21.12.2013 |
MT |
Il-Ġurnal Uffiċjali tal-Unjoni Ewropea |
L 349/104 |
DEĊIŻJONI TAL-KUMMISSJONI
tad-19 ta’ Diċembru 2013
li temenda d-Deċiżjoni tal-Kummissjoni 2007/506/KE biex tittawwal il-validità tal-kriterji ekoloġiċi għall-għoti tal-ekotikketta tal-UE għas-spapen, ix-xampus u l-conditioners tax-xagħar
(notifikata bid-dokument C(2013) 9223)
(Test b’relevanza għaż-ŻEE)
(2013/793/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b’mod partikolari l-punt (c) tal-Artikolu 8(3) tiegħu,
Wara li kkonsultat lill-Bord tal-Unjoni Ewropea għat-Tikkettar Ekoloġiku,
Billi:
(1) |
Id-Deċiżjoni tal-Kummissjoni 2007/506/KE tal-21 ta’ Ġunju 2007 li tistabbilixxi l-kriterji ekoloġiċi għall-għoti tal-ekotikketta Komunitarja għas-spapen, shampoos u conditioners tax-xagħar (2) tiskadi fil-31 ta’ Diċembru 2013. |
(2) |
Saret valutazzjoni biex tevalwa r-rilevanza u l-adegwatezza tal-kriterji ekoloġiċi attwali, kif ukoll tar-rekwiżiti ta’ valutazzjoni u ta’ verifika relatati, stabbiliti b’din id-Deċiżjoni. Minħabba l-istadji differenti tal-proċess ta’ reviżjoni għal dik id-Deċiżjoni, jixraq li jittawwal il-perjodu tal-validità tal-kriterji ekoloġiċi u r-rekwiżiti ta’ valutazzjoni u ta’ verifika relatati li din stabbilixxiet. Il-perjodu tal-validità tal-kriterji ekoloġiċi u r-rekwiżiti relatati ta’ valutazzjoni u ta’ verifika stabbiliti fid-Deċiżjoni 2007/506/KE għandu jittawwal sal-31 ta’ Diċembru 2014. |
(3) |
Għalhekk, id-Deċiżjoni 2007/506/KE għandha tiġi emendata skont dan. |
(4) |
Il-miżuri pprovduti f’din id-Deċiżjoni huma skont l-opinjoni tal-Kumitat imwaqqaf bl-Artikolu 16 tar-Regolament (KE) Nru 66/2010. |
ADOTTAT DIN ID-DEĊIŻJONI:
Artikolu 1
L-Artikolu 4 tad-Deċiżjoni 2007/506/KE jinbidel b’dan li ġej:
“Artikolu 4
Il-kriterji ekoloġiċi għall-grupp ta’ prodotti ‘spapen, xampus u conditioners tax-xagħar’ kif ukoll ir-rekwiżiti ta’ valutazzjoni u ta’ verifika relatati għandhom jibqgħu validi sal-31 ta’ Diċembru 2014”.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-19 ta’ Diċembru 2013.
Għall-Kummissjoni
Janez POTOČNIK
Membru tal-Kummissjoni
(2) ĠU L 186, 18.7.2007, p. 36.