Official Journal L 251 , 10/09/1988 P. 0012 - 0012
Finnish special edition: Chapter 3 Volume 27 P. 0152
Swedish special edition: Chapter 3 Volume 27 P. 0152
IR-REGOLAMENT TAL-KUMMISSJONI (KEE) Nru 2806/88 tad-9 ta' Settembru 1988 li jemenda r-Regolament (KEE) Nru 3130/78 li jistabbilixxi ċ-ċentri ta' intervent għaż-żejt taż-żebbuġa IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ekonomika Ewropea, Wara li kkunsidrat ir-Regolament tal-Kunsill Nru 136/66/KEE tat-22 ta' Settembru 1966 dwar it-twaqqif ta' l-organizzazzjoni komuni tas-suq taż-żjut u x-xaħmijiet[1], kif l-aħħar emendat bir-Regolament (KEE) Nru 2210/88[2], u b'mod partikolari Artikolu 12(4) tiegħu, Billi r-Regolament tal-Kunsill (KEE) Nru 2754/78 tat-23 ta' Novembru 1978 dwar l-intervent fis-settur taż-żejt taż-żebbuġa[3], jistabbilixxi l-kriterji applikabbli biex ikunu stabbiliti ċ-ċentri ta' l-intervent taż-żejt taż-żebbuġa; billi r-Regolament tal-Kummissjoni (KEE) Nru 3130/78[4], kif l-aħħar emendat bir-Regolament (KEE) Nru 3818/85[5], jistabbilixxi ċ-ċentri tal-intervent; Billi l-lista taċ-ċentri fil-Portugal għandha tkun emendata biex tikkunsidra l-iżvilupp tal-istrutturi tal-ħażna disponibbli f'dak l-Istat Membru; Billi l-miżuri mogħtija f'dan ir-Regolament huma skond l-opinjoni tal-Kumitat ta' l-Amministrazzjoni taż-Żjut u x-Xaħmijiet, ADOTTAT DAN IR-REGOLAMENT: Artikolu 1 Fl-Anness tar-Regolament (KEE) Nru 3130/78, il-lista taċ-ċentri fil-Portugal hija hawnhekk mibdula b'dan li ġej: IL-PORTUGAL: Distrett Lokalità Évora Évora Santarém Vila Nova de Barquinha Artikolu 2 Dan ir-Regolament għandu jidħol fis-seħħ fil-jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fid-9 ta' Settembru 1997. Għall-Kummissjoni Frans ANDRIESSEN Viċi-President Proofread by Stephen Zammit [1] ĠU C 172, tat-30.9.1966, p. 3025/66. [2] ĠU L 197, tas-26.7.1988, p. 1. [3] ĠU L 331, tat-28.11.1978, p. 13. [4] ĠU L 370, tat-30.12.1978, p. 58. [5] ĠU L 368, tal-31.12.1985, p. 20.