|
1.12.2007 |
MT |
Il-Ġurnal Uffiċjali ta’ l-Unjoni Ewropea |
257 |
DIRETTIVA TAL-KUMMISSJONI 2006/78/KE
tad-29 ta' Settembru 2006
li temenda d-Direttiva tal-Kunsill 76/768/KEE, dwar il-prodotti kosmetiċi, għall-għanijiet ta’ adattament ta’ l-Anness II tagħha għall-progress tekniku
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 76/768/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar prodotti kożmetiċi (1), u b’mod partikolari l-Artikolu 8 (2) tagħha,
Wara li kkonsultat il-Kumitat Xjentifiku dwar il-Prodotti Kożmetiċi u l-Prodotti Mhux ta' l-Ikel maħsuba għall-Konsumaturi,
Billi:
|
(1) |
Prodotti sekondarji ta’ l-annimali li jaqgħu taħt Kategorija 1 materjal jew Kategorija 2 materjal skond ir-Regolament (EK) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jistabbilixxu regoli tas-saħħa dwar prodotti sekondarji ta’ l-annimali, li m’humiex maħsuba għall-konsum uman (2) huma projbiti li jidħlu fil-katina ta’ produzzjoni bħala prodott tekniku, bħalma huwa prodott kożmetiku. Il-materjali ta’ restrizzjoni li huma imposti fuq prodotti kożmetiċi magħmula fil-Komunita' għandhom jiġu estiżi sabiex ikopru prodotti impurtati. |
|
(2) |
Peress li l-materjal ta’ riskju speċifikat iddefinit fl-Anness V mar-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 jistabbilixxi regoli għall-prevenzjoni, kontroll u eradikazzjoni ta’ ċerti enċifalopatiji sponġiformi (3) li jittieħdu huma inklużi fil-Kategorija 1 materjal ipprovdut f’Regolament (KE) Nru 1774/2002, ir-referenza msemmija fl-Anness Nru 419 ta' Anness II għad-Direttiva 76/768/EEC mhix aktar neċessarja. |
|
(3) |
Skond l-Artikolu 22(1) tar-Regolament (KE) Nru 999/2001, id-dispożizzjonijiet ta’ Parti A ta’ l-Anness XI ta’ dak ir-Regolament japplikaw sad-data ta’ adozzjoni ta’ deċiżjoni skond l-Artikolu 5(2) jew (4) tiegħu, wara li Artikolu 8 ta’ dak il-Regolament u Anness V isiru applikabbli. |
|
(4) |
Id-Direttiva Nru 76/768/KEE għandha għalhekk tiġi emendata. |
|
(5) |
Il-miżuri previsti f’din id-Direttiva huma skond l-opinjoni tal-Kumitat Permanenti dwar il-Prodotti Kożmetiċi, |
ADOTTAT DIN ID-DIRETTIVA:
Artikolu 1
L-Anness II tad-Direttiva 76/768/KEE, Kapitolu 419 hu mibdul b’ li ġej:
|
“419. |
Kategorija 1 materjal u Kategorija 2 materjal kif iddefiniti fl-Artikolu 4 u 5 rispettivament tar-Regolament (EK) Nru 1774/2002 tal-Parlament Ewropew u tal-Kunsill (*), u ingredjenti miksuba minnhom. |
Artikolu 2
1. L-Istati Membri għandhom iġibu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva sa mhux iktar tard mill-30 ta' Marzu 2007. Għandhom jikkomunikaw minnufih lill-Kummissjoni t-test ta' dawk id-dispożizzjonijiet u tabella ta' korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawk id-dispożizzjonijiet, għandu jkun fihom referenza għal din id-Direttiva, jew ikunu akkumpanjati minn tali referenza, fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fit-tielet jum wara l-jum tal-pubblikazzjoni tagħha fil-Ġurnal Uffiċjali ta' l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmula fi Brussell, 29 ta' Settembru 2006.
Għall-Kummissjoni
Günter VERHEUGEN
Membru tal-Kummissjoni
(1) ĠU L 262, 27.9.1976, p. 169. Id-Direttiva kif l-aħħar emendata bid-Direttiva tal-Kummissjoni 2006/65/KE (ĠU L 198, 20.7.2006, p. 11).
(2) ĠU L 273, 10.10.2002, p. 1. Ir-Regolament kif l-aħħar emendat bir-Regolament tal-Kummissjoni (KE) 208/2006 (ĠU L 36, 8.2.2006, p. 25).
(3) ĠU L 147, 31.5.2001, p. 1. Ir-Regolament kif l-aħħar emendat bir-Regolament tal-Kummissjoni (KE) 1041/2006 (ĠU L 187, 8.7.2006, p. 10).