Official Journal L 085 , 02/04/2003 P. 0015 - 0016
Ir-Regolament tal-Kummissjoni (KEE) Nru 599/2003 ta' l-1 ta' April 2003 li jemenda r-Regolament (KEE) Nru 2092/91 dwar il-produzzjoni organika ta' prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti ta' l-ikel (Test b'rilevanza għaż-ŻEE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2092/91 [1] ta' l-24 ta' Ġunju 2003 dwar il-produzzjoni organika ta' prodotti agrikoli u l-indikazzjonijiet li jirreferu għalihom fil-prodotti agrikoli u fl-oġġetti ta' l-ikel, kif l-aħħar emendat bir-Regolament tal-Kummissjoni (KE) Nru 223/2003 [2], u b'mod partikolari t-tieni inċiż ta' l-Artikolu 13 tiegħu, Billi: (1) Il-preservazzjoni tal-ġid u s-saħħa ta' l-annimali trid tkun imsejsa qabel xejn fuq il-prevenzjoni, bis-saħħa ta' miżuri bħalma huma l-għażla approprjata tar-razza u tal-ġebbieda u d-dieti bbilanċjati appoprjati. (2) Ir-Regolament (KEE) Nru 2092/91 jimponi kostrizzjonijiet preċiżi dwar l-għalf. B "mod partikolari, il-provvista tas-sustanzi essenzjali, bħalma huma l-vitamini, għandha tkun koperta b"inputs naturali. (3) Ir-regoli armonizzati għall-produzzjoni organika tal-bhejjem tar-rziezet huma riċenti ħafna u l-bdiewa li jkabbruhom jiltaqgħu ma "ħafna diffikultajiet fil-kisba tal-bhejjem bil-kapaċità li jaddattaw ruħhom għall-kondizzjonijiet lokali u/jew għal sistemi ta' ġestjoni u li jipprovdu lill-bhejjem tagħhom bl-elementi essenzjali kollha li jeħtieġu għal tkabbir armonizzat, b'mod partikolari rigward ċerti vitamini liposolubbli fil-każ tal-bhejjem li jixtarru." (4) Hija għalhekk meħtieġa deroga li tawtorizza l-użu tal-vitamini A, D u E taħt kondizzjonijiet speċjali, eċċezzjonalment u għal perjodu transitorju taż-żmien. (5) Din l-awtorizzazzjoni għandha tkun akkumpanjata b'obbligu fuq l-Istati Membri li jgħarrfu lill-Kummissjoni dwarha. (6) Il-Kumitat provvdut fl-Artikolu 14 tar-Regolament (KEE) Nru 2092/91 ma tax opinjoni fil-limitu taż-żmien stabbilit mill-President tiegħu. Skond ir-raba "paragrafu ta' l-Artikolu 14 tar-Regolament (KEE) Nru 2092/91, il-Kummissjoni ttrasmettiet il-proposta lill-Kunsill. Ġaladarba l-Kunsill ma ħax pożizzjoni fil-limitu taż-żmien ta' tlett xhur provdut fil-ħames paragrafu ta' l-Artikolu 14 ta' l-istess Regolament (KEE) Nru 2092/91, il-miżuri proposti jridu jiġu adottati mill-Kummissjoni," ADOTTAT DAN IR-REGOLAMENT: Artikolu 1 Ir-Regolament (KEE) Nru 2092/91 huwa emendat kif ġej: (a) Il-Parti B ta' l-Anness I hija emendata skond il-punt 1 ta' l-Anness ma "dan ir-Regolament;" (b) Il-Partijiet Ċ u D ta' l-Anness II huma emendati skond il-punt 2 ta' l-Anness ma "dan ir-Regolament." Artikolu 2 Dan ir-Regolament għandu jidħol fis-seħħ fil-20 jum wara l-pubblikazzjoni tiegħu fil-Ġurnal Uffiċjali ta' l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fl-1 ta' April 2003. Għall-Kummissjoni Franz Fischler Membru tal-Kummissjoni [1] ĠU L 198, tat-22.7.1991, p. 1. [2] ĠU L 31, tas-6.2.2003, p. 3. -------------------------------------------------- L-ANNESS 1. Il-punt 4.10 tal-Parti B ta' l-Anness I mar-Regolament (KEE) Nru 2092/91 jiġi mibdul bit-test li ġej: "4.10. Rigward it-tjur, il-formola tat-tgħam użata fl-istadju tas-simna jrid ikun fiha mill-inqas 65 % ta' taħlita taċ-ċereali, ta' wċuh tar-raba tal-proteini u taż-żrieragħ taż-żejt." 2. L-Anness II mar-Regolament (KEE) Nru 2092/91 huwa emendat kif ġej: (a) fil-Parti Ċ, jiżdied il-punt 2.3 li ġej: "2.3. Il-bajd u l-prodotti mill-bajd sabiex jintużaw bħala tgħam għat-tjur, preferibbilment mill-istess impriża."; (b) il-Parti D hija emendata kif ġej: (i) fil-punt 1.2, jiżdied is-subparagrafu li ġej: "B’ deroga mill-ewwel subparagrafu, u matul perjodu transitorju taż-żmien li jtemm fil-31 ta' Diċembru 2005, l-awtorità kompetenti ta' kull wieħed mill-Istati Membri tista’ tawtorizza l-użu tal-vitamini sintetiċi tat-tipi A, D u E għall-bhejjem li jixtarru safejn u sakemm jiġu sodisfatti l-kondizzjonijiet li ġejjin: - il-vitamini sintetiċi jkunu identiċi għall-vitamini naturali u, - l-awtorizzazzjoni maħruġa mill-Istati Membri tkun imsejsa fuq kriterji preċiżi u tiġi nnotifikata lill-Kummissjoni. Il-produtturi jistgħu jibbenefikaw minn din l-awtorizzazzjoni biss jekk ikunu wrew għas-sodisfazzjoni tal-korp jew ta' l-awtorità ta' l-ispezzjon ta' l-Istat Membru illi l-ġid u s-saħħa tal-bhejjem tagħhom ma jistgħux jiġu ggarantiti mingħajr l-użu ta' dawn il-vitamini sintetiċi." (ii) fil-punt 2, jiżdied it-test li ġej: - "Il-ħmira tal-produtturi tal-birra". --------------------------------------------------