|
15.12.2017 |
MT |
Il-Ġurnal Uffiċjali tal-Unjoni Ewropea |
L 333/17 |
REGOLAMENT TA' IMPLIMENTAZZJONI TAL-KUMMISSJONI (UE) 2017/2325
tal-14 ta' Diċembru 2017
dwar l-awtorizzazzjoni ta' preparazzjonijiet ta' leċitini likwidi, leċitini idrolizzati u leċitini li jkun tneħħielhom iż-żejt bħala addittivi tal-għalf għall-ispeċijiet kollha tal-annimali u li jemenda r-Regolament ta' Implimentazzjoni (UE) 2017/1007
(Test b'rilevanza għaż-ŻEE)
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u l-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
|
(1) |
Ir-Regolament (KE) Nru 1831/2003 jipprevedi l-awtorizzazzjoni tal-addittivi għall-użu fl-għalf tal-annimali u jipprevedi r-raġunijiet u l-proċeduri għall-għoti ta' din l-awtorizzazzjoni. L-Artikolu 10 ta' dak ir-Regolament jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2). |
|
(2) |
Il-leċitini kienu ġew awtorizzati mingħajr limitu ta' żmien f'konformità mad-Direttiva 70/524/KEE bħala addittiv fl-għalf għall-ispeċijiet kollha tal-annimali. Dawn l-addittivi mbagħad ġew irreġistrati fir-Reġistru tal-addittivi tal-għalf bħala prodotti eżistenti, b'konformità mal-Artikolu 10(1)(b) tar-Regolament (KE) Nru 1831/2003. |
|
(3) |
B'konformità mal-Artikolu 10(2) tar-Regolament (KE) Nru 1831/2003, tressqet applikazzjoni għall-evalwazzjoni mill-ġdid ta' preparazzjonijiet ta' leċitini bħala addittivi fl-għalf għall-ispeċijiet kollha tal-annimali. L-applikant talab li dawk l-addittivi jiġu kklassifikati fil-kategorija tal-addittivi “addittivi teknoloġiċi” u fil-grupp funzjonali “emulsjonanti”. Ma' dik l-applikazzjoni ntbagħtu wkoll id-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
|
(4) |
Fl-opinjoni tagħha tat-13 ta' Lulju 2016 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet tal-użu proposti, il-preparazzjonijiet tal-leċitini, tal-leċitini idrolizzati u tal-leċitini li jkun tneħħielhom iż-żejt ma għandhomx effett avvers fuq is-saħħa tal-annimali, is-saħħa tal-bniedem jew l-ambjent. L-awtorità kkonkludiet ukoll li l-preparazzjonijiet huma meqjusa bħala effikaċi għall-użu fl-għalf bħala emulsjonanti. L-Awtorità ma tqisx li hemm bżonn ta' rekwiżiti speċifiċi għas-sorveljanza ta' wara t-tqegħid fis-suq. Hija vverifikat ukoll ir-rapport dwar il-metodi tal-analiżi tal-addittivi fl-għalf, fl-għalf li ġie ppreżentat mil-Laboratorju ta' Referenza stabbilit bir-Regolament (KE) Nru 1831/2003. |
|
(5) |
Il-valutazzjoni tal-leċitini likwidi, tal-leċitini idrolizzati u tal-leċitini li jkun tneħħielhom iż-żejt turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-użu ta' dawk il-preparazzjonijiet jiġi awtorizzat kif speċifikat fl-Anness I ta' dan ir-Regolament. |
|
(6) |
Huwa kkunsidrat xieraq li jiġu armonizzati l-karatteristiċi tal-leċitini, tal-leċitini likwidi, tal-leċitini idrolizzati u tal-leċitini li jkun tneħħielhom iż-żejt u l-kundizzjonijiet ta' użu biex tiġi evitata d-distorsjoni tas-suq. Ir-Regolament ta' Implimentazzjoni tal-Kummissjoni (KE) Nru 2017/1007 (4) għandu jiġi emendat skont dan. |
|
(7) |
Peress li r-raġunijiet ta' sikurezza ma jirrikjedux l-applikazzjoni immedjata tal-modifiki tal-kundizzjonijiet għall-awtorizzazzjoni, jixraq li jingħata perjodu tranżitorju sabiex il-partijiet interessati jkunu jistgħu jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. |
|
(8) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
L-addittivi speċifikati fl-Anness I, li jiffurmaw parti mill-kategorija tal-addittivi “addittivi teknoloġiċi” u mill-grupp funzjonali “emulsjonanti”, huma awtorizzati bħala addittiv fl-għalf tal-annimali soġġett għall-kundizzjonijiet stabbiliti f'dak l-Anness.
Artikolu 2
Emenda għar-Regolament (KE) Nru 2017/1007
L-Anness tar-Regolament (UE) 2017/1007 għandu jiġi sostitwit bit-test fl-Anness II ta' dan ir-Regolament.
Artikolu 3
Miżuri Tranżitorji
1. L-addittivi speċifikati fl-Anness u t-taħlitiet lesti minn qabel li jkun fihom dawk l-addittivi li huma prodotti u ttikkettati qabel l-4 ta' Lulju 2018 f'konformità mar-regoli applikabbli qabel l-4 ta' Jannar 2018 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.
2. L-għalf kompost u l-materjali tal-għalf li fihom l-addittivi kif speċifikat fl-Anness I li huma prodotti u ttikkettati qabel l-4 ta' Jannar 2019 f'konformita mar-regoli applikabbli qabel l-4 ta' Jannar 2018 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti jekk dawn ikunu maħsubin għall-annimali li jipproduċu l-ikel.
3. L-għalf kompost u l-materjali tal-għalf li fihom l-addittivi kif speċifikat fl-Anness li huma prodotti u ttikkettati qabel l-4 ta' Jannar 2020 f'konformita mar-regoli applikabbli qabel l-4 ta' Jannar 2018 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti jekk dawn ikunu maħsubin għall-annimali li ma jipproduċux l-ikel.
Artikolu 4
Dħul fis-Seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Diċembru 2017.
Għall-Kummissjoni
Il-President
Jean-Claude JUNCKER
(1) ĠU L 268, 18.10.2003, p. 29.
(2) Id-Direttiva tal-Kunsill 70/524/KEE tat-23 ta' Novembru 1970 li tirrigwarda adittivi f'għalf għall-bhejjem (ĠU L 270, 14.12.1970, p. 1).
(3) EFSA Journal 2016; 14(8):4561.
(4) Ir-Regolament ta' Implimentazzjoni tal-Kummissjoni (UE) 2017/1007 tal-15 ta' Ġunju 2017 li jikkonċerna l-awtorizzazzjoni ta' preparazzjoni ta' leċitini bħala addittiv fl-għalf għall-ispeċijiet kollha tal-annimali (ĠU L 153, 16.6.2017, p. 13).
ANNESS I
|
In-numru ta' identifikazzjoni tal-addittiv |
Isem id-detentur tal-awtorizzazzjoni |
L-addittiv |
Kompożizzjoni, formula kimika, deskrizzjoni, metodu analitiku |
L-ispeċi jew il-kategorija ta' annimal |
L-età massima |
Il-kontenut minimu |
Il-kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
|
mg ta' leċitini/kg ta' għalf komplet b'kontenut ta' ndewwa ta' 12 % |
|||||||||
|
Kategorija tal-addittivi teknoloġiċi. Il-grupp funzjonali: emulsjonanti |
|||||||||
|
1c322i |
— |
leċitini likwidi |
Il-kompożizzjoni tal-addittiv Preparazzjoni ta' leċitini: fosfolipidi ≥ 48 %, Indewwa ≤ 1 % Għamla likwida Il-karatterizzazzjoni tas-sustanza attiva Leċitini likwidi (CAS Nru 8002-43-5) estratti minn żrieragħ tal-lift, mill-ġirasol u/jew mill-fażola tas-sojja Il-metodu analitiku (1) Għall-karatterizzazzjoni tal-addittiv fl-għalf: Ir-Regolament tal-Kummissjoni (UE) Nru 231/2012 (2) u t-testijiet korrispondenti fil-FAO JECFA monograph “Lecithin” (3) (4) |
L-ispeċijiet kollha tal-annimali |
— |
— |
— |
|
L-4 ta' Jannar 2028 |
|
1c322ii |
|
leċitini idrolizzati |
Il-kompożizzjoni tal-addittiv preparazzjoni ta' leċitini idrolizzati: fosfolipidi ≥ 44 %, Indewwa ≤ 1 % Għamla likwida Il-karatterizzazzjoni tas-sustanza attiva Leċitini likwidi idrolizzati (CAS Nru 8002-43-5) estratti mill-ġirasol u/jew mill-fażola tas-sojja Il-metodu analitiku (1) Għall-karatterizzazzjoni tal-addittiv fl-għalf: Ir-Regolament tal-Kummissjoni (UE) Nru 231/2012 (2) u t-testijiet korrispondenti fil-FAO JECFA monograph “Lecithin” (3) (4) |
L-ispeċijiet kollha tal-annimali |
|
|
|
|
L-4 ta' Jannar 2028 |
|
1c322iii |
— |
Leċitini li jkun tneħħielhom iż-żejt |
Il-kompożizzjoni tal-addittiv Preparazzjoni ta' leċitini li jkun tneħħielhom iż-żejt b'minimu ta': fosfolipidi ≥ 75 %, Indewwa ≤ 2 % Għamla solida Il-karatterizzazzjoni tas-sustanza attiva Leċitini solidi li jkun tneħħielhom iż-żejt (Nru tal-CAS 5-8002-43) estratti minn ġirasol u/jew fażola tas-sojja u li jkun tneħħielhom ix-xaħam permezz ta' estrazzjoni b'solvent Il-metodu analitiku (1) Għall-karatterizzazzjoni tal-addittiv fl-għalf: Ir-Regolament tal-Kummissjoni (UE) Nru 231/2012 (2) u t-testijiet korrispondenti fil-FAO JECFA monograph “Lecithin” (3) (4) |
L-ispeċijiet kollha tal-annimali |
— |
— |
— |
|
L-4 ta' Jannar 2028 |
(1) Id-dettalji tal-metodi analitiċi jinsabu fl-indirizz tal-Laboratorju ta' Referenza li ġej: https://ec.europa.eu/jrc/en/eurl/feed-additives/evaluation-reports.
(2) Ir-Regolament tal-Kummissjoni (UE) Nru 231/2012 tad-9 ta' Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1).
(3) FAO JECFA Combined Compendium of Food Additive Specifications, “Lecithin”, Monograph No. 4 (2007), http://www.fao.org/ag/agn/jecfa-additives/specs/monograph4/additive-250-m4.pdf
(4) FAO JECFA Combined Compendium for Food Additive Specifications - Analytical methods, test procedures and laboratory solutions used by and referenced in the food additive specifications, Vol. 4, http://www.fao.org/docrep/009/a0691e/a0691e00.htm
ANNESS II
ANNESS
|
In-numru ta' identifikazzjoni tal-addittiv |
Isem id-detentur tal-awtorizzazzjoni |
L-addittiv |
Kompożizzjoni, formula kimika, deskrizzjoni, metodu analitiku |
L-ispeċi jew il-kategorija ta' annimal |
L-età massima |
Il-kontenut minimu |
Il-kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||
|
mg ta' leċitini/kg ta' għalf komplet b'kontenut ta' ndewwa ta' 12 % |
|||||||||||||
|
Kategorija tal-addittivi teknoloġiċi. Il-grupp funzjonali: emulsjonanti |
|||||||||||||
|
1c322 |
— |
Leċitini |
Il-kompożizzjoni tal-addittiv Preparazzjoni ta' leċitini b'minimu ta':
Indewwa ≤ 1 % Il-karatterizzazzjoni tas-sustanza attiva Leċitini (Nru tas-CAS 8002–43–5) estratti minn fażola tas-sojja Il-metodu analitiku (1) Għall-karatterizzazzjoni tal-addittiv fl-għalf: Ir-Regolament tal-Kummissjoni (UE) Nru 231/2012 (2) u t-testijiet korrispondenti fil-FAO JECFA monograph “Lecithin” (3) (4) |
L-ispeċijiet kollha tal-annimali |
— |
— |
— |
= |
Is-6 ta' Lulju 2027 |
||||
(1) Id-dettalji tal-metodi analitiċi jinsabu fl-indirizz tal-Laboratorju ta' Referenza li ġej: https://ec.europa.eu/jrc/en/eurl/feed-additives/evaluation-reports.
(2) Ir-Regolament tal-Kummissjoni (UE) Nru 231/2012 tad-9 ta' Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1).
(3) FAO JECFA Combined Compendium of Food Additive Specifications, “Lecithin”, Monograph No. 4 (2007), http://www.fao.org/ag/agn/jecfa-additives/specs/monograph4/additive-250-m4.pdf
(4) FAO JECFA Combined Compendium for Food Additive Specifications - Analytical methods, test procedures and laboratory solutions used by and referenced in the food additive specifications, Vol. 4, http://www.fao.org/docrep/009/a0691e/a0691e00.htm