Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

li jistabbilixxi Reġistru tal-Unjoni għall-perjodi li jagħlqu fil-31 ta’ Diċembru 2012 tal-iskema tal-Unjoni għan-negozjar ta’ emissjonijiet skont id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2003/87/KE tal-Parlament Ewropew u tal-Kunsill tat-13 ta’ Ottubru 2003 li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità u li temenda d-Direttiva 96/61/KE ( 1 ), u b’mod partikolari l-Artikolu 19 tagħha,

Wara li kkunsidrat id-Deċiżjoni tal-Kummissjoni Nru 280/2004/KE tal-Parlament Ewropew u tal-Kunsill tal-11 ta’ Frar 2004 li tikkonċerna l-mekkaniżmu għall-monitoraġġ tal-emissjonijiet ta’ gass serra tal-Komunità u biex jiġi implimentat il-Protokoll ta’ Kyoto ( 2 ), u b’mod partikolari l-ewwel subparagrafu, it-tieni sentenza, l-Artikolu 6(1) tagħha,

Wara li kkonsultat mal-Kontrollur Ewropew għall-Protezzjoni tad-Dejta,

Billi:

(1)

L-Artikolu 6 tad-Deċiżjoni Nru 280/2004/KE jirrikjedi lill-Unjoni u lill-Istati Membri tagħha biex japplikaw l-ispeċifikazzjonijiet funzjonali u tekniċi rigward l-istandards tal-iskambju tad-dejta għas-sistemi ta’ reġistri skont il-Protokoll ta’ Kjoto, adottati bid-Deċiżjoni 12/CMP.1 tal-Konferenza tal-Partijiet għall-UNFCCC li sservi bħala l-Laqgħa tal-Partijiet għall-Protokoll ta’ Kjoto (minn hawn ’il quddiem id-Deċiżjoni 12/CMP.1), għall-istabbiliment u l-operat tar-reġistri u s-CITL.

(2)

L-Artikolu 19(1) tad-Direttiva 2003/87/KE li tistabbilixxi skema għall-iskambju ta’ kwoti ta’ emissjonijiet ta’ gassijiet serra ġewwa l-Komunità (minn hawn ’il quddiem l-ETS) jirrikjedi li l-kwoti kollha jinżammu fir-Reġistru tal-Unjoni f’kontijiet amministrati mill-Istati Membri. Sabiex jiġi żgurat li l-unitajiet u l-kwoti ta’ Kjoto jistgħu jinżammu fl-istess kontijiet fir-reġistru tal-Unjoni, ir-Reġistru tal-Unjoni jrid jikkonforma wkoll għall-ispeċifikazzjonijiet funzjonali u tekniċi għall-istandards tal-iskambju tad-dejta għas-sistemi tar-reġistri skont il-Protokoll ta’ Kjoto, adottat bid-Deċiżjoni 12/CMP.1,

(3)

L-Artikolu 20 tad-Direttiva 2003/87/KE jirrikjedi li jiġi stabbilit reġistru indipendenti tat-tranżazzjonijiet (minn hawn ’il quddiem ir-Reġistru tat-Tranżazzjonijiet tal-Unjoni Ewropea jew EUTL) li jirreġistra l-ħruġ, it-trasferiment u l-kanċellazzjoni tal-kwoti. L-Artikolu 6(2) tad-Deċiżjoni Nru 280/2004/KE jirrikjedi li t-tagħrif dwar il-ħruġ, iż-żamma, it-trasferiment, l-akkwist, il-kanċellazzjoni u l-irtirar ta’ unitajiet tal-ammont assenjati, unitajiet ta’ tneħħija, unitajiet ta’ tnaqqis ta’ emissjonijiet u ta’ tnaqqis ta’ emissjonijiet ċertifikati u t-trasferiment ta’ unitajiet tal-ammont assenjati, unitajiet ta’ tnaqqis ta’ emissjonijiet u ta’ tnaqqis ta’ emissjonijiet ċertifikati jkunu disponibbli għar-reġistru tat-tranżazzjonijiet.

(4)

L-Artikolu 19(3) tad-Direttiva 2003/87/KE jirrekjedi li titfassal sistema standardizzata u sigura ta’ reġistri fil-għamla ta’ databases elettroniċi u standardizzati li jkun fihom l-elementi komuni ta’ dejta sabiex jittraċċjaw il-ħruġ, iż-żamma, it-trasferiment u l-kanċellazzjoni tal-kwoti, sabiex jipprovdu l-aċċess pubbliku u l-kunfidenzjalità kif xieraq u sabiex jiżguraw li ma jkun hemm l-ebda trasferiment li ma jkunx kompatibbli mal-obbligi li jirriżultaw mill-Protokoll ta’ Kjoto.

(5)

Kull reġistru stabbilit skont l-Artikolu 6 tad-Deċiżjoni nru 280/2004/KE għandu jkun fih mill-inqas kont wieħed ta’ depożitu ta’ Parti, kont wieħed tal-irtirar, u kontijiet ta’ kanċellazzjoni u sostituzzjoni rikjesti skont id-Deċiżjoni 13/CMP.1 tal-Konferenza tal-Partijiet għall-UNFCCC li sservi bħala l-Laqgħa tal-Partijiet għall-Protokoll ta’ Kjoto (minn hawn ’il quddiem Deċiżjoni 13/CMP.1), u r-reġistru tal-Unjoni li jżomm il-kwoti kollha skont l-Artikolu 19 tad-Direttiva 2003/87/KE għandu jkun fih kontijiet amministrattivi u kontijiet tal-utent rikjesti sabiex jiġu implimentati r-rekwiżiti ta’ dik id-Direttiva. Kull kont bħal dan għandu jinħoloq skont proċeduri standardizzati biex jiġu żgurati l-integrità tas-sistema tar-reġistri u l-aċċess pubbliku għat-tagħrif miżmuma f’din is-sistema.

(6)

Kull reġistru stabbilit skont l-Artikolu 6 tad-Deċiżjoni Nru 280/2004/KE għandu joħroġ unitajiet tal-ammont assenjati (minn hawn ’il quddiem AAUs) skont id-Deċiżjoni 13/CMP.1, filwaqt li kwoti għandhom jinħarġu fir-reġistru tal-Unjoni. Ir-reġistri stabbiliti skont l-Artikolu 6 tad-Deċiżjoni Nru 280/2004/KE għandhom jiżguraw li jżommu depożitu ta’ AAUs li jkun daqs l-ammont ta’ kwoti maħruġa minnhom fir-reġistru tal-Unjoni biex jiżguraw li kwalunkwe tranżazzjoni bil-kwoti tkun tista’ tiġi segwita bi trasferimenti korrispondenti ta’ AAUs permezz ta’ mekkaniżmu ta’ approvazzjoni fl-aħħar ta’ kull perjodu.

(7)

Peress li l-Istati Membri ma għandhom l-ebda influwenza fuq l-ammont ta’ kwoti li d-detenturi tal-kont se jagħżlu li jiddepożitaw fir-reġistri tagħhom, il-limitazzjonijiet kollha internazzjonali potenzjali fil-ġejjieni dwar l-ibbankjar ta’ AAUs li jservu bħala depożitu għall-kwoti li nħarġu jikkawżaw diffikultajiet serji għal dawk ir-reġistri meta jinżammu għadd sproporzjonat ta’ kwoti bħal dawk. Sabiex jiġi żgurat li r-riskji li qed jiltaqgħu magħhom l-Istati Membri f’dan ir-rigward jinqasmu b’mod ugwali fost l-Istati Membri kollha, il-mekkaniżmu ta’ approvazzjoni għandu jkun stabbilit b’mod tali li meta jitlesta, jinżamm ammont ta’ AAUs fil-kont ta’ approvazzjoni tar-reġistru tal-Unjoni li jkun daqs il-kwoti li se jiġu ddepożitati fil-perjodu 2008-12.

(8)

It-tranżazzjonijiet bi kwoti fir-reġistru tal-Unjoni għandhom jitwettqu permezz ta’ konnessjoni tal-komunikazzjoni li tinvolvi l-EUTL, filwaqt li tranżazzjonijiet bl-unitajiet ta’ Kjoto għandhom jitwettqu permezz ta’ konnessjoni ta’ komunikazzjoni li tinvolvi kemm l-EUTL kif ukoll ir-reġistru tat-tranżazzjonijiet internazzjonali tal-UNFCCC (minn hawn ’il quddiem ITL). Għandhom ikunu adottati dispożizzjonijiet li jiżguraw li l-Istati Membri li ma jistgħux joħorġu l-AAUs skont il-Protokoll ta’ Kjoto għax ma għandhomx impenn vinkolanti ta’ tnaqqis tal-emissjonijiet, ikunu jistgħu jkomplu l-parteċipazzjoni ugwali tagħhom fis-sistema tal-Unjoni ta’ skambju tal-emissjonijiet. Tali parteċipazzjoni mhux se tkun possibbli fil-perjodu 2008-12 peress li, b’differenza minn Stati Membri oħra, dawn l-Istati Membri mhux se jkunu jistgħu joħorġu kwoti li huma marbutin ma’ AAUs rikonoxxuti skont il-Protokoll ta’ Kjoto. Tali parteċipazzjoni ugwali għandha tkun permessa permezz ta’ mekkaniżmi speċifiċi fir-reġistru tal-Unjoni.

(9)

L-EUTL għandu jwettaq kontrolli awtomatizzati fuq il-proċessi kollha fis-sistema tar-reġistri li jikkonċernaw il-kwoti, l-emissjonijiet verifikati, il-kontijiet u l-unitajiet ta’ Kjoto, u l-ITL għandu jwettaq kontrolli awtomatizzati fuq il-proċessi li jikkonċernaw l-unitajiet ta’ Kjoto biex ikun żgurat li ma jkunx hemm irregolaritajiet. Il-proċessi li jfallu f’dawn il-kontrolli għandhom jitwaqqfu biex ikun żgurat li t-tranżazzjonijiet fis-sistema tar-reġistri tal-Unjoni jikkonformaw mar-rekwiżiti tad-Direttiva 2003/87/KE u r-rekwiżiti elaborati skont l-UNFCCC u l-Protokoll ta’ Kjoto.

(10)	Għandhom jiġu applikati rekwiżiti adegwati u armonizzati dwar l-awtentikazzjoni u d-drittijiet tal-aċċess biex tkun protetta s-sigurtà tat-tagħrif miżmum fis-sistema tar-reġistri integrata u reġistrazzjonijiet li jikkonċernaw il-proċessi, l-operaturi u l-persuni kollha fis-sistema tar-reġistri.

(11)

L-Amministratur Ċentrali għandu jiżgura li interruzzjonijiet fl-operat tas-sistema tar-reġistri jkunu mill-inqas possibbli billi jittieħdu l-passi raġonevoli kollha biex tkun żgurata d-disponibbiltà tar-reġistru tal-Unjoni u tal-EUTL u billi jiġu pprovduti sistemi u proċeduri sodi għas-salvagwardja tat-tagħrif kollu.

(12)

Is-sistema tar-reġistri għandha tkun tista’ takkomoda l-introduzzjoni tal-avjazzjoni fl-iskema għall-iskambju ta’ kwoti tal-emissjonijiet ta’ gassijiet serra ġewwa l-Unjoni mill-1 ta’ Jannar 2012 ’il quddiem. Il-biċċa l-kbira tal-kompiti li ġejjin mir-reviżjoni tal-ETS, stabbilita fid-Direttiva 2009/29/KE tal-Parlament Ewropew u tal-Kunsill tat-23 ta’ April 2009 li temenda d-Direttiva 2003/87/KE għat-titjib u l-estensjoni tal-iskema Komunitarja għall-iskambju ta’ kwoti ta’ emissjonijiet ta’ gassijiet serra ( 3 ), jeħtieġ li jitwettqu biss mill-1 ta’ Jannar 2013 ’il quddiem. Dawk ir-rekwiżiti huma separati mill-funzjonalitajiet li jeħtieġ li jkunu stabbiliti fl-2012 minħabba l-introduzzjoni tal-attivitajiet tal-avjazzjoni fl-ETS.

(13)

Peress li l-operaturi tal-inġenji tal-ajru huma intitolati li jċedu sett ta’ kwoti differenti mill-operaturi tal-installazzjonijiet, l-operaturi tal-inġenji tal-ajru għandhom jiġu pprovduti b’tip ta’ kont differenti, il-kont ta’ depożitu tal-operatur tal-inġenju tal-ajru. Il-kwoti maħruġa skont il-Kapitolu II tad-Direttiva tal-UE ETS li jkopru l-avjazzjoni huma differenti mill-kwoti maħruġa sa issa, peress li huma jkopru l-emissjonijiet li l-biċċa l-kbira minnhom mhumiex fl-ambitu tal-Protokoll ta’ Kjoto. Bħala tali, għandhom jiġu mmarkati bħala differenti minn kwoti oħrajn.

(14)

Id-Direttiva 2008/101/KE tal-Parlament Ewropew u tal-Kunsill tad-19 ta’ Novembru 2008 li temenda d-Direttiva 2003/87/KE sabiex tinkludi l-attivitajiet tal-avjazzjoni fl-iskema għall-iskambju ta’ kwoti tal-emissjonijiet ta’ gassijiet serra ġewwa l-Komunità ( 4 ) kienet tesiġi li l-unitajiet jew il-kwoti ta’ Kjoto sostnuti bl-unitajiet ta’ Kjoto ċeduti mill-operaturi tal-inġenji tal-ajru għandhom jiġu rtirati biss sal-kwantità ugwali għall-emissjonijiet tal-avjazzjoni domestika. Madankollu, peress li l-Istati Membri ma jistgħux jinfluwenzaw l-għażla ta’ operaturi tal-inġenji tal-ajru dwar jekk għandhomx iċedu kwoti jew unitajiet tal-Kapitolu II, għandha tiġi stabbilita sistema ċentralizzata ta’ ċediment u ta’ distribuzzjoni mill-ġdid li tiggarantixxi li l-unitajiet ċeduti mill-operaturi tal-inġenji tal-ajru li jistgħu jiġu rtirati jinġabru u jintużaw primarjament biex ikopru l-emissjonijiet tal-avjazzjoni domestika tal-Istati Membri kollha b’mod ugwali. Aktar ’il quddiem l-Istati Membri għandhom jiddeċiedu kif se jużaw kull unità hekk miġbura li tista’ tiġi rtirata.

(15)

Għall-iskopijiet tal-implimetazzjoni tal-analiżi tal-ETS u biex tiġi ffaċilitata l-introduzzjoni tal-avjazzjoni fl-2012, ikun biżżejjed li f’livell tekniku, jinġabru flimkien il-funzjonijiet preżenti tar-reġistru tal-ETS tal-Istati Membri u l-implimentazzjoni teknika tal-funzjonijiet tar-reġistru tal-Protokoll ta’ Kjoto bir-reġistri separati tal-Protokoll ta’ Kjoto (minn hawn ’il quddiem PK) titħalla titħaddem mill-Istati Membri.

(16)

Sabiex jiġu implimentati l-bidliet introdotti bid-Direttiva 2009/29/KE u biex tiġi ffaċilitata l-introduzzjoni tal-attivitajiet tal-avjazzjoni fl-ETS fl-2012, ikun biżżejjed li f’livell tekniku jinġabru flimkien il-funzjonijiet preżenti tar-reġistru tal-ETS tal-Istati Membri u l-implimentazzjoni teknika tal-funzjonijiet tar-reġistru bir-reġistri separati titħalla titħaddem mill-Istati Membri sakemm huwa meħtieġ. Madankollu, soluzzjoni bħal din ma tkunx kost-effettiva, peress li tkun teħtieġ il-manutenzjoni f’kull Stat Membru tal-kapaċitajiet estensivi paralleli tat-teknoloġija tal-informazzjoni li ma jkunux użati ħafna. Għalhekk, huwa l-għan tal-Kummissjoni u tal-Istati Membri li jaħdmu flimkien lejn l-istabbiliment ta’ “Sistema Konsolidata ta’ Reġistri Ewropej” li tgħaqqad flimkien il-funzjonijiet tat-teknoloġija tal-informazzjoni relatati ma’ reġistri tal-PK tal-Istati Membri kollha.

(17)

Il-modalitajiet stabbiliti f’dan ir-Regolament għall-kontabbiltà ta’ kwoti u unitajiet ta’ Kjoto u għall-possibbiltà li tiġi stabbilita s-Sistema Konsolidata ta’ Reġistri Ewropej huma mingħajr preġudizzju għal kwalunkwe deċiżjoni fil-ġejjieni mill-Unjoni Ewropea dwar jekk timpenjax ruħha għal mira konġunta tal-Unjoni għal tnaqqis fl-emissjonijiet jew għal miri separati tal-Istati Membri għal tnaqqis fl-emissjonijiet skont kull trattat internazzjonali fil-ġejjieni dwar it-tibdil fil-klima.

(18)

Skont l-Artikolu 19(4) tad-Direttiva 2003/87/KE, hemm bżonn li jkun hemm dispożizzjoni għal proċessi għall-ġestjoni tal-bidla u tal-inċidenti għar-reġistru tal-Unjoni u l-modalitajiet xierqa għar-reġistru tal-Unjoni sabiex jiġi żgurat li l-inizjattivi tal-Istati Membri fir-rigward tat-titjib tal-effiċjenza, tal-ġestjoni tal-ispiża amministrattiva u tal-miżuri tal-kontroll ta’ kwalità huma possibbli. Iż-żamma tal-kwoti kollha fir-reġistru tal-Unjoni għandha tkun mingħajr preġudizzju għaż-żamma tar-reġistri nazzjonali għal emissjonijiet mhux koperti mill-ETS u r-reġistru tal-Unjoni għandu jipprovdi l-istess kwalità ta’ servizzi bħar-reġistri nazzjonali.

(19)

Peress li mill-2009, l-okkorrenza ta’ frodi tal-VAT, ħasil tal-flus u attivitajiet kriminali oħra żdiedet b’mod sinifikanti fis-sistema tar-reġistri kollha, hemm bżonn li jiġu pprovvduti regoli aktar dettaljati u robusti dwar il-kontroll tal-informazzjoni tal-identità provvduta minn detenturi tal-kont u minn persuni li jixtiequ jiftħu kont. Barra minn hekk, jeħtieġ li jkun possibbli għall-awtoritajiet tal-Istati Membri li jiċħdu l-ftuħ ta’ kontijiet lil dawk li b’mod raġonevoli jiġu suspettati li jixtiequ jużaw is-sistema ta’ reġistri għal skopijiet frodolenti. Fl-aħħar, ir-regoli dettaljati għandhom jiġu pprovduti biex jippermettu l-forniment mingħajr dewmien u effettiv ta’ dejta lill-aġenziji tal-infurzar tal-liġi, li b’hekk ikunu jistgħu jużaw id-dejta miksuba għal skopijiet ta’ investigazzjoni.

(20)

Ir-Regolament tal-Kummissjoni (KE) Nru 994/2008 tat-8 ta’ Ottubru 2008 għal sistema standardizzata u sigura ta’ reġistri skont id-Direttiva 2003/87/KE tal-Parlament Ewropew u tal-Kunsill u d-Deċiżjoni Nru 280/2004/KE tal-Parlament Ewropew u tal-Kunsill ( 5 ) ħassar u ħa post ir-Regolament tal-Kummissjoni (KE) Nru 2216/2004 tal-21 ta’ Diċembru 2004 għal sistema standardizzata u sigura ta’ reġistri skont id-Direttiva 2003/87/KE tal-Parlament Ewropew u tal-Kunsill u d-Deċiżjoni 280/2004/KE tal-Parlament Ewropew u tal-Kunsill ( 6 ) mill-2012 ’il quddiem. Peress li dan ir-Regolament jibdel sostanzjalment id-dispożizzjonijiet applikabbli mill-1 ta’ Jannar 2012 dwar bosta oqsma regolati, l-interess taċ-ċarezza jirrikjedi li r-Regolament (KE) Nru 994/2008 jitħassar u jinbidel kollu kemm hu, filwaqt li tinżamm ir-revoka u s-sostituzzjoni tar-Regolament (KE) Nru 2216/2004 pprovduti fir-Regolament (KE) Nru 994/2008.

(21)

Peress li r-Regolament (KE) Nru 2216/2004 se jibqa fis-seħħ sal-aħħar tal-2011, xi wħud mill-emendi parzjali ta’ dak ir-Regolament huma meħtieġa b’effett immedjat. Dawk l-emendi jirrelataw mal-ġlieda kontra l-frodi u attivitajiet kriminali oħra u mal-proċess ta’ ċediment ta’ kwoti. Dispożizzjonijiet li ma għadhomx jintużawgħandhom jitħassru wkoll fl-interess taċ-ċarezza. Ladarba l-emendi relatati mal-attivitajiet kontra l-frodi u mal-proċess ta’ ċediment ta’ kwoti għandhom jiġu applikati mill-aktar fis, dan ir-Regolament għandu jidħol fis-seħħ immedjatament wara l-pubblikazzjoni tiegħu.

(22)	Għalhekk ir-Regolament (KE) Nru 2216/2004 għandu jiġi emendat kif meħtieġ b’effett immedjat. Dak ir-Regolament għandu jitħassar mill-1 ta’ Jannar 2012

(23)

Skont id-Direttiva 2003/4/KE tal-Parlament Ewropew u tal-Kunsill tat-28 ta’ Jannar 2003 dwar l-aċċess pubbliku għat-tagħrif ambjentali u li tħassar id-Direttiva tal-Kunsill 90/313/KEE ( 7 ) u d-Deċiżjoni 13/CMP.1, ir-rapporti speċifiċi għandhom ikunu ppubblikati fuq bażi regolari biex ikun żgurat li l-pubbliku jkollu aċċess għat-tagħrif miżmum fis-sistema integrata ta’ reġistri, soġġett għal ċerti rekwiżiti ta’ kunfidenzjalità.

(24)

Il-leġiżlazzjoni tal-Unjoni dwar il-protezzjoni tal-individwi fir-rigward tal-ipproċessar tad-dejta personali u dwar il-moviment liberu ta’ tali dejta, b’mod partikolari d-Direttiva 95/46/KE tal-Parlament Ewropew u tal-Kunsill tal-24 ta’ Ottubru 1995 dwar il-protezzjoni ta’ individwi fir-rigward tal-ipproċessar ta’ data [dejta] personali u dwar il-moviment liberu ta’ dik id-data [dejta] ( 8 ), id-Direttiva 2002/58/KE tal-Parlament Ewropew u tal-Kunsill tat-12 ta’ Lulju 2002 dwar l-ipproċessar tad-data [dejta] personali u l-protezzjoni tal-privatezza fis-settur tal-komunikazzjoni elettronika (id-Direttiva dwar il-privatezza u l-komunikazzjoni elettronika) ( 9 ) u r-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni tal-individwu fir-rigward tal-ipproċessar tad-data [dejta] personali mill-istituzzjonijiet u l-korpi tal-Komunità u dwar il-moviment ħieles ta’ dik id-data [dejta] ( 10 ), għandha tkun irrispettata meta din tkun applikabbli għat-tagħrif miżmum u pproċessat skont dan ir-Regolament.

(25)	Il-miżuri previsti f’dan ir-Regolament huma skont l-opinjoni tal-Kumitat dwar il-Bidla fil-Klima,

ADOTTAT DAN IR-REGOLAMENT:

►M1 Dan ir-Regolament jistabbilixxi rekwiżiti ġenerali kif ukoll operattivi u ta’ manutenzjoni għall-perjodi li jagħlqu fil-31 ta’ Diċembru 2012 dwar is-sistema standardizzata u sigura ta’ reġistri li tikkonsisti f'reġistri, u r-reġistru indipendenti tat-tranżazzjonijiet imsemmi fl-Artikolu 20(1) tad-Direttiva 2003/87/KE u fl-Artikolu 6 tad-Deċiżjoni Nru 280/2004/KE. ◄ Jipprovdi wkoll sistema ta’ komunikazzjoni bejn is-sistemi ta’ reġistri u r-Reġistru Internazzjonali tat-Tranżazzjonijiet stabbilit, imħaddem u miżmum mis-Segretarjat tal-Konvenzjoni Qafas tan-Nazzjonijiet Uniti dwar il-Tibdil fil-Klima (UNFCCC).

Dan ir-Regolament jikkonċerna kwoti maħluqin fl-Iskema tal-Unjoni għan-negozjar ta’ emissjonijiet għall-perjodi li jagħlqu fil-31 ta’ Diċembru 2012 u unitajiet ta’ Kjoto.

Għall-iskopijiet ta’ dan ir-Regolament, għandhom japplikaw id-definizzjonijiet stabbiliti fl-Artikolu 3 tad-Direttiva 2003/87/KE. Id-definizzjonijiet li ġejjin għandhom japplikaw ukoll:

1. Bil-għan li jissodisfaw l-obbligi tagħhom bħala Partijiet PK skont l-Artikolu 6 tad-Deċiżjoni Nru 280/2004/KE biex tiġi żgurata l-kontabbiltà eżatta tal-unitajiet ta’ Kjoto, kull Stat Membru u l-Unjoni għandhom iħaddmu reġistru (minn hawn ’il quddiem “ir-reġistru tal-PK”) fil-forma ta’ database elettronika standardizzata li tkun konformi mar-rekwiżiti li jikkonċernaw r-reġistri tal-UNFCCC, u partikolarment l-ispeċifikazzjonijiet funzjonali u tekniċi għall-istandards dwar l-iskambju tad-dejta għas-sistemi tar-reġistri skont il-Protokoll ta’ Kjoto, li ġew elaborati skont id-Deċiżjoni 12/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto.

2. Qed ikun stabbilit Reġistru tal-Unjoni għall-perjodi li jagħlqu fil-31 ta’ Diċembru 2012 tal-iskema tal-Unjoni għan-negozjar ta’ emissjonijiet. Għall-finijiet li jħarsu l-obbligi tagħhom skont l-Artikolu 19 tad-Direttiva 2003/87/KE biex tkun żgurata b'mod preċiż il-kontabbiltà ta’ kwoti, mill-1 ta’ Jannar 2012 'il quddiem l-Istati Membri għandhom jużaw ir-Reġistru tal-Unjoni, li għandu jiffunzjona wkoll bħala Reġistru KP għall-Komunità Ewropea bħala Parti KP separata. Ir-Reġistru tal-Unjoni għandu jipprovdi lil amministraturi nazzjonali u lil detenturi ta’ kontijiet il-proċessi kollha deskritti fil-Kapitoli IV sa VI.

3. Permezz ta’ deroga mill-paragrafu 1, l-Istati Membri li ma jistgħux joħorġu AAUs minħabba raġunijiet għajr dawk li jitqiesu mill-UNFCCC bħala mhux eliġibbli biex jittrasferixxi ERUs, AAUs u CERs skont id-dispożizzjonijiet tad-Deċiżjoni 11/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto (minn hawn ’il quddiem “Stati Membri mingħajr reġistru tal-PK”) mhumiex rikjesti li jistabbilixxu reġistru tal-PK.

4. Ir-reġistru tal-Unjoni u kull reġistru tal-PK ieħor għandhom jikkonformaw mal-ispeċifikazzjonijiet funzjonali u tekniċi għall-istandards dwar l-iskambju tad-dejta għas-sistemi tar-reġistri skont il-Protokoll ta’ Kjoto li ġew elaborati skont id-Deċiżjoni 12/CMP.1 u għandhom jikkonformaw mar-rekwiżiti tal-ħardwer, in-netwerk u s-softwer stipulati fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

1. Qed ikun stabbilit Reġistru tat-Tranżazzjonijiet tal-Unjoni Ewropea (EUTL), li għandu jieħu l-forma ta’ database elettronika standardizzata, skont l-Artikolu 20 tad-Direttiva 2003/87/KE, għal tranżazzjonijiet fl-ambitu ta’ dan ir-Regolament. L-EUTL għandu jservi wkoll biex jirreġistra l-informazzjoni kollha relatata mad-depożiti u t-trasferimenti ta’ unitajiet ta’ Kjoto skont l-Artikolu 6(2) tad-Deċiżjoni Nru 280/2004/KE.

2. L-Amministratur Ċentrali għandu jħaddem u jżomm l-EUTL f’konformità mad-dispożizzjoniet ta’ dan ir-Regolament.

3. L-EUTL għandu jkun jista’ jikkontrolla u jirreġistra l-proċessi kollha msemmija skont l-Artikolu 3(2), u għandu jikkonforma mal-ispeċifikazzjonijiet funzjonali u tekniċi għall-istandards dwar l-iskambju tad-dejta għas-sistemi tar-reġistri skont il-Protokoll ta’ Kjoto li ġew elaborati skont id-Deċiżjoni 12/CMP.1 u għandu jikkonforma mar-rekwiżiti tal-ħardwer, in-netwerk u s-softwer stipulati fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

4. L-EUTL għandu jkun jista’ jikkontrolla u jirreġistra l-proċessi kollha deskritti fil-Kapitoli IV u VI.

1. Ir-reġistru tal-Unjoni u kull reġistru tal-PK ieħor għandhom iżommu konnessjoni tal-komunikazzjoni mar-Reġistru tat-Tranżazzjonijiet Internazzjonali tal-UNFCCC (minn hawn ’il quddiem “ITL”) bil-għan li jiġu kkomunikati t-tranżazzjonijiet li jittrasferixxu l-unitajiet ta’ Kjoto għal reġistri tal-PK oħra jew minn għandhom.

2. L-EUTL għandu jżomm ukoll konnessjoni tal-komunikazzjoni mal-ITL għal finijiet ta’ reġistrazzjoni u kontroll ta’ trasferimenti msemmija skont paragrafu 1. Għal dan il-għan, l-ITL jikkomunika t-trasferimenti proposti kollha li jinvolvu reġistru tal-PK lill-EUTL qabel ma jiġi reġistrat it-trasferiment.

3. Ir-reġistru tal-Unjoni għandu jżomm ukoll konnessjoni tal-komunikazzjoni diretta mal-EUTL għal finijiet bil-għanijiet ta’ reġistrazzjoni u kontroll ta’ tranżazzjonijiet li jittrasferixxu kwoti u ta’ proċessi ta’ ġestjoni ta’ kontijiet deskritti fil-Kapitolu IV. It-tranżazzjonijiet kollha li jinvolvu kwoti għandhom jitwettqu fir-reġistru tal-Unjoni, u għandhom jiġu rreġistrati u kkontrollati mill-EUTL, iżda mhux mill-ITL.

4. Il-Kumitat dwar il-Bidla fil-Klima jista’ jiddeċiedi li jikkonsolida l-konnessjonijiet tal-komunikazzjoni esterni, l-infrastruttura tat-teknolġija tal-informazzjoni, il-proċeduri tal-aċċess għall-kontijiet tal-utent, u l-mekkaniżmi għall-ġestjoni tal-kontijiet tal-PK tar-reġistru tal-Unjoni ma’ dawk tar-reġistri tal-PK kollha f’Sistema Konsolidata ta’ Reġistri Ewropej, miżmuma mill-Amministratur Ċentrali. Meta tiġi adottata din id-deċiżjoni, il-Kummissjoni għandha tipproponi emendi għal dan ir-Regolament biex jiġu definiti l-modalitajiet għall-implimentazzjoni ta’ Sistema Konsolidata ta’ Reġistri Ewropej.

5. L-Amministratur Ċentrali jista’ jistabbilixxi konnessjoni tal-komunikazzjoni ristretta bejn l-EUTL u r-reġistru ta’ Pajjiż Aderenti bil-għan li reġistri bħal dawn ikunu jistgħu jikkomunikaw mal-ITL permezz tal-EUTL u jirreġistraw dejta verifikata tal-emissjonijiet ta’ operaturi fl-EUTL. Dawk ir-reġistri għandhom ilestu b’suċċess il-proċeduri kollha ta’ ttestjar u ta’ inizjalizzazzjoni meħtieġa qabel l-istabbiliment ta’ din il-konnessjoni tal-komunikazzjoni.

1. Kull Stat Membru għandu jinnomina amministratur nazzjonali. L-Istat Membru għandu jaċċessa u jamministra l-kontijiet tiegħu stess u l-kontijiet fir-reġistru tal-Unjoni li jaqgħu taħt il-ġuriżdizzjoni tiegħu permezz tal-amministratur nazzjonali tiegħu. Kull amministratur nazzjonali ta’ Stat Membru għandu jservi wkoll bħala amministratur tar-reġistru tal-PK tiegħu. L-amministratur tar-reġistru tal-PK għandu jħaddem u jżomm ir-reġistru tal-PK tal-Istat Membru tiegħu f’konformità mad-dispożizzjoniet ta’ dan ir-Regolament.

2. L-Amministratur Ċentrali għandu jħaddem u jżomm ir-reġistru tal-Unjoni. L-Amministratur Ċentrali tal-PK għandu jservi wkoll bħala l-amministratur tal-parti tar-reġistru tal-PK tal-UE tar-reġistru tal-Unjoni.

3. L-Istati Membri u l-Kummissjoni għandhom jiżguraw li ma jkun hemm l-ebda kunflitt ta’ interess fost l-amministraturi nazzjonali, l-Amministratur Ċentrali u d-detenturi tal-kontijiet tal-utent.

4. Kull Stat Membru għandu jinnotifika lill-Kummissjoni bl-identità u d-dettalji tal-kuntatt tal-amministratur nazzjonali tiegħu.

5. Il-Kummissjoni għandha tikkoordina l-implimentazzjoni ta’ dan ir-Reġistru mal-amministraturi tar-reġistru ta’ kull Stat Membru u l-Amministratur Ċentrali. B’mod partikolari, il-Kummissjoni għandha tikkonsulta l-grupp ta’ ħidma tal-Kumitat dwar il-Bidla fil-Klima dwar il-kwistjonijiet u l-proċeduri relatati mal-operat tar-reġistri u l-implimentazzjoni ta’ dan ir-Regolament. Il-grupp ta’ ħidma tal-amministraturi għandu jaqbel mal-proċeduri tal-operat komuni għall-implimentazzjoni ta’ dan ir-Regolament, inklużi l-proċeduri tal-ġestjoni tal-bidla u l-inċidenti għar-reġistru tal-Unjoni. Ir-regoli tal-proċedura tal-grupp ta’ ħidma tal-amministraturi tar-reġistru għandhom jiġu adottati mill-Kumitat dwar il-Bidla fil-Klima.

6. L-Amministratur Ċentrali, l-awtoritajiet kompetenti u l-amministraturi nazzjonali għandhom iwettqu biss proċessi meta dawn ikunu meħtieġa biex ikunu jistgħu jwettqu l-funzjonijiet rispettivi tagħhom.

1. Ir-reġistru tal-Unjoni għandu jkun jista’ jżomm il-kwoti tal-Kapitolu II u l-kwoti tal-Kapitolu III.

2. Kull reġistru tal-PK u r-reġistru tal-Unjoni għandhom ikunu jistgħu jżommu AAUs, ERUs, CERs, RMUs, lCERs u tCERs (imsemmijin b’mod kollettiv bħala “l-unitajiet ta’ Kjoto”).

1. Ir-reġistru tal-Unjoni għandu jkun fih il-kontijiet elenkati taħt l-intestaturi “II. Kontijiet ta’ ġestjoni fir-Reġistru tal-Unjoni” u “III. Kontijiet tal-utent fir-Reġistru tal-Unjoni” fl-Anness I.

2. Ir-reġistru tal-Unjoni u kull reġistru ieħor tal-PK għandu jkun fih il-kontijiet elenkati taħt l-intestatura “I. Kontijiet tal-Parti PK fir-reġistri tal-PK” fl-Anness I.

3. It-tip ta’ unitajiet li jistgħu jinżammu minn kull tip ta’ kont huwa stipulat fl-Anness I, u t-tip ta’ tranżazzjonijiet li jistgħu jinbdew jew jiġu riċevuti minn kull tip ta’ kont huwa stipulat fl-Anness II.

1. Il-kontijiet għandu jkollhom wieħed mill-istatus li ġejjin: miftuħ, inattiv, ibblukat jew magħluq.

2. Ma jistgħux jinbdew proċessi minn kontijiet imblokkati, għajr għaċ-ċediment ta’ unitajiet, għad-dħul tal-emmissjonijiet verifikati, u għall-aġġornament tad-dettalji tal-kont.

3. Ma jistgħux jinbdew proċessi minn kontijiet magħluqa. Kont magħluq ma jistax jinfetaħ mill-ġdid, u ma jista’ jirċievi l-ebda trasferimenti ta’ unitajiet.

1. Kull kont għandu jkollu amministratur responsabbli mill-amministrazzjoni tal-kont f’isem ta’ Stat Membru jew f’isem l-Unjoni.

2. L-amministratur ta’ kont huwa stabbilit għal kull tip ta’ kont fit-tielet kolonna tat-Tabella I-1 fl-Anness I.

3. L-amministratur ta’ kont għandu jkollu r-responsabbiltà li jiftaħ, jissospendi l-aċċess jew jagħlaq kont, li japprova r-rappreżentanti awtorizzati, li jippermetti bidliet bħal dawn fid-dettalji tal-kont li jeħtieġu l-approvazzjoni tal-amministratur, u li jagħti bidu għal tranżazzjonijiet jekk dan ikun rikjest mid-detentur tal-kont skont l-Artikolu 19(4).

4. Il-kontijiet tal-utent għandhom ikunu rregolati minn liġijiet u jaqgħu taħt il-ġuriżdizzjoni tal-Istat Membru tal-amministratur tagħhom u l-unitajiet miżmuma fihom għandhom jitqiesu li jinsabu fit-territorju ta’ dak l-Istat Membru.

L-Amministratur Ċentrali għandu jinnotifika lid-detentur u lill-amministratur ta’ kont tar-Reġistru tal-Unjoni bil-bidu u t-tlestija jew it-terminazzjoni ta’ kull proċess relatat mal-kont permezz ta’ mekkaniżmu awtomatizzat deskritt fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

1. Il-Kummissjoni għandha tagħti struzzjonijiet lill-amministratur Ċentrali biex jiftaħ il-kontijiet tal-Parti PK tal-Unjoni u l-kontijiet tal-ġestjoni kollha fir-reġistru tal-Unjoni għajr il-kontijiet ta’ depożitu tal-kwota nazzjonali.

2. Il-korp kompetenti tal-Istat Membru għandu jagħti struzzjonijiet lill-amministratur nazzjonali biex jiftaħ il-kont ta’ depożitu tal-kwota nazzjonali tiegħu fir-reġistru tal-Unjoni.

3. L-istruzzjonijiet imsemmija fil-paragrafi 1 u 2 għandu jkun fihom it-tagħrif stipulat fl-Anness III.

4. L-amministratur tar-reġistru jew l-amministratur Ċentrali għandu jiftaħ il-kont tal-Parti PK jew il-kont tal-ġestjoni fi żmien 20 jum ta’ xogħol minn meta ngħataw l-istruzzjonijiet.

1. Talba għall-ftuħ ta’ kont ta’ depożitu ta’ persuna fir-reġistru tal-Unjoni għandha titressaq lill-amministratur nazzjonali ta’ Stat Membru. Il-persuna li qed titlob il-ftuħ ta’ kont għandha tipprovdi t-tagħrif rikjest mill-amministratur nazzjonali, li għandu jinkludi tal-inqas it-tagħrif stipulat fl-Anness IV.

2. L-Istat Membru tal-amministratur nazzjonali jista’ jirrikjedi li persuni tal-UE li qed jitolbu l-ftuħ tal-kont ikollhom ir-residenza jew ir-reġistrazzjoni permanenti tagħhom fl-Istat Membru tal-amministratur nazzjonali li qed jamministra l-kont.

3. Fi żmien 20 jum ta’ xogħol mill-wasla ta’ sett komplut ta’ tagħrif meħtieġ skont il-paragrafi 1 u 2 u wara l-approvazzjoni tal-għadd meħtieġ ta’ rappreżentanti awtorizzati skont l-Artikolu 20, l-amministratur nazzjonali għandu jiftaħ kont ta’ depożitu ta’ persuna fir-reġistru tal-Unjoni jew jinforma lill-persuna li qed titlob il-ftuħ tal-kont li hu qed jiċħad il-ftuħ tal-kont.

Mit-30 ta’ Ġunju 2012, jista' jkun sottomess il-ftuħ ta’ kontijiet ta’ negozjar fir-Reġistru tal-Unjoni. Bla ħsara għall-Artikoli 43 u 44, jistgħu jkunu applikati mutatis mutandis ir-regoli stabbiliti f'dan ir-Regolament għal persuna li jkollha kontijiet ta’ depożitu.

Ftuħ ta’ kontijiet ta’ depożitu ta’ pjattaforma tal-kummerċ fir-Reġistru tal-Unjoni

1. Il-pjattaformi ta’ negozjar jistgħu jressqu talba għal kont ta’ depożitu ta’ pjattaforma ta’ negozjar fir-Reġistru tal-Unjoni. Din it-talba għandha titressaq lill-amministratur nazzjonali. Il-persuna li titlob il-kont għandha tipprovdi l-informazzjoni mitluba mill-amministratur nazzjonali. Din l-informazzjoni għandha tinkludi, mill-anqas, l-informazzjoni stipulata fl-Anness III, kif ukoll evidenza li l-pjattaforma ta’ negozjar tiżgura livell ta’ sigurtà ekwivalenti jew ogħla mis-sigurtà żgurata mir-Reġistru tal-Unjoni skont dan ir-Regolament.

2. L-amministraturi nazzjonali għandhom jiżguraw li l-pjattaformi esterni jkunu konformi mar-rekwiżiti tekniċi u ta’ sigurtà deskritti fl-Ispeċifikazzjonijiet Tekniċi u ta’ Skambju ta’ Dejta pprovduti fl-Artikolu 71.

3. Fi żmien 20 jum ta’ xogħol mill-wasla tat-tagħrif komplut meħtieġ skont il-paragrafi 1 u 2 u wara l-approvazzjoni tal-għadd meħtieġ ta’ rappreżentanti awtorizzati skont l-Artikolu 20, l-amministratur nazzjonali għandu jiftaħ kont ta’ depożitu ta’ pjattaforma tal-kummerċ fir-reġistru tal-Unjoni jew jinforma lill-persuna li qed titlob il-ftuħ tal-kont li qed jiċħad li jiftaħ il-kont.

4. L-approvazzjoni ta’ rappreżentant awtorizzat addizzjonali skont l-Artikolu 19(2) ma għandhiex tkun meħtieġa għal tranżazzjonijiet mibdija minn pjattaformi ta’ negozjar eżenti. Pjattaforma ta’ negozjar tista' tkun eżentata mill-amministratur nazzjonali, fuq talba bil-miktub, jekk il-pjattaforma esterna tan-negozjar tipprovdi evidenza li għandha dispożizzjonijiet ta’ sigurtà lesti, li joffru livell ta’ protezzjoni mill-anqas daqs il-livell permess mir-rekwiżit tal-Artikolu 19(2). Ir-rekwiżiti minimi tekniċi u ta’ sigurtà għandhom ikunu stipulati fl-Ispeċifikazzjonijiet Tekniċi u ta’ Skambju ta’ Dejta pprovduti fl-Artikolu 71. L-amministratur nazzjonali kkonċernat għandu jgħarraf lill-Kummissjoni b'tali talbiet mingħajr dewmien. L-eżenzjonijiet skont dan il-paragrafu għandhom jiġu ppubblikati mill-Kummissjoni.

1. Fi żmien 20 jum ta’ xogħol mid-dħul fis-seħħ ta’ permess għall-emissjoni tal-gassijiet serra maħruġ għall-operat ta’ installazzjoni ġdida, l-awtorità kompetenti li qed toħroġ il-permess għandha tipprovdi lill-amministratur nazzjonali tal-Istat Membru bit-tagħrif stipulat fl-Anness VII, u l-operatur għandu jitlob lill-amministratur nazzjonali biex jiftaħ kont ta’ depożitu ta’ operatur fir-reġistru tal-Unjoni

2. Jekk l-awtorità tiddeċiedi hekk, it-tagħrif imsemmi fil-paragrafu 1 ta’ hawn fuq jista’ jiġi provvdut ukoll mill-operatur lill-amministratur nazzjonali fil-limitu taż-żmien stipulat fil-paragrafu 1.

3. Fi żmien 20 jum ta’ xogħol mill-wasla tat-tagħrif kollu msemmi fil-paragrafu 1 u wara l-approvazzjoni tal-għadd meħtieġ ta’ rappreżentanti awtorizzati skont l-Artikolu 20 l-amministratur nazzjonali għandu jiftaħ kont separat ta’ depożitu ta’ operatur għal kull installazzjoni fir-reġistru tal-Unjoni.

Ftuħ ta’ kontijiet ta’ depożitu ta’ operatur tal-inġenji tal-ajru fir-Reġistru tal-Unjoni

1. Fi żmien 20 jum ta’ xogħol mill-approvazzjoni tal-pjan ta’ monitoraġġ ta’ operatur tal-inġenji tal-ajru, jew sal-1 ta’ Jannar 2012, skont liema minnhom ikun l-iktar tard, l-awtorità kompetenti għandha tipprovdi lill-amministratur nazzjonali bit-tagħrif stipulat fl-Anness VIII, u l-operatur tal-inġenju tal-ajru għandu jitlob lill-amministratur nazzjonali biex jiftaħ kont ta’ depożitu ta’ operatur tal-inġenju tal-ajru fir-reġistru tal-Unjoni. Kull operatur tal-inġenji tal-ajru għandu jkollu kont ta’ depożitu ta’ operatur tal-inġenji tal-ajru wieħed.

3. Fi żmien 40 jum ta’ xogħol mill-wasla tat-tagħrif imsemmi fil-paragrafu 1 u wara l-approvazzjoni tal-għadd meħtieġ ta’ rappreżentanti awtorizzati skont l-Artikolu 20 l-amministratur nazzjonali għandu jiftaħ kont ta’ depożitu ta’ operatur tal-inġenji tal-ajru separat għal kull operatur tal-inġenji tal-ajru fir-reġistru tal-Unjoni.

4. L-istatus ta’ kontijiet ta’ depożitu ta’ operatur ta’ inġenji tal-ajru għandu jinqaleb minn ibblukkat għal miftuħ wara d-dħul ta’ emissjonijiet ivverifikati skont l-Artikolu 29 u b'ċifra ta’ status ta’ konformità ta’ 0 jew iktar, ikkalkolata skont l-Artikolu 31(1). L-istatus tal-kont għandu jinqaleb ukoll għal miftuħ f'data iktar kmieni wara li l-amministratur nazzjonali jkun irċieva talba mingħand id-detentur tal-kont biex jiġi attivat il-kont għall-kummerċ, dejjem jekk tali talba tinkludi, bħala minimu, l-elementi meħtieġa kif speċifikat fl-Ispeċifikazzjonijiet Tekniċi u ta’ Skambju ta’ Dejta pprovduti fl-Artikolu 71.

1. Talba għall-ftuħ ta’ kont ta’ verifikatur fir-reġistru tal-Unjoni għandha titressaq lill-amministratur nazzjonali. Il-persuna li qed titlob il-ftuħ ta’ kont għandha tipprovdi t-tagħrif rikjest mill-amministratur nazzjonali, li għandu jinkludi t-tagħrif stipulat fl-Anness IV u l-Anness V.

2. Fi żmien 20 jum ta’ xogħol mill-wasla tat-tagħrif kollu msemmi fil-paragrafu 1 u wara l-approvazzjoni tal-għadd meħtieġ ta’ rappreżentanti awtorizzati skont l-Artikolu 20, l-amministratur nazzjonali għandu jiftaħ kont ta’ verifikatur fir-reġistru tal-Unjoni.

1. L-amministratur nazzjonali għandu jivverifika jekk l-informazzjoni u d-dokumenti pprovduti għall-ftuħ tal-kont humiex kompluti, aġġornati, preċiżi u veri.

3. Jekk l-amministratur nazzjonali jċaħħad il-ftuħ ta’ kont, il-persuna li titlob il-ftuħ tal-kont tista' toġġezzjona għand l-awtorità relevanti skont il-liġi nazzjonali, li min-naħa tagħha għandha jew titlob lill-amministratur nazzjonali li tiftaħ il-kont, jew inkella taċċetta t-tiċħid permezz ta’ deċiżjoni raġunata, soġġett għal rekwiżiti tal-liġi nazzjonali li jfittxu għan leġittimu kompatibbli ma’ dan ir-Regolament u li jkunu pproporzjonati.

1. Kull kont, bl-eċċezzjoni tal-kont ta’ verifikatur, għandu jkollu mill-anqas żewġ rappreżentanti awtorizzati. Kont ta’ verifikatur għandu jkollu mill-anqas rappreżentant awtorizzat wieħed. Ir-rappreżentanti awtorizzati għandhom jibdew tranżazzjonijiet u proċessi oħra f'isem id-detentur ta’ kont.

2. Il-kontijiet jista' jkollhom rappreżentant awtorizzat addizzjonali wieħed jew aktar. L-approvazzjoni ta’ rappreżentant awtorizzat addizzjonali hija meħtieġa minbarra l-approvazzjoni ta’ rappreżentant awtorizzat, sabiex tibda tranżazzjoni, ħlief għal:

2a. Flimkien mar-rappreżentanti awtorizzati speċifikati fil-paragrafu 1, kontijiet jista' jkollhom rappreżentanti awtorizzati b'aċċess li juri biss il-kont.

3. L-amministratur tal-kont jista’ jagħti permess lil detenturi ta’ kontijiet tal-utent biex jippermettu li l-kontijiet tagħhom jiġu aċċessati permezz ta’ pjattaforma tal-kummerċ. Id-detenturi tal-kont li jippermettu li kont tagħhom jiġi aċċessat permezz ta’ pjattaforma tal-kummerċ għandhom jinnominaw bħala rappreżentant awtorizzat persuna li tkun diġà r-rappreżentant awtorizzat ta’ kont ta’ depożitu ta’ pjattaforma tal-kummerċ.

4. Jekk ir-rappreżentant awtorizzat ma jkollux aċċess għall-internet, jista’ jitlob lill-amministratur tal-kont biex jibda tranżazzjonijiet f’isimu, sakemm l-amministratur jippermetti talbiet bħal dawn u sakemm l-aċċess ma jkunx ġie sospiż skont l-Artikolu 27.

5. L-Ispeċifikazzjonijiet Tekniċi u tal-Iskambju tad-Dejta jistgħu jistabbilixxu għadd massimu ta’ rappreżentanti awtorizzati u ta’ rappreżentanti awtorizzati addizzjonali għal kull tip ta’ kont. Amministratur nazzjonali jista’ jistabbilixxi massimu aktar baxx għall-kont tiegħu, iżda l-għadd minimu ta’ rappreżentanti awtorizzati jrid ikun tlieta.

6. Ir-rappreżentanti awtorizzati u r-rappreżentanti awtorizzati addizzjonali jridu jkunu persuni naturali 'l fuq minn 18-il sena. Ir-rappreżentanti awtorizzati u r-rappreżentanti awtorizzati addizzjonali kollha ta’ kont wieħed iridu jkunu persuni differenti iżda l-istess persuna jista’ jkun rappreżentant awtorizzat jew rappreżentant awtorizzat addizzjonali ta’ aktar minn kont wieħed. L-Istat Membru tal-amministratur nazzjonali jista’ jeħtieġ li tal-inqas wieħed mir-rappreżentanti awtorizzati tal-kontijiet tal-utent irid ikun resident permanenti fl-Istat Membru tal-amministratur nazzjonali li qed jamministra l-kont.

Nominazzjoni u approvazzjoni ta’ rappreżentanti awtorizzati u rappreżentanti awtorizzati addizzjonali

1. Meta ssir talba biex jinfetaħ kont, il-persuna li qed titlob il-ftuħ tal-kont għandha tinnomina tal-inqas żewġ rappreżentanti awtorizzati, u dik il-persuna tista’ tinnomina rappreżentanti awtorizzati addizzjonali jekk tingħata permess mill-amministratur tal-kont.

2. Meta ssir nomina ta’ rappreżentant awtorizzat jew rappreżentant awtorizzat addizzjonali, il-persuna li qed titlob il-ftuħ tal-kont għandha tipprovdi t-tagħrif meħtieġ mill-amministratur. Dak it-tagħrif għandu jinkludi tal-inqas id-dokumenti u t-tagħrif dwar l-identifikazzjoni tal-persuna nnominata kif stipulat fl-Anness IX.

3. Fi żmien 20 jum ta’ xogħol mill-wasla ta’ sett komplut ta’ tagħrif meħtieġ skont il-paragrafi 2 l-amministratur nazzjonali għandu japprova rappreżentant awtorizzat jew rappreżentant awtorizzat addizzjonali, jew jinforma lill-persuna li qed titlob il-ftuħ tal-kont li qed jiċħad li jiftaħ il-kont. Meta l-evalwazzjoni tat-tagħrif tal-persuna nnominata tirrikjedi aktar ħin, l-amministratur jista’ jestendi għal darba l-proċess tal-evalwazzjoni sa 20 jum ta’ xogħol addizzjonali, u jinnotifika l-estensjoni lill-persuna li qed titlob il-ftuħ tal-kont.

3a. L-amministratur nazzjonali għandu jivverifika jekk l-informazzjoni u d-dokumenti pprovduti għall-ħatra ta’ rappreżentant awtorizzat jew rappreżentant awtorizzat addizzjonali humiex kompluti, aġġornati, preċiżi u veri.

3b. Amministratur nazzjonali jista' jċaħħad l-approvazzjoni ta’ rappreżentant awtorizzat jew rappreżentant awtorizzat addizzjonali:

4. Jekk l-amministratur nazzjonali jirrifjuta li japprova rappreżentant awtorizzat jew rappreżentant awtorizzat addizzjonali, il-persuna li qed titlob il-ftuħ tal-kont tista’ toġġezzjona din iċ-ċaħda mal-awtorità kompetenti jew l-awtorità rilevanti skont il-liġi nazzjonali, li għandha tagħti struzzjonijiet lill-amministratur nazzjonali biex jagħti l-approvazzjoni tiegħu jew tikkonferma ċ-ċaħda f’deċiżjoni motivata. Ir-raġunijiet għaċ-ċaħda tal-approvazzjoni jistgħu jkunu li l-persuna nnominata bħala rappreżentant awtorizzat jew rappreżentant awtorizzat addizzjonali tkun taħt investigazzjoni għax tkun involuta fi frodi li tinvolvi kwoti jew unitajiet ta’ Kjoto, ħasil tal-flus, finanzjament tat-terroriżmu jew reati serji oħra li għalihom il-kont jista’ jkun strument, jew kwalunkwe raġuni oħra stipulata fil-liġi nazzjonali.

5. Ir-rappreżentant awtorizzat tal-kont ta’ approvazzjoni ċentrali tal-ETS għandu jaġixxi bħala r-rappreżentant awtorizzat tal-Amministratur Ċentrali. Ir-rappreżentant awtorizzat ta’ kull kont ta’ depożitu tal-kwota nazzjonali għandu jaġixxi bħala r-rappreżentant awtorizzat tal-amministratur nazzjonali għall-Istat Membru li qed iżomm il-kont ta’ depożitu tal-kwota nazzjonali.

Aġġornament tat-tagħrif tal-kont u tat-tagħrif dwar ir-rappreżentanti awtorizzati

1. Kull detentur ta’ kont għandu jinnotifika lill-amministratur tal-kont fi żmien 10 ijiem ta’ xogħol bi kwalunkwe bidla li saret lit-tagħrif ippreżentat għall-ftuħ ta’ kont, u għan-nominazzjoni ta’ rappreżentant awtorizzat jew rappreżentant awtorizzat addizzjonali. L-operaturi tal-inġenji tal-ajru għandhom jinnotifikaw lill-amministratur bil-kont tagħhom fi żmien 10 ijiem ta’ xogħol jekk ikunu wettqu amalgamazzjoni ta’ żewġt operaturi tal-inġenji tal-ajru jew aktar jew jekk inqasmu f’żewġt operaturi tal-inġenji tal-ajru jew aktar. Jekk id-detentur tal-kont kien meħtieġ li jipprovdi evidenza għal biċċa tagħrif partikolari waqt il-ftuħ tal-kont jew in-nominazzjoni ta’ rappreżentant awtorizzat jew rappreżentant awtorizzat addizzjonali, in-notifikazzjoni ta’ bidliet għandha bl-istess mod tiġi sostnuta bl-evidenza meħtieġa. Fi żmien 15-il jum ta’ xogħol mill-wasla ta’ notifikazzjoni bħal din u l-evidenza ta’ sostenn, l-amministratur tal-kont għandu jaġġorna t-tagħrif dwar id-detentur tal-kont jew jiċħad l-aġġornament u jgħarraf lid-detentur tal-kont b’dan. L-oġġezzjonijiet għal ċaħdiet bħal dawn jistgħu jsiru mal-awtorità kompetenti jew mal-awtorità rilevanti skont il-liġi nazzjonali f’konformità mal-Artikoli 13(4), 14(4) jew 20(4).

2. Id-detentur ta’ kont ta’ depożitu ta’ persuna, kont ta’ depożitu ta’ pjattaforma tal-kummerċ, kont ta’ verifikatur jew kont ta’ depożitu ta’ operatur tal-inġenji tal-ajru ma jistax ibigħ jew ineħħi s-sjieda tal-kont tiegħu lil persuna oħra Id-detentur ta’ kont ta’ kont ta’ depożitu ta’ persuna jista’ jbigħ jew ineħħi s-sjieda tal-kont ta’ depożitu ta’ persuna biss flimkien mal-installazzjoni marbuta mal-kont ta’ depożitu ta’ operatur.

3. Rappreżentant awtorizzat jew rappreżentant awtorizzat addizzjonali ma jistax jittrasferixxi l-istatus tiegħu bħala tali lil persuna oħra.

4. Kull detentur ta’ kont jista’ jinnotifika s-sejħa lura ta’ rappreżentanti awtorizzati, sakemm jibqa’ tal-inqas żewġ rappreżentanti awtorizzati. Fi żmien 10 ijiem ta’ xogħol mill-wasla ta’ notifika bħal din, l-amministratur responsabbli għandu jneħħi r-rappreżentant awtorizzat.

5. Kull detentur ta’ kont jista’ jinnomina rappreżentanti awtorizzati ġodda jew rappreżentanti awtorizzati addizzjonali ġodda skont il-proċedura stipulata fl-Artikolu 20.

6. Jekk jinbidel l-Istat Membru ta’ amministrazzjoni ta’ operatur tal-inġenji tal-ajru skont il-proċedura stipulata fl-Artikolu 18a tad-Direttiva 2003/87/KE jew minħabba t-tkabbir tal-Unjoni Ewropea l-Amministratur Ċentrali għandu jaġġorna l-amministratur nazzjonali tal-kont ta’ depożitu tal-operatur tal-inġenju tal-ajru korrispondenti. Meta jinbidel l-amministratur tal-kont ta’ depożitu ta’ operatur tal-inġenji tal-ajru, l-amministratur il-ġdid jista’ jitlob lill-operatur tal-inġenju tal-ajru biex jippreżenta t-tagħrif tal-ftuħ tal-kont meħtieġ mill-amministratur il-ġdid skont l-Artikolu 16 u t-tagħrif meħtieġ mill-amministratur il-ġdid dwar rappreżentanti awtorizzati skont l-Artikolu 20.

7. Għajr għall-eċċezzjoni prevista fil-paragrafu 6 hawn fuq, l-Istat Membru responsabbli għall-ġestjoni ta’ kont ma għandux jinbidel.

1. Mit-30 ta’ Ġunju 2012, kontijiet ta’ depożitu ta’ operatur, kontijiet ta’ depożitu ta’ operatur ta’ inġenji tal-ajru, kontijiet ta’ depożitu ta’ persuna, kontijiet ta’ negozjar u kontijiet ta’ depożitu ta’ pjattaforma ta’ negozjar jista' jkollhom lista ta’ kontijiet ta’ fiduċja fir-Reġistru tal-Unjoni.

2. Kontijiet miżmumin mill-istess detentur ta’ kont għandhom ikunu inklużi awtomatikament fil-lista ta’ kontijiet ta’ fiduċja.

3. Tibdiliet għal-lista ta’ kontijiet ta’ fiduċja għandhom jinbdew u jintemmu bil-proċedura stipulata fl-Artikolu 32a għat-tranżazzjonijiet speċifikati fil-Kapitolu VI. It-tibdil għandu jiġi kkonfermat minn rappreżentant awtorizzat addizzjonali, jew inkella, jew ma jkun inħatar l-ebda rappreżentant awtorizzat addizzjonali, minn rappreżentant awtorizzat ieħor. Id-dewmien speċifikat fl-Artikolu 32a(4) ma għandux japplika għat-tħassir ta’ kontijiet mil-lista ta’ kontijiet ta’ fiduċja; għal kull tibdil ieħor għal-lista ta’ kontijiet ta’ fiduċja, id-dewmien għandu jkun ta’ 7 ijiem.

Għeluq ta’ kontijiet ta’ Parti PK, kontijiet ta’ ġestjoni, kontijiet ta’ depożitu ta’ persuna u kontijiet ta’ depożitu ta’ pjattaforma tal-kummerċ

Fi żmien 10 ijiem ta’ xogħol mill-wasla ta’ talba mingħand id-detentur ta’ kont biex jingħalaq kont ta’ Parti PK fir-reġistru tal-Unjoni, kont ta’ ġestjoni, kont ta’ depożitu ta’ persuna jew kont ta’ depożitu ta’ pjattaforma tal-kummerċ amministrat minn dan, l-amministratur għandu jagħlaq il-kont.

1. L-awtorità kompetenti għandha tinnotifika lill-amministratur nazzjonali fi żmien 10 ijiem ta’ xogħol bir-revoka jew biċ-ċediment ta’ permess tal-emissjonijiet tal-gassijiet serra għal installazzjoni li, minħabba f’hekk, mhijiex koperta minn kwalunkwe permess tali. L-awtorità kompetenti għandha tinnotifika wkoll lill-amministratur nazzjonali fi żmien 10 ijiem ta’ xogħol meta ssir taf li għalqet installazzjoni mingħajr ma ġiet innotifikata l-awtorità kompetenti. Fi żmien 10 ijiem ta’ xogħol minn notifika mingħand l-awtorità kompetenti, l-amministratur nazzjonali għandu jirreġistra fir-reġistru tal-Unjoni d-data li fiha jiskadi l-permess tal-emissjonijiet tal-gassijiet serra. Meta tagħlaq installazzjoni qabel ma jkun skada l-permess, id-data tal-għeluq innotifikata mill-awtorità kompetenti għandha tiġi reġistrata bħala d-data ta’ skadenza tal-permess.

2. L-amministratur nazzjonali jista’ jagħlaq il-kontijiet ta’ depożitu tal-operatur sat-30 ta’ Ġunju tas-sena wara dik li fiha jkun skada l-permess jekk l-installazzjoni rilevanti tkun ċediet ammont ta’ kwoti u unitajiet ta’ Kjoto tal-inqas ugwali għall-emissjonijiet verifikati.

Il-kontijiet ta’ depożitu ta’ operatur tal-inġenji tal-ajru jistgħu jingħalqu biss mill-amministratur nazzjonali jekk ikun hemm struzzjonijiet mill-awtorità kompetenti biex jagħmel dan minħabba li l-awtorità kompetenti tkun skopriet li l-operatur tal-inġenju tal-ajru ġie amalgamat ma’ operatur tal-inġenju tal-ajru ieħor jew li l-operatur tal-inġenju tal-ajru waqqaf permanentament l-operazzjonijiet kollha tiegħu koperti bl-Anness I tad-Direttiva 2003/87/KE, jew permezz ta’ notifika mingħand id-detentur tal-kont jew permezz ta’ evidenza oħra.

1. Fi żmien 10 ijiem ta’ xogħol mill-wasla ta’ talba mingħand verifikatur biex jagħlaq kont tiegħu, l-amministratur nazzjonali għandu jagħlaq il-kont tal-verifikatur.

2. L-awtorità kompetenti tista’ tagħti struzzjonijiet lill-amministratur nazzjonali biex jagħlaq kont ta’ verifikatur meta tiġi sodisfatta waħda mill-kundizzjonijiet li ġejin:

1. Jekk ikun hemm bilanċ pożittiv ta’ kwoti jew unitajiet ta’ Kjoto fil-kont li l-amministratur se jagħlaq skont l-Artikoli 22 sa 25 u l-Artikolu 28, l-amministratur għandu l-ewwel jitlob lid-detentur tal-kont jispeċifika kont ieħor amministrat mill-istess amministratur sabiex dawn il-kwoti jew l-unitajiet ta’ Kjoto jiġu trasferiti fih. Jekk id-detentur tal-kont ma jkunx wieġeb it-talba tal-amministratur fi żmien 40 jum ta’ xogħol, l-amministratur jista’ jittrasferixxi l-kwoti fil-kont ta’ depożitu tal-kwota nazzjonali fir-reġistru tal-Unjoni u l-unitajiet ta’ Kjoto fil-kont ta’ depożitu ta’ Parti PK fir-reġistru tal-PK.

2. Jekk ikun hemm bilanċ pożittiv ta’ kwoti jew unitajiet ta’ Kjoto fil-kont li l-aċċess għalih ġie sospiż skont l-Artikolu 27(3), fl-istruzzjoni tagħha skont l-Artikolu 28(1) l-awtorità kompetenti tista’ titlob li l-kwoti jiġu trasferiti immedjatament għall-kont ta’ depożitu tal-kwota nazzjonali rilevanti u l-unitajiet ta’ Kjoto jiġu trasferiti immedjatament għall-kont ta’ depożitu ta’ Parti PK rilevanti.

1. Amministratur jista’ jissospendi l-aċċess ta’ rappreżentant awtorizzat jew rappreżentant awtorizzat addizzjonali għal kwalunkwe kont fir-reġistru tiegħu jew għal proċessi li għalihom dak ir-rappreżentant awtorizzat kieku kien ikollu aċċess għalihom, fil-każ biss jekk l-amministratur għandu bażi raġonevoli biex jemmen li r-rappreżentant awtorizzat kien:

2. Amministratur jista’ jissospendi l-aċċess tar-rappreżentanti awtorizzati jew tar-rappreżentanti awtorizzati addizzjonali kollha għal kont speċifiku jekk tiġi sodisfatta waħda mill-kundizzjonijiet li ġejjin:

2a. Amministratur jista' jissuspendi l-aċċess ta’ kull rappreżentant awtorizzat jew rappreżentant awtorizzat addizzjonali għal kont speċifiku, kif ukoll il-possibbiltà li jinbdew proċessi mill-istess kont:

3. L-amministratur nazzjonali jista’ jissospendi l-aċċess għal kont ta’ depożitu ta’ persuna jew kont ta’ depożitu ta’ pjattaforma tal-kummerċ jekk jikkunsidra li l-ftuħ tagħhom għandu jkun irrifjutat skont l-Artikolu 13(3) jew l-Artikolu 14(3).

4. L-amministratur tal-kont għandu jneħħi s-sospensjoni immedjatament ladarba s-sitwazzjoni li tat bidu għas-sospensjoni tkun ġiet solvuta.

5. Id-detentur ta’ kont jista’ joġġezzjona għas-sospensjoni tal-aċċess tiegħu skont il-paragrafi 1 u 3 mal-awtorità kompetenti jew l-awtorità rilevanti skont il-liġi nazzjonali fi żmien 30 jum kalendarju, li għandha tagħti struzzjonijiet lill-amministratur nazzjonali biex jimplimenta l-aċċess mill-ġdid jew tikkonferma s-sospensjoni f’deċiżjoni motivata.

6. L-awtorità kompetenti, jew fil-każ ta’ kontijiet fir-reġistru tal-Unjoni, l-amministratur Ċentrali, tista’ wkoll tagħti struzzjonijiet lill-amministratur biex jimplimenta sospensjoni.

7. Meta jiġi sospiż l-aċċess għal kont ta’ depożitu ta’ pjattaforma tal-kummerċ, l-amministratur għandu wkoll jissospendi l-aċċess approvat lill-pjattaforma tal-kummerċ għall-kontijiet tal-utent skont l-Artikolu 19(3). Meta l-aċċess tar-rappreżentanti awtorizzati u r-rappreżentanti awtorizzati addizzjonali għal kont ta’ depożitu ta’ pjattaforma tal-kummerċ jiġi sospiż, l-amministratur għandu wkoll jissospendi l-aċċess tagħhom approvat lill-pjattaforma tal-kummerċ għall-kontijiet tal-utent skont l-Artikolu 19(3).

8. Meta d-detentur ta’ kont ta’ depożitu ta’ operatur jew ta’ kont ta’ depożitu ta’ operatur tal-inġenji tal-ajru ma jitħalliex iwettaq il-proċessi ta’ ċediment fl-10 ijiem ta’ xogħol qabel l-iskadenza taċ-ċediment stipulata fl-Artikolu 12(2a) u (3) tad-Direttiva 87/2003/KE minħabba s-sospensjonijiet skont il-paragrafi 1 u 2, l-amministratur nazzjonali għandu, jekk jintalab jagħmel dan mid-detentur tal-kont u wara l-preżentazzjoni tal-identità tar-rappreżentant awtorizzat permezz ta’ evidenza ta’ sostenn, jċedi l-għadd ta’ kwoti u ERUs u CERs speċifikati mid-detentur tal-kont.

Għeluq ta’ kontijiet jew tneħħija ta’ rappreżentant awtorizzat fuq l-inizjattiva tal-amministratur

1. Jekk is-sitwazzjoni li qed twassal għas-sospensjoni tal-aċċess għal kontijiet skont l-Artikolu 27 ma tkunx solvuta f’perjodu raġonevoli minkejja notifiki ripetuti, l-awtorità kompetenti tista’ tagħti struzzjonijiet lill-amministratur nazzjonali biex jagħlaq dawk il-kontijiet ta’ depożitu ta’ persuna jew il-kontijiet ta’ depożitu ta’ pjattaforma tal-kummerċ fejn l-aċċess huwa sospiż.

2. Jekk ikun hemm bilanċ ta’ żero fil-kont ta’ depożitu ta’ persuna u ma kinux irreġistrati tranżazzjonijiet matul sena, l-amministratur nazzjonali jista’ jinnotifika lid-detentur tal-kont li l-kont ta’ depożitu ta’ persuna se jingħalaq fi żmien 40 jum ta’ xogħol sakemm l-amministratur tar-reġistru ma jirċivix f’dak il-perjodu talba mid-detentur tal-kont li l-kont ta’ depożitu ta’ persuna għandu jinżamm. Jekk l-amministratur nazzjonali ma jirċivix talba bħal din mid-detentur tal-kont, l-amministratur nazzjonali jista’ jagħlaq il-kont.

3. L-amministratur nazzjonali għandu jagħlaq kull kont ta’ depożitu ta’ operatur meta l-awtorità kompetenti tkun tat struzzjonijiet lill-amministratur nazzjonali biex jagħlaq il-kont għax m’hemmx prospett raġonevoli li se jitwettaq ċediment ta’ aktar kwoti mill-operatur tal-installazzjoni.

4. L-amministratur nazzjonali jista’ jneħħi rappreżentant awtorizzat jew rappreżentant awtorizzat addizzjonali jekk jikkunsidra li l-approvazzjoni tar-rappreżentant awtorizzat jew tar-rappreżentant awtorizzat addizzjonali kellha tiġi rrifjutata skont l-Artikolu 20(3), partikolarment jekk jiskopri li d-dokumenti u t-tagħrif tal-identifikazzjoni provduti man-nominazzjoni kienu frodulenti jew żbaljati.

5. Id-detentur ta’ kont jista’ joġġezzjona għall-għeluq tal-kont tiegħu skont il-paragrafu 1 jew għat-tneħħija tar-rappreżentant awtorizzat jew rappreżentant awtorizzat addizzjonali tiegħu skont il-paragrafu 4 mal-awtorità kompetenti fi żmien 30 jum kalendarju, li għandha tagħti struzzjonijiet lill-amministratur nazzjonali biex jimplimenta mill-ġdid il-kont jew ir-rappreżentant awtorizzat jew ir-rappreżentant awtorizzat addizzjonali jew tikkonferma l-għeluq jew it-tneħħija f’deċiżjoni motivata.

Dejta ta’ emissjonijiet verifikati għal installazzjoni jew operatur tal-inġenji tal-ajru

1. Qabel tiġi ppreżentata d-dejta tal-emissjonijiet annwali lir-reġistru tal-Unjoni, kull operatur u operatur tal-inġenji tal-ajru għandhom jagħżlu verifikatur mill-verifikaturi reġistrati għand l-amministratur nazzjonali li qed jamministra l-kont. Jekk operatur jew operatur tal-inġenji tal-ajru jkun ukoll verifikatur, ma jistax jagħżel lilu nnifsu bħala verifikatur.

2. L-amministratur nazzjonali għandu jdaħħal id-dejta tal-emissjonijiet għal sena bejn l-1 ta’ Jannar u l-31 ta’ Marzu tas-sena ta’ wara. Id-dejta tal-emissjonijiet għal installazzjoni tista’ tiddaħħal għal sena matul dik is-sena jekk il-permess tal-gassijiet serra tal-installazzjoni jkun diġà skada. L-awtorità kompetenti tista’ tiddeċiedi li minflok l-amministratur nazzjonali, id-detentur tal-kont jew il-verifikatur (inklużi dawk l-awtoritajiet li jaġixxu bħala verifikaturi) għandu jkun responsabbli biex idaħħal id-dejta tal-emissjonijiet fil-limitu ta’ żmien stipulat hawn fuq.

3. Id-dejta tal-emissjonijiet annwali għandha tiġi ppreżentata fil-format stipulat fl-Anness X.

4. Mal-verifika sodisfaċenti, skont l-Artikolu 15(1) tad-Direttiva 2003/87/KE, ta’ rapport ta’ operatur dwar l-emissjonijiet minn installazzjoni matul is-sena ta’ qabel, jew ta’ rapport ta’ operatur ta’ inġenju tal-ajru dwar l-emissjonijiet mill-attivitajiet kollha ta’ avjazzjoni li jkun wettaq matul is-sena ta’ qabel, il-verifikatur jew l-awtorità kompetenti għandhom japprovaw l-emissjonijiet verifikati annwali.

5. L-emissjonijiet approvati skont il-paragrafu 4 għandhom jiġu mmarkati bħala vverifikati fir-Reġistru tal-Unjoni mill-amministratur nazzjonali jew mill-awtorità kompetenti. L-awtorità kompetenti tista' tiddeċiedi li l-verifikatur, flok l-amministratur nazzjonali, ikun responsabbli għall-immarkar tal-emissjonijiet bħala vverifikati fir-Reġistru tal-Unjoni.

6. L-awtorità kompetenti tista’ tagħti struzzjonijiet lill-amministratur nazzjonali biex jikkoreġi l-emissjonijiet annwali vverifikati ta’ installazzjoni jew ta’ operatur tal-inġenji tal-ajru biex tiżgura l-konformità mar-rekwiżiti ddettaljati stabbiliti mill-Istat Membru skont l-Anness V għad-Direttiva 2003/87/KE, billi ddaħħal l-emissjonijiet ivverifikati kkoreġuti ta’ dik l-installazzjoni jew ta’ operatur tal-inġenji tal-ajru għal dik is-sena fir-reġistri tar-reġistru tal-Unjoni.

7. Meta, fl-1 ta’ Mejju ta’ kull sena, ma tkun ġiet irreġistrata l-ebda ċifra ta’ emissjonijiet ivverifikata fir-reġistru tal-Unjoni għal installazzjoni jew ta’ operatur tal-inġenji tal-ajru għas-sena preċedenti, jew li tressqu provi li ċ-ċifra tal-emissjonijiet ivverifikata mhijiex korretta, kull stima ta’ ċifra tal-emissjonijiet sostituta li tiddaħħal fir-reġistru tal-Unjoni għandha tiġi kkalkulata kemm jista’ jkun f’konformità mar-rekwiżiti dettaljati stabbiliti mill-Istat Membru skont l-Anness V għad-Direttiva 2003/87/KE.

Imblokkar ta’ kontijiet minħabba nuqqas ta’ preżentazzjoni tal-emissjonijieti vverifikati

1. Jekk, fl-1 ta’ April ta’ kull sena l-emissjonijiet annwali vverifikati ta’ installazzjoni jew ta’ operatur tal-inġenji tal-ajru għas-sena preċedenti ma jkunux ġew irreġistrati fir-reġistru tal-Unjoni, ir-reġistru tal-Unjoni għandu jistabbilixxi l-istatus tal-kont ta’ depożitu tal-operatur korrispondenti jew tal-kont ta’ depożitu tal-operatur tal-inġenji tal-ajru bħala imblokkat.

2. Meta jkunu ġew irreġistrati l-emissjonijiet ivverifikati li ddaħħlu tard tal-installazzjoni jew tal-operatur tal-inġenji tal-ajru fir-reġistru tal-Unjoni, ir-reġistru tal-Unjoni għandu jistabbilixxi l-istatus tal-kont bħala miftuħ.

1. Fl-1 ta’ Mejju ta’ kull sena, ir-reġistru tal-Unjoni għandu jiddetermina ċ-ċifra tal-istatus tal-konformità għas-sena preċedenti għal kull installazzjoni u operatur tal-inġenji tal-ajru b’kont ta’ depożitu tal-operatur jew kont ta’ depożitu ta’ operatur tal-inġenju tal-ajru miftuħ jew imblokkat billi jikkalkula t-total tal-kwoti, CERs u ERUs kollha ċeduti għall-perjodu attwali li minnu jitnaqqas it-total tal-emissjonijiet ivverifikati kollha fil-perjodu attwali sa, u inkluża, is-sena attwali, biż-żieda ta’ fattur ta’ korrezzjoni.

2. Il-fattur ta’ korrezzjoni msemmi fil-paragrafu 1 għandu jkun żero jekk iċ-ċifra tal-istatus tal-konformità tal-aħħar sena preċedenti kienet ikbar minn żero, iżda għandu jibqa’ bħaċ-ċifra tal-istatus tal-konformità tal-aħħar sena tal-perjodu preċedenti jekk din iċ-ċifra tkun żero jew inqas.

3. Ir-reġistru tal-Unjoni għandu jirreġistra ċ-ċifra tal-istatus ta’ konformità għal kull installazzjoni u operatur tal-inġenji tal-ajru għal kull sena.

1. Jekk, sal-limitu ta’ żmien stipulat fl-Artikolu 12(2a) tad-Direttiva 2003/87/KE għaċ-ċediment ta’ kwoti, il-valur tal-emissjonijiet ivverifikati ta’ operatur tal-inġenji tal-ajru għas-sena preċedenti skont l-Artikolu 29 li jiddaħħal fir-reġistru tal-Unjoni jkun 0, ir-reġistru tal-Unjoni għandu jistabbilixxi l-istatus tal-kont ta’ depożitu tal-operatur tal-inġenji tal-ajru bħala inattiv.

2. Ir-reġistru tal-Unjoni għandu jistabbilixxi l-istatus tal-kont bħala miftuħ meta l-valur tal-emissjonijiet ivverifikati għas-sena ta’ qabel is-sena attwali ma jkunx 0.

1. Għat-tranżazzjonijiet kollha speċifikati fil-Kapitolu VI li ma jkunux inbdew minn pjattaforma ta’ negozjar tkun meħtieġa mir-Reġistru tal-Unjoni konferma 'l barra mill-kanal fiss ta’ komunikazzjoni qabel ma tkun tista' tinbeda t-tranżazzjoni. Tranżazzjoni għandha tinbeda biss fejn rappreżentant awtorizzat addizzjonali, li l-approvazzjoni tiegħu huwa meħtieġ skont l-Artikolu 19(2), ikun ikkonferma t-tranżazzjoni 'l barra mill-kanal fiss ta’ komunikazzjoni.

2. Għat-trasferimenti kollha speċifikati fl-Artikoli 43 u 44, it-trasferiment għandu jinbeda mill-ewwel jekk ikun ikkonfermat bejn l-10.00 u l-16.00 Ħin tal-Ewropa Ċentrali, bejn it-Tnejn u l-Ġimgħa inklussivi, għajr btajjel pubbliċi fl-Istati Membri li jiddeċiedu li jissuspendu d-dewmien skont il-paragrafu 3. Trasferiment ikkonfermat f'kull ħin ieħor għandu jinbeda l-għada, mit-Tnejn sal-Ġimgħa, fl-10:00 Ħin tal-Ewropa Ċentrali.

3. Għat-trasferimenti kollha ta’ kwoti u unitajiet ta’ Kjoto speċifikati fl-Artikoli 43 u 44, għajr għat-trasferimenti minn kont ta’ negozjar għal kont fuq il-lista ta’ fiduċja ta’ dak il-kont, għandu japplika dewmien ta’ 26 siegħa bejn il-bidu tat-trasferiment u n-notifika tiegħu għall-finalizzazzjoni skont l-Artikolu 70. Dan id-dewmien għandu jiġi sospiż bejn 00:00 u 24:00 Ħin tal-Ewropa Ċentrali s-Sibtijiet u l-Ħdud. L-Istati Membri jistgħu jiddeċiedu wkoll li jissuspendu d-dewmien bejn 00:00 u 24:00 Ħin tal-Ewropa Ċentrali fi btajjel pubbliċi nazzjonali għal sena determinata, soġġett għall-pubblikazzjoni ta’ tali deċiżjoni sal-1 ta’ Diċembru tas-sena ta’ qabel.

4. Jekk rappreżentant ta’ kont jissuspetta li trasferiment ikun inbeda b'mod qarrieqi, sa mhux aktar tard minn sagħtejn qabel tmiem id-dewmien stipulat fil-paragrafu 3, jista' jitlob lill-amministratur nazzjonali li jħassar it-trasferiment f'ismu qabel mat-trasferiment jiġi nnotifikat għall-finalizzazzjoni. Id-detentur tal-kont għandu jirrapporta s-suspett ta’ frodi lill-awtorità kompetenti nazzjonali ta’ infurzar tal-liġi minnufih wara t-talba. Dan ir-rapport għandu jintbagħat lill-amministratur nazzjonali fi żmien 7 ijiem.

5. Malli jinbeda trasferiment jew tranżazzjoni skont il-paragrafi 1 u 2, għandha tintbagħat notifika lir-rappreżentanti kollha tal-kontijiet li tindika l-bidu propost tat-trasferiment jew tranżazzjoni.

1. Kwota jew unità ta’ Kjoto għandha tikkostitwixxi strument funġibbli u dematerjalizzat li jista' jkun oġġett ta’ kummerċ fis-suq.

2. In-natura dematerjalizzata tal-kwoti u tal-unitajiet ta’ Kjoto għand timplika li r-rekord tar-Reġistru tal-Unjoni għandu jikkostitwixxi evidenza prima facie u suffiċjenti tas-sjieda ta’ kwota jew unità ta’ Kjoto, kif ukoll ta’ kull kwistjoni oħra li, permezz ta’ dan ir-Regolament, għandu l-obbligu jew l-awtorizzazzjoni li jitniżżel fir-reġistru.

3. Il-funġibbiltà tal-kwoti u tal-unitajiet ta’ Kjoto għandhom jimplikaw li kull obbligu ta’ rkupru jew restituzzjoni li jista' jinqala' skont il-liġi nazzjonali fir-rigward ta’ kwota jew unità ta’ Kjoto għandu japplika biss lill-kwota jew lill-unità ta’ Kjoto in natura. B'mod partikulari:

4. Xerrej jew detentur ta’ kwota jew unità ta’ Kjoto li jaġixxi b'bonafidi għandu jikseb id-dritt għal kwota jew unità ta’ Kjoto mingħajr l-ebda difett fid-dritt ta’ min ikun qed jagħmel it-trasferiment.

1. L-EUTL għandu jkun fih tabella tal-pjan nazzjonali dwar l-allokazzjonijiet waħda għal kull Stat Membru għall-perjodu 2008-2012. Tabelli tal-pjan nazzjonali dwar l-allokazzjonijiet għandhom jindikaw it-tagħrif li ġej:

2. It-tabelli tal-pjan nazzjonali dwar allokazzjonijiet għandhom isegwu l-format stipulat fl-Anness XI.

1. L-EUTL għandu jkun fih tabella tal-Unjoni dwar l-allokazzjonijiet tal-avjazzjoni waħda għas-sena 2012. Din it-tabella għandha tindika t-tagħrif li ġej:

2. It-tabelli tal-Unjoni dwar l-allokazzjonijiet tal-avjazzjoni għandhom isegwu l-format stipulat fl-Anness XII.

1. Mill-inqas 12-il xahar qabel il-bidu tal-perjodu 2008-2012, kull Stat Membru għandu jinnotifika lill-Kummissjoni t-tabella tal-pjan nazzjonali dwar l-allokazzjonijiet tiegħu, li tikkorrispondi mad-deċiżjoni meħuda skont l-Artikolu 11(2) tad-Direttiva 2003/87/KE.

2. Jekk it-tabella tal-pjan nazzjonali dwar l-allokazzjonijiet tkun ibbażata fuq il-pjan nazzjonali dwar l-allokazzjonijiet innotifikat lill-Kummissjoni li ma kienx twarrab skont l-Artikolu 9(3) tad-Direttiva 2003/87/KE jew li dwaru l-Kummissjoni aċċettat emendi proposti, il-Kummissjoni għandha tagħti struzzjonijiet lill-Amministratur Ċentrali biex idaħħal it-tabella tal-pjan nazzjonali dwar l-allokazzjonijiet fl-EUTL.

Dħul ta’ deċiżjonijiet ta’ allokazzjoni fit-tabelli tal-Unjoni dwar l-allokazzjonijiet tal-avjazzjoni

Jekk id-deċiżjonijiet meħuda mill-Istati Membri dwar l-allokazzjoni ta’ kwoti ta’ Kapitolu II skont l-Artikolu 3e(4), tad-Direttiva 2003/87/KE fir-rigward tas-sena 2012 ikunu konformi mad-Direttiva 2003/87/KE, il-Kummissjoni għandha tagħti struzzjonijiet lill-Amministratur Ċentrali biex idaħħal id-deċiżjonijiet dwar l-allokazzjonjiet fit-tabella tal-pjan tal-Unjoni dwar l-allokazzjonijiet tal-avjazzjoni fl-EUTL.

1. Għall-perjodu 2008-2012, l-amministratur nazzjonali għandu jwettaq korrezzjonijiet lit-tabella tal-pjan nazzjonali dwar l-allokazzjonijiet fl-EUTL mingħajr ma jinnotifika lill-Kummissjoni bil-quddiem, meta:

Dawn il-korrezzjonijiet ma għandhomx ibiddlu l-kwantità totali ta’ kwoti maħruġa stipulata fit-tabella tal-pjan nazzjonali tal-allokazzjonijiet

2. Stat Membru għandu jinnotifika bil-quddiem lill-Kummissjoni kull korrezzjoni fil-pjan nazzjonali dwar l-allokazzjonijiet tiegħu għajr dawk imsemmija fil-paragrafu 1, flimkien ma’ kull korrezzjoni korrispondenti fit-tabella tal-pjan nazzjonali dwar l-allokazzjonijiet tiegħu. Jekk il-korrezzjoni fit-tabella tal-pjan nazzjonali dwar l-allokazzjonijiet tkun ibbażata fuq il-pjan nazzjonali dwar l-allokazzjonijiet innotifikat lill-Kummissjoni li ma kienx ġie miċħud skont l-Artikolu 9(3) tad-Direttiva 2003/87/KE jew li fuqu l-Kummissjoni aċċettat emendi u dik il-korrezzjoni tirriżulta minn titjib fid-dejta, il-Kummissjoni għandha tagħti struzzjonijiet lill-Amministratur Ċentrali biex idaħħal il-korrezzjoni korrispondenti fit-tabella tal-pjan nazzjonali dwar l-allokazzjonijiet miżmum fl-EUTL.

3. Wara kwalunkwe korrezzjoni skont il-paragrafu 2 li ssir wara li jinħarġu jew jiġu allokati l-kwoti, u li tnaqqas il-kwantità totali tal-kwoti għall-perjodu 2008-2012, l-amministratur nazzjonali għandu jittrasferixxi l-għadd u t-tip tal-kwoti speċifikati mir-reġistru tal-Unjoni fil-kont tal-Unjoni ta’ tneħħija ta’ kwoti għall-perjodu rilevanti.

1. L-amministratur nazzjonali jista’ jwettaq il-korrezzjonijiet korrispondenti għat-tabella tal-Unjoni dwar l-allokazzjonijiet tal-avjazzjoni fl-EUTL mingħajr ma jinnotifika lill-Kummissjoni bil-quddiem, meta:

2. Dawn il-korrezzjonijiet ma għandhomx ibiddlu l-kwantità totali ta’ kwoti tal-Kapitolu II stipulata fit-tabella tal-Unjoni dwar l-allokazzjonijiet tal-avjazzjoni.

3. Stat Membru għandu jinnotifika lill-Kummissjoni kull korrezzjoni għajr dawk imsemmija fil-paragrafu 1. u hu rikjest li jikkoreġi kull allokazzjoni żejda minħabba żball mill-Kummissjoni jew Stat Membru għad-deċiżjoni dwar l-allokazzjoni ta’ kwoti meħuda skont l-Artikolu 3e, il-paragrafu (4) tad-Direttiva 2003/87/KE Jekk il-korrezzjoni hija konformi mad-Direttiva 2003/87/KE, il-Kummissjoni għandha tagħti struzzjonijiet lill-Amministratur Ċentrali biex jikkoreġi t-tabella tal-Unjoni dwar l-allokazzjonijiet tal-avjazzjoni abbażi ta’ din id-Deċiżjoni u jdaħħalha fl-EUTL.

4. Wara kwalunkwe korrezzjoni skont il-paragrafu 2 li ssir wara li jiġu allokati l-kwoti tal-Kapitolu II skont l-Artikolu 41 u li tnaqqas il-kwantità totali tal-kwoti tal-Kapitolu II għall-perjodu 2008-2012, l-amministratur nazzjonali għandu jittrasferixxi l-għadd tal-kwoti tal-Kapitolu II speċifikati mill-amministratur Ċentrali fil-kont tal-Unjoni ta’ tneħħija ta’ kwoti għall-perjodu rilevanti.

5. Jekk amalgamazzjoni bejn operaturi tal-inġenji tal-ajru tinvolvi operaturi tal-inġenji tal-ajru li huma amministrati minn Stati Membri differenti, il-korrezzjoni skont il-paragrafu (1)(d) għandha tiġi mibdija mill-amministratur nazzjonali li jamministra l-operatur tal-inġenji tal-ajru li l-allokazzjoni tiegħu se tiġi amalgamata f’allokazzjoni ta’ operatur tal-inġenji tal-ajru ieħor. Qabel ma titwettaq korrezzjoni, għandu jinkiseb kunsens mill-amministratur nazzjonali li jamministra l-operatur tal-inġenji tal-ajru li l-allokazzjoni tiegħu se tinkorpora l-allokazzjoni tal-operatur tal-inġenji tal-ajru amalgamat.

1. Wara li t-tabella tal-pjan nazzjonali dwar l-allokazzjonijiet tiddaħħal fl-EUTL, l-amministratur nazzjonali għandu, sat-28 ta’ Frar tal-ewwel sena tal-perjodu 2008-12:

2. Qabel l-azzjoni msemmija fil-paragrafu 1, l-amministraturi tar-reġistru tal-PK għandhom jinnotifikaw l-ID tal-kont, tal-kont ta’ depożitu tal-ETS u l-AAU nnominat fir-reġistru tal-PK tagħhom, lill-Amministratur Ċentrali.

3. Ir-reġistru tal-Unjoni għandu jassenja kodiċi uniku ta’ identifikazzjoni tal-unità għal kull kwota mal-ħruġ tagħhom skont il-paragrafu 1.

4. L-Istati Membri mingħajr reġistru tal-PK ma għandhomx iwettqu l-azzjoni skont il-punt (a) tal-paragrafu 1.

1. Mingħajr preġudizzju għall-Artikoli 37 u 47, sat-28 ta’ Frar ta’ kull sena, l-amministratur nazzjonali għandu jittrasferixxi mill-kont ta’ depożitu tal-kwota nazzjonali għall-kont ta’ depożitu miftuħ ta’ operatur rilevanti, il-proporzjon tal-kwantità totali ta’ kwoti tal-Kapitolu III maħruġa li kien allokat lill-installazzjoni korrispondenti għal dik is-sena skont it-taqsima rilevanti tat-tabella tal-pjan nazzjonali dwar l-allokazzjonijiet.

2. Fejn previst għal installazzjoni fil-pjan nazzjonali ta’ allokazzjoni tal-Istat Membru, l-amministratur nazzjonali jista’ jittrasferixxi dak il-proporzjon f’data aktar tard ta’ kull sena.

3. Jekk installazzjoni tkun allokata kwoti tal-Kapitolu III addizzjonali fit-tabella tal-pjan nazzjonali dwar l–allokazzjonijiet bħala riżultat ta’ korrezzjonijiet skont l-Artikolu 37, l-amministratur nazzjonali għandu jittrasferixxi mill-kont ta’ depożitu tal-kwota nazzjonali għall-kont ta’ depożitu miftuħ ta’ operatur rilevanti l-kwoti tal-Kapitolu III allokati addizzjonalment għas-sena attwali fiż-żmien meta jingħata l-istruzzjonijiet biex jagħmel dan mill-awtorità kompetenti.

1. Wara li t-tabella tal-Unjoni dwar l-allokazzjonijiet tal-avjazzjoni tkun iddaħħlet fl-EUTL, sat-28 ta’ Frar 2012 l-amministratur nazzjonali għandu joħloq kwantità ta’ kwoti tal-Kapitolu II fuq kull kont ta’ depożitu miftuħ tal-operatur tal-inġenji tal-ajru li tkun ugwali għall-allokazzjoni stabbilita fit-tabella tal-Unjoni dwar l-allokazzjonijiet tal-avjazzjoni għad-detentur ta’ dak il-kont għal dik is-sena.

2. Ir-reġistru tal-Unjoni għandu jassenja kodiċi uniku ta’ identifikazzjoni tal-unità għal kull kwota mal-ħolqien tagħhom skont il-paragrafu 1.

3. Jekk detentur ta’ kont ikun allokat kwoti tal-Kapitolu III addizzjonali fit-tabella tal-pjan nazzjonali tal-allokazzjoni bħala riżultat ta’ korrezzjonijiet skont l-Artikolu 38, meta jingħata l-istruzzjoni mill-awtorità kompetenti, l-amministratur nazzjonali għandu joħloq kwantità addizzjonali ta’ kwoti tal-Kapitolu II allokati fuq kull kont ta’ depożitu miftuħ tal-operatur tal-inġenji tal-ajru li tkun ugwali għall-allokazzjoni addizzjonali stabbilita fit-tabella tal-Unjoni dwar l-allokazzjonijiet tal-avjazzjoni għad-detentur ta’ dak il-kont għal dik is-sena.

4. Meta kont ta’ depożitu inattiv tal-operatur tal-inġenji tal-ajru ma jirċevix kwoti skont il-paragrafu 1, dawk il-kwoti ma għandhomx jinħolqu fil-kont jekk sussegwentement l-istatus tiegħu jinfetaħ.

Allokazzjoni ta’ kwoti tal-Kapitolu III wara l-bejgħ tagħhom minn Stat Membru

Matul il-perjodu 2008-2012, jekk ikollu struzzjonijiet mill-awtorità kompetenti biex jagħmel dan, wara l-bejgħ ta’ kwoti tal-Kapitolu III tal-2008-2012 minn Stat Membru, l-amministratur nazzjonali għandu jittrasferixxi kwantità ta’ kwoti tal-Kapitolu III mill-kont ta’ depożitu tal-kwota nazzjonali għall-kont ta’ depożitu indikat mill-awtorità kompetenti.

(1) Bla ħsara għall-paragrafu 2, fuq talba ta’ detentur ta’ kont, ir-Reġistru tal-Unjoni għandu jagħmel kull trasferiment ta’ kwoti miżmumin fil-kont tiegħu fir-Reġistru tal-Unjoni għal kull kont ieħor fir-Reġistru tal-Unjoni, sakemm trasferiment bħal dan ma jitħalliex isir minħabba l-istat tal-kont inizjali jew minħabba t-tip ta’ kwoti li jistgħu jinżammu fil-kont akkwirenti skont l-Artikolu 8(3).

(2) Mit-30 ta’ Ġunju 2012, il-kontijiet ta’ depożitu ta’ operatur, kontijiet ta’ depożitu ta’ operatur ta’ inġenji tal-ajru, kontijiet ta’ depożitu ta’ persuna u pjattaformi ta’ negozjar ikunu jistgħu jittrasferixxu biss kwoti għal kont fil-lista ta’ kontijiet ta’ fiduċja stabbilita skont l-Artikolu 21a.

(1) Bla ħsara għall-paragrafu 2, fuq talba ta’ detentur ta’ kont, ir-Reġistru tal-Unjoni għandu jagħmel kull trasferiment ta’ unitajiet ta’ Kjoto miżmumin f'kont tar-Reġistru tal-Unjoni għal kull kont ieħor fir-Reġistru tal-Unjoni jew f'Reġistru KP, sakemm trasferiment bħal dak ma jitħalliex isir minħabba l-istat tal-kont inizjali jew minħabba l-unitajiet ta’ Kjoto li jistgħu jinżammu fil-kont akkwirenti skont l-Artikolu 8(3).

(2) Mit-30 ta’ Ġunju 2012, il-kontijiet ta’ depożitu ta’ operatur, kontijiet ta’ depożitu ta’ operatur ta’ inġenji tal-ajru, kontijiet ta’ depożitu ta’ persuna u pjattaformi ta’ negozjar ikunu jistgħu jittrasferixxu biss unitajiet ta’ Kjoto għal kont fil-lista ta’ kontijiet ta’ fiduċja stabbilita skont l-Artikolu 21a.

Depożiti minimi ta’ kwoti tal-Kapitolu III fil-kontijiet ta’ depożitu tar-Reġistru tal-Unjoni amministrati mill-istess Stat Membru

1. Jekk trasferiment propost ta’ kwoti minn detentur ta’ kont skont l-Artikolu 43 jirriżulta li l-ammont totali ta’ kwoti tal-Kapitolu III għall-perjodu 2008-12 miżmuma fil-kontijiet kollha tar-Reġistru tal-Unjoni amministrati mill-amministratur nazzjonali ta’ Stat Membru partikolari ikun inqas mill-kwantità ta’ unitajiet ta’Kjoto li teħtieġ tinżamm fir-reġistru tal-PK ta’ dak l-Istat Membru skont id-Deċiżjoni 11/CMP.1 bħala r-riżerva tal-perjodu ta’ impenn, bl-ammont tal-unitajiet ta’ Kjoto attwalment miżmuma fir-reġistru tal-PK ta’ dak l-Istat Membru barra mill-kontijiet ta’ depożitu ETS AAU u l-kontijiet tal-kanċellazzjoni mnaqqsa minnhom, l-EUTL għandu jirrifjuta t-trasferiment propost.

2. Jekk trasferiment propost ta’ kwoti minn detentur ta’ kont skont l-Artikolu 43 jirriżulta li l-ammont totali ta’ kwoti tal-Kapitolu III għall-perjodu 2008-2012 miżmuma fil-kontijiet kollha tar-Reġistru tal-Unjoni amministrati mill-amministraturi nazzjonali tal-eqdem ħmistax-il Stat Membru ikun inqas mill-kwantità ta’ unitajiet ta’Kjoto li teħtieġ tinżamm fir-reġistru tal-PK ta’ dawn l-Istati Membri skont id-Deċiżjoni 11/CMP.1 bħala r-riżerva tal-perjodu ta’ impenn tal-Unjoni Ewropea, bl-ammont tal-unitajiet ta’ Kjoto attwalment miżmuma fir-reġistri tal-PK ta’ dawk l-Istati Membri barra mill-kontijiet ta’ depożitu ETS AAU u l-kontijiet tal-kanċellazzjoni mnaqqsa minnhom, l-EUTL għandu jirrifjuta t-trasferiment propost.

1. Operatur jew operatur tal-inġenji tal-ajru għand jċedi l-kwoti għall-perjodu 2008-2012 billi jipproponi lir-reġistru tal-Unjoni biex:

2. Il-kwoti tal-Kapitolu II jistgħu jiġu ċeduti biss minn operaturi tal-inġenji tal-ajru

Jekk ikollu struzzjonijiet mill-awtorità kompetenti, l-amministratur nazzjonali għandu jċedi parti mill-proporzjon, jew il-propozjon kollu, tal-kwantità totali ta’ kwoti maħruġa li kienet allokata lil operatur ta’ installazzjoni jew ta’ inġenji tal-ajru għal sena speċifika, billi jirreġistra l-għadd tal-kwoti ċeduti għal dak l-operatur ta’ installazzjoni jew ta’ inġenji tal-ajru għall-perjodu attwali.

1. Iċ-ċediment ta’ ERUs u CERs minn operatur skont l-Artikolu 11a tad-Direttiva 2003/87/KE għandu jseħħ permezz ta’ operatur li jipproponi lir-reġistru tal-Unjoni biex:

2. Iċ-ċediment ta’ ERUs u CERs minn operatur tal-inġenji tal-ajru skont l-Artikolu 11a tad-Direttiva 2003/87/KE għandu jseħħ permezz tal-operatur tal-inġenji tal-ajru li jipproponi lir-reġistru tal-Unjoni biex:

3. Ir-reġistru tal-Unjoni għandu jippermetti ċ-ċediment ta’ CERs u ERUs biss sa:

4. Ir-reġistru tal-Unjoni għandu jirrifjuta kull talba għal ċediment ta’ CERs u ERUs li jwasslu biex jinqabeż l-ammont massimu ta’ CERs u ERUs li jistgħu jiġu ċeduti mill-operaturi ta’ Stat Membru skont il-pjan nazzjonali tal-allokazzjoni tal-Istat Membru.

5. Ir-reġistru tal-Unjoni għandu jirrifjuta kull talba għal ċediment ta’ CERs jew ERUs li huma pprojbiti milli jintużaw fl-ETS skont l-Artikolu 11a tad-Direttiva 87/2003/KE.

6. CER jew ERU li kienet diġà ċeduta ma tistax terġa tiġi ċeduta u lanqas trasferita f’kont ta’ depożitu ta’ operatur jew persuna fl-EU ETS.

7. Ir-reġistru tal-Unjoni għandu jipprovdi proċessi awtomatizzati biex jiżgura li d-detenturi ta’ kont ma jkunux jistgħu iċedu unitajiet f’kontijiet inkorretti skont l-Artikoli 46 u 48.

1. Ir-reġistru tal-Unjoni għandu jwettaq kwalunkwe talba minn detentur ta’ kont skont l-Artikolu 12(4) tad-Direttiva 2003/87/KE biex jitneħħew kwoti miżmuma fil-kontijiet tad-detentur tal-kont billi:

2. Il-kwoti mneħħija ma għandhomx jiġu rreġistrati bħala ċeduti għall-ebda emissjoni.

3. Ir-reġistru tal-Unjoni għandu jirrifjuta t-talba għat-tneħħija ta’ kwoti jekk tkun mibdija minn kont amministrat minn Stat Membru li ma jkollux reġistru tal-PK u tkun tirriżulta fi kwantità minima depożitata kkalkulata għal dak l-Istat Membru skont l-Artikolu 52 li tkun inqas mill-kwantità gateway ikkalkulata għal dak l-Istat Membru skont l-Artikolu 53.

Ir-reġistru tal-Unjoni għandu jwettaq kwalunkwe talba minn detentur ta’ kont skont l-Artikolu 12(4) tad-Direttiva 2003/87/KE biex jikkanċella unitajiet ta’ Kjoto miżmuma fil-kontijiet tad-detentur tal-kont billi jsir trasferiment ta’ tip u għadd speċifikat ta’ unitajiet ta’ Kjoto mill-kont rilevanti għall-kont ta’ kanċellazzjoni tar-reġistru tal-PK tal-amministratur tal-kont.

1. Jekk detentur ta’ kont jew amministratur tar-reġistru li jaġixxi f’isem detentur ta’ kont mingħajr intenzjoni jew bi żball jagħti bidu għal waħda mit-tranżazzjonijiet elenkati f’paragrafu 2, id-detentur tal-kont jista’ jipproponi lill-amministratur tal-kont tiegħu biex iwettaq inverżjoni tat-tranżazzjoni li tlestiet permezz ta’ talba bil-miktub. It-talba għandha tiġi ffirmata kif xieraq mir-rappreżentant jew rappreżentanti awtorizzati tad-detentur tal-kont li huma awtorizzati biex jibdew it-tip ta’ tranżazzjoni li trid tiġi invertita u għandha tintbagħat fi żmien ħamest ijiem ta’ xogħol mill-finalizzazzjoni tal-proċess. It-talba għandu jkun fiha dikjarazzjoni li tindika li t-tranżazzjoni nbdiet bi żball jew mhux intenzjonalment.

2. Id-detenturi ta’ kont jistgħu jipproponu l-inverżjoni tat-tranżazzjonijiet li ġejjin:

3. Jekk l-amministratur tal-kont jistabbilixxi li t-talba tissodisfa l-kundizzjonijiet li jaqaw taħt il-paragrafu 1 u l-amministratur jaqbel mat-talba, jista’ jipproponi l-inverżjoni tat-tranżazzjoni fir-reġistru tal-Unjoni.

4. Ir-reġistru tal-Unjoni għandu jaċċetta l-proposta għall-inverżjoni, jimblokka l-unitajiet li se jiġu trasferiti permezz tal-inverżjoni u jibgħat il-proposta lill-Amministratur Ċentrali sakemm il-kundizzjonijiet kollha li ġejjin huma sodisfatti:

5. L-Amministratur Ċentrali għandu japprova l-proposta fi żmien 10 ijiem ta’ xogħol. Meta t-tranżazzjoni li għandha tiġi invertita tinvolvi t-trasferimenti ta’ unitajiet ta’ Kjoto minn reġistru tal-PK għal reġistru tal-PK ieħor, din l-approvazzjoni għandha tingħata biss jekk l-amministratur tal-ITL jaqbel li jinverti t-tranżazzjoni fl-ITL.

6. Ir-reġistru tal-Unjoni jista’ jlesti l-inverżjoni b’unitajiet differenti tal-istess tip ta’ unità li jkunu fuq l-istess kont destinatarju tat-tranżazzjoni li qed tiġi invertita.

1. L-EUTL għandu jirreġistra kwantità minima depożitata għal kull Stat Membru. Fil-każ tal-Istati Membri bir-reġistru tal-PK, l-EUTL se jippreveni li jsiru trasferimenti ta’ unitajiet ta’ Kjoto mill-kont ta’ depożitu ETS AAU tagħhom li jirriżultaw f’depożiti ta’ unitajiet ta’ Kjoto fuq kont ta’ depożitu ETS AAU li jkunu inqas mill-kwantità minima depożitata. Fil-każ tal-Istati Membri mingħajr reġistru tal-PK, il-kwantità minima depożitata hija valur użat fil-proċess ta’ approvazzjoni.

2. L-EUTL għandu jżid kwantità mal-kwantità minima depożitata wara li tkun twettqet ħarġa tal-kwoti tal-Kapitolu III skont l-Artikolu 39, fejn iż-żieda għandha tkun daqs l-ammont tal-kwoti tal-Kapitolu III maħruġa.

3. L-EUTL għandu jnaqqas kwantità mill-kwantità minima depożitata eżattament wara:

4. L-Amministratur Ċetrali għandu jwettaq tnaqqis ta’ kwantità mill-kwantità minima depożitata rreġistrata fl-EUTL wara li jkunu twettqu t-tranżazzjonijiet ta’ approvazzjoni skont l-Artikolu 56. It-tnaqqis għandu jkun daqs l-ammont totali ta’ kwoti tal-Kapitolu III ċeduti minn kontijiet tal-utent amministrati mill-amministratur nazzjonali tal-Istat Membru għall-perjodu 2008-12; flimkien mal-valur ta’ approvazzjoni kkalkolat skont l-Artikolu 56(3).

1. L-EUTL għandu jirreġistra kwantità gateway għal kull Stat Membru mingħajr reġistru tal-PK.

2. L-EUTL għandu jżid kwantità mal-kwantità gateway wara li jiġu trasferiti l-kwoti tal-Kapitolu III minn kont tal-utent amministrat minn Stat Membru mingħajr reġistru tal-PK għal kont tal-utent amministrat minn Stat Membru ieħor, fejn iż-żieda għandha tkun daqs l-ammont tal-kwoti tal-Kapitolu III trasferiti.

3. L-EUTL għandu jnaqqas kwantità mill-kwantità gateway wara li jiġu trasferiti l-kwoti tal-Kapitolu III minn kont tal-utent amministrat minn Stat Membru għal kont tal-utent amministrat minn Stat Membru mingħajr reġistru tal-PK, fejn it-tnaqqis għandu jkun daqs l-ammont tal-kwoti tal-Kapitolu III trasferiti.

4. L-EUTL mhuwiex se jippermetti trasferimenti ta’ kwoti tal-Kapitolu III minn kontijiet amministrati minn Stat Membru mingħajr reiġistru tal-PK li jirriżultaw fi kwantità gateway ogħla mill-ammont ta’ unitajiet ta’ Kjoto miżmuma fil-kont ta’ depożitu gateway għal dak l-Istat Membru.

5. Sal-1 ta’ Lulju 2013 jew sat-tlestija tal-approvazzjoni stipulata fl-Artikolu 56, skont liema minnhom tiġi l-aktar tard, l-EUTL mhuwiex se jippermetti trasferimenti ta’ unitajiet ta’ Kjoto mill-kont ta’ depożitu gateway għal Stat Membru partikolari mingħajr reġistru tal-PK li jirriżultaw f’depożiti fuq kont ta’ depożitu gateway għal dak l-Istat Membru li jkunu inqas mill-kwantità gateway.

6. Wara l-1 ta’ Lulju 2013 jew wara t-tlestija tal-approvazzjoni stipulata fl-Artikolu 56, skont liema minnhom tiġi l-aktar tard, l-Amministratur Ċentrali għandu jreġġa lura l-kwantità gateway għal żero u jiżvojta l-kont ta’ depożitu gateway permezz ta’ trasferimenti mwettqa fl-ordni ta’ preċedenza li ġejja:

Twarrib ta’ AAUs skont il-kwoti tal-Kapitolu III ċeduti minn operaturi tal-inġenji tal-ajru

1. Sal-5 ta’ Mejju 2013 u kull sena minn dakinhar 'l hemm, l-amministraturi tar-reġistru PK tal-Istati Membri b’reġistru tal-PK għandhom jittrasferixxu fil-kont ta’ twarrib u ċediment tal-avjazzjoni fir-reġistru tal-Unjoni ammont ta’ AAUs li jkun daqs l-ammont ta’ kwoti tal-Kapitolu III ċeduti mill-operaturi tal-inġenji tal-ajru skont l-Artikolu 46 għall-perjodu attwali bejn l-1 ta’ Mejju tas-sena preċedenti u t-30 ta’ April tas-sena attwali.

2. Sal-1 ta’ Lulju 2013 jew meta jitlesta l-proċess ta’ approvazzjoni fl-Artikolu 56, skont liema minnhom tiġi l-aktar tard, l-Amministratur Ċentrali għandu jitrasferixxi mill-kont ta’ depożitu gateway ta’ Stat Membru mingħajr reġistru tal-PK fil-kont ta’ twarrib u ċediment tal-avjazzjoni fir-reġistru tal-Unjoni ammont ta’ unitajiet ta’ Kjoto li jkun daqs l-inqas minn dawn li ġejjin:

Kanċellazzjoni ta’ unitajiet ta’ Kjoto skont it-tneħħija ta’ kwoti tal-Kapitolu III

1. Sal-5 ta’ Mejju 2013 u kull sena minn dakinhar 'l hemm kull amministratur tar-reġistru PK għandu jitrasferixxi ammont ta’ AAUs, ERUs jew CERs, imma mhux lCERs jew tCERs għall-kont ta’ kanċellazzjoni fir-reġistru tal-Unjoni. L-ammont trasferit għandu jkun daqs l-ammont ta’ kwoti tal-Kapitolu III li tneħħew skont l-Artikolu 49 minn kontijiet tal-utent amministrati mill-Istat Membru tiegħu bejn l-1 ta’ Mejju tas-sena preċedenti u t-30 ta’ April tas-sena attwali.

2. Permezz ta’ deroga mill-paragrafu 1 amministratur tar-reġistru mhuwiex obbligat li jitrasferixxi fil-kont ta’ kanċellazzjoni fir-reġistru tal-Unjoni ammonti ta’ AAUs, ERUs, jew CERs daqs l-ammont ta’ dawk li tneħħew li jissodisfaw waħda mill-kundizzjonijiet li ġejjin:

1. Wara t-tmiem tal-perjodu 2008-2012, sabiex jiġi żgurat li t-trasferimenti tal-kwoti tal-Kapitolu III bejn il-kontijiet amministrati minn amministraturi nazzjonali ta’ Stati Membri differenti jiġu segwiti b’ammont ugwali ta’ unitajiet ta’ Kjoto trasferiti bejn ir-reġistri tal-PK, għandhom japplikaw il-paragrafi 2 sa 4.

2. Fl-ewwel jum ta’ xogħol wara l-1 ta’ Ġunju 2013, jew il-jum wara li jitlestew it-tibdiliet kollha għall-kwantitajiet minimi depożitati relatati mal-korrezzjonijiet 'l isfel tal-kwoti stipulati fl-Artikolu 52(3)(a), skont liema minnhom tkun l-aktar tard, l-Amministratur Ċentrali għandu jikkalkula valur ta’ approvazzjoni għal kull Stat Membru u jinnotifika lill-amministraturi nazzjonali b’dan.

3. Fil-każ ta’ Stati Membri b’reġistru tal-PK, il-valur ta’ approvazzjoni għandu jkun ugwali għal:

4. Fil-każ ta’ Stat Membri mingħajr reġistru tal-PK, il-valur ta’ approvazzjoni għandu jkun daqs il-kwantità gateway ikkalkulata skont l-Artikolu 53 fl-1 ta’ Ġunju 2013.

5. Fi żmien ħamest ijiem ta’ xogħol wara n-notifika stipulata fil-paragrafu 2, kull amministratur tar-reġistru PK li l-Istat Membru tiegħu kellu valur ta’ approvazzjoni pożittiv għandu jitrasferixxi ammont ta’ AAUs daqs il-valur ta’ approvazzjoni fil-kont ETS ta’ approvazzjoni ċentrali fir-reġistru tal-Unjoni. Fil-każ ta’ Stati Membri mingħar reġistru tal-PK, dan it-trasferiment għandu jitwettaq mill-Amministratur Ċentrali mill-kont ta’ depożitu gateway għall-Istat Membru mingħajr reġistru tal-PK.

6. Fi żmien ħamest ijiem ta’ xogħol mit-tlestija ta’ trasferimenti stipulati fil-paragrafu 5, l-Amministratur Ċentrali għandu jitrasferixxi mill-kont ETS ta’ approvazzjoni ċentrali fir-reġistru tal-Unjoni għall-kont ta’ depożitu ta’ Parti PK fir-reġistru tal-PK ta’ kull Stat Membru b’valur ta’ approvazzjoni negattiv li jkun daqs il-bilanċ pożittiv ekwivalenti tal-valur ta’ approvazzjoni. Fil-każ tal-Istati Memrbi mingħajr reġistri tal-PK, dan l-ammont għandu jiġi trasferit fil-kont ta’ depożitu gateway.

Fi żmien 10 ijiem ta’ xogħol mit-tlestija tat-tranżazzjonijiet ta’ approvazzjoni stipulati fl-Artikolu 56, ir-reġistru tal-Unjoni għandu jneħħi l-kwoti tal-Kapitolu III u l-kwoti tal-Kapitolu II validi għall-perjodu 2008-2012 miżmuma fil-kontijiet tal-utent fir-reġistru tal-Unjoni u joħroġ ammont ugwali ta’ kwoti tal-Kapitolu III validi għall-perjodu 2013-2020 għall-istess kontijiet.

Irtirar ta’ AAUs, ERUs jew CERs skont l-emissjonijiet tal-avjazzjoni domestika tal-operaturi tal-inġenji tal-ajru

1. Sat-30 ta’ Settembru tas-sena wara s-sena tad-dħul fis-seħħ ta’ dan ir-Regolament, l-Amministratur Ċentrali għandu jitrasferixxi ammont ta’ unitajiet ta’ Kjoto mill-kont ta’ twarrib u ċediment tal-avjazzjoni fir-reġistru tal-Unjoni fil-kont ta’ depożitu tal-Parti ta’ kull Stat Membru li jkun daqs dawk l-emissjonijiet ivverifikati mill-operaturi tal-inġenji tal-ajru li huma inklużi fl-inventarju nazzjonali skont il-UNFCCC ta’ dak l-Istat Membru għal dik is-sena. L-ammonti trasferiti b’dan il-mod għandhom jikkostitwixxu l-ammonti ta’ AAUs safejn huwa possibbli. Jekk l-AAUs fil-kont ta’ twarrib u ċediment tal-avjazzjoni mhumiex biżżejjed biex jikkompletaw it-trasferimenti kollha, l-Amministratur Ċentrali għandu preferibbilment jittrasferixxi l-AAUs għal dawk l-Istati Membri li l-emissjonijiet tal-avjazzjoni domestika huma inqas mill-ammont ta’ AAUs li ttrasferew fil-kont ta’ twarrib u ċediment tal-avjazzjoni skont l-Artikolu 54(1).

2. Jekk id-depożiti tal-kont ta’ twarrib u ċediment tal-avjazzjoni mhumiex biżżejjed biex iwettqu t-trasferiment stipulat fil-paragrafu 1, l-ammonti kollha li għandhom jiġu trasferiti għandhom jitnaqqsu b’fattur li għandu jkun daqs l-unitajiet totali miżmuma fil-kont ta’ twarrib u ċediment tal-avjazzjoni diviż bl-ammont totali ta’ unitajiet li jeħtieġ li jiġu trasferiti.

1. L-EUTL għandu jwieġeb kull messaġġ minn kull reġistru fi żmien 24 siegħa mill-wasla tiegħu.

2. L-amministratur Ċentrali għandu jieħu l-passi kollha raġonevoli biex jiżgura li:

3. L-Amministratur Ċentrali għandu jiżgura li r-reġistru tal-Unjoni u l-EUTL jinkorporaw sistemi u proċeduri sodi għas-salvagwardja tad-dejta kollha u l-irkupru minnufih tad-dejta u l-operazzjonijiet kollha fil-każ ta’ diżastru.

4. L-Amministratur Ċentrali għandu jżomm l-interuzzjonijiet fl-operat tar-reġistru tal-unjoni u fl-EUTL għall-minimu.

1. L-amministraturi nazzjonali għandhom jipprovdu l-assistenza u s-sostenn lil detenturi ta’ kontijiet fir-reġistru tal-Unjoni li huma amministrati minnhom permezz tas-servizzi ta’ assistenza nazzjonali.

2. L-Amministratur Ċentrali għandu jipprovdi s-sostenn lill-amministraturi nazzjonali permezz ta’ Servizz ta’ Assistenza Ċentrali biex jgħinhom jipprovdu assistenza skont il-paragrafu 1.

1. L-identità tar-reġistru tal-Unjoni għandha tiġi awtentikata mal-EUTL bl-użu ta’ ċertifikati diġitali u usernames u passwords kif indikat fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

2. L-Istati Membri u l-Unjoni għandhom jużaw iċ-ċertifikati diġitali maħruġa mis-Segretarjat tal-UNFCCC, jew entità maħtura minnha, biex jawtentikaw ir-reġistri tagħhom lill-ITL bil-għan li jistabbilixxu l-konnessjoni tal-komunikazzjoni msemmija fl-Artikolu 5.

1. Id-detenturi ta’ kontijiet għandu jkollhom aċċess għall-kontijiet tagħhom fir-reġistru tal-Unjoni permezz taż-żona sigura tar-reġistru tal-Unjoni. L-Amministratur Ċentrali għandu jiżgura li ż-żona sigura tal-websajt tar-reġistru tal-Unjoni tkun aċċessibbli permezz tal-Internet. Il-websajt tar-reġistru tal-Unjoni għandha tkun disponibbli fil-lingwi kollha tal-Unjoni Ewropea.

2. L-Amministratur Ċentrali għandu jiżgura li l-kontijiet fir-reġistru tal-Unjoni fejn l-aċċess permezz ta’ pjattaformi tal-kummerċ skont l-Artikolu 19(3) huwa permess u rappreżentant awtorizzat wieħed huwa wkoll ir-rappreżentant awtorizzat ta’ kont ta’ depożitu ta’ pjattaforma tal-kummerċ jkunu aċċessibbli għall-pjattaforma tal-kummerċ mid-detentur ta’ dak il-kont ta’ depożitu tal-pjattaforma tal-kummerċ.

3. Il-komunikazzjonijiet bejn ir-rappreżentanti awtorizzati jew il-pjattaformi tal-kummerċ u ż-żona sigura tar-reġistru tal-Unjoni għandhom ikunu kriptati f’konformità mar-rekwiżiti tas-sigurtà stipulati fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

4. L-amministratur Ċentrali għandu jwettaq il-passi kollha meħtieġa biex jiżgura li ma jseħħx aċċess mhux awtorizzat fiż-żona sigura tal-websajt tar-reġistru tal-Unjoni.

5. Jekk is-sigurtà tal-kredenzjali ta’ rappreżentant awtorizzat jew ta’ rappreżentanti awtorizzati addizzjonali ġiet kompromessa, ir-rappreżentant awtorizzat jew ir-rappreżentanti awtorizzati addizzjonali għandhom jinformaw lill-amministratur tal-kont minnufih u jitolbu sostituzzjoni.

Awtentifikazzjoni u awtorizzazzjoni tar-rappreżentanti awtorizzati fir-reġistru tal-Unjoni

1. Ir-reġistru tal-unjoni għandu jagħti username u password lil kull rappreżentant awtorizzat jew rappreżentanti awtorizzati addizzjonali biex jawtentikahom bil-għan li jaċċessaw ir-reġistru.

2. Rappreżentant awtorizzat jew rappreżentanti awtorizzati għandu jkollhom aċċess biss għall-kontijiet f’reġistru tal-Unjoni li hu jkun awtorizzat li jaċċessa u għandu jkun jista’ jitlob biss il-bidu tal-proċessi li huwa awtorizzat jitlob skont l-Artikolu 19. Dak l-aċċess jew dik it-talba għandha sseħħ permezz ta’ żona sigura tal-websajt ta’ dak ir-reġistru tal-Unjoni.

3. Barra mill-username u l-password imsemmija fil-paragrafu 1, l-amministraturi nazzjonali għandhom jipprovdu awtentifikazzjoni sekondarja lill-kontijiet kollha amministrati minnhom. It-tipi ta’ mekkaniżmi tal-awtentifikazzjoni sekondarja li jistgħu jintużaw għall-aċċess tar-Reġistru tal-Unjoni għandhom ikunu stipulati fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

4. L-amministratur ta’ kont jista’ jassumi li utent lil kien awtentikat b’suċċess mir-Reġistru tal-Unjoni huwa r-rappreżentant awtorizzat jew ir-rappreżentant awtorizzat addizzjonali rreġistrat skont il-kredenzjali ta’ awtentifikazzjoni pprovvduti sakemm ir-rappreżentant awtorizzat jew ir-rappreżentant awtorizzat addizzjonali jinforma lill-amministratur tal-kont li s-sigurtà tal-kredenzjali tiegħu ġiet kompromessa u jitlob li tinbidel.

4a. Ir-rappreżentant awtorizzat għandu jieħu l-miżuri kollha meħtieġa biex jipprevjeni t-telf, is-serq jew il-kompromess tal-kredenzjali tiegħu. Ir-rappreżentant awtorizzat għandu jirrapporta minnufih lill-amministratur nazzjonali t-telf, is-serq jew il-kompromess tal-kredenzjali tiegħu.

Sospensjoni ta’ kull aċċess minħabba ksur ta’ sigurtà jew riskju għas-sigurtà

(1) Il-Kummissjoni tista' tagħti istruzzjoni lill-Amministratur Ċentrali biex jissuspendi aċċess għar-Reġistru tal-Unjoni jew għall-EUTL jew għal kull parti tagħhom fejn ikollha suspett raġonevoli li jkun hemm ksur ta’ sigurtà tar-Reġistru tal-Unjoni jew tal-EUTL jew li jkun jeżisti riskju gravi għas-sigurtà tar-Reġistru tal-Unjoni jew tal-EUTL li jhedded l-integrità tas-sistema, li tinkludi l-faċilitajiet ta’ riżerva msemmijin fl-Artikolu 59.

(2) Fil-każ ta’ ksur ta’ sigurtà jew ta’ riskju għas-sigurtà li jistgħu jwasslu għal sospensjoni ta’ aċċess, amministratur li jsir jaf bil-ksur jew bir-riskju għandu jgħarraf fil-pront lill-Amministratur Ċentrali dwar kull riskju li jkun hemm għal partijiet oħra tas-sistema tar-reġistri. L-Amministratur Ċentrali għandu mbagħad jgħarraf lill-amministraturi l-oħra kollha.

(3) Jekk amministratur isir jaf b'sitwazzjoni li jkun jeħtiġilha s-sospensjoni tal-aċċess kollu għas-sistema tiegħu, huwa għandu jgħarraf b'mod prattiku kemm jista' jkun lill-Amministratur Ċentrali u lid-detenturi ta’ kontijiet permezz ta’ avviż bħal dan minn qabel dwar is-sospensjoni. L-Amministratur Ċentrali għandu mbagħad jgħarraf lill-amministraturi l-oħra kollha malajr kemm jista' jkun.

(4) L-avviż imsemmi fil-paragrafu 3 għandu jinkludi kemm aktarx tkun ser idum is-sospensjoni u għandu jitqiegħed għall-wiri b'mod ċar fil-parti pubblika tal-websajt tal-EUTL.

Sospensjoni ta’ aċċess għal kwoti jew unitajiet ta’ Kjoto f'każ ta’ suspect ta’ tranżazzjoni frawdolenti

1. Amministratur jew amministratur li jaġixxi fuq talba tal-awtorità kompetenti jista' jissuspendi l-aċċess għal kwoti jew unitajiet ta’ Kjoto fir-reġistru li jamministra:

2. Il-Kummissjoni tista' tagħti istruzzjoni lill-Amministratur Ċentrali biex jissuspendi aċċess għal kwoti jew unitajiet ta’ Kjoto fir-Reġistru tal-Unjoni jew fl-EUTL għal perjodu massimu ta’ ġimagħtejn jekk tissuspetta li l-kwoti jew unitajiet ta’ Kjoto kienu s-suġġett ta’ tranżazzjoni li tikkostitwixxi frodi, ħasil tal-flus, iffinanzjar tat-terroriżmu jew reat gravi ieħor.

3. L-amministratur jew il-Kummissjoni għandhom jgħarrfu minnufih lill-awtorità kompetenti tal-infurzar tal-liġi dwar is-sospensjoni.

4. Awtorità nazzjonali tal-infurzar tal-liġi tal-Istat Membru tal-amministratur tista' wkoll tagħti istruzzjoni lill-amministratur biex jimplimenta sospensjoni abbażi ta’ u skont dritt nazzjonali.

1. Il-Kummissjoni tista’ tagħti struzzjonijiet lill-Amministratur Ċentrali biex temporanjament jissospendi l-aċċettazzjoni mill-EUTL tal-proċessi kollha, jew uħud minnhom, li joriġinaw mir-reġistru tal-PK, jekk dak ir-reġistru ma jkunx imħaddem u miżmum skont id-dispożizzjonijiet ta’ dan ir-Regolament u għandha tinnotifika minnufih lill-amministratur tar-reġistru tal-PK b’dan.

2. Il-Kummissjoni tista’ tagħti struzzjonijiet lill-Amministratur Ċentrali biex temporanjament jissospendi l-aċċettazzjoni mill-EUTL tal-proċessi kollha, jew uħud minnhom, li joriġinaw mir-reġistru tal-Unjoni, jekk dak ir-reġistru ma jkunx imħaddem u miżmum skont id-dispożizzjonijiet ta’ dan ir-Regolament u għandha tinnotifika minnufih lill-amministraturi nazzjonali b’dan.

3. L-amministratur ta’ reġistru tal-PK jista’ jitlob lill-Amministratur Ċentrali biex temporanjament jissospendi t-trażmissjoni tal-proċessi kollha, jew uħud minnhom, lill-reġistri tal-PK tiegħu bil-għan li titwettaq manutenzjoni fir-reġistri tal-PK tiegħu.

4. L-Amministratur Ċentrali jista’ temporanjament jissospendi l-bidu jew l-aċċettazzjoni tal-proċessi kollha, jew xi wħud minnhom, fir-reġistru tal-Unjoni bil-għan li titwettaq manutenzjoni skedata fir-reġistru tal-Unjoni.

5. Amministratur tar-reġistru tal-PK jista’ jitlob lill-amministratur ċentrali biex jimplimenta mill-ġdid il-proċessi sospiżi skont il-paragrafu 1 jekk hu jistma li kienu riżolti l-kwistjonijiet pendenti li kkawżaw is-sospensjoni. L-Amministratur Ċentrali għandu jinforma lill-amministratur tar-reġistru bid-deċiżjoni tiegħu mill-aktar fis.

1. Il-proċessi kollha għandhom jikkonformaw mar-rekwiżiti ġenerali tal-IT ta’ messaġġi elettroniċi li jiżguraw il-qari, il-kontroll u r-reġistrazzjoni b’suċċess ta’ proċess mir-reġistru tal-Unjoni. Il-proċessi kollha għandhom jikkonformaw mar-rekwiżiti speċifiċi relatati mal-proċess stipulati fil-Kapitolu IV sa VI ta’ dan ir-Regolament.

2. L-EUTL għandu jwettaq kontrolli awtomatizzati għall-proċessi kollha biex jidentifika l-irregolaritajiet, minn hawn ’il quddiem “id-diskrepanzi”, li minħabba fihom il-proċess propost ma jkunx konformi mar-rekwiżiti tad-Direttiva 2003/87/KE u dan ir-Regolament.

1. F’każ ta’ proċessi li tlestew permezz ta’ konnessjoni diretta ta’ komunikazzjoni bejn ir-reġistru tal-Unjoni u l-EUTL imsemmija fl-Artikolu 5(2), l-EUTL għandu jtemm il-proċessi kollha meta jidentifika diskrepanzi waqt li jkunu qed jitwettqu l-kontrolli awtomatizzati msemmija fl-Artikolu 66(2), u għandu jinforma b’dan lir-Reġistru tal-Unjoni u lill-amminstratur tal-kontijiet involuti fit-tranżazzjoni tterminata billi jibgħat kodiċi ta’ rispons awtomatizzat. Ir-reġistru tal-Unjoni għandu jgħarraf minnufih lid-detenturi tal-kontijiet rilevanti li l-proċess ġie tterminat.

2. F’każ ta’ tranżazzjonijiet li tlestew permezz tal-ITL imsemmi fl-Artikolu 5(1), l-ITL għandu jittermina l-proċessi kollha meta jiġu identifikati diskrepanzi mill-ITL jew l-EUTL waqt li jkunu qed jitwettqu l-kontrolli awtomatizzati msemmija fl-Artikolu 66(2). B’segwitu għat-terminazzjoni mill-ITL, l-EUTL għandu jittermina wkoll it-tranżazzjoni. L-amministraturi tar-reġistri involuti jiġu infurmati bit-terminazzjoni tat-tranżazzjoni mill-ITL billi dan jibgħat kodiċi ta’ rispons awtomatizzata. Jekk wieħed minn dawn ir-reġistri involuti jkun ir-reġistru tal-Unjoni, ir-reġistru tal-Unjoni għandu jinforma wkoll lill-amministraturi tal-kontijiet tar-reġistru tal-Unjoni involuti fit-tranżazzjoni tterminata billi jibgħat kodiċi ta’ rispons awtomatizzata. Ir-reġistru tal-Unjoni għandu jgħarraf minnufih lid-detenturi tal-kontijiet rilevanti li l-proċess ġie tterminat.

1. Ir-reġistru tal-Unjoni u kull reġistru ieħor għandu jkun fih kodiċijiet ta’ kontroll ta’ input u kodiċijiet ta’ kontroll ta’ rispons biex tkun żgurata l-interpretazzjoni korretta tat-tagħrif skambjat matul kull proċess. Il-kodiċijiet ta’ kontroll għandhom jikkorrispondu ma’ dawk li hemm fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

2. Qabel u matul it-twettiq tal-proċessi kollha, ir-reġistru tal-Unjoni għandu jwettaq kontrolli awtomatizzati adatti biex tiġi żgurata l-individwazzjoni tad-diskrepanzi u jiġu tterminati l-proċessi mhux korretti qabel jitwettqu l-kontrolli awtomatizzati mill-EUTL.

1. L-EUTL għandu perjodikament jibda rikonċiljazzjoni tad-dejta biex jiżgura li r-reġistrazzjonijiet ta’ kontijiet tal-EUTL, id-depożiti tal-unitajiet ta’ Kjoto u l-kwoti jaqblu mar-reġistri ta’ dawn id-depożiti fir-reġistru tal-Unjoni. Għal dak il-għan l-EUTL għandu jirreġistra l-proċessi kollha.

2. L-ITL għandu perjodikament jibda rikonċiljazzjoni tad-dejta biex jiżgura li r-reġistrazzjonijiet tal-ITL tad-depożiti ta’ unitajiet ta’ Kjoto u tal-kwoti jaqblu mar-reġistrazzjonijiet ta’ dawn id-depożiti fir-reġistru tal-Unjoni u f’kull reġistru tal-PK ieħor.

3. Jekk waqt il-proċess tar-rikonċiljazzjoni tad-dejta msemmi fil-paragrafu 1, l-EUTL jidentifika irregolarità, minn hawn ’il quddiem “inkonsistenza”, fejn it-tagħrif rigward il-kontijiet, id-depożiti tal-unitajiet ta’ Kjoto u tal-kwoti previsti mir-reġistru tal-Unjoni bħala parti mill-proċess perjodiku ta’ rikonċiljazzjoni ikun differenti mit-tagħrif li jinsab fl-EUTL, l-EUTL għandu jiżgura li jitlestew il-proċessi ulterjuri kollha ma’ kull kont, kwota jew unità ta’ Kjoto li tkun is-suġġett tal-inkonsistenza. L-EUTL għandu jinforma immedjatament lill-Amministratur Ċentrali u lill-amministraturi tal-kontijiet rilevanti bi kwalunkwe inkonsistenza.

1. It-tranżazzjonijiet kollha kkomunikati lill-ITL skont l-Artikolu 5(1) għandhom ikunu finali meta l-ITL jinnotifika lill-EUTL li hu lesta l-proċess.

2. It-tranżazzjonijiet kollha u l-proċessi oħra kkomunikati lill-EUTL skont l-Artikolu 5(3) għandhom ikunu finali meta l-EUTL jinnotifika lir-reġistru tal-Unjoni li hu lesta l-proċessi.

3. Il-proċess ta’ rikonċiljazzjoni tad-dejta msemmi fl-Artikolu 69(1) għandu jkun finali meta jkunu riżolti l-inkonsistenzi kollha bejn it-tagħrif li jinsab fir-reġistru tal-Unjoni u t-tagħrif li jinsab fl-EUTL għal ħin u data speċifiċi, u l-proċess ta’ rikonċiljazzjoni tad-dejta jkun inbeda mill-ġdid u tlesta b’suċċess.

1. Il-Kummissjoni għandha tagħmel disponibbli għal amministraturi Skambju ta’ Dejta u Speċifikazzjonijiet Tekniċi meħtieġa għal skambju ta’ dejta bejn reġistri u reġistri tat-tranżazzjonijiet, inklużi l-kodiċijiet ta’ identifikazzjoni, spezzjonijiet awtomatizzati u kodiċijiet ta’ tweġiba, kif ukoll il-proċeduri ta’ ttestjar u r-rekwiżiti ta’ sigurtà meħtieġa għat-tnedija ta’ skambju ta’ dejta.

2. L-Iskambju ta’ Dejta u Speċifikazzjonijiet Tekniċi għandhom isiru b'konsultazzjoni mal-Grupp ta’ Ħidma ta’ Amministraturi tal-Kumitat dwar it-Tibdil fil-Klima u għandhom ikunu konsistenti mal-ispeċifikazzjonijiet funzjonali u tekniċi għal standards ta’ skambju ta’ dejta għal sistemi ta’ reġistri skont il-Protokoll ta’ Kjoto elaborati skont id-Deċiżjoni 12/CMP.1.

Jekk tkun meħtieġa verżjoni ġdida jew ħruġ ta’ reġistru tal-PK, inkluż ir-reġistru tal-Unjoni, dak ir-reġistru għandu jlesti l-proċeduri tal-ittestjar stipulati fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71 qabel tkun stabbilita u attivata konnessjoni tal-komunikazzjoni bejn il-verżjoni l-ġdida jew il-ħruġ ta’ dak ir-reġistru u l-EUTL jew l-ITL.

1. Ir-reġistru tal-Unjoni u kull reġistru tal-PK ieħor għandhom jaħżnu r-reġistri li jikkonċernaw il-proċessi u d-detenturi tal-kontijiet kollha għal 15-il sena jew sakemm tkun riżolta kwalunkwe kwistjoni ta’ implimentazzjoni relatata magħhom, skont liema waħda tkun l-aħħar.

2. L-amministraturi nazzjonali għandhom ikunu kapaċi jaċċessaw, ifittxu u jesportaw ir-reġistri kollha miżmuma fir-reġistru tal-Unjoni fir-rigward ta’ kontijiet li huma amministrati minnhom.

3. Ir-reġistri għandhom jinħażnu skont ir-rekwiżiti tar-reġistrazzjoni tad-dejta deskritti fl-Ispeċifikazzjonijiet Tekniċi u tal-Iskambju tad-Dejta previsti fl-Artikolu 71.

1. L-Amministratur Ċentrali għandu jagħmel disponibbli t-tagħrif elenkat fl-Anness XIII fil-frekwenzi u lir-riċevituri stipulati fl-Anness XIII b’mod trasparenti u organizzat permezz tal-websajt tal-EUTL. L-Amministratur Ċentrali ma għandux joħroġ tagħrif addizzjonali miżmum fl-EUTL jew fir-reġistru tal-Unjoni sakemm dan ikun permess skont l-Artikolu 75.

2. L-amministraturi Nazzjonali jistgħu jagħmlu disponibbli l-parti tat-tagħrif elenkat fl-Anness XIII li huma għandhom aċċess għalih skont l-Artikolu 73 fil-frekwenzi u lir-riċevituri stipulati fl-Anness XIII b’mod trasparenti u organizzat permezz tal-websajt aċċessibli pubblikament permezz tal-Internet. L-amministratur nazzjonali ma għandux joħorġu tagħrif addizzjonali miżmum fir-reġistru tal-Unjoni sakemm dan ikun permess skont l-Artikolu 75.

3. Il-websajt tal-EUTL għandha tippermetti lir-riċevituri tar-rapporti elenkati fl-Anness XIII li jfittxu dawk ir-rapporti permezz tal-faċilitajiet ta’ tiftix.

4. L-amministraturi tar-reġistru tal-PK għandhom jikkonformaw mar-rekwiżit li jippubblikaw it-tagħrif relatat mal-ħruġ ta’ ERUs speċifikati fil-paragrafu 46 tal-Anness għad-Deċiżjoni 13/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto fi żmien ġimgħa wara li jkun seħħ il-ħruġ.

5. Ir-reġistru tal-Unjoni u kull reġistru tal-PK għandhom jikkonformaw mar-rekwiżit li jippubblikaw it-tagħrif speċifikat fil-punti (a), (d), (f) u (l) tal-paragrafu 47 tal-Anness għad-Deċiżjoni 13/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto fl-1 ta’ Jannar tal-ħames sena wara li jiġi rreġistrat it-tagħrif.

6. Ir-reġistru tal-Unjoni u kull reġistru tal-PK għandhom jikkonformaw mar-rekwiżit li jippubblikaw it-tagħrif speċifikat fil-punti (b), (c), (e), u minn (g) sa (k) tal-paragrafu 47 tal-Anness għad-Deċiżjoni 13/CMP.1 tal-Konferenza tal-Partijiet li sservi bħala l-laqgħa tal-Partijiet għall-Protokoll ta’ Kjoto fl-1 ta’ Jannar tal-ewwel sena wara li jiġi rreġistrat it-tagħrif.

1. L-informazzjoni, inkluż iż-żamma tal-kontijiet kollha, tat-tranżazzjonijiet kollha magħmulin, il-kodiċi uniku ta’ identifikazzjoni tal-unitajiet tal-kwoti, u l-valur numeriku uniku tan-numru tas-serje tal-unitajiet ta’ Kjoto miżmumin jew milqutin mit-tranżazzjoni, miżmumin fl-EUTL, fir-Reġistru tal-Unjoni u f'kull Reġistru KP ieħor, għandhom jitqiesu kunfidenzjali ħlief kif xort'oħra jkun meħtieġ mil-liġi tal-Unjoni, jew mid-dispożizzjonijiet tal-liġi nazzjonali li jfittxu għan leġittimu kompatibbli ma’ dan ir-Regolament, u li jkunu proporzjonati.

2. L-entitajiet li ġejjin jistgħu jiksbu dejta maħżuna fir-Reġistru tal-Unjoni u fl-EUTL:

3. Dejta tista' tingħata lill-entitajiet elenkati fil-paragrafu 2 fuq talba tagħhom lill-Amministratur Ċentrali jew lil amministratur nazzjonali jekk talbiet bħal dawn ikunu meħtieġa biex iwettqu x-xogħlijiet tagħhom.

4. Entità li tirċievi d-dejta skont il-paragrafu 3 għandha tiżgura li d-dejta li waslitilha tintuża biss għall-iskopijiet stipulati fit-talba skont il-paragrafu 3 u ma tkunx disponibbli deliberatament jew aċċidentalment għal persuni li mhumiex involuti fl-iskop maħsub tal-użu tad-dejta. Din id-dispożizzjoni ma għandhiex tipprekludi dawn l-entitajiet milli jagħmlu d-dejta disponibbli għal entitajiet oħra elenkati fil-paragrafu 2, jekk din hi meħtieġa għall-iskopijiet stipulati fit-talba magħmula skont il-paragrafu 3.

5. Fuq it-talba tagħhom, l-Amministratur Ċentrali jista’ jipprovdi aċċess għal dejta ta’ tranżazzjoni anonimizzata lill-entitajiet elenkati fil-paragrafu 2. bl-iskop ta’ tfittxija għall-xejriet ta’ tranżazzjoni suspettużi. L-entitajiet b’aċċess bħal dan jistgħu jinnotifikaw xejriet ta’ tranżazzjoni suspettuża lil entitajiet oħra elenkati fil-paragrafu 2.

5a. L-Europol għandha tikseb aċċess permanenti għal qari biss għal dejta maħżuna fir-Reġistru tal-Unjoni u fl-EUTL biex twettaq ix-xogħlijiet tagħha skont id-Deċiżjoni tal-Kunsill 2009/371/ĠAI. L-Europol għandha żżomm lill-Kummissjoni mgħarrfa bl-użu li tagħmel mid-dejta.

6. Amministraturi nazzjonali għandhom jagħmlu disponibbli permezz ta’ mezzi sikuri lill-amministraturi nazzjonali l-oħra kollha u lill-Amministratur Ċentrali l-ismijiet u l-identitajiet ta’ persuni li lilhom irrifjutaw li jiftħu kont skont l-Artikoli 13(3) jew 14(3), jew li lilhom irrifjutaw li jinnominaw rappreżentant awtorizzat jew rappreżentant awtorizzat addizzjonali skont l-Artikolu 20(3), u l-ismijiet u l-identitajiet tad-detentur ta’ kont, ta’ rappreżentant awtorizzat jew ta’ rappreżentant awtorizzat addizzjonali ta’ kontijiet li għalihom kien sospiż aċċess skont l-Artikoli 64 u 64a jew ta’ kontijiet li kienu ngħalqu skont l-Artikolu 28.

7. L-amministraturi nazzjonali jistgħu jiddeċiedu li jinnotifikaw lill-awtoritajiet nazzjonali tal-infurzar tal-liġi bit-tranżazzjonijiet li jinvolvu għadd ta’ unitajiet ’il fuq mill-ammont determinat mill-amministratur nazzjonali u li jinnotifikaw kull kont li hu involut f’għadd ta’ tranżazzjonijiet f’perjodu ta’ 24 siegħa li jkun ’il fuq mill-ammont determinat mill-amministratur nazzjonali

8. Id-detenturi tal-kontijiet jistgħu jitolbu bil-kitba lill-amministratur nazzjonali li l-websajt pubblika tar-reġistru tal-Unjoni ma għandux juri l-punti ta’ dejta kollha jew xi wħud minnhom, fir-ringieli 2 sa 12 tat-Tabella VI-II tal-Anness VII.

9. Id-detenturi tal-kontijiet jistgħu jitolbu bil-kitba lill-amministratur nazzjonali li l-websajt pubblika tar-reġistru tal-Unjoni turi l-punti ta’ dejta kollha jew xi wħud minnhom fir-ringieli 3 sa 15 tat-Tabella IX-I tal-Anness IX.

10. La l-EUTL u lanqas ir-reġistri tal-PK ma għandhom jirrikjedu lid-detenturi tal-kontijiet li jippreżentaw tagħrif dwar il-prezz fir-rigward tal-kwoti jew tal-unitajiet ta’ Kjoto.

1. L-Amministratur Ċentrali ma għandux jitlob tariffi lil detenturi ta’ kontijiet fir-Reġistru tal-Unjoni.

2. L-Amministraturi nazzjonali jistgħu jitolbu tariffi raġonevoli lil detenturi ta’ kontijiet amministrati minnhom.

3. L-ebda tariffa ma għandha tintalab għat-tranżazzjonijiet deskritti fil-Kapitolu VI.

4. L-Amministraturi Nazzjonali għandhom jinnotifikaw it-tariffi mitluba lill-Amministratur Ċentrali u għandhom jinnotifikawh b’kull bidliet fit-tariffa fi żmien 10 ijiem xogħol. L-Amministratur Ċentrali għandu juri t-tariffi kollha nnotifikati lilu fuq il-websajt pubbliku tiegħu.

1. Matul l-implimentazzjoni ta’ dan ir-Regolament, għandu japplika l-proċess ta’ migrazzjoni li ġej:

2. L-amministraturi tar-reġistru tal-PK u l-Amministratur Ċentrali għandu jiżgura li d-dejta storika rilevanti relatata mal-kont tiġi trasferita mir-reġistri tal-Istati Membri għar-reġistru tal-Unjoni.

2a. Qabel il-migrazzjoni, kontijiet ta’ depożitu ta’ persuna għandhom ikunu spezzjonati minn amministraturi nazzjonali biex ikun żgurat li l-informazzjoni sottomessa għal ftuħ ta’ kont tkun sħiħa, aġġornata, preċiża u vera.

3. Il-proċess ta’ migrazzjoni għandu jiġi implimentat skont il-proċeduri definiti fl-Iskambju tad-Dejta u l-Ispeċifikazzjonijiet Tekniċi msemmija fl-Artikolu 71. Matul il-proċess tal-migrazzjoni, l-operat tas-sistema tar-reġistri jista’ jiġi sospiż mill-Amministratur Ċentrali għal perjodu sa 14-il jum kalendarju.

(18) L-Anness IV qiegħed jinbidel b’dan li ġej:

“ANNESS IV

Tagħrif li jikkonċerna kontijiet ta’ depożitu ta’ persuni li għandu jiġi pprovdut lill-amministratur tar-reġistru

1. It-tagħrif stipulat fit-Tabella IV-I. (L-ID tal-kont u l-identifikatur alfanumeriku għandu jkun uniku fir-reġistru kollu.)

Tabella IV-I

1	ID tal-kont (mogħti mir-reġistru)
2	Tip ta’ Kont
3	Perjodu ta’ impenn
4	ID ta’ detentur tal-kont (maħruġ mir-reġistru)
5	Isem id-detentur tal-kont
6	Identifikatur tal-kont (mogħti mid-detentur tal-kont)
7	Indirizz tad-detentur tal-kont - pajjiż
8	Indirizz tad-detentur tal-kont - reġjun jew stat
9	Indirizz tad-detentur tal-kont - belt
10	Indirizz tad-detentur tal-kont – kodiċi postali
11	Indirizz tad-detentur tal-kont - triq
12	Indirizz tad-detentur tal-kont - Numru tat-triq
13	Indirizz tad-detentur tal-kont Numru tar-reġistrazzjoni jew Numru tal-ID tal-Kumpanija
14	Indirizz tad-detentur - Telefon 1
15	Indirizz tad-detentur - Telefon 2
16	Indirizz tad-detentur - Indirizz tal-posta elettronika
17	Data ta’ Twelid (għal persuni naturali)
18	Post ta’ Twelid (għal persuni naturali)
19	Numru tar-reġistrazzjoni tal-VAT bil-kodiċi tal-pajjiż

2. Evidenza li l-persuna li qed titlob il-ftuħ tal-kont għandu kont tal-bank miftuħ fi Stat Membru taż-Żona Ekonomika Ewropea.

3. Evidenza li ssostni l-identità tal-persuna li qed titlob il-ftuħ tal-kont, li tista’ tkun kopja ċċertifikata ta’ wieħed minn dawn li ġejjin:

(a) passaport jew karta tal-identità minn stat li huwa membru taż-Żona Ekonomika Ewropea jew Organizzazzjoni tal-Kooperazzjoni Ekonomika u l-Iżvilupp;

(b) kwalunkwe passaport ieħor, iċċertifikat validu minn ambaxxata tal-UE.

4. Evidenza li ssostni l-indirizz tar-residenza permanenti tad-detentur ta’ kont tal-persuna naturali, li tista’ tkun kopja ċċertifikata ta’ wieħed minn dawn li ġejjin:

(a) id-dokument tal-identità ppreżentat skont il-punt 3., jekk ikun fih l-indirizz tar-residenza permanenti;

(b) kwalukwe dokument tal-identità ieħor maħruġ mill-gvern li jkun fih l-indirizz tar-residenza permanenti;

(c) jekk il-pajjiż tar-residenza permanenti ma joħroġx dokumenti ta’ identità li jkun fihom l-indirizz tar-residenza permanenti, dikjarazzjoni mill-awtoritajiet lokali li tikkonferma r-residenza permanenti tal-persuna nnominata;

(d) kwalunkwe dokument ieħor li normalment jiġi aċċettat fl-Istat Membru tal-amministratur tal-kont bħala evidenza tar-residenza permanenti tal-persuna nnominata;

5. Evidenza li ssostni l-indirizz irreġistrat tad-detentur tal-kont tal-persuna legali, li tista’ tkun kopja ċċertifikata ta’ wieħed minn dawn li ġejjin:

(a) l-istrument li jistabbilixxi l-entità legali;

(b) evidenza tar-reġistrazzjoni tal-entità legali.

6. Kwalunkwe dokument ippreżentat bħala evidenza skont il-punti 4. jew 5. li ġie maħruġ minn gvern barra miż-Żona Ekonomika Ewropea jew mill-Organizzazzjoni tal-Kooperazzjoni Ekonomika u l-Iżvilupp għandu jiġi ċċertifikat bħala awtentiku minn nutar pubbliku.

7. L-amministratur tar-reġistru jista’ jirrikjedi li d-dokumenti ppreżentati jkunu akkumpanjati minn traduzzjoni ċċertifikata f’lingwa speċifikata mill-amministratur tar-reġistru.”

(19) L-Anness IVa li ġej huwa miżjud:

“ANNESS IVa

Tagħrif li jikkonċerna rappreżentanti awtorizzati u r-rappreżentanti awtorizzati addizzjonali li għandu jiġi provvdut lill-amministratur tar-reġistru

Tabella IVa-I: Dettalji ta’ rappreżentant awtorizzat

1	ID tal-persuna
2	Tip ta’ rappreżentant awtorizzat
3	L-Isem
4	Kunjom
5	Titlu
6	Impjieg
7	Indirizz - pajjiż
8	Indirizz - reġjun jew stat
9	Indirizz - belt
10	Indirizz – kodiċi postali
11	Indirizz - triq
12	Indirizz - numru tat-triq
13	Telefon 1
14	Telefon 2
15	Indirizz tal-posta elettronika
16	Data tat-Twelid
17	Post tat-twelid
18	Lingwa preferita
19	Livell ta’ kunfidenzjalità
20	Drittijiet tar-rappreżentanti awtorizzati addizzjonali

1. It-tagħrif stipulat fit-Tabella IVa-I.

2. Dikjarazzjoni ffirmata mid-detentur tal-kont li tindika x-xewqa li jiġi nnominat persuna partikolari bħala r-rappreżentant awtorizzat jew ir-rappreżentant awtorizzat addizzjonali

3. Evidenza li l-persuna nnominata għandha kont tal-bank miftuħ fi Stat Membru taż-Żona Ekonomika Ewropea.

4. Evidenza li ssostni l-identità tal-persuna nnominata, li tista’ tkun kopja ċċertifikata ta’ wieħed minn dawn li ġejjin:

(a) Passaport jew karta tal-identità maħruġa minn stat li huwa membru taż-Żona Ekonomika Ewropea jew Organizzazzjoni l-Kooperazzjoni Ekonomika jew tal-Iżvilupp;

(b) Kwalunkwe passaport ieħor, iċċertifikat bħala validu minn ambaxxata tal-UE.

5. Evidenza li ssostni l-indirizz tar-residenza permanenti tal-persuna nominata, li tista’ tkun kopja ċċertifikata ta’ wieħed minn dawn li ġejjin:

(a) Id-dokument tal-identità ppreżentat skont il-punt 4., jekk ikun fih l-indirizz tar-residenza permanenti;

(b) Kwalukwe dokument tal-identità ieħor maħruġ mill-gvern li jkun fih l-indirizz tar-residenza permanenti;

(c) Jekk il-pajjiż tar-residenza permanenti ma joħroġx dokumenti ta’ identità li jkun fihom l-indirizz tar-residenza permanenti, dikjarazzjoni mill-awtoritajiet lokali li tikkonferma r-residenza permanenti tal-persuna nnominata;

(d) Kwalunkwe dokument ieħor li normalment jiġi aċċettat fl-Istat Membru tal-amministratur tal-kont bħala evidenza tar-residenza permanenti tal-persuna nnominata;

6. Kwalunkwe dokument ippreżentat bħala evidenza skont il-punt 5. li ġie maħruġ minn gvern barra miż-Żona Ekonomika Ewropea jew mill-Organizzazzjoni tal-Kooperazzjoni Ekonomika u l-Iżvilupp għandu jiġi ċċertifikat bħala awtentiku minn nutar pubbliku.

7. L-amministratur tar-reġistru jista’ jirrikjedi li d-dokumenti ppreżentati jkunu akkumpanjati minn traduzzjoni ċċertifikata f’lingwa speċifikata mill-amministratur tar-reġistru.”

(22) L-Anness XVI huwa emendat kif ġej:

1. Il-Punt 1 huwa sostitwit b’dan li ġej:

“1. L-Amministratur Ċentrali għandu juri u jaġġorna t-tagħrif fil-paragrafi 2 sa 4c fir-rigward tas-sistema tar-reġistri dwar iż-żona pubblika tal-websajt tar-reġistru Komunitarju indipendenti tat-tranżazzjonijiet, skont l-iskeda speċifikata, u kull amministratur tar-reġistru għandu juri u jaġġorna it-tagħrif fil-paragrafi 2 sa 4b, tagħrif fir-rigward tar-reġistru tiegħu fuq iż-żona pubblika tal-websajt ta’ dak ir-reġistru, skont l-iskeda speċifikata.”

2. Il-Punt 2(a) jinbidel b’dan li ġej:

“(a) isem, indirizz, belt, kodiċi postali, pajjiż, numru tat-telefon u indirizz tal-posta elettronika tad-detentur tal-kont.”

3. Il-Punt 2(c) jinbidel b’dan li ġej:

“(c) isem, indirizz, belt, kodiċi postali, pajjiż, numru tat-telefon, numru tal-feks u indirizz tal-posta elettronika tar-rapreżentanti awtorizzati primarji u sekondarji tal-kont speċifikat mid-detentur tal-kont għal dak il-kont, sakemm id-detentur tal-kont talab bil-miktub lill-amministratur tar-reġistru biex juri t-tagħrif kollu jew xi wħud minnu.”

4. Il-Punti 4(a) u (b) jinbidlu b’dan li ġej:

“(a) ċifra verifikata tal-emissjonijiet, flimkien mal-korrezzjonijiet tagħha għall-installazzjoni relatata mal-kont ta’ depożitu ta’ operatur għas-sena X għandhom jintwerew mill-1 ta’ April tas-sena (X+1) ’il quddiem, jew jekk l-1 ta’ April ikun tmiem il-ġimgħa jew btala, imbagħad iċ-ċifra verifikata tal-emissjonijiet għandha tintwera mill-ewwel jum ta’ xogħol wara l-1 ta’ April;

(b) l-unitajiet ċeduti skont l-Artikoli 52 u 53, bil-kodiċi ta’ identifikazzjoni tagħhom (fil-każ ta’ ERUs u CERs), għas-sena X għandhom jintwerew mill-1 ta’ Mejju tas-sena (X+1) ’il quddiem;”

5. Il-Punt 4c huwa miżjud:

“4c. Għandha tintwera lista u tiġi aġġornata kull 24 siegħa li turi l-IDs tal-unitajiet tal-kwoti, is-CERs u l-ERUs kollha li ġew ċeduti. Fil-każ ta’ CERs u ERUs, għandhom jintwerew ukoll l-isem tal-proġett, il-pajjiż tal-oriġini u l-ID tal-proġett.”

6. Il-Punt 12a jinbidel b’li ġej:

“12a. Fit-30 ta’ April ta’ kull sena, l-CITL għandu juri t-tagħrif ġenerali li ġej, fuq il-websajt pubblika tiegħu:

— il-perċentwali tas-sehem tal-kwoti ċeduti f’kull Stat Membru fis-sena kalendarja preċedenti li kienu ċeduti mill-kont li kienu allokati għalih;

— is-somma ta’ emissjonijiet ivverifikati minn Stat Membru li ddaħħlet fis-sena kalendarja preċedenti bħala persentaġġ tal-somma tal-emissjonijiet vverifikati tas-sena ta’ qabel dik;

— il-perċentwali tas-sehem li jappartieni għal kontijiet amministrati minn Stat Membru partikolari fil-għadd u l-volum tat-tranżazzjonijiet kollha ta’ trasferiment ta’ kwoti u unitajiet ta’ Kjoto fis-sena kalendarja preċedenti;

Ir-Regolamenti (KE) Nru 2216/2004 u (KE) Nru 994/2008 huma mħassra b’effett mill-1 ta’ Jannar 2012.

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’il-Ġurnal Uffiċjali ta’ l-Unjoni Ewropea.

Dan ir-Regolament għandu jorbot fl-intier tiegħu u għandu japplika direttament fl-Istati Membri kollha.

Tabella I-I: Tipi ta' kontijiet u tipi ta' unitajiet li jistgħu jinżammu f'kull tip ta' kont

Isem it-tip ta’ kont	Detentur tal-kont	Amministratur tal-Kont	Nru ta’ kontijiet ta’ dan it-tip	Kwoti (Mhux unitajiet ta’ Kjoto)		Unitajiet ta’ Kjoto
Isem it-tip ta’ kont	Detentur tal-kont	Amministratur tal-Kont	Nru ta’ kontijiet ta’ dan it-tip	Kwoti tal-Kapitolu III	Kwoti tal-Kapitolu II	AAU	CER	ERU	lCER/tCER/RMU
I. Kontijiet ta’ Parti PK fir-reġistri tal-PK (inkluż ir-Reġistru tal-Unjoni)
Kont ta’ depożitu ta’ parti	Parti PK	Amministratur tar-Reġistru tal-PK (fir-reġistru tal-Unjoni: l-Amministraturi Ċentrali)	mill-inqas 1.	Le	Le	Iva	Iva	Iva	Iva
Kont ta’ kanċellazzjoni			1	Le	Le	Iva	Iva	Iva	Iva
Kont tal-irtirar			1	Le	Le	Iva	Iva	Iva	Iva
Kont ta’ depożitu ta’ ETS u AAU			1	Le	Le	Iva	Le	Le	Le
II. Ġestjoni ta’ kontijiet fir-Reġistru tal-Unjoni
Kont ta’ depożitu tal-kwota nazzjonali	Stat Membru	Amministratur Nazzjonali tal-SM li għandu ż-żamma tal-kont	1 għal kull SM	Iva	Iva	Le	Le	Le	Le
Kont ta’ approvazzjoni ċentrali tal-ETS	UE	Amministratur Ċentrali	1	Le	Le	Iva	Le	Le	Le
Kont ta’ depożitu gateway			1 għal kull SM mingħajr Reġistru tal-PK	Le	Le	Iva	Le	Le	Le
Kont tal-Unjoni ta’ tneħħija ta’ kwoti			1	Iva	Iva	Le	Le	Le	Le
Kont ta’ Twarrib u Ċediment tal-Avjazzjoni			1	Le	Le	Iva	Iva	Iva	Le
III. Kontijiet tal-utent fir-Reġistru tal-Unjoni
Kont ta’ depożitu ta’ operatur	Operatur	Amministratur Nazzjonali tal-SM fejn tinsab l-installazzjoni	wieħed għal kull detentur ta’ kont ta’ depożitu ta’ installazzjoni/operatur tal-inġenji tal-ajru/pjattaforma tal-kummerċ fi SM	Iva	Le	minn SM (1)	Iva	Iva	minn SM (1)
Kont ta’ depożitu ta’ Operatur tal-inġenji tal-ajru	Operatur tal-inġenji tal-ajru	Amministratur Nazzjonali tal-SM li jamministra l-operatur tal-inġenji tal-ajru		Iva	Iva	minn SM (1)	Iva	Iva	minn SM (1)
Kont ta’ depożitu ta’ persuna	Persuna	Amministratur Nazzjonali li fetaħ il-kont		Iva	Iva	minn SM (1)	Iva	Iva	minn SM (1)
Kont ta’ depożitu ta’ Pjattaforma tal-Kummerċ	Pjattaforma tal-Kummerċ			Iva	Iva	minn SM (1)	Iva	Iva	minn SM (1)
Kont tal-Verifikatur	Verifikatur		Wieħed għal kull verifikatur	Le	Le	Le	Le	Le	Le
(1) l-Amministratur Nazzjonali tal-SM jista’ jiddeċiedi jekk il-kont (jew it-tip ta’ kont) jistax iżomm dan it-tip ta’ unità.

Tipi ta’ tranżazzjonijiet li jistgħu jinbdew u jiġu riċevuti minn kull tip ta’ kont (bit-tip ta’ unitajiet li jistgħu jiġu involuti)

Isem it-tip ta’ kont

Isem ta’ tranżazzjoni u t-tip ta’ azzjoni (I = Ibda, R – Irċievi)

Unitajiet ta’ trasferiment

Ċediment ta’ unitajiet

Tneħħija ta’ kwoti

Kanċellazzjoni ta’ unitajiet ta’ Kjoto

minn kont fir-Reġistru tal-Unjoni

għal kont fir-Reġistru tal-Unjoni (minn kont mhux fir-Reġistru tal-Unjoni)

bejn żewġ kontijiet mhux fir-Reġistru tal-Unjoni (fiż-ŻEE)

I. Kontijiet ta’ Parti PK fir-Reġistru tal-Unjoni u fir-reġistri l-oħra kollha tal-PK

Kont ta’ depożitu ta’ Parti PK

n.a.

Iva

n.a.

Iva

Kont ta’ kanċellazzjoni

n.a.

Iva

n.a.

Iva

Kont tal-irtirar

n.a.

Iva

n.a.

Iva

Kont ta’ depożitu ta’ ETS u AAU

n.a.

Iva

n.a.

Iva

II. Ġestjoni ta’ kontijiet fir-Reġistru tal-Unjoni

Kont ta’ approvazzjoni ċentrali tal-ETS

Iva

n.a.

Iva

n.a.

Kont ta’ depożitu gateway (għal SM mingħajr reġistru tal-PK)

Iva

n.a.

Iva

n.a.

Kont ta’ depożitu tal-kwota nazzjonali (għal SM li għandhom reġistru tal-PK biss)

Iva

n.a.

Iva

n.a.

Iva

Kont tal-Unjoni ta’ tneħħija ta’ kwoti

n.a.

Iva

Kont ta’ Twarrib u Ċediment tal-Avjazzjoni

Iva

n.a.

Iva

n.a.

Iva

III. Kontijiet tal-utent fir-Reġistru tal-Unjoni

Kont ta’ depożitu ta’ operatur

Iva

n.a.

Iva

n.a.

Iva

Kont ta’ depożitu ta’ Operatur tal-inġenji tal-ajru

Iva

n.a.

Iva

n.a.

Iva

Kont ta’ depożitu ta’ persuna

Iva

n.a.

Iva

n.a.

Iva

Kont ta’ depożitu ta’ Pjattaforma tal-Kummerċ

Iva

n.a.

Iva

n.a.

Iva

Kont tal-Verifikatur

n.a.

Tagħrif li għandu jiġi ppreżentat ma’ talbiet għall-ftuħ ta’ kontijiet tal-Parti PK u kontijiet ta’ ġestjoni

1. It-tagħrif stipulat fit-Tabella III-I.

Tabella III-I: Dettalji ta’ Kontijiet għal kontijiet kollha

	A	B	C	D	E	F
Element Nru	Dettalji tal-kont	Obbligatorju jew Fakultattiv?	Tip	Jista’ jiġi aġġornat?	L-approvazzjoni mill-Amministratur Nazzjonali hija meħtieġa għall-aġġornament?	Muri fuq il-websajt pubblika tar-Reġistru tal-Unjoni
1	ID tal-kont (mogħti mir-Reġistru tal-Unjoni)	O	Stabbilit minn qabel	Le	n.a.	Le
2	Tip ta’ Kont	O	Għażla	Le	n.a.	Iva
3	Perjodu ta’ impenn	O	Għażla	Le	n.a.	Iva
4	ID ta’ Detentur ta’ Kont (maħruġ mir-Reġistru tal-Unjoni)	O	Bla ħlas	Iva	Iva	Iva
5	Isem id-detentur tal-kont	O	Bla ħlas	Iva	Iva	Iva
6	Identifikatur tal-kont (mogħti mid-detentur tal-kont)	O	Bla ħlas	Iva	Le	Le
7	Indirizz tad-Detentur tal-Kont- pajjiż	O	Għażla	Iva	Iva	Iva
8	Indirizz tad-Detentur tal-Kont – reġjun jew stat	F	Bla ħlas	Iva	Iva	Iva
9	Indirizz tad-Detentur tal-Kont- belt	O	Bla ħlas	Iva	Iva	Iva
10	Indirizz tad-Detentur tal-Kont- kodiċi postali	O	Bla ħlas	Iva	Iva	Iva
11	Indirizz tad-Detentur tal-Kont- triq	O	Bla ħlas	Iva	Iva	Iva
12	Indirizz tad-Detentur tal-Kont- Nru tat-triq	O	Bla ħlas	Iva	Iva	Iva
13	Indirizz tad-detentur tal-kont Numru tar-reġistrazzjoni jew Numru tal-ID tal-Kumpanija	O	Bla ħlas	Iva	Iva	Iva
14	Telefon tad-Detentur tal-Kont 1	O	Bla ħlas	Iva	Le	Iva
15	Telefon tad-Detentur tal-Kont 2	O	Bla ħlas	Iva	Le	Iva
16	Indirizz tal-posta elettronika tad-Detentur tal-Kont	O	Bla ħlas	Iva	Le	Iva
17	Data ta’ Twelid (għal persuni naturali)	F	Bla ħlas	Le	n.a.	Le
18	Post ta’ Twelid (għal persuni naturali)	F	Bla ħlas	Le	n.a.	Le
19	Numru tar-reġistrazzjoni tal-VAT bil-kodiċi tal-pajjiż	F	Bla ħlas	Iva	Iva	Le
20	Data tal-ftuħ tal-kont	O	Stabbilit minn qabel	Le	n.a.	Iva
21	Data tal-għeluq tal-kont	F	Stabbilit minn qabel	Iva	Iva	Iva

Informazzjoni dwar kontijiet ta’ depożitu ta’ persuna, kontijiet ta’ depożitu ta’ pjattaforma ta’ negozjar u kontijiet ta’ verifikatur li għandhom ikunu pprovduti lill-amministratur nazzjonali

Tagħrif addizzjonali li jikkonċerna kontijiet ta’ depożitu ta’pjattaforma tal-kummerċ li għandu jiġi pprovdut lill-amministratur nazzjonali

Tagħrif addizzjonali li jikkonċerna kontijiet ta’ verifikatur li għandu jiġi pprovdut lill-amministratur nazzjonali

Modifika f’dawn it-termini ċentrali biex jirriflettu l-bidliet f’dan ir-Regolament jew il-bidliet fil-leġiżlazzjoni domestika

Tagħrif li jikkonċerna kull kont ta’ depożitu ta’ operatur li għandu jiġi pprovdut lill-amministratur nazzjonali

3. It-tagħrif stipulat fit-Tabelli VII-I u VII-II.

Tabella VII-I: Dettalji tal-Kont għall-kontijiet ta’ depożiti ta’ operatur

	A	B	C	D	E	F
Element Nru	Dettalji tal-kont	Obbligatorju jew Fakultattiv?	Tip	Jista’ jiġi aġġornat?	L-approvazzjoni mill-Amministratur Nazzjonali hija meħtieġa għall-aġġornament?	Muri fuq il-websajt pubblika tar-Reġistru tal-Unjoni
1	ID tal-installazzjoni	O	Stabbilit minn qabel	Le	—	Iva
2	ID tal-permess	O	Bla ħlas	Iva	Iva	Iva
3	Data tad-dħul fis-seħħ tal-permess	O	Bla ħlas	Le	—	Iva
4	Data ta’ skadenza tal-permess	F	Bla ħlas	Iva	Iva	Iva
5	Isem tal-installazzjoni	O	Bla ħlas	Iva	Iva	Iva
6	Tip ta’ Attività tal-Installazzjoni	O	Għażla	Iva	Iva	Iva
7	Indirizz tal-installazzjoni - pajjiż	O	Stabbilit minn qabel	Iva	Iva	Iva
8	Indirizz tal-installazzjoni - reġjun jew stat	F	Bla ħlas	Iva	Iva	Iva
9	Indirizz tal-installazzjoni - belt	O	Bla ħlas	Iva	Iva	Iva
10	Indirizz tal-installazzjoni - kodiċi postali	O	Bla ħlas	Iva	Iva	Iva
11	Indirizz tal-installazzjoni – triq	O	Bla ħlas	Iva	Iva	Iva
12	Indirizz tal-Installazzjoni - Nru tat-triq	O	Bla ħlas	Iva	Iva	Iva
13	Telefon tal-Installazzjoni 1	O	Bla ħlas	Iva	Le	Iva
14	Telefon tal-Installazzjoni 2	O	Bla ħlas	Iva	Le	Iva
15	Indirizz tal-posta elettronika tal-Installazzjoni	O	Bla ħlas	Iva	Le	Iva
16	Kumpanija possedenti	F	Bla ħlas	Iva	Le	Iva
17	Kumpanija sussidjarja	F	Bla ħlas	Iva	Le	Iva
18	EPRTR – Numru ta’ Identifikazzjoni	O	Bla ħlas	Iva	Le	Iva
19	Latitudni	F	Bla ħlas	Iva	Le	Iva
20	Lonġitudni	F	Bla ħlas	Iva	Le	Iva

Tabella VII-II: Dettalji tal-verifikatur tal-kont u tal-persuna ta’ kuntatt

	A	B	C	D	E	F
Element Nru	Dettalji tal-kont	Obbligatorju jew Fakultattiv?	Tip	Jista’ jiġi aġġornat?	L-approvazzjoni mill-Amministratur Nazzjonali hija meħtieġa għall-aġġornament?	Muri fuq il-websajt pubblika tar-Reġistru tal-Unjoni
1	Verifikatur	F	Għażla	Iva	Le	Iva
	Isem il-kumpanija	F	Bla ħlas	Iva	Le	Iva (1)
	Dipartiment tal-kumpanija	F	Bla ħlas	Iva	Le	Iva (1)
2	Il-Persuna ta’ Kuntatt fl-SM - L-Isem	F	Bla ħlas	Iva	Le	Iva (1)
3	Il-Persuna ta’ Kuntatt fl-SM - Il-Kunjom	F	Bla ħlas	Iva	Le	Iva (1)
4	L-Indirizz tal-Persuna ta’ Kuntatt - pajjiż	F	Stabbilit minn qabel	Iva	Le	Iva (1)
5	Indirizz tal-Persuna ta’ Kuntatt – reġjun jew stat	F	Bla ħlas	Iva	Le	Iva (1)
6	L-Indirizz tal-Persuna ta’ Kuntatt - belt	F	Bla ħlas	Iva	Le	Iva (1)
7	L-Indirizz tal-Persuna ta’ Kuntatt – kodiċi postali	F	Bla ħlas	Iva	Le	Iva (1)
8	L-Indirizz tal-Persuna ta’ Kuntatt – triq	F	Bla ħlas	Iva	Le	Iva (1)
9	L-Indirizz tal-Persuna ta’ Kuntatt – Nru tat-triq	F	Bla ħlas	Iva	Le	Iva (1)
10	It-Telefown tal-Persuna ta’ Kuntatt 1	F	Bla ħlas	Iva	Le	Iva (1)
11	It-Telefown tal-Persuna ta’ Kuntatt 2	F	Bla ħlas	Iva	Le	Iva (1)
12	L-Indirizz tal-posta elettronika tal-Persuna ta’ Kuntatt	F	Bla ħlas	Iva	Le	Iva (1)
(1) Dawn l-oġġetti ma jintwerewx jekk id-detentur tal-kont jitlob li jinżammu kunfidenzjali skont l-Artikolu 75.

Tagħrif li jikkonċerna kull kont ta’ depożitu ta’ operatur tal-inġenji tal-ajru li jrid jingħata lill-amministratur tar-reġistru

Informazzjoni dwar rappreżentanti awtorizzati u rappreżentanti awtorizzati addizzjonali li għandha tkun ipprovduta lill-amministratur tal-kont

1. L-informazzjoni murija fit-Tabella IX-I.

Tabella IX-I: Dettalji ta’ rappreżentant awtorizzat

	A	B	C	D	E	F
Nru tal-entrata	Entrata ta’ dettalji ta’ kont	Obbligatorja jew Fakultattiva?	Tip	Tista' tkun aġġornata?	Meħtieġa approvazzjoni minn AN għal aġġornament?	Mqiegħda għall-wiri f'websajt pubbliku tar-RU?
1	ID tal-persuna	O	Liberu	Le	n.a.	Le
2	Tip ta’ AR	O	Għażla	Iva	Le	Iva
3	L-Ewwel Isem	O	Liberu	Iva	Iva	Le (1)
4	L-Aħħar Isem	O	Liberu	Iva	Iva	Le (1)
5	Titlu	F	Liberu	Iva	Le	Le (1)
6	Titlu tax-Xogħol	F	Liberu	Iva	Le	Le (1)
	Isem tal-kumpanija	F	Liberu	Iva	Le	Le (1)
	Dipartiment tal-kumpanija	F	Liberu	Iva	Le	Le (1)
7	Pajjiż	O	Issettjat minn qabel	Le	n.a.	Le (1)
8	Reġjun jew Stat	F	Liberu	Iva	Iva	Le (1)
9	Belt	O	Liberu	Iva	Iva	Le (1)
10	Kodiċi Postali	O	Liberu	Iva	Iva	Le (1)
11	Indirizz – linja 1	O	Liberu	Iva	Iva	Le (1)
12	Indirizz – linja 2	F	Liberu	Iva	Iva	Le (1)
13	Telefown 1	O	Liberu	Iva	Le	Le (1)
14	Telefown ċellulari	O	Liberu	Iva	Iva	Le (1)
15	Indirizz tal-posta elettronika	O	Liberu	Iva	Iva	Le
16	Data tat-Twelid	O	Liberu	Le	n.a.	Le
17	Post tat-Twelid– belt	O	Liberu	Le	n.a.	Le
18	Post tat-Twelid– pajjiż	O
18	Lingwa ppreferuta	F	Għażla	Iva	Le	Le
19	Livell ta’ kunfidenzjalità	F	Għażla	Iva	Le	Le
20	Drittijiet ta’ AARs	O	Għażla Multipla	Iva	Le	Le
(1) Dawn l-entrati jitqiegħdu għall-wiri biss jekk id-detentur ta’ kont jitlob li jsiru pubbliċi skont l-Artikolu 75

1. L-EUTL għandu juri t-tagħrif li ġej għal kull kont fuq il-websajt pubblika tal-EUTL:

(a) It-tagħrif kollu indikat bħala “muri fuq il-websajt pubblika tar-Reġistru tal-Unjoni” fit-Tabelli III-I, VII-I, VII-II, VIII-I, IX-I. Dan it-tagħrif għandu jiġi aġġornat kull 24 siegħa;

(b) Il-kwoti allokati lid-detenturi ta’ kont individwali skont l-Artikolu 40 u l-Artikolu 41. Dan it-tagħrif għandu jiġi aġġornat kull 24 siegħa;

(d) L-għadd ta’ kwoti u ERUs u CERs ċeduti skont l-Artikolu 46, u l-ID tal-Unità tal-ERUs u s-CERs ċeduti. L-għadd ta’ kwoti u ERUs u CERs ċeduti fil-perjodu bejn l-1 ta’ Jannar u l-15 ta’ Mejju għandu jintwera biss wara l-15 ta’ Mejju. Fil-perjodu bejn il-15 ta’ Mejju u l-31 ta’ Diċembru, dan it-tagħrif għandu jiġi aġġornat kull 24 siegħa;

(e) iċ-ċifra vverifikata tal-emissjonijiet, flimkien mal-korrezzjonijiet tagħha għall-installazzjoni relatata mal-kont ta’ depożitu tal-operatur għas-sena X għandhom jintwerew mill-1 ta’ April tas-sena (X+1) ’il quddiem;

(f) simbolu jew dikjarazzjoni li jindika jekk sat-30 ta’ April l-installazzjoni jew l-operatur tal-inġenji tal-ajru relatata mal-kont ta’ depożitu tal-operatur ikunx ċeda għadd ta’ unitajiet ta’ Kjoto jew allokazzjonijiet li jkun tal-inqas ugwali għall-emissjonijiet tagħha kollha fis-snin kollha li għaddew. Is-simboli u d-dikjarazzjonijiet li għandhom jintwerew huma stipulati fit-Tabbella XII-I. Is-simbolu għandu jiġi aġġornat fl-1 ta’ Mejju u, bl-eċċezzjoni taż-żieda ta’ * fil-każijiet deskritti fir-ringiela 5 tat-Tabella XIII-I, ma għandux jinbidel sal-1 ta’ Mejju li jmiss.

Tabella XIII-I: Dikjarazzjonijiet ta’ konformità

Ringiela Nru	Ċifra tal-istatus ta’ konformità skont l-Artikolu 31	Emissjonijiet ivverifikati huma rreġistrati għas-sena li għaddiet kollha?	Simbolu	Dikjarazzjoni
Ringiela Nru	Ċifra tal-istatus ta’ konformità skont l-Artikolu 31		għandha tintwera fuq il-websajt pubbliku tal-EUTL
1	0 jew kwalunkwe numru pożittiv	Iva	A	“L-għadd tal-kwoti u ERUs/CERs ċeduti sat-30 ta’ April huwa ikbar minn jew daqs l-emissjonijiet ivverifikati”
2	kwalunkwe numru negattiv	Iva	B	“L-għadd tal-kwoti u ERUs/CERs ċeduti sat-30 ta’ April huwa inqas mill-emissjonijiet ivverifikati”
3	kwalunkwe numru	Le	C	“L-emissjonijiet ivverifikati għas-sena preċedenti ma ddaħħlux sat-30 ta’ April”
4	kwalunkwe numru	Le ( minħabba li l-proċess ta’ ċediment ta’ kwoti u/jew il-proċess ta’ aġġornament tal-emissjonijiet ivverifikati kienu sospiżi għar-reġistru tal-Istat Memrbu)	X	“Dħul tal-emissjonijiet ivverifikati u/jew ċediment kienu impossibbli sat-30 ta’ April minħabba li l-proċess ta’ ċediment tal-kwoti u/jew il-proċess ta’ aġġornament tal-emissjonijiet ivverifikati kienu sospiżi għar-reġistru tal-Istat Membru”
5	kwalunkwe numru	Iva jew Le (iżda sussegwentement aġġornati mill-awtorità kompetenti)	* [miżjud mas-simbolu inizjali]	“L-emissjonijiet ivverifikati ġew stmati jew ikkoreġuti mill-awtorità kompetenti”

		Il-Ġurnal Uffiċjali
		No	page	date
►M1	REGOLAMENT TAL-KUMMISSJONI (UE) Nru 1193/2011 tat-18 ta’ Novembru 2011	L 315	1	29.11.2011

	A	B	C
1	ID tal-installazzjoni:
2	Is-sena ta’ rappurtar
Emissjonijiet ta’ Gassijiet Serra
		f’tunnellati	f’tunnellati ta’ CO2eq
3	Emissjonijiet ta’ CO2
4	Emissjonijiet ta’ N2O
5	Emissjonijiet ta’ PFC
6	Total tal-emissjonijiet	—	Σ (C2 + C3 + C4)

Nru tar-ringiela	Isem			Nru ta’ kwoti tal-Kapitolu III	Dħul (“r” tfisser “ringiela”)
	Kodiċi tal-pajjiż tal-Istat Membru				Dħul manwali
1	L-għadd totali ta’ kwoti li se joħorġu għal installazzjonijiet				Σ (r5 sa r9, r12 sa r16)
2	L-għadd totali ta’ kwoti fir-riżerva				Dħul manwali
3		L-ID tal-kont tal-installazzjoni A			Dħul manwali
4		Kwantità li għandha tiġi allokata lill-Installazzjoni B
5			fis-sena 2008		Dħul manwali
6			fis-sena 2009		Dħul manwali
7			fis-sena 2010		Dħul manwali
8			fis-sena 2011		Dħul manwali
9			fis-sena 2012		Dħul manwali
10		L-ID tal-kont tal-installazzjoni B			Dħul manwali
11		Kwantità li għandha tiġi allokata lill-Installazzjoni B
12			fis-sena 2008		Dħul manwali
13			fis-sena 2009		Dħul manwali
14			fis-sena 2010		Dħul manwali
15			fis-sena 2011		Dħul manwali
16			fis-sena 2012		Dħul manwali

Nru tar-ringiela	Isem			Għadd ta’ kwoti tal-Kapitolu II	Dħul (“r” tfisser “ringiela”)
1	Il-kwantità ta’ kwoti tal-Kapitolu II fl-2012 fl-Unjoni kollha.				Dħul manwali
2		Il-kwantità li għadha trid tiġi allokata fl-2012			(r1 × 0.15) = Σ (r3, r4, r5)
3			minn SM 1:		Dħul manwali
4			minn SM 2:		Dħul manwali
5			minn SM n:		Dħul manwali
6		Il-kwantità diġà allokata għall-2012			(r1 – r2) = Σ (r7, r8, r9)
7			lill-Operatur tal-Inġenji tal-Ajru 1:		Dħul manwali
8			lill-Operatur tal-Inġenji tal-Ajru 2:		Dħul manwali
9			lid-Detentur tal-Kont n:		Dħul manwali