02017R2400 — MT — 01.09.2020 — 002.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

Emendat bi:

Ikkoreġut bi:

▼B

REGOLAMENT TAL-KUMMISSJONI (UE) 2017/2400

tat-12 ta' Diċembru 2017

li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011

(Test b'rilevanza għaż-ŻEE)

KAPITOLU 1

DISPOŻIZZJONIJIET ĠENERALI

Artikolu 1

Suġġett

Dan ir-Regolament jikkomplimenta l-qafas legali għall-approvazzjoni tat-tip tal-vetturi bil-mutur u tal-magni fir-rigward tal-emissjonijiet u tal-informazzjoni dwar it-tiswija u l-manutenzjoni tal-vetturi stabbilita mir-Regolament (UE) Nru 582/2011 billi jistabbilixxi r-regoli għall-ħruġ tal-liċenzji għall-operar ta' għodda ta' simulazzjoni bl-għan li jiġu ddeterminati l-emissjonijiet ta' CO2 u l-konsum tal-fjuwil ta' vetturi ġodda li se jinbiegħu, jiġu rreġistrati jew jitqiegħdu fis-servizz fl-Unjoni u għall-operar tal-għodda ta' simulazzjoni u għad-dikjarar tal-valuri tal-emissjonijiet ta' CO2 u tal-konsum tal-fjuwil iddeterminati b'dan il-mod.

Artikolu 2

Kamp ta' Applikazzjoni

1.  Soġġett għat-tieni paragrafu tal-Artikolu 4, dan ir-Regolament għandu japplika għal vetturi tal-kategorija N2, kif iddefiniti fl-Anness II għad-Direttiva 2007/46/KE, b'massa massima mgħobbija teknikament permissibbli li taqbeż is-7 500  kg u għall-vetturi kollha tal-kategorija N3, kif iddefiniti f'dak l-Anness.

▼M1

2.  Fil-każ ta' approvazzjonijiet tat-tip b'diversi stadji jew approvazzjonijiet individwali tal-vetturi msemmija fil-paragrafu 1, dan ir-Regolament għandu japplika biss għal vetturi bażi mgħammra b'tal-inqas xażì, b'magna, bi trażmissjoni, b'fusien u b'tajers.

▼B

3.  Dan ir-Regolament m'għandux japplika għal vetturi off-road, għal vetturi bi skop speċjali u għal vetturi bi skop speċjali off-road kif iddefiniti, rispettivament fil-punti 2.1., 2.2. u 2.3. tal-Parti A tal-Anness II għad-Direttiva 2007/46/KE.

Artikolu 3

Definizzjonijiet

Għall-finijiet ta' dan ir-Regolament, għandhom japplikaw id-definizzjonijiet li ġejjin:

▼M1

▼B

▼M1

▼B

▼M1

Fir-rigward tal-He-HDVs, l-Artikoli 5(3), 9(1) u 12(1) għandhom japplikaw biss għall-He-HDVs meta t-tieni l-ogħla potenza massima netta tal-konvertituri kollha tal-enerġija tkun inqas minn 10 % tal-ogħla potenza massima netta tal-konvertituri kollha tal-enerġija. Il-konvertituri tal-enerġija li jintużaw biss għall-istartjar ma jitqisux f'dan ir-rigward.

▼B

Artikolu 4

Gruppi ta' vetturi

Għall-finijiet ta' dan ir-Regolament, il-vetturi bil-mutur għandhom jiġu kklassifikati fi gruppi ta' vetturi f'konformità mat-Tabella 1 fl-Anness I.

L-Artikoli 5 sa 22 ma japplikawx għal vetturi bil-mutur tal-gruppi ta' vetturi 0, 6, 7, 8, 13, 14, 15 u 17.

Artikolu 5

Għodod elettroniċi

1.  Il-Kummissjoni għandha tipprovdi l-għodod elettroniċi li ġejjin mingħajr ħlas fil-forma ta' softwer li jista' jitniżżel u eżegwibbli:

Il-Kummissjoni għandha tmatni l-għodod elettroniċi u tipprovdi modifiki u aġġornamenti għal dawk l-għodod.

2.  Il-Kummissjoni għandha tqiegħed l-għodod elettroniċi msemmija fil-paragrafu 1 għad-dispożizzjoni permezz ta' pjattaforma ta' distribuzzjoni elettronika ddedikata disponibbli pubblikament.

▼M1

3.  L-għodda ta' simulazzjoni għandha tintuża għall-iskopijiet tad-determinazzjoni tal-emissjonijiet tas-CO2 u l-konsum tal-fjuwil ta' vetturi ġodda, jew għall-iskopijiet tad-determinazzjoni jekk dawk il-vetturi humiex ZE-HDVs, He-HDVs jew vettura li tuża żewġ tipi ta' fjuwil. L-għodda ta' simulazzjoni għandha tkun iddisinjata biex topera fuq il-bażi tal-informazzjoni tal-input kif speċifikat fl-Anness III, kif ukoll id-data tal-input imsemmija fl-Artikolu 12(1).

▼B

4.  L-għodod ta' preproċessar għandhom jintużaw għall-finijiet ta' verifika u ta' kumpilazzjoni tar-riżultati tal-ittestjar u għat-twettiq ta' kalkoli addizzjonali relatati mal-proprjetajiet relatati mal-emissjonijiet ta' CO2 u mal-konsum tal-fjuwil ta' ċerti komponenti, unitajiet tekniċi separati jew sistemi u għall-konverżjoni ta' dawn f'format użat milll-għodda ta' simulazzjoni. L-għodod ta' preproċessar għandhom jintużaw mill-manifattur wara t-twettiq tat-testijiet imsemmija fil-punt 4 tal-Anness V għall-magni u fil-punt 3 tal-Anness VIII għar-reżistenza tal-arja.

▼M1

5.  L-għodda tal-hashing għandha tintuża għall-istabbiliment ta' assoċjazzjoni mingħajr ekwivoki bejn il-karatteristiċi relatati ċċertifikati tal-emissjonijiet tas-CO2 u l-konsum tal-fjuwil ta' komponent, ta' unità teknika separata jew ta' sistema u d-dokument ta' ċertifikazzjoni tagħhom, kif ukoll għall-istabbiliment ta' assoċjazzjoni mingħajr ekwivoki bejn vettura u l-fajl tar-rekords tal-manifattur tagħha u l-fajl tal-informazzjoni tal-klijent kif imsemmi fl-Anness IV.

▼B

KAPITOLU 2

LIĊENZJA GĦALL-OPERAR TAL-GĦODDA TA' SIMULAZZJONI GĦALL-FINIJIET TAL-APPROVAZZJONI TAT-TIP FIR-RIGWARD TAL-EMISSJONIJIET U TAL-INFORMAZZJONI DWAR IT-TISWIJA U L-MANUTENZJONI TAL-VETTURI

Artikolu 6

Applikazzjoni għal liċenzja għall-operar tal-għodda ta' simulazzjoni bl-għan li jiġu ddeterminati l-emissjonijiet ta' CO2 u l-konsum tal-fjuwil ta' vetturi ġodda

1.  Il-manifattur tal-vettura għandu jissottometti għand l-awtorità tal-approvazzjoni applikazzjoni għal liċenzja biex jopera l-għodda ta' simulazzjoni msemmija fl-Artikolu 5(3) bl-għan li jiddetermina l-emissjonijiet ta' CO2 u l-konsum tal-fjuwil ta' vetturi ġodda li jappartjenu għal grupp ta' vetturi wieħed jew iktar (“liċenzja”).

2.  L-applikazzjoni għal liċenzja għandha tieħu l-forma ta' dokument ta' informazzjoni mfassal skont il-mudell stabbilit fl-Appendiċi 1 għall-Anness II.

3.  L-applikazzjoni għal liċenzja għandha tkun akkumpanjata minn deskrizzjoni adegwata tal-proċessi stabbiliti mill-manifattur għall-finijiet tad-determinazzjoni tal-emissjonijiet ta' CO2 u tal-konsum tal-fjuwil fir-rigward tal-gruppi ta' vetturi kollha kkonċernati, kif stipulat fil-punt 1 tal-Anness II.

Din għandha tkun akkumpanjata wkoll mir-rapport ta' valutazzjoni abbozzat mill-awtorità tal-approvazzjoni wara li tagħmel valutazzjoni f'konformità mal-punt 2 tal-Anness II.

4.  Il-manifattur tal-vettura għandu jissottometti l-applikazzjoni għal liċenzja mfassla f'konformità mal-paragrafi 2 u 3 lill-awtorità tal-approvazzjoni sa mhux iktar tard minn meta jissottometti l-applikazzjoni għal approvazzjoni tat-tip tal-UE ta' vettura b'sistema ta' magna approvata fir-rigward tal-emissjonijiet u tal-aċċess għal informazzjoni dwar it-tiswija u l-manutenzjoni tal-vetturi skont l-Artikolu 7 tar-Regolament tal-Kummissjoni (UE) Nru 582/2011, jew meta jissottometti l-applikazzjoni għal approvazzjoni tat-tip tal-UE ta' vettura fir-rigwarrd tal-emissjonijiet u tal-aċċess għal informazzjoni dwar it-tiswija u l-manutenzjoni ta' vettura skont l-Artikolu 9 ta' dak ir-Regolament. L-applikazzjoni għal liċenzja trid tkun tikkonċerna l-grupp ta' vetturi li jinkludi t-tip ta' vettura kkonċernata mill-applikazzjoni għal approvazzjoni tat-tip tal-UE.

Artikolu 7

Dispożizzjonijiet amministrattivi għall-għoti tal-liċenzja

1.  L-awtorità tal-approvazzjoni għandha tagħti l-liċenzja jekk il-manifattur jissottometti applikazzjoni f'konformità mal-Artikolu 6 u juri li r-rekwiżiti stabbiliti fl-Anness II huma ssodisfati fir-rigward tal-gruppi ta' vetturi kkonċernati.

Meta r-rekwiżiti stabbiliti fl-Anness II jiġu ssodisfati biss fir-rigward ta' wħud mill-gruppi ta' vetturi speċifikati fl-applikazzjoni għal liċenzja, il-liċenzja għandha tingħata biss fir-rigward ta' dawk il-gruppi ta' vetturi.

2.  Il-liċenzja għandha tinħareġ f'konformità mal-mudell stabbilit fl-Appendiċi 2 għall-Anness II.

Artikolu 8

Tibdiliet sussegwenti fil-proċessi stabbiliti għall-finijiet ta' determinazzjoni tal-emissjonijiet ta' CO2 u tal-konsum tal-fjuwil tal-vetturi

1.  Liċenzja għandha tiġi estiża għall-gruppi ta' vetturi għajr dawk li għalihom ingħatat liċenzja, kif imsemmi fl-Artikolu 7(1) jekk il-manifattur tal-vettura juri li l-proċessi stabbiliti minnu għall-finijiet ta' determinazzjoni tal-emissjonijiet ta' CO2 u tal-konsum tal-fjuwil tal-gruppi ta' vetturi koperti mil-liċenzja jissodisfaw bis-sħiħ ir-rekwiżiti tal-Anness II anki fir-rigward ta' gruppi ta' vetturi oħra.

2.  Il-manifattur tal-vettura għandu japplika għal estensjoni tal-liċenzja b'konformità mal-Artikolu 6(1), (2) u (3).

3.  Wara li jikseb il-liċenzja, il-manifattur tal-vettura għandu jinnotifika lill-awtorità tal-approvazzjoni mingħajr dewmien dwar kwalunkwe tibdila fil-proċessi stabbiliti minnu għall-finijiet ta' determinazzjoni tal-emissjonijiet ta' CO2 u tal-konsum tal-fjuwil għall-gruppi ta' vetturi koperti mil-liċenzja li jista' jkollhom effett fuq il-preċiżjoni, l-affidabilità u l-istabbiltà ta' dawk il-proċessi.

4.  Mal-wasla tan-notifika msemmija fil-paragrafu 3, l-awtorità tal-approvazzjoni għandha tinforma lill-manifattur tal-vettura dwar jekk il-proċessi affettwati mit-tibdiliet għadhomx koperti mil-liċenzja mogħtija, jekk il-liċenzja tridx tiġi estiża b'konformità mal-paragrafi 1 u 2 jew jekk jenħtieġx li ssir applikazzjoni għal liċenzja ġdida b'konformità mal-Artikolu 6.

5.  Meta t-tibdiliet ma jkunux koperti mil-liċenzja, il-manifattur, fi żmien xahar minn meta jirċievi l-informazzjoni msemmija fil-paragrafu 4, għandu japplika għal estensjoni tal-liċenzja jew għal liċenzja ġdida. Jekk il-manifattur ma japplikax għal estensjoni tal-liċenzja jew għal liċenzja ġdida sa dik l-iskadenza, jew jekk l-applikazzjoni tiġi rifjutata, il-liċenzja għandha tiġi rtirata.

KAPITOLU 3

IT-TĦADDIM TAL-GĦODDA TA' SIMULAZZJONI BL-GĦAN LI JIĠU DDETERMINATI L-EMISSJONIJIET TA' CO2 U L-KONSUM TAL-FJUWIL GĦALL-FINIJIET TAR-REĠISTRAZZJONI, TAL-BEJGĦ U TAT-TQEGĦID FIS-SERVIZZ TA' VETTURI ĠODDA

Artikolu 9

Obbligu ta' determinazzjoni u ta' dikjarazzjoni tal-emissjonijiet ta' CO2 u tal-konsum tal-fjuwil ta' vetturi ġodda

▼M1

1.  Il-manifattur tal-vettura għandu jiddetermina l-emissjonijiet tas-CO2 u l-konsum tal-fjuwil ta' kull vettura ġdida, bl-eċċezzjoni ta' ZE-HDVs, He-HDVs u vetturi li jużaw żewġ tipi ta' fjuwil, li tkun se tinbiegħ, tiġi irreġistrata jew tintuża fl-Unjoni bl-użu tal-aħħar verżjoni disponibbli tal-għodda ta' simulazzjoni msemmija fl-Artikolu 5(3). Fir-rigward ta' ZE-HDVs, He-HDVs u vetturi li jużaw żewġ tipi ta' fjuwil li jkunu se jinbiegħu, jiġu rreġistrati jew jitħaddmu fl-Unjoni, il-manifattur tal-vettura għandu jiddetermina biss l-informazzjoni speċifikata għal dawk il-vetturi fil-mudelli stabbiliti fil-Parti I u l-Part II tal-Anness IV bl-użu tal-aħħar verżjoni disponibbli tal-għodda ta' simulazzjoni msemmija fl-Artikolu 5(3).

▼B

Manifattur tal-vettura jista' jopera l-għodda ta' simulazzjoni għall-finijiet ta' dan l-Artikolu biss jekk ikun fil-pussess ta' liċenzja mogħtija għall-grupp ta' vetturi kkonċernat f'konformità mal-Artikolu 7 jew estiża għall-grupp ta' vetturi kkonċernat f'konformità mal-Artikolu 8(1).

2.  Il-manifattur tal-vettura għandu jżomm rekord tar-riżultati tas-simulazzjoni mwettqa f'konformità mal-ewwel subparagrafu tal-paragrafu 1 fil-fajl tar-rekords tal-manifattur imfassal f'konformità mal-mudell stabbilit fil-Parti I tal-Anness IV.

Bl-eċċezzjoni tal-każijiet imsemmija fit-tieni subparagrafu tal-Artikolu 21(3), u fl-Artikolu 23(6), kwalunkwe tibdila sussegwenti fil-fajl tar-rekords tal-manifattur għandha tkun ipprojbita.

▼M1

3.  Il-manifattur tal-vettura għandu joħloq hashes kriptografiċi tal-fajl tar-rekords tal-manifattur u tal-fajl tal-informazzjoni tal-klijent bl-użu tal-għodda tal-hashing imsemmija fl-Artikolu 5(5).

▼B

4.  Kull vettura li se tiġi rreġistrata, tinbiegħ jew titqiegħed fis-servizz għandha tkun akkumpanjata mill-fajl ta' informazzjoni għall-klijent imfassal mill-manifattur f'konformità mal-mudell stabbilit fil-Parti II għall-Anness IV.

Kull fajl ta' informazzjoni għall-klijent għandu jinkludi stampata l-hash kriptografika tal-fajl tar-rekords tal-manifattur imsemmija fil-paragrafu 3.

▼M1

5.  Kull vettura li tkun se tiġi rreġistrata, tinbiegħ jew tintuża għandha tkunu akkumpanjata minn ċertifikat ta' konformità jew, fil-każ ta' vetturi approvati skont l-Artikolu 24 tad-Direttiva 2007/46/KE, ċertifikat ta' approvazzjoni individwali, inkluż marka tal-hash kriptografika tal-fajl tar-rekords tal-manifattur u tal-fajl tal-informazzjoni tal-klijent msemmija fil-paragrafu 3.

▼B

Artikolu 10

Modifiki, aġġornamenti u ħsara fl-għodod elettroniċi

1.  Fil-każ ta' modifiki jew ta' aġġornamenti fl-għodda ta' simulazzjoni, il-manifattur tal-vettura għandu jibda juża l-għodda ta' simulazzjoni modifikata jew aġġornata mhux iktar tard minn 3 xhur wara li l-modifiki u l-aġġornamenti tqiegħdu għad-dispożizzjoni fuq il-pjattaforma ddedikata ta' distribuzzjoni elettronika.

2.  Jekk l-emissjonijiet ta' CO2 u l-konsum tal-fjuwil ta' vetturi ġodda ma jistgħux jiġu ddeterminati f'konformità mal-Artikolu 9(1) minħabba ħsara fl-għodda ta' simulazzjoni, il-manifattur tal-vettura għandu jinnotifika l-Kummissjoni dwar dan mingħajr dewmien permezz ta' pjattaforma ddedikata ta' distribuzzjoni elettronika.

3.  Jekk l-emissjonijiet ta' CO2 u l-konsum tal-fjuwil ta' vetturi ġodda ma jkunux jistgħu jiġu ddeterminati f'konformità mal-Artikolu 9(1) minħabba ħsara fl-għodda ta' simulazzjoni, il-manifattur tal-vettura għandu jagħmel simulazzjoni ta' dawk il-vetturi mhux iktar tard minn 7 ijiem kalendarji wara d-data msemmija fil-punt 1. Sa dak iż-żmien, l-obbligi li jirriżultaw mill-Artikolu 9 għall-vetturi li għalihom id-determinazzjoni tal-konsum tal-fjuwil u tal-emissjonijiet ta' CO2 tibqa' impossibbli għandhom jiġu sospiżi.

Artikolu 11

L-aċċessibilità tal-informazzjoni ta' input u ta' output tal-għodda ta' simulazzjoni

1.  Il-fajl tar-rekords tal-manifattur flimkien maċ-ċertifikati dwar il-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi għandhom jinħażnu mill-manifattur tal-vettura għal tal-inqas 20 sena wara l-produzzjoni tal-vettura u għandhom ikunu disponibbli għall-awtorità tal-approvazzjoni u għall-Kummissjoni fuq talba tagħhom.

2.  Malli ssir talba minn entità awtorizzata ta' Stat Membru jew mill-Kummissjoni, il-manifattur tal-vettura għandu jipprovdi, fi żmien 15-il jum ta' xogħol, il-fajl tar-rekords tal-manifattur.

3.  Fuq talba minn entità awtorizzata ta' Stat Membru jew mill-Kummissjoni, l-awtorità tal-approvazzjoni li tat il-liċenzja f'konformità mal-Artikolu 7 jew iċċertifikat il-proprjetajiet relatati mal-emissjonijiet ta' CO2 u mal-konsum tal-fjuwil ta' komponent, ta' unità teknika separata jew ta' sistema f'konformità mal-Artikolu 17 għandha tipprovdi, fi żmien 15-il jum ta' xogħol, id-dokument ta' informazzjoni msemmi fl-Artikolu 6(2) jew fl-Artikolu 16(2), rispettivament.

KAPITOLU 4

PROPRJETAJIET RELATATI MAL-EMISSJONIJIET TA' CO2 U MAL-KONSUM TAL-FJUWIL TAL-KOMPONENTI, TAL-UNITAJIET TEKNIĊI SEPARATI U TAS-SISTEMI

Artikolu 12

Komponenti, unitajiet tekniċi separati u sistemi rilevanti għall-finijiet tad-determinazzjoni tal-emissjonijiet ta' CO2 u tal-konsum tal-fjuwil

1.  Id-data tal-input tal-għodda ta' simulazzjoni msemmija fl-Artikolu 5(3) għandha tinkludi informazzjoni relatata mal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi li ġejjin:

2.  Il-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi msemmija fil-punti (b) sa (g) tal-paragrafu 1 għandhom ikunu bbażati fuq il-valuri ddeterminati, għal kull familja ta' komponenti, għal kull famlija ta' unitajiet tekniċi separati jew għal kull familja ta' sistemi, f'konformità mal-Artikolu 14 u ċċertifikati f'konformità mal-Artikolu 17( “valuri ċċertifikati”) jew, fin-nuqqas tal-valuri ċċertifikati, fuq il-valuri standard iddeterminati f'konformità mal-Artikolu 13.

3.  Il-proprjetajiet relatati mal-emissjonijiet ta' CO2 u mal-konsum tal-fjuwil tal-magni għandhom ikunu bbażati fuq il-valuri ddeterminati għal kull familja tal-magna f'konformità mal-Artikolu 14 u ċċertifikati f'konformità mal-Artikolu 17.

4.  Il-proprjetajiet relatati mal-emissjonijiet ta' CO2 u mal-konsum tal-fjuwil tal-awżiljarji għandhom ikunu bbażati fuq il-valuri standard iddeterminati f'konformità mal-Artikolu 13.

5.  Fil-każ ta' vettura bażi msemmija fl-Artikolu 2(2), il-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi msemmija fil-punti (g) u (h) tal-paragrafu 1 li ma jistgħux jiġu ddeterminati għall-vettura bażi għandhom ikunu bbażati fuq il-valuri standard. Għall-komponenti, għall-unitajiet tekniċi separati u għas-sistemi msemmija fil-punt (h), il-manifattur tal-vettura għandu jagħżel it-teknoloġija bl-ikbar telf ta' potenza.

▼M1

6.  Fil-każ ta' ZE-HDVs, He-HDVs u vetturi li jużaw żewġ tipi ta' fjuwil, id-data tal-input tal-għodda ta' simulazzjoni għandha tinkludi l-informazzjoni stabbilita fit-Tabella 5 tal-Anness III.

7.  Meta l-vettura tkun se tiġi rreġistrata, tinbiegħ jew tintuża b'tajers għall-borra u tajers standard, il-manifattur tal-vettura jista' jagħżel liema tajers juża għad-determinazzjoni tal-emissjonijiet tas-CO2.

▼B

Artikolu 13

Valuri standard

1.  Il-valuri standard għat-trażmissjonijiet għandhom jiġu ddeterminati f'konformità mal-Appendiċi 8 tal-Anness VI.

2.  Il-valuri standard għall-konvertituri tat-torque għandhom jiġu ddeterminati f'konformità mal-Appendiċi 9 tal-Anness VI.

3.  Il-valuri standard għal komponenti oħra li jittrasferixxu t-torque għandhom jiġu ddeterminati f'konformità mal-Appendiċi 10 tal-Anness VI.

4.  Il-valuri standard għal komponenti addizzjonali tad-driveline għandhom jiġu ddeterminati f'konformità mal-Appendiċi 11 tal-Anness VI.

5.  Il-valuri standard għall-fusien għandhom jiġu ddeterminati f'konformità mal-Appendiċi 3 tal-Anness VII.

6.  Il-valuri standard għar-reżistenza tal-arja ta' karozzerija jew ta' trejler għandhom jiġu ddeterminati f'konformità mal-Appendiċi 7 tal-Anness VIII.

7.  Il-valuri standard għall-awżiljarji għandhom jiġu ddeterminati f'konformità mal-Anness IX.

▼M1

8.  Il-valur standard għat-tajers għall-borra għandu jkun dak għat-tajers C3 kif stabbilit fit-Tabella 2 tal-Parti B tal-Anness II għar-Regolament (KE) Nru 661/2009 tal-Parlament Ewropew u tal-Kunsill ( 1 ).

▼B

Artikolu 14

Valuri ċċertifikati

1.  Il-valuri ddeterminati f'konformità mal-paragrafi 2 sa 9 jistgħu jintużaw mill-manifattur tal-vettura bħala d-data tal-input tal-għodda ta' simulazzjoni jekk huma ċċertifikati f'konformità mal-Artikolu 17.

2.  Il-valuri ċċertifikati għall-magni għandhom jiġu ddeterminati f'konformità mal-punt 4 tal-Anness V.

3.  Il-valuri ċċertifikati għat-trażmissjonijiet għandhom jiġu ddeterminati f'konformità mal-punt 3 tal-Anness VI.

4.  Il-valuri ċċertifikati għall-konvertituri tat-torque għandhom jiġu ddeterminati f'konformità mal-punt 4 tal-Anness VI.

5.  Il-valuri ċċertifikati għal komponent ieħor li jittrasferixxi t-torque għandhom jiġu ddeterminati f'konformità mal-punt 5 tal-Anness VI.

6.  Il-valuri ċċertifikati għal komponenti addizzjonali tad-driveline għandhom jiġu ddeterminati f'konformità mal-punt 6 tal-Anness VI.

7.  Il-valuri ċċertifikati għall-fusien għandhom jiġu ddeterminati f'konformità mal-punt 4 tal-Anness VII.

8.  Il-valuri ċċertifikati għar-reżistenza tal-arja ta' korp jew ta' trejler għandhom jiġu ddeterminati f'konformità mal-punt 3 tal-Anness VIII.

9.  Il-valuri ċċertifikati għat-tajers għandhom jiġu ddeterminati f'konformità mal-Anness X.

Artikolu 15

Il-kunċett tal-familja rigward il-komponenti, l-unitajiet tekniċi separati u s-sistemi li jużaw valuri ċċertifikati

1.  Soġġetti għall-paragrafi 3 sa 6, il-valuri ċċertifikati ddeterminati għal komponent referenzjarju, għal unità teknika separata referenzjarja jew għal sistema referenzjarja għandhom ikunu validi, mingħajr iktar testijiet, għall-membri tal-familja kollha f'konformità mad-definizzjoni kif stipulata:

2.  Minkejja l-paragrafu 1, għall-magni, il-valuri ċċertifikati għall-membri kollha ta' familja tal-magna maħluqa f'konformità mad-definizzjoni ta' familja kif stipulata fl-Appendiċi 3 għall-Anness V, għandhom jiġu derivati f'konformità mal-paragrafi 4, 5 u 6 tal-Anness V.

Għat-tajers, il-familja għandha tikkonsisti f'tip ta' tajer wieħed biss.

3.  Il-proprjetajiet relatati mal-emissjonijiet ta' CO2 u mal-konsum tal-fjuwil tal-komponent referenzjarju, tal-unità teknika separata referenzjarja jew tas-sistema referenzjarja m'għandhomx ikunu aħjar mill-proprjetajiet ta' xi membru tal-istess familja.

4.  Il-manifattur għandu jipprovdi lill-awtorità tal-approvazzjoni bl-evidenza li l-komponent referenzjarju, l-unità teknika separata referenzjarja jew is-sistema referenzjarja jirrappreżentaw bis-sħiħ lill-familja tal-komponenti, lill-familja tal-unitajiet tekniċi separati jew lill-familja tas-sistemi.

Jekk, fil-qafas tal-ittestjar għall-finijiet tat-tieni subparagrafu tal-Artikolu 16(3), l-awtorità tal-approvazzjoni tiddetermina li l-komponent referenzjarju, l-unità teknika separata referenzjarja jew is-sistema referenzjarja magħżulin ma jirrappreżentawx bis-sħiħ lill-familja tal-komponenti, lill-familja tal-unitajiet tekniċi separati jew lill-familja tas-sistemi, l-awtorità tal-approvazzjoni tista' tagħżel u tittestja komponent, unità teknika separata jew sistema alternattivi li mbagħad isiru komponent referenzjarju, unità teknika separata referenzjarja jew sistema referenzjarja.

5.  Fuq talba tal-manifattur, u soġġetti għall-qbil tal-awtorità tal-approvazzjoni, il-proprjetajiet relatati mal-emissjonijiet ta' CO2 u mal-konsum tal-fjuwil ta' komponent speċifiku, ta' unità teknika separata speċfika jew ta' sistema speċifika għajr komponent referenzjarju, unità teknika separata referenzjarja jew sistema referenzjarja, rispettivament, jistgħu jiġu indikati fiċ-ċertifikat dwar il-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi.

Il-proprjetajiet relatati mal-emissjonijiet ta' CO2 u mal-konsum tal-fjuwil ta' dak il-komponent speċifiku, dik l-unità teknika separata speċifika jew dik is-sistema speċifika għandhom jiġu ddeterminati f'konformità mal-Artikolu 14.

6.  Meta l-karatteristiċi tal-komponent speċifiku, tal-unità teknika separata speċifika jew tas-sistema speċifika, f'termini tal-proprjetajiet relatati mal-emissjonijiet ta' CO2 u mal-konsum tal-fjuwil kif iddeterminati f'konformità mal-paragrafu 5, iwasslu għal valuri ogħla ta' emissjonijiet ta' CO2 u ta' konsum tal-fjuwil minn dawk tal-komponent referenzjarju, tal-unità teknika separata referenzjarja jew tas-sistema referenzjarja, rispettivament, il-manifattur għandu jeskludi lil dawn mill-familja eżistenti, jassenjahom għal familja ġdida u jiddefinixxihom bħala l-komponent referenzjarju l-ġdid, l-unità teknika separata referenzjarja l-ġdida jew is-sistema referenzjarja l-ġdida għal dik il-familja jew japplika għal estensjoni taċ-ċertifikazzjoni skont l-Artikolu 18.

Artikolu 16

Applikazzjoni għal ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati jew tas-sistemi

1.  L-applikazzjoni għal ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi għandha tiġi sottomessa lill-awtorità tal-approvazzjoni.

2.  L-applikazzjoni għal ċertifikazzjoni għandha tieħu l-forma ta' dokument ta' informazzjoni mfassal f'konformità mal-mudell stabbilit:

3.  L-applikazzjoni għal ċertifikazzjoni għandha tkun akkumpanjata minn spjegazzjoni tal-elementi tad-disinn tal-familja tal-komponenti, tal-familja tal-unitajiet tekniċi separati jew tal-familja tas-sistemi kkonċernata li jkollhom effett mhux negliġibbli fuq il-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati jew tas-sistemi kkonċernati.

L-applikazzjoni għandha tkun akkumpanjata wkoll mir-rapporti tat-testijiet rilevanti maħruġa minn awtorità tal-approvazzjoni, minn riżultati tat-testijiet, u minn dikjarazzjoni tal-konformità maħruġa minn awtorità tal-approvazzjoni skont il-punt 1 tal-Anness X tad-Direttiva 2007/46/KE.

Artikolu 17

Dispożizzjonijiet amministrattivi għaċ-ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi

1.  Jekk jiġu ssodisfati r-rekwiżiti applikabbli kollha, l-awtorità tal-approvazzjoni għandha tiċċertifika l-valuri relatati mal-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi kkonċernata.

2.  Fil-każ imsemmi fil-paragrafu 1, l-awtorità tal-approvazzjoni għandha toħroġ ċertifikat dwar il-proprjetajiet relatati mal-emissjonijiet ta' CO2 u mal-konsum tal-fjuwil billi tuża l-mudell stabbilit:

3.  L-awtorità tal-approvazzjoni għandha tagħti numru taċ-ċertifikazzjoni f'konformità mas-sistema ta' enumerazzjoni stabbilita:

L-awtorità tal-approvazzjoni m'għandhiex tassenja l-istess numru lil familja tal-komponenti, lil familja tal-unitajiet tekniċi separati jew lil familja tas-sistemi oħra. In-numru taċ-ċertifikazzjoni għandu jintuża bħala l-identifikatur tar-rapport tat-test.

4.  L-awtorità tal-approvazzjoni għandha toħloq hash kriptografika tal-fajl bir-riżultati tat-testijiet, li tinkludi n-numru taċ-ċertifikazzjoni, permezz tal-għodda ta' hashing imsemmija fl-Artikolu 5(5). Dan il-hashing għandu jsir eżatt wara li jiġu prodotti r-riżultati tat-testijiet. L-awtorità tal-approvazzjoni għandha tistampa l-hash flimkien man-numru taċ-ċertifikazzjoni fuq iċ-ċertifikat dwar il-proprjetajiet relatati mal-emissjonijiet ta' CO2 u mal-konsum tal-fjuwil.

Artikolu 18

Estensjoni biex jiġu inklużi komponent ġdid, unità teknika separata ġdida jew sistema ġdida f'familja tal-komponenti, f'familja tal-unitajiet tekniċi separati jew f'familja tas-sistemi

1.  Fuq it-talba tal-manifattur u mal-approvazzjoni tal-awtorità tal-approvazzjoni, komponent ġdid, unità teknika separata ġdida jew sistema ġdida jistgħu jiddaħħlu bħala membru ta' familja tal-komponenti, ta' familja tal-unitajiet tekniċi separati jew ta' familja tas-sistemi ċċertifikata jekk dawn jissodisfaw il-kriterji għad-definizzjoni tal-familja stipulati:

F'dawn il-każijiet, l-awtorità tal-approvazzjoni għandha toħroġ ċertifikat rivedut denotat b'numru tal-estensjoni.

Il-manifattur għandu jimmodifika d-dokument ta' informazzjoni msemmi fl-Artikolu 16(2) u jipprovdih lill-awtorità tal-approvazzjoni.

2.  Meta l-karatteristiċi tal-komponent speċifiku, tal-unità teknika separata speċifika jew tas-sistema speċifika, f'termini tal-proprjetajiet relatati mal-emissjonijiet ta' CO2 u mal-konsum tal-fjuwil kif iddeterminati f'konformità mal-paragrafu 1, iwasslu għal valuri ogħla ta' emissjonijiet ta' CO2 u ta' konsum tal-fjuwil minn dawk tal-komponent referenzjarju, tal-unità teknika separata referenzjarja jew tas-sistema referenzjarja, rispettivament, il-komponent il-ġdid, l-unità teknika separata l-ġdida jew is-sistema l-ġdida għandhom isiru l-komponent referenzjarju l-ġdid, l-unità teknika separata referenzjarja l-ġdida jew is-sistema referenzjarja l-ġdida.

Artikolu 19

Tibdiliet sussegwenti rilevanti għaċ-ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi

1.  Il-manifattur għandu jinnotifika lill-awtorità tal-approvazzjoni bi kwalunkwe tibdil fil-disinn jew fil-proċess tal-manifattura tal-komponenti, tal-unitajiet tekniċi separati jew tas-sistemi kkonċernati li jseħħu wara ċ-ċertifikazzjoni tal-valuri relatati mal-karatteristiċi relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi rilevanti skont l-Artikolu 17 u li jista' jkollhom effett mhux negliġibbli fuq il-karatteristiċi relatati mal-emissjonijiet ta' CO2 u mal-konsum tal-fjuwil ta' dawk il-komponenti, l-unitajiet tekniċi separati u s-sistemi.

2.  Mal-wasla tan-notifika msemmija fil-paragrafu 1, l-awtorità tal-approvazzjoni għandha tinforma lill-manifattur jekk il-komponenti, l-unitajiet tekniċi separati jew is-sistemi affettwati mit-tibdiliet għadhomx koperti miċ-ċertifikat maħruġ, jew jekk hemmx bżonn li jsiru iktar testijiet b'konformità mal-Artikolu 14 biex jiġi vverifikat l-impatt tat-tibdiliet fuq il-karatteristiċi relatati mal-emissjonijiet ta' CO2 u mal-konsenja tal-komponenti, tal-unitajiet tekniċi separati jew tas-sistemi kkonċernati.

3.  Meta l-komponenti, l-unitajiet tekniċi separati jew is-sistemi affettwati mit-tibdiliet ma jkunux koperti miċ-ċertifikat, il-manifattur, fi żmien xahar minn meta jirċievi dik l-informazzjoni mingħand l-awtorità tal-approvazzjoni, għandu japplika għal ċertifikazzjoni ġdida jew għal estensjoni skont l-Artikolu 18. Jekk il-manifattur ma japplikax għal ċertifikazzjoni ġdida jew għal estensjoni sa dik l-iskadenza, jew jekk l-applikazzjoni tiġi rifjutat, iċ-ċertifikat għandu jiġi rtirat.

KAPITOLU 5

KONFORMITÀ TAL-OPERAR TAL-GĦODDA TA' SIMULAZZJONI, TAL-INFORMAZZJONI TAL-INPUT U TAD-DATA TAL-INPUT

Artikolu 20

▼M1

Ir-responsabbiltajiet tal-manifattur tal-vettura, tal-awtorità tal-approvazzjoni u tal-Kummissjoni fir-rigward tal-konformità tal-operazzjoni tal-għodda ta' simulazzjoni

▼B

1.  Il-manifattur tal-vettura għandu jieħu l-miżuri nċessarji biex jiżgura li l-proċessi stabbiliti għall-finijiet tad-determinazzjoni tal-emissjonijiet tas-CO2 u tal-konsum tal-fjuwil għall-gruppi ta' vetturi kollha koperti mil-liċenzja mogħtija skont l-Artikolu 7 jew l-estensjoni għal-liċenzja skont l-Artikolu 8(1) jibqgħu adegwati għal dak l-għan.

▼M1

Fuq bażi annwali, il-manifattur tal-vettura għandu jwettaq il-proċedura tal-ittestjar għall-verifika stabbilita fl-Anness Xa fuq numru minimu ta' vetturi skont il-punt 3 ta' dak l-Anness. Sal-31 ta' Diċembru ta' kull sena u skont il-punt 8 tal-Anness Xa, il-manifattur tal-vettura għandhom jipprovdi rapport tat-test lill-awtorità tal-approvazzjoni għal kull vettura ttestjata, għandu jżomm ir-rapporti tat-test għal tul ta' mill-inqas 10 snin u fuq talba għandu jagħmilhom disponibbli lill-Kummissjoni u lill-awtoritajiet tal-approvazzjoni tal-Istati Membri l-oħra.

▼B

2.  L-awtorità tal-approvazzjoni għandha tagħmel valutazzjoni erba' darbiet fis-sena kif imsemmi fil-punt 2 tal-Anness II biex tivverifika jekk il-proċessi stabbiliti mill-manifattur għall-finijiet tad-determinazzjoni tal-emissjonijiet ta' CO2 u tal-konsum tal-fjuwil għall-gruppi ta' vetturi kollha koperti mil-liċenzja għadhomx adegwati. Il-valutazzjoni għandha tinkludi wkoll verifika tal-għażla tal-informazzjoni tal-input u tad-data tal-input u repetizzjoni tas-simulazzjonijiet imwettqa mill-manifattur.

▼M1

Meta vettura tfalli l-proċedura tal-ittestjar għall-verifika stabbilita fl-Anness Xa, l-awtorità tal-approvazzjoni għandha tibda investigazzjoni biex tiddetermina l-kawża ta' dak il-falliment, skont l-Anness Xa. Malli l-awtorità tal-approvazzjoni tiddetermina l-kawża tal-falliment, din għandha tinforma l-awtoritajiet tal-approvazzjoni tal-Istati Membri dwar dan.

Jekk il-kawża tan-nuqqas tkun marbuta mal-operazzjoni tal-għodda ta' simulazzjoni, għandu japplika l-Artikolu 21. Jekk il-kawża tal-falliment tkun marbuta mal-proprjetajiet iċċertifikati relatati mal-emissjonijiet tas-CO2 u mal-konsum tal-fjuwil ta' komponenti, ta' unitajiet tekniċi separati u ta' sistemi, għandu japplika l-Artikolu 23.

Jekk ma jinstabu l-ebda irregolaritajiet fiċ-ċertifikazzjoni ta' komponenti, unitajiet tekniċi separati jew sistemi u l-operazzjoni tal-għodda ta' simulazzjoni, l-awtorità tal-approvazzjoni għandha tirrapporta l-falliment tal-vettura lill-Kummissjoni. Il-Kummissjoni għandha tinvestiga jekk l-għodda ta' simulazzjoni jew il-proċedura tal-ittestjar għall-verifika stabbilita fl-Anness Xa ikkawżatx il-vettura biex tfalli u jekk ikunx meħtieġ titjib tal-għodda ta' simulazzjoni jew il-proċedura tal-ittestjar għall-verifika.

▼B

Artikolu 21

Miżuri ta' rimedju għall-konformità tal-operar tal-għodda ta' simulazzjoni

1.  Meta l-awtorità tal-approvazzjoni ssib, skont l-Artikolu 20(2), li l-proċessi stabbiliti mill-manifattur tal-vettura għall-finijiet tad-determinazzjoni tal-emissjonijiet ta' CO2 u tal-konsum tal-fjuwil tal-gruppi ta' vetturi kkonċernati mhumiex konformi mal-liċenzja jew ma' dan ir-Regolament jew jistgħu jwasslu għal determinazzjoni żbaljata tal-emissjonijiet ta' CO2 u tal-konsum tal-fjuwil tal-vetturi kkonċernati, l-awtorità tal-approvazzjoni għandha titlob lill-manifattur biex jissottometti pjan ta' miżuri ta' rimedju mhux iktar tard minn 30 jum kalendarju wara li jirċievi t-talba mingħand l-awtorità tal-approvazzjoni.

Meta l-manifattur tal-vettura juri li hemm bżonn ta' iktar żmien għas-sottomissjoni tal-pjan ta' miżuri ta' rimedju, l-awtorità tal-approvazzjoni tista' tagħti estensjoni sa 30 jum kalendarju.

2.  Il-pjan ta' miżuri ta' rimedju għandu japplika għall-gruppi ta' vetturi kollha li jiġu identifikati mill-awtorità tal-approvazzjoni fit-talba tagħha.

3.  L-awtorità tal-approvazzjoni għandha tapprova jew tirrifjuta l-pjan ta' miżuri ta' rimedju fi żmien 30 jum tal-kalendarju mir-riċevuta tiegħu. L-awtorità tal-approvazzjoni għandha tinnotifika lill-manifattur u lill-Istati Membri kollha l-oħra bid-deċiżjoni tagħha li tapprova jew tirrifjuta l-pjan ta' miżuri ta' rimedju.

L-awtorità tal-approvazzjoni tista' titlob lill-manifattur tal-vettura joħroġ fajl tar-rekords tal-manifattur, fajl ta' informazzjoni għall-klijent u ċertifikat tal-konformità ġdid fuq il-bażi ta' determinazzjoni ġdida tal-emissjonijiet ta' CO2 u tal-konsum tal-fjuwil li jirriflettu t-tibdiliet implimentati f'konformità mal-pjan approvat tal-miżuri ta' rimedju.

4.  Il-manifattur għandu jkun responsabbli għall-eżekuzzjoni tal-pjan approvat ta' miżuri ta' rimedju.

5.  Meta l-pjan tal-miżuri ta' rimedju jiġi rifjutat mill-awtorità tal-approvazzjoni, jew l-awtorità tal-approvazzjoni tistabbilixxi li l-miżuri ta' rimedju mhumiex qed jiġu applikati kif suppost, din għandha tieħu l-miżuri neċessarji biex tiżgura l-konformità tal-operar tal-għodda ta' simulazzjoni, jew tirtira l-liċenzja.

Artikolu 22

Responsabbiltajiet tal-manifattur u tal-awtorità tal-approvazzjoni fir-rigward tal-konformità tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi.

1.  Il-manifattur għandu jieħu l-miżuri neċessarji f'konformità mal-Anness X għad-Direttiva 2007/46/KE biex jiżgura li l-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi elenkati fl-Artikolu 12(1) li kienu s-suġġett taċ-ċertifikazzjoni f'konformità mal-Artikolu 17 ma jitbegħdux mill-valuri ċċertifikati.

Dawk il-miżuri għandhom jinkludu dawn li ġejjin:

Meta l-proprjetajiet relatati mal-emissjonijiet ta' CO2 u mal-konsum tal-fjuwil ta' membru ta' familja tal-komponenti, ta' familja tal-unitajiet tekniċi separati jew ta' familja tas-sistemi jkunu ġew iċċertifikati f'konformità mal-Artikolu 15(5), il-valur referenzjarju għall-verifika tal-proprjetajiet relatati mal-emissjonijiet ta' CO2 u mal-konsum tal-fjuwil għandu jkun dak iċċertifikat għal dan il-membru tal-familja.

Meta jiġi identifikat tbegħid mill-valuri ċċertifikati bħala riżultat tal-miżuri msemmija fl-ewwel u fit-tieni subparagrafi, il-manifattur għandu jinforma lill-awtorità tal-approvazzjoni dwar dan minnufih.

2.  Il-manifattur għandu jipprovdi, fuq bażi annwali, ir-rapporti ta' ttestjar li fihom ir-riżultati tal-proċeduri msemmija fit-tieni subparagrafu tal-paragrafu 1 lill-awtorità tal-approvazzjoni li ċċertifikat il-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi kkonċernata. Il-manifattur għandu jqiegħed ir-rapporti tat-testijiet għad-dispożizzjoni tal-Kummissjoni fuq talba.

3.  Il-manifattur għandu jiżgura li tal-inqas waħda minn kull 25 proċedura msemmija fit-tieni subparagrafu tal-paragrafu 1, jew, b'eċċezzjoni għat-tajers, tal-inqas proċedura waħda fis-sena, relatata ma' familja tal-komponenti, ma' familja tal-unitajiet tekniċi separati jew ma' familja tas-sistemi tkun issorveljata minn awtorità tal-approvazzjoni differenti minn dik li ħadet sehem fiċ-ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati jew tal-familja tas-sistemi kkonċernata skont l-Artikolu 16.

4.  Kwalunkwe awtorità tal-approvazzjoni tista' fi kwalunkwe ħin tagħmel verifiki relatati mal-komponenti, mal-unitajiet tekniċi separati u mas-sistemi fi kwalunkwe waħda mill-faċilitajiet tal-manifattur u tal-manifattur tal-vettura biex tivverifika jekk il-proprjetajiet relatati mal-emissjonijiet ta' CO2 u mal-konsum tal-fjuwil ta' dawk il-komponenti, l-unitajiet tekniċi separati u s-sistemi jitbegħdux mill-valuri ċċertifikati.

Il-manifattur u l-manifattur tal-vettura għandhom jipprovdu lill-awtorità tal-approvazzjoni fi żmien 15-il jum ta' xogħol mit-talba tal-awtorità tal-approvazzjoni b'kull dokument, kampjun u materjal ieħor rilevanti fil-pussess tiegħu u neċessarji biex isiru l-verifiki relatati ma' komponent, ma' unità teknika separata jew ma' sistema.

Artikolu 23

Miżuri ta' rimedju għall-konformità tal-proprjetajiet relatati mal-emissjonijiet ta' CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi

▼M1

1.  Meta, skont l-Artikolu 20 u 22, l-awtorità tal-approvazzjoni ssib li l-kejlijiet meħuda mill-manifattur biex jiżgura li l-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi elenkati fl-Artikolu 12(1) u li kienu s-suġġett ta' ċertifikazzjoni skont l-Artikolu 17 ma jiddevjawx mill-valuri ċċertifikati mhumiex adegwati, l-awtorità tal-approvazzjoni għandha titlob lill-manifattur jissottometti pjan ta' miżuri ta' rimedju mhux aktar tard minn 30 jum kalendarju wara l-wasla tat-talba mingħand l-awtorità tal-approvazzjoni.

▼B

Meta l-manifattur juri li hemm bżonn ta' iktar żmien għas-sottomissjoni tal-pjan ta' miżuri ta' rimedju, l-awtorità tal-approvazzjoni tista' tagħti estensjoni sa 30 jum kalendarju.

2.  Il-pjan ta' miżuri ta' rimedju għandu japplika għall-familji tal-komponenti, għall-familji tal-unitajiet tekniċi separati jew għall-familji tas-sistemi kollha li jiġu identifikati mill-awtorità tal-approvazzjoni fit-talba tagħha.

3.  L-awtorità tal-approvazzjoni għandha tapprova jew tirrifjuta l-pjan ta' miżuri ta' rimedju fi żmien 30 jum tal-kalendarju mir-riċevuta tiegħu. L-awtorità tal-approvazzjoni għandha tinnotifika lill-manifattur u lill-Istati Membri kollha l-oħra bid-deċiżjoni tagħha li tapprova jew tirrifjuta l-pjan ta' miżuri ta' rimedju.

L-awtorità tal-approvazzjoni tista' titlob lill-manifatturi tal-vetturi li installaw il-komponenti, l-unitajiet tekniċi separati u s-sistemi kkonċernati fil-vetturi tagħhom biex joħorġu fajl tar-rekords tal-manifattur, fajl ta' informazzjoni għall-klijent u ċertifikat tal-konformità ġdid fuq il-bażi tal-proprjetajiet relatati mal-emissjonijiet ta' CO2 u mal-konsum tal-fjuwil ta' dawk il-komponenti, l-unitajiet tekniċi separati u s-sistemi miksuba permezz tal-miżuri msemmija fl-Artikolu 22(1).

4.  Il-manifattur għandu jkun responsabbli għall-eżekuzzjoni tal-pjan approvat ta' miżuri ta' rimedju.

5.  Il-manifattur għandu jżomm rekord ta' kull komponent, unità teknika separata jew sistema msejħa lura u msewwija jew modifikati, li għandu jinkludi wkoll dettalji dwar l-istabbiliment li jkun għamel it-tiswija. L-awtorità tal-approvazzjoni għandu jkollha aċċess għal dawk ir-rekords fuq talba matul l-eżekuzzjoni tal-pjan ta' miżuri ta' rimedju u għal perjodu ta' 5 snin wara t-tlestija tal-eżekuzzjoni tiegħu.

6.  Meta l-pjan ta' miżuri ta' rimedju jkun ġie rifjutat mill-awtorità tal-approvazzjoni, jew l-awtorità tal-approvazzjoni tistabbilixxi li l-miżuri ta' rimedju mhumiex qed jiġu applikati kif suppost, din għandha tieħu l-miżuri neċessarji biex tiżgura l-konformità tal-proprjetajiet relatati mal-emissjonijiet ta' CO2 u mal-konsum tal-fjuwil tal-familja tal-komponenti, tal-familja tal-unitajiet tekniċi separati u tal-familja tas-sistemi kkonċernati, jew tirtira ċ-ċertifikat dwar il-proprjetajiet relatati mal-emissjonijiet ta' CO2 u mal-konsum tal-fjuwil.

KAPITOLU 6

DISPOŻIZZJONIJIET FINALI

Artikolu 24

Dispożizzjonijiet tranżitorji

1.  Mingħajr ħsara għall-Artikolu 10(3), meta ma jiġux irrispettati l-obbligi msemmija fl-Artikolu 9, l-Istati Membri għandhom jipprojbixxu r-reġistrazzjoni, il-bejgħ jew it-tqegħid fis-servizz:

▼M1

▼B

2.  Minkejja l-paragrafu 1(a), l-obbligi msemmija fl-Artikolu 9 għandhom japplikaw mill-1 ta' Jannar 2019 fir-rigward tal-vetturi kollha fil-gruppi 4, 5, 9 u 10 bid-data tal-produzzjoni fl-1 ta' Jannar 2019 jew wara. ►M1  Għall-vetturi fis-sottogrupp “v” ta' xi wieħed minn dawk il-gruppi ta' vetturi, għandu japplika l-obbligu msemmi fl-Artikolu 9 mid-dħul fis-seħħ ta' dan ir-Regolament. ◄

▼M1

Għall-iskopijiet tal-ewwel subparagrafu, id-data tal-produzzjoni għandha tfisser:

3.  It-tieni subparagrafu tal-Artikolu 20(1) u t-tieni, it-tielet u r-raba' subparagrafi tal-Artikolu 20(2) għandhom japplikaw mill-1 ta' Lulju 2020. Il-miżuri ta' rimedju skont l-Artikoli 21(5) u 23(6) għandhom japplikaw skont investigazzjoni dwar il-falliment tal-vettura fil-proċedura tal-ittestjar għall-verifika stabbilita fl-Anness Xa mill-1 ta' Lulju 2023.

▼B

Artikolu 25

Emenda għad-Direttiva 2007/46/KE

L-Annessi I, III, IV, IX u XV tad-Direttiva 2007/46/KE huma emendati f'konformità mal-Anness XI għal dan ir-Regolament.

Artikolu 26

Emenda għar-Regolament (UE) Nru 582/2011

Ir-Regolament (UE) Nru 582/2011 jiġi emendat kif ġej:

Artikolu 27

Dħul fis-seħħ

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

ANNESS I

KLASSIFIKAZZJONI TAL-VETTURI FI GRUPPI TA' VETTURI

1.   Klassifikazzjoni tal-vetturi għall-fini ta' dan ir-Regolament

1.1   Klassifikazzjoni tal-vetturi tal-kategorija N

▼M1

▼B

ANNESS II

REKWIŻITI U PROĊEDURI RELATATI MAL-OPERAR TAL-GĦODDA TA' SIMULAZZJONI

1.   Il-proċessi li għandhom jiġu stabbiliti mill-manifattur tal-vettura biex jopera l-għodda ta' simulazzjoni

2.   Valutazzjoni mill-awtorità tal-approvazzjoni

L-awtorità tal-approvazzjoni għandha tivverifika dan li ġej ukoll:

Għall-finijiet tal-punt (a) tat-tieni paragrafu, il-verifika għandha tinkludi d-determinazzjoni tal-emissjonijiet ta' CO2 u tal-konsum tal-fjuwil ta' mill-inqas vettura waħda minn kull wieħed mill-gruppi ta' vetturi li għalihom saret l-applikazzjoni għal-liċenzja.

Appendiċi 1

MUDELL TA' DOKUMENT TA' INFORMAZZJONI GĦALL-FINIJIET TAL-OPERAR TAL-GĦODDA TA' SIMULAZZJONI BL-GĦAN LI JIĠU DDETERMINATI L-EMISSJONIJIET TA' CO2 U L-KONSUM TAL-FJUWIL TA' VETTURI ĠODDA

TAQSIMA I

TAQSIMA II

1.   Informazzjoni addizzjonali

Appendiċi 2

MUDELL TA' LIĊENZJA GĦALL-OPERAR TAL-GĦODDA TA' SIMULAZZJONI BL-GĦAN LI JIĠU DDETERMINATI L-EMISSJONIJIET TA' CO2 u l-konsum tal-fjuwil ta' vetturi ĠODDA

Format massimu: A4 (210 × 297 mm)

LIĊENZJA GĦALL-OPERAR TAL-GĦODDA TA' SIMULAZZJONI BL-GĦAN LI JIĠU DDETERMINATI L-EMISSJONIJIET TA' CO2 u l-konsum tal-fjuwil ta' vetturi ĠODDA

tal-liċenzja għall-operar tal-għodda ta' simulazzjoni fir-rigward tar-Regolament (KE) Nru 595/2009 kif implimentat mir-Regolament (UE) 2017/2400.

Numru tal-liċenzja:

Raġuni għall-estensjoni: …

TAQSIMA I

TAQSIMA II

1.   Informazzjoni addizzjonali

ANNESS III

INFORMAZZJONI TAL-INPUT RELATATA MAL-KARATTERISTIKA TAL-VETTURA

1.   Introduzzjoni

Dan l-Anness jiddeskrivi l-lista ta' parametri li jridu jiġu pprovduti mill-manifattur tal-vettura bħala input għall-għodda ta' simulazzjoni. L-iskema XML applikabbli kif ukoll id-data ta' eżempju huma disponibbli fil-pjattaforma ta' distribuzzjoni elettronika ddedikata.

2.   Definizzjonijiet

▼M1

▼B

3.   Sett ta' parametri tal-input

▼C2

▼C1

▼M1

▼B

4.   Massa tal-vettura

5.   Fusien operati b'mod idrawliku u b'mod mekkaniku

Fil-każ ta' vetturi mgħammra b':

6.   Limiti tat-torque tal-magna dipendenti fuq il-gerijiet stabbiliti mill-kontroll tal-vettura

Għall-ogħla 50 % tal-gerijiet (eż. għall-gerijiet 7 sa 12 ta' trażmissjoni bi 12-il ger), il-manifattur tal-vettura jista' jiddikjara limitu tat-torque tal-magna dipendenti fuq il-gerijiet li ma jkunx ogħla minn 95 % tat-torque massimu tal-magna.

7.   Veloċità idle tal-magna speċifika għall-vettura

▼M1

8.   Sistemi avvanzati ta' assistenza għas-sewwieq

▼B

ANNESS IV

MUDELL TAL-FAJL TAR-REKORDS TAL-MANIFATTUR U TAL-FAJL TA' INFORMAZZJONI GĦALL-KLIJENT

PARTI I

Emissjonijiet ta' CO2 u konsum tal-fjuwil tal-vettura – Fajl tar-rekords tal-manifattur

Il-fajl tar-rekords tal-manifattur se jkun prodott mill-għodda ta' simulazzjoni u għandu jkun fih tal-inqas l-informazzjoni li ġejja:

1.   Data dwar il-vettura, il-komponent, l-unità teknika separata u s-sistemi

1.1.   Data dwar il-vettura

▼M1

▼B

1.2.   Speċifikazzjonijiet ewlenin tal-magna

▼M1

▼B

1.3.   Speċifikazzjonijiet ewlenin tat-trażmissjoni

▼M1

▼B

1.4.   Speċifikazzjonijiet tat-tardjatur

▼M1

▼B

1.5.   Speċifikazzjoni tal-konvertitur tat-torque

▼M1

▼B

1.6.   Speċifikazzjonijiet tal-angle drive

▼M1

▼B

1.7.   Speċifikazzjonijiet tal-fus

▼M1

▼B

1.8.   Ajrudinamika

▼M1

▼B

1.9.   Speċifikazzjonijiet ewlenin tat-tajers

▼M1

▼B

▼M1

▼B

▼M1

▼B

▼M1

▼B

1.10.   Speċifikazzjonijiet ewlenin awżiljarji

1.11.   Limitazzjonijiet tat-torque tal-magna

▼M1

1.12.   Sistemi avvanzati ta' assistenza għas-sewwieq (ADAS)

▼B

2.   Valuri tal-profil tal-missjoni u li jiddependu fuq it-tagħbija

2.1.   Parametri ta' simulazzjoni (għal kull taħlita ta' profil/tagħbija/fjuwil)

▼M1

▼B

2.2.   Prestazzjoni tas-sewqan tal-vettura u informazzjoni għal kontroll tal-kwalità tas-simulazzjoni

2.3.   Riżultati tal-fjuwil u tas-CO2

3.   Informazzjoni dwar is-softwer u għall-utent

3.1.   Informazzjoni dwar is-softwer u għall-utent

▼M1

▼B

PARTI II

Emissjonijiet ta' CO2 u konsum tal-fjuwil tal-vettura - Fajl ta' informazzjoni għall-klijent

1.   Data dwar il-vettura, il-komponent, l-unità teknika separata u s-sistemi

1.1.   Data dwar il-vettura

▼M1

▼B

▼M1

▼B

1.2.   Data dwar il-komponent, l-unità teknika separata u s-sistemi

▼M1

▼B

▼M1

▼M1

2.   L-emissjonijiet tas-CO2 u l-konsum tal-fjuwil tal-vettura (għal kull tagħbija utli/profil tal-missjoni)

2.1.   Tagħbija utli baxxa [kg]:

2.2.   Rappreżentant tat-tagħbija utli [kg]:

▼M1 —————

▼B

ANNESS V

VERIFIKA TAD-DATA TAL-MAGNA

1.   Introduzzjoni

Il-proċedura tat-test tal-magna deskritta f'dan l-Anness għandha tipproduċi d-data tal-input relatata mal-magni għall-għodda ta' simulazzjoni.

2.   Definizzjonijiet

Għall-finijiet ta' dan l-Anness, għandhom ikunu japplikaw id-definizzjonijiet skont ir-Regolament NU/KEE 49 Rev.06 u, minbarra dawn, id-definizzjonijiet li ġejjin:

Id-definizzjonijiet fil-paragrafi 3.1.5 u 3.1.6. tal-Anness 4 għar-Regolament NU/KEE 49 Rev.06 m'għandhomx japplikaw.

3.   Rekwiżiti ġenerali

Il-faċilitajiet tal-laboratorju tal-kalibrar għandhom jikkonformaw mar-rekwiżiti ta' ISO/TS 16949, tas-serje ISO 9000 jew ta' ISO/IEC 17025. It-tagħmir tal-kejl ta' referenza kollu tal-laboratorju, użat għall-kalibrar u/jew għall-verifika, għandu jkun traċċabbli għal standards nazzjonali jew internazzjonali.

Il-magni għandhom jiġu raggruppati f'familji ta' CO2 tal-magni ddefiniti skont l-Appendiċi 3. Il-paragrafu 4.1 jispjega liema testijiet ta' prova għandhom isiru għall-fini ta' ċertifikazzjoni ta' familja speċifika waħda ta' CO2 ta' magna.

3.1   Kundizzjonijiet tat-test

It-testijiet ta' provi kollha għall-finijiet ta' ċertifikazzjoni ta' familja speċifika waħda ta' CO2 ta' magna b'konformità mal-Appendiċi 3 għal dan l-Anness għandhom isiru fuq l-istess magna fiżika u mingħajr ebda tibdil fil-kompożizzjoni tad-dinamometru tal-magna u fis-sistema tal-magna, ħlief għall-eċċezzjonijiet iddefiniti fil-paragrafu 4.2 u fl-Appendiċi 3.

3.1.1   Kundizzjonijiet tat-test fil-laboratorju

It-testijiet għandhom isiru f'kundizzjonijiet ambjentali li jissodisfaw il-kundizzjonijiet li ġejjin tul it-test ta' prova sħiħ:

Jekk it-testijiet isiru f'ċelluli tat-test li kapaċi jissimulaw il-kundizzjonijiet barometriċi għajr dawk eżistenti fl-atmosfera fis-sit tat-test speċifiku, il-valur applikabbli ta' fa għandu jiġi ddeterminat bil-valuri ssimulati tal-pressjoni atmosferika mis-sistema ta' kundizzjonament. Għandu jintuża l-istess valur referenzjarju għall-pressjoni atmosferika ssimulatata għall-arja li tidħol u għall-passaġġ tal-egżost u għas-sistemi rilevanti kollha l-oħrajn tal-magni. Il-valur attwali tal-pressjoni atmosferika ssimulata għall-arja li tidħol u għall-passaġġ tal-egżost u għas-sistemi rilevanti kollha l-oħrajn tal-magni għandu jkun fi ħdan il-limiti speċifikati fis-subpunt (3).

F'każijiet li fihom il-pressjoni ambjentali fl-atmosfera fis-sit tat-test speċifiku taqbeż il-limitu massimu ta' 102 kPa, xorta waħda jistgħu jsiru testijiet b'konformità ma' dan l-Anness. F'dan il-każ, it-testijiet għandhom isiru bil-pressjoni speċifika tal-arja ambjentali fl-atmosfera.

F'każijiet li fihom iċ-ċellula tat-test ikollha l-kapaċità li tikkontrolla t-temperatura, il-pressjoni u/jew l-umdità tal-arja li tidħol tal-magna indipendentement mill-kundizzjonijiet atmosferiċi, għandu jintuża l-istess issettjar għal dawk il-parametri għal kull test ta' prova mwettaq għall-finijiet taċ-ċertifikazzjoni ta' familja speċifika waħda ta' CO2 tal-magni ddefinita b'konformità mal-Appendiċi 3 għal dan l-Anness.

3.1.2   Installazzjoni tal-magna

Il-magna tat-test għandha tiġi installata b'konformità mal-paragrafi 6.3 sa 6.6 tal-Anness 4 għar-Regolament NU/KEE 49 Rev.06.

Jekk l-awżiljarji/it-tagħmir neċessarji għall-operar tas-sistema tal-magna mhumiex installati kif meħtieġ b'konformità mal-paragrafu 6.3 tal-Anness 4 għar-Regolament NU/KEE 49 Rev.06, il-valuri mkejla kollha tat-torque tal-magna għandhom jiġu kkoreġuti għall-potenza meħtieġa għall-operar ta' dawn il-komponenti għall-finijiet ta' dan l-Anness b'konformità mal-paragrafu 6.3 tal-Anness 4 għar-Regolament NU/KEE 49 Rev.06.

Il-konsum tal-enerġija tal-komponenti tal-magna li ġejjin li jirriżulta fit-torque tal-magna meħtieġ għat-tħaddim ta' dawn il-komponenti tal-magna għandu jiġi ddeterminat b'konformità mal-Appendiċi 5 għal dan l-Anness:

3.1.3   Emissjonijiet mill-kaxxa tal-krank

Fil-każ ta' kaxxa tal-krank magħluqa, il-manifattur għandu jiżgura li s-sistema ta' ventilazzjoni tal-magna ma tippermettix l-emissjoni fl-atmosfera ta' xi gass tal-kaxxa tal-krank. Jekk il-kaxxa tal-krank hi ta' tip miftuħ, l-emissjonijiet għandhom jitkejlu u jiżdiedu mal-ħruġ ta' duħħan, skont id-dispożizzjonijiet stabbiliti fil-paragrafu 6.10. tal-Anness 4 għar-Regolament NU/KEE 49 Rev.06.

3.1.4   Magni b'intercooling

Matul it-testijiet ta' prova kollha, is-sistema ta' intercooling użata fuq il-bank tat-test għandha titħaddem fil-kundizzjonijiet li huma rappreżentattivi għall-applikazzjoni fil-vettura fil-kundizzjonijiet ambjentali ta' referenza. Il-kundizzjonijiet ambjentali ta' referenza huma ddefiniti bħala 293 K għat-temperatura tal-arja u 101.3 kPa għall-pressjoni.

L-intercooling tal-laboratorju għal testijiet skont dan ir-regolament jenħtieġ li jikkonforma mad-dispożizzjonijiet speċifikati fil-paragrafu 6.2 tal-Anness 4 għar-Regolament NU/KEE 49 Rev.06.

3.1.5   Sistema tat-tkessiħ tal-magna

▼M1

▼B

3.2   Fjuwils

Il-fjuwil ta' referenza rispettiv għas-sistemi tal-magna ttestjati għandu jintgħażel mit-tipi ta' fjuwil elenkati fit-Table 1. Il-proprjetajiet tal-fjuwil tal-fjuwils ta' referenza elenkati fit-Table 1 għandhom ikunu dawk speċifikati fl-Anness IX għar-Regolament tal-Kummissjoni (UE) Nru 582/2011.

Biex jiġi żgurat li jintuża l-istess fjuwil għat-testijiet ta' prova kollha mwettqa għall-finijiet taċ-ċertifikazzjoni ta' familja speċifika waħda ta' CO2 tal-magni, m'għandu jseħħ ebda riforniment tat-tank jew qlib għal tank ieħor li jforni s-sistema tal-magna. F'każijiet eċċezzjonali, riforniment jew qlib jista' jkun awtorizzat jekk ikun jista' jiġi żgurat li l-fjuwil sostitut ikollu l-istess proprjetajiet eżatti bħall-fjuwil użat qabel (l-istess lott tal-produzzjoni).

L-NCV għall-fjuwil użat għandu jiġi ddeterminat minn żewġ kejliet separati b'konformità mal-istandards rispettivi għal kull tip ta' fjuwil iddefinit fit-Table 1. Iż-żewġ kejliet separati għandhom isiru minn żewġ laboratorji differenti indipendenti mill-manifattur li japplika għaċ-ċertifikazzjoni. Il-laboratorju li jagħmel il-kejliet għandu jikkonforma mar-rekwiżiti tal-ISO/IEC 17025. L-awtorità tal-approvazzjoni għandha tiżgura li l-kampjun tal-fjuwil użat għad-determinazzjoni tal-NCV hu meħud mil-lott ta' fjuwil użat għat-testijiet ta' prova kollha.

Jekk iż-żewġ valuri separati għall-NCV jiddevjaw b'iktar minn 440 Joule għal kull gramma fjuwil, il-valuri ddeterminati għandhom ikunu nulli u l-kampanja ta' kejl għandha terġa' ssir.

▼M1

Il-valur medjan taż-żewġ NCV separati li ma jiddevjawx b'aktar minn 440 Joule għal kull gramma ta' fjuwil għandu jiġi ddokumentat f'MJ/kg arrotondat għal 2 postijiet fuq il-lemin tal-punt deċimali b'konformità mal-ASTM E 29-06.

▼B

Għall-fjuwils tal-gass, l-istandards għad-determinazzjoni tal-NCV skont it-Tabella 1 fihom il-kalkolu tal-valur kalorifiku bbażat fuq il-kompożizzjoni tal-fjuwil. Il-kompożizzjoni tal-fjuwil tal-gass għad-determinazzjoni tal-NCV għandha tittieħed mill-analiżi tal-lott ta' fjuwil tal-gass ta' referenza użat għat-testijiet ta' ċertifikazzjoni. Għad-determinazzjoni tal-kompożizzjoni tal-fjuwil tal-gass użata għad-determinazzjoni tal-NCV, għandha ssir analiżi waħda biss minn laboratorju indipendenti mill-manifattur li japplika għaċ-ċertifikazzjoni. Għall-fjuwils tal-gass, l-NCV għandu jiġi ddeterminat fuq il-bażi ta' din l-analiżi waħda minflok valur medjan ta' żewġ kejliet separati.

▼M1

Għall-fjuwils tal-gass, l-iswiċċjar bejn it-tankijiet tal-fjuwil ta' lottijiet differenti tal-produzzjoni hu permess b'mod eċċezzjonali; f'dak il-każ, l-NCV ta' kull lott tal-fjuwil użat jenħtieġ jiġi kkalkulat u l-ogħla valur jenħtieġ jiġi dokumentat.

▼B

3.3   Lubrikanti

Iż-żejt lubrifikanti għat-testijiet ta' prova kollha mwettqa b'konformità ma' dan l-Anness għandu jkun żejt disponibbli kummerċjalment b'approvazzjoni mhux ristretta mill-manifattur f'kundizzjonijiet normali ta' użu fis-servizz kif iddefiniti fil-paragrafu 4.2 tal-Anness 8 u għar-Regolament NU/KEE 49 Rev.06. Lubrifikanti li għalhom l-użu hu ristrett għal ċerti kundizzjonijiet speċjali ta' operazzjoni tas-sistema tal-magna jew li għandhom intervall anormalment qasir ta' tibdil taż-żejt m'għandhomx jintużaw għall-finijiet tat-testijiet ta' prova b'konformità ma' dan l-Anness. Iż-żejt disponibbli kummerċjalment m'għandux jiġi modifikat b'xi mezz u m'għandu jiżdied ebda addittiv.

It-testijiet ta' prova kollha mwettqa għall-finijiet taċ-ċertifikazzjoni tal-proprjetajiet relatati mal-emissjonijiet ta' CO2 u mal-konsum tal-fjuwil ta' familja speċifika waħda ta' CO2 tal-magni għandhom isiru bl-istess tip ta' żejt lubrikanti.

3.4   Sistema ta' kejl tal-fluss tal-fjuwil

Il-flussi tal-fjuwil kollha kkonsmati mis-sistema tal-magna sħiħa għandhom ikunu maqbuda mis-sistema ta' kejl tal-fluss tal-fjuwil. Flussi ta' fjuwil addizzjonali mhux forniti direttament fil-proċess ta' kombustjoni fiċ-ċilindri tal-magna għandhom ikunu inklużi fis-sinjal tal-fluss tal-fjuwil għat-testijiet ta' prova kollha mwettqin. Injetturi addizzjonali ta' fjuwil (eż. sistemi ta' startjar kiesaħ) mhux neċessarji għall-operar tas-sistema tal-magna għandhom jinqalgħu mil-linja tal-provvista tal-fjuwil matul it-testijiet ta' prova kollha mwettqa.

3.5   Speċifikazzjonijiet għat-tagħmir tal-kejl

It-tagħmir tal-kejl għandu jissodisfa r-rekwiżiti tal-paragrafu 9 tal-Anness 4 għar-Regolament NU/KEE 49 Rev.06.

Minkejja r-rekwiżiti ddefiniti fil-paragrafu 9 tal-Anness 4 għar-Regolament NU/KEE 49 Rev.06, is-sistemi ta' kejl elenkati fit-Tabella 2 għandhom iżommu mal-limiti ddefiniti fit-Tabella 2.

“xmin”, użat għall-kalkolu tal-valur tal-interċetta fit-Tabella 2, għandu jkun 0.9 darbiet daqs il-valur previst minimu mistenni matul it-testijiet ta' prova kollha għas-sistema ta' kejl rispettiva.

Ir-rata ta' konsenja tas-sinjal tas-sistemi ta' kejl elenkati fit-Tabella 2, ħlief għas-sistema ta' kejl tal-fluss tal-massa tal-fjuwil, għandha tkun mill-inqas ta' 5 Hz (rakkomandata ≥ 10 Hz). Ir-rata ta' konsenja tas-sinjal tas-sistema ta' kejl tal-fluss tal-massa tal-fjuwil għandha tkun mill-inqas ta' 2 Hz.

Id-data tal-kejl għandha tiġi rreġistrata b'rata tal-kampjun ta' mill-inqas 5 Hz (rakkomandata ≥ 10 Hz).

3.5.1   Verifika tat-tagħmir tal-kejl

Verifika tar-rekwiżiti mitluba ddefiniti fit-Tabella 2 għandha ssir għal kull sistema ta' kejl. Mill-inqas 10 valuri referenzjarji bejn xmin u l-valur “mass tal-kalibrar” iddefinit b'konformità mal-paragrafu 3.5 għandhom jiġu introdotti fis-sistema ta' kejl u r-rispons tas-sistema ta' kejl għandu jiġi rreġistrat bħala valur imkejjel.

Għall-verifika tal-linearità, il-valuri mkejlin għandhom jitqabblu mal-valuri referenzjarji billi tal-inqas tintuża rigressjoni lineari b'konformità mal-paragrafu A.3.2 tal-Appendiċi 3 għall-Anness 4 għar-Regolament NU/KEE 49 Rev.06.

4.   Proċedura ta' ttestjar

Id-data kollha tal-kejliet għandha tiġi ddeterminata b'konformità mal-Anness 4 għar-Regolament NU/KEE 49 Rev.06, sakemm ma jkunx stipulat mod ieħor f'dan l-Anness.

4.1   Ħarsa ġenerali lejn it-testijiet ta' prova li għandhom isiru

It-Table 3 tagħti ħarsa ġenerali lejn it-testijiet ta' prova kollha li għandhom isiru għall-fini taċ-ċertifikazzjoni ta' familja speċifika waħda ta' CO2 tal-magni ddefinita b'konformità mal-Appendiċi 3.

Iċ-ċiklu ta' mmappjar tal-konsum tal-fjuwil b'konformità mal-paragrafu 4.3.5 u r-reġistrazzjoni tal-kurva tal-motoraġġ tal-magna b'konformità mal-paragrafu 4.3.2 għandhom jiġu omessi għall-magni l-oħra kollha ħlief għal-magna referenzjarja ta' CO2 tal-familja ta' CO2 tal-magni.

F'każ li fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, iċ-ċiklu ta' mmappjar tal-konsum tal-fjuwil b'konformità mal-paragrafu 4.3.5 u r-reġistrazzjoni tal-kurva tal-motoraġġ tal-magna b'konformità mal-paragrafu 4.3.2 għandhom jitwettqu wkoll għal dik il-magna speċifika.

4.2   Tibdiliet awtorizzati fis-sistema tal-magna

It-tibdil tal-valur fil-mira għar-regolatur tal-veloċità idle tal-magna għal valur inferjuri fl-unità ta' kontroll elettroniku tal-magna għandu jitħalla għat-testijiet ta' prova kollha li fihom isseħħ operazzjoni idle, biex tiġi evitata interferenza bejn ir-regolatur tal-veloċità idle tal-magna u r-regolatur tal-veloċità tal-bank tat-test.

4.3   Testijiet ta' prova

4.3.1   Kurva tat-tagħbija sħiħa tal-magna

Il-kurva tat-tagħbija sħiħa tal-magna għandha tiġi rreġistrata b'konformità mal-paragrafi 7.4.1. sa 7.4.5. tal-Anness 4 għar-Regolament NU/KEE 49 Rev.06.

4.3.2   Kurva tal-motoraġġ tal-magna

Ir-reġistrazzjoni tal-kurva tal-motoraġġ tal-magna b'konformità ma' dan il-paragrafu għandha tiġi omessa għall-magni l-oħra kollha ħlief għall-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3. B'konformità mal-paragrafu 6.1.3, il-kurva tal-motoraġġ tal-magna rreġistrata għall-magna referenzjarja ta' CO2 tal-familja ta' CO2 tal-magni għandha tkun applikabbli wkoll għall-magni kollha fi ħdan l-istess familja ta' CO2 tal-magni.

F'każ li fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, ir-reġistrazzjoni tal-kurva tal-motoraġġ tal-magna għandha titwettaq ukoll għal dik il-magna speċifika.

Il-kurva tat-motoraġġ tal-magna għandha tiġi rreġistrata b'konformità mal-għażla (b) fil-paragrafu 7.4.7. tal-Anness 4 għar-Regolament NU/KEE 49 Rev.06. Dan it-test għandu jiddetermina t-torque negattiv meħtieġ biex il-magna titħaddem bejn il-veloċità massima u minima ta' mmappjar b'domanda minima tal-operatur.

It-test għandu jitkompla eżatt wara l-immappjar tal-kurva b'tagħbija sħiħa skont il-paragrafu 4.3.1. Fuq it-talba tal-manifattur, il-kurva ta' motoraġġ tista' tiġi rreġistrata b'mod separat. F'dan il-każ, it-temperatura taż-żejt tal-magna fi tmiem it-test ta' prova tal-kurva b'tagħbija sħiħa b'konformità mal-paragrafu 4.3.1 għandha tiġi rreġistrata u l-manifattur għandu juri bil-provi għas-sodisfazzjon tal-awtorità tal-approvazzjoni li t-temperatura taż-żejt tal-magna fil-punt tat-tluq tal-kurva tal-motoraġġ tilħaq it-temperatura msemmija iktar 'il fuq fi ħdan ±2K.

Fil-bidu tat-test ta' prova għall-kurva tal-motoraġġ tal-magna, il-magna għandha titħaddem b'domanda minima tal-operatur bil-veloċità massima ta' mmappjar iddefinita fil-paragrafu 7.4.3. tal-Anness 4 għar-Regolament NU/KEE 49 Rev.06. Malli l-valur tat-torque tal-motoraġġ jistabbilizza fi ħdan ±5 % mill-valur medjan tiegħu għal tal-inqas 10 sekondi, għandha tibda r-reġistrazzjoni tad-data u l-veloċità tal-magna għandha titnaqqas b'rata medja ta' 8 ±1 min– 1/s mill-veloċità massima għal minima ta' mmappjar, li huma ddefiniti fil-paragrafu 7.4.3. tal-Anness 4 għar-Regolament NU/KEE 49 Rev.06.

4.3.3   Test WHTC

It-test WHTC għandu jsir b'konformità mal-Anness 4 għar-Regolament NU/KEE 49 Rev.06. Ir-riżultati tat-testijiet tal-emissjonijiet ponderati għandhom iżommu mal-limiti applikabbli ddefiniti fir-Regolament (KE) Nru 595/2009.

Il-kurva tat-tagħbija sħiħa tal-magna rreġistrata b'konformità mal-paragrafu 4.3.1 għandha tintuża għad-denormalizzazzjoni taċ-ċiklu ta' referenza u l-kalkoli kollha tal-valuri referenzjarji mwettqa b'konformità mal-paragrafi 7.4.6, 7.4.7 u 7.4.8 tal-Anness 4 għar-Regolament NU/KEE 49 Rev.06.

4.3.3.1   Sinjali tal-kejl u reġistrazzjoni tad-data

Minbarra d-dispożizzjonijiet iddefiniti fl-Anness 4 għar-Regolament NU/KEE 49 Rev.06, għandu jiġi rreġistrat il-fluss attwali tal-massa tal-fjuwil ikkonsmat mill-magna b'konformità mal-paragrafu 3.4.

4.3.4   Test WHSC

It-test WHSC għandu jsir b'konformità mal-Anness 4 tar-Regolament NU/KEE 49 Rev.06. Ir-riżultati tat-testijiet tal-emissjonijiet għandhom iżommu mal-limiti applikabbli ddefiniti fir-Regolament (KE) Nru 595/2009.

Il-kurva tat-tagħbija sħiħa tal-magna rreġistrata b'konformità mal-paragrafu 4.3.1 għandha tintuża għad-denormalizzazzjoni taċ-ċiklu ta' referenza u l-kalkoli kollha tal-valuri referenzjarji mwettqa b'konformità mal-paragrafi 7.4.6, 7.4.7 u 7.4.8 tal-Anness 4 tar-Regolament NU/KEE 49 Rev.06.

4.3.4.1   Sinjali tal-kejl u reġistrazzjoni tad-data

Minbarra d-dispożizzjonijiet iddefiniti fl-Anness 4 tar-Regolament NU/KEE 49 Rev.06, għandu jiġi rreġistrat il-fluss attwali tal-massa tal-fjuwil ikkonsmat mill-magna b'konformità mal-paragrafu 3.4.

4.3.5   Ċiklu ta' mmappjar tal-konsum tal-fjuwil (FCMC)

Iċ-ċiklu ta' mmappjar tal-konsum tal-fjuwil (FCMC) b'konformità ma' dan il-paragrafu għandu jitħalla barra għall-magni l-oħra kollha ħlief għall-magna referenzjarja ta' CO2 tal-familja ta' CO2 tal-magni. Id-data tal-mappa tal-fjuwil irreġistrata għall-magna referenzjarja ta' CO2 tal-familja ta' CO2 tal-magni għandha tkun applikabbli wkoll għall-magni kollha fi ħdan l-istess familja ta' CO2 tal-magni.

F'każ li fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, iċ-ċiklu ta' mmappjar tal-konsum tal-fjuwil għandu jitwettaq ukoll għal dik il-magna speċifika.

Il-mappa tal-fjuwil tal-magna għandha titkejjel f'serje ta' punti operazzjonali tal-magna fi statiċità, kif iddefinita skont il-paragrafu 4.3.5.2. Il-metrika ta' din il-mappa hi l-konsum tal-fjuwil fi g/siegħa skont il-veloċità tal-magna f'min– 1 u t-torque tal-magna f'Nm.

4.3.5.1   Immaniġġjar tal-interruzzjonijiet matul l-FCMC

Jekk iseħħ avveniment ta' riġenerazzjoni wara t-trattament matul l-FCMC għall-magni mgħammra b'sistemi ta' posttrattament tal-egżost li jiġu riġenerati fuq bażi perjodika ddefinita b'konformità mal-paragrafu 6.6 tal-Anness 4 tar-Regolament NU/KEE 49 Rev.06, il-kejliet kollha b'dik il-modalità tal-veloċità tal-magna għandhom ikunu nulli. L-avveniment ta' riġenerazzjoni għandu jitlesta u, wara, il-proċedura għandha tkompli kif deskritt fil-paragrafu 4.3.5.1.1.

Jekk isseħħ interruzzjoni, ħsara jew errur mhux mistennija matul l-FCMC, il-kejl kollu b'dik il-modalità tal-veloċità tal-magna għandu jkun null u l-manifattur għandu jagħżel waħda mill-għażliet li ġejjin ta' kif ikompli.

4.3.5.1.1   Dispożizzjonijiet għat-tkomplija tal-FCMC

Il-magna għandha tinxtegħel u tissaħħan b'konformità mal-paragrafu 7.4.1. tal-Anness 4 għar-Regolament NU/KEE 49 Rev.06. Wara t-tisħin, il-magna għandha tiġi prekundizzjonata bit-tħaddim tal-magna għal 20 minuta fil-modalità 9, kif iddefinit fit-Tabella 1 tal-paragrafu 7.2.2. tal-Anness 4 għar-Regolament NU/KEE 49 Rev.06.

Il-kurva tat-tagħbija sħiħa tal-magna rreġistrata b'konformità mal-paragrafu 4.3.1 għandha tintuża għad-denormalizzazzjoni tal-valuri referenzjarji tal-modalità 9 imwettqa b'konformità mal-paragrafi 7.4.6, 7.4.7 u 7.4.8 tal-Anness 4 għar-Regolament NU/KEE 49 Rev.06.

Eżatt wara t-tlestija tal-prekundizzjonament, il-valuri fil-mira għall-veloċità u għat-torque tal-magna għandhom jinbidlu b'mod lineari fi ħdan 20 sa 46 sekonda għall-ogħla valur programmat fil-mira tat-torque fil-valur programmat fil-mira li jmiss tal-veloċità tal-magna li jkun ogħla mill-valur programmat fil-mira partikolari tal-veloċità tal-magna meta sseħħ l-interruzzjoni tal-FCMC. Jekk il-valur programmat fil-mira jintlaħaq f'inqas minn 46 sekonda, il-ħin li jifdal sas-sekonda 46 għandu jintuża għall-istabbilizzazzjoni.

Għall-istabbilizzazzjoni, l-operar tal-magna għandu jkompli minn dak il-punt b'konformità mas-sekwenza tat-test speċifikata fil-paragrafu 4.3.5.5 mingħajr reġistrazzjoni tal-valuri tal-kejl.

Meta jintlaħaq l-ogħla valur programmat fil-mira fil-valur programmat partikolari fil-mira tal-veloċità tal-magna li fih seħħet l-interruzzjoni, ir-reġistrazzjoni tal-valuri tal-kejl għandha titkompla minn dak il-waqt 'il quddiem bis-sekwenza tat-test speċifikata fil-paragrafu 4.3.5.5.

4.3.5.2   Grilja tal-valuri programmati fil-mira

Il-grilja ta' valuri programmati fil-mira hi stabbilita b'mod normalizzat u tikkonsisti f'10 valuri programmati fil-mira tal-veloċità tal-magna u fi 11-il valur programmat fil-mira tat-torque. Il-konverżjoni tad-definizzjoni tal-valur programmat normalizzat għall-valuri fil-mira attwali tal-valuri programmati tal-veloċità u tat-torque tal-magna għall-magna individwali ttestjata għandha tkun ibbażata fuq il-kurva tat-tagħbija sħiħa tal-magna tal-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3 għal dan l-Anness u rreġistrata b'konformità mal-paragrafu 4.3.1.

4.3.5.2.1   Definizzjoni ta' valuri programmati fil-mira tal-veloċità tal-magna

L-10 valuri programmati fil-mira tal-veloċità tal-magna huma ddefiniti minn 4 valuri programmati bażi fil-mira tal-veloċità tal-magna u minn 6 valuri programmati addizzjonali fil-mira tal-veloċità tal-magna.

Il-veloċitajiet tal-magna nidle, nlo, npref, n95h u nhi għandhom jiġu ddeterminati mill-kurva tat-tagħbija sħiħa tal-magna tal-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3 għal dan l-Anness u rreġistrata b'konformità mal-paragrafu 4.3.1 billi jiġu applikati d-definizzjonijiet tal-veloċitajiet tal-magni karatteristiċi b'konformità mal-paragrafu 7.4.6. tal-Anness 4 għar-Regolament NU/KEE 49 Rev.06.

Il-veloċità tal-magna n57 għandha tiġi ddeterminata bl-ekwazzjoni li ġejja:

n57 = 0.565 × (0.45 × nlo + 0.45 × npref + 0.1 × nhi – nidle) × 2.0327 + nidle

L-4 valuri programmati bażi fil-mira tal-veloċità tal-magna huma ddefiniti kif ġej:

Id-distanzi potenzjali bejn il-valuri programmati tal-veloċità għandhom jiġu ddeterminati bl-ekwazzjonijiet li ġejjin:

Il-valuri assoluti tad-devjazzjonijiet potenzjali bejn iż-żewġ taqsimiet għandhom jiġu ddeterminati bl-ekwazzjonijiet li ġejjin:

▼M1

Is-sitt valuri programmati addizzjonali fil-mira tal-veloċità tal-magna għandhom jiġu ddeterminati b'konformità mad-dispożizzjonijiet li ġejjin:

▼B

Il-Figura 1 turi b'eżempju d-definizzjoni tal-valuri programmati fil-mira tal-veloċità tal-magna skont is-subpunt (1) ta' hawn fuq.

Figura 1

Definizzjoni tal-valuri programmati tal-veloċità

4.3.5.2.2   Definizzjoni ta' valuri programmati fil-mira tat-torque

Il-11-il valur programmat fil-mira tat-torque huma ddefiniti minn 2 valuri programmati bażi fil-mira tat-torque u minn 9 valuri programmati addizzjonali fil-mira tat-torque. Iż-2 valuri programmati bażi tat-torque huma ddefiniti minn torque żero tal-magna u mit-tagħbija sħiħa massima tal-magna tal-magna referenzjarja ta' CO2 iddeterminata b'konformità mal-paragrafu 4.3.1. (torque massimu kumplessiv Tmax_overall). Id-9 valuri programmati addizzjonali fil-mira tat-torque huma ddeterminati bid-diviżjoni tal-medda mit-torque żero sat-torque massimu kumplessiv, Tmax_overall, f'10 taqsimiet ekwidistanti.

▼M1

Il-valuri programmati tat-torque fil-mira kollha f'valur programmat partikolari fil-mira tal-veloċità tal-magna li jaqbżu l-valur limitu ddefinit mill-valur tat-torque b'tagħbija sħiħa f'dan il-valur programmat partikolari fil-mira tal-veloċità tal-magna nieqes 5 fil-mija tat-Tmax_overall, għandhom jiġu sostitwiti minn valur programmat tat-torque uniku wieħed b'torque b'tagħbija sħiħa f'dan il-valur programmat partikolari fil-mira tal-veloċità tal-magna. Kull wieħed minn dawn il-valuri programmati ta' sostituzzjoni għandu jitkejjel darba biss matul is-sekwenza tat-test FCMC iddefinita skont il-paragrafu 4.3.5.5. Il-Figura 2 turi grafikament id-definizzjoni tal-valuri programmati tat-torque.

▼B

Figura 2

Definizzjoni tal-valuri programmati tat-torque

4.3.5.3   Sinjali tal-kejl u reġistrazzjoni tad-data

Għandha tiġi rreġistrata d-data tal-kejl li ġejja:

Il-kejl tal-inkwinanti gassużi għandu jsir b'konformità mal-paragrafi 7.5.1, 7.5.2, 7.5.3, 7.5.5, 7.7.4, 7.8.1, 7.8.2, 7.8.4 u 7.8.5 tal-Anness 4 għar-Regolament NU/KEE 49 Rev.06.

Għall-fini tal-paragrafu 7.8.4 tal-Anness 4 għar-Regolament NU/KEE 49 Rev.06, it-terminu “ċiklu ta' test” fil-paragrafu msemmi għandu jkun is-sekwenza sħiħa mill-prekundizzjonament b'konformità mal-paragrafu 4.3.5.4 sa tmiem is-sekwenza tat-test b'konformità mal-paragrafu 4.3.5.5.

4.3.5.4   Prekundizzjonament tas-sistema tal-magna

Is-sistema ta' dilwizzjoni, jekk applikabbli, u l-magna għandhom jinxtegħlu u jissaħħnu b'konformità mal-paragrafu 7.4.1. tal-Anness 4 tar-Regolament NU/KEE 49 Rev.06.

Wara li jitlesta t-tisħin, il-magna u s-sistema ta' kampjunar għandhom jiġu prekundizzjonati bl-operar tal-magna għal 20 minuta fil-modalità 9, kif iddefinit fit-Tabella 1 tal-paragrafu 7.2.2. tal-Anness 4 tar-Regolament NU/KEE 49 Rev.06, filwaqt li fl-istess ħin tkun qed tiġi operata s-sistema ta' dilwizzjoni.

Il-kurva tat-tagħbija sħiħa tal-magna tal-magna referenzjarja ta' CO2 tal-familja ta' CO2 tal-magni u rreġistrata b'konformità mal-paragrafu 4.3.1 għandha tintuża għad-denormalizzazzjoni tal-valuri referenzjarji tal-modalità 9 mwettqa b'konformità mal-paragrafi 7.4.6, 7.4.7 u 7.4.8 tal-Anness 4 tar-Regolament NU/KEE 49 Rev.06.

Eżatt wara t-tlestija tal-prekundizzjonament, il-valuri fil-mira għall-veloċità u għat-torque tal-magna għandhom jinbidlu b'mod lineari fi żmien 20 sa 46 sekonda biex jaqblu mal-ewwel valur programmat fil-mira tas-sekwenza tat-test skont il-paragrafu 4.3.5.5. Jekk l-ewwel valur programmat fil-mira jintlaħaq f'inqas minn 46 sekonda, il-ħin li jifdal sas-46 sekonda għandu jintuża għall-istabbilizzazzjoni.

4.3.5.5   Sekwenza tat-test

Is-sekwenza tat-test tikkonsisti f'valuri programmati fil-mira fi statiċità b'veloċità u b'torque tal-magna ddefiniti f'kull valur programmat fil-mira b'konformità mal-paragrafu 4.3.5.2 u rampi definiti biex valur programmat fil-mira wieħed jiġi segwit minn ieħor.

L-ogħla valur programmat fil-mira tat-torque f'kull veloċità tal-magna fil-mira għandu jiġi operat b'domanda massima tal-operatur.

L-ewwel valur programmat fil-mira hu ddefinit bl-ogħla valur programmat fil-mira tal-veloċità tal-magna u bl-ogħla valur programmat fil-mira tat-torque.

Għandhom jittieħdu l-passi li ġejjin biex jiġu koperti l-valuri programmati fil-mira kollha:

Il-Figura 3 turi t-tliet passi differenti li jridu jsiru f'kull valur programmat tal-kejl għat-test skont is-subpunt (1) iktar 'il fuq.

Figura 3

Passi li jridu jsiru f'kull valur programmat tal-kejl

Il-Figura 4 turi b'eżempju s-sekwenza tal-valuri programmati tal-kejl fi statiċità li jridu jiġu segwiti għat-test.

Figura 4

Is-sekwenza tal-valuri programmati tal-kejl fi statiċità

4.3.5.6   Evalwazzjoni tad-data għall-monitoraġġ tal-emissjonijiet

L-inkwinanti gassużi għandhom jiġu ssorveljati matul l-FCMC b'konformità mal-paragrafu 4.3.5.3. Għandhom japplikaw id-definizzjonijiet tal-veloċitajiet tal-magna karatteristiċi b'konformità mal-paragrafu 7.4.6. tal-Anness 4 għan-NU/KEE R.49.06.

4.3.5.6.1   Definizzjoni tal-erja ta' kontroll

L-erja ta' kontroll għall-monitoraġġ tal-emissjonijiet matul l-FCMC għandha tiġi ddeterminata b'konformità mal-paragrafi 4.3.5.6.1.1 u 4.3.5.6.1.2.

4.3.5.6.1.1   Medda tal-veloċità tal-magna għall-erja ta' kontroll

4.3.5.6.1.2   Medda tat-torque u tal-potenza tal-magna għall-erja ta' kontroll

Il-Figura 5 turi b'eżempju d-definizzjoni tal-medda tal-veloċità, tat-torque u tal-potenza tal-magna għall-erja ta' kontroll.

Figura 5

Eżempju tad-definizzjoni tal-medda tal-veloċità, tat-torque u tal-potenza tal-magna għall-erja ta' kontroll

4.3.5.6.2   Definizzjoni taċ-ċelluli ta' grilja

L-erja ta' kontroll b'konformità mal-paragrafu 4.3.5.6.1 għandha tinqasam f'numru ta' ċelluli ta' grilja għall-monitoraġġ tal-emissjonijiet matul l-FCMC.

Il-grilja għandha tinkludi 9 ċelluli għall-magni b'veloċità nominali ta' inqas minn 3 000 min– 1 u 12-il ċellola għall-magni b'veloċità nominali ta' 3 000 min– 1 jew iktar. Il-grilji għandhom jiġu ddefiniti b'konformità mad-dispożizzjonijiet li ġejjin:

Il-valuri kollha tal-veloċità tal-magna f'min– 1 u l-valuri kollha tat-torque fi Newtonmetri li jiddefinixxu l-limiti taċ-ċelluli ta' grilja għandhom jiġu arrotondati għal 2 postijiet wara l-punt deċimali b'konformità mal-ASTM E 29-06.

Il-Figura 6 turi b'eżempju d-definizzjoni taċ-ċelluli ta' grilja għall-erja ta' kontroll fil-każ ta' grilja b'9 ċelluli.

Figura 6

Eżempju ta' definizzjoni taċ-ċelluli ta' grilja għall-erja ta' kontroll għal grilja b'9 ċelluli

4.3.5.6.3   Kalkolu tal-emissjonijiet speċifiċi tal-massa

L-emissjonijiet speċifiċi tal-massa tal-inkwinanti gassużi għandhom jiġu ddeterminati bħala valur medju għal kull ċellula ta' grilja ddefinita b'konformità mal-paragrafu 4.3.5.6.2. Il-valur medju għal kull ċellula ta' grilja għandu jiġi ddeterminat bħala valur medjan aritmetiku tal-emissjonijiet speċifiċi tal-massa fuq il-punti kollha tal-veloċità u tat-torque tal-magna mkejla matul l-FCMC li jinsabu fi ħdan l-istess ċellula ta' grilja.

L-emissjonijiet speċifiċi tal-massa tal-veloċità u tat-torque uniċi mkejla matul l-FCMC għandhom jiġu ddeterminati bħala valur meħud bħala medja tul il-perjodu ta' kejl ta' 30±1 sekonda ddefinit b'konformità mas-subpunt (1) tal-paragrafu 4.3.5.5.

Jekk punt tal-veloċità u tat-torque ta' magna jinsab direttament fuq linja li tissepara ċelluli ta' grilja differenti minn xulxin, dan il-punt tal-veloċità u tat-tagħbija tal-magna għandu jiġi kkunsidrat għall-valuri medji taċ-ċelluli ta' grilja kontigwi kollha.

Il-kalkolu tal-emissjonijiet tal-massa totali ta' kull inkwinant gassuż għal kull punt tal-veloċità u tat-torque tal-magna mkejjel matul l-FCMC, mFCMC,i fi grammi, tul il-perjodu ta' kejl ta' 30±1 sekonda b'konformità mas-subpunt (1) tal-paragrafu 4.3.5.5 għandu jsir b'konformità mal-paragrafu 8 tal-Anness 4 għar-Regolament NU/KEE 49 Rev.06.

Ix-xogħol attwali tal-magna għal kull punt tal-veloċità u tat-torque tal-magna mkejjel matul l-FCMC, WFCMC,i f'kWh, tul il-perjodu ta' kejl ta' 30±1 sekonda b'konformità mas-subpunt (1) tal-paragrafu 4.3.5.5 għandu jiġi ddeterminat mill-valuri tal-veloċità u tat-torque tal-magna rreġistrati b'konformità mal-paragrafu 4.3.5.3.

L-emissjonijiet speċifiċi tal-massa tal-inkwinanti gassużi eFCMC,i f'g/kWh għal kull punt tal-veloċità u tat-torque tal-magna mkejjel matul l-FCMC għandhom jiġu ddeterminati bl-ekwazzjoni li ġejja:

eFCMC,i = mFCMC,i / WFCMC,i

4.3.5.7   Validità tad-data

4.3.5.7.1   Rekwiżiti għall-istatistiki tal-validazzjoni tal-FCMC

Għall-FCMC għandha ssir analiżi tar-rigressjoni lineari tal-valuri attwali tal-veloċità tal-magna (nact), tat-torque tal-magna (Mact) u tal-potenza tal-magna (Pact) fuq il-valuri referenzjarji rispettivi (nref, Mref, Pref). Il-valuri attwali għal nact, għal Mact u għal Pact għandhom jiġu ddeterminati mill-valuri rreġistrati b'konformità mal-paragrafu 4.3.5.3.

Ir-rampi biex isir avvanz minn valur programmat fil-mira wieħed għal li jmiss għandhom jiġu esklużi minn din l-analiżi ta' rigressjoni.

Sabiex jiġi minimizzat l-effett tal-perjodu latenti bejn il-valuri attwali u referenzjarji matul iċ-ċiklu, is-sekwenza kollha tas-sinjali attwali tal-veloċità u tat-torque tal-magna tista' tiġi avvanzata jew ittardjata fil-ħin fir-rigward tas-sekwenza tal-veloċità u tat-torque ta' referenza. Jekk is-sinjali attwali juru bidla, kemm l-veloċità kif ukoll it-torque għandhom jiġu aġġustati bl-istess ammont u fl-istess direzzjoni

Il-metodu ta' rigressjoni lineari għandu jintuża għall-analiżi ta' rigressjoni b'konformità mal-paragrafi A.3.1 u A.3.2 tal-Appendiċi 3 għall-Anness 4 għar-Regolament NU/KEE 49 Rev.06, bl-iktar ekwazzjoni xierqa fil-forma ddefinita fil-paragrafu 7.8.7 tal-Anness 4 għar-Regolament NU/KEE 49 Rev.06. Hu rakkomandat li din l-analiżi ssir f'1 Hz.

Għall-finijiet ta' din l-analiżi ta' rigressjoni biss, l-omissjonijiet tal-punti ġew awtorizzati meta msemmija fit-Tabella 4 (Omissjonijiet permessi ta' punti mill-analiżi ta' rigressjoni) tal-Anness 4 għar-Regolament NU/KEE 49 Rev.06 qabel ma sar il-kalkolu ta' rigressjoni. Barra minn hekk, il-valuri kollha tat-torque u tal-potenza tal-magna b'domanda massima tal-operatur għandhom jiġu omessi għall-finijiet ta' din l-analiżi ta' rigressjoni biss. Madankollu, il-punti omessi għall-finijiet tal-analiżi ta' rigressjoni m'għandhomx jiġu omessi għal kwalunkwe kalkolu ieħor b'konformità ma' dan l-Anness. L-ommissjoni ta' punti tista' tiġi applikata għaċ-ċiklu kollu jew għal xi parti minnu.

Biex id-data tiġi kkunsidrata valida għandhom jiġu ssodisfati l-kriterji tat-Tabella 3 (Tolleranzi tal-linja ta' rigressjoni għad-WHSC) tal-Anness 4 għar-Regolament NU/KEE 49 Rev.06.

4.3.5.7.2   Rekwiżiti għall-monitoraġġ tal-emissjonijiet

Id-data miksuba mit-testijiet tal-FCMC hi valida jekk l-emissjonijiet speċifiċi tal-massa tal-inkwinanti gassużi rregolati ddeterminati għal kull ċellula ta' grilja b'konformità mal-paragrafu 4.3.5.6.3 jissodisfaw il-limiti applikabbli għall-inkwinanti gassużi ddefiniti fil-paragrafu 5.2.2 tal-Anness 10 għar-Regolament NU/KEE 49 Rev.06. F'każ li n-numru ta' punti tal-veloċità u tat-torque tal-magna fi ħdan l-istess ċellula ta' grilja jkun inqas minn 3, dan il-paragrafu m'għandux japplika għal dik iċ-ċellula ta' grilja speċifika.

5.   Postproċessar tad-data tal-kejl

Il-kalkoli kollha ddefiniti f'dan il-paragrafu għandhom isiru b'mod speċifiku għal kull magna fi ħdan familja waħda ta' CO2 tal-magni.

5.1   Kalkolu tax-xogħol tal-magna

▼M1

Ix-xogħol totali tal-magna tul ċiklu jew tul perjodu ddefinit għandu jiġi ddeterminat mill-valuri rreġistrati tal-potenza tal-magna ddeterminati b'konformità mal-paragrafu 3.1.2 ta' dan l-Anness u mal-paragrafi 6.3.5. u 7.4.8. tal-Anness 4 tar-Regolament NU/KEE 49 Rev.06.

▼B

Ix-xogħol tal-magna tul ċiklu ta' ttestjar sħiħ jew tul kull subċiklu tad-WHTC għandu jiġi ddeterminat bl-integrazzjoni ta' valuri rreġistrati tal-potenza tal-magna b'konformità mal-formula li ġejja:

fejn:

5.2   Kalkolu tal-konsum tal-fjuwil integrat

Kwalunkwe valur negattiv għall-konsum tal-fjuwil għandu jintuża direttament u m'għandux jiġi ssettjat għal żero għall-kalkoli tal-valur integrat.

Il-massa totali tal-fjuwil ikkonsmata mill-magna tul ċiklu tat-test sħiħ jew tul kull subċiklu tad-WHTC għandha tiġi ddeterminata bl-integrazzjoni tal-valuri rreġistrati tal-fluss tal-massa tal-fjuwil b'konformità mal-formula li ġejja:

fejn:

5.3   Kalkolu ta' ċifri speċifiċi tal-konsum tal-fjuwil

Il-fatturi ta' korrezzjoni u ta' bbilanċjar, li jridu jiġu pprovduti bħala input għall-għodda ta' simulazzjoni, huma kkalkolati mill-għodda ta' preproċessar tal-magna fuq il-bażi taċ-ċifri speċifiċi mkejlin tal-konsum tal-fjuwil tal-magna ddeterminati b'konformità mal-paragrafi 5.3.1 u 5.3.2.

5.3.1   Ċifri speċifiċi tal-konsum tal-fjuwil għall-koeffiċjent ta' korrezzjoni tad-WHTC

Iċ-ċifri speċifiċi tal-konsum tal-fjuwil meħtieġa għall-koeffiċjent ta' korrezzjoni tad-WHTC għandhom jiġu kkalkolati mill-valuri mkejla attwali għad-WHTC bi startjar sħun irreġistrati b'konformità mal-paragrafi 4.3.3 kif ġej:

fejn:

It-3 subċikli differenti tad-WHTC – urban, rurali u awtostrada – għandhom jiġu ddefiniti kif ġej:

5.3.2   Ċifri speċifiċi tal-konsum tal-fjuwil għall-fattur ta' bbilanċjar tal-emissjoni kiesaħ-sħun

Iċ-ċifri speċifiċi tal-konsum tal-fjuwil meħtieġa għall-fattur ta' bbilanċjar tal-emissjoni kiesaħ-sħun għandhom jiġu kkalkolati mill-valuri mkejla attwali kemm għat-test tad-WHTC bi startjar sħun kif ukoll dak bi startjar kiesaħ li huma rreġistrati b'konformità mal-paragrafi 4.3.3. Il-kalkoli għandhom isiru kemm għad-WHTC bi startjar sħun kif ukoll bi startjar kiesaħ b'mod separat kif ġej:

fejn:

5.3.3   Ċifri speċifiċi tal-konsum tal-fjuwil tul id-WHSC

Iċ-ċifri speċifiċi tal-konsum tal-fjuwil tul id-WHSC għandhom jiġu kkalkolati mill-valuri mkejla attwali għad-WHSC irreġistrati b'konformità mal-paragrafi 4.3.4 kif ġej:

SFCWHSC = (Σ FCWHSC) / (WWHSC)

fejn:

5.3.3.1   Ċifri speċifiċi kkoreġuti tal-konsum tal-fjuwil tul id-WHSC

Il-konsum speċifiku kkalkolat tal-fjuwil tul id-WHSC, SFCWHSC, iddeterminat b'konformità mal-paragrafu 5.3.3 għandu jiġi aġġustat għal valur ikkoreġut, SFCWHSC,corr, biex jingħata kont lid-differenza bejn l-NCV tal-fjuwil użat matul l-ittestjar u l-NCV standard għat-teknoloġija rispettiva tal-fjuwil tal-magna b'konformità mal-ekwazzjoni li ġejja:

fejn:

5.3.3.2   Dispożizzjonijiet speċjali għall-fjuwil ta' referenza B7

F'każ li matul l-ittestjar intuża l-fjuwil ta' referenza tat-tip B7 (Diżil/CI) b'konformità mal-paragrafu 3.2, il-korrezzjoni ta' standardizzazzjoni b'konformità mal-paragrafu 5.3.3.1 m'għandhiex issir u l-valur ikkoreġut, SFCWHSC,corr, għandu jiġi stabbilit għall-valur mhux ikkoreġut SFCWHSC.

5.4   Il-koeffiċjent ta' korrezzjoni għall-magni mgħammra b'sistemi ta' posttrattament tal-egżost li huma riġenerati fuq bażi perjodika

Għall-magni mgħammra b'sistemi ta' posttrattament tal-egżost li huma riġenerati fuq bażi perjodika ddefiniti b'konformità mal-paragrafu 6.6.1 tal-Anness 4 għar-Regolament NU/KEE 49 Rev.06, il-konsum tal-fjuwil għandu jiġi aġġustat biex jieħu f'kunsiderazzjoni l-avvenimenti ta' riġenerazzjoni b'koeffiċjent ta' korrezzjoni.

Dan il-koeffiċjent ta' korrezzjoni, CFRegPer, għandu jiġi ddeterminat b'konformità mal-paragrafu 6.6.2 tal-Anness 4 għar-Regolament NU/KEE 49 Rev.06.

Għall-magni mgħammra b'sistemi ta' posttrattament tal-egżost b'riġenerazzjoni kontinwa, iddefiniti b'konformità mal-paragrafu 6.6 tal-Anness 4 għar-Regolament NU/KEE 49 Rev.06, m'għandu jiġi ddeterminat ebda koeffiċjent ta' korrezzjoni u l-valur tal-fattur CFRegPer għandu jiġi stabbilit għal 1.

Il-kurva tat-tagħbija sħiħa tal-magna rreġistrata b'konformità mal-paragrafu 4.3.1 għandha tintuża għad-denormalizzazzjoni taċ-ċiklu ta' referenza tad-WHTC u l-kalkoli kollha tal-valuri referenzjarji mwettqa b'konformità mal-paragrafi 7.4.6, 7.4.7 u 7.4.8 tal-Anness 4 għar-Regolament NU/KEE 49 Rev.06.

Minbarra d-dispożizzjonijiet iddefiniti fl-Anness 4 għar-Regolament NU/KEE 49 Rev.06, il-fluss attwali tal-massa tal-fjuwil ikkonsmata mill-magna b'konformità mal-paragrafu 3.4 għandu jiġi rreġistrat għal kull test tad-WHTC bi startjar sħun imwettaq b'konformità mal-paragrafu 6.6.2 tal-Anness 4 għar-Regolament NU/KEE 49 Rev.06.

Il-konsum speċifiku tal-fjuwil għal kull test tad-WHTC bi startjar sħun għandu jiġi kkalkolat bl-ekwazzjoni li ġejja:

SFCmeas, m = (Σ FCmeas, m) / (Wact, m)

fejn:

Il-valuri speċifiċi tal-konsum tal-fjuwil għat-testijiet individwali tad-WHTC għandhom jiġu ponderati bl-ekwazzjoni li ġejja:

fejn:

Il-koeffiċjent ta' korrezzjoni, CFRegPer, għandu jiġi kkalkolat bl-ekwazzjoni li ġejja:

6.   Applikazzjoni tal-għodda ta' preproċessar tal-magna

L-għodda ta' preproċessar tal-magna għandha tiġi eżegwita għal kull magna fi ħdan familja waħda ta' CO2 tal-magni billi jintuża l-input iddefinit fil-paragrafu 6.1.

Id-data tal-output tal-għodda ta' preproċessar tal-magna għandha tkun ir-riżultat finali tal-proċedura tat-test tal-magna u għandha tiġi ddokumentata.

6.1   Id-data tal-input għall-għodda ta' preproċessar tal-magna

Id-data tal-input li ġejja għandha tiġi ġġenerata mill-proċeduri tat-test speċifikati f'dan l-Anness u għandha tiddaħħal fl-għodda ta' preproċessar tal-magna

6.1.1   Kurva tat-tagħbija sħiħa tal-magna referenzjarja ta' CO2

Id-data tal-input għandha tkun il-kurva tat-tagħbija sħiħa tal-magna tal-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3 għal dan l-Anness u rreġistrata b'konformità mal-paragrafu 4.3.1.

F'każ li, fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, il-kurva tat-tagħbija sħiħa tal-magna ta' dik il-magna speċifika rreġistrata b'konformità mal-paragrafu 4.3.1 għandha tintuża bħala d-data tal-input.

Id-data tal-input għandha tiġi pprovduta fil-format tal-fajl ta' “valuri separati b'virgola” bil-karattru separatur li jkun il-Karattru tal-Unicode “COMMA” (U+002C) (“,”). L-ewwel linja tal-fajl għandha tintuża bħala intestatura u m'għandu jkun fiha ebda data reġistrata. Id-data reġistrata għandha tibda mit-tieni linja tal-fajl.

L-ewwel kolonna tal-fajl għandha tkun il-veloċità tal-magna f'min– 1 arrotondata għal 2 postijiet wara l-punt deċimali b'konformità mal-ASTM E 29-06. It-tieni kolonna għandha tkun it-torque f'Nm arrotondat għal 2 postijiet wara l-punt deċimali b'konformità mal-ASTM E 29-06.

6.1.2   Kurva tat-tagħbija sħiħa

Id-data tal-input għandha tkun il-kurva tat-tagħbija sħiħa tal-magna rreġistrata b'konformità mal-paragrafu 4.3.1.

Id-data tal-input għandha tiġi pprovduta fil-format tal-fajl ta' “valuri separati b'virgola” bil-karattru separatur li jkun il-Karattru tal-Unicode “COMMA” (U+002C) (“,”). L-ewwel linja tal-fajl għandha tintuża bħala intestatura u m'għandu jkun fiha ebda data reġistrata. Id-data reġistrata għandha tibda mit-tieni linja tal-fajl.

L-ewwel kolonna tal-fajl għandha tkun il-veloċità tal-magna f'min– 1 arrotondata għal 2 postijiet wara l-punt deċimali b'konformità mal-ASTM E 29-06. It-tieni kolonna għandha tkun it-torque f'Nm arrotondat għal 2 postijiet wara l-punt deċimali b'konformità mal-ASTM E 29-06.

6.1.3   Kurva tal-motoraġġ tal-magna referenzjarja ta' CO2

Id-data tal-input għandha tkun il-kurva tal-motoraġġ tal-magna tal-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3 għal dan l-Anness u rreġistrata b'konformità mal-paragrafu 4.3.2.

F'każ li, fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, il-kurva tal-motoraġġ tal-magna ta' dik il-magna speċifika rreġistrata b'konformità mal-paragrafu 4.3.2 għandha tintuża bħala d-data tal-input.

Id-data tal-input għandha tiġi pprovduta fil-format tal-fajl ta' “valuri separati b'virgola” bil-karattru separatur li jkun il-Karattru tal-Unicode “COMMA” (U+002C) (“,”). L-ewwel linja tal-fajl għandha tintuża bħala intestatura u m'għandu jkun fiha ebda data reġistrata. Id-data reġistrata għandha tibda mit-tieni linja tal-fajl.

L-ewwel kolonna tal-fajl għandha tkun il-veloċità tal-magna f'min– 1 arrotondata għal 2 postijiet wara l-punt deċimali b'konformità mal-ASTM E 29-06. It-tieni kolonna għandha tkun it-torque f'Nm arrotondat għal 2 postijiet wara l-punt deċimali b'konformità mal-ASTM E 29-06.

6.1.4   Mappa tal-konsum tal-fjuwil tal-magna referenzjarja ta' CO2

Id-data tal-input għandha tkun il-valuri tal-veloċità tal-magna, tat-torque tal-magna u tal-fluss tal-massa tal-fjuwil iddeterminati għall-magna referenzjarja ta' CO2 tal-familja ta' CO2 tal-magni ddefinita b'konformità mal-Appendiċi 3 għal dan l-Anness u rreġistrata b'konformità mal-paragrafu 4.3.5.

F'każ li, fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, il-valuri tal-veloċità tal-magna, tat-torque tal-magna u tal-fluss tal-massa tal-fjuwil għal dik il-magna speċifika rreġistrata b'konformità mal-paragrafu 4.3.5 għandhom jintużaw bħala d-data tal-input.

Id-data tal-input għandha tikkonsisti biss fil-valuri medji tal-kejl tal-veloċità tal-magna, tat-torque tal-magna u tal-fluss tal-massa tal-fjuwil tul il-perjodu ta' kejl ta' 30±1 sekonda ddeterminati b'konformità mas-subpunt (1) tal-paragrafu 4.3.5.5.

Id-data tal-input għandha tiġi pprovduta fil-format tal-fajl ta' “valuri separati b'virgola” bil-karattru separatur li jkun il-Karattru tal-Unicode “COMMA” (U+002C) (“,”). L-ewwel linja tal-fajl għandha tintuża bħala intestatura u m'għandu jkun fiha ebda data reġistrata. Id-data reġistrata għandha tibda mit-tieni linja tal-fajl.

L-ewwel kolonna tal-fajl għandha tkun il-veloċità tal-magna f'min– 1 arrotondata għal 2 postijiet wara l-punt deċimali b'konformità mal-ASTM E 29-06. It-tieni kolonna għandha tkun it-torque f'Nm arrotondat għal 2 postijiet wara l-punt deċimali b'konformità mal-ASTM E 29-06. It-tielet kolonna għandha tkun l-fluss tal-massa tal-fjuwil fi g/siegħa arrotondat għal 2 postijiet wara l-punt deċimali b'konformità mal-ASTM E 29-06.

6.1.5   Ċifri speċifiċi tal-konsum tal-fjuwil għall-koeffiċjent ta' korrezzjoni tad-WHTC

Id-data tal-input għandha tkun it-tliet valuri għall-konsum speċifiku tal-fjuwil tul is-subċikli differenti tad-WHTC – urban, rurali u awtostrada – fi g/kWh iddeterminati b'konformità mal-paragrafu 5.3.1.

Il-valuri għandhom jiġu arrotondati għal 2 postijiet wara l-punt deċimali b'konformità mal-ASTM E 29-06.

6.1.6   Ċifri speċifiċi tal-konsum tal-fjuwil għall-fattur ta' bbilanċjar tal-emissjoni kiesaħ-sħun

Id-data tal-input għandha tkun iż-żewġ valuri għall-konsum speċifiku tal-fjuwil tul id-WHTC bi startjar sħun u bi startjar kiesaħ fi g/kWh iddeterminati b'konformità mal-paragrafu 5.3.2.

Il-valuri għandhom jiġu arrotondati għal 2 postijiet wara l-punt deċimali b'konformità mal-ASTM E 29-06.

6.1.7   Il-koeffiċjent ta' korrezzjoni għall-magni mgħammra b'sistemi ta' posttrattament tal-egżost li huma riġenerati fuq bażi perjodika

Id-data tal-input għandha tkun il-koeffiċjent ta' korrezzjoni CFRegPer iddeterminat b'konformità mal-paragrafu 5.4.

Għall-magni mgħammra b'sistemi ta' posttrattament tal-egżost b'riġenerazzjoni kontinwa, iddefiniti b'konformità mal-paragrafu 6.6.1 tal-Anness 4 għar-Regolament NU/KEE 49 Rev.06, dan il-fattur għandu jiġi ssettjat għal 1 b'konformità mal-paragrafu 5.4.

Il-valur għandu jiġi arrotondat għal 2 postijiet wara l-punt deċimali b'konformità mal-ASTM E 29-06.

6.1.8   NCV tal-fjuwil tat-test

Id-data tal-input għandha tkun l-NCV tal-fjuwil tat-test f'MJ/kg iddeterminat b'konformità mal-paragrafu 3.2.

▼M1

Il-valur għandu jiġi arrotondat għal 2 postijiet wara l-punt deċimali b'konformità mal-ASTM E 29-06.

▼B

6.1.9   Tip ta' fjuwil tat-test

Id-data tal-input għandha tkun it-tip tal-fjuwil tat-test magħżul b'konformità mal-paragrafu 3.2.

6.1.10   Veloċità idle tal-magna referenzjarja ta' CO2

Id-data tal-input għandha tkun il-veloċità tal-magna, nidle, f'min– 1 tal-magna referenzjarja ta' CO2 tal-familja ta' CO2 tal-magna b'konformità mal-Appendiċi 3 għal dan l-Anness kif iddikjarata mill-manifattur fl-applikazzjoni għaċ-ċertifikazzjoni fid-dokument ta' informazzjoni mfassal b'konformità mal-mudell stabbilit fl-Appendiċi 2.

F'każ li, fuq talba tal-manifattur, jiġu applikati d-dispożizzjonijiet iddefiniti fl-Artikolu 15(5) ta' dan ir-Regolament, il-veloċità idle tal-magna ta' dik il-magna speċifika għandu jintuża bħala d-data tal-input.

Il-valur għandu jiġi arrotondat għall-eqreb numru sħiħ b'konformità mal-ASTM E 29-06.

6.1.11   Veloċità idle tal-magna

Id-data tal-input għandha tkun il-veloċità tal-magna, nidle, f'min– 1 tal-magna, kif iddikjarata mill-manifattur fl-applikazzjoni għaċ-ċertifikazzjoni fid-dokument ta' informazzjoni mfassal b'konformità mal-mudell stabbilit fl-Appendiċi 2 ta' dan l-Anness.

Il-valur għandu jiġi arrotondat għall-eqreb numru sħiħ b'konformità mal-ASTM E 29-06.

6.1.12   Ċilindrata

Id-data tal-input għandha tkun iċ-ċilindrata f'ccm tal-magna, kif iddikjarata mill-manifattur fl-applikazzjoni għaċ-ċertifikazzjoni fid-dokument ta' informazzjoni mfassal b'konformità mal-mudell stabbilit fl-Appendiċi 2 ta' dan l-Anness.

Il-valur għandu jiġi arrotondat għall-eqreb numru sħiħ b'konformità mal-ASTM E 29-06.

6.1.13   Il-veloċità nominali tal-magna

Id-data tal-input għandha tkun il-veloċità tal-magna, nidle, f'min-– 1 tal-magna, kif iddikjarata mill-manifattur fl-applikazzjoni għaċ-ċertifikazzjoni 3.2.1.8 fid-dokument ta' informazzjoni mfassal b'konformità mal-mudell stabbilit fl-Appendiċi 2 għal dan l-Anness.

Il-valur għandu jiġi arrotondat għall-eqreb numru sħiħ b'konformità mal-ASTM E 29-06.

6.1.14   Potenza nominali tal-magna

Id-data tal-input għandha tkun il-potenza nominali f'kW tal-magna kif iddikjarata mill-manifattur fl-applikazzjoni għaċ-ċertifikazzjoni 3.2.1.8 fid-dokument ta' informazzjoni mfassal b'konformità mal-mudell stabbilit fl-Appendiċi 2 għal dan l-Anness.

Il-valur għandu jiġi arrotondat għall-eqreb numru sħiħ b'konformità mal-ASTM E 29-06.

6.1.15   Manifattur

Id-data tal-input għandha tkun isem il-manifattur tal-magna bħala sekwenza ta' karattri f'kodifikazzjoni ISO8859-1.

6.1.16   Mudell

Id-data tal-input għandha tkun isem il-mudell tal-magna bħala sekwenza ta' karattri f'kodifikazzjoni ISO8859-1.

6.1.17   ID tar-Rapport Tekniku

Id-data tal-input għandha tkun identifikatur uniku tar-rapport tekniku kkumpilat għall-approvazzjoni tat-tip tal-magna speċifika. L-identifikatur għandu jiġi pprovdut bħala sekwenza ta' karattri f'kodifikazzjoni ISO8859-1.

Appendiċi 1

MUDELL TA' ĊERTIFIKAT TA' KOMPONENT, UNITÀ TEKNIKA JEW SISTEMA SEPARATA

Format massimu: A4 (210 × 297 mm)

ĊERTIFIKAT DWAR IL-PROPRJETAJIET RELATATI MAL-EMISSJONIJIET TA' CO2 U MAL-KONSUM TAL-FJUWIL TA' FAMILJA TAL-MAGNA

ta' ċertifikat dwar il-proprjetajiet relatati mal-emissjonijiet ta' CO2 u mal-konsum tal-fjuwil ta' familja tal-magna b'konformità mar-Regolament tal-Kummissjoni (UE) 2017/2400.

Ir-Regolament tal-Kummissjoni (UE) 2017/2400, kif emendat l-aħħar bi …

Numru ta' ċertifikazzjoni:

Hash:

Raġuni għall-estensjoni:

TAQSIMA I

TAQSIMA II

Dokumenti mehmużin:

Pakkett ta' informazzjoni. Rapport tat-test.

Appendiċi 2

Dokument ta' Informazzjoni dwar il-Magna

Noti dwar il-mili tat-tabelli

L-ittri A, B, C, D, E li jikkorrispondu għal membri tal-familja ta' CO2 tal-magni għandhom jiġu sostitwiti bl-ismijiet proprji tal-membri tal-familja CO2 tal-magni.

F'każ meta għal ċerta karatteristika ta' magna japplika/tapplika l-istess valur/deskrizzjoni għall-membri kollha tal-familja ta' CO2 tal-magni, iċ-ċelluli li jikkorrispondu għal A-E għandhom jingħaqdu flimkien.

Fil-każ li l-familja ta' CO2 tal-magna tikkonsisti minn iktar minn ħames membri, jistgħu jiżdiedu aktar kolonni ġodda.

L-“Appendiċi għad-dokument ta' informazzjoni” għandu jiġi kkupjat u jimtela għal kull magna fi ħdan familja ta' CO2 b'mod separat.

In-noti ta' spjegazzjoni f'qiegħ il-paġna jistgħu jinstabu fl-aħħar nett ta' dan l-Appendiċi.

PARTI 1

Karatteristiċi essenzjali tal-magna (ġenitur) u tat-tipi ta' magna f'familja tal-magna