li jemenda r-Regolament (KE) Nru 1774/2002 tal-Parlament Ewropew u l-Kunsill dwar l-ipproċessar ta’ prodotti sekondarji li ġejjin mill-ħut u dokumenti kummerċjali għat-trasport ta' prodotti sekondarji li ġejjin mill-annimali

Wara li kkunsidrat ir-Regolament (KE) Nru 1774/2002 tal-Parlament Ewropew u tal-Kunsill tat-3 ta’ Ottubru 2002 li jistipula r-regoli tas-saħħa dwar il-prodotti sekondarji ta’ annimali u mhux intiżi għall-konsum uman (1), u b’mod partikolari l-Artikolu 32(1) tiegħu,

L-Annessi V u II tar-Regolament (KE) Nru 1774/2002 huma amendati skond l-Anness ta’ dan ir-Regolament.

Dan ir-Regolament għandu jidħol fis-seħħ fit-tielet jum wara dak tal-pubblikazzjoni fil-Ġurnal Uffiċjali tal-Unjoni Ewropea.

ANNESS

L-Annessi II u V tar-Regolament (KE) Nru 1774/2002 huma emendati kif ġej:

Fl-Anness V tal-Kapitolu III, il-Metodu 6 qed jiġi mibdul b'dan li ġej:

“Metodu 6

Għall-prodotti sekondarji li ġejjin mill-ħut biss u li jaqgħu fil-Kategorija 3

Tnaqqis

Il-prodotti sekondarji ta’ l-annimali jridu jitnaqqsu mill-anqas sa:

a)	50 millimetru f’każ ta’ trattament bis-sħana skond il-paragrafu 2(a), jew

b)	30 millimetru f’każ ta’ trattament bis-sħana skond il-paragrafu 2(b),

Dawn iridu wkoll jitħalltu ma' l-aċidu formiku sabiex jitnaqqas u jinżamm il-pH sa 4.0 jew anqas. It-taħlita trid tinħażen għal mill-anqas 24 siegħa sakemm ikun hemm trattament ulterjuri.

Ħin u temperatura

Wara t-tnaqqis, it-taħlita trid tiġi msaħħna sa:

a)	it-temperatura prinċipali ta’ mill-anqas 90 °C għal mill-anqas 60 minuta, jew

b)	it-temperatura prinċipali ta’ mill-anqas 70 °C għal mill-anqas 60 minuta.

Meta tintuża sistema ta’ flussi kontinwi, il-progressjoni tal-prodott fil-konvertitur tas-sħana trid tiġi kkontrollata permezz ta’ kmandi mekkaniċi li jillimitaw iċ-ċaqlieq b’tali mod illi fl-aħħar ta’ l-operazzjoni tat-trattament bis-sħana il-prodott ikun għadda minn ċiklu li jkollu ħin u temperatura biżżejjed.”

Fl-Anness II, qed jiġi miżjud il-Kapitolu li ġej bħala l-Kapitolu X:

“KAPITOLU X

Dokument kummerċjali

Id-dokument kummerċjali li ġej għandu jakkumpanja l-prodotti sekondarji li ġejjin mill-annimali u l-prodotti pproċessati tul it-trasport. Madanakollu, l-Istati Membri jistgħu jiddeċiedu li jużaw dokument kummerċjali differenti għall-prodotti sekondarji li ġejjin mill-annimali u li jiġu trasportati fi ħdan l-Istess Stat Membru.

Meta jkun involut aktar minn trasportatur wieħed, kull trasportatur għandu jimla dikjarazzjoni kif imsemmi fil-punt 7 tad-dokument kummerċjali, li għandu jkun parti mid-dokument.

MUDELL TA’ DOKUMENT KUMMERĊJALI BIEX JINTUŻA GĦAT-TRASPORT FI ĦDAN IL-KOMUNITÀ EWROPEA TA’ PRODOTTI SEKONDARJI TA’ L-ANNIMALI U PRODOTTI PPROĊESSATI

Noti

a)	Għandhom jiġu prodotti dokumenti kummerċjali skond il-mudell li jidher f’dan l-Anness. Dan għandu jkun fih, fl-ordni enumerat li jidher fil-mudell, l-attestazzjonijiet meħtieġa għat-trasport tal-prodotti sekondarji ta' l-annimali u l-prodotti pproċessati li jinkisbu minnhom.

Għandu jiġi mfassal f’waħda mil-lingwi uffiċjali ta' l-Istat Membru ta' l-UE ta' l-oriġini jew tad-destinazzjoni, skond il-każ. Madanakollu, jista’ jiġi mfassal ukoll f’lingwi oħrajn ta’ l-UE, jekk ikun akkumpanjat minn traduzzjoni uffiċjali jew jekk taqbel ma’ dan minn qabel l-awtorità kompetenti ta’ l-Istat Membru tad-destinazzjoni.

ċ)	Id-dokument kummerċjali jrid jiġi prodott mill-anqas fi tlett kopji (oriġinal wieħed u żewġ kopji). L-oriġinal irid jakkumpanja l-kunsinna sad-destinazzjoni finali tagħha. Il-persuna li tkun qed tirċievi trid iżżommu. Il-produttur irid iżomm waħda mill-kopji u l-oħra trid tinżamm mill-kurrier.

d)	L-oriġinali ta’ kull dokument kummerċjali trid tkun magħmula minn paġna waħda, żewġ nahat, jew fejn ikun hemm bżonn ta’ aktar ktiba għandha tkun f’tali forma li l-paġni kollha bżonnjużi jkunu jiffurmaw parti minn ħaġa waħda u indiviżibbli.

e)	Jekk għal skopijiet ta’ identifikazzjoni ta’ l-oġġetti tal-kunsinna jiġu mehmuża paġni addizjonali mad-dokument, dawn il-paġni għandhom jiġu kkunsidrati wkoll bħala parti mill-oriġinali tad-dokument billi titpoġġa l-firma tal-persuna responsabbli, f’kull waħda mill-paġni.

Meta d-dokument, inkluż il-paġni addizzjonali msemmija f' e), jkun fih aktar minn paġna waħda, kull paġna għandha tkun enumerata - (numru tal-paġna) minn (numru totali ta’ paġni) – fin-naħa t’isfel u għandu jkun fiha n-numru tal-kodiċi tad-dokument li jkun ġie mogħti mill-persuna responsabbli fin-naħa ta’ fuq.

L-oriġinal tad-dokument irid jitlesta u jiġi ffirmat mill-persuna responsabbli. Waqt li tagħmel dan, il-persuna responsabbli għandha tiżgura illi l-prinċipji tad-dokumentazzjoni kif stipulati fl-Anness II tal-Kapitolu II tar-Regolament (KE) Nru 1774/2002 jiġu segwiti. Id-dokument kummerċjali għandhom jispeċifikaw:

—	id-data li fiha l-materjal ikun ittieħed minn fuq il-post;

—	id-deskrizzjoni tal-materjal, inkluż l-identifikazzjoni tal-materjal, l-ispeċji ta’ l-annimali għall-materjal tal-Kategorija 3 u l-prodotti pproċessati li ġejjin minnhom għall-użu bħala għalf u, jekk dan ikun applikabbli, in-numru tat-tikketta ta’ fuq il-widna;

—	il-kwantità tal-materjal;

—	il-post ta’ l-oriġini tal-materjal;

—	l-isem u l-indirizz tal-kurrier;

—	l-isem u l-indirizz tal-persuna li tkun qed tirċievi, u, skond il-każ, in-numru ta’ l-approvazzjoni; u

—	skond il-każ, in-numru ta’ l-approvazzjoni ta' l-impjant ta' l-oriġini, u l-għamla u l-metodi tat-trattament.

h)	Il-kulur tal-firma tal-persuna responsabbli għandha tkun differenti minn dik ta’ l-istampar.

i)	Id-dokument kummerċjali għandu jinżamm għal perijodu ta’ mill-anqas sentejn għall-preżentazzjoni lil — awtorità kompetenti sabiex tivverifika d-dokumenti msemmija fl-Artikolu 9 tar-Regolament (KE) Nru 1774/2002.

Test ta 'immaġni

Test ta 'immaġni

6. Dikjarazzjoni minn min jibgħat

Jien hawn taħt iffirmat, niddikjara illi:

6.1. Tikketta mwaħħla mal-kontejner/kaxxa/jew materjal ieħor ta' l-ippakkjar fiha l-indikazzjoni li ġejja (4):

a) Il-Kategorija tal-prodotti sekondarji ta’ l-annimali (6): …

…

b) fil-każ ta’ prodotti pproċessati, il-Kategorija ta’ prodotti sekondarji ta’ l-annimali li minnhom ġew il-prodotti pproċessati (6):

…

ċ)

i) fil-każ ta’ materjal tal-Kategorija 3, il-kliem “mhux għall-konsum uman”,

ii) fil-każ ta' materjal tal-Kategorija 2, ħlief għad-demel u kontenut ta' l-imsaren u prodotti pproċessat li ġejjin minnhom, il-kelmiet “mhu’ għall-konsum uman”,

iii) fil-każ ta’ materjal tal-Kategorija 2 intiż għall-għalf imsemmi fil-punt (ċ) ta' l-Artikolu 23(2) taħt il-kundizzjonijiet stipulati f'dak l-Artikolu tar-Regolament (KE) Nru 1774/2002, il-kelmiet “għall-għalf ta'…” li jitkomplew bl-isem ta' l-ispeċi speċifika ta' dawk l-annimal(i) li l-materjal huwa ntiż għall-għalf tagħhom.

iv) fil-każ tad-demel u tal-kontenut ta' l-imsaren, il-kelma “demel”; jew

v) fil-każ ta’ materjal tal-Kategorija 1 u prodotti pproċessati li ġejjin minnhom, il-kelmiet “għar-rimi biss”

6.2. fil-każ fejn l-ippakkjar isir mill-persuna li tibgħat il-prodotti sekondarji ta’ l-annimali u/jew il-prodotti pproċessati huma:

jew (4) [f’pakketti ssiġillati;]

jew (4) [trasportat bil-kwantità f’kontejners koperti kontra t-tnixxija jew vetturi jew mezzi oħra ta’ trasport li jkunu ġew imnaddfa sew u diżinfettati qabel l-użu;]

6.3. il-prodotti sekondarji ta’ l-annimali u/jew prodotti pproċessati ġew maħżuna kif suppost qabel ma' tgħabbew u qabel id-dispaċċ;

6.4. ittieħdu l-prekawzjonijiet kollha sabiex tiġi evitata l-kontaminazzjoni tal-prodotti sekondarji ta' l-annimali jew prodotti pproċessati b'aġenti patoġeniċi u kontaminazzjoni bejn diversi Kategoriji

Firma

Magħmula fi … nhar …

(post)

(data)

…

(firma tal-persuna responsabbli/min jibgħat) (8)

…

(isem, f'ittri majjuskoli)

Test ta 'immaġni

7. Dikjarazzjoni mit-trasportatur

Jien hawn taħt iffirmat, niddikjara illi:

7.1. fil-każ fejn l-ippakkjar isir mit-trasportatur, il-prodotti sekondarji ta’ l-annimali u/jew il-prodotti pproċessati huma:

jew (4) [f’pakketti ssiġillati;]

jew (4) [trasportat bil-kwantità f’kontejners koperti kontra t-tnixxija jew vetturi jew mezzi oħra ta’ trasport li jkunu ġew imnaddfa sew u diżinfettati qabel u wara t-trasport tal-konsenja paritkolari;]

7.2. ittieħdu l-prekawzjonijiet kollha:

biex tiġi evitata l-kontaminazzjoni tal-prodotti sekondarji ta’ l-annimali jew prodotti pproċessati b’aġenti patoġeniċi u kontaminazzjoni bejn diversi Kategoriji tul it-trasport; u

sabiex tiżgura t-trasportazzjoni fit-temperatura tajba sabiex jiġu evitat r-riskji għas-saħħa ta’ l-annimali jew tal-pubbliku

Firma

Magħmula fi … nhar …

(post)

(data)

…

(firma tal-persuna responsabbli/trasportatur) (8)

…

(isem, f'ittri majjuskoli)

Noti:

(1) ĠU L 273, 10.10.2002, p. 1.

(2) “Kunsinna” tfisser “kwantità ta’ prodotti ta’ l-istess tip, li jista’ jkun fihom Kategoriji differenti ta’ prodotti sekondarji ta’ l-annimali, li ġejjin mill-istess persuna li tikkonsenja u koperti mill-istess dokument kummerċjali mgħoddi bl-istess mezzi ta' trasport lill-istess riċevitur”.

(3) Numru ta’ referenza provdut mill-persuna responsabbli għal skopijiet ta’ rintraċċibilità.

(4) Ħassar skond il-każ.

(5) Fejn issir kunsinna ta' aktar minn Kategorija waħda, jekk jogħġbok indika l-kwantità u fejn xieraq in-numru ta’ kontejners kull Kategorija ta’ materjali.

(6) Iddeskrivi t-tip ta’ prodotti sekondarji ta’ l-annimali u/jew prodotti pproċessati (e.ż. xaħmijiet likwidi, proteini pproċessati ta’ l-annimali, eċċ) u daħħal 1 jew 2 jew 3 biex tindika jekk humiex materjali tal-Kategoriji 1, 2 u/jew 3.

(7) Fil-każ ta’ prodotti sekondarji ta’ l-annimali għall-użu fl-ikel nej ta’ l-annimali jew fl-għalf ta’ annimali mkabbra għall-pil tagħhom, jekk jogħġbok speċifika jekk il-prodotti sekondarji ta’ l-annimali jkunux ġejjin minn:

Artikolu 6(1)(a) jiġifieri partijiet minn annimali maqtula, li kienu tajbin għall-konsum uman skond il-liġijiet tal-Komunità, iżda li mhumiex intiżi għall-konsum uman minħabba raġunijiet kummerċjali, jew

Artikolu 6(1)(b) jiġifieri partijiet minn annimali maqtula, li jkunu ġew rifjutati peress illi mhumiex tajbin għall-konsum uman iżda li mhumiex affettwati minn kwalunkwe sinjal ta’ mard li jista’ jittieħed mill-umani jew annimali u li ġejjin minn karkassi li mhumiex tajbin għall-konsum uman skond il-liġijiet tal-Komunità.

(8) Il-firma trid tkun f’kulur differenti minn dak ta' l-istampar.”