8.1.2008   

MT

Il-Ġurnal Uffiċjali ta’ l-Unjoni Ewropea

197

(1)

Taħt l-Artikolu 3(1)(u) tat-Trattat tal-KE, l-attivitajiet tal-Komunità għandhom jinkludu miżuri fil-qasam tal-protezzjoni ċivili.

(2)

Għal dak il-għan, ġie stabbilit mekkaniżmu Komunitarju sabiex jiffaċilita l-koperazzjoni msaħħa fl-interventi ta' assistenza għall-protezzjoni ċivili (il-“Mekkaniżmu”) permezz tad-Deċiżjoni 2001/792/KE, Euratom (2).

(3)

Id-Deċiżjoni tal-Kunsill 1999/847/KE tad-9 ta' Diċembru 1999 li tistabbilixxi programm ta' azzjoni Komunitarja fil-qasam tal-protezzjoni ċivili (3) tiskadi fil-31 ta' Diċembru 2006.

(4)

Jeħtieġ li jiġi stabbilit strument finanzjarju għall-protezzjoni ċivili (l-“Istrument”) li taħtu tista' tingħata assistenza finanzjarja, kemm bħala kontribut għat-titjib ta' l-effikaċja tar-reazzjoni għal emerġenzi gravi, partikolarment fil-kuntest tad-Deċiżjoni 2001/792/KE, Euratom, kif ukoll għat-tisħiħ ta' miżuri preventivi u ta' preparazzjoni għal kull tip ta' emerġenza bħal diżastri naturali u diżastri kkawżati mill-bniedem, atti ta' terroriżmu — inkluż terroriżmu kimiku, bijoloġiku, radjoloġiku u nukleari, u inċidenti teknoloġiċi, radjoloġiċi jew ambjentali, inkluża l-kontinwazzjoni ta' miżuri li ttieħdu qabel taħt id-Deċiżjoni 1999/847/KE.

(5)

Sabiex tiġi żgurata l-kontinwità mad-Deċiżjoni 1999/847/KE, din id-Deċiżjoni għandha tapplika mill-1 ta' Jannar 2007.

(6)

L-Istrument ser jiżgura l-espressjoni viżibbli tas-solidarjetà Ewropea lejn il-pajjiżi milquta minn emerġenzi gravi billi jiffaċilita l-għoti ta' assistenza permezz tal-mobilizzazzjoni ta' l-assi ta' intervent ta' l-Istati Membri.

(7)

Ir-reġjuni iżolati u l-aktar periferiċi u xi reġjuni jew gżejjer oħrajn tal-Komunità spiss ikollhom karatteristiċi u ħtiġijiet speċjali minħabba l-ġeografija, it-terren, u ċ-ċirkostanzi soċjali u ekonomiċi tagħhom. Dawn għandhom effetti negattivi, jostakolaw l-iskjerament ta' riżorsi ta' assistenza u ta' intervent u b'hekk jagħmluha diffiċli li jitwasslu l-għajnuna u l-mezzi ta' assistenza, u joħolqu ħtiġijiet partikolari għall-assistenza fil-każ ta' riskju serju ta' emerġenza gravi.

(8)

Din id-Deċiżjoni m'għandhiex tinċidi fuq azzjonijiet li jaqgħu taħt ir-Regolament (KE) Nru 1717/2006 tal-Parlament Ewropew u tal-Kunsill tal-15 ta' Novembru 2006 li jistabbilixxi Strument għall-Istabbiltà (4), fuq il-miżuri dwar is-saħħa pubblika adottati taħt leġiżlazzjoni Komunitarja li tikkonċerna programmi ta' azzjoni Komunitarja fil-qasam tas-saħħa, u lanqas fuq il-miżuri għas-sigurtà tal-konsumatur adottati taħt id-Deċiżjoni Nru 1926/2006/KE tal-Parlament Ewropew u tal-Kunsill tat-18 ta' Diċembru 2006 li tistabbilixxi programm ta' azzjoni Komunitarja fil-qasam tal-politika tal-konsumatur (2007-2013) (5).

(9)

Għal raġunijiet ta' koerenza, l-azzjonijiet li jaqgħu taħt id-Deċiżjoni tal-Kunsill 2007/124/KE, Euratom tat-12 ta’ Frar 2007 li tistabbilixxi għall-perijodu 2007-2013, bħala parti mill-Programm Ġenerali dwar is-Sigurtà u s-Salvagwardja tal-Libertajiet, il-Programm speċifiku “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” (6) jew li huma relatati maż-żamma ta' l-ordni pubbliku u s-salvagwardja tas-sigurtà interna m'għandhomx ikunu koperti minn din id-Deċiżjoni.

(10)

Din id-Deċiżjoni m'għandhiex tapplika għal attivitajiet koperti mir-Regolament tal-Kunsill (KE) Nru 1257/96 ta' l-20 ta' Ġunju 1996 dwar l-għajnuna umanitarja (7).

(11)

Wara l-iskadenza, fil-31 ta' Diċembru 2006, tad-Deċiżjoni Nru 2850/2000/KE tal-Parlament Ewropew u tal-Kunsill ta' l-20 ta' Diċembru 2000 li tistabbilixxi qafas Komunitarju għal koperazzjoni fil-qasam tat-tniġġis ta' l-ibħra, sewwa jekk aċċidentali u sewwa jekk deliberatament (8) din id-Deċiżjoni għandha tkopri r-reazzjoni għal emerġenzi ta' tniġġis aċċidentali ta' l-ibħra permezz tal-Mekkaniżmu. Huwa meħtieġ li l-aspetti ta' preparazzjoni u tal-prevenzjoni jkunu koperti minn strumenti oħra bħar-Regolament (KE) Nru 1406/2002 tal-Parlament Ewropew u tal-Kunsill tas-27 ta' Ġunju 2002 li jistabbilixxi l-Aġenzija Marittima Ewropea tas-Sigurtà (9).

(12)

Sabiex tiġi żgurata l-effikaċja tal-funzjonament ta' l-Istrument, huwa kunsiljabbli li l-azzjonijiet li għalihom tingħata l-assistenza finanzjarja jkollhom il-potenzjal li jikkontribwixxu b'mod prattiku u f'waqtu għall-prevenzjoni ta', u preparazzjoni għal, emerġenzi u għal reazzjoni rapida għal emerġenzi gravi.

(13)

Huwa kunsiljabbli li l-Mekkaniżmu jiġi appoġġat minn sistema effikaċi u integrata ta' skoperta u ta' twissija bikrija li tkun tista' tallerta lill-Istati Membri u lill-Komunità dwar diżastri jew theddid ta' diżastri li jistgħu jolqtu t-territorju ta' l-Istati Membri. Waqt li d-deċiżjonijiet dwar il-ħolqien ta' tali sistemi għandhom isiru taħt strumenti speċifiċi oħrajn, l-Istrument għandu — billi l-Mekkaniżmu huwa utent — jikkontribwixxi għall-ħolqien ta' tali sistemi billi jindika dak li hu meħtieġ u billi jiżgura li dawk is-sistemi jkunu kemm interkonnessi kif ukoll konnessi mal-Mekkaniżmu. Ladarba dawn is-sistemi jkunu stabbiliti, il-Mekkaniżmu għandu jagħmel użu sħiħ minnhom u għandu jikkontribwixxi għall-iżvilupp tagħhom permezz tal-mezzi kollha li diversament ikunu disponibbli taħt din id-Deċiżjoni.

(14)

Il-Kummissjoni għandha tipprovdi s-sostenn loġistiku adegwat għall-esperti skjerati minnha għall-finijiet ta' valutazzjoni u/jew koordinazzjoni.

(15)

Hija r-responsabbiltà ta' l-Istati Membri li jipprovdu tagħmir u trasport għall-assistenza għall-protezzjoni ċivili li huma joffru fil-qafas tal-Mekkaniżmu. L-Istati Membri għandhom jipprovdu wkoll sostenn loġistiku adegwat għall-gruppi jew moduli ta' intervent skjerati minnhom.

(16)

Il-Kummissjoni madankollu għandha rwol fl-appoġġ ta' l-Istati Membri billi tiffaċilita l-akkomunament tar-riżorsi tat-trasport u t-tagħmir ta' l-Istati Membri. Il-Kummissjoni tista' wkoll tassisti lill-Istati Membri sabiex jidentifikaw, u tiffaċilita l-aċċess tagħhom għal, riżorsi tat-trasport li jistgħu jkunu disponibbli minn sorsi oħrajn, inkluż is-suq kummerċjali. Il-Kummissjoni tista' tassisti lill-Istati Membri sabiex jidentifikaw it-tagħmir li jista' jkun disponibbli minn sorsi oħrajn.

(17)

Il-Kummissjoni għandha wkoll tkun f'pożizzjoni li tikkomplementa, fejn meħtieġ, it-trasport provdut mill-Istati Membri billi tiffinanzja trasport addizzjonali meħtieġ sabiex jiġi żgurat it-twassil f'waqtu, u l-effikaċja, tar-reazzjoni mill-protezzjoni ċivili taħt il-Mekkaniżmu. Tali finanzjament għandu jkun suġġett għal ċerti kriterji u għar-rimborż ta' parti mill-finanzjament riċevut.

(18)

Huwa kunsiljabbli li l-għoti ta' kuntratti ta' akkwist pubbliku u ta' għotjiet taħt l-Istrument jiġu implimentati skond ir-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (10) (ir-“Regolament Finanzjarju”). Minħabba n-natura speċifika ta' l-azzjoni fil-qasam tal-protezzjoni ċivili, huwa xieraq li tiġi prevista l-possibbiltà li tingħata wkoll assistenza finanzjarja lil persuni fiżiċi. Huwa wkoll importanti li r-regoli ta' dak ir-Regolament ikunu ġew sodisfatti, b'mod partikolari fir-rigward tal-prinċipji ta' ekonomija, effiċjenza u effikaċja stabbiliti fih.

(19)

Huwa kunsiljabbli li tkun possibbli l-parteċipazzjoni ta' pajjiżi terzi fl-Istrument.

(20)

Fejn il-Mekkaniżmu jkun qed iwieġeb għal talba għall-assistenza barra mill-Komunità bħala parti mir-reazzjoni umanitarja globali tal-Komunità, ikun ta' importanza partikolari li għandu jkun hemm komplementarjetà u koerenza bejn l-azzjonijiet taħt din id-Deċiżjoni u l-azzjonijiet finanzjati taħt ir-Regolament (KE) Nru 1257/96, u li l-azzjonijiet taħt din id-Deċiżjoni jkunu regolati mill-prinċipji umanitarji stabbiliti f'dak ir-Regolament, jiġifieri li dawk l-azzjonijiet għandhom, kif inhi r-regola ġenerali fil-protezzjoni ċivili, ikunu non-diskriminatorji, indipendenti, imparzjali u skond il-ħtiġijiet u l-interessi tal-vittma.

(21)

Għandhom jiġu żgurati l-koordinazzjoni u l-konsistenza ma' l-azzjonijiet ta' organizzazzjonijiet u aġenziji internazzjonali għal interventi f'pajjiżi terzi.

(22)

Sabiex tissaħħaħ l-abbiltà tal-Kummissjoni sabiex issegwi l-implimentazzjoni ta' din id-Deċiżjoni, għandu jkun possibbli, fuq l-inizjattiva tal-Kummissjoni, li jiġi finanzjat l-infiq relatat mal-monitoraġġ, kontroll, verifika u valutazzjoni tagħha.

(23)

Huwa meħtieġ li jsir provvediment adatt sabiex jiġi żgurat il-monitoraġġ adegwat ta' l-implimentazzjoni ta' l-azzjonijiet li jirċievu assistenza finanzjarja taħt l-Istrument.

(24)

Għandhom jittieħdu wkoll miżuri adegwati għall-prevenzjoni ta' irregolaritajiet u frodi u għandhom jittieħdu l-passi meħtieġa sabiex jiġu rkuprati fondi mitlufa, imħallsa indebitament jew użati skorrettament skond ir-Regolament tal-Kunsill (KE, Euratom) Nru 2988/95 tat-18 ta' Diċembru 1995 dwar il-protezzjoni ta' l-interessi finanzjarji tal-Komunità (11), ir-Regolament tal-Kunsill (Euratom, KE) Nru 2185/96 tal-11 ta' Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolaritajiet oħra (12) u r-Regolament (KE) Nru 1073/1999 tal-Parlament Ewropew u tal-Kunsill tal-25 ta' Mejju 1999 dwar investigazzjonijiet immexxija mill-Uffiċċju Ewropew Kontra l-Frodi (OLAF) (13).

(25)

Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' l-implimentazzjoni konferiti lill-Kummissjoni (14), b'distinzjoni magħmula bejn dawk il-miżuri li jkunu suġġetti għall-proċedura ta' l-amministrazzjoni u dawk li jkunu suġġetti għall-proċedura regolatorja, fejn dan ta' l-aħħar, f'ċerti każijiet, minħabba l-importanza tal-miżuri li għandhom jittieħdu, ikun l-aktar adegwat.

(26)

Huwa inkluż f'din id-Deċiżjoni ammont finanzjarju ta' referenza, fis-sens tal-punt 38 tal-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar dixxiplina baġitarja u l-amministrazzjoni finanzjarja tajba (15), għat-tul taż-żmien kollu ta' l-Istrument, mingħajr ma jiġu milquta, minnu, is-setgħat ta' l-awtorità baġitarja kif definiti mit-Trattat ta' l-KE. Huwa mifhum li dan l-ammont għandu jiġi parzjalment finanzjat mis-subintestatura 3B -“Ċittadinanza”- u parzjalment mis-subintestatura 4 -“L-UE bħala msieħba globali”- tal-qafas finanzjarju 2007-2013.

(27)

L-implimentazzjoni ta' din id-Deċiżjoni għandha tiġi valutata regolarment.

(28)

Ladarba l-għanijiet ta' din id-Deċiżjoni ma jistgħux jinkisbu b'mod sodisfaċenti mill-Istati Membri jaġixxu waħedhom u għalhekk jistgħu, minħabba l-iskala u l-effetti ta' l-azzjonijiet li jiġu finanzjati taħt l-Istrument, b'kont meħud tal-benefiċċji f'termini ta' tnaqqis ta' mwiet, ta' korrimenti, ta' dannu ambjentali, ekonomiku u materjali, jinkisbu aħjar fil-livell Komunitarju, il-Komunità tista' tadotta miżuri skond il-prinċipju ta' sussidjarjetà kif stabbilit fl-Artikolu 5 tat-Trattat tal-KE. Skond il-prinċipju ta' proporzjonalità, kif stabbilit f'dak l-Artikolu, din id-Deċiżjoni ma tmurx lil hinn minn dak li huwa meħtieġ sabiex jinkisbu dawk l-għanijiet.

(29)

It-Trattat tal-KE u t-Trattat Euratom ma jipprovdu għall-ebda setgħa, ħlief għal dawk taħt l-Artikoli 308 u 203, rispettivament, għall-adozzjoni ta' din id-Deċiżjoni,

(a)

azzjonijiet fil-qasam tal-mekkaniżmu Komunitarju għall-faċilitazzjoni tal-koperazzjoni msaħħa fl-interventi ta' assistenza fil-protezzjoni ċivili (il-“Mekkaniżmu”);

(b)

miżuri ta' prevenzjoni jew ta' tnaqqis ta' l-effetti ta' emerġenza; u

(ċ)

azzjonijiet imfassla sabiex isaħħu l-preparazzjoni tal-Komunità għal reazzjonijiet għall-emerġenzi, inklużi azzjonijiet li jżidu l-għarfien taċ-ċittadini ta' l-UE.

(a)

azzjonijiet li jaqgħu taħt ir-Regolament (KE) Nru 1717/2006;

(b)

azzjonijiet u miżuri li jaqgħu taħt leġiżlazzjoni Komunitarja li tikkonċerna programmi ta' azzjoni Komunitarja fil-qasam tas-saħħa;

(ċ)

azzjonijiet u miżuri li jaqgħu taħt id-Deċiżjoni Nru 1926/2006/KE;

(d)

azzjonijiet li jaqgħu taħt id-Deċiżjoni 2007/124/KE, Euratom;

(e)

azzjonijiet li jaqgħu taħt ir-Regolament (KE) Nru 1257/96, mingħajr preġudizzju għall-Artikolu 4(2)(ċ) ta' din id-Deċiżjoni;

(f)

azzjonijiet li jaqgħu taħt ir-Regolament (KE) Nru 1406/2002.

(a)

“emerġenza” tfisser kwalunkwe sitwazzjoni li jkollha jew li jista' jkollha impatt negattiv fuq in-nies, l-ambjent jew il-proprjetà;

(b)

“emerġenza gravi” tfisser kwalunkwe sitwazzjoni li għandha jew li jista' jkollha impatt negattiv fuq in-nies, fuq l-ambjent jew fuq il-proprjetà u li tista' tirriżulta f'sejħa għall-assistenza taħt il-Mekkaniżmu;

(ċ)

“reazzjoni” tfisser kwalunkwe azzjoni meħuda taħt il-Mekkaniżmu waqt jew wara emerġenza gravi sabiex jiġu indirizzati l-konsegwenzi immedjati tagħha;

(d)

“preparazzjoni” tfisser stat preparat u kapaċità ta' mezzi umani u materjali li jippermettilhom jiżguraw reazzjoni rapida u effikaċi għal emerġenza, miksuba bħala riżultat ta' azzjoni meħuda minn qabel;

(e)

“prevenzjoni” tfisser kwalunkwe azzjoni li ssostni lill-Istati Membri fil-prevenzjoni ta' riskji jew fit-tnaqqis ta' ħsara lin-nies, lill-ambjent jew lill-proprjetà bħala riżultat ta' emerġenzi;

(f)

“twissija bikrija” tfisser l-għoti f'waqtu u effikaċi ta' informazzjoni li tippermetti t-teħid ta' azzjoni sabiex jiġu evitati jew jitnaqqsu r-riskji u sabiex tiġi żgurata l-preparazzjoni għal reazzjoni effikaċi.

(a)

studji, stharrig, modellar u tiswir ta' xenarji sabiex:

(b)

taħriġ, eżerċizzji, workshops, skambju ta' persunal u ta' esperti, ħolqien ta' networks, proġetti ta' dimostrazzjoni u trasferiment ta' teknoloġija għat-titjib tal-prevenzjoni, tal-preparazzjoni, u ta' reazzjoni effikaċi;

(ċ)

informazzjoni pubblika, edukazzjoni u sensibilizzazzjoni tal-kuxjenza pubblika u azzjonijiet assoċjati ta' disseminazzjoni, sabiex jiġu minimizzati l-effetti ta' emerġenzi fuq iċ-ċittadini ta' l-UE u sabiex tingħata għajnuna liċ-ċittadini ta' l-UE sabiex jipproteġu lilhom infushom b'mod aktar effettiv;

(d)

manutenzjoni tal-funzjonijiet provduti miċ-Ċentru ta' Monitoraġġ u Informazzjoni tal-Mekkaniżmu (ĊMI) sabiex tiġi ffaċilitata reazzjoni rapida fil-każ ta' emerġenza gravi;

(e)

azzjonijiet u miżuri ta' komunikazzjoni sabiex jippromwovu l-viżibbiltà tar-reazzjoni tal-Komunità;

(f)

kontribut għall-iżvilupp ta' sistemi ta' skoperta u ta' twissija bikrija għal diżastri li jistgħu jolqtu t-territorju ta' l-Istati Membri, sabiex jippermettu reazzjoni rapida mill-Istati Membri u mill-Komunità, kif ukoll għall-istabbiliment ta' tali sistemi permezz ta' studji u valutazzjonijiet dwar il-ħtieġa u l-fattibbiltà ta' dawk is-sistemi u permezz ta' azzjonijiet għall-promozzjoni ta' l-interkonnessjonijiet tagħhom u tal-konnessjoni tagħhom maċ-ĊMI u mas-sistema CECIS msemmija fil-punt (g). Dawk is-sistemi għandhom jieħdu kont ta', u jibnu fuq, sorsi eżistenti ta' informazzjoni, monitoraġġ jew skoperta;

(g)

l-istabbiliment u l-manutenzjoni ta' sistema komuni protetta ta' emerġenza għall-komunikazzjoni u informazzjoni (CECIS) u għodod sabiex jippermettu l-komunikazzjoni u l-kondiviżjoni ta' informazzjoni bejn iċ-ĊMI u l-punti ta' kuntatt ta' l-Istati Membri u ta' parteċipanti oħra fil-kuntest tal-Mekkaniżmu;

(h)

monitoraġġ, valutazzjoni u attivitajiet ta' valutazzjoni;

(i)

stabbiliment ta' programm ta' tagħlim meħud minn interventi u eżerċizzji fil-kuntest tal-Mekkaniżmu.

(a)

l-iskjerament ta' esperti għall-valutazzjoni u koordinazzjoni flimkien mat-tagħmir tagħhom ta' appoġġ, partikolarment għodod għall-komunikazzjoni, sabiex jiffaċilitaw l-għoti ta' assistenza u l-koperazzjoni ma' atturi oħrajn preżenti;

(b)

appoġġ għall-Istati Membri sabiex jinkiseb aċċess għal tagħmir u riżorsi tat-trasport permezz ta':

(ċ)

il-komplementazzjoni tat-trasport provdut mill-Istati Membri bil-finanzjament ta' riżorsi addizzjonali tat-trasport meħtieġa sabiex tiġi żgurata reazzjoni rapida għal emerġenzi gravi li jaqgħu fl-ambitu ta' l-Artikolu 1. Tali azzjonijiet għandhom ikunu eliġibbli għall-assistenza finanzjarja taħt l-Istrument biss jekk jintlaħqu l-kriterji li ġejjin:

3.

(a)

mhux aktar tard mill-31 ta' Diċembru 2008, l-ewwel rapport ta' valutazzjoni dwar l-aspetti kwalitattivi u kwantitattivi ta' l-implimentazzjoni ta' l-Artikolu 4(2)(b)(ċ) u (3). Dan ir-rapport għandu jieħu kont tar-riżultati ta' analiżi mwettqa b'mod konġunt mill-Kummissjoni u l-Istati Membri, sal-31 ta' Diċembru 2007, dwar il-ħtiġijiet ta' trasport u ta' tagħmir li rriżultaw f'interventi kbar għall-protezzjoni ċivili u l-miżuri meħuda taħt din id-Deċiżjoni sabiex jiġu indirizzati dawn il-ħtiġijiet.

Jekk jidher meħtieġ fid-dawl tal-konklużjonijiet ta' dan ir-rapport:

(b)

mhux aktar tard mit-30 ta' Ġunju 2010, rapport ta' valutazzjoni interim dwar ir-riżultati miksuba u l-aspetti kwalitattivi u kwantitattivi ta' l-implimentazzjoni ta' din id-Deċiżjoni;

(ċ)

mhux aktar tard mill-31 ta' Diċembru 2011, komunikazzjoni dwar il-kontinwazzjoni ta' din id-Deċiżjoni;

(d)

mhux aktar tard mill-31 ta' Diċembru 2014, rapport ta' valutazzjoni ex-post.