|
5.5.2016 |
MT |
Il-Ġurnal Uffiċjali tal-Unjoni Ewropea |
L 120/35 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/697
tal-4 ta' Mejju 2016
dwar ċerti miżuri protettivi relatati mal-influwenza tat-tjur b'patoġeniċità għolja tas-sottotip H7N7 fl-Italja
(notifikata bid-dokument C(2016) 2875)
(It-test bit-Taljan biss huwa awtentiku)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 89/662/KEE tal-11 ta' Diċembru 1989 dwar spezzjonijiet veterinarji fil-kummerċ intra-Komunitarju bil-ħsieb tat-tlestija tas-suq intern (1), u b'mod partikolari l-Artikolu 9(4) tagħha,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar veterinarju u żootekniku applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (2), u b'mod partikolari l-Artikolu 10(4) tagħha,
Billi:
|
(1) |
L-influwenza tat-tjur hija marda virali infettiva fl-għasafar, inkluż il-pollam. L-infezzjonijiet bil-vajrusis tal-influwenza tat-tjur fil-pollam domestiku jikkawżaw żewġ forom ewlenin ta' din il-marda li huma distinti mill-virulenza tagħhom. Il-forma b'patoġeniċità baxxa ġeneralment tikkawża biss sintomi ħfief, filwaqt li l-forma b'patoġeniċità għolja twassal għal rati ferm għoljin ta' mortalità fil-parti l-kbira tal-ispeċijiet tal-pollam. Din il-marda tista' tħalli impatt qawwi fuq il-profitabbiltà tat-trobbija tal-pollam tal-irziezet. |
|
(2) |
L-influwenza tat-tjur tinstab l-aktar fl-għasafar, iżda f'ċerti ċirkustanzi jaf ikun hemm infezzjonijiet ukoll fil-bnedmin, minkejja li r-riskju huwa ġeneralment baxx ħafna. |
|
(3) |
Fil-każ ta' tifqigħa tal-influwenza tat-tjur, hemm riskju li l-aġent tal-marda jinfirex f'azjendi oħrajn fejn jitrabba l-pollam jew għasafar oħra mrobbijin. Minħabba f'hekk, din tista' tinfirex minn Stat Membru għal Stati Membri oħra, jew għal pajjiżi terzi, permezz tal-kummerċ ta' għasafar ħajjin jew tal-prodotti tagħhom. |
|
(4) |
Id-Direttiva tal-Kunsill 2005/94/KE (3) tistabbilixxi ċerti miżuri preventivi relatati mas-sorveljanza u d-detezzjoni bikrija tal-influwenza tat-tjur u l-miżuri minimi ta' kontroll li jridu jiġu applikati f'każ ta' tifqigħa ta' dik il-marda f'pollam jew f'għasafar oħra mrobbijin. Dik id-Direttiva tistipula l-ħolqien ta' żoni ta' protezzjoni u sorveljanza f'każ li tfaqqa' l-influwenza tat-tjur b'patoġeniċità għolja. |
|
(5) |
Il-Ġermanja nnotifikat lill-Kummissjoni dwar tifqigħa tal-influwenza tat-tjur b'patoġenità għolja tas-sottotip H7N7 f'azjenda fit-territorju tagħha fejn kien qed jitrabba l-pollam jew għasafar oħrajn imrobbijin, u ħadet minnufih il-miżuri meħtieġa skont id-Direttiva 2005/94/KE, inkluż il-ħolqien ta' żoni ta' protezzjoni u ta' sorveljanza. |
|
(6) |
Il-Kummissjoni eżaminat dawk il-miżuri b'kollaborazzjoni mal-Italja, u ħarġet sodisfatta li l-fruntieri taż-żoni ta' protezzjoni u sorveljanza, stabbiliti mill-awtorità kompetenti f'dak l-Istat Membru, jinsabu 'l bogħod biżżejjed mill-azjenda proprja fejn ġiet ikkonfermata t-tifqigħa. |
|
(7) |
Sabiex jiġi evitat kull tfixkil bla bżonn tal-kummerċ fl-Unjoni u sabiex jiġu evitati ostakli mhux iġġustifikati għall-kummerċ li jiġu imposti minn pajjiżi terzi, jeħtieġ jiġu ddefiniti malajr iż-żoni ta' protezzjoni u sorveljanza stabbiliti fl-Italja fil-livell tal-Unjoni b'kollaborazzjoni ma' dan l-Istat Membru. |
|
(8) |
Għaldaqstant, iż-żoni ta' protezzjoni u sorveljanza fl-Italja, fejn qed jiġu applikati l-miżuri ta' kontroll għas-saħħa tal-annimali stabbiliti fid-Deċiżjoni 2005/94/KE, għandhom jiġu ddefiniti fl-Anness ta' din id-Deċiżjoni u għandu jiġi ffissat it-tul ta' żmien ta' dik ir-reġjonalizzazzjoni. |
|
(9) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Italja għandha tiżgura li ż-żoni ta' protezzjoni u ta' sorveljanza stabbiliti skont l-Artikolu 16(1) tad-Direttiva 2005/94/KE jinkludu mill-inqas iż-żoni elenkati bħala żoni ta' protezzjoni u sorveljanza fil-Partijiet A u B tal-Anness ta' din id-Deċiżjoni.
Artikolu 2
Din id-Deċiżjoni tapplika sal-31 ta' Lulju 2016.
Artikolu 3
Din id-Deċiżjoni hija indirizzata lir-Repubblika Taljana.
Magħmul fi Brussell, l-4 ta' Mejju 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 395, 30.12.1989, p. 13.
(2) ĠU L 224, 18.8.1990, p. 29.
(3) Id-Direttiva tal-Kunsill 2005/94/KE tal-20 ta' Diċembru 2005 dwar miżuri Komunitarji għall-kontroll tal-influwenza tat-tjur u li tħassar id-Direttiva 92/40/KEE (ĠU L 10, 14.1.2006, p. 16).
ANNESS
PARTI A
Iż-żona ta' protezzjoni kif imsemmija fl-Artikolu 1:
|
ISO Kodiċi tal-Pajjiż |
Stat Membru |
Kodiċi (jekk huwa disponibbli) |
Isem |
Id-data sa meta dan jibqa' applikabbli skont l-Artikolu 29 tad-Direttiva 2005/94/KE |
|
IT |
L-Italja |
Kodiċi Postali/ADNS |
Żona li tinkludi: |
|
|
|
|
|
It-territorju kollu tal-muniċipalitajiet ta': |
26.5.2016 |
|
44015 |
|
|||
|
44020 |
|
PARTI B
Iż-żona ta' sorveljanza kif imsemmija fl-Artikolu 1:
|
ISO Kodiċi tal-Pajjiż |
Stat Membru |
Kodiċi (jekk huwa disponibbli) |
Isem |
Id-data sa meta dan jibqa' applikabbli skont l-Artikolu 31 tad-Direttiva 2005/94/KE |
||
|
IT |
L-Italja |
Kodiċi Postali/ADNS |
Żona li tinkludi: |
|
||
|
|
|
|
It-territorju kollu tal-muniċipalitajiet ta': |
4.6.2016 |
||
|
44020 |
|
|||||
|
44039 |
|
|||||
|
44019 |
|
|||||
|
|
Il-partijiet mill-muniċipalitajiet ta': |
|||||
|
44027 |
|
|||||
|
44035 |
|
|||||
|
44121 |
|
|||||
|
44011 |
|
|||||
|
|
|
44015 |
|
27.5. – 4.6.2016 |
||
|
44020 |
|