ANNESS

1.   DEJTA

Il-format tad-dejta tar-reġistru nazzjonali tal-vetturi (minn hawn ’il quddiem imsejjaħ ‘NVR’) huwa kif ġej.

In-numerazzjoni tal-punti ssegwi l-loġika tal-formola standard għar-reġistrazzjoni proposta li tinsab fl-Appendiċi 4.

Barra minn hekk, tista’ tiżdied kaxxa jew aktar bħal kummenti, identifikazzjoni ta’ vetturi li qed jiġu investigati (ara t-Taqsima 3.4), eċċ.

1.	Numru Ewropew tal-Vettura	Obbligatorju
Kontenut	Kodiċi ta’ identifikazzjoni numeriku kif iddefinit fl-Anness P għall-Ispeċifikazzjoni Teknika għall-Interoperabilità (TSI) dwar ‘l-operat u l-ġestjoni tat-traffiku’ (minn hawn ‘il quddiem imsejjaħ ‘OPE TSI’) (1)
Format	1.1. Numru	12-il ċifra
	1.2. Numru preċedenti (jekk applikabbli, għal vėttura nnumerata mill-ġdid)
2.	Stat Membru u NSA	Obbligatorji
Kontenut	Identifikazzjoni tal-Istat Membru fejn il-vettura ġiet irreġistrata u l-NSA li awtorizzat it-tqegħid fis-servizz tagħha
Format	2.1. Il-kodiċi numeriku tal-Istat Membru kif iddefinit fl-Anness P għall-OPE TSI	kodiċi b’żewġ (2) ċifri
	2.2. Isem l-NSA	Test
3.	Sena tal-manifattura	Obbligatorja
Kontenut	Is-sena li fiha l-vettura ħarġet mill-fabbrika
Format	3. Sena tal-manifattura	SSSS
4.	Referenza KE	Obbligatorja (fejn disponibbli)
Kontenut	Referenzi għad-dikjarazzjoni ta’ verifika tal-‘KE’ u l-korp tal-ħruġ (l-applikant)
Format	4.1. Data tad-dikjarazzjoni	Data
	4.2. Referenza KE	Test
	4.3. Isem il-korp tal-ħruġ (applikant)	Test
	4.4. Numru tar-reġistrazzjoni tal-kumpanija	Test
	4.5. Indirizz tal-organizzazzjoni, triq u numru	Test
	4.6. Belt	Test
	4.7. Kodiċi tal-pajjiż	ISO (ara l-Appendiċi 2)
	4.8. Kodiċi postali	Kodiċi alfanumeriku
5.	Referenza għar-Reġistru Ewropew ta’ Tipi ta’ Vetturi Awtorizzati (ERATV)	Obbligatorja (2)
Kontenut	Referenza li tippermetti l-irkupru tad-dejta teknika rilevanti mill-ERATV (3). Ir-referenza hija obbligatorja jekk it-tip ikun iddefinit fl-ERATV
Format	5. Referenza li tippermetti l-irkupru tad-dejta teknika rilevanti mill-ERATV	Kodiċi(jiet) alfanumeriku(ċi)
5a	Serje	Fakultattiva
Kontenut	Identifikazzjoni ta’ serje, jekk il-vettura tkun parti minn serje
	5a Serje	Test
6.	Restrizzjonijiet	Obbligatorji
Kontenut	Kwalunkwe restrizzjoni dwar kif tista’ tintuża l-vettura
Format	6.1. Restrizzjonijiet ikkodifikati (ara l-Appendiċi 1)	Kodiċi
	6.2 Restrizzjonijiet mhux ikkodifikati	Test
7.	Sid	Obbligatorju
Kontenut	Identifikazzjoni ta’ sid il-vettura
Format	7.1. Isem l-organizzazzjoni	Test
	7.2. Numru tar-reġistrazzjoni tal-kumpanija	Test
	7.3. Indirizz tal-organizzazzjoni, triq u numru	Test
	7.4. Belt	Test
	7.5. Kodiċi tal-pajjiż	ISO (ara l-Appendiċi 2)
	7.6. Kodiċi postali	Kodiċi alfanumeriku
8.	Kustodju	Obbligatorju
Kontenut	Identifikazzjoni tal-kustodju tal-vettura
Format	8.1. Isem l-organizzazzjoni	Test
	8.2. Numru tar-reġistrazzjoni tal-kumpanija	Test
	8.3. Indirizz tal-organizzazzjoni, triq u numru	Test
	8.4. Belt	Test
	8.5. Kodiċi tal-pajjiż	ISO (ara l-Appendiċi 2)
	8.6. Kodiċi postali	Kodiċi alfanumeriku
	8.7. VKM (jekk disponibbli)	Kodiċi alfanumeriku
9.	Entità responsabbli għall-manutenzjoni	Obbligatorja
Kontenut	Referenza għall-entità responsabbli għall-manutenzjoni
Format	9.1. Entità responsabbli għall-manutenzjoni	Test
	9.2. Numru tar-reġistrazzjoni tal-kumpanija	Test
	9.3. Indirizz tal-entità, triq u numru	Test
	9.4. Belt	Test
	9.5. Kodiċi tal-pajjiż	ISO
	9.6. Kodiċi postali	Kodiċi alfanumeriku
	9.7. Indirizz tal-posta elettronika (e-mail)	Indirizz elettroniku (e-mail)
10.	Irtirar	Obbligatorju meta applikabbli
Kontenut	Data tal-iskrappjar uffiċjali u/jew arranġament ieħor għar-rimi u l-kodiċi għall-mezz ta’ rtirar
Format	10.1. Mezz ta’ rimi (ara l-Appendiċi 3)	Kodiċi b’żewġ (2) ċifri
	10.2. Data tal-irtirar	Data
11.	Stati Membri fejn il-vettura hija awtorizzata	Obbligatorji
Kontenut	Lista ta’ Stati Membri fejn il-vettura hija awtorizzata
Format	11. Kodiċi numeriku tal-Istat Membru kif iddefinit fl-Anness p. 4 għall-OPE TSI	Lista
12.	Numru tal-awtorizzazzjoni	Obbligatorju
Kontenut	Numru armonizzat tal-awtorizzazzjoni għat-tqegħid fis-servizz, iġġenerat mill-NSA
Format	12. Numru tal-awtorizzazzjoni	Għal vetturi eżistenti: test Għal vetturi ġodda: kodiċi alfanumeriku bbażat fuq l-EIN, ara l-Appendiċi 2.
13.	Awtorizzazzjoni għat-tqegħid fis-servizz	Obbligatorja
Kontenut	Data tal-awtorizzazzjoni għat-tqegħid fis-servizz (4) tal-vettura u l-validità tagħha
Format	13.1. Data tal-awtorizzazzjoni	Data (SSSSXXJJ)
	13.2. Awtorizazzjoni valida sa (jekk speċifikat)	Data (SSSSXXJJ)
	13.3. Sospensjoni tal-awtorizzazzjoni	Iva/Le

2.   ARKITETTURA

2.1.   Rabtiet ma’ reġistri oħra

Qed jiġu stabbiliti diversi reġistri parzjalment bħala konsegwenza tar-reġim regolatorju l-ġdid tal-UE. It-tabella t’hawn taħt tiġbor fil-qosor liema reġistri u bażijiet tad-dejta jista’ jkollhom rabtiet mal-NVR meta jiġu implimentati.

Reġistru jew bażi tad-dejta	Entità responsabbli	Entitajiet oħra li għandhom aċċess
NVR (Id-Direttiva dwar l-Interoperabilità)	Entità ta’ reġistrazzjoni (RE) (5) /NSA	NSA/RE/RU/IM/IB/RB/Kustodju/Sid/ERA/OTIF oħrajn
ERATV (Id-Direttiva dwar l-Interoperabilità)	ERA	Pubbliku
RSRD (TAF TSI u SEDP)	Kustodju	RU/IM/NSA/ERA/Kustodju/Ħwienet tax-xogħol
WIMO (TAF TSI u SEDP)	Għadha mhix deċiża	RU/IM/NSA/ERA/Kustodju/Ħwienet tax-xogħol/Utent
Reġistru ferrovjarju tal-vetturi ferrovjarji (6) (Konvenzjoni ta’ Cape Town)	Reġistratur	Pubbliku
Reġistru OTIF (COTIF 99 — ATMF)	OTIF	Awtoritajiet Kompetenti/RU/IM/IB/RB/Kustodju/Sid/ERA/Seg. OTIF

Mhux possibbli li wieħed joqgħod jistenna li r-reġistri kollha jkunu lesti qabel ma jiġi implimentat l-NVR. Għalhekk, l-ispeċifikazzjoni tal-NVR trid tagħti spazju lil interfacing sussegwenti ma’ dawn ir-reġistri l-oħra. Għal dan il-għan:

—	ERATV: issir referenza għal dan fl-NVR, billi tkun ipprovduta referenza għat-tip ta’ vettura. Il-ħolqa bejn iż-żewġ reġistri huwa l-punt Nru 5.

—	RSRD: din tinkludi ċerti punti ‘amministrattivi’ tal-NVR. Taħt speċifikazzjoni fi ħdan it-TAF TSI SEDP. Is-SEDP għandu jqis l-ispeċifikazzjoni tal-NVR.

—	WIMO: din tinkludi dejta mill-RSRD u dejta dwar il-manutenzjoni. Mhi prevista l-ebda rabta mal-NVR.

—

VKMR: dan ir-reġistru huwa ġestit mill-ERA u mill-OTIF b’kooperazzjoni bejniethom (l-ERA għall-UE u l-OTIF għall-Istati Membri kollha tal-OTIF li mhumiex fl-UE). Il-kustodju huwa rreġistrat fl-NVR. It-TSI OPE tispeċifika reġistri globali ċentrali oħra (bħall-kodiċijiet tat-tipi ta’ vetturi, il-kodiċijiet tal-interoperabilità, il-kodiċijiet tal-pajjiżi, eċċ.) li għandhom jiġu ġestiti minn ‘korp ċentrali’ li jirriżulta mill-kooperazzjoni bejn l-ERA u l-OTIF.

—

Reġistru ferrovjarju tal-vetturi ferrovjarji (Konvenzjoni ta’ Cape Town/Protokoll tal-Lussemburgu): dan huwa reġistru ta’ informazzjoni finanzjarja relatat mat-tagħmir mobbli u għadu ma ġiex żviluppat. Hemm rabta possibbli għaliex ir-reġistru tal-UNIDROIT jeħtieġ informazzjoni dwar in-numru u s-sid tal-vettura. Il-ħolqa bejn iż-żewġ reġistri għandu jkun l-ewwel EVN assenjat lill-vettura.

—	Reġistri OTIF: ir-reġistri OTIF qed ikunu żviluppati billi jitqiesu r-reġistri tal-vetturi tal-UE.

L-arkitettura tas-sistema kollha, kif ukoll ir-rabtiet bejn l-NVR u r-reġistri l-oħra, għandha tkun iddefinita b’tali mod li tippermetti l-irkupru tal-informazzjoni mitluba meta dan ikun meħtieġ.

2.2.   L-arkitettura tal-NVR globali tal-UE

Ir-reġistri tal-NVR għandhom ikunu implimentati permezz ta’ soluzzjoni deċentralizzata. L-għan huwa li tiġi implimentata magna ta’ tiftix għad-dejta mqassma, permezz ta’ applikazzjoni tas-softwer komuni, li tippermetti lill-utenti jirkupraw id-dejta mir-Reġistri Lokali (LR) kollha fl-Istati Membri.

Id-dejta tal-NVR għandha tinħażen fuq il-livell nazzjonali u tkun aċċessibbli permezz ta’ applikazzjoni bbażata fuq il-web (bl-indirizz web tagħha stess).

Ir-Reġistru Ċentralizzat Ewropew Virtwali tal-Vetturi (EC VVR) għandu jkun magħmul minn żewġ subsistemi:

—	ir-Reġistru Virtwali tal-Vetturi (VVR) li huwa l-magna ċentrali ta’ tiftix fl-ERA;

—

ir-Reġistru(i) Nazzjonali tal-Vetturi (NVR) li huma l-LR fl-Istati Membri. L-Istati Membri jistgħu jużaw l-NVR standard (sNVR) li ġie żviluppat mill-Aġenzija jew jiżviluppaw l-applikazzjonijiet tagħhom stess f’konformità ma’ din l-ispeċifikazzjoni. Fil-każ tal-aħħar, għal komunikazzjoni mill-NVR mal-VVR l-Istati Membri għandhom jużaw Magna ta’ Traduzzjoni (TE) żviluppata mill-Aġenzija.

Figura 1

Arkitettura EC-VVR

Din l-arkitettura hija bbażata fuq żewġ subsistemi komplementari li jippermettu tiftix fuq dejta maħżuna lokalment fl-Istati Membri kollha. Din għandha:

—	tistabbilixxi reġistri kompjuterizzati fuq il-livell nazzjonali u tiftaħhom għal konsultazzjoni inkroċjata,

—	tissostitwixxi reġistri fuq il-karta b’reġistri kompjuterizzati sabiex l-Istati Membri jkunu jistgħu jiġġestixxu u jaqsmu l-informazzjoni ma’ Stati Membri oħrajn,

—	tippermetti konnessjonijiet bejn l-NVRs u l-VVR, billi jintużaw standards u terminoloġija komuni.

Il-prinċipji ewlenin ta’ din l-arkitettura huma kif ġej:

—	l-NVRs kollha għandhom ikunu parti mis-sistema tan-netwerk kompjuterizzat,

—	l-Istati Membri għandhom jaraw id-dejta komuni meta jkollhom aċċess għas-sistema,

—	reġistrazzjoni doppja tad-dejta u l-iżbalji relatati possibbli għandhom ikunu evitati ladarba jkun ġie stabbilit l-VVR,

—	dejta aġġornata.

L-Aġenzija għandha tqiegħed għad-dispożizzjoni tar-RE l-fajls u d-dokumenti ta’ installazzjoni li ġejjin sabiex jintużaw ħalli jiġu stabbiliti l-sNVR u t-TE u sabiex dawn ikunu konnessi mal-VVR ċentrali:

—	Fajls ta’ installazzjoni: — sNVR_Installation_Files; — TE_Installation_Files;

—	Dokumenti: — Administrator_Guide_sNVR; — CSV_export; — CSV_import; — sNVR_Deployment_Guide; — Utent_Guide_sNVR; — NVR-TE_Deployment_Guide; — NVR-TE_Integration_Guide; — Utent_Guide_VVR.

3.   MOD OPERATTIV

3.1.   Użu tal-NVR

L-NVR għandu jintuża għall-iskopijiet li ġejjin:

—	reġistrazzjoni tal-awtorizzazzjoni,

—	reġistrazzjoni tal-EVN allokat lill-vetturi,

—	tiftix ta’ informazzjoni fil-qosor, madwar l-Ewropa kollha, dwar vettura partikolari,

—	azzjoni ta’ segwitu għal aspetti legali bħalma huma l-obbligi u l-informazzjoni legali,

—	irkupru ta’ informazzjoni għal spezzjonijiet prinċipalment relatati mas-sikurezza u mal-manutenzjoni,

—	il-possibbiltà ta’ kuntatt mas-sid u mal-kustodju,

—	kontroverifika ta’ ċerti rekwiżiti tas-sikurezza qabel jinħarġu ċ-Ċertifikati tas-Sikurezza,

—	azzjoni ta’ segwitu dwar vettura partikolari.

3.2.   Formoli tal-applikazzjoni

3.2.1.   Applikazzjoni għal reġistrazzjoni

Il-formola li għandha tintuża tinsab fl-Appendiċi 4.

L-entità li tapplika għar-reġistrazzjoni ta’ vettura għandha timmarka l-kaxxa ‘Reġistrazzjoni ġdida’. Wara, għandha timla l-ewwel parti tal-formola bl-informazzjoni kollha meħtieġa mill-punt 2 sal-punt 9 u l-punt 11, biex imbagħad tibgħatha lil:

—	ir-RE tal-Istat Membru fejn qed tintalab ir-reġistrazzjoni,

—	ir-RE tal-ewwel Stat Membru fejn biħsiebha topera, għal vettura li ġejja minn pajjiż terz.

3.2.2.   Reġistrazzjoni ta’ vettura u ħruġ ta’ Numru Ewropew tal-Vettura.

Fil-każ tal-ewwel reġistrazzjoni, ir-RE kkonċernata toħroġ in-Numru Ewropew tal-Vettura.

Jista’ jkun hemm formola ta’ reġistrazzjoni separata għal kull vettura jew formola waħda għal sett sħiħ ta’ vetturi tal-istess serje jew tal-istess ordni b’lista tan-numri tal-vetturi mehmuża.

Ir-RE trid tieħu passi raġonevoli biex tiżgura mill-akkuratezza tad-dejta li ddaħħal fl-NVR. Għal dan l-għan, ir-RE tista’ titlob informazzjoni mingħand RE oħrajn, partikolarment meta l-entità li tkun qed tapplika għal reġistrazzjoni fi Stat Membru ma tkunx stabbilita f’dak l-Istat Membru.

3.2.3.   Bidla ta’ punt ta’ reġistrazzjoni wieħed jew aktar

L-entità li tapplika għal bidla fil-punt(i) ta’ reġistrazzjoni tal-vetturi tagħha għandha:

—	timmarka l-kaxxa ‘Modifika’,

—	timla l-EVN attwali (punt Nru 0),

—	timmarka l-kaxxa(i) quddiem il-punt(i) immodifikat(i),

—	tniżżel il-kontenut il-ġdid tal-punt(i) immodifikat(i), u mbagħad tibgħat il-formola lir-RE tal-Istati Membri kollha fejn tkun irreġistrata il-vettura.

L-użu tal-formola standard jista’ ma jkunx biżżejjed għal ċerti każijiet. Jekk ikun meħtieġ, b’hekk, ir-RE kkonċernata tista’ tressaq dokumenti addizzjonali kemm f’forma ta’ karti kif ukoll f’forma elettronika.

Ħlief jekk ikun speċifikat mod ieħor fid-dokumenti ta’ reġistrazzjoni, il-kustodju tal-vettura jitqies bħala d-‘detentur tar-reġistrazzjoni’ fit-tifsira tal-Artikolu 33(3) tad-Direttiva 2008/57/KE.

Jekk jinbidel il-kustodju, hija r-responsabbiltà tal-kustodju attwalment irreġistrat li jinnotifika lir-RE u r-RE trid tinnotifika lill-kustodju l-ġdid bil-bidla fir-reġistrazzjoni. Il-kustodju preċedenti għandu jitneħħa mill-NVR u għandhom jitneħħewlu r-responsabbiltajiet tiegħu biss meta l-kustodju l-ġdid ikun irrikonoxxa l-aċċettazzjoni tal-istatus ta’ kustodju. Jekk fid-data ta’ dereġistrazzjoni tal-kustodju attwalment irreġistrat l-ebda kustodju ġdid ma jkun aċċetta l-istatus ta’ kustodju, ir-reġistrazzjoni tal-vettura għandha tiġi sospiża.

F’każijiet fejn, skont l-OPE TSI, minħabba bidliet tekniċi, il-vettura trid tingħata EVN ġdid, id-detentur tar-reġistrazzjoni għandu jinforma b’dawn il-bidliet u, jekk applikabbli, bl-awtorizzazzjoni l-ġdida għat-tqegħid fis-servizz, lir-RE tal-Istat Membru fejn tkun irreġistrata l-vettura. Din ir-RE għandha tassenja EVN ġdid lill-vettura.

3.2.4.   Irtirar ta’ reġistrazzjoni

L-entità li tapplika għal irtirar ta’ reġistrazzjoni għandha timmarka l-kaxxa ‘Irtirar’. Imbagħad għandha timla l-punt Nru 10 u tibgħat il-formola lir-RE tal-Istati Membri kollha fejn tkun irreġistrata l-vettura.

Ir-RE tagħti r-reġistrazzjoni tal-irtirar billi timla d-data tal-irtirar u tagħti rikonoxximent tal-irtirar lill-entità.

3.2.5.   Awtorizzazzjoni f’diversi Stati Membri

1.

Meta vettura mgħammra b’kabina tas-sewqan diġà awtorizzata u rreġistrata fi Stat Membru wieħed tiġi awtorizzata fi Stat Membru ieħor, din trid tiġi rreġistrata fl-NVR tat-tieni Stat Membru. Madankollu, f’dan il-każ, hija biss id-dejta relatata mal-punti 1, 2, 6, 11, 12 u 13, u fejn huwa rilevanti, id-dejta relatata mal-oqsma miżjuda mal-NVR mit-tieni Stat Membru li trid tiġi rreġistrata, peress li din id-dejta biss hija relatata mat-tieni Stat Membru. Din id-dispożizzjoni hija applikabbli sakemm il-VVR u r-rabtiet mal-NVR rilevanti kollha ma jkunux kompletament operattivi u, matul dan il-perjodu, ir-RE kkonċernati għandhom jiskambjaw informazzjoni bejniethom sabiex jiżguraw li d-dejta relatata mal-istess vettura tkun konsistenti.

2.

Il-vetturi li mhumiex mgħammra b’kabina tas-sewqan, bħall-vaguni tal-merkanzija, il-vaguni tal-passiġġieri u xi vetturi speċjali, għandhom ikunu rreġistrati biss fl-NVR tal-Istat Membru fejn jitqiegħdu fis-servizz għall-ewwel darba.

3.

Għal kwalunkwe vettura, l-NVR fejn tiġi rreġistrata l-ewwel darba jinkludi d-dejta relatata mal-punti 2, 6, 12 u 13 għal kull wieħed mill-Istati Membri fejn ngħatat awtorizzazzjoni għat-tqegħid fis-servizz lil din il-vettura.

3.3.   Drittijiet ta’ aċċess

Id-drittijiet ta’ aċċess għal dejta ta’ NVR minn Stat Membru partikolari ‘XX’ huma elenkati fit-tabella t’hawn taħt, fejn il-kodiċijiet ta’ aċċess huma ddefiniti kif ġej:

Kodiċi ta’ aċċess	Tip ta’ aċċess
0.	L-ebda aċċess
1.	Konsultazzjoni ristretta (kundizzjonijiet fil-kolonna ‘Drittijiet ta’ qari’)
2.	Konsultazzjoni mhux ristretta
3.	Konsultazzjoni u aġġornament ristretti
4.	Konsultazzjoni u aġġornament mhux ristretti

Entità	Definizzjoni	Drittijiet ta’ qari	Drittijiet ta’ aġġornament	Punt Nru 7	Il-punti l-oħra kollha
RE/NSA‘XX’	RE/NSA fl-Istat Membru ‘XX’	Id-dejta kollha	Id-dejta kollha	4	4
NSA/RE oħrajn	NSA oħrajn u/jew RE oħrajn	Id-dejta kollha	Xejn	2	2
ERA	Aġenzija Ferrovjarja Ewropea	Id-dejta kollha	Xejn	2	2
Kustodji	Kustodju tal-Vettura	Id-dejta kollha dwar il-vetturi li tagħhom huwa kustodju	Xejn	1	1
Amministraturi tal-flotta	Amministratur tal-vetturi kif maħtur mill-kustodju	Vetturi li nħatru amministratur tagħhom mill-kustodju	Xejn	1	1
Sidien	Sid il-vettura	Id-dejta kollha dwar il-vetturi li tagħhom huma sidien	Xejn	1	1
RU	Operatur Ferrovjarju	Id-dejta kollha bbażata fuq in-numru tal-vettura	Xejn	0	1
IM	Amministratur tal-Infrastruttura	Id-dejta kollha bbażata fuq in-numru tal-vettura	Xejn	0	1
IB u RB	Korpi ta’ kontroll u ta’ verifika nnotifikati mill-Istati Membri	Id-dejta kollha dwar vetturi li qed jiġu kkontrollati jew ivverifikati	Xejn	2	2
Utenti leġittimi oħrajn	L-utenti każwali kollha rikonoxxuti mill-NSA jew mill-ERA	Għandhom jiġu ddefiniti kif inhu xieraq, tul ta’ żmien possibbilment limitat	Xejn	0	1

3.4.   Reġistri storiċi

Id-dejta kollha fl-NVR trid tinżamm għal għaxar (10) snin mid-data tal-irtirar ta’ reġistrazzjoni ta’ vettura. Mill-inqas, għall-ewwel tliet snin, id-dejta trid tkun disponibbli onlajn. Wara tliet snin id-dejta tista’ tinżamm jew elettronikament, jew f’forma ta’ karta jew inkella fi kwalunkwe sistema ta’ arkivjar oħra. Jekk fi kwalunkwe żmien matul il-perjodu ta’ għaxar (10) snin, tinbeda investigazzjoni li tinvolvi vettura jew vetturi, id-dejta relatata ma’ dawn il-vetturi trid tinżamm lil hinn mill-perjodu ta’ għaxar (10) snin, jekk dan ikun mitlub.

Wara l-irtirar ta’ reġistrazzjoni ta’ vettura, l-ebda wieħed min-numri ta’ reġistrazzjoni assenjati lill-vettura ma jista’ jiġi assenjat lil xi vettura oħra għal mitt (100) sena mid-data meta ġiet irtirata l-vettura.

Kwalunkwe bidla fl-NVR għandha tiġi rreġistrata. Il-ġestjoni tal-bidliet storiċi tista’ tiġi indirizzata permezz ta’ soluzzjonijiet tal-IT.

4.   VETTURI EŻISTENTI

4.1.   Kontenut tad-dejta

It-13-il punt miżmuma ġew elenkati hawn taħt, b’indikazzjoni dwar liema minnhom huma obbligatorji u liema mhumiex.

4.1.1.   Punt Nru 1 — Numru Ewropew tal-Vettura (Obbligatorju)

(a)   Vetturi li diġà għandhom numru bi 12-il ċifra

Pajjiżi fejn hemm kodiċi uniku tal-pajjiż:

Dawn il-vetturi għandhom iżommu n-numru attwali tagħhom. In-numru bi 12-il ċifra għandu jkun irreġistrat bħala tali mingħajr l-ebda modifika.

Pajjiżi fejn hemm kemm kodiċi ewlieni tal-pajjiż kif ukoll kodiċi speċifiku allokat qabel:

—	Il-Ġermanja, fejn il-kodiċi ewlieni tal-pajjiż huwa 80 u l-kodiċi speċifiku huwa 68 għall-AAE (Ahaus Alstätter Eisenbahn);

—	L-Isvizzera, fejn il-kodiċi ewlieni tal-pajjiż huwa 85 u l-kodiċi speċifiku huwa 63 għall-BLS (Bern–Lötschberg–Simplon Eisenbahn);

—	L-Italja, fejn il-kodiċi ewlieni tal-pajjiż huwa 83 u l-kodiċi speċifiku huwa 64 għall-FNME (Ferrovie Nord Milano Esercizio);

—	L-Ungerija, fejn il-kodiċi ewlieni tal-pajjiż huwa 55 u l-kodiċi speċifiku huwa 43 għall-GySEV/ROeEE (Győr-Sopron-Ebenfurti Vasút Részvénytársaság/Raab-Ödenburg-Ebenfurter Eisenbahn).

Dawn il-vetturi għandhom iżommu n-numru attwali tagħhom. In-numru bi 12-il ċifra għandu jkun irreġistrat bħala tali mingħajr l-ebda modifika (7).

Is-sistema tal-IT trid tqis iż-żewġ kodiċijiet (il-kodiċi ewlieni tal-pajjiż u l-kodiċi speċifiku) bħala relatati mal-istess pajjiż.

(b)   Vetturi mingħajr numru bi 12-il ċifra

Tapplika proċedura ta’ żewġ fażijiet:

—	Fl-NVR jiġi allokat numru bi 12-il ċifra (skont l-OPE TSI) iddefinit skont il-karatteristiċi tal-vettura. Is-sistema tal-IT għandha torbot dan in-numru rreġistrat man-numru attwali tal-vettura.

—

Għall-vetturi li jintużaw fit-traffiku internazzjonali, ħlief dawk riservati għal użu storiku: in-numru bi 12-il ċifra jiġi fiżikament applikat għall-vettura nfisha fi ħdan perjodu ta’ sitt snin wara l-allokazzjoni fl-NVR. Għall-vetturi li jintużaw fit-traffiku domestiku u għal dawk riservati għal użu storiku: l-applikazzjoni fiżika tan-numru bi 12-il ċifra hija volontarja.

4.1.2.   Punt Nru 2 — Stat Membru u NSA (Obbligatorju)

Il-punt ‘Stat Membru’ jrid dejjem jirreferi għall-Istat Mmebru fejn il-vettura hija rreġistrata fl-NVR tiegħu. Għall-vetturi minn pajjiżi terzi, dan il-punt jirreferi għall-ewwel Stat Membru li awtorizza t-tqegħid fis-servizz tal-vettura fin-netwerk ferrovjarju tal-Unjoni Ewropea. Il-punt ‘NSA’ jirreferi għall-entità li tat l-awtorizzazzjoni għat-tqegħid fis-servizz tal-vettura.

4.1.3.   Punt Nru 3 — Sena tal-manifattura

Fejn is-sena tal-manifattura ma tkunx magħrufa preċiżament, għandha tiddaħħal is-sena approssimattiva.

4.1.4.   Punt Nru 4 — Referenza KE

Normalment referenza bħal din ma teżistix għall-vetturi eżistenti, ħlief għal ftit HS RS. Għandha tiġi rreġistrata biss jekk tkun disponibbli.

4.1.5.   Punt Nru 5 — Referenza għall-ERATV

Għandha tiġi rreġistrata biss jekk tkun disponibbli.

Sakemm jitwaqqaf l-ERATV, tista’ ssir referenza għar-Reġistru tal-Vetturi Ferrovjarji (Artikolu 22a tad-Direttiva tal-Kunsill 96/48/KE (8) u Artikolu 24 tad-Direttiva 2001/16/KE tal-Parlament Ewropew u tal-Kunsill (9)).

4.1.6.   Punt Nru 6 — Restrizzjonijiet

Għandha tiġi rreġistrata biss jekk tkun disponibbli.

4.1.7.   Punt Nru 7 — Sid (Obbligatorju)

Obbligatorju u normalment disponibbli.

4.1.8.   Punt Nru 8 — Kustodju (Obbligatorju)

Obbligatorju u normalment disponibbli. Il-VKM (kodiċi uniku kif inhu indikat fir-reġistru tal-VKM) trid tiddaħħal jekk il-kustodju jkollu waħda.

4.1.9.   Punt Nru 9 — Entità responsabbli għall-manutenzjoni (Obbligatorju)

Dan il-punt huwa obbligatorju.

4.1.10.   Punt Nru 10 — Irtirar

Applikabbli kif ikun xieraq.

4.1.11.   Punt Nru 11 — Stati Membri fejn il-vetturi tkun awtorizzata

Normalment, il-vaguni skont ir-RIV, il-vaguni tal-passiġġieri skont ir-RIC u l-vetturi li jaqgħu taħt ftehimiet bilaterali jew multilaterali huma rreġistrati bħala tali. Jekk din l-informazzjoni tkun disponibbli, għandha tiġi rreġistrata skont dan.

4.1.12.   Punt Nru 12 — Numru tal-awtorizzazzjoni

Għandu jiġi rreġistrat biss jekk ikun disponibbli

4.1.13.   Punt Nru 13 — Tqegħid fis-servizz (Obbligatorju)

Fejn id-data tat-tqegħid fis-servizz ma tkunx magħrufa preċiżament, għandha tiddaħħal is-sena approssimattiva.

4.2.   Proċedura

L-entità li qabel kienet responsabbli għar-reġistrazzjoni tal-vettura għandha tqiegħed l-informazzjoni kollha għad-dispożizzjoni tal-NSA jew tar-RE tal-pajjiż fejn tkun tinsab.

Il-vaguni tal-merkanzija u tal-passiġġieri eżistenti għandhom jiġu rreġistrati biss fl-NVR tal-Istat Membru fejn kienet tinsab l-entità ta’ reġistrazzjoni preċedenti.

Jekk vettura eżistenti kienet ġiet awtorizzata f’diversi Stati Membri, ir-RE li tirreġistra din il-vettura għandha tibgħat id-dejta rilevanti lir-RE tal-Istati Membri l-oħra kkonċernati.

L-NSA jew ir-RE għandha tinkludi l-informazzjoni fl-NVR tagħha.

L-NSA jew l-RE għandha tinforma lill-partijiet kollha involuti meta t-trasferiment tal-informazzjoni jitlesta. Għandhom jiġu informati għall-inqas l-entitajiet li ġejjin:

—	l-entità li qabel kienet responsabbli għar-reġistrazzjoni tal-vettura,

—	il-kustodju,

—

l-ERA.

Appendiċi 1

IKKODIFIKAR TAR-RESTRIZZJONIJIET

1.   PRINĊIPJI

Ir-restrizzjonijiet (karatteristiċi tekniċi) diġà rreġistrati f’reġistri oħrajn li l-NSA għandhom aċċess għalihom m’hemmx għalfejn jiġu rripetuti fl-NVR.

L-aċċettazzjoni fit-traffiku transkonfinali hija bbażata fuq:

—	l-informazzjoni kkodifikata fin-numru tal-vettura,

—	l-ikkodifikar alfabetiku, u

—	l-immarkar tal-vettura.

Għalhekk informazzjoni bħal din m’hemmx għalfejn tiġi rripetuta fl-NVR.

2.   STRUTTURA

Il-kodiċijiet huma strutturati fuq tliet livelli:

—	l-ewwel livell (1): Kategorija ta’ restrizzjoni

—	it-tieni livell (2): Tip ta’ restrizzjoni

—	it-tielet livell (3): Valur jew speċifikazzjoni.

Ikkodifikar ta’ restrizzjoni

Kat	Tip	Valur	Isem
1			Restrizzjoni teknika relatata mal-kostruzzjoni
	1	Numeriku (3)	Radju minimu tal-kurva f’metri
	2	—	Restrizzjonijiet għaċ-ċirkwit tal-binarji
	3	Numeriku (3)	Restrizzjonijiet għall-veloċità f’km/h (immarkati fuq il-vaguni u l-vaguni għall-passiġġieri, iżda mhux fuq il-lokomotivi)
2			Restrizzjoni ġeografika
	1	Alfanumeriku (3)	Tagħmir għall-kejl kinematiku (ikkodifikar WAG TSI Anness C)
	2	Lista kkodifikata	Qies standard tal-kombinazzjoni ta’ rota u fusien (wheelset gauge)
		1	Qies standard (gauge) varjabbli 1435/1520
		2	Qies standard (gauge) varjabbli 1435/1668
	3	—	L-ebda CCS abbord
	4	—	ERTMS A abbord
	5	Numeriku (3)	Sistema B abbord (*)
3			Restrizzjonijiet ambjentali
	1	Lista kkodifikata	Żona klimatika EN50125/1999
		1	T1
		2	T2
		3	T3
4			Restrizzjonijiet fuq l-użu inklużi fiċ-ċertifikat ta’ awtorizzazzjoni
	1	—	Abbażi taż-żmien
	2	—	Abbażi tal-kundizzjoni (distanza vvjaġġata, deterjorament minħabba użu, eċċ.)

Appendiċi 2

STRUTTURA U KONTENUT TAL-EIN

Kodiċi għas-sistema ta’ numerazzjoni armonizzata, imsejjaħ Numru Ewropew għall-Identifikazzjoni (EIN) għaċ-Ċertifikati tas-Sikurezza u dokumenti oħrajn

Eżempju:

I	T	5	1	2	0	0	6	0	0	0	5
Kodiċi tal-pajjiż (2 ittri)		Tip ta’ dokument (2 ċifri)		Sena tal-ħruġ (4 ċifri)				Kawnter (4 ċifri)
Kaxxa 1		Kaxxa 2		Kaxxa 3				Kaxxa 4

KAXXA 1 —   KODIĊI TAL-PAJJIŻ (ŻEWĠ (2) ITTRI)

Il-kodiċijiet huma dawk uffiċjalment ippubblikati u aġġornati fis-sit web tal-Uffiċċju tal-Pubblikazzjonijiet tal-Unjoni Ewropea fil-Gwida tal-istil interistituzzjonali (http://publications.eu.int/code/en/en-5000600.htm)

Stat	Kodiċi
L-Awstrija	AT
Il-Belġju	BE
Il-Bulgarija	BG
Ċipru	CY
Ir-Repubblika Ċeka	CZ
Id-Danimarka	DK
L-Estonja	EE
Il-Finlandja	FI
Franza	FR
Il-Ġermanja	DE
Il-Greċja	EL
L-Ungerija	HU
L-Islanda	IS
L-Irlanda	IE
L-Italja	IT
Il-Latvja	LV
Il-Liechtenstein	LI
Il-Litwanja	LT
Il-Lussemburgu	LU
In-Norveġja	NO
Malta	MT
L-Olanda	NL
Il-Polonja	PL
Il-Portugall	PT
Ir-Rumanija	RO
Is-Slovakkja	SK
Is-Slovenja	SI
Spanja	ES
L-Isvezja	SE
L-Isvizzera	CH
Ir-Renju Unit	UK

Il-kodiċi għall-awtoritajiet multinazzjonali tas-sikurezza għandu jkun magħmul bl-istess mod. Bħalissa hemm awtorità waħda biss: l-Awtorità tas-Sikurezza taċ-Channel Tunnel. Għandu jintuża l-kodiċi li ġej:

Awtorità multinazzjonali tas-sikurezza	Kodiċi
Il-Kummissjoni Intergovernattiva taċ-Channel Tunnel	CT

KAXXA 2 —   TIP TA’ DOKUMENT (NUMRU B’ŻEWĠ (2) ĊIFRI)

Żewġ ċifri jippermettu l-identifikazzjoni tat-tip ta’ dokument:

—	l-ewwel ċifra tidentifika l-klassifikazzjoni ġenerali tad-dokument,

—	it-tieni ċifra tispeċifika s-sottotip tad-dokument.

Din is-sistema ta’ numerazzjoni tista’ tiġi estiża meta jkunu meħtieġa kodiċijiet oħrajn. Il-lista li ġejja hija lista proposta ta’ kombinazzjonijiet magħrufa u possibbli ta’ numri b’żewġ ċifri flimkien ma’ kombinazzjonijiet għall-awtorizzazzjoni tat-tqegħid fis-servizz tal-vetturi:

Kombinazzjoni ta’ numri għall-Kaxxa 2	Tip ta’ Dokument	Sottotip ta’ Dokument
[0 1]	Liċenzji	Liċenzji għar-RU
[0 x]	Liċenzji	Oħrajn
[1 1]	Ċertifikat tas-Sikurezza	Parti A
[1 2]	Ċertifikat tas-Sikurezza	Parti B
[1 x]	Riservat	Riservat
[2 1]	Awtorizzazzjoni tas-Sikurezza
[2 2]	Riservat	Riservat
[2 x]	Riservat	Riservat
[3 x]	Riservat eż. manutenzjoni għall-vetturi ferrovjarji, għall-infrastruttura jew oħrajn
[4 x]	Riservat għall-Korpi Notifikati	eż. tipi differenti ta’ Korpi Notifikati
[5 1] u [5 5] (**)	Awtorizzazzjoni għat-tqegħid fis-servizz	Vetturi ta’ trazzjoni
[5 2] u [5 6] (**)	Awtorizzazzjoni għat-tqegħid fis-servizz	Vetturi tal-passiġġieri rmonkati
[5 3] u [5 7] (**)	Awtorizzazzjoni għat-tqegħid fis-servizz	Vaguni
[5 4] u [5 8] (**)	Awtorizzazzjoni għat-tqegħid fis-servizz	Vetturi speċjali
[5 9] (***)	Awtorizzazzjoni tat-tip ta’ vettura
[6 0]	Awtorizzazzjoni għat-tqegħid fis-servizz	Sottosistemi tal-Infrastruttura, tal-Enerġija u għall-montatura mal-binarji tal-Kmand ta’ Kontroll u Sinjalazzjoni
[6 1]	Awtorizzazzjoni għat-tqegħid fis-servizz	Sottosistema tal-Infrastruttura
[6 2]	Awtorizzazzjoni għat-tqegħid fis-servizz	Sottosistema tal-Enerġija
[6 3]	Awtorizzazzjoni għat-tqegħid fis-servizz	Subsistema għall-montatura mal-binarji tal-Kmand ta’ Kontroll u Sinjalazzjoni
[7 1]	Liċenza tas-Sewqan tal-ferroviji	Kawnter sa u jinkludi 9 999
[7 2]	Liċenza tas-Sewqan tal-ferroviji	Kawnter minn 10 000 sa u jinkludi 19 000
[7 3]	Liċenza tas-Sewqan tal-ferroviji	Kawnter minn 20 000 sa u jinkludi 29 000
[8 x] … [9 x]	Riżervat (2 tipi ta’ dokumenti)	Riżervat (10 sottotipi kull wieħed)

KAXXA 3 —   SENA TAL-ĦRUĠ (NUMRU B’ERBA’ (4) ĊIFRI)

Din il-kaxxa tindika s-sena (fil-format speċifikat ssss, jiġifieri erba’ (4) ċifri) li fiha nħarġet l-awtorizzazzjoni.

KAXXA 4 —   KAWNTER

Il-kawnter huwa numru progressiv li jiżdied b’unità waħda kull darba li jinħareġ dokument, irrispettivament minn jekk tkunx awtorizzazzjoni ġdida, imġedda jew aġġornata/emendata. Anki fejn ċertifikat jiġi revokat jew awtorizzazzjoni tiġi sospiża, in-numru tiegħu jew tagħha ma jistax jerġa’ jintuża.

Kull sena l-kawnter jerġa’ jibda miż-żero.

Appendiċi 3

IKKODIFIKAR TAL-IRTIRAR

Kodiċi	Mezz ta’ rtirar	Deskrizzjoni
00	Xejn	Il-vettura għandha reġistrazzjoni valida.
10	Reġistrazzjoni sospiża L-ebda raġuni speċifikata	Ir-reġistrazzjoni tal-vettura ġiet sospiża fuq it-talba tas-sid jew tal-kustodju jew b’deċiżjoni tal-NSA jew tar-RE.
11	Reġistrazzjoni sospiża	Il-vettura hija ddestinata biex tinżamm f’maħżen waqt li għadha taħdem bħal riserva inattiva jew strateġika.
20	Reġistrazzjoni ttrasferita	Huwa magħruf li l-vettura ġiet irreġistrata mill-ġdid taħt numru differenti jew minn NVR differenti, għal użu kontinwu fuq in-netwerk ferrovjarju Ewropew (kollu kemm hu jew parti minnu).
30	Irtirar L-ebda raġuni speċifikata	Ir-reġistrazzjoni tal-vettura biex taħdem fuq in-netwerk ferrovjarju Ewropew intemmet mingħajr reġistrazzjoni mill-ġdid magħrufa.
31	Irtirar	Il-vettura hija destinata għal użu kontinwu bħala vettura ferrovjarja barra min-netwerk ferrovjarju Ewropew.
32	Irtirar	Il-vettura hija ddestinata għal irkupru ta’ kostitwenti/moduli/partijiet tal-bdil (spares) interoperabbli ewlenin jew għal bini mill-ġdid fuq skala kbira
33	Irtirar	Il-vettura hija ddestinata għal skrappjar u għal rimi tal-materjali (inklużi l-partijiet tal-bdil (spares) ewlenin) għar-riċiklaġġ.
34	Irtirar	Il-vettura hija ddestinata li tkun waħda mill-“vetturi ferrovjarji storiċi ppreservati” biex titħaddem fuq netwerk segregat, jew għal wiri statiku, barra min-netwerk ferrovjarju Ewropew.

Użu tal-kodiċijiet

—	Jekk ir-raġuni għall-irtirar mhix speċifikata, għandhom jintużaw il-kodiċijiet 10, 20 u 30 biex tiġi indikata l-bidla fl-istatus tar-reġistrazzjoni.

—	Jekk tkun disponibbli r-raġuni għall-irtirar, il-kodiċijiet 11; 31; 32; 33 u 34 huma għażliet disponibbli fil-bażi tad-dejta tal-NVR. Dawn il-kodiċijiet huma bbażati biss fuq l-informazzjoni pprovduta mill-kustodju jew mis-sid lir-RE.

Kwistjonijiet ta’ reġistrazzjoni

—	Vettura li r-reġistrazzjoni tagħha ġiet sospiża jew irtirata ma tistax topera fuq in-netwerk ferrovjarju Ewropew taħt ir-reġistrazzjoni rreġistrata.

—	Attivazzjoni mill-ġdid ta’ reġistrazzjoni wara sospensjoni għandha titlob il-verifika mill-entità ta’ reġistrazzjoni tal-kundizzjonijiet li kkawżaw is-sospensjoni.

—

Trasferiment ta’ reġistrazzjoni, fil-kundizzjonijiet stabbiliti fl-Artikolu 1b tad-Deċiżjoni tal-Kummissjoni 2006/920/KE (10) u fl-Artikolu 1b tad-Deċiżjoni tal-Kummissjoni 2008/231/KE (11) kif emendata bid-Deċiżjoni 2010/640/UE (12), jikkonsisti f’reġistrazzjoni ġdida tal-vettura u rtirar sussegwenti tar-reġistrazzjoni l-qadima.

Appendiċi 4

FORMOLA STANDARD GĦAR-REĠISTRAZZJONI

Test ta 'immaġni

Test ta 'immaġni

Test ta 'immaġni

Appendiċi 5

GLOSSARJU

Abbrevjazzjoni	Definizzjoni
CCS	Sistema tal-Kmand tal-Kontroll
CIS	Komunità ta’ Stati Indipendenti
COTIF	Konvenzjoni dwar it-Trasport Internazzjonali bil-Ferrovija
CR	(Sistema) Ferrovjarja Konvenzjonali
DB	Bażi tad-dejta
KE	Il-Kummissjoni Ewropea
EC VVR	Reġistru Ċentralizzat Ewropew Virtwali tal-Vetturi
EIN	Numru Ewropew ta’ Identifikazzjoni
EN	Standard Ewropew (Euro Norm)
EVN	Numru Ewropew tal-Vettura
ERA	Aġenzija Ferrovjarja Ewropea, imsejħa wkoll ‘l-Aġenzija’
ERATV	Reġistru Ewropew ta’ Tipi ta’ Vetturi Awtorizzati
ERTMS	Sistema Ewropea għall-Ġestjoni tat-Traffiku Ferrovjarju
EU	L-Unjoni Ewropea
HS	(Sistema ta’) Veloċità Għolja
IB	Korp Investigattiv
ISO	Organizzazzjoni Internazzjonali għall-Istandardizzazzjoni
IM	Amministratur tal-Infrastruttura
INF	Infrastruttura
IT	Teknoloġija tal-Informatika
LR	Reġistru Lokali
NoBo	Korp Notifikat
NSA	Awtorità Nazzjonali tas-Sikurezza
NVR	Reġistru Nazzjonali tal-Vetturi
OPE (TSI)	Operat u Ġestjoni tat-Traffiku (TSI)
OTIF	Organizzazzjoni Intergovernattiva għall-Ġarr Internazzjonali bil-Ferrovija
RE	Entità ta’ Reġistrazzjoni, jiġifieri l-korp responsabbli għaż-żamma u għall-aġġornament tal-NVR
RB	Korp Regolatorju
RIC	Regolamenti li jkopru l-użu reċiproku tal-vaguni u tal-vannijiet-brejk fit-traffiku internazzjonali
RIV	Regolamenti li jkopru l-użu reċiproku tal-vaguni fit-traffiku internazzjonali
RS jew RST	Vetturi ferrovjarji
RSRD (TAF)	Bażi tad-dejta ta’ Referenza għall-Vetturi Ferrovjarji (TAF)
RU	Impriża Ferrovjarja
SEDP (TAF)	Pjan Ewropew għall-Mobilitazzjoni Strateġika (TAF)
TAF (TSI)	Applikazzjoni Telematika għall-Merkanzija (TSI)
TSI	Speċifikazzjoni Teknika għall-Interoperabilità.
VKM	Marka tal-Kustodju ta’ Vettura
VKMR	Reġistru tal-Marki tal-Kustodji tal-Vetturi
VVR	Reġistru Virtwali tal-Vetturi
WAG (TSI)	Vagun (TSI)
WIMO (TAF)	Bażi tad-dejta ta’ Vaguni u Operazzjonijiet Intermodali (TAF)