31.3.2017 |
MT |
Il-Ġurnal Uffiċjali tal-Unjoni Ewropea |
L 87/152 |
REGOLAMENT DELEGAT TAL-KUMMISSJONI (UE) 2017/575
tat-8 ta' Ġunju 2016
li jissupplementa d-Direttiva 2014/65/UE tal-Parlament Ewropew u tal-Kunsill dwar is-swieq fl-istrumenti finanzjarji f'dak li għandu x'jaqsam mal-istandards tekniċi regolatorji dwar id-dejta li għandha tiġi ppubblikata miċ-ċentri tal-eżekuzzjoni dwar il-kwalità tal-eżekuzzjoni tat-tranżazzjonijiet
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (1), u b'mod partikolari l-punt (a) tal-ewwel subparagrafu tal-Artikolu 27(10) tagħha,
Billi:
(1) |
Bil-ħsieb li l-pubbliku u d-ditti tal-investiment jingħataw dejta relevanti dwar il-kwalità tal-eżekuzzjoni biex tgħinhom jiddeterminaw liema hu l-aħjar mod li bih iwettqu l-ordnijiet tal-klijenti, huwa importanti li jiġu stipulati l-kontenut, il-format, u l-perjodiċità speċifiċi tad-dejta marbuta mal-kwalità tal-eżekuzzjoni tal-istrumenti finanzjarji soġġetti għall-obbligu ta' negozjar fl-Artikolu 23 u 28 tar-Regolament (UE) Nru 600/2014 tal-Parlament Ewropew u tal-Kunsill (2) li għandhom jiġu ppubblikati miċ-ċentri tan-negozjar u l-internalizzaturi sistematiċi. Huwa importanti wkoll li jiġu stipulati l-kontenut, il-format, u l-perjodiċità speċifiċi tad-dejta marbuta mal-kwalità tal-eżekuzzjoni ta' strumenti finanzjarji oħrajn li mhumiex soġġetti għall-obbligu ta' negozjar u li ċ-ċentri tal-eżekuzzjoni huma meħtieġa jippubblikaw. F'dan ir-rigward, it-tip ta' ċentru tal-eżekuzzjoni u t-tip ta' strument finanzjarju kkonċernat jinħtieġ li jiġu kkunsidrati kif xieraq. |
(2) |
Sabiex il-kwalità tal-eżekuzzjoni tat-tranżazzjonijiet li jseħħu fl-Unjoni tiġi vvalutata għalkollox, huwa xieraq li ċ-ċentri tal-eżekuzzjoni li jistgħu jintgħażlu mid-ditti tal-investiment biex iwettqu l-ordnijiet tal-klijenti jkunu konformi mar-rekwiżiti dwar id-dejta li għandha tiġi pprovduta miċ-ċentri tal-eżekuzzjoni skont dan ir-Regolament. Għaldaqstant, dawn iċ-ċentri tal-eżekuzzjoni jinħtieġ li jinkludu swieq regolati, faċilitajiet multilaterali tan-negozjar, faċilitajiet organizzati tan-negozjar, internalizzaturi sistematiċi, ġeneraturi tas-suq u fornituri tal-likwidità oħrajn. |
(3) |
Id-differenzi fit-tip ta' ċentru tal-eżekuzzjoni u strumenti finanzjarji jirrikjedu li l-kontenut tar-rapportar jinħtieġ li jvarja skont bosta fatturi. Huwa xieraq li l-ammont u x-xorta tad-dejta rapportata jkunu differenzjati skont is-sistemi ta' negozjar, il-modi ta' negozjar u l-pjattaformi ta' negozjar biex jagħtu l-kuntest xieraq għall-kwalità tal-eżekuzzjoni miksuba. |
(4) |
Biex ikun evitat tqabbil mhux xieraq bejn iċ-ċentri tal-eżekuzzjoni u r-rilevanza tad-dejta miġbura tkun żgurata, iċ-ċentri tal-eżekuzzjoni jinħtieġ li jippreżentaw rapporti separati li jikkorrespondu għas-segmenti li joperaw reġistri tal-ordnijiet differenti jew li huma regolati b'mod differenti jew jużaw identifikaturi tas-segment tas-suq differenti. |
(5) |
Biex tkun żgurata stampa preċiża tal-kwalità tal-eżekuzzjoni li tkun saret effettivament, iċ-ċentri tan-negozjar ma jinħtiġx li jippubblikaw fost l-ordnijiet imwettqa dawk li ġew negozjati barra l-Borża u rrapportati fuq iċ-ċentru tan-negozjar. |
(6) |
Meta l-ġeneraturi tas-suq u fornituri tal-likwidità oħrajn jirrapportaw bħala ċentri tal-eżekuzzjoni għal strumenti finanzjarji li mhumiex soġġetti għall-obbligu ta' negozjar, jinħtieġ li jippubblikaw biss informazzjoni dwar l-ordnijiet imwettqa jew il-prezz ikkwotat għall-klijenti tagħhom meta l-ordnijiet ikunu kkwotati jew imwettqa barra l-Borża, jew eżegwiti skont l-Artikoli 4 u 9 tar-Regolament (UE) Nru 600/2014, minbarra ordnijiet li jkunu miżmuma f'faċilità tal-immaniġġar tal-ordnijiet ta' ċentru tan-negozjar sakemm ikun hemm divulgazzjoni. |
(7) |
Huwa xieraq li jiġi kkunsidrat li fornituri tal-likwidità oħrajn jinħtieġ li jinkludu ditti li jiddikjaraw li huma disposti li jinnegozjaw f'isimhom, u li jipprovdu l-likwidità bħala parti mill-attività ta' negozju normali tagħhom, kemm jekk għandhom ftehimiet formali jew jimpenjaw ruħhom li jipprovdu l-likwidità fuq bażi kontinwa kif ukoll jekk le. |
(8) |
Sabiex ikun hemm trasparenza sħiħa dwar il-kwalità tal-eżekuzzjoni tat-tranżazzjonijiet fil-konfront tal-prezz, huwa xieraq li l-informazzjoni mogħtija b'relazzjoni mal-prezz jinħtieġ li teskludi kull kummissjoni jew imgħax akkumulat, fejn rilevanti. |
(9) |
Biex tiġi determinata l-informazzjoni xierqa għall valutazzjoni tal-kwalità tal-prezz, jinħtieġ li jkunu meħtieġa kemm il-livelli medji ta' kuljum kif ukoll l-informazzjoni marbuta ma' punt fiż-żmien. Din għandha tagħti lill-parteċipanti l-kuntest xieraq, u stampa iktar kompluta meta jkunu qegħdin janalizzaw il-kwalità tal-eżekuzzjoni miksuba. Sabiex ikun jista' jkun hemm tqabbil tal-prezzijiet bejn strumenti finanzjarji, huwa meħtieġ ukoll li jkun irrapportat il-kodiċi tal-munita ta' kull tranżazzjoni rrapportata. |
(10) |
Biex tkun żgurata l-konsistenza regolatorja, mhuwiex xieraq li ċ-ċentri tan-negozjar ikunu meħtieġa jipprovdu d-dettalji ta' tranżazzjonijiet li, fil-waqt tal-pubblikazzjoni, ikunu għadhom soġġetti għal differiment tal-pubblikazzjoni f'konformità mar-rekwiżiti tat-trasparenza ta' wara n-negozju. Huwa xieraq li l-internalizzaturi sistematiċi, il-ġeneraturi tas-suq, u fornituri oħra tal-likwidità jkunu eżentati milli jippubblikaw dejta dwar it-tranżazzjonijiet dwar punt fiż-żmien għal kull tranżazzjoni 'il fuq mid-daqs standard tas-suq, jew ikbar mid-daqs speċifiku għall-istrument finanzjarju sabiex jiġi evitat li dawk iċ-ċentri jiġu soġġetti għal riskju mhux meħtieġ li jiddivulgaw informazzjoni kummerċjalment sensittiva li tista' xxekklilhom il-kapaċità tagħhom li jiħħeġġjaw l-iskoperturi u jipprovdu l-likwidità. Għal ishma, fondi negozjati fil-borża, u ċertifikati meqjusa li huma illikwidi skont ir-Regolament (UE) Nru 600/2014, il-livell limitu tad-daqs tas-suq standard li għandu jintuża huwa d-daqs tas-suq standard minimu għal dak it-tip ta' strument finanzjarju. Biex tkun evitata l-inċertezza, huwa xieraq li jkun iċċarat li r-referenza għal kbir fl-iskala u d-daqs speċifiċi għall-istrument finanzjarju għandhom l-istess tifsira stabbilita fir-rekwiżiti ta' trasparenza wara n-negozju. |
(11) |
Huwa essenzjali li jkun hemm trasparenza sħiħa fuq kull spiża miżmuma meta titwettaq ordni permezz ta' ċentru speċifiku. Huwa neċessarju li l-ispejjeż kollha involuti fl-eżekuzzjoni ta' ordni ta' klijent relevanti għall-użu ta' ċentru speċifiku u li l-klijent iħallas għalihom direttament jew indirettament jiġu speċifikati. Dawn l-ispejjeż jinħtieġ li jinkludu t-tariffi għall-eżekuzzjoni, inklużi t-tariffi għat-tressiq, il-modifika jew it-tħassir ta' ordnijiet jew irtirar ta' kwotazzjonijiet, kif ukoll kull tariffa relatata mal-aċċess għad-dejta tas-suq jew l-użu tat-terminals. L-ispejjeż relevanti jistgħu jinkludu wkoll tariffi ta' kklerjar jew ta' saldu, jew kwalunkwe tariffi oħrajn imħallsa lil terzi persuni involuti fl-eżekuzzjoni tal-ordni meta jkunu parti mis-servizzi pprovduti miċ-ċentru tal-eżekuzzjoni. L-informazzjoni dwar l-ispejjeż jinħtieġ li tinkludi wkoll taxxi jew imposti li jkunu ġew fatturati direttament jew li ġarrabhom iċ-ċentru f'isem il-membri jew l-utenti taċ-ċentru tal-eżekuzzjoni jew il-klijent li l-ordni tirreferi għalih. |
(12) |
Il-probabbiltà tal-eżekuzzjoni tindika l-probabbiltà ta' eżekuzzjoni ta' tip partikolari ta' ordni u hija sostnuta b'dettalji dwar il-volumi ta' negozju fi strument partikolari jew karatteristiċi oħrajn tal-ordnijiet u t-tranżazzjonijiet. L-informazzjoni dwar il-probabbiltà tal-eżekuzzjoni jinħtieġ li tippermetti li jsir il-kalkolu ta' metriċi bħalma huwa d-daqs tas-suq relattiv ta' ċentru fi strument finanzjarju partikolari jew klassi ta' strumenti finanzjarji. Il-probabbiltà tal-eżekuzzjoni jinħtieġ li tiġi vvalutata wkoll b'dejta dwar tranżazzjonijiet li fallew jew ordnijiet li ġew imħassra jew modifikati. |
(13) |
Il-ħeffa tal-eżekuzzjoni jista' jkollha tifsiriet differenti għat-tipi differenti ta' ċentri tal-eżekuzzjoni, għax il-kejl tal-ħeffa jvarja kemm bis-sistema ta' negozjar kif ukoll skont il-pjattaforma ta' negozjar. Għall-irkanti kontinwi permezz ta' reġistru tal-ordnijiet, il-ħeffa tal-eżekuzzjoni jinħtieġ li tiġi espressa f'millisekondi, filwaqt li għal sistemi ta' negozjar oħra jkun xieraq li jintużaw unitajiet ta' żmien ikbar. Huwa xieraq ukoll li tkun eskluża l-latenza tal-konnessjoni ta' parteċipant partikolari maċ-ċentru tal-eżekuzzjoni, minħabba li din mhijiex fil-kontroll taċ-ċentru tal-eżekuzzjoni nnifsu. |
(14) |
Sabiex ikun hemm tqabbil tal-kwalità tal-eżekuzzjoni għal ordnijiet ta' daqsijiet differenti, iċ-ċentri tal-eżekuzzjoni jinħtieġ li jkunu meħtieġa jirrapportaw dwar tranżazzjonijiet f'għadd ta' meded tad-daqs. Il-livelli limiti għal dawn il-firxiet jinħtieġ li jiddependu fuq it-tip ta' strument finanzjarju u l-likwidità tiegħu biex ikun żgurat li jagħtu kampjun adegwat tal-eżekuzzjonijiet f'daqs li jkun tipiku f'dak l-istrument. |
(15) |
Huwa importanti li ċ-ċentri tal-eżekuzzjoni jiġbru d-dejta tul il-ħinijiet normali tal-operat tagħhom. Ir-rapportar għaldaqstant jinħtieġ li jsir mingħajr ma jinżamm ħlas f'format elettroniku li jinqara minn magna permezz ta' sit web fuq l-Internet biex il-pubbliku jkun jista' jniżżel, ifittex, jgħarbel u janalizza d-dejta kollha mogħtija. |
(16) |
Ir-rapporti miċ-ċentri tal-eżekuzzjoni jinħtieġ li jkunu kkumplementati mill-output ta' fornitur ta' tejp konsolidat stabbilit mid-Direttiva 2014/65/UE u b'hekk jippermettu li jkun hemm żvilupp ta' miżuri mtejba ta' kwalità tal-eżekuzzjoni. |
(17) |
Għal raġunijiet ta' konsistenza u sabiex ikun żgurat it-tħaddim mingħajr intoppi tas-swieq finanzjarji, huwa neċessarju li l-provvedimenti stabbiliti f'dan ir-Regolament u l-provvedimenti stabbiliti fid-Direttiva 2014/65/UE u r-Regolament (UE) Nru 600/2014 japplikaw mill-istess ġurnata. |
(18) |
Dan ir-Regolament huwa bbażat fuq l-abbozz tal-istandards tekniċi regolatorji sottomessi mill-Awtorità Ewropea tat-Titoli u s-Swieq (ESMA) lill-Kummissjoni. |
(19) |
L-ESMA għamlet konsultazzjonijiet pubbliċi miftuħa dwar l-abbozz ta' standards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (3), |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi l-kontenut speċifiku, il-format u l-perjodiċità tad-dejta li trid tiġi ppubblikata miċ-ċentri tal-eżekuzzjoni relatata mal-kwalità tal-eżekuzzjoni tat-tranżazzjonijiet. Dan għandu japplika għaċ-ċentri tan-negozjar, għall-internalizzaturi sistematiċi, għall-ġeneraturi tas-suq, jew għal fornituri tal-likwidità oħrajn.
Artikolu 2
Definizzjonijiet
Għall-finijiet ta' dan ir-Regolament għandhom japplikaw id-definizzjonijiet li ġejjin:
(a) |
“sistema ta' negozjar” tfisser il-mod li bih ċentru tal-eżekuzzjoni jeżegwixxi l-ordnijiet: bħala sistema ta' negozjar b'irkanti kontinwi permezz ta' reġistru tal-ordnijiet, abbażi ta' kwotazzjonijiet kontinwi, abbażi ta' talba għal kwotazzjoni, irkant perjodiku jew kwalunkwe sistema ibrida li taqa' fi tnejn jew iktar minn dawn il-kategoriji jew f'sistema li fiha l-proċess li bih jiġu ddeterminati l-prezzijiet ikun ta' natura differenti minn dak li huwa applikabbli għat-tipi ta' sistemi msemmija fuq; |
(b) |
“Daqs speċifiku għall-istrument finanzjarju” tfisser daqs speċifiku għal bond, prodott finanzjarju strutturat, kwota tal-emissjonijiet jew derivattiv negozjat f'ċentru tan-negozjar, li għalih ma hemmx suq likwidu u fejn it-tranżazzjoni f'dawk l-istrumenti tkun soġġetta għal pubblikazzjoni differita skont l-Artikolu 11 tar-Regolament (UE) Nru 600/2014; |
(c) |
“kbir fl-iskala” tfisser ordni li tkun kbira fl-iskala skont l-Artikoli 7 u 11 tar-Regolament (UE) Nru 600/2014; |
(d) |
“tranżazzjoni li falliet” tfisser tranżazzjoni li tkun ġiet annullata miċ-ċentru tal-eżekuzzjoni; |
(e) |
“multiplikatur tal-prezz” tfisser l-għadd ta' unitajiet tal-istrument sottostanti rrappreżentati minn kuntratt tad-derivattivi wieħed; |
(f) |
“notazzjoni tal-prezz” tfisser indikazzjoni ta' jekk il-prezz tat-tranżazzjoni huwiex espress f'valur monetarju, f'perċentwali jew f'rendiment; |
(g) |
“notazzjoni tal-kwantità” tfisser indikazzjoni ta' jekk il-kwantità tat-tranżazzjoni hijiex espressa f'għadd ta' unitajiet jew f'valur nominali jew f'valur fi flus; |
(h) |
“tip ta' konsenja” tfisser indikazzjoni ta' jekk l-istrument finanzjarju jiġix saldat fiżikament jew bi flus, inklużi istanzi li fihom il-kontroparti tista' tagħżel jew meta jkun determinat minn parti terza; |
(i) |
“modalità ta' negozjar” tfisser irkant skedat fil-ftuħ, l-għeluq, jew fl-istess ġurnata, irkant mhux skedat, negozju fl-għeluq, negozju 'l barra mis-sessjoni ewlenija, jew rapportar tan-negozju; |
(j) |
“pjattaforma ta' negozjar” tfisser it-tip ta' pjattaforma ta' negozjar li ċ-ċentru tal-eżekuzzjoni jopera: elettronika, bil-vuċi, jew bl-għajjat; |
(k) |
“profondità tar-reġistru tal-ordnijiet” tfisser il-likwidità totali disponibbli espressa bħala l-prodott tal-prezz u l-volum tat-talbiet u l-offerti kollha għal għadd speċifikat ta' inkrementi fil-prezz mill-punt nofsani tal-aħjar talba u offerta; |
(l) |
“firxa effettiva medja” tfisser il-medja tad-doppju tad-differenza bejn il-prezz attwali tal-eżekuzzjoni mqabbel mal-punt nofsani tal-aqwa offerta u l-aqwa offerta fil-ħin li tkun ġiet riċevuta, għal ordnijiet tas-suq jew ordnijiet ta' limitu kummerċjabbli; |
(m) |
“ħeffa medja tal-eżekuzzjoni għal ordnijiet passivi mhux modifikati fl-aħjar talba u offerta” tfisser il-ħin medju li jkun skorra bejn ordni tal-limitu li jkun jaqbel l-aħjar talba u offerta li ċ-ċentru tal-eżekuzzjoni jkun irċieva, u l-eżekuzzjoni sussegwenti ta' din l-ordni; |
(n) |
“ordni aggressiva” tfisser ordni li ddaħħlet fir-reġistru tal-ordnijiet li ħadet il-likwidità; |
(o) |
“ordni passiva” tfisser ordni li ddaħħlet fir-reġistru tal-ordnijiet li pprovdiet il-likwidità; |
(p) |
“ordni immedjata inkella ħassar” tfisser ordni li tiġi eżegwita malli tiddaħħal fir-reġistru tal-ordnijiet u li ma tibqax fir-reġistru tal-ordnijiet għal kwalunkwe kwantità li ma tkunx ġiet eżegwita; |
(q) |
“ordni fill or kill” (eżegwixxi jew ikkanċella) tfisser ordni li tiġi eżegwita malli tiddaħħal fir-reġistru tal-ordnijiet basta tkun tista' tiġi eżegwita għalkollox. Fil-każ li l-ordni tkun tista' biss tiġi eżegwita parzjalment, allura tiġi awtomatikament irrifjutata u ma tiġix eżegwita. |
Artikolu 3
Pubblikazzjoni ta' informazzjoni dwar iċ-ċentru tal-eżekuzzjoni u l-istrument finanzjarju
1. Iċ-ċentri tan-negozjar u l-internalizzaturi sistematiċi għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar it-tip ta' ċentru ta' eżekuzzjoni b'konformità mat-tielet subparagrafu.
Iċ-ċentri tal-eżekuzzjoni għandhom jippubblikaw, għal kull segment tas-suq li joperaw fih u kull strument finanzjarju mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar it-tip ta' ċentru ta' eżekuzzjoni b'konformità mat-tielet subparagrafu.
L-informazzjoni li ġejja għandha tiġi ppubblikata fil-format stabbilit fit-Tabella 1 tal-Anness:
(i) |
l-identifikatur tal-isem u taċ-ċentru ta' eżekuzzjoni; |
(ii) |
il-pajjiż ta' fejn tinsab l-awtorità kompetenti; |
(iii) |
l-isem tas-segment tas-suq u l-identifikatur tas-segment tas-suq; |
(iv) |
id-data tal-jum ta' negozjar; |
(v) |
in-natura, l-għadd, u d-durata medja ta' kull qtugħ f'xi servizz, fil-perjodu ta' negozjar normali taċ-ċentru, li interrompa n-negozju ta' kull strument disponibbli għan-negozju fiċ-ċentru fid-data tal-jum ta' negozjar; |
(vi) |
in-natura, l-għadd, u d-durata medja ta' kull irkant skedat fil-perjodu ta' negozjar normali taċ-ċentru dakinhar tal-jum ta' negozjar; |
vii) |
l-għadd ta' tranżazzjonijiet li fallew dakinhar tal-jum ta' negozjar; |
(viii) |
il-valur tat-tranżazzjonijiet li fallew espress bħala persentaġġ tal-valur totali tat-tranżazzjonijiet li ġew eżegwiti fid-data tal-jum ta' negozjar. |
2. Iċ-ċentri tan-negozjar u l-internalizzaturi sistematiċi għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar it-tip ta' strument finanzjarju b'konformità mat-tielet subparagrafu.
Iċ-ċentri tal-eżekuzzjoni għandhom jippubblikaw, għal kull segment tas-suq li joperaw fih u kull strument finanzjarju mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar it-tip ta' strument finanzjarju b'konformità mat-tielet subparagrafu ta' dan il-paragrafu.
L-informazzjoni li ġejja għandha tiġi ppubblikata fil-format stabbilit fit-Tabella 2 tal-Anness:
(a) |
għal strumenti finanzjarji li għandhom identifikaturi kif stabbilit fit-Tabella 2 tal-Anness:
|
(b) |
għal strumenti finanzjarji li ma għandhomx identifikaturi kif stabbilit fit-Tabella 2 tal-Anness:
|
Artikolu 4
Prezz
Iċ-ċentri tan-negozjar u l-internalizzaturi sistematiċi għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar il-prezz għal kull jum ta' negozjar li fih ġew eżegwiti ordnijiet fuq l-istrument finanzjarju b'konformità mat-tielet u r-raba' paragrafu ta' dan l-Artikolu.
Iċ-ċentri tal-eżekuzzjoni għandhom jippubblikaw, għal kull segment tas-suq li joperaw fih u kull strument finanzjarju li mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar il-prezz għal kull jum ta' negozjar li fih ġew eżegwiti ordnijiet fuq l-istrument finanzjarju b'konformità mat-tielet u r-raba' paragrafu ta' dan l-Artikolu.
Għandha tiġi ppubblikata l-informazzjoni li ġejja:
(a) |
informazzjoni tal-istess ġurnata
|
(b) |
informazzjoni tal-istess ġurnata:
|
L-informazzjoni tal-istess ġurnata għandha tiġi ppubblikata fil-format stabbilit fit-Tabella 4 tal-Anness.
Artikolu 5
Spejjeż
Iċ-ċentri tan-negozjar u l-internalizzaturi sistematiċi għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament Nru (UE) 600/2014, informazzjoni dwar l-ispejjeż applikati miċ-ċentri tal-eżekuzzjoni lil kwalunkwe membri jew utenti taċ-ċentru tan-negozjar f'konformità mat-tielet paragrafu ta' dan l-Artikolu.
Iċ-ċentri tal-eżekuzzjoni għandhom jippubblikaw, għal kull segment tas-suq li joperaw fih u kull strument finanzjarju mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar l-ispejjeż applikati miċ-ċentri tal-eżekuzzjoni lil kwalunkwe membri jew utenti taċ-ċentru f'konformità mat-tielet paragrafu ta' dan l-Artikolu.
L-informazzjoni li ġejja għandha tiġi ppubblikata fil-format stabbilit fit-Tabella 5 tal-Anness:
(a) |
deskrizzjoni tan-natura u l-livell tal-komponenti kollha tal-ispejjeż applikati miċ-ċentru tal-eżekuzzjoni, qabel ma jiġu applikati roħs jew skontijiet, u informazzjoni dwar kif l-ispejjeż ivarjaw skont l-utent jew l-istrument finanzjarju involut, u l-ammonti relevanti li jkun hemm differenza bihom. Il-komponenti tal-ispejjeż għandhom jinkludu:
|
(b) |
deskrizzjoni tan-natura u l-livell ta' kull roħs, skont jew ħlasijiet oħrajn offruti lill-utenti taċ-ċentru tal-eżekuzzjoni, inkluża informazzjoni dwar kif dak ir-roħs, skontijiet jew ħlasijiet oħra jvarjaw skont l-utent jew strument finanzjarju involut u l-ammonti li bihom ivarjaw; |
(c) |
deskrizzjoni tan-natura u l-ammont ta' kwalunkwe benefiċċji nonmonetarji offruti lill-utenti taċ-ċentru tal-eżekuzzjoni, inkluża informazzjoni dwar kif dawn il-benefiċċji nonmonetarji jvarjaw skont l-utent jew l-istrument finanzjarju involut u l-valur li bih ivarjaw; |
(d) |
deskrizzjoni tan-natura u l-livell ta' kwalunkwe taxxi jew imposti fatturati lil, jew imġarrba minn, iċ-ċentru tal-eżekuzzjoni f'isem il-membri jew l-utenti taċ-ċentru; |
(e) |
link għas-sit web taċ-ċentru jew sors ieħor fejn ikun hemm disponibbli iktar informazzjoni dwar l-ispejjeż; |
(f) |
il-valur totali tar-roħsijiet, skontijiet, benefiċċji nonmonetarji jew pagamenti oħra kif stipulat fil-punti (b) u (c), espressi bħala perċentwal tal-valur negozjat totali waqt il-perjodu ta' rapportar; |
(g) |
il-valur totali tal-ispejjeż kollha kif stabbilit fil-punt (a), bl-esklużjoni tal-valur totali tar-roħsijiet u l-iskontijiet, benefiċċji nonmonetarji jew pagamenti oħra kif stabbiliti fil-punti (b) u (c), espress bħala perċentwal tal-valur negozjat totali waqt il-perjodu tar-rapportar. |
Artikolu 6
Probabbiltà tal-eżekuzzjoni
Iċ-ċentri tan-negozjar u l-internalizzaturi sistematiċi għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar il-probabbiltà tal-eżekuzzjoni għal kull jum ta' negozjar b'konformità mat-tielet paragrafu ta' dan l-Artikolu.
Iċ-ċentri tal-eżekuzzjoni għandhom jippubblikaw, għal kull segment tas-suq li joperaw fih u kull strument finanzjarju mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014, informazzjoni dwar il-probabbiltà tal-eżekuzzjoni għal kull jum ta' negozjar b'konformità mat-tielet paragrafu ta' dan l-Artikolu.
L-informazzjoni li ġejja għandha tiġi ppubblikata fil-format stabbilit fit-Tabella 6 tal-Anness:
(a) |
l-għadd ta' ordnijiet jew talbiet għall-kwotazzjonijiet li kienu rċevuti; |
(b) |
l-għadd u l-valur tat-tranżazzjonijiet li ġew eżegwiti, jekk ikun hemm iktar minn waħda; |
(c) |
l-għadd ta' ordnijiet jew talbiet għall-kwotazzjonijiet irċevuti li ġew imħassra jew irtirati, ħlief l-ordnijiet passivi bl-istruzzjonijiet biex jiskadu jew biex jiġu kkanċellati fi tmiem il-jum; |
(d) |
l-għadd ta' ordnijiet jew talbiet għall-kwotazzjonijiet irċevuti, li kienu modifikati f'dik id-data; |
(e) |
id-daqs medjan tat-tranżazzjonijiet f'dik id-data jekk seħħew iktar minn tranżazzjoni waħda; |
(f) |
id-daqs medjan tal-ordnijiet jew talbiet għall-kwotazzjonijiet kollha f'dik id-data jekk ġew irċevuti iktar minn ordni jew talba għall-kwotazzjonijiet waħda; |
(g) |
l-għadd ta' ġeneraturi tas-suq deżinjati. |
Artikolu 7
Informazzjoni addizzjonali għal ċentri tal-eżekuzzjoni li joperaw b'sistema ta' rkant kontinwu permezz ta' reġistru tal-ordnijiet u sistema ta' kwotazzjoni kontinwa
1. Ċentri tan-negozjar u internalizzaturi sistematiċi li joperaw b'sistema ta' rkanti kontinwi b'reġistru ta' ordnijiet, sistema ta' negozjar abbażi ta' kwotazzjonijiet kontinwi jew tip ta' sistema ta' negozjar oħra li għaliha hemm disponibbli dik l-informazzjoni għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali fil-ħinijiet ta' referenza speċifikati fil-punti (i) u (ii) tal-Artikolu 4(a) għal kull jum ta' negozjar b'konformità mat-tielet subparagrafu ta' dan il-paragrafu.
Ċentri tal-eżekuzzjoni li joperaw b'sistema ta' rkanti kontinwi b'reġistru ta' ordnijiet, sistema ta' negozjar abbażi ta' kwotazzjonijiet kontinwi jew tip ta' sistema ta' negozjar oħra li għaliha hemm disponibbli dik l-informazzjoni għandhom jippubblikaw, għal kull segment tas-suq li joperaw fih u kull strument finanzjarju li mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali fil-ħinijiet ta' referenza speċifikati fil-punti (i) u (ii) tal-Artikolu 4(a) għal kull jum ta' negozjar b'konformità mat-tielet subparagrafu ta' dan il-paragrafu.
L-informazzjoni li ġejja għandha tiġi ppubblikata fil-format stabbilit fit-Tabella 7 tal-Anness:
(i) |
prezz tal-aħjar talba u offerta u l-volumi korrispondenti; |
(ii) |
profondità tar-reġistru tal-ordnijiet għal tliet inkrementi tal-prezz. |
2. Ċentri tan-negozjar u internalizzaturi sistematiċi li joperaw b'sistema ta' rkanti kontinwi b'reġistru ta' ordnijiet, sistema ta' negozjar abbażi ta' kwotazzjonijiet kontinwi jew tip ta' sistema ta' negozjar oħra li għaliha hemm disponibbli dik l-informazzjoni għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali għal kull jum ta' negozjar b'konformità mat-tielet subparagrafu ta' dan il-paragrafu.
Ċentri tal-eżekuzzjoni li joperaw b'sistema ta' rkanti kontinwi b'reġistru ta' ordnijiet, sistema ta' negozjar abbażi ta' kwotazzjonijiet kontinwi jew tip ta' sistema ta' negozjar oħra li hemm l-informazzjoni disponibbli għaliha għandhom jippubblikaw, għal kull segment tas-suq li joperaw fih u kull strument finanzjarju li mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali għal kull jum ta' negozjar b'konformità mat-tielet subparagrafu ta' dan il-paragrafu.
L-informazzjoni li ġejja għandha tiġi ppubblikata fil-format stabbilit fit-Tabella 8 tal-Anness:
(a) |
il-firxa effettiva medja; |
(b) |
il-volum medju fl-aħjar talba u offerta; |
(c) |
il-firxa medja fl-aħjar talba u offerta; |
(d) |
l-għadd ta' kanċellazzjonijiet fl-aħjar talba u offerta; |
(e) |
l-għadd ta' modifikazzjonijiet fl-aħjar talba u offerta; |
(f) |
il-profondità medja tar-reġistru tal-ordnijiet għal tliet (3) inkrementi tal-prezz; |
(g) |
il-ħin medju u medjan li jkun għadda bejn ordni aggressiv jew aċċettazzjoni ta' kwotazzjoni li tiġi rċevuta miċ-ċentru tal-eżekuzzjoni u l-eżekuzzjoni totali jew parzjali sussegwenti; |
(h) |
il-ħeffa medja tal-eżekuzzjoni għal ordnijiet passivi mhux modifikati fl-aħjar talba u offerta; |
(i) |
l-għadd ta' ordnijiet fill or kill (eżegwixxi jew ikkanċella) li fallew; |
(j) |
l-għadd ta' ordnijiet eżegwixxi issa inkella ħassar (immediate or cancel) li ma ġewx eżegwiti (żero fill); |
(k) |
l-għadd u l-valur tat-tranżazzjonijiet li ġew eżegwiti fiċ-ċentru tan-negozjar li huma Kbar fl-Iskala skont l-Artikoli 4 jew 9 tar-Regolament (UE) Nru 600/2014; |
(l) |
l-għadd u l-valur tat-tranżazzjonijiet li ġew eżegwit fiċ-ċentru tan-negozjar skont l-Artikoli 4 u 9 tar-Regolament (UE) Nru 600/2014, ħlief l-ordnijiet li huma miżmuma f'faċilità tal-ġestjoni tal-ordnijiet taċ-ċentru tan-negozjar sakemm jiġu divulgati u li mhumiex inklużi fil-punt (k); |
(m) |
l-għadd u d-durata medja tal-interruzzjonijiet fin-negozjar b'riżultat ta' xi rkant ta' volatilità jew circuit breaker li jkun seħħ fil-perjodu ta' negozjar normali taċ-ċentru; |
(n) |
in-natura, l-għadd, u d-durata medja ta' kwalunkwe sospensjoni fin-negozjar li tkun seħħet b'riżultat ta' deċiżjoni taċ-ċentru fil-ħinijiet normali tan-negozjar tiegħu, barra minn dawk li ġew irrapportati skont l-Artikolu 3(1)(v). |
3. Ċentri tan-negozjar u l-internalizzaturi sistematiċi li joperaw, għalkollox jew parzjalment, b'sistema ta' negozjar abbażi ta' kwotazzjonijiet kontinwi għandhom jippubblikaw, għal kull segment tas-suq li joperaw fih u strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali b'konformità mat-tielet subparagrafu ta' dan il-paragrafu.
Ċentri tal-eżekuzzjoni li joperaw, għalkollox jew parzjalment, b'sistema ta' negozjar abbażi ta' kwotazzjonijiet kontinwi għandhom jippubblikaw, għal kull segment tas-suq li joperaw fih u kull strument finanzjarju mhux soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali b'konformità mat-tielet subparagrafu ta' dan il-paragrafu.
L-informazzjoni li ġejja għandha tiġi ppubblikata fil-format stabbilit fit-Tabella 8 tal-Anness:
(a) |
l-għadd u d-durata medja, waqt il-ħinijiet normali tan-negozjar taċ-ċentru, ta' kwalunkwe perjodu li damu iktar minn 15-il minuta li fihom ma kien hemm l-ebda offerta ta' prezz jew ta' xiri pprovduti għal kull jum ta' negozjar; |
(b) |
il-preżenza medja tal-kwotazzjonijiet espressa f'persentaġġ tal-perjodu ta' negozjar normali taċ-ċentru f'din id-data. |
Artikolu 8
Informazzjoni addizzjonali għal ċentri tal-eżekuzzjoni li jaħdmu bit-talba għal kwotazzjoni
Ċentri tan-negozjar u internalizzaturi sistematiċi li joperaw b'sistema ta' negozjar ta' talbiet għal kwotazzjonijiet jew tip ta' sistema ta' negozjar oħra li għaliha hemm disponibbli dik l-informazzjoni għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali għal kull jum ta' negozjar b'konformità mat-tielet paragrafu ta' dan l-Artikolu.
Ċentri tal-eżekuzzjoni li joperaw b'sistema ta' negozjar ta' talbiet għal kwotazzjonijiet jew tip ta' sistema ta' negozjar oħra li għaliha hemm disponibbli dik l-informazzjoni għandhom jippubblikaw, għal kull segment tas-suq li joperaw fih u kull strument finanzjarju soġġett għall-obbligu ta' negozjar fl-Artikoli 23 u 28 tar-Regolament (UE) Nru 600/2014 informazzjoni addizzjonali għal kull jum ta' negozjar b'konformità mat-tielet paragrafu ta' dan l-Artikolu.
L-informazzjoni li ġejja għandha tiġi ppubblikata fil-format stabbilit fit-Tabella 9 tal-Anness:
(a) |
l-ammont medju ta' ħin u l-ammont medjan ta' ħin li jgħaddi bejn l-aċċettazzjoni tal-kwotazzjoni u l-eżekuzzjoni, għal kull tranżazzjoni f'dak l-istrument finanzjarju, u; |
(b) |
l-ammont medju ta' ħin u l-ammont medjan ta' ħin li jgħaddi bejn talba għal kwotazzjoni u l-provvediment ta' kwalunkwe kwotazzjoni korrispondenti, għal kull kwotazzjoni f'dak l-istrument finanzjarju. |
Artikolu 9
Kalkolu tal-meded tar-rapportar
Iċ-ċentri tal-eżekuzzjoni għandhom jirrapportaw it-tranżazzjonijiet eżegwiti speċifikati fl-Artikolu 4 għall-meded li ġejjin:
(a) |
għall-istrumenti finanzjarji kollha għajr strumenti tas-suq monetarju:
|
(b) |
għal ishma illikwidi, fondi negozjati fil-borża jew ċertifikati:
|
(c) |
għal strumenti tas-suq monetarju:
|
Artikolu 10
Format għall-pubblikazzjoni
Iċ-ċentri tal-eżekuzzjoni għandhom jippubblikaw, għal kull jum ta' negozjar, l-informazzjoni f'konformità mal-formoli stabbiliti fl-Anness, f'format elettroniku li jinqara minn magna, disponibbli biex jitniżżel mill-pubbliku.
Artikolu 11
Perjodiċità tal-informazzjoni li għandha tiġi ppubblikata
Iċ-ċentri tal-eżekuzzjoni għandhom jippubblikaw l-informazzjoni kull trimestru u mhux iktar tard minn tliet xhur wara tmiem kull trimestru, kif ġej:
(a) |
sat-30 ta' Ġunju, l-informazzjoni rigward il-perjodu mill-1 ta' Jannar sal-31 ta' Marzu; |
(b) |
sat-30 ta' Settembru, l-informazzjoni rigward il-perjodu mill-1 ta' April sat-30 ta' Ġunju; |
(c) |
sal-31 ta' Diċembru, l-informazzjoni rigward il-perjodu mill-1 ta' Lulju sat-30 ta' Settembru; |
(d) |
sal-31 ta' Marzu, l-informazzjoni rigward il-perjodu mill-1 ta' Ottubru sat-31 ta' Diċembru. |
Artikolu 12
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan għandu japplika mit-3 ta' Jannar 2018.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta' Ġunju 2016.
Għall-Kummissjoni
Il-President
Jean-Claude JUNCKER
(1) ĠU L 173, 12.6.2014, p. 349.
(2) Ir-Regolament (UE) Nru 600/2014 tal-Parlament Ewropew u tal-Kunsill tal-15 ta' Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84).
(3) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
ANNESS
Tabella 1 — informazzjoni ta' identifikazzjoni li għandha tiġi ppubblikata kif imsemmi fl-Artikolu 3(1) — it-tip ta' ċentru tal-eżekuzzjoni
Ċentru |
Isem |
Identifikatur (ISO 10383 Kodiċi tal-Identifikatur tas-Suq (Market Identifier Code, MIC) jew l-Identifikatur ta' Entità Ġuridika (Legal Entity Identifier, LEI)) |
|
Pajjiż tal-Awtorità Kompetenti |
Isem |
|
|
Segment tas-Suq |
Isem |
Identifikatur (MIC tas-segment tas-suq ISO 10383) |
|
Data tal-jum ta' negozjar |
ISO 8601 |
|
|
Qtugħ f'xi servizz |
Natura |
Għadd |
Tul medju |
Irkant Skedat |
Natura |
Għadd |
Tul medju |
Tranżazzjonijiet li fallew |
|
Għadd |
Valur (bħala % tal-valur totali tat-tranżazzjonijiet eżegwiti dakinhar) |
Tabella 2 — informazzjoni ta' identifikazzjoni li għandha tiġi ppubblikata kif imsemmi fl-Artikolu 3(2) — it-tip ta' strument finanzjarju
Strument finanzjarju |
Isem |
Identifikatur (ISO 6166) |
Deskrizzjoni bil-miktub tal-istrument finanzjarju, jekk ma jkunx disponibbli identifikatur (flimkien mal-munita tal-istrument sottostanti, il-multiplikatur tal-prezz, in-notazzjoni tal-prezz, in-notazzjoni tal-kwantità u t-tip ta' konsenja) |
|
|
Klassifikazzjoni tal-istrument |
(Kodiċi CFI ISO 10962) |
|
Munita |
(ISO 4217) |
Tabella 3 — informazzjoni dwar il-prezz li għandha tiġi ppubblikata kif imsemmi fl-Artikolu 4 punt (a)
|
Medda tad-Daqs |
Kull negozju eżegwit fl-ewwel żewġ minuti wara l-ħin T |
L-ewwel tranżazzjoni wara l-ħin T (jekk ma jkunx hemm tranżazzjonijiet fl-ewwel żewġ minuti wara l-ħin T) |
|||||||
Ħin (T) |
|
Prezz eżegwit medju sempliċi (bl-esklużjoni tal-kummissjonijiet u l-interess akkumulat) |
Valur totali eżegwit |
Prezz |
Ħin tal-eżekuzzjoni |
Daqs tat-tranżazzjoni |
Sistema ta' Negozjar |
Modalità ta' Negozjar |
Pjattaforma ta' negozjar |
L-aqwa talba u offerta jew prezz ta' referenza xieraq fil-waqt tal-eżekuzzjoni |
09.30.00 |
1 |
|
|
|
|
|
|
|
|
|
|
2 |
|
|
|
|
|
|
|
|
|
|
3 |
|
|
|
|
|
|
|
|
|
11.30.00 |
1 |
|
|
|
|
|
|
|
|
|
|
2 |
|
|
|
|
|
|
|
|
|
|
3 |
|
|
|
|
|
|
|
|
|
13.30.00 |
1 |
|
|
|
|
|
|
|
|
|
|
2 |
|
|
|
|
|
|
|
|
|
|
3 |
|
|
|
|
|
|
|
|
|
15.30.00 |
1 |
|
|
|
|
|
|
|
|
|
|
2 |
|
|
|
|
|
|
|
|
|
|
3 |
|
|
|
|
|
|
|
|
|
Tabella 4 — informazzjoni dwar il-prezz li għandha tiġi ppubblikata kif imsemmi fl-Artikolu 4 punt (b)
prezz tat-tranżazzjoni medju sempliċi |
|
prezz tat-tranżazzjoni ponderat skont il-volum |
|
l-ogħla prezz eżegwit |
|
l-inqas prezz eżegwit |
|
Tabella 5 — informazzjoni dwar l-ispejjeż li għandha tiġi ppubblikata kif imsemmi fl-Artikolu 5
Informazzjoni meħtieġa skont l-Artikolu 5(a) sa (d) |
(Deskrizzjoni) |
Link għal sit web jew sors ieħor fejn ikun hemm disponibbli iktar informazzjoni dwar l-ispejjeż |
|
Valur totali ta' kull roħs, skont, jew pagament ieħor offrut (bħala % tal-valur totali negozjat waqt il-perjodu ta' rapportar) |
% |
Valur totali ta' kull spiża (bħala % tal-valur totali negozjat waqt il-volum tal-perjodu ta' rapportar) |
% |
Tabella 6 — informazzjoni dwar il-probabbiltà ta' eżekuzzjoni li għandha tiġi ppubblikata kif imsemmi fl-Artikolu 6
Għadd ta' ordnijiet jew talbiet għall-kwotazzjonijiet li kienu rċevuti |
|
Għadd ta' tranżazzjonijiet eżegwiti |
|
Valur totali tat-tranżazzjonijiet eżegwiti |
|
Għadd ta' ordnijiet jew talbiet għall-kwotazzjonijiet li kienu rċevuti li ġew imħassra jew irtirati |
|
Għadd ta' ordnijiet jew talbiet għall-kwotazzjonijiet li kienu rċevuti li ġew modifikati |
|
Daqs medjan tat-tranżazzjonijiet |
|
Daqs medjan tat-tranżazzjonijiet jew it-talbiet għall-kwotazzjoni kollha |
|
Għadd ta' ġeneraturi tas-suq deżinjati |
|
Tabella 7 — informazzjoni dwar il-probabbiltà ta' eżekuzzjoni li għandha tiġi ppubblikata kif imsemmi fl-Artikolu 7(1)
Ħin |
Prezz tal-Aqwa Talba |
Prezz tal-Aqwa Offerta |
Daqs tat-Talba |
Daqs tal-Offerta |
Il-profondità tar-reġistru tal-ordnijiet fi tliet (3) inkrementi tal-prezz |
9.30.00 |
|
|
|
|
|
11.30.00 |
|
|
|
|
|
13.30.00 |
|
|
|
|
|
15.30.00 |
|
|
|
|
|
Tabella 8 — informazzjoni li għandha tiġi ppubblikata kif imsemmi fl-Artikolu 7(2) u 7(3)
Firxa effettiva medja |
|
Volum medju fl-aqwa talba u offerta |
|
Firxa medja fl-aqwa talba u offerta |
|
Għadd ta' kanċellazzjonijiet fl-aħjar talba u offerta |
|
Għadd ta' modifikazzjonijiet fl-aħjar talba u offerta |
|
Profondità medja tar-reġistru tal-ordnijiet għal tliet (3) inkrementi tal-prezz |
|
Ħin medju li jkun għadda (preċiż sal-millisekondi) bejn ordni aggressiv jew aċċettazzjoni ta' kwotazzjoni li tiġi rċevuta miċ-ċentru tal-eżekuzzjoni u l-eżekuzzjoni totali jew parzjali sussegwenti |
|
Ħin medjan li jkun għadda (preċiż sal-millisekondi) bejn ordni tas-suq li jiġi rċevut miċ-ċentru tal-eżekuzzjoni u l-eżekuzzjoni totali jew parzjali sussegwenti |
|
Ħeffa medja tal-eżekuzzjoni għal ordnijiet passivi mhux modifikati fl-aħjar talba u offerta |
|
Għadd ta' ordnijiet fill or kill (eżegwixxi jew ikkanċella) li fallew |
|
Għadd ta' ordnijiet eżegwixxi issa inkella ħassar (immediate or cancel) li ma ġewx eżegwiti (żero fill) |
|
Għadd ta' tranżazzjonijiet li ġew eżegwiti fiċ-ċentru tan-negozjar li huma Kbar fl-Iskala skont l-Artikoli 4 jew 9 tar-Regolament (UE) Nru 600/2014 |
|
Valur tat-tranżazzjonijiet li ġew eżegwiti fiċ-ċentru tan-negozjar li huma Kbar fl-Iskala skont l-Artikoli 4 jew 9 tar-Regolament (UE) Nru 600/2014 |
|
Għadd tat-tranżazzjonijiet li ġew eżegwiti fiċ-ċentru tan-negozjar skont l-Artikoli 4 u 9 tal-MiFIR, ħlief l-ordnijiet li huma miżmuma f'faċilità tal-ġestjoni tal-ordnijiet taċ-ċentru tan-negozjar sakemm jiġu divulgati u li mhumiex Kbar fl-Iskala |
|
Għadd tat-tranżazzjonijiet li ġew eżegwiti fiċ-ċentru tan-negozjar skont l-Artikoli 4 u 9 tal-MiFIR, ħlief l-ordnijiet li huma miżmuma f'faċilità tal-ġestjoni tal-ordnijiet taċ-ċentru tan-negozjar sakemm jiġu divulgati u li mhumiex Kbar fl-Iskala |
|
Għadd ta' interruzzjonijiet fin-negozjar |
|
Durata medja tal-interruzzjonijiet fin-negozjar |
|
Għadd ta' sospensjonijiet |
|
Natura tas-sospensjonijiet |
|
Durata medja tas-sospensjonijiet |
|
Għal ċentri bi kwotazzjonijiet kontinwi, l-għadd ta' perjodi li fihom l-ebda kwotazzjonijiet ma ġew provduti |
|
Għal ċentri bi kwotazzjonijiet kontinwi, id-durata medja ta' perjodi li fihom l-ebda kwotazzjonijiet ma ġew provduti |
|
Preżenza medja tal-kwotazzjonijiet |
|
Tabella 9 — informazzjoni li għandha tiġi ppubblikata kif imsemmi fl-Artikolu 8
Ħin medju li skorra bejn l-aċċettazzjoni u l-eżekuzzjoni |
|
Ħin medjan li skorra bejn l-aċċettazzjoni u l-eżekuzzjoni |
|
Ħin medju li skorra bejn it-talba u l-provvediment ta' kwalunkwe kwotazzjoni korrispondenti |
|
Ħin medjan li skorra bejn it-talba u l-provvediment ta' kwalunkwe kwotazzjoni korrispondenti |
|