li jemenda l-Annessi VIII, X u XI tar-Regolament (KE) Nru 1774/2002 tal-Parlament Ewropew u tal-Kunsill fir-rigward ta' l-importazzjoni ta' prodotti ta' demm għall-manifattura ta' prodotti tekniċi

Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw prodotti sekondarji ta' l-annimali mhux maħsuba għall-konsum uman (1), u b'mod partikolari l-Artikolu 4(4), it-tieni paragrafu ta' l-Artikolu 28, l-ewwel subparagrafu ta' l-Artikolu 29(3) u l-Artikolu 32(1),

L-Annessi VIII, X u XI tar-Regolament (KE) Nru 1774/2002 huma emendati skond l-Anness għal dan ir-Regolament.

Kunsinni ta' prodotti ta' demm akkumpanjati b'ċertifikati sanitarji miktubin u ffirmati skond id-dispożizzjonijiet tar-Regolament (KE) Nru 1774/2002 applikabbli qabel id-data tad-dħul fis-seħħ ta' dan ir-Regolament għandhom jiġu aċċettati għal importazzjoni fil-Komunità sa mhux akter tard mit-12 ta’ Diċembru 2008.

Kunsinni ta' din ix-xorta għandhom jiġu aċċettati sa mhux aktar tard mit-12 ta’ Frar 2009 jekk iċ-ċertifikati sanitarji li jakkumpanjawhom ikunu nkitbu u ġew iffirmati sa mhux akter tard mit-12 ta’ Diċembru 2008.

Dan ir-Regolament għandu jidħol fis-seħħ u japplika fit-tielet jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea.

ANNESS

L-Annessi għar-Regolament (KE) Nru 1774/2002 huma emendati kif ġej:

(1)

Fl-Anness VIII, il-Kapitolu IV jiġi mibdul b'dan li ġej:

“KAPITOLU IV

Rekwiżiti għal demm u prodotti ta' demm, minbarra dak ta' l-equidae, għall-manifattura ta' prodotti tekniċi

A. Importazzjoni

L-importazzjonijiet ta' demm huma soġġetti għar-rekwiżiti stabbiliti fil-Kapitolu XI.

L-Istati Membri għandhom jawtorizzaw importazzjonijiet ta' prodotti ta' demm għall-manifattura ta' prodotti tekniċi, inkluż materjal li joriġina minn annimali li fihom ġew amministrati sustanzi projbiti skond id-Direttiva 96/22/KE, jekk huma:

(a)	joriġinaw minn pajjiżi terzi li jidhru fil-lista fil-Parti VI (A) ta' l-Anness XI kif applikabbli;

(b)	joriġinaw minn impjant tekniku li jissodisfa l-kundizzjonijiet speċifiċi stabbiliti f'dan ir-Regolament jew mill-istabbiliment ta' ġbir;

(ċ)	akkumpanjati b'ċertifikat sanitarju li jikkonforma mal-mudell definit fil-Kapitolu 4(Ċ) jew il-Kapitolu 4(D) ta' l-Anness X kif meħtieġ.

Id-demm li minnu prodotti ta' demm għall-manifattura ta' prodotti tekniċi huma prodotti għandu jinġabar:

(a)	f'biċċeriji approvati skond il-leġiżlazzjoni Komunitarja;

(b)	f'biċċeriji approvati u sorveljati mill-awtorità kompetenti tal-pajjiż terz; jew

(ċ)	minn annimali ħajjin ġo faċilitajiet approvati u sorveljati mill-awtorità kompetenti tal-pajjiż terz.

Fil-każ ta' prodotti ta' demm għall-manifattura ta' prodotti tekniċi li ttieħdu minn annimali li jappartjenu għat-tassonomija Artiodactyla, Perissodactyla u Proboscidea, inklużi l-bgħula tagħhom, dawn għandhom, jikkonformaw mal-kundizzjonijiet tal-punt (a) jew (b):

(a)

il-prodotti ngħatalhom wieħed mit-trattamenti li ġejjin li jiggarantixxi li huma ħielsa minn patoġeni tal-mard imsemmi fil-punt (b):

(i)	trattament bi sħana f'temperatura ta' 65 °C għal ta' l-anqas tliet sigħat, segwit b'verifika ta' effettività,

(ii)	radjazzjoni ta' 25 kGy permezz ta' raġġi gamma, segwita b'verifika ta' effettività,

(iii)

trattament bi sħana fil-qalba tagħhom li tkun ta' l-anqas 80 °C, segwita b'verifika ta' effettività,

(iv)	unikament fil-każ ta' annimali li mhumiex Suidae jew Tayassuidae: bidla fl-pH għal pH 5 għal sagħtejn, segwita b'verifika ta' effettività;

(b)

f'każ ta' prodotti ta' demm li mhumiex trattati skond il-punt (a) il-prodotti joriġinaw minn pajjiż jew reġjun:

(i)	fejn ebda każ ta' pesta bovina, pesta ta' l-annimali żgħar li jixtarru u deni Rift Valley ma ġew rapportati għal 12-il xahar u li ma ngħatalhomx tilqim kontra dan il-mard għal ta' l-anqas 12-il xahar.

(ii)

fejn ebda marda ta' l-ilsien u d-dwiefer ma ġiet rapportata għal 12-il xahar u li ma ngħatalhomx tilqim kontra din il-marda għal ta' l-anqas 12-il xahar. jew

fejn ebda każ ta' l-ilsien u d-dwiefer ma ġie rapportat għal 12-il xahar u li fihom programmi ta' tilqim kontra l-marda ta' l-ilsien u d-dwiefer qed jiġu mwettqa b'mod uffiċjali u kontrollati f'annimali domestiċi li jixtarru għal ta' l-anqas 12-il xahar; f'dan il-każ, wara l-verifika mal-fruntiera prevista fid-Direttiva 97/78/KE, u skond id-dispożizzjonijiet ta' l-Artikolu 8(4) ta' din id-Direttiva, il-prodotti għandhom jinġarru direttament lejn l-impjant tekniku ta' destinazzjoni u l-prekawzjonijiet kollha, inklużi depożitu sikur ta' skart jew materjal żejjed, għandhom jittieħdu biex jiġu evitati riskji li jxerrdu mard fl-annimali u fil-bniedem.

Flimkien mal-punt (i) u (ii), fil-każ ta' annimali oħrajn għajr dawk Suidae u Tayassuidae, għandu jkun hemm konformità ma' waħda minn dawn il-kundizzjonijiet:

—	fil-pajjiż jew reġjun ta' oriġini ma jridx ikun ġie rapportat għal 12-il xahar ebda każ ta' infjammazzjoni b'infafet u ta' bluetongue (inkluż il-preżenza ta' annimali seropożittivi) u ma jridx ikun sar tilqim kontra dan il-mard fl-ispeċi suxxettibbli għal ta' l-anqas 12-il xahar,

—

wara l-verifika mal-fruntiera prevista fid-Direttiva 97/78/KE, u skond id-dispożizzjonijiet ta' l-Artikolu 8(4) ta' din id-Direttiva, il-prodotti għandhom jinġarru direttament lejn l-impjant tekniku ta' destinazzjoni u l-prekawzjonijiet kollha, inklużi depożitu sikur ta' skart jew materjal żejjed, għandhom jittieħdu biex jiġu evitati riskji li jxerrdu mard fl-annimali u fil-bniedem.

Flimkien mal-punt (i) u (ii), fil-każ ta' Suidae u Tayassuidae, fil-pajjiż jew reġjun ta' oriġini ebda każ ta' mard ta' l-infafet tal-ħnieżer, deni klassiku tal-ħnieżer u deni Afrikan tal-ħnieżer ma kien rapportat għal ta' l-anqas 12-il xahar, edba tilqim ma ngħata kontra dan il-mard għal ta' l-anqas 12-il xahar u jkun hemm konformità ma' waħda minn dawn il-kundizzjonijiet:

—	fil-pajjiż jew reġjun ta' oriġini ma jridx ikun ġie rapportat għal 12-il xahar ebda każ ta' infjammazzjoni b'infafet (inkluż il-preżenza ta' annimali seropożittivi) u ma jridx ikun sar tilqim kontra din il-marda fl-ispeċi suxxettibbli għal ta' l-anqas 12-il xahar,

—

Fil-każ ta' prodotti ta' demm għall-manifattura ta' prodotti tekniċi li ttieħdu minn tjur ta' l-irziezet u minn speċijiet ta' għasafar oħrajn, dawn għandhom jikkonformaw mal-kundizzjonijiet tal-punt (a) jew (b):

(a)

il-prodotti ngħatalhom wieħed mit-trattamenti li ġejjin li jiggarantixxi li huma ħielsa minn patoġeni tal-mard imsemmi fil-punt (b):

(i)	trattament bi sħana f'temperatura ta' 65 °C għal ta' l-anqas tliet sigħat, segwit b'verifika ta' effettività,

(ii)	radjazzjoni ta' 25 kGy permezz ta' raġġi gamma, segwita b'verifika ta' effettività,

(iii)

trattament bi sħana fil-qalba tagħhom li tkun ta' l-anqas 70 °C, segwita b'verifika ta' effettività;

(b)

f'każ ta' prodotti ta' demm li mhumiex trattati skond il-punt (a) il-prodotti joriġinaw minn pajjiż jew reġjun:

(i)	li kienu ħielsa mill-marda Newcastle u mill-influwenza patoġenetika li tinfirex malajr kif definita mill-Kodiċi Sanitarja għall-Annimali Terrestri ta' l-OIE,

(ii)	li matul l-aħħar 12-il xahar ma ngħatawx fihom tilqim kontra l-influwenza tat-tjur,

(iii)

fejn it-tjur ta' l-irziezet jew speċijiet oħrajn ta' għasafar li minnhom il-prodotti jittieħdu ma tlaqqmux kontra l-marda Newcastle b'vaċċini preparati minn tip inizjali tal-marda Newcastle li juri patoġeneċità ogħla mit-tipi lentoġeniċi tal-virus.”

(2)

L-Anness X huwa emendat kif ġej:

(a)

Il-Kapitolu 4(Ċ) qed jinbidel b'dan li ġej:

“KAPITOLU 4(Ċ)

Test ta 'immaġni

Part II: Ċerifikazzjoni

PAJJIŻ

Prodotti ta' demm mhux trattat, minbarra l- equidae, għal prodotti tekniċi

II. Informazzjoni dwar is- saħħa

II.a. Numru ta' referenza taċ-ċertifikat

II.b.

II. Attestazzjoni dwar is-saħħa

IJien, hawn taħt iffirmat bħala veterinarju uffiċjali, niddikjara li qrajt u fhimt ir- Regolament (KE) Nru 1774/2002 (1) u b'mod partikulari l-Artikolu 4(1)(ċ), l-Artikolu 6 u l-Kapitolu IV ta' l-Anness VIII tiegħu u niċċertifika li:

II.1. il-prodotti ta' demm deskritti hawn fuq jikkonsistu minn prodotti ta' demm li jissodisfaw ir-rekwiżiti dwar is-saħħa ta' hawn taħt;

II.2. dawn jikkonsistu esklussivament minn prodotti ta' demm mhux intenzjonat għal konsum mill-bniedem jew annimali;

II.3. huma ġew preparati u nħażnu f'impjant approvat, validitat u sorveljat mill-awtorità kompetenti skond l- Artikolu 18 jew fl-istabbiliment ta' ġbir u fejn xieraq skond l-Artikolu 11 tar- Regolament (KE) Nru 1774/2002, esklussivament flimkien mas-segwenti prodotti sekondarji ta' annimali:

(2) jew [ — demm ta' annimali maqtula, li hu tajjeb għal konsum mill-bniedem skond il-leġiżlazzjoni Komunitarja, iżda mhux intenzjonat għal konsum mill-bniedem raġunijiet kummerċjali; ]

(2) u/jew [ — demm ta' annimali, li jitqies li mhux tajjeb għal konsum mill-bniedem iżda li mhux affettwat b'xi sinjali ta' mard li jittieħed mill-bniedem jew annimali, meħud minn karkassi tajbin għal konsum mill-bniedem skond il-leġiżlazzjoni Komunitarja; ]

(2) u/jew [ — demm akkwistat minn annimali għajr dawk li jixtarru maqtulin f'biċċerija, wara li saretilhom spezzjoni qabel ma nqattlu, u nstabu tajbin, bħala riżultat ta' din l-ispezzjoni, għal qatla għal konsum mill-bniedem skond il-leġiżlazzjoni Komunitarja; ]

(2) u/jew [ — demm u prodotti ta' demm li joriġinaw minn annimali ħajjin li ma wrewx sinjali kliniċi ta' xi mard li jittieħed permezz ta' dawn il-prodotti mill-bniedem jew l-annimali; ]

II.4. demm li minnu prodotti ta' din ix-xorta huma manifatturati miġbur:

(2) jew f'biċċeriji approvati skond il-leġiżlazzjoni Komunitarja, ]

(2) jew [ f'biċċeriji approvati u sorveljati mill-awtorità kompetenti tal-pajjiż terz, ]

(2) jew [ minn annimali ħajjin ġo faċilitajiet approvati u sorveljati mill-awtorità kompetenti tal-pajjiż terz. ]

(2) [II.5. f'każijiet ta' prodotti ta' demm meħudin minn annimali li jagħmlu parti mit-tassonomija Artiodactyla, Perisodactyla u Proboscidea, inklużi l-bgħula tagħhom, il-prodotti joriġinaw:

II.5.1. minn pajjiż fejn ebda każ ta' pesta bovina, pesta ta' l-annimali żgħar li jixtarru u deni Rift Valley ma ġew rapportati għal 12-il xahar u li ma ngħatalhomx tilqim kontra dan il-mard għal ta' l-anqas 12-il xahar.

(2) [II.5.2. jew [ minn territorju ta' pajjiż jew reġjun bil-kodiċi … (3) fejn ebda każ tal-marda ta' l-ilsien u d- dwiefer ma ġie rapportat għal 12-il xahar u li ma ngħatalhomx tilqim kontra din il-marda għal ta' l- anqas 12-il xahar ]

(2) [II.5.2. jew [ minn territorju ta' pajjiż jew reġjun bil-kodiċi … (3) wfejn ebda każ ta' l-ilsien u d-dwiefer ma ġie rapportat għal 12-il xahar u li fihom programmi ta' tilqim kontra l-marda ta' l-ilsien u d-dwiefer qed jiġu mwettqa b'mod uffiċjali u kontrollati f'annimali domestiċi li jixtarru għal ta' l-anqas 12-il xahar (4) ]

(2) [II.5.3. IBarra minn hekk, fil-każ ta' annimali li mhumiex Suidae jew Tayassuidae :

(2) jew [ fil-pajjiż jew reġjun ta' oriġini ma jridx ikun ġie rapportat għal 12-il xahar ebda każ ta' infjammazzjoni b'infafet u ta' bluetongue (2) (inkluża l-preżenza ta' annimali seropożittivi) u li fihom ma jridx ikun sar tilqim kontra dan il-mard għal ta' l-anqas 12-il xahar, ]

(2) jew [ annimali seropożittivi għal infjammazzjoni b'infafet u għal bluetongue jew reġjun ta' oriġini ] (2) li huma preżenti present (4) f'pajjiż jew reġjun ta' oriġini ]

(2) [II.5.4. Barra minn hekk, fil-każ ta' Suidae jew Tayassuidae :

[II.5.4.1. [ fil-pajjiż jew reġjun ta' oriġini ma jridx ikun ġie rapportat għal 12-il xahar ebda mard ta' l-infafet tal- ħnieżer, deni klassiku tal-ħnieżer u deni Afrikan tal-ħnieżer u ma jridx ikun sar tilqim kontra dan il- mard fl-ispeċi suxxettibbli għal ta' l-anqas 12-il xahar ]

(2) [II.5.4.1. jew [ fil-pajjiż jew reġjun ta' oriġini ma jridx ikun ġie rapportat għal 12-il xahar ebda każ ta' infjammazzjoni b'infafet u (inkluża l-preżenza ta' annimali seropożittivi) u li fihom ma jridx ikun sar kontra dan il-mard għal ta' l-anqas 12-il xahar, ]

Test ta 'immaġni

PAJJIŻ

Prodotti ta' demm mhux trattat, minbarra l- equidae, għal prodotti tekniċi

II. Informazzjoni dwar is- saħħa

II.a. Numru ta' referenza taċ-ċertifikat

II.b.

(2) [II.5.4.2. o [ annimali seropożittivi għal infjammazzjoni b'infafet li huma preżenti (4) f'pajjiż jew reġjun ta' oriġini ]

(2) [II.6. f'każ ta' prodotti ta' demm meħudin minn tjur ta' l-irziezet jew speċijiet ta' għasafar oħra fejn l-annimali u l-prodotti joriġinaw minn territorju ta' pajjiż jew reġjun bil-kodiċi… (5)]

li kienu ħielsa mill-marda Newcastle u mill-influwenza patoġenetika li tinfirex malajr kif definita mill- Kodiċi Sanitarja għall-Annimali Terrestri ta' l-OIE

li ta' l-inqas 12-il xahar ma ngħatawx tilqim kontra l-influwenza tat-tjur

fejn annimali li minnhom il-prodotti jittieħdu ma tlaqqmux kontra l-marda Newcastle b'vaċċini preparati minn tip inizjali tal-marda Newcastle li juri patoġeneċità ogħla mit-tipi lentoġeniċi tal-virus. ]

II.7. il-prodotti kienu:

(2) jew [ ippakkjati fi fliexken jew boroż ġodda jew sterilizzati, ]

(2) jew [ trasportati fi kwantità jew mezzi oħra ta' trasport li tnaddfu bl-akbar reqqa u li qabel ma ntużaw ġew diżinfettati b'diżinfettant approvat mill-awtorità kompetenti, ]

l-ippakkjar ta' barra jew il-kontejners ikollhom tikketti bil-kliem “MHUX GĦAL KONSUM MILL- BNIEDEM JEW L-ANNIMALI”,

II.8. il-prodotti nżammu f'maggazzinaġġ magħluq;

II.9. il-prodotti għaddew mill-prekawzjonijiet kollha biex jevitaw kontaminazzjoni minn aġenti patoġeniċi matul it-trasport.

Noti

Parti I:

Kaxxa ta' referenza I.6: Persuna responsabbli mill-kunsinna fil-Komunità Ewropea: din il-kaxxa trid biss tintela jekk hi tkun ċertifikat għal merkanzija trasportata, hi tista' timtela jekk iċ-ċertifikat hu għal merkanzija impurtata.

Kaxxa ta' referenza I.12: Post ta' destinazzjoni: din il-kaxxa trid biss timtela jekk hi tkun ċertifikat għal merkanzija trasportata. Il-prodotti trasportati jista' jinħażnu biss f'żoni ħielsa, f'imħażen ħielsa u f'imħażen ta' dwana.

Kaxxa ta' referenza I.15: In-numru ta' reġistrazzjoni (vaguni tal-ferrovija jew kontejner u trakkijiet), numru tat-titjira (ajruplan) jew isem (bastiment); għandha tingħata informazzjoni f'każ ta' ħatt u tagħbija mill-ġdid.

Kaxxa ta' referenza I.23: għal kontejners kbar, għandhom jiġu inklużi n-numru tal-kontejner u n-numru tas-siġill (jekk dan japplika).

Kaxxa ta' referenza I.26 u I.27: imla skond jekk hu ċertifikat ta' ġarr jew ta' importazzjoni.

Part II:

(1) ĠU L 273, 10.10.2002, p. 1.

(2) Ħassar kif meħtieġ.

(3) Kodiċi tat-territorju billi din tidher fil-Part 1 ta' l-Anness II għad-Deċiżjoni 79/542/KEE.

(4) F'dan il-każ wara l-verifika mal-fruntiera prevista fid-Direttiva 97/78/KE, u skond il-kundizzjonijiet stipulati fl-Artikolu 8(4) tad-Direttiva, il-prodotti għandhom jiġi trasportati direttament għall-impjant tekniku tad-destinazzjoni.

(5) Kodiċi tat-territorju billi din tidher fil-Part 1 ta' l-Anness II għad-Deċiżjoni 2006/696/KE.

Il-firma u t-timbru għandhom ikunu b'kulur differenti minn dak tal-kliem stampat.

Nota għall-persuna responsabbli mill-kunsinna fil-Komunità Ewropea: dan iċ-ċertifikat hu għal finijiet veterinarji biss u għandu jakkumpanja l-kunsinna sakemm din tilħaq il-post ta' l-ispezzjoni mal- fruntiera.

Veterinarju uffiċjali

Isem (b'ittri kbar):

Kwalifika u titlu:

Data:

Firma:

Timbru:’

(b)

Jiżdied il-Kapitolu 4 (D) li ġej:

“KAPITOLU 4 (D)

Test ta 'immaġni

Parti II: Ċerifikazzjoni

PAJJIŻ

Prodotti ta' demm trattat, minbarra l-equidae, għal prodotti tekniċi

II. Informazzjoni dwar is- saħħa

II.a. Numru ta' referenza taċ-ċertifikat

II.b.

II. Attestazzjoni dwar is-saħħa

Jien, hawn taħt iffirmat bħala veterinarju uffiċjali, niddikjara li qrajt u fhimt ir- Regolament (KE) Nru 1774/2002 (1) u b'mod partikulari l-Artikolu 4(1)(ċ), l-Artikolu 6 u l-Kapitolu IV ta' l-Anness VIII tiegħu u niċċertifika li:

II.1. il-prodotti ta' demm deskritti hawn fuq jikkonsistu minn prodotti ta' demm li jissodisfaw ir-rekwiżiti ta' hawn taħt;

II.2. dawn jikkonsistu esklussivament minn prodotti ta' demm mhux intenzjonat għal konsum mill-bniedem jew annimali;

II.3. huma ġew preparati u nħażnu f'impjant approvat, validitat u sorveljat mill-awtorità kompetenti skond Artikolu 18 jew fl-istabbiliment ta' ġbir u fejn xieraq skond l-Artikolu 11 tar- Regolament (KE) Nru 1774/2002, esklussivament flimkien mas-segwenti prodotti sekondarji ta' annimali:

(2) jew [ — demm ta' annimali maqtula, li hu tajjeb għal konsum mill-bniedem skond il-leġiżlazzjoni Komunitarja, iżda mhux intenzjonat għal konsum mill-bniedem raġunijiet kummerċjali; ]

(2) u/jew [ — demm u prodotti ta' demm li joriġinaw minn annimali ħajjin li ma wrewx sinjali kliniċi ta' xi mard li jittieħed permezz ta' dawn il-prodotti mill-bniedem jew l-annimali. ]

II.4. demm li minnu prodotti ta' din ix-xorta huma manifatturati miġbur:

(2) jew [ f'biċċeriji approvati skond il-leġiżlazzjoni Komunitarja, ]

(2) jew [ f'biċċeriji approvati u sorveljati mill-awtorità kompetenti tal-pajjiż terz, ]

(2) jew [ minn annimali ħajjin ġo faċilitajiet approvati u sorveljati mill-awtorità kompetenti tal-pajjiż terz. ]

(2) [II.5. F'każ ta' prodotti ta' demm meħudin mill-Artiodactyla, Perissodactyla u Proboscidea inklużi l-bgħula tagħhom, ħlief dawk Suidae u Tayassuidae , il-prodotti sarilhom wieħed mit-trattamenti li ġejjin, li jiggarantixxi l-assenza ta' patoġeni tal-marda ta' l-ilsien u d-dwiefer, ta' infjammazzjoni b'infafet, pesta bovina, pesta ta' annimali żgħar li jixtarru, deni Rift Valley u bluetongue.

(2) jew [ trattament bi sħana f'temperatura ta' 65 °C għal ta' l-anqas tliet sigħat, segwit b'verifika ta' effettività, ]

(2) jew [ radjazzjoni ta' 25 kGy permezz ta' raġġi gamma, segwita b'verifika ta' effettività, ]

(2) jew [ bidla fl-pH għal pH 5 għal sagħtejn, segwita b'verifika ta' effettività, ]

(2) jew [ trattament bi sħana fil-qalba tagħhom li tkun ta' l-anqas 80 °C segwita b'verifika ta' effettività]]

(2) [II.6. Fil-każ ta' prodotti ta' demm meħudin minn Suidae , Tayassuidae , tjur ta' l-irziezet u speċijiet ta' għasafar oħra, il-prodotti sarilhom wieħed mit-trattamenti li ġejjin li jiggarantixxu l-assenza ta' patoġeni tal-mard li ġej: marda ta' l-ilsien u d-dwiefer, infjammazzjoni b'infafet, mard ta' l-infafet tal- ħnieżer, deni klassiku tal-ħnieżer u deni Afrikan tal-ħnieżer, marda Newcastle u influwenza patoġenika tat-tjur li tittieħed malajr skond l-ispeċi;

(2) jew [ trattament bi sħana f'temperatura ta' 65 °C għal ta' l-anqas tliet sigħat, segwit b'verifika ta' effettività, ]

(2) jew [ radjazzjoni ta' 25 kGy permezz ta' raġġi gamma, segwita b'verifika ta' effettività, ]

(2) jew [ trattament bi sħana li tkun ta' l-anqas 80 °C għal Suidae/Tayassuidae u ta' l-anqas 70 °C għal tjur ta' l-irziezet u speċijiet ta' għasafar oħrajn (2) , fil-qalba tagħhom, segwit b'verifika ta' effettività ] ]

(2) [II.7. Fil-każ ta' prodotti ta' demm meħudin minn speċijiet oħra li mhumiex fil-lista II.5. jew II.6. il-prodotti sarilhom it-trattament segwenti (jekk jogħġbok speċifika:…]

II.8. Il-prodotti kienu:

(2) jew [ ippakkjati fi fliexken jew boroż ġodda jew sterilizzati, ]

(2) jew [ trasportati fi kwantità jew mezzi oħra ta' trasport li tnaddfu bl-akbar reqqa u li qabel ma ntużaw ġew diżinfettati b'diżinfettant approvat mill-awtorità kompetenti, ]

l-ippakkjar ta' barra jew il-kontejners ikollhom tikketti bil-kliem “MHUX GĦAL KONSUM MILL- BNIEDEM JEW L-ANNIMALI”,

Test ta 'immaġni

PAJJIŻ

Prodotti ta' demm trattat, minbarra l-equidae, għal prodotti tekniċi

II. Informazzjoni dwar is- saħħa

II.a. Numru ta' referenza taċ-ċertifikat

II.b.

II.9. il-prodotti nżammu f'maggazzinaġġ magħluq;

II.10. il-prodotti għaddew mill-prekawzjonijiet kollha biex jevitaw kontaminazzjoni minn aġenti patoġeniċi wara t-trattament.

Noti

Parti I:

Kaxxa ta' referenza I.6: Persuna responsabbli mill-kunsinna fil-Komunità Ewropea: din il-kaxxa trid biss timtela jekk hi tkun ċertifikat għal merkanzija trasportata, hi tista' timtela jekk iċ-ċertifikat hu għal merkanzija impurtata.

Kaxxa ta' referenza I.23: għal kontejners kbar, għandhom jiġu inklużi n-numru tal-kontejner u n-numru tas-siġill (jekk dan japplika).

Kaxxa ta' referenza I.26 u I.27: imla skond jekk hu ċertifikat ta' ġarr jew ta' importazzjoni.

Parti II:

(1) ĠU L 273, 10.10.2002, p. 1.

(2) Ħassar kif meħtieġ.

Il-firma u t-timbru għandhom ikunu b'kulur differenti minn dak tal-kliem stampat.

Veterinarju uffiċjali

Isem (b'ittri kbar):

Kwalifika u titlu:

Data:

Firma:

Timbru:’

(3)

Fl-Anness XI, il-Parti VI(A) qed jinbidel b'dan li ġej:

“A.

Prodotti ta' demm:

Prodotti ta' demm mhux trattat ta' annimali bi dwiefer:

Pajjiżi terzi jew partijiet minn pajjjiżi terzi elenkati fil-Parti 1 ta' l-Anness II għad-Deċiżjoni 75/542/KEE li minnhom importazzjonijiet ta' laħam frisk ta' kwalunkwe speċi ta' annimali domestiċi bid-dwiefer hu awtorizzat u dan hu biss għal perjodu indikat fil-kolonni 7 u 8 ta' din il-Parti,

Ġappun

2.	Prodotti mhux trattati ta' tjur ta' l-irziezet u speċijiet oħra ta' għasafar: Pajjiżi terzi jew partijiet minn pajjiżi terzi elenkati fil-Parti 1 ta' l-Anness II għad-Deċiżjoni 2006/696/KE Ġappun.

3.	Prodotti ta' demm mhux trattat ta' annimali oħrajn: Il-pajjiżi terzi elenkati jekk fil-Parti 1 ta' l-Anness II għad-Deċiżjoni 79/542/KEE, fil-Parti 1 ta' l-Anness II għad-Deċiżjoni tal-Kummissjoni 2006/696/KE jew fl-Anness I għad-Deċiżjoni tal-Kummissjoni 2000/585/KE Ġappun.

(4.	Prodotti ta' demm trattati ta' kwalunkwe speċi: Il-pajjiżi terzi elenkati fil-Parti 1 ta' l-Anness II għad-Deċiżjoni 79/542/KEE, fil-Parti 1 ta' l-Anness II għad-Deċiżjoni tal-Kummissjoni 2006/696/KE jew fl-Anness I għad-Deċiżjoni tal-Kummissjoni 2000/585/KE Ġappun.”