġeneraw għall-baġit tal-UE u b’konsegwenza, jirrimedjaw ukoll l-irregolaritajiet individwali.

1.32.

Fl-istima tagħna tal-livell ta’ żball, aħna ma nikkwantifikawx ħafna sitwazzjonijiet fejn il-Kummissjoni u l-Istati Membri japplikaw u jirrappurtaw korrezzjonijiet u rkupri:

(a)

Korrezzjonjiet b'rata fissa jiġu applikati aktar biex jiġu rimedjati dgħufijiet fis-sistemi milli għall-eliminazzjoni ta' irregolaritajiet individwali. Dgħufijiet fis-sistemi jindikaw riskju ta' nfiq irregolari, iżda mhux dejjem ikun possibbli li nidentifikaw rabta bejn dawn id-dgħufijiet u kwalunkwe pagament irregolari li nsibu u li nikkwantifikaw fl-istima tagħna tal-livell ta' żball.

(a)

Il-Kummissjoni tipproteġi l-baġit tal-UE mill-infiq li sar bil-ksur ta’ liġijiet. Fejn l-ammonti eżatti ma jistgħux jiġu identifikati b’mod preċiż mal-isforz proporzjonat, il-Kummissjoni tista’ tapplika korrezzjonijiet estrapolati jew b’rata fissa sabiex tissodisfa dan l-obbligu. Korrezzjonijiet b’rata fissa huma inċentiv b’saħħtu għall-Istati Membri biex itejbu s-sistemi ta’ ġestjoni u kontroll tagħhom.

(b)

Xi wħud mill-każijiet li l-Kummissjoni tivvaluta bħala żbalji li jwasslu għal korrezzjonijiet ma jikkostitwux żbalji (kwantifikabbli) għalina. Pereżempju dati ta' skadenza mhux rispettati, nuqqas ta' pubbliċità u ksur tal-kundizzjonalità ma jitteħdux inkunsiderazzjoni fl-istima tagħna tal-livell ta' żball.

(b)

Il-Kummissjoni tinnota li l-korrezzjonijiet minn ksur tal-kundizzjonalità mhumiex inklużi fl-istima tagħha tal-kapaċità korrettiva.

1.33.

Aħna nfittxu li nieħdu kont ta' miżuri korrettivi li jkunu ttieħdu mill-Istati Membri u mill-Kummissjoni fejn dawn isiru qabel l-eżaminar li nwettqu. Aħna niċċekkjaw jekk dawn il-korrezzjonijiet (li jinkludu rkupri ta' flus imħallsa indebitament lill-benefiċjarji, u korrezzjonijiet fil-livell tal-proġetti) jkunux ġewx applikati u naġġustaw l-istima tal-livell ta' żball kull meta dan ikun xieraq. Madankollu, l-impatt tal-miżuri korrettivi jvarja b’mod sinifikanti bejn l-oqsma differenti ta’ nfiq u l-miżuri korrettivi differenti.

1.34.

Għal 41 tranżazzjoni kkampjunati fl-2016, il-Kummissjoni u l-awtoritajiet tal-Istati Membri kienu applikaw miżuri korrettivi li affettwaw direttament it-tranżazzjoni u li kienu rilevanti għall-kalkoli tagħna. Dawn il-miżuri naqqsu l-livell ta' żball stmat minna b’1,2  punti perċentwali (2015: 0,5  punti perċentwali). Bidliet fl-għadd ta’ tranżazzjonijiet affettwati u fl-impatt tal-miżuri fuq il-livell ta’ żball stmat minna ma jindikawx li l-azzjoni korrettiva saret aktar jew inqas effettiva billi dawn il-miżuri jikkonċernaw parti relattivament żgħira mill-kampjun tagħna u huwa normali li jkun hemm xi ftit ta' fluttwazzjoni minn sena għal oħra.

1.34.

1.35.

Meta niskopru każijiet ta’ frodi suspettata, sew jekk jiġu identifikati matul l-awditu tagħna (inkluż ix-xogħol li nwettqu fir-rigward tal-prestazzjoni) jew fuq il-bażi ta' informazzjoni li tkun ġiet ipprovduta lilna direttament, aħna ngħadduhom lill-Uffiċċju Ewropew Kontra l-Frodi (OLAF) għal analiżi preliminarja, u possibbilment, investigazzjoni. Ma nistgħux nikkummentaw fuq każijiet individwali jew fuq ir-rispons tal-OLAF dwarhom. Fl-2016:

—

aħna vvalutajna l-legalità u r-regolarità ta' madwar 1 000  tranżazzjoni għax-xogħol tal-awditjar li wettaqna fir-rigward tar-rapport annwali u, minbarra dan, ħriġna 36 rapport speċjali;

—

aħna rappurtajna lill-OLAF 11-il każ ta' frodi suspettata li nstabu matul l-awditi tagħna (2015: 27), kif ukoll 5 każijiet ibbażati fuq informazzjoni li kienet ġiet ipprovduta mill-pubbliku (2015:15);

—

il-każijiet ta' frodi suspettata li kienu l-aktar frekwenti kienu jikkonċernaw il-ħolqien artifiċjali ta' kundizzjonijiet biex il-kriterji ta’ eliġibbiltà jiġu ssodisfati, in-nuqqas ta' twassil ta' beni/servizzi, u każijiet fejn id-dikjarazzjonijiet tal-ispejjeż ma ssodisfawx il-kriterji ta' eliġibbiltà, segwiti minn kunflitti ta' interess u irregolaritajiet oħra fl-akkwist.

1.36.

Fil-31 ta' Diċembru 2016, il-każijiet ta' frodi suspettata li konna rrappurtajna lill-OLAF bejn l-2010 u l-2016 kienu rriżultaw f'67 investigazzjoni, li minnhom 16 kienu għadhom għaddejjin. Mill-51 investigazzjoni li kien temm u għalaq, l-OLAF infurmana li 28 jew kienu ġew konklużi b'rakkomandazzjonijiet li l-flus jiġu rkuprati u li titqies il-possibbiltà ta' proċedimenti ġudizzjarji, jew inkella ngħalqu minħabba li diġà kienet ittieħdet azzjoni mill-Kummissjoni u mill-awtoritajiet nazzjonali. L-OLAF irrapporta li, fil-31 ta' Diċembru 2016, dawn il-każijiet kienu wasslu għal rakkomandazzjonijiet għal irkupri li ammontaw għal total ta' EUR 247 miljun. Fejn l-OLAF għalaq każ mingħajr ma għamel rakkomandazzjonijiet għal azzjoni ulterjuri, il-konklużjoni l-aktar komuni tiegħu kienet li ma kienx hemm evidenza ta' frodi li taffettwa l-interessi finanzjarji, jew interessi oħra, tal-UE.

1.37.

Il-funzjoni ewlenija ta' dan il-kapitolu hija li jsostni l-opinjoni tal-awditjar ippreżentata fid-dikjarazzjoni ta’ assigurazzjoni.

1.38.

Ir-riżultati tal-awditjar tagħna juru li sar titjib matul dawn l-aħħar ftit snin. Aħna nikkonkludu li l-infiq ibbażat fuq drittijiet huwa ħieles minn żball materjali u l-infiq ibbażat fuq rimborżi huwa milqut minn żball materjali. Fuq dan il-bażi, aħna nikkonkludu li l-livell ta' żball mhuwiex pervażiv.

2.1.

Dan il-kapitolu jippreżenta l-osservazzjonijiet tagħna dwar il-ġestjoni baġitarja u finanzjarja tal-UE fl-2016 u jidentifika għadd ta’ riskji u sfidi ewlenin għal baġits futuri.

2.2.

Il-baġit għal sena partikolari jrid jirrispetta l-limiti massimi għall-approprjazzjonijiet ta' impenn u ta’ pagament li huma stipulati fil-qafas finanzjarju pluriennali (QFP) 2014-2020 (1), li jiddikjara li l-UE tista’, fi prezzijiet attwali, timpenja sa massimu ta’ EUR 1 087,2  biljun u tagħmel pagamenti ta’ mhux aktar minn EUR 1 025,4  biljun bejn l-2014 u l-2020 (2). L-approprjazzjonijiet ta' impenn u ta’ pagament (3) għas-sena jridu jaqgħu fi ħdan il-limiti stabbiliti bid-Deċiżjoni dwar ir-Riżorsi Proprji (4) (DRP).

2.3.

Il-Kummissjoni ppreżentat analiżi ta' nofs it-terminu tal-implimentazzjoni tal-QFP attwali, li kienet akkumpanjata minn proposti leġiżlattivi. Parti minn dan il-kapitolu tibni fuq il-fehmiet li esprimejna qabel dwar dawk il-proposti leġiżlattivi li huma rilevanti għall-proposta għall-QFP li jmiss (5).

2.4.

Il-pagamenti li saru kontra l-approprjazzjonijiet baġitarji kienu EUR 13,7  biljun aktar baxxi mill-approprjazzjonijiet disponibbli fil-baġit li ġie adottat inizjalment (EUR 130,2  biljun minn ammont possibbli ta’ EUR 143,9  biljun (6), jew 90,5  % tat-total disponibbli) (ara l- Kaxxa 2.1 ).

2.5.

Il-livell baxx ta’ pagamenti rriżulta prinċipalment mill-fatt li l-awtoritajiet fl-Istati Membri ppreżentaw klejms, għall-Fondi Strutturali u ta' Investiment Ewropej (SIE), li kienu aktar baxxi milli kien antiċipat. Dan kien dovut għal dewmien fl-implimentazzjoni ta’ programmi fl-ewwel snin tal-QFP attwali. Il-Kummissjoni tat l-ispjegazzjonijiet li ġejjin (7) għal dan id-dewmien:

(a)

il-konsegwenza ta’ dewmien sinifikanti fl-implimentazzjoni tal-programmi tal-perjodu 2007-2013;

(b)

l-adozzjoni tardiva mill-UE tal-bażijiet legali għall-programmi tal-perjodu 2014-2020 (8);

(c)

dewmien, min-naħa tal-Istati Membri, fit-twaqqif tal-awtoritajiet nazzjonali responsabbli għall-ġestjoni tal-fondi tal-UE, u fin-notifika lil din tal-aħħar dwarhom;

(d)

iż-żmien meħtieġ biex isiru aġġustamenti dovuti għal bidliet fir-regoli għall-programmi u l-proġetti għall-perjodu l-ġdid;

(e)

l-għoti ta’ sena addizzjonali fil-perjodu 2014-2020 biex l-Istati Membri jagħmlu pagamenti kontra l-impenji (ir-“regola n+3”) (9).

2.6.

Kif osservat il-Kummissjoni (10), id-dewmien fl-implimentazzjoni tal-programmi tal-Fondi SIE matul l-ewwel tliet snin tal-QFP 2014-2020 kien aktar minn dak li ġie esperjenzat fil-bidu tal-perjodu 2007-2013 għall-programmi tal-fondi strutturali u ta’ koeżjoni.

2.7.

Fid-dawl tal-livell baxx ta’ talbiet għal pagament riċevuti matul is-sena, l-awtoritajiet baġitarji emendaw il-baġit għall-2016 biex inaqqsu l-approprjazzjonijiet ta' pagament b’EUR 7,3  biljun (11). Anke b’dan it-tnaqqis, l-għadd baxx ta’ talbiet għal pagament wassal għall-ogħla surplus mill-2002: EUR 6,4  biljun (12) (2015: EUR 1,3  biljun).

2.8.

Il-QFP 2014-2020 għandu għadd ta’ strumenti biex jiffaċilitaw l-operazzjoni tal-baġit u jżommu l-fondi fir-riżerva. L-aktar importanti minn dawn huma:

(a)

Il-Marġni Globali għall-Pagamenti (MGP), li, kif stipulat fl-Artikolu 5 tar-Regolament dwar il-QFP, jippermetti li approprjazzjonijiet ta' pagament li ma ntużawx jiġu ttrasferiti għal snin futuri, dment li l-limitu massimu tal-QFP ma jinqabiżx. Għaldaqstant, l-ammont ta’ EUR 13,7  biljun mill-2016 li ma ntużax u li ssemma fil-paragrafu 2.4 jista’ jiġi riportat biex jintuża fi snin futuri. Il-limitu, indikat fil-prezzijiet tal-2011, għat-trasferiment ta’ approprjazzjonijiet ta' pagament li ma ntużawx, u li huma pprovduti fil-QFP għas-snin 2018-2020, huwa ta’ EUR 31 biljun (2018: EUR 7 biljun; 2019: EUR 11-il biljun; 2020: EUR 13-il biljun).

(b)

Erba’ “strumenti speċjali” (13) għal rispons għal avvenimenti mhux previsti u għal prijoritajiet li dejjem jinbidlu. Skont l-analiżi ta' nofs it-terminu li saret mill-Kummissjoni fl-2016 (14), l-ammont totali li għadu disponibbli sal-2020 kien ta’ EUR 7,4  biljun. Skont dikjarazzjoni tal-Kunsill (15), li nħarġet fiż-żmien meta saret ir-reviżjoni ta’ nofs it-terminu tal-QFP, tibqa’ l-prerogattiva tal-awtorità baġitarja li tiddeċiedi fuq bażi ta’ każ b’każ, jekk il-pagamenti relatati ma’ strumenti speċjali jistgħux jingħaddu 'l fuq mil-limitu massimu tal-pagamenti.

(c)

Marġni ta’ kontinġenza (16) ta’ mhux aktar minn 0,03  % tal-ING (madwar EUR 4,5  biljun) li jippermetti, bħala l-aħħar alternattiva, li jiġu ttrasferiti approprjazzjonijiet bejn is-snin u l-intestaturi b’rispons għal ċirkostanzi mhux previsti, dment li l-limiti massimi tal-QFP ma jinqabżux. Dan il-marġni ntuża għall-approprjazzjonijiet ta' pagament fl-2014, biex jiġi kkumpensat matul il-perjodu 2017-2020. Għall-approprjazzjonijiet ta' impenn, il-marġni ta’ kontinġenza ntuża biex, fl-2016 u fl-2017, EUR 2,1  biljun jiġu ttrasferiti għall-Intestaturi 3 u 4 tal-QFP minn intestaturi oħra, b’rispons għall-kriżi tar-refuġjati (17).

(d)

Il-Marġni Globali għall-Impenji (MGI) (18), li jippermetti li approprjazzjonijiet ta' impenn li ma ntużawx jiġu ttrasferiti għal snin futuri, iżda biex jintużaw biss għat-tkabbir u l-impjiegi, b’mod partikolari l-impjiegi taż-żgħażagħ. Kważi l-MGI kollu għall-2014 u l-2015 (EUR 1,8  biljun minn EUR 2,0  biljun (19)) ġie allokat għall-FEIS.

2.9.

Dawn l-istrumenti ġew stabbiliti biex sitwazzjonijiet ta’ emerġenza jiġu ttrattati u biex jiġi pprovdut ċertu ammont ta’ flessibbiltà fil-kuntest ta’ sistema baġitarja tal-UE maħsuba biex tipprovdi finanzjament prevedibbli għall-programmi ta’ nfiq tal-UE fuq terminu twil. Madankollu, billi l-programmi ta’ nfiq tal-UE esperjenzaw dewmien fl-ewwel snin tal-QFP 2014-2020 u huma mistennija li jżidu fir-ritmu fis-snin sal-2020, jista’ ma jkunx għad fadal biżżejjed flessibbiltà fi ħdan il-limiti massimi tal-QFP biex jiġi ffinanzjat ir-rispons tal-UE għal kwalunkwe avveniment mhux mistenni li għad jista’ jseħħ qabel tmiem il-QFP attwali.

2.9.

2.10.

Minbarra li jagħmel użu mill-marġnijiet deskritti hawn fuq, il-Kunsill jista’, permezz ta’ deċiżjoni unanima, jemenda huwa stess ir-Regolament dwar il-QFP biex jibdel il-limiti massimi għall-approprjazzjonijiet (20).

2.11.

Fl-2016, l-UE impenjat EUR 155,2  biljun minn ammont massimu possibbli ta’ EUR 156,1  biljun, li jikkorrispondu għal 99,4  % tat-total disponibbli (21), eskluż id-dħul assenjat.

2.12.

B'riżultat tal-użu kważi sħiħ li sar mill-approprjazzjonijiet ta' impenn u l-pagamenti aktar baxxi milli ppjanat, għall-ewwel, l-impenji pendenti naqsu fl-2014 u mbagħad reġgħu żdiedu fl-2015 u fl-2016, biex laħqu l-EUR 238,8  biljun, l-ogħla livell li qatt intlaħaq (ara l- Kaxxa 2.9 ). Huma wkoll previsti li jiżdiedu aktar fl-2017, billi l-baġit għall-2017 jipprevedi approprjazzjonijiet ta' impenn ta’ EUR 157,9  biljun u approprjazzjonijiet ta' pagament ta’ EUR 134,4  biljun, li jimplika żieda fl-impenji pendenti ta’ ammont li jista’ jlaħħaq it-EUR 23,5  biljun.

2.13.

Din it-totalità ta’ impenji pendenti tirrappreżenta d-differenza kumulattiva bejn l-impenji u l-pagamenti li saru fuqhom sa issa, mingħajr id-diżimpenji. Id-diżimpenji kienu jirrappreżentaw proporzjon relattivament żgħir ta’ impenji li saru fil-perjodu 2007-2016 (EUR 27 biljun minn total ta’ EUR 1 446  biljun jew 1,9  %).

2.14.

Il-maġġoranza kbira tal-impenji pendenti huma għall-programmi pluriennali ta’ nfiq, fejn l-intervall latenti bejn impenn u l-pagament korrispondenti tiegħu jista’ jkun ta’ aktar minn sena, u spiss ilaħħaq sa tliet snin. Ibbażat fuq iċ-ċifri tal-2016, l-impenji pendenti fi tmiem is-sena kienu 72 % ogħla minn dawk tal-2007 u kienu ekwivalenti għal 2,9  snin (22) ta’ pagamenti, meta mqabbel ma’ 2,2  snin fl-2007. Din iż-żieda fl-impenji pendenti għandha r-riskju li toħloq problemi ta’ finanzjament fil-futur (ara l-paragrafi 2.32 sa 2.39).

2.14.

2.15.

Minbarra l-impenji pendenti, l-UE kellha għadd ta’ obbligazzjonijiet, garanziji u obbligi ġuridiċi sinifikanti u fuq terminu twil li kienu għadhom pendenti fi tmiem l-2016.

2.16.

L-akbar obbligazzjoni waħdanija fuq terminu twil tal-UE tikkostitwixxi l-ammont ta’ EUR 67,2  biljun għall-pensjonijiet tal-persunal (2015: EUR 63,8  biljun). Għalkemm l-impjegati tal-UE jikkontribwixxu għall-pensjonijiet tagħhom, dawn il-kontribuzzjonijiet jiġu ttrattati bħala dħul ġenerali tal-baġit tal-UE u l-obbligazzjoni ma tiġix ikkumpensata minn assi speċifiċi.

2.17.

Fi snin reċenti, l-UE għamlet użu dejjem akbar mill-baġit biex tkopri l-garanziji għas-self u għall-istrumenti finanzjarji (ara l- Kaxxa 2.2 ). Dawn huma obbligazzjonijiet kontinġenti ddivulgati fil-kontijiet tal-UE (23). Irid jinżamm marġni bejn il-livell tal-approprjazzjonijiet ta' pagament fil-baġit u l-livell massimu permissibbli taħt id-DRP sabiex ikopri dawn il-garanziji f’każ ta’ ħtieġa.

(*)

L-esponiment fil-31 ta’ Diċembru 2016 jinkludi biss ammonti żborżati lill-benefiċjarji finali. Ammont ulterjuri ta’ EUR 17,5  biljun kien ġie kkuntrattat iżda kien għadu ma ġiex żborżat fi tmiem l-2016 (EUR 9,0  biljun taħt il-garanzija tal-mandat ta’ self estern, EUR 6,9  biljun taħt il-garanzija tal-FEIS u EUR 1,6  biljun taħt l-assistenza finanzjarja għal self relatat mal-MFA u l-Euratom).

(1)

Ara n-Nota 4.1.1 tal-“Kontijiet annwali konsolidati tal-UE – Sena finanzjarja 2016” (Il-“Kontijiet tal-UE għall-2016”).

(2)

Ara n-Nota 4.1.2 tal-kontijiet tal-UE għall-2016.

(3)

Ara n-Nota 4.1.3 tal-kontijiet tal-UE għall-2016.

2.18.

Il-baġit tal-UE għandu żewġ fondi biex ikopru l-garanziji baġitarji: il-Fond ta' Garanzija għall-azzjonijiet esterni, b’valur tal-assi ta’ EUR 2,3  biljun, u l-Fond ta' Garanzija tal-FEIS, b’valur tal-assi ta’ EUR 1,0  biljun fi tmiem l-2016 (24), li se jitla’ għal EUR 8 biljun sal-2022. Huwa jżomm ukoll provvediment kontra telf mistenni fuq garanziji, li kien jammonta għal EUR 0,9  biljun fi tmiem l-2016 (25), wara li matul is-sena nżdiedu provvedimenti li ammontaw għal EUR 0,5  biljun, inkluż għal self lis-Sirja. Għall-garanziji relatati mal-assistenza finanzjarja lill-Istati Membri, kwalunkwe obbligazzjoni li tirriżulta tista’ tiġi koperta minn approprjazzjonijiet lil hinn mil-limiti massimi tal-QFP (26), iżda trid titħallas permezz tal-baġit tal-UE.

2.19.

Il-Kummissjoni pproponiet li jiġi stabbilit fond komuni ta’ proviżjonament biex ikopri l-obbligazzjonijiet finanzjarji li jirriżultaw minn strumenti finanzjarji, garanziji baġitarji u assistenza finanzjarja (27).

2.20.

Kien hemm ukoll obbligi ġuridiċi sinifikanti fuq terminu twil li ma kinux koperti minn impenji baġitarji pendenti, u li ammontaw għal total ta’ EUR 22 biljun (28) fi tmiem is-sena (ara l- Kaxxa 2.3 ), u dawn se jitħallsu minn baġits annwali futuri.

2.21.

L-istrumenti finanzjarji li jibbenefikaw mill-appoġġ baġitarju tal-UE qed jiżdiedu (ara l- Kaxxa 2.4 ) u, skont il-projezzjonijiet, se jkomplu jagħmlu dan sal-2020. Jeħtieġ li l-ġestjoni ssir b’attenzjoni biex jiġi żgurat li jkun hemm użu effettiv, effiċjenti u ekonomiku tal-fondi disponibbli, u li kwalunkwe bidla ssir biss wara li valutazzjoni tal-impatt titwettaq b’attenzjoni.

2.21.

Kull meta huma previsti bidliet, jenħtieġ li l-valutazzjoni ex-ante tkun tinkludi analiżi tat-tagħlimiet li ttieħdu fi strumenti simili preċedenti.

Għal strumenti mmaniġġjati ċentralment l-bażijiet ġuridiċi rilevanti jipprevedu rieżamijiet jew evalwazzjonijiet ta’ nofs it-terminu.

Għal dawn ir-rieżamijiet futuri ta’ nofs it-terminu tal-istrumenti finanzjarji, il-Kummissjoni se tiżgura li dawn ikopru t-tagħlimiet meħuda u l-effett ta’ kwalunkwe bidla soċjoekonomika kbira fuq ir-raġuni tal-istrument u fuq il-kontribuzzjoni korrispondenti mill-baġit tal-UE.

2.22.

Il-FEIS se jkompli jikber u qed isir sors importanti ta’ finanzjament (29). Sa tmiem l-2016, il-Grupp tal-BEI kien iffirma kuntratti b’valur ta’ EUR 21,3  biljun għall-FEIS (30). Il-perjodu ta’ investiment tal-FEIS għadu ma spiċċax. Il- Kaxxa 2.5 turi d-distribuzzjoni tal-finanzjament mill-FEIS, skont l-Istat Membru sa tmiem l-2016.

2.22.

2.23.

Il-FEIS huwa strument ġdid, ċentralizzat u innovattiv, għall-Istati Membri biex jappoġġaw l-investiment ġewwa l-UE. Taħt l-arranġamenti ta’ governanza tal-FEIS, is-setgħat ta’ implimentazzjoni jiġu ddelegati lill-BEI, bi skrutinju pubbliku aktar limitat milli jintuża għal strumenti oħra appoġġati mill-baġit tal-UE, kif jidher fil- Kaxxa 2.8 .

2.23.

2.24.

Minħabba li l-fondi SIE jirrappreżentaw proporzjon sinifikanti tan-nefqa tal-amministrazzjoni pubblika ta’ xi Stati Membri, huwa importanti li jiġi osservat li, f’disa’ Stati Membri, l-impenji pendenti fuq il-fondi SIE jirrappreżentaw aktar minn 15 % tal-infiq tal-amministrazzjoni pubblika fl-2016 (ara l- Kaxxa 2.6 ).

2.25.

Minħabba li l-approprjazzjonijiet ta' impenn li għadhom disponibbli taħt il-QFP 2014-2020 huma konsiderevoli, l-Istati Membri fejn il-fondi SIE jirrappreżentaw perċentwal sinifikanti tan-nefqa tal-amministrazzjoni pubblika jistgħu jsibuha diffikultuża li jidentifikaw biżżejjed proġetti ta’ kwalità għolja li fuqhom jistgħu jonfqu l-fondi disponibbli tal-UE jew li jipprovdu kofinanzjament.

2.25.

2.26.

Id-dħul mill-baġit tal-UE jikkostitwixxi proporzjon sinifikanti tal-investiment kapitali ta’ xi Stati Membri f’sena partikolari. Dan ifisser li d-daqs u t-twaqqit ta’ tali dħul jista’ jkollu effetti makroekonomiċi sinifikanti, pereżempju fuq l-investiment, it-tkabbir u l-impjiegi, li jeħtieġ li jittieħdu inkunsiderazzjoni b’mod suffiċjenti meta jkun qed jiġi ppjanat l-infiq futur fil-baġit tal-UE (ara l- Kaxxa 2.7 ) (31).

(***)

Il-Kroazja ssieħbet fl-UE fl-2013.

2.27.

Fl-2016, waħda mill-isfidi ewlenin fil-qasam tal-ġestjoni finanzjarja kienet il-mobilizzazzjoni tar-riżorsi biex jiġu indirizzati l-kriżi tar-refuġjati u l-integrazzjoni tal-migranti, inkluż l-appoġġ ta’ emerġenza ġewwa l-UE. Ir-rispons finanzjarju tal-UE kien jinvolvi ż-żieda fil-finanzjament f’xi oqsma eżistenti, l-istabbiliment ta’ strumenti ġodda ta’ finanzjament u l-promozzjoni ta’ kontribuzzjonijiet addizzjonali minn partijiet terzi (32).

2.28.

Fl-2016, il-Kummissjoni ma rrappurtatx l-ammont kumplessiv ta’ fondi mmobilizzati għall-kriżi tar-refuġjati u tal-migrazzjoni, u huwa diffiċli biex dan jiġi stmat. Bħal f’ħafna każijiet, dawn il-fondi jikkostitwixxu parti biss mill-approprjazzjonijiet baġitarji allokati fl-oqsma ta' politika kkonċernati. Għalkemm il-Kummissjoni tirrapporta dwar kull strument individwali, sabiex tkun tista’ tirrapporta ċ-ċifra kumplessiva jkun jeħtieġ li tistabbilixxi stuttura speċifika ta’ rappurtar.

2.28.

Il-Kummissjoni se tanalizza konsolidazzjoni possibbli ta’ rappurtar eżistenti tagħha sabiex tipproduċi informazzjoni komprensiva dwar in-nefqa tar-refuġjati u tal-migrazzjoni.

2.29.

Il-baġit tal-UE evolva ħafna matul is-snin, u nżdiedu għadd ta’ mekkaniżmi oħra għall-finanzjament tal-politiki tal-UE. Dan l-iżvilupp kien ir-riżultat tal-ħtieġa li jinstabu fondi addizzjonali biex jingħata rispons għal sfidi ġodda, bħall-kriżi finanzjarja, l-azzjoni klimatika, il-migrazzjoni u r-refuġjati, u biex il-fondi disponibbli jintużaw b’mod aktar effiċjenti u innovattiv, pereżempju għal selfiet, garanziji u investiment ta’ ekwità.

2.29-2.31.

L-arkitettura finanzjarja attwali tal-UE għamlitha possibbli li timmobilizza fondi għal prijoritajiet ġodda u li jsir aktar b’inqas. Il-baġit tal-UE mhuwiex l-uniku strument li jiffinanzja l-politiki tal-UE. Madankollu, il-kontijiet tal-UE jinkludu l-istrumenti kollha u jikkonsolidaw l-aġenziji kollha b’impatt fuq il-baġit tal-UE. Il-kontijiet tal-UE huma awditjati mill-QEA. Xi mekkaniżmi nħolqu biex iwieġbu għall-kriżi taż-żona euro u huma ta’ natura intergovernattiva. Għal din ir-raġuni, dawn jaqgħu barra mill-qafas tal-baġit tal-UE. L-istrumenti oħra bħall-FEIS u l-Fond Ewropew tal-Investiment jikkomplimentaw il-mekkaniżmi ta’ konsenja tradizzjonali tal-baġit tal-UE, b’mod li jkabbru l-effett ta’ sensibilizzazzjoni u ta’ ingranaġġ tagħhom.

Rigward il-mekkaniżmi finanzjarji ġodda, il-korpijiet kollha li qed jimmaniġġjawhom jipprovdu rapporti akkontabilistiċi u opinjoni minn awditur estern. Barra minn hekk, għal raġunijiet ta’ akkontabilità u trasparenza, jiġu pprovduti wkoll rapporti speċifiċi pereżempju dwar strumenti finanzjarji, fondi fiduċjarji u l-Faċilità għar-Refuġjati fit-Turkija.

Il-Kummissjoni adottat dokument ta’ riflessjoni dwar il-futur tal-finanzi tal-UE, li fih tiġi spjegata l-arkitettura finanzjarja attwali tal-UE. Dan is-suġġett se jkun element ewlieni tal-QFP li ġej.

2.30.

B’riżultat ta’ dan, l-għadd ta’ entitajiet u ta’ strumenti involuti fl-iffinanzjar tal-implimentazzjoni tal-politiki tal-UE żdied konsiderevolment, u dan ħoloq xibka kumplessa ta’ arranġamenti madwar il-baġit tal-UE (ara l- Kaxxa 2.8 ).

2.31.

Il-baġit tal-UE huwa mekkaniżmu waħdieni li huwa suġġett għal regoli speċifiċi. Dan jgħin biex il-partijiet interessati tagħna ikollhom obbligu ta’ rendikont u trasparenza, u dawn jinkludu l-Parlament Ewropew u l-Kunsill. L-użu dejjem akbar ta’ mekkaniżmi finanzjarji oħra biex il-politiki tal-UE jiġu attwati id f’id mal-baġit tal-UE għandu r-riskju li jimmina dan il-livell ta’ obbligu ta’ rendikont u trasparenza, billi l-arranġamenti ta’ rappurtar, tal-awditjar u ta’ skrutinju pubbliku mhumiex allinjati. Pereżempju, aħna nawditjaw u nirrappurtaw dwar xi wħud biss mill-mekkaniżmi finanzjarji, u dan jillimita l-iskrutinju pubbliku. Fil-fehma tagħna, l-arranġamenti attwali jagħmluha diffiċli biex il-ġestjoni, l-awditjar, l-iskrutinju u r-rappurtar isiru b’mod effettiv, u biex tingħata stampa ġenerali u adegwata tal-ispiża u l-benefiċċji tal-UE għaċ-ċittadini.

(1)

Inklużi impenji legali li għadhom mhumiex koperti minn approprjazzjonijiet baġitarji ta' impenn: il-Faċilità Nikkollegaw l-Ewropa (CEF), Copernicus, ITER, Galileo, ftehimiet dwar is-sajd u oħrajn.

(2)

L-Inizjattiva favur l-SMEs immaniġġjata mill-BEI f’isem l-Istati Membri permezz ta’ ġestjoni kondiviża mal-Kummissjoni; strumenti finanzjarji oħra mmaniġġjati mill-BEI f’isem il-Kummissjoni bħala entità fdata.

(3)

Il-Bord governattiv/maniġerjali, b’membri minn kull Stat Membru bħala korp deċiżjonali.

(4)

Immaniġġjat mill-BEI f’isem il-Kummissjoni bħala entità fdata.

(5)

Il-fondi u l-operazzjonijiet jiġu implimentati mill-Istati Membri.

(6)

Il-Bord governattiv/maniġerjali, b’membri mill-Istati Membri u minn partijiet interessati oħra bħala korp deċiżjonali. Mhux l-Istati Membri kollha huma rrappreżentati f’kull Bord.

(7)

Hija biss dik il-parti tal-Istrumenti ta’ Finanzjament kombinat iffinanzjata mill-Baġit Ġenerali tal-UE li hija suġġetta għal kwittanza mill-awtoritajiet baġitarji.

(8)

Strumenti tal-Kooperazzjoni għall-Iżvilupp (DCI): Faċilità ta’ investiment tal-Viċinat (NIF); Faċilità ta’ Investiment għall-Asja Ċentrali IFCA) u Faċilità ta’ Investiment għall-Asja (AIF); Faċilità ta' Investiment għall-Amerika Latina (FIAL)

(9)

Iffinanzjat minn banek kummerċjali. Il-Bord maniġerjali jikkonsisti f’membri minn kull Stat Membru.

(10)

Huma biss dawk l-operazzjonijiet garantiti mill-baġit ġenerali tal-UE li jiġu awditjati mill-QEA.

(11)

Rapport ta’ implimentazzjoni tal-baġit mibgħut lill-Kunsill – Kwittanza mill-bordijiet maniġerjali tal-aġenziji. Il-Kummissjoni tista’ tipparteċipa, f’isem l-UE, fil-proġetti tal-aġenziji. L-Istati Membri ta’ kull aġenzija jipprovdu finanzjament. Ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà hija responsabbli għall-organizzazzjoni u l-funzjonament ġenerali tal-aġenziji.

(12)

Entità intergovernattiva.

(13)

Is-setgħat ta’ awditjar li għandha l-QEA huma limitati għall-eżaminar tal-effiċjenza operazzjonali tal-ġestjoni tal-BĊE.

(14)

Huwa biss il-mandat UE tal-BEI li jiġi awditjat mill-Qorti Ewropea tal-Awdituri. Il-FEI huwa parti mill-Grupp tal-BEI.

(15)

L-azzjonisti huma l-Istati Membri tal-UE, pajjiżi oħra, l-UE u l-BEI.

2.32.

Hemm riskju li, fis-snin finali tal-QFP attwali u fl-ewwel snin tal-QFP li jmiss, jinħolqu arretrati ta’ klejms mhux imħallsa simili għal dawk li kien hemm fl-2013-2015. Dan għaliex jista’ jkun li l-approprjazzjonijiet ta' pagament approvati taħt il-QFP attwali ma jkunux adegwati biex il-klejms kollha ippreżentati għall-pagament jitħallsu sal-2020 (33).

2.32.

2.33.

Fil-previżjoni tagħha li twassal sa tmiem l-2020 u li ġiet ippreżentata fl-analiżi ta' nofs it-terminu (34), il-Kummissjoni kkonkludiet li l-limiti massimi kumplessivi tal-pagamenti tal-QFP 2014-2020 għandhom ikunu suffiċjenti bl-eżatt, biex b’hekk jiġu evitati arretrati ġodda u anormali ta’ klejms mhux imħallsa fi tmiem il-perjodu. Madankollu, dan kien jiddependi mill-eventwalità li l-istrumenti speċjali jingħaddu lil hinn mil-limiti massimi tal-QFP u li jitneħħew l-ammonti massimi għall-użu tal-marġni globali għall-pagamenti fil-perjodu 2018-2020, stipulat fir-Regolament dwar il-QFP. Wara r-reviżjoni tar-Regolament dwar il-QFP (35), hemm inċertezza dwar jekk l-istrumenti speċjali fil-fatt humiex se jingħaddu lil hinn mil-limiti massimi (ara l-paragrafu 2.8(b)), u jekk l-ammonti massimi fuq il-marġni globali għall-pagamenti humiex se jitħallew (ara l-paragrafu 2.8(a)). Barra minn hekk, jista’ jkun li l-Istati Membri jippreżentaw ammont ta’ klejms għall-pagamenti li jkun ogħla milli kien antiċipat.

2.33.

2.34.

Jekk ix-xejriet eżistenti jkomplu (36), aħna nipprojettaw li l-impenji pendenti (ara l- Kaxxa 2.9 ) se jilħqu rekord ta’ EUR 262 biljun sal-2020, ammont li huwa qrib għall-projezzjoni tal-Kummissjoni ppreżentata fl-analiżi ta' nofs it-terminu (37).

2.35.

Dawn l-impenji pendenti jkollhom jitħallsu bl-użu ta’ approprjazzjonijiet ta' pagament mill-QFP li jmiss, prinċipalment matul l-ewwel tliet snin tal-QFP li jmiss.

2.36.

Sabiex din iż-żieda fl-impenji pendenti tiġi eliminata, u għaldaqstant sabiex l-esponiment addizzjonali u r-riskju li jinħolqu arretrati jiġu indirizzati, jistgħu jiġu inklużi biżżejjed approprjazzjonijiet addizzjonali ta' pagament b’żieda ma’ dawk meħtieġa biex ikopru l-programmi l-ġodda tal-QFP li jmiss u/jew jistgħu jitnaqqsu l-approprjazzjonijiet ta' impenn għall-programmi l-ġodda taħt il-QFP li jmiss u jitħallew biżżejjed approprjazzjonijiet ta' pagament biex ikopru dawn l-impenji pendenti.

2.37.

Dan ikun preferibbli milli kieku jintuża dewmien fl-implimentazzjoni tal-programmi taħt il-QFP il-ġdid sabiex jiġu ġġenerati biżżejjed approprjazzjonijiet ta' pagament biex ikopru l-impenji pendenti, kif ġara mingħajr ma kien intenzjonat fl-ewwel snin tal-QFP attwali, peress li dan sempliċiment jipposponi l-problema mill-ġdid.

2.38.

L-Artikolu 323 tat-TFUE jipprovdi li “l-Parlament Ewropew, il-Kunsill u l-Kummissjoni għandhom jassiguraw li jkun hemm disponibbli l-mezzi finanzjarji sabiex jippermettu li l-Unjoni tissodisfa l-obbligi legali tagħha fir-rigward ta' partijiet terzi”. Id-Deċiżjoni tal-Kunsill dwar ir-Riżorsi Proprji (38) tirrikjedi li “għandu jinżamm proporzjon ordnat bejn approprjazzjonijiet għall-impenji u approprjazzjonijiet għall-pagamenti biex jiggarantixxi l-kompatibbiltà tagħhom …”.

2.39.

Il-Kummissjoni se jkollha l-opportunità li tindirizza din il-kwistjoni meta tkun qed tippreżenta l-proposti tagħha għall-QFP il-ġdid (39) fuq il-bażi ta’ previżjoni għall-ħtiġijiet tal-infiq fil-perjodu wara l-2020 (40), kif irrakkomandat fir-rapporti annwali tagħna ta’ dawn l-aħħar snin (41).

2.40.

Id-dewmien fl-implimentazzjoni tal-programmi fl-ewwel tliet snin tal-QFP attwali wassal biex l-approprjazzjonijiet ta' impenn jiġu ttrasferiti mill-2014, prinċipalment għall-2015 u l-2016, u biex ikun hemm livell baxx ta’ pagamenti fl-2016 (il-paragrafi 2.4 sa 2.10).

2.41.

Strumenti speċjali u marġnijiet intużaw b’mod estensiv, iżda l-ammonti li fadal jistgħu ma jkunux biżżejjed biex jiffinanzjaw avvenimenti mhux mistennija li għadhom jistgħu jseħħu qabel l-2020 (il-paragrafi 2.8 sa 2.10).

2.41.

2.42.

Inħoloq livell rekord ta’ impenji pendenti, 72 % ogħla minn dak fl-2007. Dan żied l-ammonti dovuti mill-UE u, għaldaqstant, l-esponiment finanzjarju tal-baġit tal-UE (il-paragrafi 2.11 sa 2.14). L-esponiment finanzjarju kumplessiv tal-baġit tal-UE kiber, b’obbligazzjonijiet, garanziji u obbligi ġuridiċi sinifikanti u fuq terminu twil (il-paragrafi 2.15 sa 2.20), li jimplika li jeħtieġ li l-ġestjoni ssir b’attenzjoni fil-futur.

2.42.

2.43.

L-UE qed tagħmel użu dejjem akbar minn strumenti finanzjarji. L-istabbiliment tal-FEIS joħloq arranġamenti ġodda ta’ governanza bi skrutinju pubbliku aktar limitat milli jintuża għal strumenti oħra appoġġati mill-baġit tal-UE (il-paragrafi 2.21 sa 2.23).

2.43.

2.44.

Il-fondi tal-UE jikkontribwixxu għal sehem sinifikanti mill-infiq ta’ xi Stati Membri, u l-volum ta’ fondi u t-twaqqit ta’ meta jiġu riċevuti jista’ jkollhom impatt makroekonomiku konsiderevoli pereżempju fuq l-investiment, it-tkabbir u l-impjiegi (il-paragrafi 2.24 sa 2.26).

2.45.

Il-Kummissjoni mmobilizzat diversi riżorsi biex tindirizza l-kriżi tar-refuġjati u tal-migrazzjoni, iżda ma stabbilietx struttura ta’ rappurtar biex tkun tista’ tirrapporta b’mod komprensiv dwar l-użu tal-fondi involuti (il-paragrafu 2.27 u 2.28).

2.45.

Il-Kummissjoni se tanalizza konsolidazzjoni possibbli ta’ rappurtar eżistenti tagħha sabiex tipproduċi informazzjoni komprensiva dwar in-nefqa tar-refuġjati u tal-migrazzjoni.

2.46.

Il-mekkaniżmi għall-finanzjament tal-politiki tal-UE saru dejjem aktar kumplessi, u dan għandu r-riskju li jdgħajjef l-obbligu ta’ rendikont u t-trasparenza (il-paragrafi 2.29 sa 2.31).

2.46.

2.47.

Jistgħu jinħolqu arretrati ta’ pagamenti lejn tmiem il-QFP attwali u fl-ewwel ftit snin tal-QFP li jmiss, u l-iffinanzjar tal-QFP il-ġdid se jkun jirrikjedi approprjazzjonijiet baġitarji realistiċi biex ikopru l-impenji pendenti projettati (il-paragrafi 2.32 sa 2.39).

2.47.

2.48.

Aħna nirrakkomandaw li l-Kummissjoni:

—

Rakkomandazzjoni 1: fil-previżjoni tagħha tal-approprjazzjonijiet ta' pagament għall-QFP li jmiss, tieħu inkunsiderazzjoni ż-żieda fl-impenji pendenti sabiex tgħin biex jinżamm bilanċ ordnat bejn l-approprjazzjonijiet ta' impenn u dawk ta’ pagament.

—

Rakkomandazzjoni 2: flimkien mal-Parlament Ewropew u l-Kunsill, tiżgura approċċ konsistenti għall-kwistjoni ta’ jekk l-istrumenti speċjali għandhomx jingħaddu jew le fil-limiti massimi applikabbli għall-approprjazzjonijiet ta' pagament fil-QFP.

—

Rakkomandazzjoni 3: għal skopijiet ta’ ġestjoni u rappurtar, tistabbilixxi mod ta’ kif tirreġistra l-infiq baġitarju tal-UE li jippermetti li fil-futur isir rappurtar dwar il-finanzjament kollu relatat mal-kriżi tar-refuġjati u tal-migrazzjoni.

—

Rakkomandazzjoni 4: fil-kuntest tad-dibattitu dwar il-futur tal-Ewropa, tistieden lill-Parlament Ewropew u lill-Kunsill biex iqisu kif is-sistema baġitarja tal-UE tkun tista’ tiġi riformata biex tipprovdi bilanċ aħjar bejn il-prevedibbiltà u l-kapaċità ta’ rispons, kif ukoll xi jkun l-aħjar mod li jiżgura li l-arranġamenti kumplessivi ta’ finanzjament ma jkunux aktar kumpessi milli meħtieġ biex jintlaħqu l-objettivi ta' politika tal-UE u biex jiġu garantiti l-obbligu ta’ rendikont, it-trasparenza u l-possibbiltà li jiġu awditjati.

3.1.

Kull sena, f’dan il-kapitolu, aħna nanalizzaw għadd ta’ aspetti relatati mal-prestazzjoni: ir-riżultati miksuba mill-baġit tal-UE, li jiġi implimentat mill-Kummissjoni f’kooperazzjoni mal-Istati Membri (1). Din is-sena aħna ħarisna speċifikament lejn:

3.2.

Il-biċċa l-kbira mill-organizzazzjonijiet il-kbar u bi struttura kumplessa għandhom proċeduri għall-kejl tal-prestazzjoni u għar-rappurtar dwaru, biex jagħtu indikazzjoni tas-suċċess tal-operazzjonijiet u jiġbdu l-attenzjoni għat-titjib li jeħtieġ isir. Fil-paragrafi 3.3-3.12, aħna nagħtu stampa ġenerali tal-qafas għar-rappurtar dwar il-prestazzjoni. Fil-paragrafi 3.13-3.51, aħna nqabblu dan il-qafas ma’ standards u prattika tajba li jiġu applikati bnadi oħra.

3.3.

Fi snin reċenti, il-Kummissjoni introduċiet bosta bidliet f’dan il-qasam – notevolment billi nediet l-inizjattiva ta’ “baġit iffukat fuq ir-riżultati” (BFOR) (2). Ir-rappurtar dwar il-prestazzjoni jinsab fil-qalba tal-inizjattiva, li għandha l-għan li ssib modi ta’ kif jista’ jsir titjib fis-sinċerità, il-puntwalità u l-effiċjenza tal-komunikazzjoni dwar ir-riżultati tal-baġit tal-UE.

3.3.

3.4.

Il- Kaxxa 3.1 tagħti stampa ġenerali tal-qafas għar-rappurtar dwar il-prestazzjoni. Hija tirrifletti d-distinzjoni li l-Kummissjoni tagħmel bejn il-prestazzjoni proprja tagħha u dik tal-baġit tal-UE. F’din it-taqsima, aħna niddeskrivu r-rapporti prinċipali li jidhru fil-kaxxa.

3.4.

3.5.

Ir-Regolament Finanzjarju jirrikjedi li l-Kummissjoni tħejji “dikjarazzjonijiet tal-programmi” (3) biex tiġġustifika l-finanzjament li jintalab għall-programmi tal-UE fl-abbozz tal-baġit. Għal kull programm, id-dikjarazzjonijiet jinkludu aġġornament dwar l-implimentazzjoni, flimkien ma’ informazzjoni ewlenija, kemm finanzjarja kif ukoll dwar il-prestazzjoni (4), ibbażata fuq indikaturi li se jkunu japplikaw matul il-qafas finanzjarju pluriennali ta’ seba’ snin (ara l- Kaxxa 3.2 ). Dan l-approċċ jippermetti li l-awtorità baġitarja tieħu inkunsiderazzjoni l-prestazzjoni matul il-proċedura baġitarja.

3.5.

3.6.

F’xi oqsma ta’ nfiq, it-TFUE, ir-Regolament Finanzjarju jew ir-regoli speċifiċi għas-settur jirrikjedu li l-Kummissjoni tħejji rapporti settorjali. Peress li l-għan, l-istruttura u l-kontenut ta’ dawn ir-rapporti jvarjaw skont ir-rekwiżiti differenti, il-fokus tagħhom fuq aspetti relatati mal-prestazzjoni jvarja wkoll. Xi rapporti settorjali jipprovdu informazzjoni estensiva u kkwantifikata dwar il-prestazzjoni. Il-Kummissjoni timmonitorja online xi data dwar il-prestazzjoni li hija speċifika għas-settur u ta’ spiss taġġorna l-informazzjoni.

3.7.

Id-direttorati ġenerali (DĠ) tal-Kummissjoni ħejjew “pjanijiet strateġiċi” pluriennali (2016-2020), li jissettjaw għanijiet li jagħtu direzzjoni fuq terminu medju lill-attivitajiet operazzjonali. Fil-“pjanijiet ta’ ġestjoni”, id-direttorati ġenerali jibdlu l-istrateġija u l-objettivi pluriennali tagħhom f’outputs, azzjonijiet u interventi annwali. Ir-rapport annwali tal-attività (RAA) ta’ kull DĠ jippreżenta r-riżultati b’referenza għall-objettivi ssettjati, u valutazzjoni ta' kemm in-nefqa operazzjonali kkontribwiet għal kisbiet politiċi (6). Ir-RAA jinkludu wkoll informazzjoni finanzjarja u ta’ ġestjoni, bħar-riżultati ta’ kontrolli li jirrigwardaw il-legalità u r-regolarità.

3.8.

Fil-Linji gwida għal Regolamentazzjoni Aħjar (BRGs) (7), il-Kummissjoni tiddefinixxi evalwazzjoni bħala ġudizzju, ibbażat fuq l-evidenza, tal-punt sa fejn intervent ikun:

3.9.

Il-Linji gwida għal Regolamentazzjoni Aħjar jimpenjaw lill-Kummissjoni biex tevalwa, b’mod proporzjonat, l-attivitajiet kollha tal-UE li huma maħsuba biex ikollhom impatt soċjali jew ekonomiku, kemm jekk dawn ikunu relatati mal-infiq kif ukoll jekk le. Kull DĠ huwa responsabbli għall-evalwazzjoni tal-attivitajiet proprji tiegħu. L-evalwazzjonijiet jistgħu jkunu kompletament ċentralizzati f’unità orizzontali, iddelegati kompletament lil unitajiet operazzjonali jew, f’mudell ibridu, deċentralizzati għal skopijiet ta’ ġestjoni operazzjonali iżda b’appoġġ mogħti minn unità ċentrali ta’ evalwazzjoni.

3.10.

Sa tmiem l-2015, il-Kummissjoni kellha database tal-evalwazzjonijiet (8) li kien fiha r-rekords ta’ kważi 1 600  evalwazzjoni li twettqu bejn l-1999 u l-2015, medja ta’ 100 kull sena (ara l- Kaxxa 3.3 ). Fl-2016, l-ispiża totali tal-evalwazzjonijiet kienet ta’ aktar minn EUR 60 miljun (EUR 210 miljun jekk jiġu inklużi l-istudji (9)). Minn dak iż-żmien 'il hawn, il-Kummissjoni ma komplietx bid-database pubblika tal-evalwazzjonijiet u introduċiet “database tal-istudji”. Skont il-Kummissjoni, l-iskop prinċipali ta’ din tal-aħħar huwa li tippermetti lill-istituzzjonijiet differenti tal-UE jikkondividu bejniethom is-sejbiet mill-evalwazzjonijiet, filwaqt li l-pjattaforma pubblika għall-kondiviżjoni tal-informazzjoni rkollha relatata mal-evalwazzjonijiet u l-istudji hija l-EU Bookshop.

3.11.

Ir-rapport annwali dwar il-ġestjoni u l-prestazzjoni jikkostitwixxi rispons għar-rekwiżiti stipulati kemm fl-Artikolu 318 TFUE (għal valutazzjoni ibbażata fuq ir-riżultati tal-finanzi tal-UE) u l-Artikolu 66(9) tar-Regolament Finanzjarju (għal sommarju tar-rapporti annwali tal-attività). Billi għaqqdet flimkien żewġ rapporti li qabel kienu separati, il-Kummissjoni mmirat li tipproduċi dokument uniku għall-awtorità ta’ kwittanza, li jkopri kemm il-ġestjoni tal-baġit tal-UE kif ukoll l-evalwazzjoni tar-riżultati miksuba.

3.11.

3.12.

Hemm rapporti oħra tal-Kummissjoni, kemm regolari kif ukoll okkażjonali, li jinkludu informazzjoni dwar l-objettivi u l-indikaturi tal-prestazzjoni, kif ukoll dwar il-benefiċċji jew il-kisbiet tal-proġetti.

(i)

Ir-rapport annwali ġenerali dwar l-attivitajiet tal-Unjoni Ewropea (10), li jiġi ppubblikat f’Marzu, jagħti dettalji dwar l-avvenimenti, l-inizjattivi u d-deċiżjonijiet importanti tas-sena preċedenti, miġburin flimkien skont l-10 prijoritajiet tal-Kummissjoni.

(ii)

Ir-rapport finanzjarju annwali dwar il-baġit tal-UE (11), li jiġi ppubblikat f’Lulju bħala parti mill-pakkett integrat ta’ rappurtar finanzjarju tal-Kummissjoni, jittratta l-ġestjoni baġitarja fis-sena preċedenti.

(iii)

Id-dokument “Il-Kummissjoni ta’ Juncker: sentejn wara” (12) kien serje ta’ preżentazzjonijiet ippubblikati f’Novembru 2016 biex jagħtu stampa ġenerali tal-progress li sar fuq l-10 prijoritajiet tal-Kummissjoni fl-ewwel sentejn tal-mandat.

(iv)

Id-diskors annwali tal-President “L-istat tal-Unjoni” (13) li sar lill-Parlament Ewropew f’Settembru, li għalih jiġu ppubblikati dokumenti ta’ sostenn.

(v)

L-għodda għall-web “Riżultati tal-UE” (14), hija ġabra online ta’ proġetti ffinanzjati mill-UE, li kull wieħed minnhom ikollu rapport tar-riżultati u, xi drabi, data numerika.

3.13.

Biex nidentifikaw prattika tajba fir-rappurtar dwar il-prestazzjoni, aħna:

(i)

ikkonsultajna l-istandards internazzjonali rilevanti, bħal-Linja gwida ta’ Prattika Rakkomandata Nru 3 tal-IPSASB – “Reporting Service Performance Information” (Rappurtar ta’ Informazzjoni dwar il-Prestazzjoni tas-Servizz) (15);

(ii)

wettaqna stħarriġ dwar ir-rappurtar dwar il-prestazzjoni; minbarra risposta komprensiva mill-Kummissjoni, aħna qisna 17-il risposta mill-Istati Membri tal-UE, amministrazzjonijiet nazzjonali oħra kif ukoll organizzazzjonijiet internazzjonali oħra;

(iii)

eżaminajna informazzjoni ppubblikata dwar il-prestazzjoni għal selezzjoni ta’ 14-il amministrazzjoni governattiva u organizzazzjoni internazzjonali (16);

(iv)

eżaminajna r-rapporti ta' valutazzjoni maħruġa mill-Multilateral Organization Performance Assessment Network (Netwerk ta’ Valutazzjoni tal-Prestazzjoni ta' Organizzazzjonijiet Multilaterali) (MOPAN) (17) bejn l-2011 u l-2016; dawn dejjem kienu jinkludu elementi rigward ir-rappurtar dwar il-prestazzjoni tal-organizzazzjonijiet.

3.14.

Filwaqt li hemm differenzi importanti bejn l-UE u organizzazzjonijiet u gvernijiet internazzjonali oħra, dawn tal-aħħar ukoll iridu jikkonformaw mar-rekwiżiti legali u huma suġġetti għal restrizzjonijiet operattivi speċifiċi. Organizzazzjonijiet internazzjonali oħra huma wkoll esposti għal kumplikazzjonijiet meta jiġu biex jistabbilixxu rabta bejn l-azzjonijiet tagħhom u l-impatt/il-prestazzjoni finali. Aħna identifikajna sitt oqsma (il-punti B sa G hawn taħt) fejn il-prattika tajba li osservajna tista’ tgħin lill-Kummissjoni biex tkompli tiżviluppa r-rappurtar tagħha dwar il-prestazzjoni.

3.14.

3.15.

Fl-Awstralja, id-dipartimenti tal-gvern jipproduċu tliet dokumenti prinċipali bħala parti mill-qafas ta’ prestazzjoni: dikjarazzjonijiet baġitarji għall-portafoll li jikkwantifikaw il-baġits tal-programmi, pjanijiet korporattivi li jistipulaw l-iskopijiet u l-attivitajiet ta’ entitajiet pubbliċi, u rapporti annwali bil-feedback dwar ir-riżultati. L-entitajiet iridu jiżguraw il-koerenza (“ċarezza”) bejn dawn id-dokumenti (18). Il-kriterji tal-prestazzjoni f’kull dokument iridu jiġu rrappurtati kollettivament f’dikjarazzjoni annwali unika dwar il-prestazzjoni (li tkun tinsab fir-rapporti annwali fi tmiem is-sena finanzjarja).

3.16.

Fi Franza, il-baġit tal-Istat huwa suddiviż f’“missjonijiet”. Kull waħda mill-31 missjoni fil-baġit tinkludi bosta programmi (118 fl-2017). Kull programm għandu strateġija, objettivi u indikaturi tal-prestazzjoni kkwantifikati, u l-indikaturi l-aktar importanti huma wkoll identifikati bħala indikaturi tal-missjoni. L-użu ta’ indikaturi identiċi jiżgura l-koerenza bejn il-missjonijiet u l-programmi. L-indikaturi jkopru kemm il-prestazzjoni tal-programmi kif ukoll il-prestazzjoni tad-dipartimenti tal-gvern.

3.17.

Fil-Kanada, l-organizzazzjonijiet federali kollha li jirċievu approprjazzjonijiet baġitarji jridu jippjanaw u jimmaniġġjaw l-operazzjonijiet tagħhom u jirrappurtaw il-prestazzjoni tagħhom bi tqabbil ma’ serje ta’ 16-il qasam ta’ eżiti fil-livell tal-gvern. Dan il-qafas jistabbilixxi relazzjoni ċara u diretta bejn l-allokazzjonijiet finanzjarji, l-attivitajiet tal-programmi u l-eżiti nazzjonali.

3.18.

Qabel il-bidu tal-QFP 2014-2020, il-Kummissjoni tat struzzjonijiet lis-servizzi tagħha biex “japprofondixxu l-qafas ta’ prestazzjoni” (19). Biex tikseb dan, hija ssettjat regola interna (20) li l-objettivi u l-indikaturi l-ġodda tal-programmi jridu jidhru b’mod ċar fid-dikjarazzjonijiet tal-programmi, fil-pjanijiet ta’ ġestjoni u fir-RAA. Dan sar għall-ewwel darba fl-2014, li ppermetta li l-Kummissjoni tippreżenta narrattiva koerenti dwar il-prestazzjoni: miri li għalihom ġew allokati xi flus fil-baġit saru parti mill-proċess ta’ ppjanar fil-pjan ta’ ġestjoni tad-DĠ rilevanti, u r-riżultati ġew irrappurtati fir-RAA tagħha.

3.18.

3.19.

Madankollu, mill-2016 'il hawn, il-Kummissjoni ma komplietx tapplika dan l-approċċ. Minflok, hija ħolqot dokument ta’ ppjanar ġdid, il-pjan strateġiku ta’ ħames snin, li fih id-direttorati ġenerali huma mistennija jissettjaw objettivi u indikaturi organizzazzjonali ġodda li huma allinjati mal-prijoritajiet tal-Kummissjoni iżda li huma distinti mill-objettivi u l-indikaturi li diġà jeżistu għall-programmi. Issa, ir-RAA jirrappurtaw dwar il-qafas ta’ prestazzjoni ssettjat fil-pjanijiet strateġiċi u l-pjanijiet ta’ ġestjoni, u għandhom jagħmlu referenza għad-dikjarazzjonijiet tal-programmi f’dak li jirrigwarda r-riżultati tal-programmi. Madankollu, mis-sitt RAA tal-2016 li eżaminajna, wieħed biss uża kontroreferenzi għall-prestazzjoni li ġiet irrappurtata fid-dikjarazzjonijiet tal-programmi. Dan jillimita l-kumparabbiltà bejn it-tipi differenti ta’ dokumenti dwar il-prestazzjoni, u ma jirriflettix il-fatt li l-Kummissjoni hija fl-aħħar mill-aħħar responsabbli għall-implimentazzjoni tal-baġit fir-rigward tal-prinċipji tal-ġestjoni finanzjarja tajba.

3.19.

Għal din ir-raġuni, ma għadux meħtieġ l-allinjament tal-objettivi u l-indikaturi fil-qafas tal-prestazzjoni tas-servizzi tal-Kummissjoni ma’ dawk definiti fil-bażijiet ġuridiċi tal-programmi. Madankollu, is-servizzi tal-Kummissjoni huma mistiedna jagħmlu referenza għad-dikjarazzjonijiet tal-programm meta jiddeskrivu l-attivitajiet tagħhom fir-rigward tal-programmi. Dan jgħin biex tiġi limitata d-duplikazzjoni tal-informazzjoni u tiġi żgurata l-konsistenza tad-dejta u se jissaħħaħ fil-ġejjieni.

Il-Kummissjoni tqis li r-responsabbiltà tagħha biex timplimenta l-baġit hija ċara. Kull Direttur Ġenerali fir-Rapport Annwali ta’ Attività tiegħu/tagħha jiffirma dikjarazzjoni ta’ assigurazzjoni fejn jistqarr li r-riżorsi ntużaw għall-għan maħsub u skont il-prinċipji ta’ ġestjoni finanzjarja soda, u li t-tranżazzjonijiet sottostanti huma legali u regolari. Fil-livell korporattiv, il-Kulleġġ jieħu r-responsabbiltà politika ġenerali għall-ġestjoni tal-baġit tal-UE billi jadotta kull sena r-Rapport Annwali ta’ Ġestjoni u Prestazzjoni għall-baġit tal-UE.

3.20.

Il-Kummissjoni tuża ripartizzjoni differenti ta’ rappurtar għall-infiq u għall-prestazzjoni. Ir-RAA jirrappurtaw dwar il-pagamenti annwali tad-direttorati ġenerali skont it-tip ta’ attività/programm ta’ nfiq, iżda jirrappurtaw dwar il-prestazzjoni skont l-ilħuq ta’ objettivi ġenerali u speċifiċi mingħajr l-ebda indikazzjoni tal-infiq korrispondenti. B’konsegwenza ta’ dan, mhuwiex possibbli li jiġi eżaminat kemm intnefqu flus fuq l-ilħuq tal-objettivi ssettjati. B’mod simili, ir-rapport annwali dwar il-ġestjoni u l-prestazzjoni ma jinkludix informazzjoni dwar l-infiq relatat mal-prestazzjoni tal-programmi, ripartita skont l-objettivi ġenerali u dawk speċifiċi.

3.20.

3.21.

Fl-2016, l-OECD wettqet stħarriġ dwar l-ibbaġitjar abbażi tal-prestazzjoni fil-pajjiżi tal-OECD u fil-Kummissjoni. Iċ-ċart fil- Kaxxa 3.4 tqabbel l-eżistenza, l-użu u l-konsegwenzi (21) tal-oqfsa ta’ prestazzjoni fid-diversi ġurisdizzjonijiet. L-OECD qieset li l-qafas ta’ prestazzjoni tal-Kummissjoni kien l-aktar estensiv, li jista’ jiġi parzjalment spjegat mill-volum ta’ rekwiżiti legali fl-UE. Madankolu, iċ-ċart tal-OECD tindika li l-użu u l-konsegwenzi tal-qafas għat-teħid ta’ deċiżjonijiet ma jirriflettux dan il-livell ogħla ta’ speċifikazzjoni.

3.21.

L-informazzjoni dwar il-prestazzjoni fir-rigward tal-programmi tal-infiq hija użata mill-Kummissjoni għal (a) l-immonitorjar tal-progress tal-programm, (b) l-obbligu ta’ rendikont u t-trasparenza, (c) l-alimentar tat-teħid ta’ deċiżjonijiet dwar il-ġestjoni ta’ programm; (d) l-iġġustifikar jew il-proponiment ta’ aġġustament tal-allokazzjoni ta’ fondi lill-awtoritajiet baġitarji; (e) l-iżvilupp ta’ proposti għal tibdil fil-bażi legali jew għal programmi futuri.

Il-Kummissjoni tinnota, madankollu, li filwaqt li l-informazzjoni dwar il-prestazzjoni hija kkunsidrata waqt il-proċedura baġitarja annwali, din mhijiex l-uniku fattur tad-deċiżjonijiet baġitarji.

3.22.

Xi pajjiżi naqqsu progressivament il-kumplessità tal-qafas ta’ prestazzjoni tagħhom u l-għadd ta’ objettivi u indikaturi.

(i)

F’Awwissu 2001, il-Parlament Franċiż għadda leġiżlazzjoni (22) li tistabbilixxi regoli ġodda għat-tħejjija u l-implimentazzjoni tal-baġit tal-Istat. Bejn l-2014 u l-2017, il-Ministeru tal-Ekonomija u tal-Finanzi kellu għalhekk inaqqas l-għadd ta’ objettivi u indikaturi b’20 % u 24 % rispettivament.

(ii)

Fl-2012 u l-2013, in-Netherlands introduċa riforma għall-“ibbaġitjar responsabbli” li ssettjat kundizzjonijiet aktar stretti għall-użu li l-gvern jagħmel minn informazzjoni relatata ma’ politiki (indikaturi tal-prestazzjoni u testi li jispjegaw l-objettivi ta' politika). L-għadd ta’ indikaturi tal-prestazzjoni fid-dokumenti tal-baġit naqas bin-nofs.

3.23.

Id-dikjarazzjonijiet tal-programmi għall-Abbozz tal-Baġit Ġenerali tal-UE għall-2017 fihom 294 objettiv u 709 indikaturi (ara l- Kaxxa 3.2 ). Dawn huma partikolarment numerużi taħt l-Intestaturi 1a, 3 u 4 tal-QFP. Permezz tal-inizjattiva ta’ baġit iffukat fuq ir-riżultati, il-Kummissjoni qiegħda attwalment teżamina l-indikaturi tagħha biex tipprovdi input għall-ġenerazzjoni li jmiss tal-programmi ta’ nfiq. Il- Kaxxa 3.5 turi l-progress li l-Kummissjoni tista’ timmira li tikseb, għalkemm għandu jittieħed ukoll kont ta’ ċerti fatturi li huma speċifiċi għall-istituzzjoni.

3.23.

Il-paragun li sar mill-QEA ma jiħux inkunsiderazzjoni l-fatturi kuntestwali ewlenin bħan-numru u n-natura tal-interventi, l-oqsma ta’ politika koperti jew il-mod ta’ implimentazzjoni, u lanqas ma jkejjel il-kwalità jew ir-rilevanza tal-indikaturi.

Il-Kummissjoni tinnota wkoll li l-għadd ta’ objettivi u indikaturi użati fil-pjanijiet strateġiċi tas-servizzi tal-Kummissjoni tnaqqas b’mod sinifikanti bir-riforma riċenti. L-għadd ta’ objettivi ġenerali ġie mnaqqas minn 84 għal 11, tal-indikaturi tal-impatt minn 187 għal 37, tal-objettivi speċifiċi minn 426 għal 386, u tal-indikaturi tar-riżultati mid-969 għal 825.

3.24.

Gvernijiet u organizzazzjonijiet internazzjonali oħra ħadu passi biex jiżguraw rappurtar bilanċjat dwar il-prestazzjoni kif irrakkomandat mill-istandards internazzjonali (23).

(i)

Fl-Istati Uniti tal-Amerka, ir-rapporti annwali dwar il-prestazzjoni huma meħtieġa jipprovdu stampa ċara tar-riżultati tal-prestazzjoni, juru x-xejriet matul iż-żmien, juru r-rabta mas-sors tal-informazzjoni dwar il-prestazzjoni u jittrattaw il-progress u l-lakuni.

(ii)

Il-“valutazzjoni fi tmiem perjodu ta’ sentejn” tal-WHO għall-2014-2015 kienet tinkludi “Ħarsa ġenerali lejn il-kisbiet u l-isfidi l-kbar” għal kull qasam tal-programm (24). Fid-daħla tar-rapport prinċipali tal-WHO dwar il-prestazzjoni għall-perjodu 2014-2015 (25), id-Direttur Ġenerali rrimarka li l-fallimenti kif ukoll is-suċċessi kienu ppreżentati b’mod sinċier. F’konformità ma’ dan, it-test iddeskriva b’mod sistematiku l-isfidi flimkien mar-riżultati.

(iii)

Il-Bank Dinji vvaluta (26) kemm il-monitoraġġ u l-evalwazzjoni li jwettaq huma adegwati biex jipprovdi input għall-isforzi li għaddejjin għat-titjib tal-effettività tiegħu u l-promozzjoni ta’ kultura għall-iżvilupp ta’ soluzzjonijiet u teħid ta’ deċiżjonijiet ibbażati fuq l-evidenza. Huwa identifika nuqqasijiet sinifikanti fit-tfassil u l-użu tas-sistemi tiegħu.

(iv)

Fil-valutazzjoni tal-Bank Interamerikan tal-Iżvilupp għall-perjodu 2015-2016 (27), li l-MOPAN wettaq, dan osserva li kien hemm taqsima ġdida intitolata “learning from failure” (nitgħallmu mill-fallimenti), fir-Rapport tal-bank dwar l-Effettività tal-Iżvilupp (“Development Effectiveness Overview”).

3.25.

Filwaqt li l-istruzzjonijiet tar-RAA 2016 (28) ma jsemmux espliċitament il-prinċipju ta’ rappurtar bilanċjat, huma fil-fatt jiddikjaraw li s-sommarju eżekuttiv ilaqqa’ flimkien, f’perspettiva realistika, il-messaġġi prinċipali f’dak li jirrigwarda l-kisbiet ta’ politika u l-konklużjonijiet dwar il-ġestjoni finanzjarja u l-kontroll intern.

3.25.

3.26.

Minkejja dan ta’ hawn fuq, ir-RAA li eżaminajna kien fihom informazzjoni limitata dwar il-lakuni u l-problemi fil-qasam tal-prestazzjoni relatati mal-objettivi tad-direttorati ġenerali. Huwa wkoll diffiċli biex dawn il-lakuni u l-problemi jiġu identifikati, peress li ma hemm l-ebda post speċifiku riservat għalihom fir-RAA.

3.26.

3.27.

Fir-Rapport Annwali dwar il-Ġestjoni u l-Prestazzjoni għall-2015, il-Kummissjoni kellha l-għan li tipprovdi stampa ġenerali komprensiva tal-prestazzjoni bbażata fuq baġit tal-UE ffukat fuq ir-riżultati. Madankollu, ir-rapport annwali dwar il-ġestjoni u l-prestazzjoni ma pprovdiex kopertura komprensiva tal-prestazzjoni u kien pożittiv iżżejjed, billi jsemmi biss id-dewmien fl-implimentazzjoni bħala lakuna. Barra minn hekk, ir-rapport:

3.27.

Ir-Rapport Annwali tal-2015 dwar il-Ġestjoni u l-Prestazzjoni jirreferi għal għadd ta’ nuqqasijiet u problemi li għandhom jiġu indirizzati. It-Taqsima 1 tar-rapport tindika mhux biss l-isfidi li jaffettwaw l-implimentazzjoni f’waqtha tal-programmi iżda wkoll il-limitazzjonijiet fil-kuntest tal-evalwazzjoni tal-prestazzjoni tal-programm (eż. referenzi għal evalwazzjonijiet tal-programmm tas-Saħħa 2007–2013 u l-programmi fl-intestatura tal-baġit 4 li tindika r-restrizzjonijiet fil-valutazzjoni tal-prestazzjoni globali ta’ dawn il-programmi).

—

ipprovda fehim approfondit limitat dwar ir-riżultati tal-istrateġija Ewropa 2020, filwaqt li dan kien intalab mill-Parlament Ewropew fid-deċiżjoni tiegħu dwar il-kwittanza għas-sena finanzjarja 2014,

—

Ir-Rapport Annwali ta’ Ġestjoni u Prestazzjoni mhuwiex rapport speċifiku dwar l-Ewropa 2020 (30). Madankollu, ir-rapport jinkludi rendikont sommarju dwar il-progress fuq il-miri ewlenin u l-indikaturi rilevanti tal-Ewropa 2020 u jkopri kemm l-istat tal-implimentazzjoni tal-programmi 2014-2020 kif ukoll ir-riżultati mill-programmi 2007-2013 strutturati madwar il-prijoritajiet ta’ Ewropa 2020 ta’ tkabbir intelliġenti, sostenibbli u inklużiv.

Il-Kummissjoni timmonitorja u tirrapporta dwar l-istrateġija Ewropa 2020 permezz tal-proċess tas-Semestru Ewropew. Rappurtar iddettaljat u komprensiv dwar il-prestazzjoni tal-Istati Membri lejn il-miri nazzjonali tagħhom ta’ Ewropa 2020 huwa inkluż fir-Rapporti tal-Pajjiżi fil-qafas tas-Semestru Ewropew, kif ukoll fl-aġġornamenti annwali dwar l-indikaturi ta’ Ewropa 2020 ippubblikati mill-Eurostat. Id-dikjarazzjonijiet tal-programm jipprovdu wkoll rabta bejn l-infiq u l-istrateġija Ewropa 2020. Dawn juru stima tal-kontribuzzjoni tal-programmi għall-miri ewlenin (rabta teoretika) u għall-prijoritajiet tal-Istrateġija Ewropa 2020.

—

mhux dejjem spjega b’mod ċar l-influwenza tal-fatturi esterni fuq ir-riżultati,

—

Ir-Rapport Annwali tal-2015 dwar il-Ġestjoni u l-Prestazzjoni jiddeskrivi l-kuntest operatorju billi fl-introduzzjoni jirreferi għall-isfidi politiċi u ekonomiċi maġġuri tas-sena. Jiddikkjara b’mod ċar li l-baġit tal-UE huwa biss strument wieħed, użat flimkien ma’ oħrajn (jiġifieri baġits nazzjonali u għodod oħrajn regolatorji u ta’ politika fil-livelli tal-UE u tal-Istati Membri) biex iwassal għal riżultati politiċi u li 80 % tal-baġit tal-UE jintefaq mal-Istati Membri. Ir-rapport jikkonkludi taħt it-taqsima 1 dwar il-prestazzjoni u r-riżultati li “… Hemm limiti sa liema grad l-indikaturi jistgħu jagħtu stampa preċiża tal-prestazzjoni … Barra minn hekk, fatturi kuntestwali għandhom influwenza importanti fuq ir-riżultati finali, u l-indikaturi ma jistgħux jeliminaw jew jagħmlu tajjeb għal dawn il-fatturi” u li “l-prestazzjoni hija responsabbiltà kondiviża: ir-responsabbiltà għall-ksib tar-riżultati fir-rigward tal-istrateġija Ewropa 2020 kif ukoll fir-rigward tal-objettivi tal-oqfsa finanzjarji hija kondiviża fil-maġġorparti mal-Istati Membri”.

—

ġie ppubblikat tard wisq biex jiġi eżaminat fir-rapport annwali tagħna (31).

—

L-iskadenza għall-adozzjoni tar-rapport skont ir-Regolament Finanzjarju hija l-15 ta’ Ġunju. Il-Kummissjoni tibbaża ruħha fuq id-dejta finanzjarja mill-Istati Membri f’dak li għandu x’jaqsam ma’ programmi ta’ ġestjoni konġunta li ssir disponibbli biss matul ix-xahar ta’ Marzu. Għalhekk mhuwiex possibbli li r-rapport jiġi adottat ħafna aktar kmieni.

3.28.

Fin-Netherlands, il-kejl tal-indikaturi u r-rappurtar dwarhom huwa suġġett għall-awditjar. Ir-Rapporti annwali tal-ministri fihom taqsima obbligatorja għall-feedback dwar l-affidabbiltà tal-informazzjoni dwar il-prestazzjoni.

3.29.

Fl-Istati Uniti, l-aġenziji kollha tal-gvern jippubblikaw rapport annwali dwar il-prestazzjoni għas-sena fiskali u pjan annwali tal-prestazzjoni għas-sena fiskali n+2. Dan id-dokument jiddeskrivi kif l-aġenziji se jiżguraw il-preċiżjoni u l-affidabbiltà tad-data użata biex jitkejjel il-progress lejn l-ilħuq tal-għanijiet tagħhom tal-prestazzjoni.

3.30.

Fl-Awstralja, ir-Rapport tal-2017 dwar is-Servizzi tal-Gvern jappoġġa l-użu li jsir minn data imperfetta għal raġunijiet ta’ rappurtar aktar komprensiv (32). Biex jagħmlu tajjeb għal dan in-nuqqas, kull indikatur fir-rapport fih valutazzjoni tal-kumparabbiltà u l-kompletezza taċ-ċifri sottostanti.

3.31.

Aspett ieħor tal-kwalità tad-data huwa l-puntwalità. F’rapporti reċenti ta’ valutazzjoni, il-MOPAN iddeskriva xejriet interessanti fir-rappurtar f’ħin reali fl-Alleanza Mondjali għat-Tilqim, l-UNAIDS u l-Bank Dinji. L-istħarriġ li wettaqna (33) wera wkoll li kważi nofs il-wiġġieba jirrappurtaw dwar il-prestazzjoni aktar ta’ spiss minn darba fis-sena (ara l- Kaxxa 3.6 ).

3.32.

Attwalment, id-dokumenti tal-Kummissjoni dwar il-prestazzjoni ma jinkludux b’mod sistematiku valutazzjoni dwar il-kwalità tad-data użata. In-nuqqasijiet fil-kwalità tad-data jistgħu jiġu ddivulgati, iżda ma hemm l-ebda obbligu biex dan isir. Ir-rapporti dwar il-prestazzjoni jidentifikaw sorsi tad-data, iżda ma għandhomx taqsima speċifika ddedikata għal kwistjonijiet ta’ preċiżjoni u ta’ affidabbiltà tad-data. Skont l-istrumenti għal Regolamentazzjoni Aħjar (34), l-evalwaturi esterni jistgħu jintalbu jikkummentaw dwar il-kwalità tad-data u jipprovdu rakkomandazzjonijiet dwar kif tinkiseb data aħjar, iżda din mhijiex ir-regola.

3.32.

Fir-rigward tal-evalwazzjonijiet, is-Sett ta’ Għodod għal Regolamentazzjoni Aħjar jistipula li d-Dokumenti ta’ Ħidma tal-Persunal tal-evalwazzjoni mħejjija mis-servizzi tal-Kummissjoni fi tmiem evalwazzjoni għandu jkun fihom espożizzjoni ċara ta’ kull nuqqas fid-dejta użata biex jiġu sostnuti l-konklużjonijiet u r-robustezza tar-riżultati. Barra minn hekk, il-Linji Gwida għal Regolamentazzjoni Aħjar jistipulaw li kull limitazzjoni fuq il-provi użati u l-metodoloġija applikata, b’mod partikolari f’termini tal-kapaċità tagħhom biex appoġġaw il-konklużjonijiet, iridu jiġu spjegati b’mod ċar fir-rapporti ta’ evalwazzjoni. Dan huwa msaħħaħ aktar fil-Linji Gwida għal Regolamentazzjoni Aħjar/Sett ta’ għodod għar-reviżjoni (SWD(2017) 350 finali, 07.07.2017).

3.33.

Eżempji ta’ prattika tajba fl-Awstralja, fi Franza u fil-Bank Dinji jingħataw hawn taħt.

Kaxxa 3.7 —

3.34.

Il-Kummissjoni tuża data kwantitattiva u kwalitativa biex tippreżenta informazzjoni dwar il-prestazzjoni permezz ta’ kombinament ta’ deskrizzjonijiet grafiċi u narrattivi. Il- Kaxxa 3.10 turi li — għal selezzjoni ta’ rapporti — għalkemm iċ-ċarts, il-graffs u t-tabelli huma komuni, hemm predominanza ta’ informazzjoni testwali. L-istrumenti għal Regolamentazzjoni Aħjar għandhom taqsima dwar l-użu ta’ għajnuna viżiva, iżda din hija limitata għal tliet tipi ta’ għodod biss (dijagrammi f’għamla ta’ siġra, tal-problemi u tal-objettivi, kif ukoll dijagrammi tal-loġika ta’ intervent). Għodod oħra, aktar ġenerali, għat-titjib tal-preżentazzjoni viżiva — bħall-użu ta’ kowds tal-kuluri jew infografika — ma jissemmewx.

3.34.

Is-sett ta’ għodod għal Regolamentazzjoni Aħjar jinkludi għodda ddedikata dwar għajnuniet viżwali. Din l-għodda timmira li tippreżenta xi eżempji ta’ strumenti li huma kkunsidrati bħala partikolarment rilevanti għal interventi ta’ politika bħala mezz ta’ kif titqajjem kuxjenza fost is-servizzi tal-Kummissjoni dwar il-valur miżjud ta’ dawn l-għajnuniet. Bl-ebda mod ma huwa maħsub li tiġbor flimkien l-għajnuniet viżivi eżistenti kollha.

3.35.

L-għajnuna għan-navigazzjoni — pereżempju glossarji, listi ta’ abbrevjazzjonijiet u indiċijiet alfabetiċi — kważi qatt ma jintużaw. Il-Kummissjoni ma adottatx il-prattika li toħroġ verżjonijiet interattivi online ta’ rapporti ewlenin dwar il-prestazzjoni.

3.36.

L-evalwazzjonijiet tal-UNESCO li eżaminajna fihom rakkomandazzjonijiet flimkien ma’ “possibbiltajiet strateġiċi li għandhom jittieħdu inkunsiderazzjoni”. Ir-rakkomandazzjonijiet kollha jsegwu l-istess mudell: huma jiddefinixxu għan u l-mezz biex dan jintlaħaq, kif ukoll lista ta’ suġġerimenti azzjonabbli għall-implimentazzjoni.

3.37.

Evalwazzjoni reċenti tal-WHO (37) tivvaluta l-ilħuq, l-utilità u l-użu ta’ kampjun ta’ bejn wieħed u ieħor 15 000  pubblikazzjoni fuq 10 snin. L-evalwazzjoni tagħmel sitt rakkomandazzjonijiet strateġiċi u tippreżenta azzjonijiet speċifiċi flimkien mat-test ta’ kull rakkomandazzjoni sabiex tispjega x’jinvolvu u tippromwovi segwitu.

3.38.

Il-Linji gwida għal Regolamentazzjoni Aħjar ma jirrikjedux li l-evalwaturi jagħmlu rakkomandazzjonijiet biex jitqiesu mill-Kummissjoni; aħna nqisu li din għandha tkun il-bażi għal sistema ta’ segwitu li tiffunzjona tajjeb, inklużi pjanijiet ta' azzjoni li jindirizzaw id-dgħufijiet. Il-prattika fir-rigward tar-rakkomandazzjonijiet kienet tvarja fost it-12-il evalwazzjoni li eżaminajna:

3.38.

3.39.

Mill-2005 'l hawn, il-Kummissjoni ma wettqitx studju dwar l-użu li hija tagħmel mir-riżultati tal-evalwazzjoni u lanqas ma talbet li jsir studju ta’ dan it-tip.

3.39.