Official Journal L 033 , 07/02/1998 P. 0021 - 0021
Id-Deċiżjoni tal-Kunsill tas-16 ta' Diċembru ta' l-1997 li tikkonċerna l-konklużjoni tal-Protokoll ta' Adeżjoni tal-Prinċipalità ta' Monaco għall-Konvenzjoni dwar il-Protezzjoni ta' l-Alpi (98/118/KE) IL-KUNSILL TA' L-UNJONI EWROPEA, Wara li kkunsidra it-Trattat li jistabbilixxi l-Komunità Ewropea, u b'mod partikolari l-Artikolu 130s(1) tiegħu, ma' l-Artikolu 228(2) u l-ewwel subparagrafu ta' l-Artikolu 228(3) tiegħu, Wara li kkunsidra il-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Billi l-Komunita' Ewropea hija Parti Kontraenti għall-Konvenzjoni dwar il-Protezzjoni ta' l-Alpi (Il-Konvenzjoni tal-Muntanji) [3]; Billi l-protezzjoni ta' l-Alpi hija ta' importanza kbira għall-Istati Membri minħabba n-natura tagħha li taqsam il-fruntieri tal-problemi ambjentali, ekonomiċi u soċjali tal-qasam tal-Muntanji; Billi l-Komunità ħadet sehem fin-negozjati li jikkonċernaw il-Protokoll ta' Adeżjoni tal-Prinċipalita' ta' Monaco għall-Konvenzjoni dwar il-Protezzjoni ta' l-Alpi u ffirmatha fl-20 ta' Diċembru ta' l-1994; Billi l-kunsens li tintrabat mal-Konvenzjoni tal-Muntanji tipressupponi kunsens li tintrabat mal-Protokol, li jestendi mal-qasam ġeografiku għal liema l-Konvenzjoni tapplika; Billi l-estensjoni tal-Konvenzjoni tal-Muntanji għall-Priniċipalità ta' Monaco tagħmel il-protezzjoni ta' l-Alpi iktar effettiva matul il-qasam sħiħ tal-Muntanji possibbli; Billi l-Komunità għandha għalhekk tapprova l-Protokoll, ADDOTTAT DIN ID-DEĊIŻJONI: Artikolu 1 Il-Protokoll ta' Adeżjoni tal-Prinċipalità tal-Monaco għall-Konvenzjoni dwar il-Protezzjoni ta' l-Alpi hija hawnhekk approvata f'isem il-Komunita' Ewropea. It-test tal-Protokoll huwa mehmuż ma' din id-Deċiżjoni. Artikolu 2 Il-President tal-Kunsill huwa hawnhekk awtorizzat li jaħtar il-persuna(i) li jkollha(hom) s-setgħa li (j)tiddepożita(w), f'isem il-Komunità, l-istrument ta' approvazzjoni mar-Repubblika ta' l-Awstrija bi qbil ma' l-Artikolu 11(2) tal-Konvenzjoni. Magħmul fi Brussel, 16 ta' Diċembru ta' l-1997. F'isem il-Kunsill Il-President J. Lahure [1] ĠU C 347, tat-18.11.1997, p. 7. [2] ĠU C 339, ta' l-10.11.1997. [3] ĠU L 61, tat-12.3.1996, p. 31. --------------------------------------------------