29.11.2008   

MT

Il-Ġurnal Uffiċjali ta’ l-Unjoni Ewropea

430

(1)

Għall-Istati Membri li qed jagħmlu użu mill-għażla mogħtija fl-Artikolu 62 tar-Regolament (KE) Nru 1782/2003, il-limiti nazzjonali stabbiliti fl-Anness VIII ta’ dak ir-Regolament għandhom jiġu riveduti abbażi ta’ l-informazzjoni kkomunikata skond l-Artikolu 145(i) tiegħu.

(2)

Il-kontribuzzjoni finanzjarja tal-Komunità għal programmi ta’ appoġġ b’miżuri speċifiċi għal għajnuna għat-trobbija tal-bhejjem fir-reġjuni l-aktar il-bogħod hija prevista sa mis-sena 2006 fl-Artikolu 23 tar-Regolament tal-Kunsill (KE) Nru 247/2006 tat-30 ta’ Jannar 2006 li jistabbilixxi miżuri speċifiċi għall-agrikultura fir-reġjuni l-aktar il-bogħod ta’ l-Unjoni (2). L-Istati Membri kkonċernati għandhom għalhekk inaqqsu mil-limiti nazzjonali stabbiliti fl-Anness VIII tar-Regolament (KE) Nru 1782/2003 l-ammont tal-kontribuzzjoni li tikkorrispondi għal dawk il-miżuri speċifiċi inizjalment inklużi fl-Anness VIII.

(3)

Il-limiti nazzjonali stabbiliti fil-punt K(2) ta’ l-Anness VII tar-Regolament (KE) Nru 1782/2003 għandhom jiġu aġġustati sabiex titqies id-dejta l-aktar reċenti dwar iċ-ċikwejra u l-limiti nazzjonali stabbiliti fl-Anness VIII ta’ dak ir-Regolament għandhom jiġu emendati skond dan, iżda mingħajr ma jinbidlu l-ammonti totali.

(4)

Il-limiti stabbiliti fil-punt K(2) ta’ l-Anness VII tar-Regolament (KE) Nru 1782/2003 għandhom jiġu emendati wkoll sabiex jitqiesu l-kwantitajiet ta’ zokkor prodott fil-kwoti u ġulepp ta’ l-inulina prodott fil-kwota li ġew prodotti fi Stat Membru wieħed minn pitravi u ċikwejra mkabbra fi Stat Membru ieħor matul is-snin tas-suq 2000/01 sa 2005/06. Il-limiti nazzjonali stabbiliti fl-Annessi VIII u VIIIa ta’ dak ir-Regolament għandhom jiġu emendati skond dan.

(5)

Għall-Istati Membri li implimentaw l-Iskema ta’ Pagament Uniku prevista fit-Titolu III tar-Regolament (KE) Nru 1782/2003 fl-2006, il-limiti finanzjarji għal kull wieħed mill-pagamenti msemmija fl-Artikoli 66 sa 69 ta’ dak ir-Regolament għandhom jiġu ffissati għas-sena 2006 skond il-kondizzjonijiet stabbiliti fis-Sezzjoni 2 tat-Titolu III.

(6)

Għall-Istati Membri li għamlu użu, fl-2006, ta’ l-għażla prevista fl-Artikolu 70 tar-Regolament (KE) Nru 1782/2003, il-limiti finanzjarji li japplikaw għall-pagamenti diretti li huma esklużi mill-Iskema ta’ Pagament Uniku għandhom jiġu ffissati għas-sena 2006.

(7)

Għall-Istati Membri li għamlu użu mill-perjodu tranżizzjonali previst fl-Artikolu 71 tar-Regolament (KE) Nru 1782/2003, il-limiti finanzjarji li japplikaw għall-pagamenti diretti elenkati fl-Anness VI ta’ dak ir-Regolament għandhom jiġu ffissati għas-sena 2006.

(8)

L-ammont massimu ta’ għajnuna għall-imsaġar taż-żebbuġ imsemmija fl-Artikolu 110i(3) tar-Regolament (KE) Nru 1782/2003 għandu jiġi aġġustat skond il-valur tal-koeffiċjent imsemmi fl-Anness VII(H) u ta’ l-ammont miżmum skond l-Artikolu 110i(4), notifikat mill-Istati Membri kkonċernati, u l-limiti nazzjonali stabbiliti fl-Anness VIII għandhom jiġu aġġustati skond dan. Ma għandu jiġi ffissat l-ebda ammont għal Stati Membri li ddeċidew li jistabbilixxu l-koeffiċjent previst skond l-Anness VII(H)(1).

(9)

L-ammont massimu ta’ kontribuzzjoni Komunitarja għall-iffinanzjar ta’ programmi ta’ ħidma mfassla minn organizzazzjonijiet iċċertifikati ta’ operaturi fis-settur taż-żejt taż-żebbuġa għandu jiġi stabbilit, skond il-koeffiċjent applikat għall-ammont miżmum skond l-Artikolu 110(i)(4) tar-Regolament (KE) Nru 1782/2003, notifikat mill-Istati Membri kkonċernati.

(10)

L-ammont massimu ta’ għajnuna għat-tabakk imsemmi fl-Artikolu 110l(1) tar-Regolament (KE) Nru 1782/2003 għandu jiġi aġġustat skond il-valur tal-koeffiċjent imsemmi fl-Anness VII(I), notifikat mill-Istati Membri kkonċernati, u l-limiti nazzjonali stabbiliti fl-Anness VIII ta’ dak ir-Regolament għandhom jiġu aġġustati skond dan. Ma għandu jiġi ffissat l-ebda ammont għal Stati Membri li ddeċidew li jistabbilixxu l-koeffiċjent previst skond l-Anness VII(I)(1).

(11)

Għall-fini ta’ ċarezza, huwa xieraq li jiġu ppubblikati l-limiti finanzjarji għall-Iskema ta’ Pagament Uniku għall-2006 wara t-tnaqqis, mil-limiti riveduti ta’ l-Anness VIII tar-Regolament (KE) Nru 1782/2003, tal-limiti stabbiliti għall-pagamenti msemmija fl-Artikoli 66 sa 70 ta’ dak ir-Regolament.

(12)

L-ammont massimu ta’ fondi disponibbli għall-Istati Membri li ssieħbu ma’ l-Unjoni Ewropea fl-2004 u li japplikaw l-Iskema ta’ Pagament Uniku għall-għoti ta’ pagamenti separati għaz-zokkor fl-2006 skond l-Artikolu 143ba tar-Regolament (KE) Nru 1782/2003 għandu jiġi stabbilit abbażi tan-notifiki tagħhom.

(13)

Għall-Istati Membri li ssieħbu ma’ l-Unjoni Ewropea fl-2004 u li jimplimentaw l-Iskema ta’ Pagament Uniku prevista fit-Titolu IVa tar-Regolament (KE) Nru 1782/2003 fl-2006, il-pakketti finanzjarji annwali għas-sena 2006 għandhom jiġu ffissati skond l-Artikolu 143b(3) ta’ dak ir-Regolament.

(14)

Ir-Regolament (KE) Nru 1782/2003 għandu jiġi emendat skond dan.

(15)

Il-miżuri stabbiliti f’dan ir-Regolament huma konformi ma’ l-opinjoni tal-Kumitat ta’ Ġestjoni għall-Pagamenti Diretti,

1)

fl-Artikolu 110i(3), l-ewwel sub-paragrafu, it-tabella tinbidel bit-tabella li ġejja:

2)

Fl-Artikolu 110l(1) it-tabella tinbidel bit-tabella li ġejja:

3)

Fl-Anness VII, punt K(2), it-tabella 1 tinbidel bit-tabella li tinsab fl-Anness VII ta’ dan ir-Regolament.

4)

L-Anness VIII jinbidel bit-test li jinsab fl-Anness VIII ta’ dan ir-Regoalment.

5)

L-Anness VIIIa jinbidel bit-test li jinsab fl-Anness IX ta’ dan ir-Regoalment.