8.9.2016 |
MT |
Il-Ġurnal Uffiċjali tal-Unjoni Ewropea |
L 240/1 |
REGOLAMENT DELEGAT TAL-KUMMISSJONI (UE) 2016/1608
tas-17 ta' Mejju 2016
li jemenda r-Regolament Delegat (UE) Nru 1222/2014 fir-rigward ta' standards tekniċi regolatorji għall-ispeċifikazzjoni tal-metodoloġija għall-identifikazzjoni ta' istituzzjonijiet globali sistemikament importanti u għad-definizzjoni ta' subkategoriji ta' istituzzjonijiet globali sistemikament importanti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (1), u b'mod partikolari l-Artikolu 131(18) tagħha,
Billi:
(1) |
Ir-Regolament Delegat tal-Kummissjoni (UE) Nru 1222/2014 (2) jispeċifika l-metodoloġija għall-identifikazzjoni ta' istituzzjonijiet globali sistemikament importanti (G-SIIs) imsemmija fid-Direttiva 2013/36/UE. Ir-Regolament Delegat (UE) Nru 1222/2014 jipprovdi b'mod partikulari l-indikaturi kwantifikabbli li jiffurmaw il-ħames kategoriji li jkejlu l-importanza sistemika ta' bank stabbiliti fid-Direttiva 2013/36/UE. L-Anness tar-Regolament Delegat (UE) Nru 1222/2014 fih speċifikazzjonijiet tekniċi dettaljati tal-valuri tal-indikaturi. |
(2) |
Ir-Regolament Delegat (UE) Nru 1222/2014 iqis l-istandards internazzjonali żviluppati mill-Kumitat ta' Basel dwar is-Superviżjoni Bankarja (BCBS) dwar il-metodoloġija għall-valutazzjoni ta' banek globali sistemikament importanti u dwar ir-rekwiżit ta' assorbiment tat-telf ogħla, inklużi l-ispeċifikazzjonijiet tekniċi tal-indikaturi użati għall-identifikazzjoni ta' banek globali sistemikament importanti. |
(3) |
Il-metodoloġija tal-BCBS għall-valutazzjoni ta' banek globali sistemikament importanti u dwar ir-rekwiżit ta' assorbiment tat-telf ogħla hija aġġornata regolarment. Aktar reċentement, il-BCBS ippubblika mudell tar-rappurtar u struzzjonijiet dwar ir-rappurtar kemxejn riveduti għall-eżerċizzju ta' ġbir ta' dejta għall-2016, abbażi tad-dejta ta' tmiem l-2015. Aġġornamenti ulterjuri huma mistennija fil-futur. |
(4) |
Sabiex jiġu riflessi l-iżviluppi attwali fis-sistema bankarja dinjija u jitnaqqas kemm jista' jkun il-piż amministrattiv għall-istituzzjonijiet, huwa importanti li jiġi żgurat li l-valuri tal-indikaturi jkunu ddeterminati skont l-istandards maqbula internazzjonalment stabbiliti mill-BCBS. L-awtoritajiet nazzjonali rilevanti għandhom għalhekk jiżguraw li l-valuri tal-indikaturi kwantifikabbli pprovduti fir-Regolament Delegat (UE) Nru 1222/2014 jkunu determinati skont is-sett ta' dejta applikabbli pprovdut mill-BCBS. |
(5) |
Sabiex tiġi żgurata l-konsistenza mal-metodoloġija aġġornata użata mill-BCBS, l-Artikolu 5(6) tar-Regolament Delegat (UE) Nru 1222/2014 għandu jistipula li d-deċiżjonijiet imsemmija fl-Artikoli 5(4) u 5(5) jistgħu jkunu appoġġati b'“dejta anċillari” minflok b'“indikaturi anċillari”. |
(6) |
Sabiex jiġi żgurat li l-valuri tal-indikaturi pprovduti fir-Regolament Delegat (UE) Nru 1222/2014 ikunu determinati skont l-ispeċifikazzjonijiet aġġornati applikati mill-BCBS, l-Anness tar-Regolament Delegat (UE) Nru 1222/2014 għandu jitħassar. |
(7) |
Għaldaqstant, ir-Regolament Delegat (UE) Nru 1222/2014 għandu jiġi emendat skont dan. |
(8) |
Minħabba li l-ġbir tad-dejta għall-proċess ta' identifikazzjoni fl-2016 beda fl-ewwel kwart tal-2016, u minħabba li l-istituzzjonijiet jeħtieġu ċarezza dwar liema dejta għandha tiġi ddivulgata, dan ir-Regolament għandu jidħol fis-seħħ immedjatament. |
(9) |
Dan ir-Regolament huwa msejjes fuq l-abbozz ta' standards tekniċi regolatorji ppreżentat mill-Awtorità Bankarja Ewropea (EBA) lill-Kummissjoni. |
(10) |
L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3). |
ADOTTAT DAN IR-REGOLAMENT:
Artikolu 1
Ir-Regolament Delegat (UE) Nru 1222/2014 huwa emendat kif ġej:
(1) |
Fl-Artikolu 5 il-paragrafu 6 huwa sostitwit b'dan li ġej: “6. Id-deċiżjonijiet imsemmija fil-paragrafi 4 u 5 jistgħu jiġu appoġġati minn dejta anċillari, li ma għandhomx ikunu indikaturi tal-probabbiltà li l-entità rilevanti tfalli. Tali deċiżjonijiet għandhom jinkludu informazzjoni kwantitattiva u kwalitattiva dokumentata sew u verifikabbli.” |
(2) |
L-Artikolu 6 huwa sostitwit b'dan li ġej: “Artikolu 6 Indikaturi 1. Il-kategorija li tkejjel id-daqs tal-grupp tikkonsisti minn indikatur wieħed daqs l-iskopertura totali tal-grupp. 2. Il-kategorija li tkejjel l-interkonnettività tal-grupp mas-sistema finanzjarja tikkonsisti fl-indikaturi kollha li ġejjin:
3. Il-kategorija li tkejjel is-sostitwibbiltà tas-servizzi jew tal-infrastruttura finanzjarja pprovduta mill-grupp tikkonsisti fl-indikaturi kollha li ġejjin:
4. Il-kategorija li tkejjel il-kumplessità tal-grupp tikkonsisti fl-indikaturi kollha li ġejjin:
5. Il-kategorija li tkejjel l-attività transfruntiera tal-grupp tikkonsisti fl-indikaturi kollha li ġejjin:
6. Għad-dejta rappurtata f'muniti oħra minbarra l-Euro, l-awtorità rilevanti għandha tuża rata tal-kambju xierqa filwaqt li tqis ir-rata tal-kambju ta' referenza ppubblikata mill-Bank Ċentrali Ewropew li tkun applikabbli fil-31 ta' Diċembru u l-istandards internazzjonali. Għall-indikatur tal-attività tal-ħlas kif imsemmi fil-paragrafu 3(b), l-awtorità rilevanti għandha tuża r-rati tal-kambju medji għas-sena rilevanti. (*) Ir-Regolament tal-Kummissjoni (UE) Nru 1255/2012 tal-11 ta' Diċembru 2012 li jemenda r-Regolament (KE) Nru 1126/2008 li jadotta ċerti standards internazzjonali tal-kontabilità skont ir-Regolament (KE) Nru 1606/2002 tal-Parlament Ewropew u tal-Kunsill rigward l-Istandard Internazzjonali tal-Kontabilità Nru 12, l-Istandards Internazzjonali tar-Rappurtar Finanzjarju Nru 1 u 13, u l-Interpretazzjoni Nru 20 tal-Kumitat Internazzjonali tal-Interpretazzjoni tar-Rappurtar Finanzjarju (ĠU L 360, 29.12.2012, p. 78).”" |
(3) |
L-aħħar sentenza tal-Artikolu 7 titħassar. |
(4) |
L-Anness jitħassar. |
Artikolu 2
Dħul fis-seħħ
Dan ir-Regolament jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta' Mejju 2016.
Għall-Kummissjoni
Il-President
Jean-Claude JUNCKER
(1) ĠU L 176, 27.6.2013, p. 338.
(2) Ir-Regolament Delegat tal-Kummissjoni (UE) Nru 1222/2014 tat-8 ta' Ottubru 2014 li jissupplimenta d-Direttiva 2013/36/UE tal-Parlament Ewropew u tal-Kunsill fir-rigward ta' standards tekniċi regolatorji għall-ispeċifikazzjoni tal-metodoloġija għall-identifikazzjoni ta' istituzzjonijiet globali sistemikament importanti u għad-definizzjoni ta' subkategoriji ta' istituzzjonijiet globali sistemikament importanti (ĠU L 330, 15.11.2014, p. 27).
(3) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).