13.6.2006 |
MT |
Il-Ġurnal Uffiċjali ta’ l-Unjoni Ewropea |
138 |
POŻIZZJONI KOMUNI TAL-KUNSILL 2005/146/PESK
tal-21 ta’ Frar 2005
li testendi l-Pożizzjoni Komuni 2004/161/PESK li ġġedded il-miżuri restrittivi kontra ż-Żimbabwe
IL-KUNSILL TA' L-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 15 tiegħu,
Billi:
(1) |
Fid-19 ta' Frar 2004 l-Kunsill adotta l-Pożizzjoni Komuni 2004/161/PESK (1) li ġġedded il-miżuri restrittivi kontra ż-Żimbabwe għal perijodu ta' 12-il xahar mill-21 ta' Frar 2004. |
(2) |
Fid-dawl tas-sitwazzjoni fiż-Żimbabwe l-Pożizzjoni Komuni 2004/161/PESK għandha tiġi mġedda għal perijodu ieħor ta' 12-il xahar, |
ADOTTA DIN IL-POŻIZZJONI KOMUNI:
Artikolu 1
Il-Pożizzjoni Komuni 2004/161/PESK għandha tiġi estiża sa l-20 ta' Frar 2006. Hija se tiġi eżaminata mill-ġdid fid-dawl ta' l-elezzjonijiet leġislattivi li se jseħħu fiż-Żimbabwe f'Marzu 2005.
Artikolu 2
Din il-Pożizzjoni Komuni għandu jkollha effett mid-data ta' l-adozzjoni tagħha.
Artikolu 3
Din il-Pożizzjoni Komuni għandha tiġi ppubblikata fil-Ġurnal Uffiċjali ta' l-Unjoni Ewropea.
Magħmula fi Brussel, nhar il-21 ta’ Frar 2005.
Għall-Kunsill
Il-President
J. ASSELBORN
(1) ĠU L 50, 20.2.2004, p. 66.