16.7.2014 |
MT |
Il-Ġurnal Uffiċjali tal-Unjoni Ewropea |
L 209/59 |
DEĊIŻJONI TA' IMPLIMENTAZZJONI TAL-KUMMISSJONI
tal-15 ta' Lulju 2014
li tidentifika l-prijoritajiet tal-Unjoni għall-politika ta' infurzar u kontroll fil-qafas tal-Fond Ewropew għall-Affarijiet Marittimi u s-Sajd
(2014/464/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 508/2014 tal-Parlament Ewropew u tal-Kunsill tal-15 ta' Mejju 2014 dwar il-Fond Ewropew għall-Affarijiet Marittimi u s-Sajd u li jħassar ir-Regolamenti tal-Kunsill (KE) Nru 2328/2003, (KE) Nru 861/2006, (KE) Nru 1198/2006 u (KE) Nru 791/2007 (UE) u r-Regolament (UE) Nru 1255/2011 tal-Parlament Ewropew u tal-Kunsill (1), u b'mod partikolari l-Artikolu 17(3) tiegħu,
Wara li kkonsultat mal-Kumitat dwar il-Fond Ewropew tas-Sajd Marittimu,
Billi:
(1) |
Jeħtieġ li l-prijoritajiet tal-Unjoni għall-politika tal-infurzar u l-kontroll jiġu ddefiniti biex l-Istati Membri jkunu jistgħu jħejju l-programmi operattivi marbutin mal-miżuri ffinanzjati skont ir-Regolament (UE) Nru 508/2014. |
(2) |
L-appoġġ tal-Unjoni għandu jagħti prijorità lill-iżjed azzjonijiet effettivi biex titjieb l-effiċjenza fl-attivitajiet ta' kontroll, filwaqt li titqies il-prestazzjoni tal-Istati Membri biex implimentaw ir-Regolament tal-Kunsill (KE) Nru 1005/2008 (2) u r-Regolament tal-Kunsill (KE) Nru 1224/2009 (3). |
(3) |
Il-prijoritajiet tal-Unjoni għall-politika tal-infurzar u tal-kontroll għandhom jinkludu:
|
(4) |
Il-prijoritajiet tal-Unjoni għandhom jiġu applikati b'mod flessibbli, skont il-punti tajbin u l-punti dgħajfin tal-politika ta' infurzar u kontroll f'kull Stat Membru. Jekk Stat Membru jkun diġà indirizza ċerti prijoritajiet, dak l-Istat Membru għandu, fil-prinċipju, jindirizza prijoritajiet oħrajn. |
(5) |
Skont l-Artikolu 20(2) tar-Regolament (UE) Nru 508/2014, il-prijoritajiet tal-Unjoni għall-politika ta' infurzar u kontroll jistgħu jiġu emendati kull sentejn permezz ta' atti ta' implimentazzjoni biex jiġu addattati għall-ħtiġijiet tal-kontroll li jevolvu. |
(6) |
Biex tiġi żgurata l-applikazzjoni immedjata tal-miżuri previsti f'din id-Deċiżjoni, din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea. |
ADOTTAT DIN ID-DEĊIŻJONI:
Artikolu 1
Il-prijoritajiet tal-Unjoni għall-politika ta' infurzar u kontroll, kif imsemmijin fl-Artikolu 17(3) tar-Regolament (UE) Nru 508/2014, għandhom ikunu dawn li ġejjin:
(a) |
l-implimentazzjoni tal-pjanijiet ta' azzjoni adottati skont l-Artikolu 102(4) tar-Regolament (KE) Nru 1224/2009 biex jitneħħew in-nuqqasijiet fis-sistema ta' kontroll ta' Stat Membru; |
(b) |
l-implimentazzjoni tal-azzjonijiet iddefiniti skont l-Artikolu 19(2) tar-Regolament (UE) Nru 1303/2013 biex tkun żgurata d-disponibbiltà tal-kapaċità amministrattiva li tikkonforma mal-implimentazzjoni ta' sistema ta' kontroll, spezzjoni u infurzar tal-Unjoni, kif stabbilit fl-Anness IV tar-Regolament (UE) Nru 508/2014; |
(c) |
l-implimentazzjoni tas-sistemi ta' validazzjoni tad-dejta kif imsemmija fl-Artikolu 109 tar-Regolament (KE) Nru 1224/2009, u b'mod partikolari l-implimentazzjoni ta' proġetti li jużaw formati standard komuni jew li jtejbu l-interoperabbiltà bejn is-sistemi tal-Istati Membri; |
(d) |
il-kontroll u l-infurzar tal-obbligu li l-qabdiet kollha jittellgħu l-art, kif stipulat fl-Artikolu 15 tar-Regolament (UE) Nru 1380/2013, inklużi l-addattamenti marbutin mal-implimentazzjoni ta' dak l-obbligu fis-sistemi ta' kontroll tal-Istati Membri; |
(e) |
il-kontroll u l-infurzar tal-iskema ta' ċertifikazzjoni tal-qabdiet stipulat fil-Kapitolu III tar-Regolament (KE) Nru 1005/2008, u |
(f) |
l-implimentazzjoni ta' proġetti li l-għan tagħhom huwa ċ-ċertifikazzjoni, il-verifika u l-kejl tas-saħħa tal-muturi; |
(g) |
l-implimentazzjoni tal-programmi speċifiċi ta' kontroll u ta' spezzjoni stabbiliti b'konformità mal-Artikolu 95(4) tar-Regolament (KE) Nru 1224/2009; |
(h) |
il-koordinazzjoni tal-kontroll skont l-Artikolu 15 tar-Regolament (KE) Nru 768/2005; |
(i) |
il-kontroll u l-infurzar tar-rekwiżiti tat-traċċabbiltà, fosthom is-sistemi ta' tikkettar biex ikun żgurat li l-konsumaturi jingħataw informazzjoni affidabbli, kif stipulat fl-Artikolu 58 tar-Regolament (KE) Nru 1224/2009 u l-Artikolu 67(6) tar-Regolament ta' Implimentazzjoni (UE) Nru 404/2011. |
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-15 ta' Lulju 2014.
Għall-Kummissjoni
Il-President
José Manuel BARROSO
(1) ĠU L 149, 20.5.2014, p. 1.
(2) Ir-Regolament tal-Kunsill (KE) Nru 1005/2008 tad-29 ta' Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, p. 1).
(3) Ir-Regolament tal-Kunsill (KE) Nru 1224/2009 tal-20 ta' Novembru 2009 li jistabbilixxi sistema Komunitarja ta' kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).
(4) Ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament (KE) Nru 1083/2006 (ĠU L 347, 20.12.2013, p. 320).
(5) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(6) Ir-Regolament tal-Kunsill (KE) Nru 768/2005 tas-26 ta' April 2005 li jistabbilixxi Aġenzija Komunitarja għall-Kontroll tas-Sajd u li jemenda r-Regolament (KEE) Nru 2847/93 li jistabbilixxi sistema ta' kontroll li tapplika għall-Politika Komuni tas-Sajd (ĠU L 128, 21.5.2005, p. 1).
(7) Ir-Regolament ta' Implimentazzjoni tal-Kummissjoni (UE) Nru 404/2011 tat-8 ta' April 2011 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1224/2009 li jistabbilixxi sistema Komunitarja ta' kontroll għall-iżgurar tal-konformità mar-regoli tal-Politika Komuni tas-Sajd (ĠU L 112, 30.4.2011, p. 1).