Ir-Regolament tal-Kunsill (KE) Nru 3179/93

tas-16 ta’ Novembru 1993

li jemenda r-Regolament Nru 136/66/KEE dwar l-istabbiliment ta’ l-organizzazzjoni komuni tas-suq għaż-żjut u x-xaħmijiet

IL-KUNSILL TA’ L-UNJONI EWROPEA,

Wara li kkunsidra t-Trattat li jistabbilixxi l-Komunità Ewropea, u partikolarment l-Artikolu 43 tiegħu,

Wara li kkunsidra l-proposta tal-Kummissjoni [1],

Wara li kkunsidra l-opinjoni tal-Parlament Ewropew [2],

Billi permezz ta’ l-Artikolu 12 tar-Regolament Nru 136/66/KEE tal-Kunsill [3], ix-xiri taż-żejt taż-żebbuġa hu ristrett għall-aħħar erba’ xhur tas-sena tas-suq; billi l-esperjenza turi li ċerti swieq tal-Komunità jistgħu jkunu f’sitwazzjoni kritika qabel ma jkun beda l-intervent; billi, biex jiġu mirbuħa d-diffikultajiet bħal dawn, għandha ssir dispożizzjoni biex ikunu deċiżi fuq livell Komunitarju, miżuri ta’ ntervent xierqa għal ċirkustanzi bħal dawn,

ADOTTA DAN IR-REGOLAMENT:

Artikolu 1

L-Artikolu li ġej huwa miżjud mar-Regolament Nru 136/66/KEE.

"Artikolu 12a

1. Meta is-suq f’ċerti reġjuni tal-Komunità jkun iddisturbat qabel il-perjodu ta’ l-intervent imsemmi fl-Artikolu 12 jkun beda, jista’ jkun hemm deċiżjoni dwar miżuri ta’ intervent speċifiku.

2. In-natura u l-applikazzjoni tal-miżuri speċifiċi msemmija fil-paragrafu 1 kif ukoll il-kondizzjonijiet u l-proċeduri tal-bejgħ jew dawk stabbiliti in vista ta’ kull użu ieħor tal-prodott suġġett għal dawn il-miżuri, għandhom ikunu deċiżi bi qbil mal-proċedura kif stabbilita fl-Artikolu 38."

Artikolu 2

Dan ir-Regolament għandu jidħol fis-seħħ fit-tielet jum li jiġi wara l-publikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-16 ta’ Novembru 1993.

Għall-Kunsill

A. Bourgeois

Il-President

[1] ĠU Ċ 259, tat- 23.9.1993, p. 1.

[2] L-Opinjoni mogħtija fid-29 ta’ Ottubru 1993 (li għadha mhux ippublikata fil-Gazzetta Uffiċjali).

[3] ĠU Ċ 172, tat- 30.9.1966, p. 3025/66. Ir-Regolament kif l-aħħar emendat bir-Regolament (KEE) Nru 2046/92 (ĠU L 215, tat-30.7.1992, p. 1).

--------------------------------------------------