RAPPORT TAL-KUMMISSJONI LILL-PARLAMENT EWROPEW U LILL-KUNSILL Rapport mill-Kummissjoni lill-Parlament Ewropew u lill-Kunsill dwar l-iżvilupp tas-Sistema ta’ Informazzjoni dwar il-Viża (VIS) fl-2012 (imressaq skont l-Artikolu 6 tad-Deċiżjoni tal-Kunsill 2004/512/KE) /* COM/2013/0232 final */
WERREJ RAPPORT MILL-KUMMISSJONI LILL-PARLAMENT EWROPEW
U LILL-KUNSILL Rapport mill-Kummissjoni lill-Parlament Ewropew u lill-Kunsill
dwar l-iżvilupp tas-Sistema ta’ Informazzjoni dwar il-Viża (VIS)
fl-2012 3 1........... Introduzzjoni................................................................................................................... 4 2........... Ħarsa Ġenerali................................................................................................................ 4 3........... Progress tul il-perjodu investigat...................................................................................... 5 3.1........ Aċċettazzjoni tas-Sistema
Finali...................................................................................... 5 3.2........ Implimentazzjoni reġjonali............................................................................................... 5 3.3........ Il-Mekkaniżmu ta’
Komunikazzjoni VIS Mail.................................................................. 6 3.4........ Żvilupp tas-Sistema ta’ Tqabbil
Bijometriku (BMS)......................................................... 6 3.5........ Kuntratt biex il-VIS tiżamm
f’Kundizzjoni ta’ Operat Tajjeb u għall-Manutenzjoni Evoluttiva (MWO/EM) 6 3.6........ Trasferiment lill-Aġenzija
tal-IT tal-UE "eu-LISA"........................................................... 7 3.7........ Statistika........................................................................................................................ 7 4........... Ġestjoni tal-Proġetti........................................................................................................ 7 4.1........ Pjanar u Baġit................................................................................................................. 7 4.2........ Ġestjoni tar-Riskju.......................................................................................................... 7 5........... Ħbieb tal-VIS................................................................................................................. 8 6........... Konklużjoni.................................................................................................................... 8 7........... Anness: Gruppi ta’ Ħidma
tal-VIS................................................................................... 9 7.1........ Il-Kumitat SISVIS.......................................................................................................... 9 7.2........ Laqgħat tal-Maniġers
tal-Proġetti Nazzjonali tal-VIS (NPM)........................................... 9 7.3........ Il-Grupp ta’ Esperti dwar il-VIS
Mail (VIS MEG).......................................................... 9 RAPPORT TAL-KUMMISSJONI LILL-PARLAMENT
EWROPEW U LILL-KUNSILL Rapport mill-Kummissjoni lill-Parlament
Ewropew u lill-Kunsill dwar l-iżvilupp tas-Sistema ta’ Informazzjoni dwar
il-Viża (VIS) fl-2012 (imressaq skont l-Artikolu 6
tad-Deċiżjoni tal-Kunsill 2004/512/KE) 1. Introduzzjoni Il-Kummissjoni, skont l-Artikolu 6
tad-Deċiżjoni tal-Kunsill 2004/512/KE
tat-8 ta’ Ġunju 2004 li tistabbilixxi s-Sistema ta’
Informazzjoni dwar il-Viża[1],
hawnhekk qed tibgħat lill-Kunsill u lill-Parlament Ewropew id-disa’ u
l-aħħar rapport dwar l-iżvilupp tas-Sistema ta’ Informazzjoni
dwar il-Viża (VIS)[2].
Ir-rapport ikopri x-xogħol imwettaq mill-Kummissjoni bejn Jannar u
Diċembru 2012. Dan ir-rapport se jkun l-aħħar wieħed
mogħti mill-Kummissjoni skont l-Artikolu 6 tad-Deċiżjoni
tal-Kunsill 2004/512/KE, billi […] l-iżvilupp tas-Sistema Ċentrali
ta’ Informazzjoni dwar il-Viża, l-Interface Nazzjonali f’kull Stat Membru,
l-infrastruttura ta’ komunikazzjoni bejn is-Sistema Ċentrali ta’
Informazzjoni dwal il-Viża u l-Interfaces Nazzjonali […][3] issa tlesta. 2. Ħarsa Ġenerali Is-Sistema ta’ Informazzjoni dwar il-Viża
(VIS) hija sistema tal-IT fuq skala kbira għall-iskambju tad-dejta dwar
viżi għal żjarat qosra fl-Istati ta’ Schengen. L-għan
tagħha huwa li tappoġġa l-implimentazzjoni ta’ politika komuni
tal-UE dwar il-viża – kif ukoll il-politika tal-UE dwar il-migrazzjoni u
l-kontroll tal-fruntieri – billi tipprevjeni l-“visa shopping”, tgħin
fil-ġlieda kontra l-migrazzjoni irregolari, tikkontribwixxi għall-prevenzjoni
tat-theddid għas-sigurtà interna tal-Istati Membri, u li tistabbilixxi
proċeduri trasparenti u eħfef għall-vjaġġaturi in
bona fede. Din hija akkumpanjata minn Sistema ta’ Tqabbil Bijometriku
(Biometric Matching System (BMS)), li tqabbel il-marki tas-swaba’. Il-VIS bdiet topera
fil-11 ta’ Ottubru 2011 fl-Afrika ta’ Fuq, meta l-Istati ta'
Schengen ikkollegaw l-uffiċċji konsulari tagħhom mas-sistema
fl-Alġerija, l-Eġittu, il-Libja, il-Mawritanja, il-Marokk u
t-Tuneżija. L-Istati ta’ Schengen bdew jużaw ukoll is-sistema
fil-punti ta’ qsim fil-fruntieri esterni tagħhom
fil-31 ta’ Ottubru 2011. Il-VIS qed tixtered b’mod progressiv,
reġjun b’reġjun, u eventwalment mistennija tkopri d-dinja kollha. Il-Kummissjoni Ewropea kien ilha responsabbli
mill-ġestjoni u l-proċess ta’ implimentazzjoni kollu tal-VIS
mill-2004, sakemm eu-LISA[4]
assumiet ir-responsabbiltà operattiva tas-sistema
fl-1 ta’ Diċembru 2012 (ara t-Taqsima 3.6.). Is-sistema ilha tiffunzjona b’mod tassew
sodisfaċenti minn meta tnediet u ġie rrappurtat biss għadd
limitat ta’ kwistjonijiet tekniċi żgħar. Il-kapaċità
ċentrali tagħha u l-prestazzjoni se jiżdiedu hekk kif is-sistema
tinfirex gradwalment madwar id-dinja (ara t-Taqsima 3.5.). Tul
l-aħħar tliet xhur tal-perjodu ta’ rappurtar, fuq medja,
inħarġu 4 900 viża ta' Shengen kuljum bil-VIS. 3. Progress tul il-perjodu investigat 3.1. Aċċettazzjoni
tas-Sistema Finali L-Aċċettazzjoni tas-Sistema Finali
(FSA) hija pass importanti previst fil-kuntratt iffirmat fl-2005 bejn
il-konsorzju ta’ Hewlett-Packard Steria (HPS) u l-Kummissjoni Ewropea. Isir
qbil dwar l-FSA meta jitqies li l-kuntrattur ikun lesta l-iżvilupp
tas-sistema u jinħeles mill-obbligi kuntrattwali tiegħu
fl-iżvilupp tal-proġett. Din ingħatat, kif kien stipulat
fil-kuntratt, wara ħames xhur konsekuttivi ta’ operat mingħajr
inċidenti, f’Awwissu 2012. Dan il-pass importanti jindika t-tmiem
tal-iżvilupp tas-sistema fis-sens tal-Artikolu 6
tad-Deċiżjoni tal-Kunsill 2004/512/KE
tat-8 ta' Ġunju 2004 li tistabbilixxi s-Sistema ta'
Informazzjoni dwar il-Viża, u għaldaqstant it-tmiem tar-rapporti dwar
il-progress annwali msemmijin f'dan l-Artiklu. 3.2. Implimentazzjoni
reġjonali Tul il-perjodu ta’ rappurtar, il-VIS ġiet
implimentata b’suċċess f’żewġ reġjuni
ġeografiċi oħra, fir-reġjuni tal-Lvant Qrib u tal-Golf, fl-10 ta’ Mejju
u t-2 ta’ Ottubru rispettivament[5].
Kien hemm qbil dwar id-dati għall-bidu tal-operat fil-qafas tal-grupp ta’
tmexxija informali “Ħbieb tal-VIS” (FoVIS), u fformalizzati
f’żewġ atti legali skont l-Artikolu 48 tar-Regolament VIS[6]. Fis-27 ta’ April 2012,
il-Kummissjoni Ewropea adottat Deċiżjoni ta’ Implimentazzjoni
(2012/233/UE) li tiddetermina d-data li fiha l-VIS għandha tibda topera
fir-reġjun tal-Lvant Qrib. Id-data li ntgħażlet kienet
l-10 ta’ Mejju 2012.[7]
Fil-21 ta' Settembru 2012 (2012/512/UE) ġiet adottata
Deċiżjoni ta’ Implimentazzjoni sussegwenti li tiddetermina d-data li
fiha l-VIS għandha tibda l-operat tagħha fir-reġjun tal-Golf.
Id-data magħżula kienet it-2 ta’ Ottubru 2012.[8] Għaż-żewġ reġjuni,
l-Istati Membri kollha nnotifikaw lill-Kummissjoni dwar kemm huma lesti biex
jingħaqdu mas-sistema fil-ħin opportun. L-implimentazzjoni b’suċċess u bla
inċidenti tal-VIS f’dawn ir-reġjuni li jkopru 14-il pajjiż, juri
li s-sistema laħqet livell tassew sodisfaċenti u li tista’ topera
fir-reġjuni sussegwenti. Fl-24 ta’ April 2012,
il-Kummissjoni Ewropea adottat Deċiżjoni ta’ Implimentazzjoni
(2012/274/UE) li tiddetermina t-tieni sett ta’ reġjuni
għall-implimentazzjoni tal-VIS.[9] 3.3. Il-Mekkaniżmu
ta’ Komunikazzjoni VIS Mail Il-Mekkaniżmu ta’ Komunikazzjoni VIS Mail
jippermetti li jkun hemm it-trażmissjoni tal-messaġġi bejn
l-Istati Membri bl-użu tal-infrastruttura tan-netwerk tal-VIS. Tul
il-perjodu ta’ rappurtar, ix-xogħol kien iffukat fuq it-tħejjija
tal-hekk imsejħa “Fażi 2” tal-VIS Mail, li se tissostitwixxi
n-netwerk ta’ konsultazzjoni ta’ Schengen (is-sistema VISION, bil-ġestjoni
tal-Kunsill) ladarba l-VIS tkun ġiet implimentata mad-dinja. Il-Fażi
2 se żżid kategoriji ġodda ta’ messaġġi li diġà
kienu ġew skambjati fil-Fażi 1, li bdiet topera mill-11 ta’ Ottubru 2011.
Fl-2012, l-ispeċifiċitajiet tekniċi ġew stabbilizzati u
ġew iddefiniti t-testijiet għall-2013. Qabel ma l-fajl tal-Fażi
2 tal-VIS Mail ingħata lil eu-LISA (ara t-taqsima 3.6.),
il-pjan tat-testijiet u d-deskrizzjonijiet dettaljati tat-testijiet ġew
approvati mill-Istati Membri. Fid-29 ta' Frar 2012,
il-Kummissjoni Ewropea adottat Deċiżjoni ta' Implimentazzjoni[10] għall-implimentazzjoni
tal-mekkaniżmu ta’ komunikazzjoni tal-“Fażi 2 tal-VIS Mail”. 3.4. Żvilupp
tas-Sistema ta’ Tqabbil Bijometriku (BMS) Is-Sistema ta’
Tqabbil Bijometriku (BMS) bdiet topera flimkien mal-VIS
fil-11 ta’ Ottubru 2011. Il-BMS, li tipprovdi servizz ta’
tqabbil tal-marki tas-swaba’ lill-VIS, ingħatat l-Aċċettazzjoni
Finali tas-Sistema f'Marzu 2012 wara ħames xhur topera mingħajr
inċidenti. Tul il-perjodu ta’
rappurtar, kien hemm żieda kostanti fil-kwalità tal-marki tas-swaba'
tal-BMS, li stabbilizzat għal rata globali ta' Nuqqas ta'
Reġistrazzjoni (Failure to Enrol - FTE)[11]
ta’ madwar 4 %. Fil-bidu tal-2012, l-FTE ġenerali kien għadha
madwar 16 %. L-Istati Membri komplew jużaw il-kits tas-softwer
mogħtija mill-kuntrattur tal-BMS għall-apparat li jimmarka l-marki
tas-swaba’ tagħhom. Il-maġġoranza
tal-marki tas-swaba’ ntbagħtu minn Franza, il-Ġermanja, l-Italja u
Spanja. Anki għadd
ta’ pajjiżi parteċipi (il-Belġju, Franza, il-Ġermanja,
l-Italja, il-Latvja, il-Pajjiżi l-Baxxi, il-Polonja, u l-Isvizzera) bdew
jivverifikaw il-marki tas-swaba’ fil-punti ta’ qsim fil-fruntieri, xi
ħaġa li hija fakultattiva għal perjodu tranżitorju ta’
tliet snin skont il-Kodiċi tal-Fruntieri ta’ Schengen. L-Istati Membri
għażlu li ma jnaqqsux dan il-perjodu tranżitorju għal sena
għall-fruntieri tal-ajru. L-Isvizzera u
l-Isvezja bdew ifittxu fil-VIS/BMS bil-marki tas-swaba’ tal-applikanti
għall-asil. 3.5. Kuntratt
biex il-VIS tiżamm f’Kundizzjoni ta’ Operat Tajjeb u
għall-Manutenzjoni Evoluttiva (MWO/EM) Il-Kummissjoni
ħarġet sejħa għall-offerti biex il-VIS “Tinżamm
f’Kundizzjoni ta’ Operat Tajjeb (MWO) u għall-Manutenzjoni Evoluttiva
(EM)” fl-14 ta’ Lulju 2011, biex ikun hemm min jipprovdi
l-manutenzjoni teknika tal-VIS biex topera tajjeb u biex tittejjeb
il-prestazzjoni tas-sistema tul iż-żmien, b'kunsiderazzjoni tad-dejta
li se tiddaħħal fil-VIS fis-snin li ġejjin. Il-kuntratt
ingħata f’Awwissu 2012 u l-kuntrattur ħa r-responsabbiltà
sħiħa tal-VIS mingħand il-kuntrattur eżistenti sa tmien
il-perjodu ta’ rappurtar. 3.6. Trasferiment
lill-Aġenzija tal-IT tal-UE "eu-LISA" eu-LISA assumiet
ir-responsabbiltà operattiva tal-VIS mingħand il-Kummissjoni
fl-1 ta’ Diċembru 2012. Waqt fażi tranżitorja,
kuntratt ta’ servizz bejn il-Kummissjoni Ewropea u Franza jippermetti
lill-awtoritajiet Franċiżi fi Strassburgu (C.SIS) biex jgħinu
fl-operat tal-VIS waqt li r-responsabbiltà tiġi trasferita gradwalment fuq
eu-LISA. Il-Kummissjoni kienet tassew involuta fit-trasferiment
tal-proġetti tal-VIS u tal-BMS għand eu-LISA fi tmien il-perjodu ta’
rappurtar. Ingħata appoġġ kunsiderevoli mill-Kummissjoni f’forma
ta’ taħriġ u monitoraġġ, li ppermetta lill-aġenzija
tieħu f’idejha l-ġestjoni tal-VIS bl-aħjar kundizzjonijiet
possibbli. 3.7. Statistika Sat-22 ta’ Novembru 2012,
il-VIS kien irnexxielha tipproċessa qrib il-1,9 miljun applikazzjoni
għal viża, li minnhom 1,5 miljuni wasslu biex ħarġu
viżi ta’ Schengen, filwaqt li qrib il-235 000 viża ġew
irrifjutati. Is-sistema ċentrali trattat kważi 40 miljun
operazzjoni li waslu minn konsolati minn madwar id-dinja u mill-punti ta’ qsim
fil-fruntieri. Iċ-ċifri huma marbutin mal-użu tal-VIS fit-tliet
reġjuni fejn is-sistema ġiet implimentata, kif ukoll il-konsulati
fejn l-Istati Membri bdew jużaw il-VIS qabel id-data prevista. Minn dakinhar
il-produzzjoni tad-dejta statistika ġiet trasferita għand eu-LISA. 4. Ġestjoni tal-Proġetti 4.1. Pjanar
u Baġit L-approprjazzjonijiet
ta’ impenn totali disponibbli għall-VIS fl-2012 ammontaw għal
EUR 40 miljun, li minnhom intużaw 99,8 %.
L-approprjazzjonijiet ta’ pagament ammontaw għal EUR 33,8 miljun
li minnhom intużaw 96,8 %. Il-linja baġitarja għall-VIS
hija 18.0205. || AI disponibbli || Eżekuzzjoni tal-AI || Total % || || AP disponibbli || Eżekuzzjoni tal-AP || Total % C1 (krediti mid-Deċiżjoni ta’ Finanzjament tal-VIS tal-2012) || 38 740 000,00 || 38 661 331,99 || || || 32 458 123,00 || 31 394 314,52 || C5 (krediti mill-kontribuzzjonijiet IS, NO, CH 2011) || 1 298 209,85 || 1 298 209,85 || || || 1 298 209,85 || 1 298 209,85 || Total || 40 038 209,85 || 39 959 541,84 || 99,8 % || || 33 756 332,85 || 32 692 524,37 || 96,8 % || || || || || || || 4.2. Ġestjoni
tar-Riskju Bħal fis-snin
ta’ qabel, l-aktar riskji importanti fil-livell ċentrali u nazzjonali
kienu identifikati mill-Kummissjoni u ppreżentati lill-Istati Membri
fil-laqgħat ta’ kull xahar tal-Maniġers tal-Proġetti Nazzjonali
tal-VIS, kif ukoll fil-laqgħat tal-FoVIS. Fi tmiem l-2012,
l-aktar riskji kritiċi li ġew identifikati kienu dawn li ġejjin:
a) il-kwalità
tad-dejta alfanumerika waqt l-operat; b) l-abbiltà
tal-Istati Membri li jikkonformaw mal-obbligi fil-Manwal tal-Operaturi u
tar-Regolament VIS (inkluża l-awtoverifika); c) it-trasferiment
tal-VIS lil eu-LISA; d) il-kwalità
tal-marki tas-swaba’ waqt l-operat; e)
l-aġġornament f’waqtu tal-kapaċità tal-VIS. Għar-riskji
kollha, ġew stabbiliti azzjonijiet ta’ mitigazzjoni u l-partijiet
interessati kollha ħadmu id f’id biex jillimitaw l-impatt ta’ dawn
ir-riskji fuq il-proġett ġenerali. 5. Ħbieb tal-VIS Il-grupp ta’
ħidma informali tal-Kunsill iltaqa’ sitt darbiet waqt il-perjodu ta’
rappurtar – tliet darbiet fl-ewwel semestru u tliet darbiet fit-tieni semestru.
Bħal ma jsir normalment, l-aġenda ġiet stabbilita mill-Istat
Membru li kellu l-Presidenza tal-Kunsill (id-Danimarka u Ċipru
rispettivament) b’koordinazzjoni mal-Kummissjoni u s-Segretarjat Ġenerali
tal-Kunsill. Il-format tal-laqgħa ma nbidilx, b’aġġornament
tekniku mill-Kummissjoni dwar il-qagħda tal-VIS, rapport dwar ir-riskji,
riżultati mill-mekkaniżmu ta’ rappurtar dwar il-progress nazzjonali u
diskussjonijiet strateġiċi dwar l-implimentazzjoni reġjonali
tal-VIS. Kif ġara
fl-ewwel reġjun, is-sistema ta’ monitoraġġ nazzjonali użata
fil-laqgħat tal-FoVIS ippermettiet tnedija b’suċċess tal-VIS
fir-reġjuni tal-Lvant Qrib u tal-Golf. Fil-laqgħa
tat-18 ta’ Lulju 2012, ġie maqbul li d-data li fiha
l-użu tal-VIS isir obbligatorju għall-Istati Membri kollha fil-Punent
tal-Afrika u l-Afrika Ċentrali tista’ tkun
l-14 ta' Marzu 2013. 6. Konklużjoni Tliet avvenimenti
prinċipali kkaratterizzaw il-proġett VIS fl-2012. L-ewwel,
l-Aċċettazzjoni tas-Sistema Finali (FSA) ingħatat
lill-Kuntrattur tal-Iżvilupp Prinċipali, u b’hekk intemmet relazzjoni
kuntrattwali ta’ seba’ snin bejn il-Kummissjoni u l-konsorzju ta’ HPS.
It-tieni, il-VIS ġiet imnedija b’suċċess f’żewġ
reġjuni ġeografiċi oħrajn, ir-reġjuni tal-Lvant Qrib u
tal-Golf. Dan l-iżvilupp ikkonferma kemm hi soda s-sistema u
l-kapaċità li tiġi implimentata f’reġjuni oħra fil-futur.
Fl-aħħar nett, ir-responsabbiltà operattiva tas-sistema għaddiet
għand eu-LISA, li issa hija kompletament operattiva kemm fis-siti
tekniċi fi Strasburgu u Sankt Johann im Pongau u kemm fil-kwartieri
f’Talinn. Dan huwa
l-aħħar rapport annwali dwar il-progress tal-proġett VIS
mogħti mill-Kummissjoni skont l-Artikolu 6 tad-Deċiżjoni
tal-Kunsill 2004/512/KE. 7. Anness: Gruppi ta’ Ħidma tal-VIS 7.1. Il-Kumitat
SISVIS Il-Kumitat SISVIS
fil-formazzjoni tal-VIS[12]
iltaqa’ darba fl-2012, fit-8 ta’ Marzu. Waqt il-laqgħa,
il-Kummissjoni infurmat lid-delegazzjonijiet li d-Deċiżjoni ta’
Implimentazzjoni tal-Kummissjoni dwar l-ispeċifikazzjonijiet tekniċi
għall-mekkaniżmu ta’ komunikazzjoni VIS Mail ġiet adottata
fid-29 ta’ Frar. Il-Kumitat bagħat ukoll opinjoni favorevoli
dwar id-Deċiżjoni ta’ Implimentazzjoni tal-Kummissjoni li
tiddetermina t-tieni sett ta’ reġjuni biex fihom jibdew l-operazzjonijiet
tal-VIS. Din id-Deċiżjoni hija bbażata fuq dokument informali
tal-Kummissjoni ta’ Ġunju 2011 u tkopri s-sekwenza tar-reġjuni
minn 4 sa 11, it-tnejn inklużi. 7.2. Laqgħat
tal-Maniġers tal-Proġetti Nazzjonali tal-VIS (NPM) Waqt il-perjodu
ta’ rappurtar, il-Kummissjoni sejħet seba’ laqgħat ta’ gruppi ta’
esperti mal-Maniġers tal-Proġetti Nazjjonali tal-Istati Membri, biex
jiddiskutu l-istatus tal-proġett VIS, kwistjonijiet tekniċi
fid-dettall, riskji u attivitajiet f’livell ta’ proġetti ċentrali u
nazzjonali. L-aħħar laqgħa tal-Maniġers tal-Proġetti
Nazzjonali tal-VIS saret fil-25 ta’ Ottubru u minn dakinhar ġiet
sostitwita mill-hekk imsejjaħ Grupp Konsultattiv tal-VIS, li jiġi
organizzat minn eu-LISA. 7.3. Il-Grupp
ta’ Esperti dwar il-VIS Mail (VIS MEG) Il-grupp iltaqa’
seba’ darbiet waqt il-perjodu ta’ rappurtar bil-għan li jappoġġa
l-implimentazzjoni tal-Mekkaniżmu ta’ Komunikazzjoni tal-VIS Mail u b’mod
partikolari l-hekk imsejħa “Fażi 2” (ara t-taqsima 3.3.).
L-aħħar laqgħa tal-VIS MEG saret fid-29 ta’ Ottubru.
Minn dakinhar il-kwistjonijiet relatati mal-VIS Mail ġew inkorporati
fil-Grupp Konsultattiv tal-VIS, taħt ir-responsabbiltà ta’ eu-LISA. [1] ĠU L 213
tal-15.6.2004, p. 5. [2] Għat-tmien rapport, ara r-Rapport mill-Kummissjoni
lill-Kunsill u lill-Parlament Ewropew dwar l-iżvilupp tas-Sistema
tal-Informazzjoni dwar il-Viża (VIS) fl-2011, COM(2012) 376 finali
tal-11.07.2012 [3] ĠU L 213 tal-15.6.2004,
p. 5. [4] L-Aġenzija Ewropea
għat-tmexxija operattiva tas-sistemi tal-IT fuq skala kbira fil-qasam
tal-libertà, is-sigurtà u l-ġustizzja. [5] Skont id-Deċiżjoni
tal-Kummissjoni 2010/49/KE tat-30 ta’ Novembru 2009 li
tiddetermina l-ewwel reġjun għall-bidu tal-attivitajiet tas-Sistema
ta’ Informazzjoni dwar il-Viża (VIS), ĠU L 23, 27.1.2010,
p. 62 [6] Ir-Regolament (KE)
Nru 767/2008 tal-Parlament Ewropew u tal-Kunsill
tad-9 ta’ Lulju 2008 dwar is-Sistema tal-Informazzjoni dwar
il-Viża (VIS) u l-iskambju ta' data bejn l-Istati Membri dwar viżi
għal perjodu qasir (Regolament VIS) - ĠU L 218 tat-13.08.2008,
p. 60 [7] Id-Deċiżjoni ta’
Implimentazzjoni tal-Kummissjoni tas-27 ta’ April 2012 li
tiddetermina d-data minn meta s-Sistema ta’ Informazzjoni dwar il-Viża
(VIS) għandha tibda topera fit-tieni reġjun, ĠU L 117
tal-1.5.2012, p. 9. Ir-reġjun tal-Lvant Qrib jinkludi l-Iżrael,
il-Ġordan, il-Libanu, u s-Sirja. [8] Id-Deċiżjoni ta’ Implimentazzjoni
tal-Kummissjoni tal-21 ta’ Settembru 2012 li tiddetermina d-data
minn meta s-Sistema ta’ Informazzjoni dwar il-Viża (VIS) għandha
tibda topera fit-tielet reġjun, ĠU L 256 tat-22.9.2012,
p. 21. Ir-reġjun tal-Golf jinkludi l-Afganistan, il-Baħrejn,
l-Iran, l-Iraq, il-Kuwajt, l-Oman, il-Qatar, l-Arabja Sawdija, l-Emirati
Għarab Magħquda, u l-Yemen. [9] Id-Deċiżjoni ta’ Implimentazzjoni
tal-Kummissjoni tal-24 ta’ April 2012 li tiddetermina t-tieni
sett ta’ reġjuni għall-bidu tal-operazzjonijiet tas-Sistema ta’
Informazzjoni dwar il-Viża (VIS), ĠU L 134 tal-24.5.2012,
p. 20. Ir-reġjuni huma il-Punent tal-Afrika, l-Afrika Ċentrali,
in-Nofsinhar tal-Afrika, in-Nofsinhar tal-Amerika, l-Asja Ċentrali,
ix-Xlokk tal-Asja, u t-territorju Palestinjan okkupat. [10] Id-Deċiżjoni ta’ Implimentazzjoni
tal-Kummissjoni tad-29 ta’ Frar 2012 li tadotta
l-ispeċifikazzjonijiet tekniċi għall-Mekkaniżmu
għall-Komunikazzjoni tal-Mail VIS għal-għanijiet tar-Regolament
(KE) Nru 767/2008 tal-Parlament Ewropew u tal-Kunsill dwar is-Sistema
tal-Informazzjoni dwar il-Viża (VIS) u l-iskambju ta’ dejta bejn l-Istati
Membri dwar viżi għal perjodu qasir (ir-Regolament VIS) bejn l-Istati
Membri dwar il-viżi għal perjodu qasir (ir-Regolament VIS),
C(2012) 1301 finali. [11] Ir-rata ta’ Nuqqas ta’ Reġistrazzjoni (FTE) hija
l-perċentwal ta’ settijiet ta’ marki tas-swaba’ li jkunu ta’ kwalità aktar
baxxa minn dik meħtieġa biex jintużaw. [12] Stabbilita mill-Artikolu 51(1) tar-Regolament (KE)
Nru 1987/2006 tal-Parlament Ewropew u tal-Kunsill
tal-20 ta’ Diċembru 2006 dwar l-istabbiliment,
it-tħaddim u l-użu tas-sistema ta’ informazzjoni ta' Schengen
tat-tieni ġenerazzjoni (SIS II), ĠU L 381, 28.12.2006,
p. 4.