Official Journal L 336 , 23/12/1994 P. 0001 - 0002
Id-Deċiżjoni tal-Kunsill (tat-22 ta' Diċembru 1994) dwar il-konklużjoin f'isem il-Komunità Ewropea, fejn għandhom x'jaqsmu affarijiet fil-kompetenza tagħha, fuq il-ftehim milħuq fil-Laqgħa ta' negozjati multilaterali fl-Urugwaj (1986-1994) (94/800/KE) IL-KUNSILL TA' L-UNJONI EWROPEA, Wara li kkunsidra t-Tratta li jistabilixxi l-Komunità Ewropea, u b'mod partikolari l-Artikoli 43,54, 57,66, 75, 84(2), 99, 100, 100a, 113, u 235 in konnessjoni mat-tieni subparagrafu ta' l-Artikolu 228(3), ta' dan, Wara li kkunsidraw il-proposta mill-Kummissjoni, B'kunsiderazzjoni għall-opinjoni tal-Kumitat Ekonomiku u Soċjali [1], B'kunsiderazzjoni għall-qbil tal-Parlament Ewropew [2], Billi n-negozjati tal-kummerċ multilaterali miftuħa taħt il-GATT, konformi mad-Dikjarazzjoni mill-Ministri adottati f'Punta del Este fl-20 ta' Settembru 1986, wasslu biex l-Att Finali li jinkorpora r-riżultati tal-Laqgħa ta' l-Urugwaj ta' negozjati tal-kummerċ multilaterali; Billi r-rappreżentattivi tal-Kumunita u l-Istati membri ffirmaw l-Att Finali li jinkorpora r-riżultati tal- Laqgħa ta' l-Urugwaj tan-negozjati tal-kummerċ multilaterali u, suġġetti għall-konklużjoni, l-Ftehim li jistabilixxi l-Organizzazzjoni Dinjija tal-Kummerċ f'Marakexx fil-15 ta' April 1994; Billi l-konċessjonijiet reċiproki u l-obbligazzjonijiet li ġew innegozjati mill-Kummissjoni f'isem il-Komunità Ewropea u l-Istati Membri tagħha, kif inkorporata fil-ftehim multilaterali fl-Att Finali, jirrappreżentaw riżultat li fis-sħiħ tiegħu hu sodisfaċenti u bbilanċjat; Billi numru ta' kunċessjonijiet reċiproki u obbligazzjonijiet mill-Kummissjoni f'isem il-Komunità Ewropea u l-Istati Membri tagħha u ċertu pajjiżi partijiet għan-negozjati u wkoll mfassla fil-ftehim speċjali plurilaterali fl-Anness 4 għall-Ftehim li jistabilixxi l-Organizzazzjoni Dinjija tal-Kummerċ; Billi numru minn dawn il-konċessjonijiet u obbligazzjonijiet kienu nnegozjati b'mod bilaterali ma' l-Urugwaj fuq laħam bovin b'mod paralell mal-Laqgħa ta' l-Urugwaj; Billi l-konpetenza tal-Komunità li tikkonkludi ftehim internazzjonali ma tidderiviex biss minn permess espliċitu mit-Trattat imma tista' wkoll tidderiva minn dispożizzjonijiet oħra tat-trattat u minn atti adottati konformi ma' dawn id-dispożizzjonijiet minn istituzzjonijiet tal-Komunità; Billi fejn ir-regoli tal-Komunità ġew adottati sabiex jinkisbu l-għanijiet tat-Trattat, Stati Membri ma jistgħux, batta mill-gwarniċ ta' l-istituzzjonijiet komuni, jidħlu f'obbligazzjonijiet li għandhom iċ-ċans jeffettwaw dawk ir-regoli jew ibiddlu l-iskop tagħhom; Billi proporzjoni mill-obbligazzjonijiet miżmuma fil-Ftehim li jistabilixxi l-Oragnizzazzjoni Dinjija tal-Kummerċ, kif ukoll l-Annessi ta' dan, jaqgħu fl-ambitu tal-kompetenza tal-Komunità taħt l-Artikolu 113 tat-Trattat; billi aktar u aktar, mill-bqija ta' l-imsemmija obbligazzjonijiet ftit jeffettwaw ir-regoli tal-Komunità adottati a bażi ta' l-Artikoli 43,54,57,66, 75, 84,(2),99, 110a u 235 u jistgħu għalhekk ikunu magħmula mill-Komunità biss; Billi, b'mod partikolari l-użu ta' l-Artikoli 100 u 235 tat-trattat bħala bażi legali għal din id-Deċiżjoni hi ġġustifikata sal-punt li l-Ftehim li jistabilixxi l-Organizzazzjoni Dinjija tal-Kummerċ, kif ukoll l-Annessi ta' dan, jeffettwa d-Direttiva tal-Kunsill 90/434/KEE tat-23 ta'Lulju 1990 fuq is-sitema komuni ta' tassazzjoni applikabbli għal inkorporazzjonijiet, diviżjonijiet, trasferimenti ta' assi u skambji ta' isħma li jikkonċernaw kumpanniji ta' Stati Membri differenti [3], Direttiva tal-Kunsill 90/435/KEE tat-23 ta' Lulju 1990 fuq is-sistema komuni ta' tassazzjoni applikabbli fil-każ tal-kumpanniji ġenituri u sussidjarji fi Stati membri differenti [4], li huma bbażati fuq l-Artikolu 100 tat-tratta u Regolament tal-Kunsill (KE) Nru. 40/94 ta' l-20 ta' Diċembru 1993 fuq il-marka tal-kummerċ tal-Komunità [5] li hi bbażata fuq l-Artikolu 235 tat-trattat; Billi l-ebda att fil-liġi tal-Komunità għadu ma ġie adottat a bażi ta' l-Artikolu 73ċ tat-Trattat; Billi, bin-natura tiegħu, il-Ftehim li jistabilixxi l-Organizzazzjoni Dinjija tal-Kummerċ, kif ukoll l-Anness ta' dan, mhux suxxettiblu biex ikun invokat direttament fil-Komunità jew il-qrati ta' l-Istati Membri, IDDEĊIDIET KIF ĠEJ: Artikolu 1 1. Is-segwenti ftehim multilaterali u atti humma minn hawnhekk approvati f'isem il-Komunità Ewropea fejn għandha x' taqsam dik il-prozjoni li taqa' fil-kompetenza tal-Komunità Ewropea; - l-Ftehim li jistabilixxi l-Organizzazzjoni Dinjija tal-Kummerċ, u wkoll l-Ftehim fl-Anness 1,2, u 3 ta' dak il-Ftehim; - id-deċiżjonijiet ministerjali u d-dikjarazzjonijiet u l-Ftehim fuq l-Obbligazzjoni fis-Servizzi Finanzjarji li jidhru fl-Att Finali tal-Laqgħa ta' l-Urugwaj. 2. It-testi tal-ftehim u l-atti rreferuti f'dan l-Artikolu huma mhemuża ma' din id-Deċiżjoni. 3. Il-president tal-Kunsill hu minn hawnhekk awtorizzat li jagħżel persuna li jkollha l-poter li tieħu l-miżura li għaliha hemm provvedimenti fl-Artikolu XIV tal-Ftehim li jistabilixxi l-organizzazzjoni Dinjija tal-Kummeċ sabiex jorbot il-Komunità Ewropea fejn għandu x'jaqsam dak il-porzjon tal-Ftehim li jaqgħa fl-ambitu tal-komptenza tagħha. Artikolu 2 1. Il-ftehim plurilaterali f'L-Anness 4 għall-Ftehim li jistablixxi l-Organizzazzjoni Dinjija tal-Kummerċ huma minn hawnhekk approvati f'isem il-Komunità Ewropea fejn għandha x' taqsam dik il-prozjoni li taqa' fil-kompetenza tal-Komunità Ewropea. 2. It-testi tal-ftehim li għalihom hemm referenza f'dan l-Artikolu huma mhemuża ma' din id-Deċiżjoni. 3. Il-president tal-Kunsill hu minn hawnhekk awtorizzat li jagħżel persuna li jkollha l-poter li tieħu l-miżura li għaliha hemm provvedimenti fil-ftehim li għalih hemm referenza f'dan l-Artikolu sabiex jorbot il-Komunità Ewropea fejn għandu x'jaqsam dak il-porzjon tal-Ftehim li jaqgħa fl-ambitu tal-komptenza tagħha. Artikolu 3 1. Il-Ftehim fuq laħam bovin konkluż ma' l-Ururwaj hu minn hawnhekk approvat f'isem il-Komunità Ewropea. 2. It-test ta' l-imsemmi Ftehim hu mhemuż ma' din id-Deċiżjoni. 3. Il-President tal-Kunsill hu minn hawnhekk awtorizzat li jagħżel persuna bil-poter li tiffirma l-Ftehim sabiex torbot lill-Komunità Ewropea. Magħmul fi Brussel, fit-22 ta' Diċembru 1994. Għall-Kunsill Il-President H. Seehofer [1] Opinjoni mgħotija fl-23 ta' Novembru 1994 (għadha ma ġietx fil-Ġurnal Uffiċjali). [2] Qbil mgħoti fl-14 ta' Diċembru 1994 (għadha ma ġietx ippublikata fil-Ġurnal Uffiċjali). [3] ĠU L 225, ta' l-20.8.1990, p. 1. [4] ĠU L 225, ta' l-20.8.1990, p. 6. [5] ĠU L 11, ta' l-14.1.1994, p. 1. --------------------------------------------------