Official Journal L 013 , 19/01/2000 P. 0021 - 0021
Id-Deċiżjoni tal-Kummissjoni tas-16 ta' Diċembru 1999 li temenda l-Anness B tad-Direttiva tal-Kunsill 90/429/KEE li tistabbilixxi l-ħtiġiet dwar is-saħħa ta' l-annimali applikabbli fil-kummerċ intra-Komunitarju fi u fl-importazzjoni ta' semen ta' annimali domestici ta' l-ispeċje tal-majjali (innotifikat permezz tad-dokument C(1999) 4507) (Test b'relevanza ŻEE) (2000/39/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 90/429/KEE tas-26 ta' Ġunju 1990 li tistabbilixxi l-ħtiġiet tas-saħħa ta' l-annimali applikabbli fil-kummerċ intra-Komunitarju fi u fl-importazzjoni ta' semen ta' annimali domestiċi ta' l-ispeċi tal-majjali [1] kif l-aħħar emendata bid-Deċiżjoni 1999/608/KE [2], u partikolarment, l-Artikolu 17 tagħha, Billi: (1) fil-każ tal-marda Aujeszkys, perjodu ta' 30 jum wara t-twettiq tat-tindif u d-disinfettazzjoni ta' qasam, b'segwiment ta' l-eliminazzjoni ta' konsenja ssuspettata, ikun meqjus bħala mingħajr periklu; (2) l-Anness B(I)(4)(b) tad-Direttiva 90/429/KEE għandu għalhekk ikun emendat; (3) il-miżuri li hemm provvediment dwarhom f'din id-Deċiżjoni huma bi qbil ma' l-opinjoni tal-Kumitat Veterinarju Permanenti, ADOTTAT DIN ID-DEĊIŻJONI: Artikolu 1 Fl-Anness B(I)(4) tad-Direttiva 90/429/KEE, il-punt (b) huwa mibdul b'dan li ġej: "l-ebda xhieda klinika, patoloġika jew seroloġika tal-marda Aujeszkys ma tkun ġiet irreġistrata ma' tul l-aħħar 30 jum." Artikolu 2 Din id-Deċiżjoni hija indirizzata lill-Istati Membri. Magħmula fi Brussel, fis-16 ta' Diċembru 1999. Għall-Kummissjoni David Byrne Membru tal-Kummissjoni [1] ĠU L 224, tat-18.8.1990, pġ. 62. [2] ĠU L 242, ta’ l-14.9.1999, pġ. 20. --------------------------------------------------