li jemenda l-Annessi I, II, VII, VIII, X u XI tar-Regolament (KE) Nru 1774/2002 tal-Parlament Ewropew u tal-Kunsill fir-rigward tat-tqegħid fis-suq ta’ ċerti prodotti sekondarji ta’ l-annimali

Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jippreskrivi regoli tas-saħħa li jirrigwardaw prodotti sekondarji ta’ l-annimali mhux maħsuba għall-konsum mill-bniedem (1) u b’mod partikolari t-tieni paragrafu ta’ l-Artikolu 28, l-ewwel subparagrafu ta’ l-Artikolu 29(3) u l-Artikolu 32(1),

L-Annessi I, II, VII, VIII, X u XI tar-Regolament (KE) Nru 1774/2002 qed jiġu emendati skond l-Anness ta’ dan ir-Regolament.

Għal perjodu tranżizzjonali ta’ sitt xhur mid-data tad-dħul fis-seħħ ta’ dan ir-Regolament, id-dokument kummerċjali stabbilit fl-Anness II tar-Regolament (KE) Nru 1774/2002 u l-mudelli taċ-ċertifikati tas-saħħa stabbiliti fl-Anness X ta’ dak ir-Regolament (KE), li jkunu mtlew f’konformità mad-dispożizzjonijiet applikabbli qabel id-data tad-dħul fis-seħħ tar-Regolament preżenti, jistgħu jkomplu jakkumpanjaw il-prodotti koperti minn tali dokumenti jew ċertifikati.

Dan ir-Regolament għandu jidħol fis-seħħ u jibda japplika fit-tielet jum wara l-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.

ANNESS

L-Annessi tar-Regolament (KE) Nru 1774/2002 huma emendati kif ġej:

(1)

L-Anness I huwa emendat kif ġej:

(a)

Il-Punt 1 huwa ssostitwit b’dan li ġej:

“1.	‘prodotti sekondarji ta’ l-apikultura' jfissru għasel, xama’ tan-naħal, jelly tan-naħal ħaddiem (royal jelly), żaftura (propolis) jew polline mhux maħsuba għall-konsum mill-bniedem;”

(b)

Il-Punt 42 huwa ssostitwit b’dan li ġej:

“42.

‘proteini ta’ l-annimali pproċessati’ jfissru proteini ta’ l-annimali derivati fl-intier tagħhom minn materjal tal-Kategorija 3, li jkunu ġew ittrattati skond il-Kapitolu II ta’ l-Anness VII sabiex isiru tajbin għall-użu dirett bħala materjal għall-għalf jew għal xi użu ieħor f' għalf, inkluż ikel għall-annimali domestiċi, jew għall-użu f’fertilizzanti organiċi jew prodotti li jtejbu l-ħamrija; madankollu, dawn ma jinkludux prodotti tad-demm, ħalib, prodotti b’bażi ta’ ħalib, kolostru, ġelatina, proteini idrolizzati u dicalcium phosphate, bajd u prodotti mill-bajd, tricalcium phosphate u kollaġeni;”

(2)

Fl-Anness II, il-Kapitolu X huwa ssostitwit b’dan li ġej:

"KAPITOLU X

Dokument kummerċjali

Id-dokument kummerċjali li ġej għandu jakkumpanja l-prodotti sekondarji ta’ l-annimali u prodotti pproċessati matul it-trasport. Madankollu, l-Istati Membri jistgħu jiddeċiedu li jużaw dokument kummerċjali differenti, fuq il-karta jew f’forma elettronika, għal prodotti sekondarji ta’ l-annimali u prodotti pproċessati ttrasportati fl-istess Stat Membru sakemm tali dokument kummerċjali jikkonforma mar-rekwiżiti stipulati fil-Kapitolu III(2).

2.	Fejn ikun involut aktar minn trasportatur wieħed, kull trasportatur ikun mistenni jimla dikjarazzjoni kif imsemmi fil-punt 7 tad-dokument kummerċjali, li għandha tkun parti mid-dokument.

MUDELL TAD-DOKUMENT KUMMERĊJALI GĦAT-TRASPORT FIL-KOMUNITÀ EWROPEA TA’ PRODOTTI SEKONDARJI U PRODOTTI PPROĊESSATI MILL-ANNIMALI

Noti

(a)	Id-dokumenti kummerċjali għandhom isiru skond it-taqsim tal-mudell li jidher f’dan l-Anness. Dawn għandu jkun fihom, fl-ordni nnumerata li tidher fil-mudell, id-dikjarazzjonijiet meħtieġa għat-trasport ta’ prodotti sekondarji ta’ l-annimali u prodotti pproċessati derivati minnhom.

(b)

Dan għandu jkun miktub f’waħda mil-lingwi uffiċjali ta’ l-Istat Membru ta’ l-oriġini jew l-Istat Membru tad-destinazzjoni, kif ikun xieraq. Madankollu, dan jista’ jinkiteb ukoll b’lingwi uffiċjali oħra tal-Komunità, jekk ikun akkumpanjat bi traduzzjoni uffiċjali jew jekk ikun hemm qbil minn qabel ma’ l-awtorità kompetenti ta’ l-Istat Membru tad-destinazzjoni.

(c)	Id-dokument kummerċjali għandu jsir f’għallinqas tliet kopji (dokument oriġinali wieħed u żewġ kopji). Id-dokument oriġinali għandu jakkumpanja l-kunsinna sad-destinazzjoni finali tagħha. Dan għandu jinżamm mir-riċevitur. Il-produttur għandu jżomm waħda mill-kopji u t-trasportatur l-oħra.

(d)	L-oriġinal ta’ kull dokument kummerċjali għandu jikkonsisti f’paġna waħda, b’żewġ naħat, jew, fejn ikun meħtieġ aktar test dan għandu jkun f’forma tali li l-paġna kollha meħtieġa jkunu parti minn ħaġa sħiħa integrata u indiviżibbli.

(e)	Jekk għal raġunijiet ta’ identifikazzjoni ta’ l-oġġetti tal-kunsinna, jinthemżu xi paġni addizzjonali mad-dokument kummerċjali, dawn il-paġni jitqiesu bħala parti mid-dokument oriġinali wkoll permezz tal-firma tal-persuna responsabbli mill-kunsinna, fuq kull waħda mill-paġni.

(f)

Meta d-dokument kummerċjali, inklużi l-paġni addizzjonali msemmija fl-(e), ikun jkun magħmul minn aktar minn paġna waħda, kull waħda mill-paġni għandha tkun innumerata -(numru tal-paġna) minn (numru totali ta’ paġni)– fil-qiegħ u għandha turi n-numru tal-kodiċi tad-dokument assenjat mill-persuna responabbli indikata fuq.

(g)

L-oriġinal tad-dokument kummerċjali għandu jimtela u jiġi ffirmat mill-persuna responsabbli. Fit-twettiq ta’ dan, il-persuna responabbli għandha tiżgura li l-prinċipji tad-dokumentazzjoni kif stabbiliti fil-Kapitolu III ta’ l-Anness II tar-Regolament (KE) Nru 1774/2002 jiġu segwiti. Id-dokument kummerċjali għandu jispeċifika:

(i)	id-data li fiha l-materjal ittieħed mill-fond;

(ii)	id-deskrizzjoni tal-materjal, inklużi l-identifikazzjoni tal-materjal, l-ispeċi ta’ l-annimali tal-materjal tal-Kategorija 3 ta’ prodotti pproċessati derivati minnu u ddestinati għall-użu bħala materjal ta’ l-għalf u, jekk japplika, in-numru tal-lametta tal-widna ta’ l-annimal;

(iii)

il-kwantità ta’ materjal;

(iv)	il-post ta’ l-oriġini tal-materjal;

(v)	l-isem u l-indirizz tat-trasportatur tal-materjal;

(vi)	l-isem u l-indirizz tar-riċevitur, u fejn japplika, in-numru ta’ l-approvazzjoni tiegħu; u

(vii)

jekk ikun xieraq, in-numru ta’ l-approvazzjoni ta’ l-impjant ta’ l-oriġini, u n-natura u l-metodi tat-trattament.

(h)	Il-kulur tal-firma tal-persuna responsabbli għandu jkun differenti minn dak ta’ l-istampar.

(i)	Id-dokument kummerċjali għandu jinżamm għal perjodu ta’ mill-anqas sentejn għall-preżentazzjoni lill-awtorità kompetenti biex tivverifika r-rekords imsemmija fl-Artikolu 9 tar-Regolament (KE) Nru 1774/2002.

(j)	Fejn l-Istati Membri jiddeċiedu li jużaw dokument kummerċjali f’forma elettronika, ir-rekwiżiti elenkati fil-punti (a) sa (i) għandhom jiġu osservati kif jixraq għal tali forma elettronika.

Test ta 'immaġni

IL-KOMUNITÀ EWROPEA

Prodotti sekondarji/prodotti pproċessati ta’ l-annimali mhux maħsuba għall-konsum mill- bniedem

Parti II: Dikjarazzjoni

II.a. Numru ta’ referenza tad-dokument

II.b. Numru ta’ referenza lokali

II.1. Dikjarazzjoni tal-kunsinnatur

Jiena, hawn taħt iffirmat, niddikjara li:

II.1.1. Hemm tikketta mwaħħla mal-kontenitur/kaxxa/materjal ieħor ta’ l-ippakkeġġjar li turi (1):

(a) il-Kategorija tal-prodotti sekondarji ta’ l-annimali (ara l-kaxxa bir-referenza I.31: Kategorija)

(b) fil-każ ta’ prodotti pproċessati, il-Kategorija tal-prodotti sekondarji ta’ l-annimali li minnhom il-prodotti pproċessati ġew derivati (ara l-kaxxa bir-referenza I.31: Kategorija);

(ii) fil-każ ta’ materjal tal-Kategorija 2, għajr demel u kontenut ta’ l-istonku u prodotti pproċessati derivati minnhom, il-kliem ‘mhux għall-konsum mill-annimali’;

(iii) fil-każ ta’ materjal tal-Kategorija 2 maħsub għall-għalf ta’ l-annimali msemmi fil-punt (c) ta’ l-Artikolu 23(2) taħt il-kondizzjonijiet previsti f’dak l-Artikolu tar-Regolament (KE) Nru 1774/2002 (2), il-kliem ‘għat-tmigħ lil …’ li tkompli bl-isem ta’ l-ispeċi speċifika ta’ dak(dawk) l-annimal(i) li l-materjal ikun maħsub għat-tmigħ tiegħu (tagħhom);

(iv) fil-każ tad-demel u l-kontenut ta’ l-istonku, il-kelma ‘demel’; jew

(v) fil-każ ta’ materjal tal-Kategorija 1 u prodotti pproċessati derivati minnu, il-kliem ‘għar-rimi biss’;

II.1.2. fil-każ fejn l-ippakkeġġjar isir mill-kunsinnatur, il-prodotti sekondarji u/jew il-prodotti pproċessati ta’ l-annimali:

(1) jew [jiġu ssiġillati f’ippakkeġġjar ġdid;]

(1) jew [jkunu ttrasportati bil-balk f’kontejners jew vetturi jew mezzi oħra tat-trasport mgħottija li ma joqtrux li jkunu tnaddfu u tnixxfu sew qabel l-użu;]

II.1.3. fil-każ ta’ trattament,

(a) il-ġlud ġew ttrattati skond in-’nota tal-Parti I, kaxxa bir-referenza I.31: Tip ta’ trattament, ma’ dan id-dokument: u

(b) il-kunsinna ma kinitx f’kuntatt ma’ prodotti oħra ta’ l-annimali jew ma’ annimali ħajjin li jippreżentaw xi riskju li tinfirex xi marda trażmissibbli serja;

II.1.4. il-prodotti sekondarji u/jew il-prodotti pproċessati ta’ l-annimali kienu maħżuna sew qabel ma tgħabbew u ntbagħtu;

Noti

Parti I:

— Kaxxa bir-referenza I.9 u I.11: jekk ikun xieraq.

— Kaxxa bir-referenza I.14: imla jekk tkun differenti minn ‘I.1. Kunsinnatur’.

— Kaxxa bir-referenza I.31:

Speċi ta’ l-annimali: Għal materjal tal-Kategorija 3 u prodotti pproċessati derivati minnu destinati għall-użu bħala materjal għall-għalf.

Natura ta’ l-oġġett: Daħħal il-prodott sekondarju mhux ipproċessat jew il-prodott ipproċessat ta’ l-annimali magħżul mil-lista li ġejja: ‘prodotti ta’ l-apikultura’, ‘prodotti tad-demm’, ‘demm’, ‘materjal mid-demm (bloodmeal)’, ‘ikel fil-laned għall-annimali domestiċi’, ‘residwi tad-diġestjoni’, ‘kontenut ta’ l-istonku’, ‘dogchews’, ‘materjal mill-ħut (fish meal)’, ‘ġelatina’, ‘qasab tas-saqajn (greaves)’, ‘ġlud’, ‘proteini idrolizzati’, ‘fertilizzanti organiċi’, ‘ikel għall-annimali domestiċi’, ‘proteini pproċessati ta’ l-annimali’, ‘ikel ipproċessat għall-annimali domestiċi’, ‘prodotti pproċessati’, ‘ikel mhux ipproċessat għall-annimali domestiċi’, ‘xaħmijiet imdewba’.

Kategorija: Kategoriji 1, 2 jew 3. Fil-każ tal-Kategorija 3, speċifika liema ittra minn a sa k (bħal m’hemm fl-Artikolu 6, il-paragrafu 1 tar-Regolament (KE) Nru 1774/2002):

Fil-każ ta’ prodotti sekondarji ta’ l-annimali għall-użu f’ikel mhux ipproċessat għall-annimali domestiċi indika bejn 3a jew 3b jekk il-prodotti sekondarji ta’ l-annimali humiex derivati minn:

Kategorija 3a, l-Artikolu 6(1)(a) i.e. partijiet minn annimali maqtula, li huma tajbin għall-konsum mill-bniedem skond il-leġiżlazzjoni Komunitarja, imma li m’humiex maħsuba għall-konsum mill-bniedem għal raġunijiet kummerċjali, jew

II.1.5. ittieħdu l-prekawzjonijiet kollha biex tiġi evitata l-kontaminazzjoni tal-prodotti sekondarji u/jew tal-prodotti pproċessati ta’ l-annimali b’aġenti patoġeniċi u l-kontaminazzjoni inkroċjata bejn id-diversi Kategoriji.

Kategorija 3b, l-Artikolu 6(1)(b) i.e. partijiet minn annimali maqtula, li huma skartati bħala mhux tajbin għall-konsum mill-bniedem imma li ma jurux sinjali ta’ mard trażmissibbli għall-bniedem jew l-annimali u li jkunu ġejjin minn karkassi tajbin għall-konsum mill-bniedem skond il-leġiżlazzjoni Komunitarja;

Fil-każ ta’ ġlud u prodotti pproċessati derivati minnhom, indika bejn 3c jew 3k jekk il-prodotti sekondarji ta’ l-annimali humiex derivati minn:

Kategorija 3c, l-Artikolu 6(1)(c) i.e. ġlud li joriġinaw minn annimali maqtula f’biċċerija, wara li għaddew minn spezzjoni ta’ qabel il-qatla, u nstabu tajbin, b’riżultat ta’ tali spezzjoni, għall-qatla għall-konsum mill-bniedem skond il-leġiżlazzjoni Komunitarja; jew

Kategorija 3k, l-Artikolu 6(1)(k) i.e. ġlud li joriġinaw minn annimali li ma wrewx sinjali kliniċi ta’ mard trażmissibbli minn dawk il-prodotti għall-bniedem jew l-annimali

Test ta 'immaġni

Fejn il-kunsinna hija magħmula minn aktar minn Kategorija waħda, indika l-kwantità u fejn ikun applikabbli n-numru ta’ kontenituri għal kull Kategorija ta’ materjali.

Tip ta’ trattament: Għal ġlud ittrattati, li (a) ma jissodisfawx ir-rekwiżiti tar-Regolament (KE) Nru 853/2004 tad-29 ta’ April 2004 li jispeċifika regoli ta’ l-iġjene ta’ l-ikel li joriġina mill-annimali (ĠU Nru L 226, 25.6.2004, p. 22) jew (b) ma jkunux għaddew mill-proċess kollu ta’ l-ikkunzar jew (c) ma jkunux “wet blue”; jew (d) ma jkunux “pickled pelts” jew (e) ma jkunux limed (ittrattati bil-ġir u fis-salmura f’pH ta’ 12 sa 13 għal mill-anqas tmien sigħat): daħħal it-trattament minn fost dawn li ġejjin: (a) imnixxfa; (b) immellħa fin-niexef jew immellħa fl-umdità għal mill-anqas 14-il jum qabel il-bgħit; (c) immellħa għal sebat ijiem fil-melħ tal-baħar b’żieda ta’ 2 % karbonat tas-sodju; jew (d) ippriservati b’xi proċess ieħor għajr l-ikkunzar speċifikat skond il-proċedura msemmija fl-Artikolu 33(2) tar-Regolament (KE) Nru 1774/2002.

Għal materjali tal-Kategorija 3 u prodotti pproċessati derivati minnhom destinati għall-użu bħala għalf: jekk ikun xieraq iddeskrivi n-natura tal-metodi tat-trattament.

Numru tal-Lott: daħħal in-numru tal-lott jew in-numru tal-lametta tal-widna ta’ l-annimal jekk ikun applikabbli.

Parti II:

(1) Ħassar kif ikun xieraq.

(2) ĠU L 273, 10.10.2002, p. 1.

Il-firma għandha tkun ta’ kulur differenti minn dak ta’ l-istampar

Firma

Magħmula f’ … illum …

(post)

(data)

…

(firma tal-persuna responsabbli/kunsinnatur)

…

(isem, b’ittri kapitali)

Dikjarazzjoni tat-trasportatur

Jiena, hawn taħt iffirmat, niddikjara li:

II.2.1. fil-każ fejn l-ippakkeġġjar isir mit-trasportatur, il-prodotti sekondarji u/jew il-prodotti pproċessati ta’ l-annimali:

(1) jew [jiġu ssiġillati f’ippakkeġġjar ġdid;]

(1) jew [ikunu ttrasportati bil-balk f’kontejners jew vetturi jew mezzi oħra tat-trasport mgħottija li ma joqtrux li jkunu ndaf u mnixxfa qabel l-użu u tnaddfu, ġew maħsula u ddiżinfettati wara kull użu]

II.2.2. ittieħdu l-prekawzjonijiet kollha:

— biex tiġi evitata l-kontaminazzjoni tal-prodotti sekondarji u/jew tal-prodotti pproċessati ta’ l-annimali b’aġenti patoġeniċi u l-kontaminazzjoni inkroċjata bejn id-diversi Kategoriji matul it-trasport; u

— biex jiġi żgurat trasport f’temperatura xierqa biex jiġi evitat ir-riskju għas-saħħa ta’ l-annimali jew is-saħħa pubblika

Noti

Parti II:

(1) Ħassar kif ikun xieraq.

Il-firma għandha tkun ta’ kulur differenti minn dak ta’ l-istampar

Nota għat-trasportaturi: Dan id-dokument għandu jakkumpanja l-kunsinna (*) mill-post tat-tagħbija biex tintbagħat sakemm tasal fil-punt tad-destinazzjoni.

(*) “Kunsinna” tfisser “kwantità ta’ prodotti ta’ l-istess tip li jista’ jkun fiha Kategoriji differenti ta’ prodotti sekondarji ta’ l-annimali, li tkun ġejja mill-istess kunsinnatur u koperta bl-istess dokument kummerċjali mwassla bl-istess mezz ta’ trasport lill-istess reċipjent”

Firma

Magħmula f’ … illum …

(post)

(data)

…

(firma tal-persuna responsabbli/trasportatur)

…

(isem, b’ittri kapitali)

(3)

Fl-Anness VII, il-Kapitolu II, paragrafu A(1), l-ewwel subparagrafu jinbidel b’dan li ġej:

“Proteini ta’ l-annimali mammiferi pproċessati għandhom ikunu ġew sottomessi għall-metodu ta’ l-ipproċessar 1. Madankollu, demm porċin jista’ jiġi soġġett għal kull metodu ta’ l-ipproċessar minn 1 sa 5 jew għall-metodu ta’ l-ipproċessar 7 sakemm fil-każ tal-metodu ta’ l-ipproċessar 7, ikun ġie applikat fuqu trattament tas-sħana fis-sustanza kollha tiegħu f’temperatura ta’ mill-anqas 80 °C”

(4)

L-Anness VIII huwa emendat kif ġej:

(a)

Il-Kapitolu II huwa emendat kif ġej:

(i)

Il-paragrafu A(1) huwa ssostitwit b’dan li ġej:

“1.

L-uniċi prodotti sekondarji ta’ l-annimali li jistgħu jintużaw biex jiġu prodotti ikel għall-annimali domestiċi u dogchews huma dawk imsemmija fl-Artikolu 6(1)(a) sa (j). Madankollu, ikel għall-annimali domestiċi mhux ipproċessat jista’ jiġi mmanifatturat biss minn prodotti sekondarji ta’ l-annimali msemmija fl-Artikolu 6(1)(a) jew l-Artikolu 6 (1) (b).”

(ii)

Il-paragrafu B(4) huwa ssostitwit b’dan li ġej:

“4.

Dogchews għandhom matul l-ipproċessar isirilhom trattament li jkun biżżejjed biex jeqred organiżmi patoġeniċi, inkluża s-salmonella.

Wara dak it-trattament, għandha tittieħed kull prekawzjoni biex jiġi żgurat li dawn id-dogchews ma jkunux esposti għal kontaminazzjoni. Id-dogchews għandhom jiġu ppakkjati f’ippakkeġġjar ġdid.”

(b)

Il-Kapitolu III huwa emendat kif ġej:

(i)

Il-paragrafu I(A)(3) huwa ssostitwit b’dan li ġej:

“3.	Demel ta’ l-ekwidi mhux ipproċessat ikkummerċjalizzat m’għandux joriġina minn stabbiliment soġġett għal restrizzjonijiet ta’ saħħa ta’ l-annimali fir-rigward tal-glanders, l-istomatite veżikulari, l-antraċe jew ir-rabja skond l-Artikolu 4 (5) tad-Direttiva 90/426/KEE.”

(ii)

Il-paragrafu I(B)(4) huwa ssostitwit b’dan li ġej:

“4.	L-importazzjoni ta’ demel mhux ipproċessat hija pprojbita.”

(iii)

Il-paragrafu II(B)(6)(d) huwa ssostitwit b’dan li ġej:

“(d)	huma akkumpanjati b’ċertifikat tas-saħħa li jikkonforma mal-mudell stabbilit fil-Kapitolu 17 ta’ l-Anness X.”

(c)

Il-Kapitolu VI huwa emendat kif ġej:

(i)

Fl-A, il-paragrafu (1)(a) huwa ssostitwit b’dan li ġej:

“(a)	għal ġlud ta’ ungulati li jħarsu r-rekwiżiti tar-Regolament (KE) Nru 853/2004 tal-Parlament Ewropew u tal-Kunsill li jippreskrivi regoli speċifiċi ta’ iġjene għall-ikel li joriġina mill-annimali (*)

(*) ĠU L 139, 30.4.2004, p. 55; verżjoni kkoreġuta (ĠU L 226, 25.6.2004, p. 22)”"

(ii)

Fil-B, il-paragrafu 3 huwa ssostitwit b’dan li ġej:

“3.

Il-kummerċ fi ġlud friski jew imkessħin huwa soġġett għall-istess kondizzjonijiet ta’ saħħa bħal dawk applikabbli għal-laħam frisk skond id-Direttiva tal-Kunsill 2002/99/KE li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum mill-bniedem (**)

(**) ĠU L 18, 23.1.2003, p. 11.”"

(iii)

Fis-C, il-paragrafu 5(b), il-frażi introduttorja hija ssostitwita b’dan li ġej:

“(b)	jiġu minn pajjiż terz jew, fil-każ ta’ reġjonalizzazzjoni skond il-leġislazzjoni tal-Komunità, minn parti ta’ pajjiż terz, li jidher fil-lista mogħtija fil-Parti XIV(A) ta’ l-Anness XI u liema, kif ikun xieraq għall-ispeċi kkonċernata:”

(iv)

Fis-C, il-paragrafi 6(b) sa (e) huma ssostitwiti b’dan li ġej:

“(b)

jiġu jew minn:

(i)

pajjiż terz jew, fil-każ ta’ reġjonalizzazzjoni skond il-leġislazzjoni tal-Komunità, minn parti ta’ pajjiż terz, li jidher fil-lista mogħtija fil-Parti XIV(B) ta’ l-Anness XI li permezz tiegħu l-importazzjoni ta’ laħam frisk ta’ l-ispeċi korrispondenti hija awtorizzata u huma jkunu ġew ittrattati skond il-paragrafu 2(a), (b) u (c) ta’ l-A; jew

(ii)	pajjiż terz li jidher fil-lista mogħtija fil-Parti XIV(B) ta’ l-Anness XI u huma jkunu ġew ittrattati skond il-paragrafu 2 (c) jew (d) ta’ l-A; jew

(iii)

ekwidi jew annimali ruminanti minn pajjiż terz li jidher fil-lista mogħtija fil-Parti XIV (C) ta’ l-Anness XI, li jkunu ġew ittrattati skond il-paragrafu 2(a), (b) u (c) ta’ l-A u li wara t-trattament ikunu nżammu separati għal ta’ l-anqas 21 jum.

(c)

fil-każ ta’ ġlud immellħa ttrasportati permezz ta’ bastiment, huma jkunu ġew ittrattati skond il-paragrafi 2 (b) jew (c) ta’ l-A u nżammu separati wara t-trattament matul it-trasport għal ta’ l-anqas 14-il jum fil-każ tal-paragrafu (b) jew sebat ijiem fil-każ tal-paragrafu (c) qabel l-importazzjoni u c-ċertifikat tas-saħħa li jakkumpanja l-kunsinna jiċċertifika dan it-trattament u t-tul ta’ żmien tat-trasport; u

(d)

ċertifikat tas-saħħa li jikkonforma mal-mudell taċ-ċertifikat tas-saħħa stabbilit fil-Kapitolu 5 (B) ta’ l-Anness X, jew, fil-każ ta’ ġlud imsemmija fil-paragrafi 6(b) (iii) tas-C ta’ dan l-Anness, għandha takkumpanjahom dikjarazzjoni uffiċjali li tikkonforma mal-mudell stabbilit fil-Kapitolu 5 (C) ta’ l-Anness X.”

(d)

Il-Kapitolu VIII huwa emendat kif ġej:

(i)	Fil-B, il-paragrafu 4, il-frażi introduttorja hija ssostitwita b’dan li ġej: “L-Istati Membri għandhom jawtorizzaw l-importazzjoni ta’ suf u xagħar mhux ipproċessati, jekk ikunu:”

(ii)

Fil-B, jiżdied il-paragrafu 5 li ġej:

“5.

L-importazzjoni ta’ rix u partijiet minn rix mhux ipproċessati hija pprojbita.

L-Istati Membri għandhom jawtorizzaw l-importazzjoni ta’ rix u partijiet minn rix ipproċessati jekk:

(a)	ikunu rix dekorattiv ittrattat, rix ittrattat li jġorru l-vjaġġaturi għall-użu privat tagħhom jew kunsinni ta’ rix ittrattat mibgħuta lil individwi privati għal għanijiet mhux industrijali; jew

(b)	ikunu akkumpanjati minn dokument kummerċjali li jiddikjara li r-rix jew il-partijiet mir-rix ġew ittrattati b’kurrent ta’ fwar jew b’xi metodu ieħor li jiżgura d-diżattivazzjoni ta’ patoġeni u jkunu magħluqa b’mod sikur f’ippakkeġġjar u xotti.”

(e)

Il-Kapitolu IX huwa emendat kif ġej:

(i)

Fl-A, il-paragrafu 1, il-frażi introduttorja hija ssostitwita b’dan li ġej:

“1.	Prodotti sekondarji ta’ l-apikultura maħsuba esklussivament għall-użu fl-apikultura għandhom:”

(ii)

Fil-B, il-paragrafu 3 huwa ssostitwit b’dan li ġej:

“3.

L-Istati Membri għandhom jawtorizzaw l-importazzjoni ta’ prodotti sekondarji ta’ l-apikultura, għajr xama’ tan-naħal f’forma ta’ xehda ta’ l-għasel maħsuba għall-użu fl-apikultura jekk ikunu:

(a)	ġejjin minn pajjiżi terzi li jidhru fil-lista mogħtija fil-Parti XII ta’ l-Anness XI;

(b)

jew:

(i)	ġew soġġetti għal temperatura ta’ –12 °C jew anqas għal ta’ l-anqas 24 siegħa; jew

(ii)	fil-każ tax-xama’, il-materjal ikun ġie rfinut jew imdewweb qabel l-importazzjoni; u

(c)	jkunu akkumpanjati minn ċertifikat tas-saħħa li jikkonforma mal-mudell stabbilit fil-Kapitolu 13 ta’ l-Anness X.”

(iii)

Fil-B, jiżdiedu l-paragrafi 4 u 5 li ġejjin:

“4.

L-Istati Membri għandhom jawtorizzaw l-importazzjoni ta’ xama’ tan-naħal għal għanijiet tekniċi, għajr xama’ tan-naħal f’forma ta’ xehda ta’ l-għasel, jekk hija tkun:

(a)	ġiet irfinuta jew imdewba qabel l-importazzjoni; u

(b)	tkun akkumpanjata minn dokument kummerċjali li jiċċertifika dak l-irfinar jew radd.

5.	L-importazzjoni ta’ xama' tan-naħal f’forma ta’ xehda ta’ l-għasel għandha tkun ipprojbita.”

(f)

Il-Kapitolu XI huwa emendat kif ġej:

(i)

F’punt 2, it-tieni subparagrafu huwa ssostitwit b’dan li ġej:

“madankollu, prodotti sekondarji ta’ l-annimali għall-użu fl-għalf għall-annimali mrobbija għall-pil jew għall-użu f’ikel mhux ipproċessat għall-annimali domestiċi għandu jikkonsisti biss fi prodotti sekondarji ta’ l-annimali msemmija fl-Artikolu 6(1)(a) u (b);”

(ii)

Il-Paragrafu 6 huwa ssostitwit b’dan li ġej:

“6.	ikunu akkumpanjati minn ċertifikat li jikkonforma ma’ wieħed mill-mudelli msemmija fil-Kapitolu 3(D), 3(F) jew 8 ta’ l-Anness X.”

(5)

L-Anness X huwa ssostitwit kif ġej:

“L-ANNESS X

MUDELLI TA’ ĊERTIFIKATI TAS-SAĦĦA GĦALL-IMPORTAZZJONI MINN PAJJIŻI TERZI U GĦAT-TRANŻITU MILL-KOMUNITÀ EWROPEA TA’ ĊERTI PRODOTTI SEKONDARJI TA’ L-ANNIMALI U PRODOTTI DERIVATI MINNHOM

Noti

(a)

Iċ-ċertifikati veterinarji għandhom isiru mill-pajjiż li qiegħed jesporta, ibbażati fuq il-mudelli li jidhru f’dan l-Anness X, skond it-tifsila tal-mudell li jikkorrispondi għall-prodotti sekondarji ta’ l-annimali kkonċernati. Huma għandu jkun fihom, fl-ordni nnumerata li tidher fil-mudell, id-dikjarazzjonijiet li huma meħtieġa għal kull pajjiż terz u, kif ikun il-każ, dawk il-garanzji supplimentari li huma meħtieġa rilevanti għall-pajjiż terz li qiegħed jesporta jew parti minnu.

(b)	L-oriġinal ta’ kull ċertifikat għandu jikkonsisti f’paġna waħda, miż-żewġ naħat, jew, fejn huwa meħtieġ aktar test, għandu jkun f’tali forma li l-paġni kollha meħtieġa jkunu parti minn wieħed sħiħ integrat u indiviżibbli.

(c)

Huwa għandu jitfassal f’minn ta’ lanqas lingwa uffiċjali waħda ta’ l-Istat Membru ta’ l-UE li fih tkun se ssir l-ispezzjoni fil-post fuq il-fruntiera u f’minn ta’ lanqas waħda mil-lingwi uffiċjali ta’ l-Istat Membru ta’ l-UE tad-destinazzjoni. Madankollu, dawn l-Istati Membri jistgħu jippermettu lingwi oħra, akkumpanjati, jekk ikun meħtieġ, minn traduzzjoni uffiċjali.

(d)	Jekk għal raġunijiet ta’ identifikazzjoni ta’ l-oġġetti tal-kunsinna, jinhemżu paġni addizzjonali maċ-ċertifikat, dawn il-paġni għandhom jiġu kkunsidrati wkoll bħala parti mill-oriġinal taċ-ċertifikat billi kull paġna tingħata l-firma u t-timbru tal-veterinarju uffiċjali ċertifikanti.

(e)

Meta c-ċertifikat, inklużi l-iskedi addizzjonali msemmija f’d), ikun fih aktar minn paġna waħda, kull paġna għandha tiġi nnumerata -(numru tal-paġna) minn (numru totali ta’ paġni)– fuq in-naħa ta’ isfel tagħha u għandha ġġib in-numru tal-kodiċi taċ-ċertifikat li jkun ingħata mill-awtorità kompetenti fuq in-naħa ta’ fuq tiegħu.

(f)	L-oriġinal taċ-ċertifikat għandu jimtela u jiġi ffirmat minn veterinarju uffiċjali. Waqt li jagħmlu dan, l-awtoritajiet kompetenti tal-pajjiż li qiegħed jesporta għandhom jiżguraw li jsegwu l-prinċipji taċ-ċertifikazzjoni ekwivalenti għal dawk stabbiliti fid-Direttiva tal-Kunsill 96/93/KE.

(g)	Il-kulur tal-firma għandu jkun differenti minn dak ta’ l-istampar. L-istess regola tapplika għat-timbri għajr dawk imqabbżin (embossed) jew watermark.

(h)	L-oriġinal taċ-ċertifikat għandu jakkumpanja l-kunsinna fil-post ta’ spezzjoni fuq il-fruntiera ta’ l-UE.

(i)	Jekk ċertifikati tas-saħħa jintużaw għal kunsinni fi tranżitu, il-kaxxa Nru I.5 (‘Destinatarju’) taċ-ċertifikat tas-saħħa rilevanti għandha timtela bl-isem u l-indirizz tal-post ta’ spezzjoni fuq il-fruntiera li minnu l-kunsinna hija intenzjonata li tħalli l-Komunità Ewropea.

Test ta 'immaġni

Test ta 'immaġni

Test ta 'immaġni

Test ta 'immaġni

Test ta 'immaġni

Test ta 'immaġni

Test ta 'immaġni

Test ta 'immaġni

(6)

L-Anness XI huwa emendat kif ġej:

(a)

It-titolu tal-Parti VI huwa ssostitwit b’dan li ġej:

“PARTI VI

Lista ta’ pajjiżi terzi li minnhom l-Istati Membri jistgħu jawtorizzaw importazzjonijiet ta’ prodotti sekondarji ta’ l-annimali u ta’ prodotti tad-demm (bl-eċċezzjoni ta’ prodotti tad-demm ta’ l-ekwidi) maħsuba għal skopijiet tekniċi inklużi l-farmaċewtiċi (iċ-ċertifikati tas-saħħa Kapitoli 4(C) u 8)”

(b)

Fil-Parti VII (A), it-titolu u l-punt A, huma ssostitwiti b’dan li ġej:

“PARTI VII(A)

Lista ta’ pajjiżi terzi li minnhom l-Istati Membri jistgħu jawtorizzaw importazzjonijiet ta’ prodotti sekondarji ta’ l-annimali għall-manifattura ta’ ikel ipproċessat għall-annimali domestiċi (iċ-ċertifikati tas-saħħa Kapitoli 3(B) u 3(F))

Prodotti sekondarji ta’ l-annimali minn annimali bovini, ovini, kaprini, porċini u ekwini, inklużi annimali fl-irziezet u selvaġġi:

Il-pajjiżi terzi jew il-partijiet mill-pajjiżi terzi elenkati fil-Parti 1 ta’ l-Anness II tad-Deċiżjoni tal-Kunsill 79/542/KEE, li minnhom huma awtorizzati importazzjonijiet ta’ dik il-kategorija ta’ laħam frisk ta’ l-ispeċi rispettivi u l-pajjiżi li ġejjin għall-prodotti sekondarji speċifikati:

Il-pajjiżi ta’ l-Amerika ta’ Isfel u ta’ l-Afrika ta’ Isfel jew partijiet minnhom fejn il-laħam ta’ l-ispeċi korrispondenti mmaturat u dissussat huwa awtorizzat, fir-rigward ta’ laħam immaturat u dissussat (inkluża d-dijaframma) u/jew il-ġewwieni ttrimmjat u mmaturat ta’ annimali bovini, kaprini u ovini u ta’ selvaġġina (fis-selvaġġ jew fl-irziezet).”

(c)

Il-Parti IX hija ssostitwita b’dan li ġej:

“PARTI IX

Lista ta’ pajjiżi terzi li minnhom l-Istati Membri jistgħu jawtorizzaw importazzjonijiet ta’ demel ipproċessat u ta’ prodotti tad-demel ipproċessat għat-trattament tal-ħamrija (Iċ-Ċertifikat tas-Saħħa Kapitolu 17)

Għal demel ipproċessat u prodotti tad-demel ipproċessat, il-pajjiżi terzi elenkati:

(a)	Fil-Parti 1 ta’ l-Anness II tad-Deċiżjoni 79/542/KEE;

(b)	Fl-Anness I tad-Deċiżjoni tal-Kummissjoni 2004/211/KE; jew

(c)	Fl-Anness II tad-Deċiżjoni tal-Kummissjoni 2006/696/KE (ĠU L 295, 25.10.2006, p. 1).”

(d)

Il-Parti XIII hija ssostitwita b’dan li ġej:

“PARTI XIII

Lista ta’ pajjiżi terzi li minnhom l-Istati Membri jistgħu jawtorizzaw importazzjonijiet ta’ serum ta’ l-ekwidi (Ċertifikat tas-Saħħa 4(A))

Il-pajjiżi terzi jew il-partijiet tal-pajjiżi terzi elenkati fl-Anness I tad-Deċiżjoni tal-Kummissjoni 2004/211/KE (8), li minnhom hija permessa l-importazzjoni ta’ ekwidi għat-tnissil u l-produzzjoni.”