15.4.2014 |
MT |
Il-Ġurnal Uffiċjali tal-Unjoni Ewropea |
L 111/36 |
REGOLAMENT TA' DELEGA TAL-KUMMISSJONI (UE) Nru 382/2014
tas-7 ta' Marzu 2014
li jissupplimenta d-Direttiva 2003/71/KE tal-Parlament Ewropew u tal-Kunsill fir-rigward tal-istandards tekniċi regolatorji għall-pubblikazzjoni ta' supplimenti għall-prospetti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva Nru 2003/71/KE tal-Parlament Ewropew u tal-Kunsill tal-4 ta' Novembru 2003 dwar il-prospett li għandu jiġi ppubblikat meta jiġu offruti titoli lill-pubbliku jew jiġu ammessi għall-kummerċ u li temenda d-Direttiva 2001/34/KE (1), u partikolarment l-Artikolu 16(3) tagħha,
Billi:
(1) |
Id-Direttiva 2003/71/KE tarmonizza r-rewiżiti għat-tfassil, l-approvazzjoni u d-distribuzzjoni tal-prospett li jrid jiġi ppubblikat meta jiġu offruti t-titoli lill-pubbliku jew jiġu ammessi għall-kummerċ f'suq regolat li jkun jinsab jew jopera ġewwa Stat Membru. |
(2) |
Id-Direttiva 2003/71/KE teħtieġ ukoll il-pubblikazzjoni ta' supplimenti għall-prospett li jsemmu kull fattur sinifikanti ġodda, żball materjali jew impreċiżjoni dwar l-informazzjoni inkluża fil-prospett li tista' taffettwa l-valutazzjoni tat-titoli u li jinħolqu jew jiġu osservati bejn iż-żmien meta l-prospett jiġi approvat u l-għeluq finali tal-offerta lill-pubbliku jew, jiddependi mill-każ, iż-żmien meta jibda l-kummerċ f'suq regolat, skont liema minn dawn iseħħ l-aħħar. |
(3) |
Il-provvediment ta' informazzjoni sħiħa dwar it-titoli u l-emittenti tat-titoli jippromwovi l-protezzjoni tal-investituri. Suppliment għandu għalhekk jinkludi l-informazzjoni materjali kollha dwar is-sitwazzjonijiet speċifiċi li wasslu għas-suppliment u din għandha tiġi inkluża fil-prospett skont id-Direttiva 2003/71/KE u r-Regolament tal-Kummissjoni (KE) Nru 809/2004. (2) |
(4) |
Sabiex tiġi żgurata l-armonizzazzjoni konsistenti, jiġu speċifikati r-rekwiżiti stipulati fid-Direttiva 2003/71/KE u biex jitqiesu l-iżviluppi tekniċi fis-swieq finanzjarji, huwa meħtieġ li jiġu speċifikati s-sitwazzjonijiet fejn il-pubblikazzjoni ta' supplimenti għall-prospetti hija meħtieġa. |
(5) |
Mhuwiex possibbli li jiġu identifikati s-sitwazzjonijiet kollha fejn ikun meħtieġ suppliment mal-prospett minħabba li dan jista' jiddependi fuq l-emittent u t-titoli involuti. Għaldaqstant, huwa xieraq li jiġu speċifikati s-sitwazzjonijiet minimi fejn ikun meħtieġ suppliment. |
(6) |
Rapporti finanzjarji awditjati annwali għandhom rwol kruċjali għall-investituri meta jittieħdu deċiżjonijiet dwar l-investiment. Sabiex jiġi żgurat li l-investituri jibbażaw id-deċiżjonijiet dwar l-investiment tagħhom fuq l-aktar informazzjoni finanzjarja reċenti, huwa meħtieġ li jiġi ppubblikat suppliment li jinkludi rapporti finanzjarji awditjati annwali ġodda tal-emittenti tat-titoli ta' ekwità u l-emittenti tal-ishma sottostanti fil-każ ta' rċevuti ta' depożiti ppubblikati wara l-approvazzjoni tal-prospett. |
(7) |
Sabiex jitqies il-fatt li previżjonijiet ta' profitt u stimi ta' profitt jistgħu jinfluwenzaw deċiżjoni dwar l-investiment, l-emittenti tat-titoli ta' ekwità u l-emittenti tal-ishma sottostanti fil-każ ta' rċevuti ta' depożiti għandhom jippubblikaw suppliment li fih kull tibdil fiċ-ċifri impliċiti jew espliċiti li jikkostitwixxu l-previżjonijiet tal-profitt jew l-istimi tal-profitt diġà inklużi fil-prospett. |
(8) |
Informazzjoni dwar l-identità tal-azzjonisti ewlenin jew kull entità ta' kontroll tal-emittent hija vitali għal valutazzjoni informata tal-emittent, fil-każ ta' kull tip ta' titolu. Madankollu, sitwazzjoni ta' bidla fil-kontroll tal-emittent hija partikolarment sinifikanti fejn l-offerta tirreferi għal titoli ta' ekwità u rċevuti ta' depożiti minħabba li dawn it-tipi ta' titoli huma, b'mod ġenerali, aktar sensittivi għall-prezz għal din is-sitwazzjoni. Għaldaqstant, għandu jiġi ppubblikat suppliment meta jkun hemm bidla ta' kontroll ta' emittent ta' titoli ta' ekwità jew emittent ta' ishma sottostanti fil-każ ta' rċevuti ta' depożiti. |
(9) |
Huwa essenzjali li l-investituri potenzjali li jivvalutaw offerta pendenti ta' titoli ta' ekwità jew irċevuti ta' depożiti huma f'pożizzjoni li jqabblu t-termini u l-kundizzjonijiet ta' tali offerta bil-prezz jew it-termini ta' skambju marbuta ma' kull offerta pubblika ta' xiri mħabbra matul l-perjodu tal-offerta. Barra minn hekk, ir-riżultat ta' offerta pubblika ta' xiri hija wkoll sinifikanti għad-deċiżjoni dwar l-investiment minħabba li l-investituri jeħtieġu li jkunu jafu jekk dan jimplikax bidla fil-kontroll tal-emittent jew le. F'dawn il-każijiet, għalhekk, huwa meħtieġ suppliment. |
(10) |
Meta dikjarazzjoni tal-kapital operatorju ma tkunx valida aktar l-investituri ma jkunux f'pożizzjoni li jieħdu deċiżjoni dwar l-investiment bl-informazzjoni kollha dwar is-sitwazzjoni finanzjarja tal-emittent fil-futur immedjat. L-investituri għandhom ikunu f'pożizzjoni li jivvalutaw mill-ġdid id-deċiżjonijiet dwar l-investiment tagħhom fid-dawl tal-informazzjoni l-ġdida dwar il-kapaċità tal-emittent li jaċċessa flus kontanti u riżorsi likwidi disponibbli oħra biex jagħmel tajjeb għar-responsabbiltajiet tiegħu. F'dawn il-każijiet, għalhekk, huwa meħtieġ suppliment. |
(11) |
Hemm sitwazzjonijiet fejn, wara l-approvazzjoni ta' prospett, emittent jew offerent jiddeċiedi li joffri t-titoli fi Stati Membri oħra għajr dawk imsemmija fil-prospett, jew japplika għall-ammissjoni għall-kummerċ tat-titoli fi swieq regolati fi Stati Membri addizzjonali ħlief dawk previsti fil-prospett. Informazzjoni dwar dawn l-offerti fi Stati Membri oħra jew l-ammissjoni għall-kummerċ fi swieq regolati tagħhom hija importanti għall-valutazzjoni ta' ċerti aspetti tat-titoli tal-emittent u għalhekk tkun teħtieġ suppliment. |
(12) |
Il-pożizzjoni finanzjarja jew in-negozju tal-entità x'aktarx tkun affettwata minn impenn finanzjarju sinifikanti. Għaldaqstant, l-investituri għandhom ikunu intitolati li jirċievu informazzjoni addizzjonali dwar il-konsegwenzi ta' dan l-impenn f'suppliment għall-prospett. |
(13) |
Żieda tal-ammont nominali aggregat ta' programm ta' offerti tipprovdi informazzjoni dwar il-ħtieġa tal-emittenti għall-finanzjament jew żieda fit-talbiet għat-titoli tal-emittenti. Għalhekk, fejn hemm żieda fl-ammont nominali aggregat ta' programm ta' offerti inkluża fil-prospett, għandu jiġi ppubblikat suppliment għall-prospett. |
(14) |
Dan ir-Regolament huwa bbażat fuq l-abbozz tal-istandards tekniċi regolatorji sottomessi mill-Awtorità Ewropea tat-Titoli u s-Swieq (ESMA) lill-Kummissjoni. |
(15) |
L-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (3), |
ADOTTAT DAN IR-REGOLAMENT:
Artikolu 1
Suġġett
Dan ir-Regolament jistabbilixxi l-istandards tekniċi regolatorji li jispeċifikaw is-sitwazzjonijiet li fihom il-pubblikazzjoni ta' suppliment għal prospett hija obbligatorja.
Artikolu 2
Obbligu biex jiġi ppubblikat suppliment
Flimkien mal-prospett jiġi ppubblikat suppliment fis-sitwazzjonijiet li ġejjin:
(a) |
fejn rapporti finanzjarji awditjati annwali ġodda jiġu ppubblikati minn dawn li ġejjin:
|
(b) |
meta emenda għal previżjoni tal-profitt jew stima tal-profitt diġà inkluża fil-prospett tiġi ppubblikata minn dawn li ġejjin:
|
(c) |
fil-każ li jkun hemm tibdil fil-kontroll fir-rigward ta' dawn li ġejjin:
|
(d) |
fil-każ ta' kull offerta pubblika ta' xiri ġdida minn partijiet terzi, kif definit fl-Artikolu 2(1)(a) tad-Direttiva 2004/25/KE tal-Parlament Ewropew u tal-Kunsill u r-riżultat ta' kull offerta pubblika ta' xiri fir-rigward ta' dawn li ġejjin: (4)
|
(e) |
fejn fir-rigward ta' ishma u titoli trasferibbli oħrajn ekwivalenti għall-ishma msemmija fl-Artikolu 4(2)(1) tar-Regolament (KE) Nru 809/2004 u titoli ta' dejn konvertibbli jew skambjabbli li jkunu titoli ta' ekwità konformi mal-kundizzjonijiet stabbiliti fl-Artikolu 17(2) ta' dak ir-Regolament ikun hemm bidla fid-dikjarazzjoni tal-kapital operatorju inkluża fi prospett meta l-kapital operatorju jsir suffiċjenti jew mhux suffiċjenti għar-rekwiżiti preżenti tal-emittent; |
(f) |
fil-każ li emittent qed ifittex l-ammissjoni għall-kummerċ f'suq/fi swieq regolat(i) addizzjonali fi Stat(i) Membru/i jew għandu l-intenzjoni li jagħmel offerta lill-pubbliku fi Stat(i) Membru/i addizzjonali għajr dak/dawk stipulat(i) fil-prospett; |
(g) |
fil-każ li jsir impenn finanzjarju importanti ġdid li x'aktarx li jwassal għal bidla kumplessa sinifikanti fit-tifsira tal-Artikolu 4a(6) tar-Regolament (KE) Nru 809/2004 u l-prospett ikun relatat ma' ishma u titoli trasferibbli oħrajn ekwivalenti għall-ishma msemmija fl-Artikolu 4(2)(1) ta' dak ir-Regolament u titoli ta' ekwità oħra li jkunu konformi mal-kundizzjonijiet stabbiliti fl-Artikolu 17(2) ta' dak ir-Regolament; |
(h) |
fil-każ li l-ammont nominali aggregat tal-programm tal-offerta jiżdied. |
Artikolu 3
Dħul fis-seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta' Marzu 2014.
Għall-Kummissjoni
Il-President
José Manuel BARROSO
(1) ĠU L 345, 31.12.2003, p. 64.
(2) Ir-Regolament tal-Kummissjoni (KE) Nru 809/2004 tad-29 ta' April 2004 li jimplimenta d-Direttiva 2003/71/KE tal-Parlament Ewropew u tal-Kunsill dwar l-informazzjoni inkluża fil-prospetti kif ukoll il-format, l-inkorporazzjoni bir-referenza u l-pubblikazzjoni ta' prospetti bħal dawn u d-disseminazzjoni tar-reklami (ĠU L 149, 30.4.2004, p. 1).
(3) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabilixxi Awtorità Superviżorja Ewropea (Awtorità Ewropea dwar it-Titoli u s-Swieq), u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
(4) Id-Direttiva 2004/25/KE tal-Parlament Ewropew u tal-Kunsill tal-21 ta' April 2004 fuq offerti ta' xiri (ĠU L 142, 30.4.2004, p. 12).