li temenda d-Direttiva tal-Kunsill 91/414/KEE sabiex tinkludi l-ethoprophos, il-pirimiphos-methyl u l-fipronil bħala sustanzi attivi

Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tqegħid fis-suq ta’ prodotti għall-ħarsien tal-pjanti (1), u b’mod partikolari l-Artikolu 6(1) tagħha,

L-Anness I tad-Direttiva 91/414/KEE huwa emendat kif stipulat fl-Anness ta’ din id-Direttiva.

L-Istati Membri għandhom jadottaw u jippubblikaw sa mhux aktar tard mill-31 ta’ Marzu 2008, il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma’ din id-Direttiva. Huma għandhom minnufih jikkomunikaw lill-Kummissjoni t-test ta’ dawk id-dispożizzjonijiet u l-iskeda ta’ korrelazzjoni bejn dawn id-dispożizzjonijiet u din id-Direttiva.

Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew ikunu akkumpanjati b’din ir-referenza meta jiġu ppubblikati uffiċjalment. L-Istati Membri għandhom jistabbilixxu kif għandha issir tali referenza.

1. L-Istati Membri, fejn meħtieġ, skond id-Direttiva 91/414/KEE, jemendaw jew jirtiraw l-awtorizzazzjonijiet eżistenti għal prodotti għall-ħarsien tal-pjanti li fihom l-ethoprophos, il-pirimiphos-methyl u l-fipronil bħala sustanzi attivi sal-31 ta’ Marzu 2008.

Sa din id-data huma għandhom b’mod partikolari jivverifikaw li jintlaħqu l-kondizzjonijiet fl-Anness I tad-Direttiva relatati ma’ l-ethoprophos, il-pirimiphos-methyl u l-fipronil, bl-eċċezzjoni ta’ dawk identifikati fil-parti B ta’ l-annotazzjoni relatata ma’ dik is-sustanza attiva, u li d-detentur ta’ l-awtorizzazzjoni jkollu f’idejh, jew ikollu aċċess għal, dossier li jissodisfa r-rekwiżiti ta’ l-Anness II ta’ dik id-Direttiva skond il-kondizzjonijiet ta’ l-Artikolu 13 ta’ dik id-Direttiva.

2. Bħala deroga mill-paragrafu 1, għal kull prodott awtorizzat għall-ħarsien tal-pjanti li fih l-ethoprophos, il-pirimiphos-methyl u l-fipronil bħala jew l-unika sustanza attiva inkella bħala waħda minn diversi sustanzi attivi li kollha kemm huma ġew elenkati fl-Anness I tad-Direttiva 91/414/KEE sa mhux aktar tard mit-30 ta’ Settembru 2007, l-Istati Membri għandhom jivvalutaw mill-ġdid il-prodott skond il-prinċipji uniformi previsti fl-Anness VI tad-Direttiva 91/414/KEE, fuq il-bażi ta’ dossier li jissodisfa r-rekwiżiti ta’ l-Anness III ta’ din id-Direttiva u billi titqies il-parti B ta’ l-annotazzjoni fl-Anness I għat-tali Direttiva dwar l-ethoprophos, il-pirimiphos-methyl u l-fipronil rispettivament. Fuq il-bażi ta’ din il-valutazzjoni, għandhom jistabbilixxu jekk il-prodott jissodisfax il-kondizzjonijiet stipulati fl-Artikolu 4(1)(b), (c), (d) u (e) tad-Direttiva 91/414/KEE.

(4) EFSA Scientific Report (2006) 66, 1-72, Conclusion regarding the Peer review of the pesticide risk assessment of the active substance ethoprophos (finalised: 3 March 2006). EFSA Scientific Report (2005) 44, 1-53, Conclusion regarding the Peer review of the pesticide risk assessment of the active substance pirimiphos-methyl (finalised: 10 August 2005). EFSA Scientific Report (2006) 65, 1-110, Conclusion regarding the Peer review of the pesticide risk assessment of the active substance fipronil (finalised: 3 March 2006 version of 12 April 2006).

ANNESS

Din it-tabella li ġejja għandha tiġi miżjuda fl-aħħar ta’ l-Anness I tad-Direttiva 91/414/KEE:

Nru

Isem Komuni, Numri ta’ Identifikazzjoni

Isem IUPAC

Purità (1)

Dħul fis-seħħ

Data ta’ l-Għeluq ta’ l-inklużjoni

Dispożizzjonijiet speċifiċi

“161

ethoprophos

CAS Nru 13194-48-4

Nru CIPAC 218

O-ethyl S,S-dipropyl phosphorodithioate

> 940 g/kg

fl-1 ta’ Ottubru 2007

fit-30 ta’ Settembru 2017

PARTI A

Użi biss bħala nematiċidju u insettiċidju fl-applikazzjoni tal-ħamrija jistgħu jkunu awtorizzati.

L-awtorizzazzionijiet għandhom ikunu limitati għal utenti professjonali.

PARTI B

Waqt il-valutazzjoni ta’ l-applikazzjonijiet għall-awtorizzazzjoni tal-prodotti għall-ħarsien tal-pjanti li fihom l-ethoprophos għal użi ħlief għall-patata li ma titkabbarx għall-konsum tal-bniedem jew ta’ l-annimali, l-Istati Membri għandhom joqogħdu partikolarment attenti għall-kriterji fl-Artikolu 4(1) (b), u għandhom jiżguraw li tkun iprovduta kwalunkwe data jew informazzjoni meħtieġa qabel ma tingħata awtorizzazzjoni bħal din.

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar l-ethoprophos b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-16 ta’ Marzu 2007.

F’din il-valutazzjoni ġenerali l-Istati Membri jridu jagħtu attenzjoni partikolari għal:

—	Ir-residwi u jivvalutaw l-espożizzjoni djetetika ta’ konsumaturi fid-dawl ta’ reviżjonijiet futuri ta’ Livelli Massimi ta’ Residwu;

—	Is-sigurtà ta’ l-operatur. Il-kondizzjonijiet awtorizzati għall-użu għandhom jistipulaw l-applikazzjoni ta’ tagħmir respiratorju personali u protettiv adegwat u miżuri oħra li jnaqqsu r-riskju bħalma huwa l-użu ta’ sistema magħluqa ta’ trasferiment għat-tqassim tal-prodott;

—	ħarsien ta’ għasafar, mammiferi u organiżmi akkwatiċi, ilma ta’ fuq u taħt l-art taħt kondizzjonijiet vulnerabbli. Il-kondizzjonijiet ta’ awtorizzazzjoni għandhom jinkludu miżuri li jnaqqsu r-riskju, bħalma huma żoni ta’ protezzjoni u l-ksib ta’ l-inkorporazzjoni kompleta ta’ granuli fil-ħamrija.

L-Istati Membri konċernati għandhom jitolbu l-preżentazzjoni ta’ studji ulterjuri sabiex jikkonfermaw il-valutazzjoni tar-riskju għal għasafar, mammiferi u ħniex. Huma għandhom jiżguraw li n-notifikanti li fuq talba tagħhom l-ethoprophos kien inkluż f’dan l-Anness jipprovdu dwan l-istudji lill-Kummissjoni fi żmien sentejn mid-dħul fis-seħħ ta’ din id-Direttiva.

162

pirimiphos-methyl

Nru CAS 29232-93-7

Nru CIPAC 239

O-2-diethylamino-6-methylpyrimidin-4-yl O,O-dimethylphosphorothioate

> 880 g/kg

fl-1 ta’ Ottubru 2007

fit-30 ta’ Settembru 2017

PARTI A

Użi biss bħala insettiċidju għall-ħażna ta’ wara l-ħsad jistgħu jkunu awtorizzati.

PARTI B

Waqt il-valutazzjoni ta’ l-applikazzjonijiet għall-awtorizzazzjoni tal-prodotti għall-ħarsien tal-pjanti li fihom il-pirimiphos-methyl għall-użi għajr dawk ta’ trattament taż-żrieragħ tal-qamħirrun, l-Istati Membri għandhom joqogħdu partikolarment attenti għall-kriterji fl-Artikolu 4(1)(b), u għandhom jiżguraw li tiġi pprovduta kull data jew informazzjoni meħtieġa qabel ma tingħata awtorizzazzjoni bħal din.

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-methiocarb b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fis-16 ta’ Marzu 2007.

F’din il-valutazzjoni ġenerali l-Istati Membri jridu jagħtu attenzjoni partikolari għal:

—	is-sigurtà ta’ l-operatur. Kondizzjonijiet awtorizzati ta’ użu għandhom jippreskrivu l-applikazzjoni tat-tagħmir protettiv personali tal-miżuri li jnaqqsu r-riskju adattati għat-tnaqqis ta’ l-espożizzjoni;

—	espożizzjoni djetetika ta’ konsumaturi fid-dawl ta’ reviżjonijiet futuri ta’ Livelli Massimi ta’ Residwu;

L-Istati Membri konċernati għandhom jitolbu l-preżentazzjoni ta’ studji ulterjuri sabiex jikkonfermaw il-valutazzjoni tar-riskju għall-ħut. Huma għandhom jiżguraw li n-notifikanti li fuq talba tagħhom il-pirimiphos-methyl ġie inkluż f’dan l-Anness jipprovdu tali studji lill-Kummissjoni fi żmien sentejn mid-dħul fis-seħħ ta’ din id-Direttiva.

163

Fipronil

Nru CAS 120068-37-3

Nru CIPAC 581

(±)-5-amino-1-(2,6-dichloro-α,α,α-trifluoro-para-tolyl)-4-trifluoromethylsulfinyl-pyrazole-3-carbonitrile

≥ 950 g/kg

fl-1 ta’ Ottubru 2007

fit-30 ta’ Settembru 2017

PARTI A

Użi biss bħala insettiċidju għall-użu bħala trattament taż-żerriegħa jistgħu jkunu awtorizzati. Il-kisi taż-żerriegħa għandu jsir biss f’faċilitajiet professjonali tat-trattament taż-żerriegħa. Dawn il-faċilitajiet għandhom japplikaw l-aħjar tekniċi disponibbli sabiex ikun żgurat li l-ħruġ tat-trabijiet waqt il-ħażna, it-transport u l-applikazzjoni jistgħu jkunu esklużi.

PARTI B

Għall-implimentazzjoni tal-prinċipji uniformi ta’ l-Anness VI, għandhom jitqiesu l-konklużjonijiet tar-rapport ta’ reviżjoni dwar il-fipronil u b’mod partikolari l-Appendiċi I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa ta’ l-Annimali fit-16 ta’ Marzu 2007. F’din il-valutazzjoni ġenerali l-Istati Membri jridu jagħtu attenzjoni partikolari għal:

—	l-ippakkjar tal-prodotti li se jitpoġġew fis-suq sabiex tiġi evitata l-ġenerazzjoni tad-degradazzjoni kaġun tad-dawl ta’ prodotti ta’ tħassib;

—	il-potenzjal tal-kontaminazzjoni ta’ l-ilma ta’ taħt l-art b’mod speċjali minn metaboliti li huma iktar persistenti mill-kompost ġenitur, fejn is-sustanza attiva hija applikata fir-reġjuni b’ħamrija u/jew kondizzjonijiet ta’ klima vulnerabbli;

—	ħarsien ta’ għasafar u mammiferi granivori, organiżmi akkwatiċi, artropodi mhux fil-mira u naħal ta’ l-għasel;

—	l-użu ta’ tagħmir adegwat li jassigura grad għoli ta’ inkorporazzjoni fil-ħamrija u tixrid mill-inqas waqt l-applikazzjoni.

Il-kondizzjonijiet ta’ l-awtorizzazzjoni għandhom jinkludu miżuri ta’ tnaqqis tar-riskju, fejn xieraq.

L-Istati Membri konċernati għandhom jitolbu l-preżentazzjoni ta’ studji ulterjuri sabiex jikkonfermaw il-valutazzjoni tar-riskju għal għasafar u mammiferi granivori u naħal ta’ l-għasel, b’mod speċjali l-larva tan-naħal. Għandhom jiżguraw li n-notifikant li fuq talba tiegħu ġie inkluż il-fipronil f’dan l-Anness, jipprovdi dwan l-istudji lill-Kummissjoni fi żmien sena mid-dħul fis-seħħ ta’ din id-Direttiva.”

(1) Aktar dettalji dwar l-identità u l-ispeċifikazzjoni tas-sustanzi attivi huma pprovduti fir-rapport ta’ reviżjoni.