Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

    Il-politika komuni tas-sajd tal-UE

     

    SOMMARJU TA’:

    Ir-Regolament (UE) Nru 1380/2013 dwar il-politika komuni tas-sajd

    X’INHU L-GĦAN TAR-REGOLAMENT?

    • Ir-regolament jinkludi r-regoli bażiċi tal-politika komuni tas-sajd (PKS) fl-Unjoni Ewropea (UE).
    • L-għan tal-PKS huwa li tiżgura li l-attivitajiet tas-sajd u l-akkwakultura jikkontribwixxu għal sostenibbiltà ambjentali, ekonomika u soċjali fit-tul. F’konformità mal-Patt Ekoloġiku Ewropew (ara s-sommarju) u l-istrateġija tal-bijodiversità 2030 (ara s-sommarju), is-sajd tal-UE huwa rregolat mill-prinċipju ta’ prekawzjoni biex tillimita l-impatt tal-attivitajiet tas-sajd fuq l-ekosistema marina.
    • Il-PKS tibni fuq erba’ pilastri:
    • Il-PKS tistabbilixxi r-regoli għall-ġestjoni tas-sajd, u b’hekk tikkontribwixxi għall-konservazzjoni tar-riżorsi bijoloġiċi marini, żieda fil-produttività, standard ta’ ħajja ġusta għas-settur tas-sajd, swieq stabbli u d-disponibilità ta’ provvisti tal-ikel bi prezzijiet raġonevoli. Fejn jidħlu miżuri tas-suq u miżuri finanzjarji, il-PKS tkopri wkoll riżorsi bijoloġiċi tal-ilma ħelu u attivitajiet tal-akkwakultura, kif ukoll l-ipproċessar u l-kummerċjalizzazzjoni ta’ prodotti tas-sajd u tal-akkwakultura.

    PUNTI EWLENIN

    • Il-ġestjoni tas-sajd għandha l-għan li tippermetti lis-sajjieda jimmassimizzaw il-qabdiet tagħhom mingħajr ma jheddu r-riproduzzjoni tal-istokkijiet tal-ħut (ir-“rendiment massimu sostenibbli”*. Għal dan il-għan, qabdiet totali permissibbli (jew “opportunitajiet għas-sajd”) huma stabbiliti għal ħafna stokkijiet ta’ ħut kummerċjali. Il-livelli tas-sajd għandhom jikkonformaw mal-livelli tar-rendiment massimu sostenibbli għall-istokkijiet kollha sal-2015, jekk possibbli, mhux aktar tard mill-2020.
    • Il-ġestjoni tal-istokkijiet tal-ħut huwa bbażat fuq parir xjentifiku. L-Istati Membri tal-UE għandhom jiġbru, jimmaniġġjaw u jagħmlu disponibbli d-data meħtieġa għal parir xjentifiku. Dan jinkludi data bijoloġika, ambjentali u soċjoekonomika. Attivitajiet tal-ġbir tad-data huma appoġġati finanzjarjament mill-UE.
    • Meta tintroduċi obbligu ta’ ħatt l-art*, il-PKS għandha l-għan li ttemm il-prattika ta’ ħala tar-ritorn ta’ qabdiet mhux mixtieqa fil-baħar (rimi). l-obbligu ta’ ħatt l-art tneħħa b’mod gradwali fuq il-perjodu 2015–2019 u issa huwa kompletament fis-seħħ, u jeħtieġ li s-sajjieda jħottu l-art il-qabdiet kollha ta’ speċi kummerċjali regolati.
    • Pjanijiet pluriennali jistabbilixxu miri għall-immaniġġjar tal-istokkijiet tal-ħut. Minħabba li l-adozzjoni ta’ pjanijiet pluriennali jew pjanijiet ta’ ġestjoni li jinkludu pjanijiet ta’ rimi tieħu aktar żmien milli previst, ir-Regolament (UE) 2017/2092 (jemenda r-Regolament (UE) Nru 1380/2013) jagħti s-setgħa lill-Kummissjoni Ewropea biex tadotta pjanijiet ta’ rimi.
    • Miżuri tekniċi huma grupp ta’ regoli wiesa’ li jirregolaw kif, fejn u meta s-sajjieda jistgħu jistagħdu. Dawn huma stabbiliti għall-baċiri tal-ibħra Ewropej kollha, imma huma differenti ħafna bejn baċir tal-baħar u ieħor, u jirriflettu ċirkostanzi reġjonali.
    • Il-PKS tiddeċentralizza t-teħid tad-deċiżjonijiet billi tqarribha lejn iż-żoni tas-sajd (proċess magħruf bħala reġjonalizzazzjoni). Hija tipprovdi għall-istabbiliment ta’ kunsilli konsultattivi għal kull żona ġeografika. Stati Membri b’interess ta’ maniġment f’żona partikolari jistgħu jipproponu miżuri dettaljati, li l-Kummissjoni tista’ tadotta fil-liġi tal-UE.
    • Sistema ta’ kontroll tas-sajd tiżgura konformità mar-regoli tal-PKS, inkluża l-ġlieda kontra sajd illegali, mhux irrappurtat u mhux regolat (Ir-Regolament (KE) Nru 1005/2008 – ara s-sommarju). Ir-Regolament (UE) Nru 1026/2012 (ara s-sommarju) jistabbilixxi r-regoli li japplikaw għall-konservazzjoni tal-istokkijiet tal-ħut f’pajjiżi b’sajd mhux sostenibbli.
    • Standards ġodda ta’ kummerċjalizzazzjoni fir-rigward ta’ tikkettar, kwalità u traċċabilità jippermettu lill-konsumaturi jkunu infurmati aħjar dwar l-oriġini tal-ħut li jixtru u l-mod ta’ produzzjoni tiegħu.
    • Il-prinċipju tas-sostenibbiltà issa japplika għall-bastimenti tal-UE li jistadu barra l-ilmijiet tal-UE. Il-Kummissjoni tingħata s-setgħa li tinnegozja u tikkonkludi ftehimiet ta’ sħubija dwar is-sajd sostenibbli f’isem l-UE ma’ ċerti pajjiżi msieħba mhux tal-UE. Dawn il-ftehimiet:
      • Iħallu bastimenti tal-UE biex jistadu għal stokkijiet żejda fiż-żona ekonomika esklużiva* tal-pajjiż imsieħeb tal-pajjiż sieħeb f’ambjent regolat legalment bi tpattija għal kontribuzzjoni finanzjarja;
      • jiffokaw fuq il-konservazzjoni tar-riżorsi u s-sostenibbiltà ambjentali, jiżguraw li l-bastimenti kollha tal-UE jkunu soġġetti għall-istess regoli ta’ kontroll u trasparenza.
    • L-Istati Membri għandhom jappoġġjaw l-iżvilupp ta’ akkwakultura sostenibbli permezz ta’ pjanijiet nazzjonali pluriennali.

    Reviżjoni tal-PKS riformata

    Kull sena, il-Kummissjoni tippubblika komunikazzjoni li tiddeskrivi l-progress dwar is-sitwazzjoni tal-istokkijiet tal-ħut u tniedi konsultazzjoni pubblika wiesgħa dwar l-iffissar ta’ opportunitajiet tas-sajd annwali għas-sena li ġejja. Din il-komunikazzjoni tevalwa l-progress li sar lejn is-sostenibilità tas-sajd fl-UE u tirrevedi l-bilanċ bejn kapaċitajiet tas-sajd u opportunitajiet tas-sajd, il-prestazzjoni soċjoekonomika tas-settur u l-implimentazzjoni tal-obbligu tal-ħatt l-art. Hija tistabbilixxi wkoll ir-razzjonal għall-proposta tal-opportunitajiet tas-sajd għas-sena ta’ wara.

    MINN META JAPPLIKA R-REGOLAMENT?

    Ilhu japplika mill-1 ta’ Jannar 2014.

    SFOND

    • Il-PKS tnediet għall-ewwel darba fl-1970. Għaddiet minn bosta riformi, li l-aktar reċenti tagħhom daħlu fis-seħħ fl-1 ta’ Jannar 2014.
    • Għal iktar informazzjoni, ara:

    TERMINI PRINĊIPALI

    Rendiment massimu sostenibbli. L-akbar rendiment teoretiku ta’ ekwilibriju li jista’ jittieħed kontinwament bħala medja minn stokk f’kundizzjonijiet ambjentali eżistenti medji mingħajr ma jiġi affettwat b’mod sinifikanti l-proċess tar-riproduzzjoni.
    Obbligu ta’ ħatt l-art. Ir-rekwiżiti għal bastimenti tal-UE biex iħottu l-art il-qabdiet kollha biex ittemm il-prattiċi ħalja li jirritornaw qabdiet mhux mixtieqa fil-baħar.
    Iż-żona ekonomika esklussiva. Żona ta’ ilma kostali u qiegħ il-baħar f’ċerta distanza tal-linja tal-kosta ta’ pajjiż, li għaliha l-pajjiż jitlob drittijiet esklussivi għas-sajd, it-tħaffir u attivitajiet ekonomiċi oħrajn.

    DOKUMENT EWLIENI

    Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, pp. 22–61).

    Emendi suċċessivi għar-Regolament (UE) Nru 1380/2013 ġew inkorporati fit-test oriġinali. Din il-verżjoni konsolidata għandha valur dokumentarju biss.

    DOKUMENTI RELATATI

    Ir-Regolament (UE) 2021/1139 tal-Parlament Ewropew u tal-Kunsill tas-7 ta’ Lulju 2021 li jistabbilixxi l-Fond Ewropew għall-Affarijiet Marittimi, is-Sajd u l-Akkwakultura u li jemenda r-Regolament (UE) Nru 2017/1004 (ĠU L 247, 13.7.2021, pp. 1-49).

    Komunikazzjoni tal-Kummissjoni lill-Parlament Ewropew u lill-Kunsill – Lejn sajd aktar sostenibbli fl-UE: is-sitwazzjoni attwali u l-orjentazzjonijiet għall-2022 (COM(2021) 279 final, 9.6.2021).

    Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Il-Patt Ekoloġiku Ewropew (COM(2019) 640 final, 11.12.2019).

    Ir-Regolament (UE) 2019/1241 tal-Parlament Ewropew u tal-Kunsill tal-20 ta’ Ġunju 2019 dwar il-konservazzjoni ta’ riżorsi tas-sajd u l-protezzjoni ta’ ekosistemi tal-baħar permezz ta’ miżuri tekniċi, li jemenda r-Regolamenti tal-Kunsill (KE) Nru 1967/2006, (KE) Nru 1224/2009 u r-Regolamenti (UE) Nru 1380/2013, (UE) 2016/1139, (UE) 2018/973, (UE) 2019/472 u (UE) Nru 2019/1022 tal-Parlament Ewropew u tal-Kunsill, u li jħassar ir-Regolamenti tal-Kunsill (KE) Nru 894/97, (KE) Nru 850/98, (KE) Nru 2549/2000, (KE) Nru 254/2002, (KE) Nru 812/2004 u (KE) Nru 2187/2005 (ĠU L 198, 25.7.2019, pp. 105–201).

    Ara l-verżjoni konsolidata.

    Ir-Regolament (UE) 2017/1004 tal-Parlament Ewropew u tal-Kunsill tas-17 ta’ Mejju 2017 dwar it-twaqqif ta’ qafas tal-Unjoni għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni dwar is-Sajd u li jħassar ir-Regolament tal-Kunsill (KE) Nru 199/2008 (ĠU L 157, 20.6.2017, pp. 1–21).

    Ara l-verżjoni konsolidata.

    Ir-Regolament (UE) 2016/1627 tal-Parlament Ewropew u tal-Kunsill tal- 14 ta’ Settembru 2016 dwar pjan pluriennali għall-irkupru tat-tonn fil-Lvant tal-Atlantiku u fil-Mediterran, u li jħassar ir-Regolament tal-Kunsill (KE) Nru 302/2009 (ĠU L 252, 16.9.2016, pp. 1–52).

    Ara l-verżjoni konsolidata.

    Ir-Regolament (UE) 1026/2012 tal-Parlament Ewropew u tal-Kunsill tal-25 ta’ Ottubru 2012 dwar ċerti miżuri għall-iskop tal-konservazzjoni tal-istokkijiet tal-ħut fir-rigward ta’ pajjiżi li jippermettu sajd mhux sostenibbli (ĠU L 316, 14.11.2012, pp. 34–37).

    Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-politika komuni tas-sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, pp. 1-50).

    Ara l-verżjoni konsolidata.

    Ir-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, u li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jirrevoka r-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, pp. 1–32).

    Ara l-verżjoni konsolidata.

    l-aħħar aġġornament 21.03.2022

    Top