Is-sejbiet tal-politika:

Il-prevenzjoni tal-iskart tibqa’ sfida importanti fl-Istati Membri kollha, inkluż dawk b’rati għoljin ta’ riċiklaġġ. Tmien Stati Membri jipproduċu tal-anqas id-doppju tal-iskart muniċipali għal kull abitant meta mqabblin mal-Istat Membru bl-anqas ġenerazzjoni tal-iskart. Id-diżakkoppjar tal-produzzjoni tal-iskart mit-tkabbir ekonomiku hu għan pertinenti fil-kuntest usa’ tal-aġenda tal-ekonomija ċirkolari.

Skont l-aktar dejta riċenti tal-ESTAT, sitt Stati Membri diġà laħqu l-mira tar-riċiklaġġ tal-iskart muniċipali ta’ 50%, filwaqt li disa’ pajjiżi jridu jżidu l-isforzi tagħhom b’mod sinifikanti biex jilħqu din il-mira sal-2020. Il-Kummissjoni qed tippjana segwitu tal-istatus tal-konformità mal-miri tal-2020 permezz ta’ rapport ta’ “twissija bikrija” fl-2018. Sitt Stati Membri ma rnexxilhomx jillimitaw ir-rimi tal-iskart muniċipali bijodegradabbli fil-miżbliet (50% sal-2009).

Id-Direttiva Qafas dwar l-Iskart teżiġi li għandhom jitfasslu pjanijiet nazzjonali għall-immaniġġar tal-iskart u programmi tal-prevenzjoni tal-iskart. Barra minn hekk, dan hu prekundizzjoni għall-finanzjament tal-UE fl-2014-2020. Ħafna mill-Istati Membri għandhom programmi tal-prevenzjoni tal-iskart fis-seħħ iżda żewġ Stati Membri għad m’għandhomx. Stat Membru wieħed m’għandux pjan nazzjonali għall-immaniġġar tal-iskart fis-seħħ u ħames Stati Membri mill-anqas għandhom xi pjanijiet reġjonali neqsin.

Madwar nofs l-Istati Membri jridu jsaħħu l-effikaċja fil-ġbir tal-iskart separat, li huwa prerekwiżit għat-titjib tar-riċiklaġġ kemm fir-rigward tal-kwantità kif ukoll tal-kwalità. Kwistjoni oħra hija l-ipprezzar mhux adegwat għat-trattament tal-iskart residwu (it-trattament mekkaniku u bijoloġiku, ir-rimi fil-miżbliet u l-inċinerazzjoni) għax dan ma jipprovdix biżżejjed inċentivi biex l-iskart jersaq lejn il-livelli ogħla fil-ġerarkija tal-iskart. Barra minn hekk, hemm in-nuqqas ta’ użu biżżejjed ta’ strumenti oħra bbażati fuq is-suq, bħar-responsabbiltà estiża tal-produttur jew l-hekk imsejħa “pay-as-you-throw” (ħallas meta tarmi). Jekk ir-regoli tal-akkwist pubbliku jintużaw aħjar, dan jaf joħloq soluzzjonijiet aktar kosteffiċjenti.

F’ħames Stati Membri, in-nuqqas ta’ koordinazzjoni bejn il-livelli amministrattivi differenti u l-governanza frammentata tal-kwistjonijiet ambjentali ġew identifikati li qed jikkawżaw nuqqas ta’ implimentazzjoni biżżejjed. Iżda jeżistu kwistjonijiet oħra ta’ governanza (in-nuqqas ta’ infurzar legali, in-nuqqas ta’ kapaċità biex jiġu ġestiti l-proġetti l-kbar tal-investiment, dejta mhux affidabbli, jew nuqqas ta’ kontroll u monitoraġġ biżżejjed) u jidher li dawn qed jikkontribwixxu għad-diskrepanza fl-implimentazzjoni tal-iskart.

Prattiki li rnexxew:

Is-Slovenja tagħti eżempju tajjeb ta’ kif jitjieb l-immaniġġar tal-iskart fi żmien relattivament qasir. Ljubljana ġiet klassifikata bħala l-aħjar belt kapitali tal-UE fejn tidħol il-kopertura u l-effikaċja tal-ġbir separat. Fi żmien għaxar snin, bl-appoġġ tal-fondi tal-UE, il-belt kapitali Slovena naqqset l-ammont ta’ skart muniċipali mibgħut fil-miżbliet b’59% u naqqset il-ġenerazzjoni tal-iskart muniċipali bi 15% 10 .

L-Irlanda tagħti eżempju utli bir-riforma kbira li għamlet fis-settur tal-iskart meta għalqet il-miżbliet illegali u ffinanzjat xogħlijiet estensivi ta’ tindif u rimedju. Ir-riformi saru b’koperazzjoni msaħħa mal-Kummissjoni u ħolqu sistema li tiżgura livell għoli ta’ konformità mal-leġiżlazzjoni tal-UE dwar l-iskart.

Is-sejbiet tal-politika:

Il-valutazzjoni tat-28 rapport tal-pajjiżi tal-EIR tirrifletti s-sejbiet tar-rapport tal-2015 dwar l-Istat tan-Natura mħejji mill-Aġenzija Ewropea għall-Ambjent 13 , jiġifieri l-istatus ġenerali tal-ispeċijiet u tal-ħabitats protetti ma tjiebx b’mod sinifikanti tul l-aħħar sitt snin. Madwar l-UE, aktar minn tliet kwarti tal-valutazzjonijiet tal-ħabitats jindikaw status ta’ konservazzjoni mhux favorevoli u parti sinifikanti qed tkompli tiddeterjora. Fejn jidħlu l-ispeċijiet li mhumiex għasafar, 60% tal-valutazzjonijiet fil-livell tal-UE juru status mhux favorevoli. Minn fost l-ispeċijiet kollha tal-għasafar selvaġġi, 15% huma meqjusin kważi mhedda, qed jonqsu jew sparixxew u 17% oħra jitqiesu mhedda.

Filwaqt li sar progress f’ħafna oqsma u hemm bosta suċċessi lokali, hemm diskrepanzi ġmielhom fl-implimentazzjoni, fil-finanzjament u fl-integrazzjoni tal-politiki. Bir-rata attwali tal-isforzi, fl-UE se tkompli tintilef il-bijodiversità, b’konsegwenzi potenzjalment serji għall-kapaċità tal-ekosistemi naturali li jipprovdu għall-bżonnijiet tal-bniedem fil-ġejjieni.

Seba’ Stati Membri biss 14 irnexxielhom (kważi) jlestu d-deżinjazzjoni tas-“Siti ta’ Interess Komunitarju” skont id-Direttiva dwar il-Ħabitats. 17-il Stat Membru ddeżinjaw ħafna mis-siti fuq l-art iżda għad hemm xi nuqqasijiet fil-komponent marin tan-netwerk tagħhom. L-erba’ Stati Membri l-oħra għandhom xi nuqqasijiet kemm fuq l-art kif ukoll fil-baħar.

Kwistjonijiet sistemiċi li jikkaġunaw implimentazzjoni batuta tad-Direttivi dwar in-Natura huma n-nuqqas ta’ pjanijiet ta’ ġestjoni għas-siti ta’ Natura 2000 jew il-ġestjoni tagħhom. Ir-rapporti tal-pajjiżi jipprovdu evidenza ta’ tliet Stati Membri li qed jitħabtu biex japplikaw il-proċeduri ta’ valutazzjoni xierqa biex jistabbilixxu l-effett tal-proġetti l-ġodda fuq is-siti ta’ Natura 2000.

Barra minn hekk, wieħed mill-ostakli ewlenin għall-implimentazzjoni effettiva f’madwar terz tal-Istati Membri hu n-nuqqas ta’ għarfien dwar l-ispeċijiet, il-ħabitats u s-siti, u dan jgħodd ukoll fejn jidħlu l-ekosistemi marini.

Kwistjonijiet oħrajn huma n-nuqqas ta’ finanzjament adegwat, in-nuqqas ta’ riżorsi umani, u l-involviment u l-parteċipazzjoni batuti tal-komunitajiet u tal-partijiet konċernati lokali bħas-sidien tal-artijiet u dawk li jużaw l-artijiet.

Prattiki li rnexxew

Franza żviluppat approċċ parteċipatorju effettiv għall-ġestjoni tan-netwerk ta’ Natura 2000 tagħha, li ħoloq ukoll diversi mijiet ta’ impjiegi. Il-Mogħdijiet Ekoloġiċi u Marini Franċiżi (TGB) 15 jipprovdu għodda ta’ ppjanar li tintuża mil-livelli reġjonali u lokali biex jistabbilixxu netwerks ekoloġiċi koerenti.

Bis-saħħa ta’ firxa estensiva ta’ miżuri għar-restawr tas-siti ta’ Natura 2000 li ttieħdu mill-2003 ’l hawn fil-kuntest ta’ sitt proġetti LIFE ikkoordinati li jkopru diversi eluf ta’ ettari ta’ pantani u artijiet mistagħdra fl-Ardenni Belġjani 16 , l-awtoritajiet Belġjani, irnexxielhom jirrapportaw xejriet pożittivi sinifikanti fl-2013 fejn jidħol l-istatus ta’ konservazzjoni ta’ tużżana tipi differenti ta’ ħabitats u speċijiet assoċjati li huma protetti bid-Direttiva tal-UE dwar il-Ħabitats 17 .

L-Estonja pprovdiet wieħed mill-aktar oqfsa ta’ ppjanar integrati u kompluti għall-finanzjament tas-siti ta’ Natura 2000 minn fondi differenti tal-UE. L-Estonja ppreżentat qafas ta’ azzjoni komprensiv dwar il-prijoritiajiet 18 , inkluż il-prijoritajiet ta’ konservazzjoni, il-miżuri meħtieġa biex jitjieb l-istatus ta’ konservazzjoni tal-ħabitats u tal-ispeċijiet protetti, u l-ħtiġijiet ta’ finanzjament relatati, flimkien ma’ analiżi dettaljata tal-opportunitajiet ta’ finanzjament.

In-Netherlands huwa minn ta’ quddiem nett fil-qasam tal-kontabbiltà tal-kapital naturali. Dan iffinalizza programm kbir ta’ kapital naturali 19 li pprovda evidenza dwar kif il-kunċetti tal-kapital naturali u tas-servizzi tal-ekosistema jistgħu jiġu integrati fit-teħid tad-deċiżjonijiet f’oqsma differenti, bħall-agrikultura, id-difiża kontra l-għargħar u l-kummerċ internazzjonali. In-Netherlands ittestja wkoll kontijiet tal-ekosistema fil-livell lokali. NGOs, kumpaniji u organizzazzjonijiet governattivi qablu li jikkollaboraw fuq il-valwazzjoni tal-kapital naturali u soċjali.

Prattiki li rnexxew:

Ħafna bliet Ewropej introduċew żoni b’emissjonijiet baxxi li jillimitaw iċ-ċirkulazzjoni ta’ ċerti kategoriji ta’ vetturi skont il-potenzjal tal-emissjonijiet rispettiv tagħhom. F’ħafna każijiet dawn jidher li jirnexxu 24 : pereżempju “l-Pjan tal-Kwalità tal-Arja għal Berlin 2011-2017” jistma li l-emissjonijiet tat-trasport naqsu b’mod sinifikanti għax fl-2008 ġiet implimentata żona b’emissjonijiet baxxi, u minħabba f’hekk fl-2010 ġew evitati għaxart ijiem li fihom jinqabeż il-valur limitu ta’ kuljum tal-PM10. L-istimi indikaw ukoll li t-tniġġis tal-NO2 għal dik is-sena naqas b’madwar 5% u t-tniġġis mill-partiċelli tal-ġmied relatat mat-traffiku fit-toroq naqas b’aktar min-nofs 25 .

Is-sejbiet tal-politika:

F’terz tal-Istati Membri, aktar minn 50% tal-korpi kollha tal-ilma tal-wiċċ naturali għandhom status ekoloġiku għoli jew tajjeb. Iżda f’ħames Stati Membri anqas minn 20% tal-korpi tal-ilma għandhom status ekoloġiku tajjeb. Fejn jidħlu l-korpi tal-ilma ta’ taħt l-art, dawn għandhom status kwantitattiv tajjeb fi 13-il Stat Membru. F’għaxar Stati Membri, 70-90% tal-korpi kollha tal-ilma ta’ taħt l-art għandhom status kwantitattiv tajjeb u f’ħames pajjiżi ċ-ċifra hija bejn 20-70%.

Kull RBMP tal-ewwel ġenerazzjoni għandu xi ftit nuqqasijiet jew bosta nuqqasijiet, ħafna minnhom b’rabta mal-monitoraġġ u mal-metodi għall-valutazzjoni u l-klassifikazzjoni tal-istatus tal-korpi tal-ilma. Kull Stat Membru jistrieħ fuq l-eżenzjonijiet li jippermettu li jiġu estiżi l-iskadenzi. Ħafna Stati Membri jawtorizzaw proġetti ġodda li huma ta’ detriment biex dawn il-korpi tal-ilma jiksbu status tajjeb, filwaqt li mhux dejjem jagħtu ġustifikazzjoni tajba. Il-Kummissjoni tat rakkomandazzjonijiet lill-Istati Membri biex jindirizzaw dawn in-nuqqasijiet u jxejnu d-diskrepanzi li hemm fit-tieni RBMPs. Dawn iddaħħlu fil-pjanijiet ta’ azzjoni biex jiġu ssodisfati il-prekundizzjonijiet għall-għoti tal-Fondi Strutturali u ta’ Investiment Ewropej (FSIE) għal investimenti fl-infrastruttura tal-ilma.

Ħames Stati Membri għadhom ma adottaw l-ebda wieħed mill-RBMPs tat-tieni ġenerazzjoni tagħhom, li kellhom isiru sal-2015, u tliet Stati Membri għadhomx ma lestewx l-adozzjoni 27 .

Fost il-kawżi li wasslu għal dan hemm in-nuqqas ta’ effettività fil-miżuri tal-kontroll, in-nuqqas ta’ koordinazzjoni bejn l-awtoritajiet tal-ġestjoni tal-ilma f’livelli reġjonali jew lokali differenti, in-nuqqas ta’ koperazzjoni bejn il-korpi tal-governanza tal-ilma u tan-natura, iżda anki mal-awtoritajiet kompetenti għal setturi oħrajn, u n-nuqqas ta’ aċċess għad-dejta. Sfida komuni oħra fis-settur tal-ilma tikkonċerna n-nuqqas ta’ adegwatezza tal-prassi għall-ipprezzar tal-ilma.

Għad li l-implimentazzjoni tad-Direttiva dwar in-Nitrati wasslet għal xi titjib, il-konċentrazzjonijiet tan-nitrati u l-livelli tal-ewtrofikazzjoni għadhom problema serja fi kważi l-Istati Membri kollha. L-ewtrofikazzjoni tal-Baħar Baltiku, l-aktar minħabba prattiki agrikoli intensivi, hija partikolarment problematika.

Fuq il-kwalità tal-ilma tajjeb għax-xorb, kważi l-Istati Membri kollha għandhom rati għoljin ħafna ta’ konformità. Fi tliet Stati Membri biss hemm problemi lokali fil-kwalità u ċerti żoni huma neqsin minn infrastruttura xierqa.

Dwar l-ilmijiet għall-għawm, minn fost is-siti kollha, 96% jissodisfaw ir-rekwiżiti minimi tal-kwalità stabbiliti fid-Direttiva tal-UE dwar l-Ilma għall-Għawm (“jiġifieri għandhom kwalità biżżejjed”). Ħafna Stati Membri jilħqu standards ta’ kwalità ogħla: fi tmienja minnhom, aktar minn 90% tal-ilmijiet tal-għawm kellhom kwalità eċċellenti fl-2015. Fi 11-il Stat Membru, is-sehem tas-siti tal-għawm bi kwalità eċċellenti hu ogħla mill-medja tal-UE ta’ 84.4%.

Sitt pajjiżi għandhom rati ta’ konformità eċċellenti fejn jidħlu l-ġbir u t-trattament tal-ilma mormi urban, iżda ħafna mill-Istati Membri jbatu biex jiksbu implimentazzjoni sħiħa u s’issa ttieħdet azzjoni legali tal-UE kontra 13. Biex tixxejjen id-diskrepanza fl-implimentazzjoni billi tinbena l-infrastruttura meħtieġa, hemm bżonn strutturi ta’ governanza tajba, ippjanar adegwat, u koordinazzjoni biex jinkiseb il-finanzjament (tqiegħdu għad-dispożizzjoni fondi sostanzjali tal-UE).

Minkejja l-iskadenza tal-2015, sa tmiem Novembru tal-2016, 18-il Stat Membru biss irrapportaw informazzjoni dwar il-Pjanijiet tagħhom ta’ Ġestjoni tar-Riskji tal-Għargħar.

Kull Stat Membru bl-ilmijiet tal-baħar għad għandu diskrepanzi fl-implimentazzjoni tad-Direttiva Kwadru dwar l-Istrateġija Marina, qabelxejn bid-definizzjoni ta’ x’inhu status ambjentali tajjeb. Ħafna mill-programmi tal-monitoraġġ tal-Istati Membri mhumiex se jkunu operazzjonali għalkollox qabel l-2018 jew anki sal-2020, u dan se jwassal għal diskrepanzi fl-informazzjoni fil-valutazzjoni li jmiss tal-ilmijiet tal-baħar tagħhom, li se ssir fl-2018. Sa Marzu tal-2016, l-Istati Membri kellhom jadottaw programmi ta’ miżuri li jipprovdu l-azzjonijiet ewlenin biex l-ilmijiet tal-baħar tagħhom jagħtuhom status ambjentali tajjeb. Iżda għaxar Stati Membri għadhom ma għamlux dan.

Is-sejbiet tal-politika:

Ir-rapporti tal-pajjiżi juru li l-persetaġġ tad-dħul mit-taxxa ambjentali mid-dħul kollu jvarja bejn 10.61% u 4.57%, u l-medja tal-UE hija 6.35%. L-Istati Membri jridu jesploraw il-potenzjal sħiħ tat-tassazzjoni ambjentali (inkluż fuq ir-rimi tal-iskart fil-miżbliet, fl-astrazzjoni tal-ilma u fl-effiċjenza tal-fjuwil) biex jinkisbu l-benefiċċji ambjentali, ekonomiċi u soċjali (l-impjiegi).

F’diversi pajjiżi hemm fis-seħħ ċerti sussidji speċifiċi li jagħmlu ħsara lill-ambjent, bħal trattament preferenzjali tat-taxxa għal ċerti fjuwils u benefiċċji fuq it-taxxa għall-karozzi tal-kumpanija użati privatament, u dawn ixekklu milli jonqsu l-konġestjoni tat-traffiku u t-tniġġis tal-arja u għandhom jixxejnu gradwalment.

Fil-Fondi Strutturali u ta’ Investiment Ewropej, “il-ħarsien tal-ambjent u l-effiċjenza fir-riżorsi” jikkostitwixxi l-qasam bl-akbar allokazzjoni fil-perjodu 2014-20 fi 12-il Stat Membru, iżda l-opportunitajiet ta’ finanzjament tal-UE disponibbli għall-għanijiet ambjentali għandhom jintużaw mill-Istati Membri mingħajr dewmien.

Is-sejbiet tal-politika:

F’diversi Stati Membri jeżistu xi strateġji għall-iżvilupp sostenibbli, inkluż fil-livell reġjonali, għad li f’xi każijiet dawn mhumiex aġġornati. Il-pjanijiet nazzjonali jew reġjonali komprensivi tal-politika ambjentali huma anqas komuni.

Ħafna mill-Istati Membri stabbilew mekkaniżmi għall-koordinazzjoni biex itejbu l-koperazzjoni effettiva bejn il-livelli differenti ta’ governanza. In-nuqqas ta’ infurzar effettiv u l-frammentazzjoni tar-responsabbiltà għall-ambjent fil-livell reġjonali ġew identifikati f’xi Stati Membri, u t-traspożizzjoni ħażina tal-leġiżlazzjoni tal-UE fil-livell reġjonali għadha ta’ tħassib f’diversi Stati Membri. Il-valutazzjoni tal-impatt regolatorju ssir f’ħafna Stati Membri, filwaqt li xi wħud issimplifikaw il-proċeduri tal-valutazzjoni ambjentali meta aktar minn direttiva waħda tal-UE tkun involuta 34 .

Il-parteċipazzjoni fin-netwerks eżistenti tal-prattikanti għadha inkonsistenti. L-informazzjoni dwar kif l-Istati Membri jiżguraw il-konformità ambjentali mhix sħiħa, speċjalment fejn jidħlu t-tniġġis diffuż tal-ilma, it-tniġġis urban tal-arja, il-ħabitats u l-ispeċijiet mheddin, u n-nuqqas jew il-livell baxx ta’ impjanti tat-trattament tal-ilma mormi u ta’ sistemi tal-ġbir. Hemm bżonn aktar informazzjoni fil-livell nazzjonali u tal-UE dwar biex ikun żgurat li r-regoli jiġu rispettati.

F’xi Stati Membri, għad hemm ostakli għall-aċċess għall-ġustizzja fi kwistjonijiet ambjentali, kemm jekk relatati mal-ispejjeż eċċessivi għat-tilwim jew inkella mar-regoli restrittivi dwar min jista’ jiftaħ kawża.

F’ħafna mill-Istati Membri, il-qsim tad-dejta m’għamlix il-progress li kellha l-għan li ġġib id-Direttiva INSPIRE, u l-Istati Membri jridu jżidu l-isforzi biex jiksbu l-benefiċċji kollha tal-potenzjal tad-Direttiva.

Is-sejbiet tal-politiki dwar il-kawżi komuni ewlenin li ġew identifikati s’issa:

In-nuqqas ta’ koordinazzjoni effettiva fost l-awtoritajiet lokali, reġjonali u nazzjonali: Din tista’ xxekkel l-implimentazzjoni fl-Istati Membri. Pereżempju, ħafna drabi r-responsabbiltajiet fuq il-monitoraġġ tal-kwalità tal-ilma jkunu mifruxin fuq awtoritajiet differenti mingħajr biżżejjed koordinazzjoni.

In-nuqqas ta’ kapaċità amministrattiva u n-nuqqas ta’ finanzjament xieraq: F’ċerti pajjiżi, in-nuqqas tar-riżorsi finanzjarji u umani huma ostaklu għall-implimentazzjoni għax dawn iżommu lill-awtoritajiet milli jħejju u jimplimentaw il-proġetti tal-investiment. Anki meta jkollhom finanzjament disponibbli, l-awtoritajiet lokali kultant ma jkollhomx ir-riżorsi umani u/jew ta’ għarfien espert biex jorganizzaw l-akkwist pubbliku u jissorveljaw il-kwalità tas-servizz mogħti. Pereżempju, fil-qasam tal-ħarsien tan-natura, in-nuqqas ta’ kapaċità wasslet għal nuqqas ta’ ħila biex jitwettqu u jsir monitoraġġ tal-miżuri ta’ ġestjoni u ta’ konservazzjoni meħtieġa.

In-nuqqas ta’ għarfien u dejta: In-nuqqas ta’ (aċċess għad-)dejta u d-data mhux affidabbli joħolqu problemi ta’ implimentazzjoni f’ħafna Stati Membri. Pereżempju n-nuqqas ta’ għarfien u ta’ dejta dwar l-ispeċijiet u l-ħabitats ixekkel il-protezzjoni effettiva tagħhom.

Nuqqas ta’ mekkaniżmi biżżejjed għall-assigurazzjoni tal-konformità: L-analiżi turi li spiss ikun hemm tħassib fuq il-monitoraġġ u l-infurzar tal-konformità, inkluż permezz ta’ sanzjonijiet effettivi u proporzjonati.

Nuqqas ta’ integrazzjoni u ta’ koerenza bejn il-politiki: L-analiżi turi li nuqqas ta’ integrazzjoni tat-tħassib ambjentali f’oqsma ta’ politika oħra huwa kawża ewlenija li ddgħajjef l-implimentazzjoni, kif jidher fil-parti msejħa “l-arja - il-mobbiltà” hawn fuq

Proposti għal politiki:

1.Isir djalogu strutturat ma’ kull Stat Membru dwar l-implimentazzjoni: L-iskop hu li ssir riflessjoni dwar kif jiġu indirizzati l-problemi strutturali u l-ħtiġijiet tal-Istat Membru rispettiv. Id-djalogi għandhom jiffokaw fuq it-twettiq ta’ azzjoni konkreta. Hemm bżonn it-trasparenza u l-parteċipazzjoni wiesgħa tal-partijiet konċernati rilevanti minn setturi differenti u minn livelli differenti ta’ amministrazzjoni.

2.Jingħata appoġġ imfassal apposta lill-esperti tal-Istati Membri direttament mill-pari tagħhom fi Stati Membri oħra: L-iskambju bejn il-pari hu mezz importanti biex jiżdied it-tagħlim reċiproku u l-għarfien espert ħalli jkun żgurat li s-soluzzjonijiet ittestjati jinqasmu mal-oħrajn. Il-Kummissjoni qed tistabbilixxi għodda korrispondenti għall-Istati Membri skont l-EIR.

3.Issir diskussjoni fuq il-problemi strutturali komuni fil-Kunsill biex titjieb l-implimentazzjoni tar-regoli ambjentali tal-UE: Is-sejbiet ewlenin u l-gwida tal-EIR għandhom ikunu soġġetti għal diskussjonijiet strateġiċi kemm fil-livell nazzjonali kif ukoll tal-UE, ħalli r-regoli ambjentali tal-UE ikomplu jiġu implimentati u jintlaħqu l-għanijiet tagħhom aktar malajr. Fil-Kunsill, l-Istati Membri għandhom ikunu jistgħu jaqsmu l-fehmiet tagħhom dwar l-isfidi komuni, l-aktar meta dawn ikollhom impatti transfruntiera. Il-kwistjonijiet relatati għandhom jiġu eżaminati flimkien ħalli jiġu identifikati l-aqwa soluzzjonijiet li jaħfnu l-interessi leġittimi tas-setturi kollha involuti, b’konformità mal-bidla minn approċċi settorjali għal soluzzjonijiet ħolistiċi, xprunati mill-Għanijiet tal-Iżvilupp Sostenibbli 43 . Anki l-problemi tal-implimentazzjoni li jġib miegħu n-nuqqas ta’ ċarezza, koerenza jew konsistenza fil-politika u fil-leġiżlazzjoni tal-UE jistgħu jiġu indirizzati f’dan il-kuntest. Il-partijiet konċernati bħall-NGOs, in-negozji u r-riċerka kif ukoll il-Parlament Ewropew għandhom ikunu involuti fejn xieraq.

Azzjonijiet issuġġeriti

L-Istati Membri

L-iżvilupp ta’ ekonomija ċirkolari u t-titjib fl-effiċjenza tar-riżorsi

Isaħħu l-qafas ta’ politika biex iħaffu l-użu tal-ekonomija ċirkolari mis-setturi ekonomiċi kollha, biex jipprovdu aktar appoġġ lin-negozji lokali u jżidu l-investimenti fis-sistemi pubbliċi tar-riċerka u tal-edukazzjoni, speċjalment biex jiġu ffrankati l-ilma u l-enerġija, it-tnaqqis tal-iskart, ir-riċiklaġġ tal-materjali, l-ekodisinn u t-teħid mis-suq tal-materja prima sekondarja.

BE, BG, CZ, DE, HR, HU, IT, RO, SE,SK

Jimplimentaw monitoraġġ aħjar tal-politiki tal-ekonomija ċirkolari ħalli tiġi vvalutata l-effettività tagħhom u jkunu jistgħu jiġu riveduti.

PT, SI

Jiffaċilitaw l-iżvilupp u l-iskambju tal-prattiki tajbin bejn l-entitajiet governattivi kollha, l-aktar fil-livell lokali, fejn jidħlu l-ekonomija ċirkolari u kwistjonijiet tal-ekoinnovazzjoni.

BE, CY, EL, ES

Jinċentivaw lill-akkademja u lill-iskejjel biex jippromwovu l-ekonomija ċirkolari. Iżidu l-għarfien fost il-konsumaturi u l-SMEs dwar il-benefiċċji tal-ekonomija ċirkolari.

IT, PL, SK

Jadottaw prinċipji tal-ekonomija ċirkolari; iżidu l-livell ta’ riċiklaġġ u l-użu tal-ekodisinn fis-settur tal-SMEs, l-aktar billi jkomplu jinvestu fl-edukazzjoni u fit-taħriġ. Jinċentivaw miżuri tal-effiċjenza fir-riżorsi (eż. l-iffrankar tal-enerġija u l-ilma).

BE, EL, ES, HU, IT, RO, SK

Jinċentivaw investimenti fi prodotti u servizzi ekoloġiċi. Jiffaċilitaw l-investimenti ekoloġiċi u jħaffu l-aċċess għall-finanzjament. Irawmu finanzjament tar-R&Ż fost l-SMEs.

CZ, ES, HU, MT, RO, SE, SK

L-immaniġġar tal-iskart

Jintroduċu politiki, inklużi strumenti ekonomiċi (skemi ta’ Responsabbiltà Estiża tal-Produttur, ta’ Ħallas Meta Tarmi), biex ikomplu jimplimentaw il-ġerarkija tal-iskart, jiġifieri jippromwovu l-prevenzjoni, filwaqt li l-użu mill-ġdid u r-riċiklaġġ jagħmluhom aktar attraenti ekonomikament. Jeliminaw il-parassitiżmu u jiżguraw il-vijabbiltà finanzjarja tal-kumpaniji tal-immaniġġar tal-iskart.

AT, BG, CY, DE, DK, EE, EL, ES, FI, FR, HR, HU, IE, IT, LU, LV, MT, NL, PL, PT, RO, SE, SI, SK, UK

L-iskart li jista’ jerġa’ jintuża u l-iskart li jista’ jiġi rriċiklat ibegħduhom mill-inċinerazzjoni billi jxejnu ftit ftit is-sussidji għall-inċinerazzjoni jew jdaħħlu taxxa fuq l-inċinerazzjoni.

AT, BE, CZ, DE, DK, EE, FI, IE, LU, PL, PT, SE

Jintroduċu u/jew iżidu ftit ftit it-taxxi fuq il-miżbliet ħalli bil-mod il-mod jieqaf ir-rimi tal-iskart riċiklabbli u rekuperabbli fil-miżbliet. Jarmonizzaw it-taxxi reġjonali fuq il-miżbliet. Jirrevedu l-livell tat-tariffi għad-dħul fil-miżbliet. Jużaw id-dħul mill-istrumenti ekonomiċi biex isostnu l-ġbir separat u l-infrastruttura alternattiva.

CY, CZ, EL, ES, HR, HU, IT, LT, LV, MT, PL, RO, SI, SK, UK

Jiffokaw fuq l-implimentazzjoni tal-obbligu ta’ ġbir separat biex iżidu r-rati tar-riċiklaġġ u jagħtu prijorità lill-ġbir separat tal-bijoskart ħalli jżidu r-rati tal-kompostar. Jistabbilixxu siti għall-ġbir ta’ skart speċifiku (l-hekk imsejħa “punti għall-ġbir ta’ skart selettiv”) f’kull muniċipalità.

BG, CY, CZ, EE, EL, ES, FR, HR, IE, IT, LT, PL, PT, RO, SK

Ilestu u jaġġornaw il-Pjan(ijiet) tal-Immaniġġar tal-Iskart u/jew il-Programmi tal-Prevenzjoni tal-Iskart biex ikopru t-territorju kollu.

BE, DE, EL, ES, FR, RO

Jiffinalizzaw ix-xogħlijiet fuq il-miżbliet irregolari bħala kwistjoni ta’ prijorità kbira.

BG, CY, EL, RO

Jevitaw li jibnu infrastruttura eċċessiva għat-trattament tal-iskart residwu.

BG, CY, CZ, EL, ES, HR, HU, IT, LT, LV, MT, PL, RO, SK

Jiżguraw li l-istatistika tal-iskart hi kompatibbli mal-Linji Gwida tal-Eurostat. Itejbu l-konsistenza tad-dejta dwar l-immaniġġar tal-iskart minn diversi sorsi (anki fejn tidħol id-diskrepanza kbira bejn l-iskart ġenerat u l-iskart trattat).

CZ, SI

Isaħħu l-koperazzjoni bejn ir-reġjuni biex jużaw il-kapaċità tat-trattament tal-iskart b’mod aktar effiċjenti u biex jilħqu l-miri nazzjonali tar-riċiklaġġ.

ES, IT

Isaħħu u jagħtu setgħa lill-kapaċità tal-infurzar.

MT, PL, RO

In-natura u l-bijodiversità u l-istima tal-kapital naturali

Ilestu l-proċess ta’ deżinjazzjoni tas-siti, inkluż fil-parti marina, u jimplimentaw għanijiet tal-konservazzjoni definiti b’mod ċar u l-miżuri ta’ konservazzjoni meħtieġa għas-siti u jipprovdu riżorsi adegwati għall-implimentazzjoni tagħhom biex iżommu/jirrestawraw speċijiet u ħabitats ta’ interess komunitarju għal status ta’ konservazzjoni favorevoli fil-medda naturali kollha tagħhom. Ilestu u jaġġornaw il-qafas ta’ azzjonijiet prijoritizzati (PAFs). Itejbu l-għarfien u d-disponibilità tad-dejta biex jistgħu jimplimentaw aħjar miżuri ta’ konservazzjoni xierqa.

AT, BE, BG, CY, CZ, DE, DK, EE, EL, ES, FI, FR, HR, HU, IE, IT, LT, LU, LV, MT, NL, PL, PT, RO, SE, SI, SK, UK

Jiżguraw li l-pjanijiet ta’ ġestjoni ta’ Natura 2000 ikunu qed jiġu implimentati b’mod effettiv, b’kapaċità amministrattiva u b’finanzjament. Jibnu l-kapaċità tal-awtoritajiet kompetenti (il-korpi ċentrali, reġjonali, ta’ ġestjoni tas-siti) biex jimplimentaw il-Pjanijiet ta’ Ġestjoni, iżidu l-għarfien dwar Natura 2000 u l-inċentivi għall-investimenti li jippromwovu l-benefiċċji tiegħu, u jindirizzaw l-attivitajiet illegali li jaffettwaw il-ħajja selvaġġa b’infurzar imsaħħaħ, kemm fiż-żoni ta’ Natura 2000 u anki barra.

BG, EE, EL, IT, PL, RO, SI, SK

Jiżviluppaw u jippromwovu approċċi ta’ implimentazzjoni intelliġenti u simplifikati, b’mod partikolari fir-rigward tal-proċeduri li jagħtu permessi għal siti u għal speċijiet, billi jiżguraw l-għarfien u d-disponibilità tad-dejta meħtieġa u jsaħħu l-komunikazzjoni mal-partijiet konċernati.

AT, BG, CY, CZ, DE, EE, ES, HU, IT, LT, MT, PL, PT

Ikomplu jappoġġaw l-immappjar u l-valutazzjoni tal-ekosistemi u tas-servizzi tagħhom, l-evalwazzjoni u l-iżvilupp ta’ sistemi kontabilistiċi tal-kapital naturali.

AT, BE, BG, CY, CZ, DE, DK, EE, EL, ES, FI, FR, HR, HU, IE, IT, LT, LV, MT, NL, PL, PT, RO, SE, SI, SK

Jibnu l-kapaċità tal-amministrazzjoni biex itejbu l-proċeduri għal Valutazzjoni Xierqa u jipprevenu d-deterjorament tas-siti ta’ Natura 2000 bi żviluppi dannużi.

CY, EL, IT

Jiżguraw l-infurzar xieraq tal-projbizzjonijiet tal-kaċċa għall-ispeċijiet tal-għasafar protetti.

CY, FR, MT

Isaħħu l-integrazzjoni tal-kwistjonijiet relatati mal-bijodiversità f’politiki oħrajn (speċjalment fl-agrikultura, iżda anki fil-forestrija, fis-sajd, fl-ippjanar urban u infrastrutturali u fit-turiżmu) u l-promozzjoni tal-komunikazzjoni bejn il-parteċipanti.

DE, DK, FR, PT, SI

Jottimizza l-kontribut ta’ Natura 2000 u tan-netwerks nazzjonali tan-natura biex jiksbu status ta’ konservazzjoni tajjeb, u biex inaqqsu l-frammentazzjoni tal-ħabitats, id-depożizzjoni atmosferika tan-nitroġenu, id-dessikazzjoni u l-aċidifikazzjoni.

NL

Jevita frammentazzjoni ulterjuri tal-ħabitats u jieħu miżuri biex jirrestawra l-konnettività.

LU

Jiżguraw li l-Programmi tal-Iżvilupp Rurali u l-implimentazzjoni tal-ekoloġizzazzjoni jiffavorixxu l-miżuri tal-bijodiversità u jikkontribwixxu biex jinkiseb status ta’ konservazzjoni favorevoli tal-ħabitats u tal-ispeċijiet, l-aktar għaż-żamma tal-biedja ta’ Valur Naturali Għoli.

LU, NL, RO

Jikkapitalizzaw il-kapital naturali ta’ valur biex joħolqu l-impjiegi u jżidu d-dħul. F’dan il-kuntest, jippromwovu aktar it-turiżmu sostenibbli.

EL, ES

Ikomplu jappoġġaw il-ħidma li qed issir għal sħubija sostenibbli għall-protezzjoni tal-bijodiversità, għall-iżvilupp sostenibbli u l-adattament għat-tibdil fil-klima, u għall-miżuri ta’ mitigazzjoni fir-Reġjuni Ultraperiferiċi u f’Pajjiżi u Territorji estra-Ewropej.

FR, UK

Itejbu l-inċentivi għall-forestiera u għall-bdiewa biex jipproteġu aħjar il-ħabitat tal-foresti u tal-bwar. Jiżguraw il-ġestjoni sostenibbli tal-foresti u jippromwovu l-użu effiċjenti tal-bijomassa.

LV, SK

Il-protezzjoni tal-baħar 2

Tkompli l-ħidma biex jitjiebu d-definizzjonijiet ta’ status ambjentali tajjeb (GES) (b’mod partikolari għad-deskritturi tal-bijodiversità), inkluż b’koperazzjoni reġjonali billi jużaw il-ħidma tal-Konvenzjonijiet tal-Baħar Reġjonali rilevanti.

BE, CY, DE, DK, EE, EL, ES, FI, FR, HR, IE, IT, LT, LV, MT, NL, PT, RO, SE, SI, UK

Jidentifikaw u jindirizzaw id-diskrepanzi fl-għarfien li huma l-bażi tal-GES.

BE, BG, CY, DE, DK, EE, FI, FR, IE, LT, LV, MT, NL, PT, RO, SI

Ikomplu jiżviluppaw approċċi li jivvalutaw (u jikkwantifikaw) l-impatti tal-pressjonijiet ewlenin biex ħalli jkunu jistgħu jitjiebu r-riżultati tal-valutazzjoni u jkunu aktar konklużivi għar-rappurtar tal-2018.

BE, BG, CY, DE, EE, EL, HR,IE, IT, LV, LT, MT, NL, RO, SE, UK

Ikomplu jintegraw il-programmi tal-monitoraġġ eżistenti skont leġiżlazzjoni oħra tal-UE u jimplimentaw programmi tal-monitoraġġ konġunti żviluppati fil-livell (sub)reġjonali (HELCOM, OSPAR, il-Konvenzjoni ta’ Barċellona, il-Kummissjoni tal-Baħar l-Iswed). Isaħħu l-komparabbiltà u l-konsistenza tal-metodi tal-monitoraġġ fir-reġjuni marini tal-pajjiż.

BE, BG, CY, DE, DK, EE, ES, FI, FR, HR, IE, IT, LT, LV, NL, PT, RO, SE, SI, UK

Jiffinalizzaw, jirrappurtaw u jimplimentaw minnufih il-programm nazzjonali tal-miżuri.

BG, CY, DK, EE, EL, HR, LT, MT, SI, RO

Jiżguraw li l-programm tal-monitoraġġ tal-Istat Membru jiġi implimentat mingħajr dewmien, u li jixraq għall-monitoraġġ tal-progress lejn GES.

BE, BG, CY, DE, DK, EE, ES, FI, FR, HR, IT, IE, LT, LV, MT, NL, PT, RO, SE, SI, UK

Il-kwalità tal-arja

Ikompli jnaqqsu x-xejriet tal-emissjonijiet tas-sustanzi niġġiesa tal-arja biex jiksbu konformità sħiħa mal-limiti nazzjonali applikabbli tal-emissjonijiet u mal-valuri limitu tal-kwalità tal-arja. Inaqqsu l-impatti ħżiena tat-tniġġis tal-arja fuq is-saħħa, l-ambjent u l-ekonomija.

AT, BE, DE, DK, ES, FI, FR, LU, NL

Ikompli jnaqqsu x-xejriet tal-emissjonijiet tas-sustanzi niġġiesa tal-arja biex jiksbu konformità sħiħa mal-valuri limitu tal-kwalità tal-arja. Inaqqsu l-impatti ħżiena tat-tniġġis tal-arja fuq is-saħħa, l-ambjent u l-ekonomija.

BG, CZ, EL, HR, HU, IT, LT, PL, PT, RO, SE, SI, SK, UK

Ikompli jnaqqsu x-xejriet tal-emissjonijiet tas-sustanzi niġġiesa tal-arja – u jnaqqsu l-impatt ħażin tat-tniġġis tal-arja fuq is-saħħa, l-ambjent u l-ekonomija, fosthom bl-iżvilupp ta’ strateġija komprensiva u pjan ta’ azzjoni li jindirizzaw il-konġestjoni tat-traffiku.

CY, EE, MT

Inaqqsu l-emissjonijiet tal-ammonijaka (NH3) biex jikkonformaw mal-livelli massimi nazzjonali tal-emissjonijiet applikabbli bħalissa, pereżempju billi jintroduċu jew iwessgħu l-użu ta’ tekniki agrikoli b’emissjonijiet baxxi.

AT, DE, DK, ES, FI, NL

Inaqqsu l-emissjonijiet tal-NMVOCs biex jikkonformaw mal-livelli massimi nazzjonali tal-emissjonijiet applikabbli bħalissa, u meta applikabbli biex inaqqsu l-konċentrazzjonijiet tal-ożonu.

DE, DK, IE, LU

Inaqqsu l-emissjonijiet tal-ossidu tan-nitroġenu (Nox) biex jikkonformaw mal-livelli massimi nazzjonali tal-emissjonijiet applikabbli bħalissa u/jew biex inaqqsu d-diossidu tan-nitroġenu (NO2) (u meta applikabbli tal-konċentrazzjonijiet tal-ożonu), fost l-oħrajn billi jnaqqsu l-emissjonijiet relatati mat-trasport, l-aktar fiż-żoni urbani.

AT, BE, CZ, DE, DK, EL, ES, FI, FR, HU, IE, IT, LU, NL, PL, PT, RO, SE, SK, UK

Inaqqsu l-emissjoni u l-konċentrazzjoni tal-PM10 (u meta applikabbli tal-l-benżo[a]piren), fost l-oħrajn billi jnaqqsu l-emissjonijiet relatati mal-ġenerazzjoni tal-enerġija u tas-sħana bl-użu ta’ fjuwils solidi, mat-trasport u mal-agrikultura.

AT, BE, BG, CZ, DE, EL, ES, FR, HR, HU, IT, LT, LV, PL, RO, SE, SI, SK

L-istorbju

Ilestu l-pjanijiet ta’ azzjoni dwar l-istorbju li għadhom neqsin.

BE, CY, CZ, DE, EL, ES, FR, HR, IT, LV, PL, PT, RO, SE, SI, SK

Ilestu l-mapep tal-istorbju li għadhom neqsin.

BE, EL, ES, FR, IT, LV, PT, RO, SK

Il-kwalità u l-ġestjoni tal-ilma

Itejbu l-politika dwar l-ilma b’konformità mal-loġika ta’ intervent tad-Direttiva Qafas dwar l-Ilma fit-tieni ċiklu tal-pjanijiet tal-immaniġġar tal-baċin tax-xmara (RBMPs), jiġifieri jipprovdu valutazzjoni aktar dettaljata tal-pressjonijiet biex itejbu l-monitoraġġ ħalli jsiru jafu x’inhu l-istatus tal-korpi tal-ilma u jfasslu Programmi tal-Miżuri li jindirizzaw il-pressjonijiet ewlenin kollha identifikati, l-aktar il-pressjonijiet idromorfoloġiċi u t-tniġġis, mill-agrikultura, mill-industrija u mill-ilma mormi urban. Il-Programmi tal-Miżuri u l-programmi tal-monitoraġġ għandhom jiġu ffinanzjati sew.

AT, BE, BG, CY, CZ, DE, DK, EE, EL, ES, FI, FR, HR, HU, IE, IT, LT, LU, LV, MT, NL, PL, PT, RO, SE, SI, SK, UK

Jiżguraw li l-eżenzjonijiet mogħtija jkunu jissodisfaw il-kundizzjonijiet kollha tad-Direttiva Qafas dwar l-Ilma u li dawn jiġu appoġġati b’evidenza, l-aktar fejn tidħol il-valutazzjoni ta’ alternattiva ambjentali ferm aħjar. Ikomplu bl-isforz biex jonqos l-għadd ta’ eżenzjonijiet.

AT, BE, MT, NL, PL

Jistabbilixxu u/jew iniedu politika dwar l-ipprezzar tal-ilma li tkopri firxa wiesgħa ta’ servizzi tal-ilma u bbażata fuq il-kejl tal-użu, b’mod li tkun tinkludi tariffi li jirriflettu l-ispejjeż ambjentali u tar-riżorsi u li tipprovdi inċentivi għal użu aktar effiċjenti tal-ilma. Għandhom jerġgħu jikkunsidraw l-eżenzjonijiet mit-tariffi tal-ilma. Hu rrakkomandat ukoll li jitwaqqaf regolatur nazzjonali jew korp superviżorju li jiżgura l-konsistenza u li t-tariffi jkollhom irkupru adegwat tal-ispejjeż.

BG, CY, CZ, ES, HU, IE, IT, SK

Jiżguraw li jiġi indirizzat b’mod effettiv it-tniġġis tal-ilma mill-agrikultura kemm skont id-Direttiva dwar in-Nitrati kif ukoll id-Direttiva Qafas dwar l-Ilma. Jieħdu miżuri bażiċi u supplimentari effettivi biex jindirizzaw dak it-tniġġis. Jissorveljaw l-iżvilupp tal-pressjoni agrikola u tal-kwalità tal-ilma, bil-għan li jinfurmaw id-deżinjazzjoni taż-żoni vulnerabbli u r-reviżjoni tal-Programmi ta’ Azzjoni dwar in-Nitrat. Iqisu, meta rilevanti, iż-żoni b’livelli intensivi ta’ agrikultura u nitrat, ix-xejriet tal-pressjoni agrikola dejjem akbar, u l-korpi tal-ilma partikolarment sensittivi, bħall-Baħar Baltiku.

BE, BG, CY, CZ, DE, DK, EE, EL, ES, FI, FR, IE, IT, LT, LV, MT, NL, PL, PT, RO, SE, SI, UK

Itejbu l-kontroll tal-astrazzjoni tal-ilma kemm għall-ilma tal-wiċċ kif ukoll għall-ilma tal-pjan. Jippromwovu l-effiċjenza fl-użu tal-ilma u ż-żamma sostenibbli tal-ilma inklużi b’miżuri naturali għaż-żamma tal-ilma fil-Programm tal-Miżuri u jiżguraw finanzjament adegwat. Fil-każ ta’ Ċipru, l-ilma mid-desalinazzjoni ma għandux imur għal użu agrikolu.

CY, ES

Jirrevedu l-permessi tal-ilma biex ikunu konsistenti mal-għanijiet ambjentali u jiżguraw li l-proġetti l-ġodda li jistgħu jikkaġunaw deterjorament tal-istatus jiġu vvalutati kif xieraq skont l-Artikolu 4(7) tad-Direttiva Qafas dwar l-Ilma. F’dawn il-valutazzjonijiet iridu jitqiesu l-alternattivi u miżuri ta’ mitigazzjoni adegwati. Jirrevedu u jaġġornaw il-politika tal-liċenzjar biex jiġu awtorizzati jew jinżammu l-impjanti idroelettriċi .

BG, CY, CZ, EL, ES, HU, IT, LT, LU, PL, PT, SE, SK

Ilestu l-implimentazzjoni tad-Direttiva dwar it-Trattament tal-Ilma Urban Mormi għall-agglomerazzjonijiet kollha. Jibnu l-infrastruttura biex jikkonformaw mad-Direttiva dwar l-Ilma Tajjeb għax-Xorb u mad-Direttiva dwar it-Trattament tal-Ilma Urban Mormi (UWWTD). Itejbu s-sistema nazzjonali tar-rappurtar skont il-UWWTD. Jissoktaw jipprijoritizzaw l-investimenti għall-impjanti tal-UWWT, fosthom bl-użu effiċjenti tal-finanzjament mill-Politika ta’ Koeżjoni meta eliġibbli.

BE, BG, CY, EL, ES, HR, HU, IE, IT, PL, PT, RO, SI

Iqis miżuri għar-razzjonalizzazzjoni tal-istrutturi u tas-servizzi tal-ġestjoni tal-ilma u tal-ilma mormi, kif ukoll inċentivi biex jiżdied il-livell ta’ konnessjonijiet fiżiċi man-netwerks.

LV

Jadottaw il-mapep kollha tar-riskju tal-għargħar u tal-periklu tal-għargħar. Meta jimplimentaw il-proġetti tal-protezzjoni kontra l-għargħar jiffokaw fuq il-miżuri taż-żamma bbażati fuq in-natura. Jikkombinaw il-ġestjoni tal-għargħar maż-żamma tal-ilma b’mod komprensiv, filwaqt li jikkunsidraw ukoll problemi serji relatati mal-iskarsezza tal-ilma.

BG, HU, IT, MT

Itejbu l-implimentazzjoni kkoordinata bejn il-politiki dwar l-ilma, l-ambjent marin u n-natura kif ukoll bejn l-awtoritajiet tal-ġestjoni tal-ilma.

BE, IT, PT

Il-ftehimiet internazzjonali

Iżidu l-isforzi biex ikunu parti għal ftehimiet ambjentali multilaterali rilevanti, billi jiffirmaw u jirratifikaw dawk li fadal.

EL, IE, IT, MT

Governanza effettiva fil-gvern ċentrali, reġjonali u lokali u koordinazzjoni u integrazzjoni

Jissimplifika l-proċeduri amministrattivi ambjentali u jtejjeb il-koperazzjoni tal-awtoritajiet pubbliċi (fil-livelli nazzjonali, reġjonali u lokali) involuti fl-applikazzjoni tal-politiki ambjentali.

EL

Issaħħaħ il-kapaċità amministrattiva fil-Ministeru għall-Ħarsien tal-Ambjent u tan-Natura għax dan iħalli effett pożittiv fuq l-użu tal-Fondi tal-UE u jħaffef l-allinjament mal-politiki u mal-leġiżlazzjoni ambjentali tal-UE.

HR

Jindirizzaw il-frammentazzjoni fil-livelli reġjonali u lokali billi jiżviluppaw mekkaniżmi għal koordinazzjoni aħjar fl-ambjent.

ES, HU, IT

Tiżgura li tingħata l-opinjoni ta’ awtorità funzjonalment indipendenti dwar il-valutazzjoni tal-effetti ta’ ċerti proġetti pubbliċi u privati fuq l-ambjent imsemmija fl-Artikolu 6 tad-Direttiva dwar il-EIA kif emendata.

FR

Tiżgura sħubija u trasparenza akbar fl-amministrazzjoni pubblika kollha u ssaħħaħ il-parteċipazzjoni pubblika fit-teħid tad-deċiżjonijiet relatati mal-kwistjonijiet ambjentali.

HU

Tuża iżjed il-valutazzjonijiet tal-impatt tal-abbozz tal-leġiżlazzjoni, li tkopri b’mod partikolari l-impatti ambjentali.

HU

Tistabbilixxi proċess ċar u trasparenti għall-awtorizzazzjoni tal-attivitajiet u tal-faċilitajiet li jħallu impatt fuq l-ambjent.

HU

Ittejjeb ir-rappurtar fil-ħin skont il-leġiżlazzjoni ambjentali tal-UE u tiżgura kapaċità biżżejjed fost il-persunal għal dan il-għan b’mod partikolari u b’mod aktar ġenerali għal implimentazzjoni u infurzar aktar effettivi tal-politika ambjentali.

MT

Tiżgura li l-Awtorità għall-Ambjent u għar-Riżorsi li għadha kif ġiet stabbilita jkollha responsabbiltajiet sodi. Tara li jkun hemm proċessi ċari u trasparenti għall-awtorizzazzjoni tal-faċilitajiet u tal-attivitajiet li jħallu impatt fuq l-ambjent.

MT

Tuża l-Fondi tal-UE biex jibni l-kapaċitajiet u l-għarfien espert meħtieġa fil-livelli kollha tal-amministrazzjoni involuti fl-implimentazzjoni u fl-infurzar.

PL

Issaħħaħ il-governanza tal-leġiżlazzjoni u tal-politiki ambjentali tal-UE, b’mod partikolari fil-konservazzjoni tan-natura u fil-ġestjoni tal-ilma (eż. tadatta l-istruttura u l-kompiti tal-awtoritajiet tal-ilma biex iwettqu aħjar il-kompiti relatati mal-implimentazzjoni tad-Direttiva Qafas dwar l-Ilma u tinvolvihom fil-proċess tal-ħruġ tal-permessi).

PL

Ittejjeb l-infurzar fil-każ ta’ nuqqas ta’ implimentazzjoni tal-miżuri ta’ mitigazzjoni u ta’ kumpens imposti fuq l-iżviluppaturi tal-proġetti fid-deċiżjonijiet ambjentali u fil-permessi tal-bini.

PL

L-esperjenza miksuba fid-definizzjoni u fl-implimentazzjoni tal-miżuri ta’ mitigazzjoni u ta’ kumpens rigward il-proġetti tad-digi għandha tiġi estiża għal infrastruttura oħra li aktarx li se jkollha impatti sinifikanti fuq in-netwerk Natura 2000. Il-kompożizzjoni tal-kummissjonijiet ta’ segwitu għal dawn il-proġetti għandha tkun mifruxa kemm jista’ jkun u tinkludi lil NGOs rappreżentanti.

PT

Jimplimenta u juża b’mod effettiv l-inizjattivi maħluqin dan l-aħħar biex itejjeb l-effiċjenza, l-effikaċja u l-koordinazzjoni tas-settur pubbliku fid-dominju ambjentali, jiġifieri jtejjeb il-qsim tal-informazzjoni u l-iskambju tad-dokumentazzjoni bejn l-entitajiet pubbliċi li huma responsabbli għall-ispezzjoni u għall-monitoraġġ fl-oqsma tal-Agrikultura, tal-Baħar u tal-Ambjent, bi pjattaforma operazzjonali.

PT

Tħaffef l-implimentazzjoni tagħha tal-istrateġija għat-tisħiħ tal-amministrazzjoni pubblika, li fi ħdanha l-ambjent għandu jingħata l-attenzjoni mistħoqqa.

RO

Ittejjeb il-kapaċità amministrattiva u l-koordinazzjoni tal-aġenziji involuti fl-implimentazzjoni, b’mod partikolari fir-rigward tal-ġestjoni tal-ilma u tal-iskart kif ukoll fir-rigward tal-kwalità tal-valutazzjonijiet tal-impatt.

RO

Tiżgura li l-leġiżlazzjoni ambjentali tal-UE tiġ rispettata bħala parti mir-riforma tas-sistema nazzjonali għall-ħruġ tal-permessi ħalli jitneħħa l-piż amministrattiv żejjed u jiġu ssimplifikati l-proċeduri.

SI

Itejbu l-applikazzjoni tal-EIA u tas-SEA bħala għodod importanti li jiżguraw l-integrazzjoni ambjentali.

CZ, SK

L-assigurazzjoni tal-konformità

Itejbu t-trasparenza fejn jidħlu l-organizzazzjoni u l-funzjonament tal-assigurazzjoni tal-konformità u fejn jidħol il-mod kif jiġu indirizzati ċerti riskji sinifikanti.

AT, BE, BG, CZ, DE, DK, EE, EL, ES, FI, FR, HR, HU, IE, IT, LT, LU, LV, MT, NL, PL, PT, RO, SE, SI, SK, UK

Iħeġġu parteċipazzjoni akbar tal-awtoritajiet kompetenti fin-netwerks ta’ konformità ambjentali.

AT, BG, CY, CZ, DK, EE, EL, FI, HR, HU, LU, LV, PT, RO, SE, SI, SK

Isaħħu l-isforzi fl-implimentazzjoni tad-Direttiva dwar ir-Responsabbiltà għall-Ħsara Ambjentali (ELD) b’inizjattivi proattivi, bħat-twaqqif ta’ reġistru nazzjonali tal-aċċidenti tal-ELD u/jew l-abbozzar ta’ gwida nazzjonali.

AT, BE, BG, CY, CZ, DE, EE, EL, FI, FR, HR, HU, IT, LT, LU, LV, MT, PL, RO, SE, SI, SK

Jieħdu passi ulterjuri biex jiżguraw sistema tas-sigurtà finanzjarja effettiva għar-responsabbiltajiet tal-ħsara ambjentali.

BE, CY, DK, EE, FI, FR, HR, HU, IE, IT, LT, LU, LV, MT, NL, PL, RO, SE, SI, UK

Il-parteċipazzjoni pubblika u l-aċċess għall-ġustizzja

Jieħdu l-miżuri meħtieġa biex jiżguraw il-locus standi tal-NGOs ambjentali ħalli jikkontestaw atti jew omissjonijiet ta’ awtorità pubblika fil-liġijiet ambjentali settorjali kollha tal-UE, b’konformità sħiħa mal-liġi tal-UE kif ukoll mal-Konvenzjoni dwar l-Aċċess għall-Informazzjoni, il-Parteċipazzjoni tal-Pubbliku fit-Teħid tad-Deċiżjonijiet u l-Aċċess għall-Ġustizzja fi Kwistjonijiet Ambjentali (il-Konvenzjoni ta’ Aarhus).

AT, BE, BG, CZ, DE, HU, IT, PL, SE, SI, SK

Jevalwaw l-ispejjeż tal-kontestazzjonijiet legali li jinvolvu l-liġi ambjentali tal-UE u jfittxu li jagħmlu sforzi li jiżguraw li ma jkunux għaljin wisq tant li jkunu projbittivi.

CY, DK, EE, ES, FR, IE, LU, MT, RO, UK

L-aċċess għall-informazzjoni, għall-għarfien u għall-evidenza

Jirrevedu b’mod kritiku l-effettività tal-politiki dwar id-dejta tal-pajjiż u jemendawhom, filwaqt li jqisu l-“aqwa prattiki”.

AT, BE, BG, CY, CZ, EE, EL, HR, HU, IT, LT, MT, PT, RO, SI, SK

Jidentifikaw u jiddokumentaw is-settijiet tad-dejta spazjali kollha meħtieġa għall-implimentazzjoni tal-liġi ambjentali, u tal-anqas jagħmlu d-dejta u d-dokumentazzjoni aċċessibbli “kif inhuma” għall-awtoritajiet pubbliċi l-oħra u għall-pubbliku permezz tas-servizzi diġitali previsti fid-Direttiva INSPIRE.

AT, BE, BG, CY, CZ, DE, DK, EE, EL, ES, FI, FR, HR, HU, IE, IT, LT, LU, LV, MT, NL, PL, PT, RO, SE, SI, SK, UK