12.12.2013

Il-Ġurnal Uffiċjali tal-Unjoni Ewropea

L 333/77

DEĊIZJONI TAL-KUNSILL

tal-10 ta’ Diċembru 2013

li temenda r-Regoli ta' Proċedura tal-Kunsill

(2013/746/UE)

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra l-Artikolu 2(2) tal-Anness III għar-Regoli ta' Proċedura tal-Kunsill (1),

Billi:

(1)

L-ewwel u r-raba’ subparagrafi tal-Artikolu 3(3) tal-Protokoll (Nru 36) dwar id-dispożizzjonijiet transitorji anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, jipprevedu li, sal-31 ta' Ottubru 2014, meta għandu jiġi adottat att mill-Kunsill b'maġġoranza kwalifikata, u jekk membru tal-Kunsill hekk jitlob, għandu jiġi vverifikat li l-Istati Membri li jikkostitwixxu din il-maġġoranza kwalifikata jirrappreżentaw mill-inqas 62 % tal-popolazzjoni totali tal-Unjoni.

(2)	Dak il-persentaġġ jiġi kkalkolat konformement maċ-ċifri tal-popolazzjonijiet stabbiliti fl-Artikolu 1 tal-Anness III mar-Regoli ta' Proċedura tal-Kunsill (“ir-Regoli ta' Proċedura”).

(3)

L-Artikolu 2(2) tal-Anness III mar-Regoli ta’ Proċedura jipprevedi li, b'effett mill-1 ta’ Jannar ta’ kull sena, il-Kunsill, konformement mad-data li jkunu disponibbli għall-Uffiċċju tal-Istatistika tal-Unjoni Ewropea fit-30 ta’ Settembru tas-sena ta’ qabel, għandu jemenda ċ-ċifri stabbiliti fl-Artikolu 1 ta’ dak l-Anness.

(4)	Għalhekk ir-Regoli ta' Proċedura għandhom jiġu emendati skont dan għall-perijodu mill-1 ta' Jannar 2014 sal-31 ta' Ottubru 2014,

ADOTTA DIN ID-DEĊIŻJONI:

Artikolu 1

L-Artikolu 1 tal-Anness III mar-Regoli ta' Proċedura għandu jiġi sostitwit bit-test li ġej:

“Artikolu 1

Għall-finijiet tal-implimentazzjoni tal-Artikolu 16(5) tat-TUE u tal-Artikolu 3(3) u (4) tal-Protokoll (Nru 36) dwar id-dispożizzjonijiet transitorji, il-popolazzjoni totali ta' kull Stat Membru għall-perijodu mill-1 ta' Jannar 2014 sal-31 ta' Ottubru 2014, għandha tkun kif ġej:

Stat Membru	Popolazzjoni (× 1 000 )
Ġermanja	80 523,7
Franza	65 633,2
Renju Unit	63 730,1
Italja	59 685,2
Spanja	46 704,3
Polonja	38 533,3
Rumanija	20 057,5
Pajjiżi l-Baxxi	16 779,6
Belġju	11 161,6
Greċja	11 062,5
Repubblika Ċeka	10 516,1
Portugall	10 487,3
Ungerija	9 908,8
Svezja	9 555,9
Awstrija	8 451,9
Bulgarija	7 284,6
Danimarka	5 602,6
Finlandja	5 426,7
Slovakkja	5 410,8
Irlanda	4 591,1
Kroazja	4 262,1
Litwanja	2 971,9
Slovenja	2 058,8
Latvja	2 023,8
Estonja	1 324,8
Ċipru	865,9
Lussemburgu	537,0
Malta	421,4
Total	505 572,5
Livell minimu (62 %)	313 455,0 ”.

Artikolu 2

Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Hija għandha tapplika mill-1 ta’ Jannar 2014.

Magħmul fi Brussell, l-10 ta’ Diċembru 2013.

Għall-Kunsill

Il-President

R. ŠADŽIUS

(1) Id-Deċiżjoni tal-Kunsill 2009/937/UE tal-1 ta’ Diċembru 2009 li tadotta r-Regoli ta’ Proċedura tiegħu (ĠU L 325, tal-11.12.2009, p. 35).