2.12.2008 |
MT |
Il-Ġurnal Uffiċjali ta’ l-Unjoni Ewropea |
L NaN/137 |
DEĊIŻJONI TAL-KUMMISSJONI
tal-25 ta’ Novembru 2005
rigward l-adeżjoni tal-Komunità Ewropea għall-Enerġija Atomika mal-Konvenzjoni dwar l-Assistenza fil-każ ta’ Inċident Nukleari jew Emerġenza Radjoloġika
(2005/845/Euratom)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea għall-Enerġija Atomika, b’mod partikolari t-tieni paragrafu tal-Artikolu 101 tiegħu,
Wara li kkunsidrat id-Deċiżjoni tal-Kunsill tat-23 ta’ Mejju 2005 li tapprova l-konklużjoni tal-Konvenzjoni dwar l-Assistenza f’każ ta’ Inċident Nukleari jew Emerġenza Radjoloġika,
Billi:
(1) |
Tlieta u għoxrin Stat Membru huma partijiet kontraenti għall-Konvenzjoni dwar l-Assistenza f’każ ta’ Inċident Nukleari jew Emerġenza Radjoloġika. |
(2) |
Il-Komunità Ewropea għall-Enerġija Atomika għandha tissieħeb fil-Konvenzjoni dwar l-Assistenza f’każ ta’ Inċident Nukleari u Emerġenza Radjoloġika. |
IDDEĊIDIET SKONT KIF ĠEJ:
Artikolu 1
L-adeżjoni mal-Konvenzjoni dwar l-Assistenza f’każ ta’ Inċident Nukleari jew Emerġenza Radjoloġika qed tiġi approvata bil-preżenti f’isem il-Komunità Ewropea għall-Enerġija Atomika.
It-test tal-Konvenzjoni dwar l-Assistenza f’każ ta’ Inċident Nukleari jew Emerġenza Radjoloġika u d-dikjarazzjoni mill-Komunità Ewropea għall-Enerġija Atomika skont id-dispożizzjonijiet tal-Artikolu 14(5)(c) ta’ dik il-Konvenzjoni huma mehmuża ma’ din id-Deċiżjoni.
Artikolu 2
L-istrument tal-adeżjoni għandu jiġi ddepożitat għand id-Direttur Ġenerali tal-Aġenzija Internazzjonali għall-Enerġija Atomika, id-depożitarju tal-Konvenzjoni dwar l-Assistenza f’każ ta’ Inċident Nukelari jew Emerġenza Radjoloġija, kemm jista’ jkun malajr wara l-adozzjoni ta’ din id-Deċiżjoni fil-forma ta’ ittra ffirmata mill-Kap tad-Delegazzjoni tal-Kummissjoni Ewropea lill-Organizzazzjonijiet Internazzjonali fi Vjenna.
Magħmul fi Brussell, 25 ta’ Novembru 2005.
Għall-Kummissjoni
Andris PIEBALGS
Membru tal-Kummissjoni
KONVENZJONI DWAR L-ASSISTENZA F’KAŻ TA’ INĊIDENT NUKLEARI JEW EMERĠENZA RADJOLOĠIKA
L-ISTATI PARTIJIET GĦAL DIN IL-KONVENZJONI,
FILWAQT LI HUMA KONXJI li qed isiru attivitajiet nukleari f’diversi Stati,
FILWAQT LI JINNUTAW li ttieħdu u qed jittieħdu miżuri komprensivi biex jiġi żgurat livell għoli ta’ sigurtà f’attivitajiet nukleari, immirati biex jevitaw inċidenti nukleari u biex jimminimizzaw il-konsegwenzi ta’ kwalunkwe inċident bħal dan, li kieku kellu jseħħ,
FILWAQT LI JINSABU XEWQANA li jsaħħu aktar il-kooperazzjoni internazzjonali fl-iżvilupp u fl-użu bla periklu tal-enerġija nukleari,
FILWAQT LI JINSABU KONVINTI mill-ħtieġa ta’ strument internazzjonali li jiffaċilita l-għoti immedjat ta’ assistenza fil-każ ta’ inċident nukleari jew emerġenza radjoloġika biex itaffu l-konsegwenzi,
FILWAQT LI JINNUTAW l-utilità ta’ arranġamenti bilaterali u multilaterali dwar l-assistenza reċiproka f’dan il-qasam,
FILWAQT LI JINNUTAW l-attivitajiet tal-Aġenzija Internazzjonali għall-Enerġija Atomika fl-iżvilupp ta’ linji gwida għal ftehimiet ta’ għanjuna reċiproka f’każi ta’ emerġenza b’rabta ma’ inċident nukleari jew emerġenza radjoloġika,
FTIEHMU dan li ġej:
Artikolu 1
Dispożizzjonijiet ġenerali
1. L-Istati Partijiet għandhom jikkooperaw bejniethom u mal-Aġenzija Internazzjonali għall-Enerġija Atomika (minn hawn’il quddiem imsejħa l-“Aġenzija”) skont id-dispożizzjonijiet ta’ din il-Konvenzjoni sabiex jiffaċilitaw l-assistenza immedjata fil-każ ta’ inċident nukleari jew emerġenza radjoloġika biex jimminimizzaw il-konsegwenzi u jipproteġu l-ħajja, il-proprjetà u l-ambjent mill-effetti ta’ rilaxxi radjuattivi.
2. Biex jiffaċilitaw din il-kooperazzjoni l-Istati Partijiet jistgħu jiftiehmu dwar arranġamenti bilaterali jew multilaterali jew, fejn jixraq, kombinazzjoni ta’ dawn, biex jiġu evitati jew imminimizzati l-korrmenti u l-ħsarat li jistgħu jirriżultaw f’każ ta’ inċident nukleari jew emerġenza radjoloġika.
3. L-Istati Partijiet jitolbu lill-Aġenzija, filwaqt li taġixxi fi ħdan il-qafas tal-Istatut tagħha, biex tuża l-aħjar sforzi tagħha skont id-dispożizzjonijiet ta’ din il-Konvenzjoni biex tippromwovi, tiffaċilita u tappoġġa l-kooperazzjoni bejn l-Istati Partijiet pprovduta f’din il-Konvenzjoni.
Artikolu 2
Għoti ta’ assistenza
1. Jekk Stat Parti jeħtieġ assistenza f’każ ta’ inċident nukleari jew emerġenza radjoloġika, kemm jekk tali inċident jew emerġenza joriġinaw fit-territorju, fil-ġuriżdizzjoni jew fil-kontroll tiegħu, u kemm jekk le, dan jista’ jitlob għal tali assistenza minn kwalunkwe Stat Parti ieħor, direttament jew permezz tal-Aġenzija, u mill-Aġenzija, jew, fejn jixraq, minn organizzazzjonijiet intergovernattivi internazzjonali oħra (minn hawn ’il quddiem imsejħa “organizzazzjonijiet internazzjonali”).
2. Stat Parti li jitlob din l-assistenza għandu jispeċifika l-ambitu u t-tip ta’ assistenza meħtieġa u, fejn ikun prattiku, jagħti lill-parti li tiprovdi l-assistenza bl-informazzjoni meħtieġa sabiex dik il-parti tkun tista’ tiddetermina sa liema punt hija tista’ tilqa’ t-talba. F’każ li ma jkunx prattiku għall-Istat Parti li jagħmel it-talba biex jispeċifika l-ambitu u t-tip ta’ assistenza meħtieġa, l-Istat Parti li jagħmel it-talba u l-parti li tipprovdi l-assistenza għandhom, wara li jikkonsultaw lil xulxin, jiddeċiedu dwar l-ambitu u t-tip ta’ għanjuna meħtieġa.
3. Kull Stat Parti li ssirlu talba għal din l-assistenza għandu jiddeċiedi minnufih u jinnotifika lill-Istat Parti li jagħmel it-talba, direttament jew permezz tal-Aġenzija, jekk huwiex f’pożizzjoni li jagħti l-assistenza mitluba, kif ukoll l-ambitu u t-termini tal-assistenza li tista’ tingħata.
4. L-Istati Partijiet għandhom, fil-limiti tal-kapaċitajiet tagħhom, jidentifikaw u jinnotifikaw lill-Aġenzija dwar l-esperti, it-tagħmir u l-materjali li jistgħu jkunu disponibbli għall-għoti ta’ assistenza lill-Istati Partijiet l-oħra f’każ ta’ inċident nukleari jew emerġenza radjoloġika kif ukoll it-termini, partikolament dawk finanzjarji, li taħthom din l-assistenza tista’ tingħata.
5. Kwalunkwe Stat Parti jista’ jitlob assistenza għal trattament mediku jew għar-rilokazzjoni temporanja fit-territorju ta’ Stat Parti ieħor ta’ persuni involuti f’inċident nukleari jew emerġenza radjoloġika.
6. L-Aġenzija għandha twieġeb, skont l-Istatut tagħha u kif previst f’din il-Konvenzjoni, lill-Istat Parti li jagħmel it-talba jew għat-talba ta’ Stat Membru li jitlob għal din l-assistenza fil-każ ta’ inċident nukleari jew emerġenza radjoloġika billi:
a. |
tagħmel disponibbli r-riżorsi xierqa allokati għal dan l-iskop; |
b. |
tittrażmetti mill-ewwel it-talba lill-Istati l-oħra u lill-organizzazzjonijiet internazzjonali li, skont l-informazzjoni tal-Aġenzija, jista’ jkollhom ir-riżorsi meħtieġa; u |
c. |
jekk tkun mitluba mill-Istat li jagħmel it-talba, tikkoordina l-assistenza li ssir disponibbli fuq livell internazzjonali. |
Artikolu 3
Direzzjoni u kontroll tal-assistenza
Sakemm ma jkunx miftiehem mod ieħor:
a. |
fuq livell ġenerali d-direzzjoni, il-kontroll, il-koordinazzjoni u s-superviżjoni tal-assistenza, fit-territorju tal-Istat li jagħmel it-talba, għandhom jaqgħu taħt il-kompetenza ta’ dan tal-aħħar. Il-parti li tipprovdi l-assistenza għandha, fejn din l-assistenza tinvolvi personal, taħtar f’konsultazzjoni mal-Istat li jagħmel it-talba, il-persuna li se tkun responsabbli u żżomm superviżjoni operattiva immedjata fuq l-personal u t-tagħmir fornut minnha. Il-persuna maħtura għandha teżerċita din is-superviżjoni f’kooperazzjoni mal-awtoritajiet kompetenti tal-Istat li jagħmel it-talba; |
b. |
l-Istat li jagħmel it-talba għandu jipprovdi, safejn ikun jista’, il-faċilitajiet u s-servizzi lokali għall-amministrazzjoni xierqa u effettiva tal-assistenza. Dan għandu jiżgura wkoll il-protezzjoni tal-personal, tat-tagħmir u tal-materjali miġjuba fit-territorju tiegħu jew f’isem il-parti li tagħmel it-talba għal dan il-għan; |
c. |
id-dritt ta’ proprjetà fuq it-tagħmir u l-materjali pprovduti minn kwalunkwe parti matul il-perjodi ta’ assistenza għandu jibqa’ bla mittiefes, filwaqt li jiġi żgurat ir-ritorn tagħhom; |
d. |
l-Istat Parti li jipprovdi l-assistenza b’reazzjoni għal talba skont id-dispożizzjonijiet tal-paragrafu 5 tal-Artikolu 2 għandu jikkoordina dik l-assistenza fi ħdan it-territorju tiegħu. |
Artikolu 4
Awtoritajiet kompetenti u punti ta’ kuntatt
1. Kull Stat Parti għandu jgħarraf lill-Aġenzija u lill-Istati Partijiet l-oħra, direttament jew permezz tal-Aġenzija, dwar l-awtoritajiet kompetenti u l-punt ta’ kuntatt tiegħu li huma awtorizzati biex jagħmlu u jirċievu talbiet għal u biex jaċċettaw offerti ta’ assistenza. Dawn il-punti ta’ kuntatt kif ukoll il-punt fokali fi ħdan l-Aġenzija għandhom ikunu disponibbli kontinwament.
2. Kull Stat Parti għandu jinforma minnufih lill-Aġenzija dwar kwalunkwe bidla li jista’ jkun hemm fl-informazzjoni msemmija fil-paragrafu 1.
3. L-Aġenzija għandha tipprovdi regolarment u bil-ħeffa lill-Istati Partijiet, lill-Istati Membri u lill-organizzazzjonjiet internazzjonali rilevanti l-informazzjoni msemmija fil-paragrafi 1 u 2.
Artikolu 5
Funzjonijiet tal-Aġenzija
L-Istati Partijiet jitolbu lill-Aġenzija, skont id-dispożizzjonijiet tal-paragrafu 3 tal-Artikolu 1 u mingħajr preġudizzju għad-dispożizzjonijiet l-oħra ta’ din il-Konvenzjoni, sabiex:
a. |
tiġbor u xxerred lill-Istati Partijiet u lill-Istati Membri informazzjoni dwar:
|
b. |
tagħti assistenza lil Stat Parti jew lil Stat Membru meta tiġi mitluba dwar dawn il-ħwejjeġ li ġejjin jew oħrajn xierqa:
|
c. |
tagħmel disponibbli lil Stat Parti jew lil Stat Membru li jitlob l-assistenza fil-każ ta’ inċident nukleari jew emerġenza radjoloġika r-riżorsi xierqa li jiġu allokati sabiex issir evalwazzjoni inizjali tal-inċident jew l-emerġenza; |
d. |
toffri lill-Istati Partijiet u lill-Istati Membri s-servizzi tagħha fil-każ ta’ inċident nukleari jew emerġenza radjoloġika; |
e. |
tistabbilixxi u żżomm kollegament mal-organizzazzjonijiet internazzjonali rilevanti sabiex tikseb u tiskambja l-informazzjoni u d-dejta rilevanti, u tittrażmetti lista ta’ dawn l-organizzazzjonijiet lill-Istati Partijiet, l-Istati Membri u l-organizzazzjonijiet imsemmija aktar ’il fuq. |
Artikolu 6
Kunfidenzjalità u dikjarazzjonijiet pubbliċi
1. L-Istat li jagħmel it-talba u l-parti li tipprovdi l-assistenza għandhom jiggarantixxu l-kunfidenzjalità ta’ kwalunkwe informazzjoni kunfidenzjali disponibbli lilhom b’rabta mal-assistenza fil-każ ta’ inċident nukleari jew emerġenza radjoloġika. Din l-informazzjoni għandha tintuża esklużivament għall-finijiet tal-assistenza miftiehma.
2. Il-parti li tipprovdi l-assistenza għandha tagħmel kull sforz sabiex tikkoordina mal-Istat li jagħmel it-talba qabel ma toħroġ kwalunkwe informazzjoni lill-pubbliku dwar l-assistenza li ngħatat b’rabta ma’ inċident nukleari jew emerġenza radjoloġika.
Artikolu 7
Rimborż tal-ispejjeż
1. Parti li tipprovdi l-assistenza tista’ toffri l-assistenza tagħha mingħajr spejjeż lill-Istat li jagħmel it-talba. Meta tikkunsidra jekk toffrix l-assistenza fuq din il-bażi, il-parti li tipprovdi l-assistenza għandha tqis:
a. |
in-natura tal-inċident nukleari jew l-emerġenza radjoloġika; |
b. |
il-post tal-oriġini tal-inċident nukleari jew l-emerġenza radjoloġika; |
c. |
il-ħtiġiet tal-pajjiżi li qed jiżviluppaw; |
d. |
il-ħtiġiet partikolari tal-pajjiżi li m’għandhomx faċilitajiet nukleari; u |
e. |
kwalunkwe fatturi rilevanti oħra. |
2. Meta l-assistenza tingħata kollha kemm hi jew parzjalment fuq bażi ta’ rimborż, l-Istat li jagħmel it-talba għandu jirrimborża lill-parti li tipprovdi l-assistenza għall-ispejjeż li jkunu saru għas-servizzi pprovduti minn persuni jew organizzazzjonijiet li jaġixxu f’ismu, u għall-ispejjeż kollha li jkunu saru b’rabta ma’ din l-assistenza, sakemm dawn l-ispejjeż ma jkunux tħallsu direttament mill-Istat li jagħmel it-talba. Sakemm mhux miftiehem mod ieħor, ir-rimborż għandu jsir fil-pront wara li l-parti li tipprovdi l-assistenza tkun ippreżentat it-talba tagħha għar-rimborż lill-Istat li jagħmel it-talba u, fir-rigward ta’ spejjeż minbarra spejjeż lokali, ikun trasferibbli b’mod liberu.
3. Minkejja l-paragrafu 2, il-parti li tipprovdi l-assistenza tista’ fi kwalunkwe żmien tirrinunzja, jew tiftiehem li tiddifferixxi, ir-rimborż kollu jew parti minnu. Meta jikkunsidraw din ir-rinunzja jew dan il-posponiment, il-partijiet li jipprovdu l-assistenza għandhom jikkunsidraw sew il-ħtiġiet tal-pajjiżi li qed jiżviluppaw.
Artikolu 8
Privileġġi, immunitajiet u faċilitajiet
1. L-Istat li jagħmel it-talba għandu jagħti lill-persunal tal-parti li tipprovdi l-assistenza u lill-persunal li jaġixxi f’ismu l-privileġġi, l-immunitajiet u l-faċilitajiet meħtieġa għat-twettiq tal-funzjonijiet ta’ assistenza tagħhom.
2. L-Istat li jagħmel it-talba għandu jagħti l-privileġġi u l-immunitajiet li ġejjin lill-persunal tal-parti li tipprovdi l-assistenza jew lill-persunal li jaġixxi f’ismu li jkun ġie notifikat kif jixraq u li jiġi aċċettat mill-Istat li jagħmel it-talba:
a. |
immunità minn arrest, dentenzjoni u proċedimenti legali, li jaqgħu taħt il-kompetenza tal-ġuriżdizzjoni kriminali, ċivili u amministrattiva tal-Istat li jagħmel it-talba, fir-rigward ta’ atti jew ommissjonijiet fit-twettiq tad-dmirijiet tagħhom; u |
b. |
eżenzjoni minn taxxi, dazji jew imposti oħra, ħlief għal dawk li normalment ikunu inkorporati fil-prezz tal-oġġetti jew li jitħallsu għas-servizzi mwettqa, fir-rigward tat-twettiq tal-funzjonjijiet ta’ assistenza tagħhom. |
3. L-Istat li jagħmel it-talba għandu:
a. |
jagħti lill-parti li tipprovdi l-assistenza eżenzjoni minn taxxi, dazji jew imposti oħra fuq it-tagħmir u l-proprjetà li tinġieb fit-territorju tal-Istat li jagħmel it-talba mill-parti li tipprovdi l-assistenza għall-finijiet ta’ assistenza; u |
b. |
jagħti immunità kontra l-konfiska, is-sekwestru jew ir-rekwiżizzjoni ta’ dan it-tagħmir u proprjetà. |
4. L-Istat li jagħmel it-talba għandu jiżgura r-ritorn ta’ dan it-tagħmir u l-proprjetà. Jekk ikun mitlub mill-parti li tipprovdi l-assistenza, l-Istat li jagħmel it-talba għandu jagħmel l-arranġamenti, sakemm ikun possibbli li jagħmel dan, għad-dekontaminazzjoni meħtieġa tat-tagħmir rekuperabbli involut fl-assistenza qabel ma dan jiġi rritornat.
5. L-Istat li jagħmel it-talba għandu jiffaċilita d-dħul, is-soġġorn u t-tluq mit-territorju nazzjonali tiegħu tal-persunal innotifikat skont id-dispożizzjonijiet tal-paragrafu 2 u tat-tagħmir u l-proprjetà involuti fl-assistenza.
6. Xejn f’dan l-Artikolu ma jeħtieġ li l-Istat li jagħmel it-talba jikkonċedi liċ-ċittadini jew lir-residenti permanenti tiegħu bil-privileġġi u l-immunitajiet previsti fil-paragrafi preċedenti.
7. Mingħajr preġudizzju għall-privileġġi u l-immunitajiet, il-benefiċjarji kollha li jgawdu minn dawn il-privileġġi u immunitajiet skont dan l-Artikolu għandhom id-dmir li josservaw il-liġijiet u r-regolamenti tal-Istat li jagħmel it-talba. Għandhom ukoll id-dmir li ma jindaħlux fl-affarijiet interni tal-Istat li jagħmel it-talba.
8. Xejn f’dan l-Artikolu ma jippreġudika d-drittijiet u l-obbligi fir-rigward tal-privileġġi u l-immunitajiet konċessi skont ftehimiet internazzjonali oħra jew ir-regoli tad-dritt internazzjonali.
9. Meta jiffirma, jirratifika, jaċċetta, japprova jew jaderixxi din il-Konvenzjoni, Stat jista’ jiddikjara li hu ma jikkunsidrax lilu nnifsu marbut, b’mod sħiħ jew parzjali, bid-dispożizzjonijiet tal-paragrafi 2 u 3.
10. Stat Parti li jagħmel dikjarazzjoni skont id-dispożizzjonijiet tal-paragrafu 9 jista’ fi kwalunkwe żmien jirtiraha permezz ta’ notifika li tintbagħat lid-depożitarju.
Artikolu 9
Tranżitu ta’ persunal, tagħmir u proprjetà
Kull Stat Parti għandu, fuq talba tal-Istat li jagħmel it-talba jew tal-parti li tipprovdi l-assistenza, jagħmel ħiltu biex jiffaċilita t-tranżitu mit-territorju tiegħu ta’ persunal, tagħmir u proprjetà nnotifikati kif meħtieġ li jkunu involuti fl-assistenza lejn u mill-Istat li jagħmel it-talba.
Artikolu 10
Talbiet u kumpens
1. L-Istati Partijiet għandhom jikkooperaw mill-qrib sabiex jiffaċilitaw is-soluzzjoni ta’ proċeduri u talbiet legali u skont dan l-Artikolu.
2. Sakemm mhux miftiehem mod ieħor, f’każ ta’ mewt jew korriment ta’ persuni, ħsara jew telf ta’ proprjetà, jew dannu għall-ambjent li jiġu kkawżati fit-territorju tiegħu jew f’żona oħra taħt il-ġuriżdizzjoni jew il-kontroll tiegħu waqt li tkun qed tingħata l-assistenza, l-Istat li jagħmel talba għandu:
a. |
joqgħod lura milli jiftaħ proċeduri legali kontra l-parti li tipprovdi l-assistenza jew il-persuni jew entitajiet legali oħra li jaġixxu f’ismu; |
b. |
jassumi responsabbiltà biex jittratta l-proċeduri legali u t-talbiet minn partijiet terzi kontra l-parti li tipprovdi l-assistenza jew kontra persuni u entitajiet legali oħra li jaġixxu f’isimha; |
c. |
jipproteġi lill-parti li tipprovdi l-assistenza jew lil persuni fiżiċi u ġuridiċi oħra li jaġixxu f’ismu kontra l-proċeduri legali u t-talbiet imsemmija fis-subparagrafu (b); u |
d. |
jikkumpensa lill-parti li tipprovdi l-assistenza jew lil persuni jew entitajiet legali oħra li jaġixxu f’ismu għall-:
|
ħlief f’każijiet ta’ mġiba ħażina volontarja mill-individwi li jikkawżaw il-mewt, il-korriment, it-telf jew il-ħsara.
3. Dan l-Artikolu ma jostakolax l-kumpens jew l-indennizz previsti taħt kwalunkwe ftehim internazzjonali applikabbli jew il-liġi nazzjonali ta’ kwalunkwe Stat.
4. Xejn f’dan l-Artikolu ma jeħtieġ li l-Istat li jagħmel it-talba japplika d-dispożizzjonijiet tal-paragrafu 2 b’mod sħiħ jew parzjali fir-rigward taċ-ċittadini jew ir-residenti permanenti tiegħu.
5. Meta jiffirma, jirratifika, jaċċetta, japprova jew jaderixxi ma’ din il-Konvenzjoni, Stat jista’ jiddikjara:
a. |
li ma jikkunsidrax lilu nnifsu marbut b’mod sħiħ jew parzjali bis-dispożizzjonijiet tal-paragrafu 2; |
b. |
li hu mhux se japplika d-dispożizzjonijiet tal-paragrafu 2 b’mod sħiħ jew parzjali f’każijiet ta’ negliġenza serja mill-individwi li kkawżaw il-mewt, il-korriment, it-telf jew il-ħsara. |
6. Stat Parti li jkun għamel dikjrazzjoni skont id-dispożizzjonijiet tal-paragrafu 5 jista’, fi kwalunkwe żmien, jirtiraha b’notifika li tintbagħat lid-depożitarju.
Artikolu 11
Terminazzjoni tal-assistenza
L-Istat li jagħmel it-talba jew il-parti li tipprovdi l-assistenza jistgħu fi kwalunkwe żmien, wara konsultazzjonijiet xierqa u b’notifika bil-miktub, jtolbu għat-terminazzjoni tal-assistenza li tkun ġiet irċevuta jew ingħatat skont din il-Konvenzjoni. Ladarba ssir din it-talba, il-partijiet involuti għandhom jikkonsultaw lil xulxin sabiex jagħmlu l-arranġamenti għall-konklużjoni xierqa tal-assistenza.
Artikolu 12
Relazzjonijiet ma’ ftehimiet internazzjonali oħra
Din il-Konvenzjoni ma tippreġudikax id-drittijiet u l-obbligi reċiproċi tal-Istati Partijiet taħt ftehimiet internazzjonali eżistenti, li huma relatati ma’ kwistjonijiet koperti b’din il-Konvenzjoni, jew taħt ftehimiet internazzjonali eventwali li jiġu stipulati b’mod konformi mal-finijiet u l-għanijiet ta’ din il-Konvenzjoni.
Artikolu 13
Soluzzjoni ta’ kwistjonijiet
1. F’każ ta’ kwistjoni bejn Stati Partijiet, jew bejn Stat Parti u l-Aġenzija, rigward l-interpretazzjoni jew l-applikazzjoni ta’ din il-Konvenjoni, il-partijiet fil-kwistjoni għandhom jikkonsultaw lil xulxin bil-għan li jsolvu l-kwistjoni b’negozjar jew bi kwalunkwe mezz paċifiku ieħor ta’ soluzzjoni ta’ kwistjonijiet li jkun aċċettabbli għalihom.
2. Jekk kwistjoni ta’ dan it-tip bejn l-Istati Partijiet ma tissolviex fi żmien sena mit-talba għall-konsultazzjoni skont id-dispożizzjonijiet tal-paragrafu 1, din għandha, fuq it-talba ta’ kwalunkwe parti f’din il-kwistjoni, titressaq għall-arbitraġġ jew tiġi referuta quddiem il-Qorti Internazzjonali tal-Ġustizzja għal deċiżjoni. Meta kwistjoni titressaq għall-arbitraġġ, jekk, fi żmien sitt xhur mid-data tat-talba, il-partijiet fil-kwistjoni ma jilħqux ftehim dwar l-organizzazzjoni tal-arbitraġġ, parti minnhom tista’ titlob lill-President tal-Qorti Internazzjonali tal-Ġustizzja jew lis-Segretarju Ġenerali tan-Nazzjonijiet Uniti biex jaħtru arbitru wieħed jew aktar. F’każijiet ta’ talbiet konfliġġenti mill-partijiet fil-kwistjoni, it-talba lis-Segretarju Ġenerali tan-Nazzjonijiet Uniti għandu jkollha prijorità.
3. Meta jiffirma, jirratifika, jaċċetta, japprova jew jaderixxi ma; din il-Konvenzjoni, Stat jista’ jiddikjara li hu ma jikkunsidrax lilu nnifsu bħala marbut b’waħda mill-proċeduri, jew biż-żewġ proċeduri, tas-soluzzjoni ta’ kwistjonijiet previsti fil-paragrafu 2. L-Istati Partijiet l-oħra ma jintrabtux bi proċedura ta’ soluzzjoni ta’ kwistjonijiet prevista fil-paragrafu 2 fir-rigward ta’ Stat Parti li għalih din id-dikjarazzjoni tkun fis-seħħ.
4. Stat Parti li jagħmel dikjarazzjoni skont id-dispożizzjonijiet tal-paragrafu 3 jista’, fi kwalunkwe żmien, jirtiraha b’notifika li tintbagħat lid-depożitarju.
Artikolu 14
Dħul fis-seħħ
1. Din il-Konvenzjoni għandha tkun miftuħa għall-iffirmar mill-Istati kollha u n-Namibja, rappreżentata mill-Kunsill tan-Nazzjonijiet għan-Namibja, fil-Kwartieri Ġenerali tal-Aġenzija Internazzjonali għall-Enerġija Atomika fi Vjenna u fil-Kwartieri Ġenerali tan-Nazzjonijiet Uniti fi New York, mis-26 ta’ Settembru 1986 u s-6 ta’ Ottubru 1986 rispettivament, sad-dħul fis-seħħ tagħha jew għal tnax-il xahar, skont liema perjodu jkun l-itwal.
2. Kwalunkwe Stat u n-Namibja, din tal-aħħar rappreżentata mill-Kunsill tan-Nazzjonijiet Uniti għan-Namibja, jistgħu jesprimu l-kunsens tagħhom li jintrabtu b’din il-Konvenzjoni billi jiffirmaw, jew billi jiddepożitaw strument ta’ ratifikazzjoni, aċċettazzjoni jew approvazzjoni wara l-iffirmar soġġett għar-ratifikazzjoni, l-aċċettazzjoni jew l-approvazzjoni, jew permezz tad-depożitu ta’ strument ta’ adeżjoni. L-istrumenti tar-ratifikazzjoni, l-aċċettazzjoni, l-approvazzjoni jew l-adeżjoni għandhom jiġu ddepożitati għand id-depożitarju.
3. Din il-Konvenzjoni tidħol fis-seħħ tletin jum wara li tliet Stati jkunu esprimew il-kunsens tagħhom li jintrabtu.
4. Għal kull Stat li jesprimi l-kunsens tiegħu li jintrabat b’din il-Konvenzjoni wara d-dħul fis-seħħ tagħha, din il-Konvenzjoni għandha tidħol fis-seħħ għal dak l-Istat wara tletin jum mid-data li fiha jkun esprima l-kunsens tiegħu.
5. |
|
Artikolu 15
Applikazzjoni provviżorja
Stat jista’, malli jiffirma jew f’data aktar tard qabel mal-Konvenzjoni tidħol fis-seħħ fir-rigward tiegħu, jiddikjara li se japplika din il-Konvenzjoni b’mod provviżorju.
Artikolu 16
Emendi
1. Stat Parti jista’ jipproponi emendi għal din il-Konvenzjoni. L-emenda proposta għandha tiġi ppreżentata lid-depożitarju li għandu jgħaddiha immedjatament lill-Istati Partijiet l-oħra kollha.
2. Jekk il-maġġornaza tal-Istati Partijiet jitolbu lid-depożitarju biex isejjaħ konferenza sabiex jiġu kkunsidrati l-emendi proposti, id-depożitarju għandu jistieden lill-Istati Partijiet kollha biex jattendu għal din il-konferenza li tista’ tibda mhux iktar qabel minn tletin jum wara li tkun ħarġet l-istedina għall-konferenza. Kwalunkwe emenda adottata fil-konferenza b’maġġoranza ta’ żewġ terzi tal-Partijiet Stati kollha għandha tiġi stabbilita fi protokoll li jkun miftuħ għall-iffirmar fi Vjenna u fi New York mill-Istati Partijiet kollha.
3. Il-protokoll jidħol fis-seħħ tletin jum wara li tliet Stati jkunu esprimew il-kunsens tagħhom li jintrabtu. Għal kull Stat li jesprimi l-kunsens tiegħu li jintrabat bil-protokoll wara d-dħul fis-seħħ tiegħu, il-protokoll jidħol fis-seħħ għal dak l-Istat tletin jum wara d-data li fiha jkun esprima l-kunsens tiegħu li jintrabat.
Artikolu 17
Denunzja
1. Stat Parti jista’ jiddenunzja din il-Konvenzjoni b’notifika bil-miktub lid-depożitarju.
2. Id-denunzja għandha tidħol fis-seħħ sena wara d-data li fiha d-depożitarju jkun irċieva n-notifika.
Artikolu 18
Depożitarju
1. Id-Direttur Ġenerali tal-Aġenzija huwa d-depożitarju ta’ din il-Konvenzjoni.
2. Id-Direttur Ġenerali tal-Aġenzija għandu jinnotifika minnufih lill-Istati Partijiet u lill-Istati l-oħra dwar:
a. |
kull firma ta’ din il-Konvenzjoni jew tal-protokolli ta’ emenda; |
b. |
kull depożitu ta’ strument ta’ ratifikazzjoni, aċċettazzjoni, approvazzjoni jew adeżjoni li jikkonċerna din il-Konvenzjoni jew il-protokolli ta’ emenda; |
c. |
kull dikjarazzjoni jew l-irtirar ta’ din skont id-dispożizzjonijiet tal-Artikoli 8, 10 u 13; |
d. |
kull dikjarazzjoni ta’ applikazzjoni provviżorja ta’ din il-Konvenzjoni skont id-dispożizzjonijiet tal-Artikolu 15; |
e. |
id-dħul fis-seħħ ta’ din il-Konvenzjoni u ta’ kwalunkwe emenda għal din; u |
f. |
kull denunzja magħmula skont id-dispożizzjonijiet tal-Artikolu 17. |
Artikolu 19
Testi awtentiċi u kopji awtentikati
L-oriġinal ta’ din il-Konvenzjoni, li l-verżjoni Għarbija, Ċiniża, Ingliża, Franċiża, Russa u Spanjola tagħha huma awtentiċi b’mod indaqs, għandha tkun iddepożitata mad-Direttur Ġenerali tal-Aġenzija Internazzjonali għall-Enerġija Atomika li għandu jibgħat kopji ċċertifikati ta’ dan lill-Istati Partijiet u lill-Istati l-oħra kollha.
B’XHIEDA TA’ DAN il-firmatarji, debitament awtorizzati, iffirmaw din il-Konvenzjoni, li hija miftuħa għall-iffirmar kif previst fil-paragrafu 1 tal-Artikolu 14.
ADOTTATA mill-Konferenza Ġenerali tal-Aġenzija Internazzjonali għall-Enerġija Atomika, li ltaqgħet waqt sessjoni straordinarja fi Vjenna fis-sitta u għoxrin jum ta’ Settembru elf disa’ mija u sitta u tmenin.
Id-Dikjarazzjoni msemmija fl-Artikolu 14(5)(c) tal-Konvenzjoni dwar l-Assistenza fil-każ ta’ Inċident Nukleari jew Emerġenza Radjoloġika
Il-Komunità tippossjedi kompetenzi, maqsuma mal-Istati Membri tagħha, fil-qasam tal-assistenza fil-każ ta’ emerġenza radjoloġika, safejn hu previst bid-dispożizzjonijiet tal-Artikolu 2(b) u d-dispożizzjonijiet rilevanti tat-Titolu II, Kapitolu 3 “Saħħa u Sigurtà” tat-Trattat li jistabbilixxi l-Komunità Ewropea għall-Enerġija Atomika.