EUR-Lex Access to European Union law
This document is an excerpt from the EUR-Lex website
Document 52011PC0032
Proposal for a DIRECTIVE OF THE EUROPEAN PARLIAMENT AND OF THE COUNCIL on the use of Passenger Name Record data for the prevention, detection, investigation and prosecution of terrorist offences and serious crime
Proposta għal DIRETTIVA TAL-PARLAMENT EWROPEW U TAL-KUNSILL dwar l-użu tad-dejta fir-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji
Proposta għal DIRETTIVA TAL-PARLAMENT EWROPEW U TAL-KUNSILL dwar l-użu tad-dejta fir-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji
/* KUMM/2011/0032 finali - COD 2011/0023 */
/* KUMM/2011/0032 finali - COD 2011/0023 */ Proposta għal DIRETTIVA TAL-PARLAMENT EWROPEW U TAL-KUNSILL dwar l-użu tad-dejta fir-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji
[pic] | IL-KUMMISSJONI EWROPEA | Brussel 2.2.2011 KUMM(2011) 32 finali 2011/0023 (COD) Proposta għal DIRETTIVA TAL-PARLAMENT EWROPEW U TAL-KUNSILL dwar l-użu tad-dejta fir-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji {SEG(2011) 132 finali}{SEG(2011) 133 finali} MEMORANDUM TA’ SPJEGAZZJONI 1. KUNTEST TAL-PROPOSTA - Raġunijiet u għanijiet tal-proposta Matul l-aħħar deċennju l-UE u partijiet oħra tad-dinja raw żieda fid-delitti serji u kriminalità organizzata, bħat-traffikar tal-bnedmin[1] u d-drogi[2]. Skont l- EU Source book tal-Istatistika dwar il-Kriminalità u l-Ġustizzja, fl-2007 għal kull 100,000 persuna kien hemm 14,000 reat kriminali fl-Istati Membri tal-UE (bl-eċċezzjoni tal-Italja u l-Portugall peress li ma kienx hemm dejta disponibbli), dawn kienu jvarjaw bejn 14,465 reat fl-Isvezja sa 958 reat f'Ċipru. Il-Valutazzjoni tat-Theddida tal-Kriminalità Organizzata tal-UE tal-2009 (OCTA 2009) tal-Europol, tenfasizza li ħafna mill-kriminalità organizzata tinvolvi vvjaġġar internazzjonali, tipikament immirat għall-kutrabandu tal-bnedmin, drogi jew oġġetti illeċiti oħra lejn l-UE. Fl-istess ħin, insibu terroristi u organizzazzjonijiet terroristiċi kemm ġewwa kif ukoll barra l-fruntieri tal-UE. L-attakki terroristiċi fl-Istati Uniti fl-2001, l-attakk terroristiku sfrattat f’Awwissu 2006 li kien intenzjonat li jisplodi numru ta’ inġenji tal-ajru fi triqthom mir-Renju Unit lejn l-Istati Uniti, u l-attentat ta’ attakk terroristiku abbord titjira minn Amsterdam lejn Detroit f’Diċembru 2009 wrew l-abbiltà li għandhom it-terroristi sabiex jorganizzaw attakki, u jattakkaw titjiriet internazzjonali, fi kwalunkwe pajjiż. Skont ir-Rapport tal-Europol tal-2010 dwar is-Sitwazzjoni u x-Xejra tat-Terroriżmu fl-UE, filwaqt li matul l-2009 t-terroriżmu fl-UE naqas, it-theddida tat-terroriżmu tibqa’ reali u serja: Bosta mill-attivitajiet terroristiċi għandhom karattru transnazzjonali u jinvolvu vvjaġġar internazzjonali[3], inter alia lejn kampijiet tat-taħriġ barra mill-UE, għal din ir-raġuni qed issir talba għal aktar kooperazzjoni bejn l-awtoritajiet tal-infurzar tal-liġi. Id-delitti serji u r-reati terroristiċi jikkawżaw ħsara kbira lill-vittmi, joħolqu ħsara ekonomika fuq skala kbira u jimminaw is-sens ta' sigurtà, li mingħajrhom in-nies ma jistgħux jeżerċitaw b'mod effettiv il-libertà u d-drittijiet individwali tagħhom. Valutazzjoni minn studju li ġie ppubblikat fl-2009[4] għall-Organizzazzjoni Internazzjonali tax-Xogħol turi li fl-2007 x-xogħol sfurzat ta’ nies li ma jitħallsux kif mistħoqq, li jirriżulta mit-traffikar tal-bnedmin, fl-ekonomiji industrijalizzati sewa $2 508 368 218, filwaqt li t-total dinji kien ta' $19 598 020 343. Iċ-Ċentru Ewropew għall-Monitoraġġ tad-Droga u d-Dipendenza fuq id-Droga ħareġ ir-Rapport Annwali tal-2010 dwar is-sitwazzjoni tal-problema tad-droga fl-Ewropa fejn dan jenfasizza n-natura globali tal-problema tad-drogi u l-ħsara kbira li qiegħda dejjem tikber li tinvolvi. Peress li timmina l-iżvilupp soċjali u li tiffinanzja l-korruzzjoni u l-kriminalità organizzata din tirrappreżenta theddida reali għall-Unjoni Ewropea. Kull sena fl-UE jmutu madwar 1,000 persuna minħabba l-kokaina. In-numru ta' nies fl-Ewropa li jużaw l-opjojdi huwa madwar 1.35 miljun. Fir-rigward tal-impatti ekonomiċi u soċjali tad-droga, fl-2008, 22 Stat Membru tal-UE rrapportaw li n-nefqa totali relatata mad-droga illeċita kienet ta' EUR 4.2 biljun. Studju ieħor, mill-Home Office tar-Renju Unit[5], kejjel il-kostijiet magħmula għall-prevenzjoni tad-delitti, bħan-nefqa għad-difiża, il-kostijiet bħala konsegwenza tad-delitti, bħall-impatt fiżiku u emozzjonali fuq il-vittma u l-valur ta' kwalunkwe proprjetà misruqa u l-kostijiet magħmula b'reazzjoni għad-delitti, inklużi l-kostijiet għas-sistema tal-ġustizzja kriminali. Fl-2003 l-kostijiet tagħhom tkejlu għal £36 166 000 000. Sadattant, erbgħa minn kull ħames ċittadini Ewropej jixtiequ jaraw azzjoni aktar b’saħħitha fuq il-livell tal-UE kontra l-kriminalità organizzata u kontra t-terroriżmu[6]. Bħala reazzjoni għat-theddida li ħolqu d-delitti serji u t-terroriżmu, u l-abbolizzjoni tal-kontrolli interkonfinali skont il-Konvenzjoni ta' Schengen, l-UE adottat miżuri għall-ġbir u l-iskabju ta' dejta personali bejn l-awtoritajiet tal-infurzar tal-liġi u awtoritajiet oħra. Għalkemm dawn il-miżuri kienu ta' għajnuna, għandhom tendenza li jiffokaw fuq dejta relatata ma' persuni li diġà huma suspettati, jiġifieri persuni li huma "magħrufa" mal-awtoritajiet tal-infurzar tal-liġi. Is-Sistema ta' Informazzjoni ta' Schengen (SIS)[7] is-Sistema ta' Informazzjoni ta' Schengen tat-tieni ġenerazzjoni (SIS II)[8], is-Sistema ta' Informazzjoni dwar il-Viża (VIS)[9], u s-Sistema ta' Dħul/Ħruġ mistennija huma eżempji ta' tali miżuri. Fir-rapport tagħha ‘Dehra ġenerali tal-ġestjoni tal-informazzjoni fil-qasam tal-libertà, sigurtà u ġustizzja’[10], il-Kummissjoni pprovdiet analiżi ta’ dawk il-miżuri u indikat il-bżonn għal kooperazzjoni akbar bejn l-awtoritajiet tal-infurzar tal-liġi dwar passiġġieri fuq titjiriet internazzjonali, inkluż użu aktar sistematiku tad-dejta dwar ir-Reġistru tal-Ismijiet tal-Passiġġieri (PNR) ta’ dawn il-passiġġieri għal skopijiet ta’ nfurzar tal-liġi. Il-‘Programm ta’ Stokkolma — Ewropa libera u sigura li taqdi u tipproteġi ċ-ċittadini’[11] jitlob wkoll li l-Kummissjoni tippreżenta proposta għall-użu tad-dejta tal-PNR għall-prevenzjoni, l-iskoperta, l-investigazzjoni u l-prosekuzzjoni tat-terroriżmu u delitti serji. Id-dejta tal-PNR hija informazzjoni mhux ivverifikata pprovduta mill-passiġġieri, u miġbura minn u miżmuma fis-sistemi tal-kontroll tar-riservazzjoni u tat-tluq tat-trasportaturi għall-iskopijiet kummerċjali tagħhom. Fiha ħafna tipi differenti ta’ informazzjoni, bħal dati tal-ivvjaġġar, itinerajru tal-ivvjaġġar, informazzjoni dwar il-biljetti, dettalji dwar il-kuntatti, l-aġent tal-ivvjaġġar fejn it-titjira kienet ipprenotata, il-mezzi ta’ kif sar il-ħlas, in-numru tal-post u informazzjoni dwar il-bagalji. L-awtoritajiet tal-infurzar tal-liġi jistgħu jużaw id-dejta tal-PNR f’bosta modi: reattiv: użu fl-investigazzjonijiet, prosekuzzjonijiet, qbid ta’ netwerks wara li jkun sar delitt. Sabiex jippermetti lill-awtoritajiet tal-infurzar tal-liġi sabiex jmorru lura fiż-żmien biżżejjed, perjodu xieraq ta’ żamma tad-dejta mill-awtoritajiet tal-infurzar tal-liġi huwa meħtieġ; f’ħin reali: użu qabel il-wasla jew it-tluq ta’ passiġġieri sabiex jiprevjenu delitt, sorveljanza jew arrest ta’ persuni qabel iseħħ delitt jew għax delitt kien jew qiegħed iseħħ. F’dawn il-każijiet id-dejta tal-PNR hija meħtieġa għall-paragun kontra kriterji tal-valutazzjoni stabbiliti minn qabel sabiex jidentifikaw suspettati li qabel kienu ‘mhux magħrufa’ u għall-paragun kontra databases differenti ta’ persuni u oġġetti mfittxa; proattiv: użu tad-dejta għall-analiżi u ħolqien ta’ kriterji tal-valutazzjoni, li mbagħad tista' tintuża għall-valutazzjoni ta' qabel il-wasla u ta' qabel it-tluq ta' passiġġieri. Sabiex titwettaq din l-analiżi tar-relevanza għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji, ikun meħtieġ perjodu xieraq ta’ żamma tad-dejta mill-awtoritajiet tal-infurzar tal-liġi. Ġbir, analiżi u żamma aktar sistematiċi tad-dejta tal-PNR dwar it-titjiriet internazzjonali, soġġetti għal garanziji stretti dwar il-protezzjoni tad-dejta, jistgħu jsaħħu l-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji u, kif spjegat aktar hawn taħt, huma meħtieġa sabiex jaffrontaw dak it-theddid għas-sigurtà u jnaqqsu l-ħsara li joħolqu. L-użu tad-dejta tal-PNR, madankollu, bħalissa mhux regolat fuq livell tal-UE. Għalkemm li numru limitat biss ta' Stat Membru stabbilixxew sistema tal-PNR s'issa, bosta minnhom jużaw dejta tal-PNR għall-prevenzjoni, l-iskoperta, l-investigazzjoni u l-prosekuzzjoni ta' reati terroristiċi u delitti serji b’mod mhux sistematiku jew taħt poteri ġenerali mogħtija lill-pulizija jew awtoritajiet oħrajn. Fl-UE, ir-Renju Unit diġà għandu sistema tal-PNR, filwaqt li Franza, id-Danmarka, il-Belġju, l-Isvezja u l-Bajjiżi l-Baxxi jew ippromulgaw il-leġiżlazzjoni rilevanti jew bħalissa qegħdin jittestjaw bl-użu tad-dejta tal-PNR. Bosta Stati Membri oħrajn qed jikkunsidraw li jistabbilixxu sistemi tal-PNR. Dawn il-miżuri nazzjonali jvarjaw f'numru ta' aspetti, inkluż l-iskop tas-sistema, il-perjodu taż-żamma tad-dejta, l-istruttura tas-sistema, l-iskop ġeografiku u l-metodi tat-trasport kopert. Hemm possibbiltà kbira li hekk kif jiġi adottat il-qafas regolatorju sħiħ dwar l-użu tad-dejta tal-PNR f’dawk l-Istati Membri, ikun hemm regoli diverġenti dwar il-protezzjoni tad-dejta u fuq il-miżuri li jiżguraw is-sigurtà tat-trasferimenti tad-dejta. Bħala riżultat, jistgħu jinħolqu sa 27 sistema konsiderevolment diverġenti. Dan jirriżulta f’livelli mhux uniformi tal-protezzjoni tad-dejta personali madwar l-UE, nuqqasijiet fis-sigurtà, iżjed spejjeż u inċertezza legali għat-trasportaturi bl-ajru u anke għall-passiġġieri. Il-proposta għalhekk għandha l-għan li tarmonizza d-dispożizzjonijiet tal-Istati Membri dwar obbligi għal trasportaturi bl-ajru, tħaddim ta’ titjiriet bejn pajjiżi terzi u t-territorju ta' mill-inqas Stat Membru wieħed, li tittrażmetti dejta tal-PNR lill-awtoritajiet kompetenti bl-iskop tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. Dan ma jobbligax lit-trasportaturi bl-ajru jiġbru xi informazzjoni addizzjonali mill-passiġġieri jew li jżommu xi dejta, u lanqas jobbliga lill-passiġġieri sabiex jipprovdu xi dejta addizzjonali ma' minn dik li diġà qed tiġi pprovduta lit-trasportaturi bl-ajru. Huwa meħtieġ li jiġu imposti dawk l-obbligi legali fuq it-trasportaturi bl-ajru għar-raġunijiet li ġejjin. L-ewwel, id-dejta tal-PNR tippermetti lill-awtoritajiet tal-infurzar tal-liġi sabiex jidentifikaw persuni, li qabel kienu “mhux magħrufa”, jiġifieri persuni li qabel kienu mhux suspettati u jistgħu jkunu involuti f’delitt serju jew f’terroriżmu, iżda meta d-dejta tagħhom tiġi analizzata din tissuġġerixxi li setgħu jkunu involuti f'tali delitti u li għalhekk dawn il-persuni għandhom ikunu soġġetti għal aktar eżaminazzjoni mill-awtoritajiet kompetenti. L-identifikar ta' tali persuni jgħin lill-awtoritajiet tal-infurzar tal-liġi biex jiprevjenu u jiskopru delitti serji inklużi atti ta' terroriżmu. Sabiex jinkiseb dan l-awtoritajiet tal-infurzar tal-liġi jeħtieġu li jużaw id-dejta tal-PNR kemm f'ħin reali sabiex jagħmlu paragun tal-PNR ma’ kriterji ta’ valutazzjoni stabbiliti minn qabel li jindikaw liema persuni li qabel kienu ‘mhux magħrufa’ jeħtieġu li jiġu eżaminati aktar, kif ukoll b'mod proattiv għall-istabbiliment tal-kriterji ta’ valutazzjoni. Pereżempju, analiżi tad-dejta tal-PNR tista' tagħti indikazzjonijiet dwar ir-rotot tal-ivjaġġar l-aktar użati għat-traffikar tal-bnedmin jew drogi li jistgħu jsiru parti tal-kriterji ta’ valutazzjoni. Meta jsir paragun f'ħin reali tad-dejta tal-PNR ma’ tali kriterji, jistgħu jiġu evitati jew skoperti xi delitti. Eżempju konkret mogħti minn Stat Membru huwa każ fejn l-analiżi tal-PNR kixfet grupp ta' traffikanti tal-bnedmin li jivvjaġġaw dejjem fuq l-istess rotta. Waqt li jużaw dokumenti foloz għaċ- check-in għal titjira interna, jużaw dokumenti awtentiċi biex fl-istess ħin jagħmlu cheque-in għal titjira oħra lejn pajjiż terz. Ladarba jkunu fis-sala tal-ajruport, huma jitilgħu abbord it-titjira interna. Mingħajr il-PNR ma setgħax ikun possibbli li jinqabad dan in-network tat-traffikar tal-bnedmin. B'hekk l-użu proattiv flimkien mal-użu f'ħin reali tad-dejta tal-PNR jippermetti lill-awtoritajiet tal-infurzar tal-liġi sabiex jindirizzaw it-theddida tad-delitti serji u t-terroriżmu minn perspettiva differenti u mhux permezz tal-ipproċessar ta' kategoriji oħrajn ta' dejta personali: kif spjegat aktar ‘l isfel, l-ipproċessar tad-dejta personali disponibbli għall-awtoritajiet tal-infurzar tal-liġi permezz tal-miżuri eżistenti u dawk ippjanati fuq il-livell tal-UE bħad-Direttiva dwar l-Informazzjoni minn Qabel dwar il-Passiġġieri[12], is-Sistema ta' Informazzjoni ta' Schengen (SIS) u s-Sistema ta' Informazzjoni ta' Schengen tat-tieni ġenerazzjoni (SIS II) ma jippermettux lill-awtoritajiet tal-infurzar tal-liġi li jidentifikaw suspettati li qabel kienu ‘mhux magħrufa’ bħal ma tagħmel id-dejta tal-PNR. It-tieni, id-dejta tal-PNR tgħin lill-awtoritajiet tal-infurzar tal-liġi għall-prevenzjoni, l-iskoperta, l-investigazzjoni u l-prosekuzzjoni ta' delitti serji, inklużi atti ta' terroriżmu, wara li d-delitt ikun seħħ diġà. Sabiex jinkiseb dan, l-awtoritajiet tal-infurzar tal-liġi jeħtieġu li jużaw id-dejta tal-PNR f'ħin reali sabiex jipparagunawha ma' bosta databases differenti ta’ persuni 'magħrufa' u oġġetti mfittxija. Huma jeħtieġu wkoll li jużaw id-dejta tal-PNR b'mod reattiv sabiex titwaqqaf evidenza u, fejn rilevanti, sabiex jinstabu assoċjati ta' kriminali u jinqabdu netwerks kriminali. Pereżempju, l-informazzjoni tal-karta tal-kreditu li hija parti tad-dejta tal-PNR tista' tippermetti lill-awtoritajiet tal-infurzar tal-liġi li jidentifikaw u jagħtu prova ta' konnessjoni bejn persuna u kriminal magħruf jew organizzazzjoni kriminali magħrufa. Eżempju mogħti minn Stat Membru jirrigwarda traffikar fuq skala kbira ta' bnedmin u drogi li jinvovli Stat Membru u pajjiżi terzi. Il-Kartelli kienu qegħdin jimpurtaw id-drogi f'bosta destinazzjonijiet fl-Ewropa. Huma kienu qegħdin jużaw persuni li jittrasportaw id-drogi billi jibilgħuhom u li kienu huma nnifishom persuni traffikati. Huma ġew identifikati fuq il-bażi li xtraw il-biljett b'karti tal-kreditu misruqa fuq il-bażi tal-PNR. Dan wassal għal arresti fl-Istat Membru. Fuq din il-bażi, ġie stabbilit kriterju ta' valutazzjoni li huwa nnifsu wassal għal bosta arresti addizzjonali fi Stati Membri u pajjiżi terzi oħrajn. Fl-aħħar, l-użu tad-dejta tal-PNR qabel il-wasla tippermetti li l-awtoritajiet tal-infurzar tal-liġi jagħmlu valutazzjoni u jwettqu kontroll aktar mill-viċin ta’ dawk il-persuni li x'aktarx jistgħu jkunu ta’ theddida għas-sigurtà biss, fuq il-bażi ta’ kriterji ta' valutazzjoni oġġettivi u esperjenza preċedenti. Dan jiffaċilita l-ivvjaġġar tal-passiġġieri kollha l-oħra u jnaqqas ir-riskju li passiġġieri jiġu soġġetti għal kontrolli malli jidħlu fl-UE fuq il-bażi ta' kriterji illegali bħal nazzjonalità jew kulur tal-ġilda li jistgħu jiġu assoċċjati b'mod ħażin mar-riskji tas-sigurtà mill-awtoritajiet tal-infurzar tal-liġi, inklużi d-dwana u l-għassa tal-fruntieri. Il-miżuri proposti jinkludu l-ġbir u l-ipproċessar tad-dejta tal-PNR mill-awtoritajiet tal-infurzar tal-liġi u għalhekk għandhom impatt fuq id-drittijiet tal-privatezza u tal-protezzjoni tad-dejta. Sabiex tiġi żgurata konformità mal-prinċipju tal-proporzjonalità, il-proposta hija għalhekk, kif spjegat aktar ‘l isfel, limitata bir-reqqa fl-ambitu u fiha garanziji stretti fuq il-protezzjoni tad-dejta. Il-ħtieġa li tintuża d-dejta tal-PNR, b'mod limitat u soġġetta għal-garanziji stretti fuq il-protezzjoni tad-dejta, hija appoġġjata minn numru ta' elementi fattwali, kif rifless fil-Valutazzjoni ta' Impatt li takkumpanja din il-proposta. Fin-nuqqas tad-dispożizzjonijiet armonizzati dwar il-ġbir u l-ipproċessar tad-dejta tal-PNR fuq il-livell tal-UE, l-istatistiċi dettaljati dwar il-limitu safejn tali dejta tgħin fil-prevenzjoni, l-iskoperta, l-investigazzjoni u l-prosekuzzjoni ta' delitti serji u terroriżmu mhumiex disponibbli. Madankollu l-ħtieġa li tintuża d-dejta tal-PNR hija appoġġjata minn informazzjoni minn pajjiżi terzi kif ukoll Stati Membri li diġa' jużaw tali dejta tal-PNR għal skopijiet ta’ nfurzar tal-liġi. L-esperjenza ta’ dawn il-pajjiżi wriet li l-użu tad-dejta tal-PNR wasslet għal progress kritiku, b’mod partikolari, fil-ġlieda kontra d-drogi, it-traffikar tal-bnedmin u t-terroriżmu, u fehim aħjar tal-kompożizzjoni u l-operazzjonijiet ta' netwerks terroristiċi u netwerks kriminali oħrajn. Fir-rigward tad-drogi, l-Istati Membri indikaw li l-maġġoranza tal-qbid sar minħabba l-użu f'ħin reali u proattiv tad-dejta tal-PNR. Il-Belġju rrapporta li 95% tal-qabdiet kollha tad-drogi fl-2009 saru esklussivament jew fuq livell determinanti bis-saħħa tal-ipproċessar tad-dejta tal-PNR. L-Isvezja rrapporta li bejn 65-75% tal-qabdiet kollha tad-drogi fl-2009 saru esklussivament jew fuq livell determinanti bis-saħħa tal-ipproċessar tad-dejta tal-PNR. Dawn irrappreżentaw 278.9 kilo ta’ kokaina u kwantitajiet addizzjonali ta’ eroina u drogi oħrajn. Ir-Renju Unit rrapporta li matul perjodu ta’ 6 xhur fl-2010, 212-il kilo ta’ kokaina u 20 kilo ta’ eroina nqabdu esklussivament jew fuq livell determinanti bis-saħħa tal-ipproċessar tad-dejta tal-PNR. - Kuntest ġenerali Fis-6 ta’ Novembru 2007 il-Kummissjoni adottat proposta għal Deċiżjoni Qafas tal-Kunsill dwar l-użu tad-dejta tar-Reġistru tal-Ismijiet tal-Passiġġieri (PNR) għal skopijiet tal-infurzar tal-liġi[13] (minn hawn ’il quddiem ‘il-proposta tal-2007’). Il-proposta ġiet diskussa fit-tul fil-gruppi ta’ ħidma tal-Kunsill u l-progress li ntlaħaq fid-diskussjonijiet ġie approvat mill-Kunsill tal-Ġustizzja u l-Affarijiet Interni f’Jannar, Lulju u Novembru 2008. Id-diskussjonijiet dwar il-proposta fil-gruppi tal-ħidma ppermettew li jintlaħaq kunsens fuq ħafna mid-dispożizzjonijiet tal-proposta[14]. Mad-dħul fis-seħħ tat-Trattat dwar il-Funzjonament tal-Unjoni Ewropea (TFUE) fl-1 ta’ Diċembru 2009, il-proposta tal-Kummissjoni, li kienet għadha mhux adottata mill-Kunsill, skadiet. Din il-proposta kurrenti tissostitwixxi l-proposta tal-2007 u hija bbażata fuq id-dispożizzjonijiet tat-TFUE. Din tikkunsidra r-rakkomandazzjonijiet tal-Parlament Ewropew kif iddikjarat fir-Riżoluzzjoni ta' Novembru 2008[15] u tirrifletti l-aħħar stat tad-diskussjonijiet fil-gruppi ta’ ħidma tal-Kunsill fl-2009. Din tikkunsidra woll l-opinjonijiet mill-Kontrollur Ewropew tal-Protezzjoni tad-Dejta[16], l-Artikolu 29 tal-Grupp ta’ Ħidma tal-Protezzjoni tad-Dejta[17] u l-Aġenzija għad-Drittijiet Fundamentali[18]. - Dispożizzjonijiet eżistenti fil-qasam tal-proposta Id-dejta tal-PNR hija differenti minn u m’għandhiex tiġi konfuża mal-Informazzjoni minn Qabel dwar il-Passiġġieri (API). Id-dejta tal-API hija informazzjoni bijografika meħuda mill-parti ta' passaport li tinqara mill-magna u tinkludi l-isem, il-post tat-twelid u n-nazzjonalità tal-persuni, in-numru tal-passaport u d-data tal-iskadenza. Għalhekk, din id-dejta hija differenti u aktar limitata fl-ambitu meta mqabbla mad-dejta tal-PNR. FL-UE, l-użu tal-API huwa rregolat mid-Direttiva tal-API[19]. Id-Direttiva tipprovdi li d-dejta tal-API għandha tkun disponibbli għall-awtoritajiet tal-kontroll tal-fruntiera, fuq it-talba ta’ kull Stat Membru, għal titjiriet li jidħlu fit-territorju tal-UE bl-iskop li jittejbu l-kontrolli tal-fruntieri u għall-ġlieda kontra l-immigrazzjoni irregolari. Għalkemm l-użu tagħhom għal skopijiet ta’ nfurzar tal-liġi huwa permess mid-Direttiva, dan huwa possibbli biss jekk jiġu ssodisfati kriterji speċifiċi. Għalhekk, għalkemm id-dejta tal-API f’xi każijiet tintuża mill-awtoritajiet tal-infurzar tal-liġi sabiex jiġu identifikati persuni suspetti u persuni mfittxija, tintuża l-aktar bħala verifika tal-identità u għodda tal-ġestjoni tal-fruntieri. Barra minn hekk, id-dejta tal-API ma tippermettix li l-awtoritajiet tal-infurzar tal-liġi jmexxu valutazzjoni ta’ passiġġieri, u għalhekk ma jiffaċilitawx l-iskoperta ta' kriminali jew terroristi li s'issa għadhom 'mhux magħrufa'. Is- Sistema ta' Informazzjoni ta' Schengen (SIS) tfittex li żżomm is-sigurtà pubblika, inkluża s-sigurtà nazzjonali, fi ħdan iż-żona Schengen. Is-SIS hija sistema ta' informazzjoni ċentralizzata li tinkludi parti nazzjonali f'kull stat parteċipanti u funzjoni ta' appoġġ tekniku fi Franza. L-Istati Membri jistgħu joħorġu twissijiet għal persuni mfittxija għall-arrest għal skopijiet ta' estradizzjoni; barranin li m'għandhomx jiddaħħlu fil-pajjiż; persuni neqsin; xhieda jew dawk li jirċievu taħrika ġudizzjarja; persuni u vetturi soġġetti għal kontrolli addizzjonali; vetturi, dokumenti u armi tan-nar mitlufa jew misruqa; u karti tal-flus suspetti. Is- Sistema ta' Informazzjoni dwar il-Viża (VIS) tfittex li tindirizza dan it-tħassib: l-iskop tagħha huwa li tgħin fl-implimentazzjoni ta' politika komuni dwar il-viża billi tiffaċilità l-analiżi ta' applikazzjonijiet għal viżi u l-kontrolli tal-fruntieri esterni filwaqt li tikkontribwixxi lejn il-prevenzjoni ta' theddid għas-sigurtà interna tal-Istati Membri. Hija sistema ta' informazzjoni ċentralizzata li tinkludi parti nazzjonali f'kull stat parteċipanti u funzjoni ta' appoġġ tekniku fi Franza. Il-VIS se tuża Sistema ta' Tqabbil Bijometriku sabiex tiżgura t-tqabbil affidabbli tal-marki tas-swaba', u se tintuża fil-fruntieri esterni sabiex tivverifika l-identità tad-detenturi ta' viża. Hija se tinkludi dejta dwar l-applikazzjonijiet tal-viża, ritratti, marki tas-swaba', deċiżjonijiet relatati tal-awtoritajiet tal-viża u konnessjonijiet bejn l-applikazzjonijiet relatati. Għalhekk, bħall-API, is-SIS u l-VIS jintużaw primarjament bħala verifika tal-identità u għodda tal-ġestjoni tal-fruntieri u huma utli biss fejn l-identità tas-suspettat tkun magħrufa. Dawn l-istrumenti la huma utli sabiex issir valutazzjoni tal-persuni u lanqas sabiex jinkixfu kriminali jew terroristi 'mhux magħrufa'. Ftehimiet għat-trasferiment ta’ dejta tal-PNR fil-kuntest tal-ġlieda kontra delitti transnazzjonali serju u t-terroriżmu, limitati għall-ivvjaġġar bl-ajru, ġew iffirmat bejn l-UE u l-Istati Uniti, il-Kanada u l-Awstralja. Dawn jeħtieġu li t-trasportaturi bl-ajru, li jiġbru d-dejta tal-PNR tal-passiġġieri għall-iskopijiet kummerċjali tagħhom, jittrażmettu din id-dejta lill-awtoritajiet kompetenti tal-Istati Uniti, il-Kanada u l-Awstralja. Dawn it-tliet ftehimiet waslu biex jiġu negozjati mill-ġdid matul l-2011. Pajjiżi oħra, b’mod partikolari l-Korea t’Isfel u l-Ġappun, ukoll talbu biex jinnegozjaw tali ftehimiet. Il-Kummissjoni ppreżentat l-elementi ewlenin ta’ politika tal-UE f’dan il-qasam fil-Komunikazzjoni tagħha tal-21 ta’ Settembru 2010 ‘Dwar l-approċċ globali għat-trasferiment ta’ dejta tar-Reġistru tal-Ismijiet tal-Passiġġieri (PNR) lejn pajjiżi terzi[20]. Din il-proposta hija kompetament koerenti mal-politika ppreżentata f’dik il-Komunikazzjoni. - Konsistenza mal-politika u l-iskopijiet l-oħra tal-UE Is-Sistema ta' Informazzjoni ta' Schengen (SIS)[21], is-Sistema ta' Informazzjoni ta' Schengen tat-tieni ġenerazzjoni (SIS II)[22], is-Sistema ta' Informazzjoni tal-Visa (VIS)[23], u s-Sistema tad-Dħul/Ħruġ mistennija u l-Programm tal-Vjaġġaturi Rreġistrati huma miżuri tal-UE li jittrattaw direttament ma’ azzjonijiet li fiżikament jiġru fuq il-fruntieri. Għalkemm il-PNR hija dejta dwar il-passiġġieri konnessa mal-ivvjaġġar, din tintuża primarjament bħala għodda tal-intelligence dwar il-kriminali minflok bħala għodda tal-kontroll fuq il-fruntieri. Din tintuża qabel il-qsim tal-fruntiera u mhux fuq il-qsim tal-fruntiera stess. L-iskop ewlieni għall-użu tad-dejta tal-PNR huwa għall-ġlieda kontra t-terroriżmu u delitti serji milli għall-ġlieda kontra l-immigrazzjoni irregolari u li jiġu ffaċilitati l-kontrolli fuq il-fruntiera. Il-proposta la tbiddel u lanqas tinterferixxi fir-regoli attwali tal-UE fuq il-mod kif jitwettqu l-kontrolli fuq il-fruntieri jew mar-regoli tal-UE li jirregolaw id-dħul u l-ħruġ mit-territorju tal-Unjoni. Il-proposta minflok tkun teżisti flimkien ma’ u tħalli intatti dawk ir-regoli. - L-Impatt fuq id-drittijiet fundamentali Il-proposta hija kompletament konformi mal-għan ġenerali tal-ħolqien ta’ żona Ewropea ta’ libertà, sigurtà u ġustizzja. Minħabba n-natura tad-dispożizzjonijiet proposti, din il-proposta kienet soġġetta għal skrutinju fid-dettall sabiex tiżgura li d-dispożizzjonijiet tagħha huma kompatibbli mad-drittijiet fundamentali, u b'mod speċjali d-dritt għall-protezzjoni tad-dejta personali stabbilit fl-Artikolu 8 tal-Karta tad-Drittijiet Fundamentali tal-UE, kif rifless fil-Valutazzjoni tal-Impatt li jakkumpanja din il-proposta. Il-proposta hija wkoll konformi mal-Artikolu 16 tat-TFUE, li jiggarantixxi li kulħadd ikollu d-dritt għall-protezzjoni tad-dejta personali. Il-proposta hija kompatibbli mal-prinċipji tal-protezzjoni tad-dejta u d-dispożizzjonijiet tagħha huma konformi mad-Deċiżjoni Qafas tal-Kunsill 2008/977/ĠAI dwar il-protezzjoni tad-dejta personali pproċessata fil-qafas tal-kooperazzjoni mal-pulizija u dik ġudizzjarja f’materji kriminali[24] (‘Id-Deċiżjoni Qafas 2008/977/ĠAI’). Din tinkludi li l-individwi jingħataw id-dritt ta' aċċess, dritt ta' rettifika, tħassir u bblukkar, kif ukoll id-dritt għal kumpens u rikors ġudizzjajru. Barra minn hekk, u sabiex tkun konformi mal-prinċipju tal-proporzjonalità, hemm oqsma fejn il-proposta ser ikollha regoli dwar il-protezzjoni tad-dejta aktar stretti mid-Deċiżjoni Qafas 2008/977/ĠAI. B'mod partikolari, l-ambitu tal-proposta huwa strettament limitat u l-awtoritajiet tal-infurzar tal-liġi għandhom il-permess li jużaw id-dejta tal-PNR biss għall-iskop ta’ ġlieda kontra lista eżawrjenti ta’ delitti serji speċifikati, li barra minn hekk għandhom ikunu soġġetti għal piena tal-ħabs tal-inqas tliet snin fl-Istat Membru. Barra minn hekk, sabiex jiġi żgurat li l-ipproċessar tad-dejta ta' persuni innoċenti u persuni mhux sospettati tibqa' limitata kemm jista' jkun, ċerti aspetti tal-iskop tal-proposta li tirrigwarda l-istabbiliment u l-applikazzjoni tal-kriterji tal-valutazzjoni ġew limitati ulterjorment għal delitti serji li għandhom wkoll natura transnazzjonali, jiġifieri huma intrisikament konnessi mal-ivvjaġġar u din hija r-raġuni għat-tip ta' dejta li qiegħda tiġi pproċessata. Il-proposta tippermetti li d-dejta tal-PNR tinżamm għal perjodu ta' mhux aktar minn ħames snin, li warajhom din id-dejta trid titħassar. Barra minn hekk, id-dejta trid tiġi anonimizzata wara perjodu qasir ħafna ta' 30 ġurnata peress li l-użu proattiv tad-dejta tal-PNR huwa possibbli fuq il-bażi tad-dejta anonimizzata wara dan il-perjodu. Il-ġbir u l-użu tad-dejta sensittiva li direttament u indirettament tiżvela l-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta’ persuna huwa projbit. Barra minn hekk, il-proposta tipprovdi li deċiżjoni meħuda minn Stat Membru, li toħloq effetti legali negattivi fuq persuna jew taffettwaha serjament, ma tridx tittieħed biss fuq il-bażi tad-dejta tal-PNR li ġiet pproċessata b'mod awtomatiku. Barra minn hekk tali deċiżjoni fl-ebda ċirkostanza m’għandha tiġi bbażata fuq l-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta' persuna. Barra minn hekk, it-trasportaturi jridu jibagħtu d-dejta tal-PNR esklussivament bl-hekk imsejjaħ metodu “push”, jiġifieri li l-Istati Membri mhux ser ikollhom aċċess dirett għas-sistemi tal-IT tat-trasportaturi. L-Istati Membri jistgħu jibagħtu d-dejta tal-PNR lil pajjiżi terzi f'ċirkustanzi limitati ħafna biss, u fuq bażi ta' kull każ individwali biss. Sabiex jiżguraw effiċjenza u livell għoli ta' protezzjoni tad-dejta, l-Istati Membri huma meħtieġa li jiżguraw li awtorità nazzjonali ta’ sorveljanza indipendenti (awtorità tal-protezzjoni tad-dejta) tkun responsabbli sabiex tagħti konsulenza u tagħmel monitoraġġ ta’ kif tiġi pproċessata d-dejta tal-PNR. L-Istati Membri huma meħtieġa wkoll li jistabbilixxu unità waħda maħtura (Unità tal-Informazzjoni dwar il-Passiġġieri) responsabbli għall-ġestjoni u l-protezzjoni tad-dejta. L-ipproċessar kollu tad-dejta tal-PNR irid jiġi rreġistrat jew iddokumentat mill-Unità tal-Informazzjoni dwar il-Passiġġieri biex jiġi verifikat jekk l-ipproċessar tad-dejta hux illegali, biex isir awtomonitoraġġ u biex tiġi żgurata integrità xierqa tad-dejta u sigurtà tal-ipproċessar tad-dejta. L-Istati Membri jridu jiżguraw ukoll li l-passiġġieri tingħatalhom informazzjoni ċara u preċiża dwar il-ġbir tad-dejta tal-PNR u dwar id-drittijiet tagħhom. Għaldaqstant, flimkien mal-konformità mar-regoli u prinċipji eżistenti tal-protezzjoni tad-dejta, il-proposta tinkludi numru ta' salvagwardji sabiex jiżguraw konformità sħiħa mal-prinċipju tal-proporzjonalità u jiżguraw livell għoli tal-protezzjoni tad-drittijiet fondamentali. 2. KONSULTAZZJONI TA' PARTIJIET INTERESSATI U VALUTAZZJONI TAL-IMPATT - Konsultazzjoni ta’ partijiet interessati Metodi ta’ konsultazzjoni, setturi ewlenin fil-mira u profil ġenerali ta’ dawk li jwieġbu Fit-tħejjija tal-proposta tal-2007, il-Kummissjoni kkonsultat il-partijiet kollha interessati fuq il-bażi tal-kwestjonajru f’Diċembru 2006. Il-kwestjonajru ntbagħat lill-Istati Membri kollha, l-awtoritajiet tal-protezzjoni tad-dejta tal-Istati Membri, il-Kontrollur Ewropew għall-Protezzjoni tad-Dejta, l-Assoċjazzjoni tal-Linji tal-Ajru Ewropej (AEA), l-Assoċjazzjoni tat-Trasport bl-Ajru tal-Amerika (ATA), l-Assoċjazzjoni Internazzjonali tat-Trasportaturi bl-Ajru (IACA), l-Assoċjazzjoni tal-Linji tal-Ajru tar-Reġjuni Ewropej (ERA) u l-Assoċjazzjoni Internazzjonali tat-Trasport bl-Ajru (IATA). It-tweġibiet ġew miġbura fil-Valutazzjoni tal-Impatt li takkumpanja l-proposta tal-2007. Sussegwentement, il-Kummissjoni stiednet lill-Istati Membri għal laqgħa li matulha r-rappreżentanti tal-Istati Membri kellhom l-opportunità li jaqsmu l-opinjonijiet. Wara l-adozzjoni tal-proposta tal-2007, il-partijiet kollha interessati ppubblikaw il-pożizzjoni tagħhom dwarha. Il-Parlament Ewropew adotta riżoluzzjoni fuq il-proposta fl-20 ta’ Novembru 2008[25]. L-Istati Membri esprimew il-pożizzjoni tagħhom permezz ta’ diskussjonijiet fil-gruppi ta’ ħidma tal-Kunsill[26]. Inħarġu wkoll opinjonijiet mill-Kontrollur Ewropew tal-Protezzjoni tad-Dejta[27], l-Artikolu 29 tal-Grupp ta’ Ħidma tal-Protezzjoni tad-Dejta[28] u l-Aġenzija għad-Drittijiet Fundamentali[29]. Sommajru tat-tweġibiet Il-kritika ewlenija espressa fir-Riżoluzzjoni tal-Parlament Ewropew kienet li l-ħtieġa għall-azzjonijiet proposti ma ntweriex biżżejjed. Il-Parlament saqsa jekk il-proposta laħqetx l-istandard meħtieġ għall-ġustifikazzjoni ta’ interferenza fid-dritt għal protezzjoni tad-dejta. Ir-Riżoluzzjoni esprimiet it-tħassib tal-Parlament li l-valur miżjud tal-proposta fid-dawl ta’ inizzjattivi oħra ta’ mal-fruntieri ma ġewx ivvalutati. Fir-rigward tal-protezzjoni tad-dejta, il-Parlament sejjaħ għal limitazzjoni ta’ skop ċar u enfasizza li awtoritajiet speċifiċi biss għandu jkollhom aċċess għad-dejta tal-PNR. Fl-aħħar il-Parlament esprima t-tħassib li l-metodu propost li d-dejta tal-PNR tiġi vvalutata awtomatikament bl-użu ta’ kriterji tal-valutazzjoni stabbiliti minn qabel u bbażati fuq fatti kien użu wiesgħa ħafna tad-dejta u enfasizza li din il-valutazzjoni qatt m’għandha tirriżulta fi ‘profilar’ abbażi ta’ dejta sensittiva. L-Artikolu 29 tal-Grupp ta’ Ħidma tal-Protezzjoni tad-Dejta kkunsidra li l-proposta kienet sproporzjonata u li tista’ tikser id-dritt għal protezzjoni tad-dejta. Qajjem dubju fuq ir-reġim tal-protezzjoni tad-dejta peress li d-Deċiżjoni Qafas 2008/977/ĠAI ma tkoprix l-ipproċessar domestiku tad-dejta. Ikkunsidrat li d-dimostrazzjoni tal-ħtieġa tal-proposta ma kinetx adegwata, li l-perjodu għaż-żamma tad-dejta (13-il sena) kien sproporzjonat u li għandu jintuża biss il-metodu ‘push’ tat-trasferiment tad-dejta. Il-Kontrollur Ewropew tal-Protezzjoni tad-Dejta staqsa dwar jekk intweritx il-ħtieġa u l-proporzjonalità tal-proposta peress li l-proposta tikkonċerna l-ġabra tad-dejta ta' nies innoċenti. Ikkritika li l-proposta qed tikkontribwixxi lejn soċjetà tas-sorveljanza u wkoll staqsa dwar ir-reġim tal-protezzjoni tad-dejta peress li l-ipproċessar domestiku tad-dejta mhux kopert mid-Deċiżjoni Qafas 2008/977/ĠAI. Il-Kontrollur Ewropew tal-Protezzjoni tad-Dejta speċifikament issuġġerixxa definizzjoni aħjar tal-awtorità li jkollhom aċċess tad-dejta tal-PNR u l-kundizzjonijiet għat-trasferiment tad-dejta lejn pajjiżi terzi. L-Aġenzija tad-Drittijiet Fundamentali hija wkoll tal-opinjoni li l-ħtieġa u l-proporzjonalità tal-proposta ma ntwerewx u kkunsidrat li għandu jkun hemm aktar garanziji fil-proposta sabiex tevita l-profilar fuq il-bażi ta’ dejta sensittiva. Xi assoċjazzjonijiet ta’ linji tal-ajru, jiġifieri l-Assoċjazzjoni Internazzjonali tat-Trasport bl-Ajru (IATA) u l-Assoċjazzjoni ta' Linji tal-Ajru Ewropea (AEA), ukoll ħarġu opinjonijiet dwar il-proposta. Ikkritikaw l-aktar l-istruttura deċentralizzata tal-proposta u enfasizzaw li l-ġbir ċentralizzat tad-dejta ser ikollu vantaġġi finanzjarji fuq it-trasportaturi. Huma ikkritikaw ukoll l-għażla tal-metodu ‘push’ u talbu li l-għażla tal-metodu tat-trasferiment jitħalla f'idejn it-trasportaturi. Il-proċess ta’ konsultazzjoni kellu impatt kbir fuq il-proposta leġiżlattiva. Għalkemm bosta partijiet interessati ma kinux konvinti dwar il-ħtieġa tal-użu tad-dejta tal-PNR, kollha qablu li leġiżlazzjoni fuq livell tal-UE hija preferibbli mill-iżvilupp ta’ sistemi nazzjonali differenti tal-PNR. Il-konsultazzjonijiet wasslu wkoll għal-limitazzjoni tal-iskop tal-użu tad-dejta għall-ġlieda kontra reati terroristiċi u delitti serji u l-limitazzjoni tal-iskop tal-proposta għat-trasport bl-ajru. Reġim b’saħħtu għall-protezzjoni tad-dejta ntgħażel b’perjodu speċifiku għaż-żamma u projbizzjoni tal-użu ta' dejta sensittiva, bħal dejta li tiżvela r-razza ta' persuna jew l-oriġini etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali. Il-metodu ‘push’ kien preferut, kif ukoll limitazzjonijiet stretti dwar twassil ta’ trasferimenti ta’ dejta lejn pajjiżi terzi. - Ġbir u użu ta’ ħila esperta Ma kienx hemm bżonn ħila esperta esterna. - Valutazzjoni tal-impatt Il-Kummissjoni wettqet il-Valutazzjoni tal-Impatt elenkat fil-Programm ta’ Ħidma[30]. Ġew eżaminati erba’ opzjonijiet ewlenin fil-Valutazzjoni tal-Impatt, kull waħda tinkludi żewġ varjabbli: Opzjoni tal-Politika A, rifjut li tiġi indirizzata l-kwistjoni fuq livell tal-UE u ż-żamma tal-istatus quo. Opzjoni tal-Politika B, l-indirizzar tal-istruttura ta’ sistema għall-ġbir u l-ipproċessar tad-dejta tal-PNR, bl-opzjoni B.1: Ġbir u pproċessar deċentralizzat ta’ dejta minn Stati Membri u l-opzjoni B.2: Ġbir u pproċessar ċentralizzati tad-dejta fuq livell tal-UE. Opzjoni tal-Politika Ċ, indirizzar tal-limitazzjoni tal-iskop tal-miżuri proposti, bl-opzjoni C.1: Aċċess għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji biss u l-opzjoni C.2: Aċċess għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji biss u oġġettivi oħra tal-politika. Opzjoni tal-Politika D, indirizzar tal-modi tat-trasport li għandhom jiġu koperti mill-miżuri proposti, bl-opzjoni D.1: Trasportaturi tal-ajru biss u l-opzjoni D.2: Trasportaturi bl-ajru, fuq il-baħar u bil-linji tal-ferroviji. L-opzjonijiet ġew ivvalutati kontra l-kriterji li ġejjin: sigurtà fl-UE, protezzjoni tad-dejta personali, kostijiet tal-awtoritajiet pubbliċi, kostijiet tat-trasportaturi/kompetizzjoni fis-suq intern u inkoraġġiment ta' approċċ globali. Il-Valutazzjoni tal-Impatt ikkonkludiet li proposta leġiżlattiva applikabbli għall-ivvjaġġar bl-ajru bil-ġbir deċentralizzat tad-dejta tal-PNR għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji oħrajn kienet l-aħjar opzjoni tal-politika (kombinazzjoni tal-B1, C1 u D1). Din issaħħaħ is-sigurtà fl-UE, waqt li tillimita l-impatt fuq il-protezzjoni tad-dejta personali kemm tista' u ż-żamma tal-kostijiet fuq livell aċċettabbli. 3. ELEMENTI LEGALI TAL-PROPOSTA - Sommajru tal-azzjoni proposta Il-proposta għandha l-għan li tarmonizza d-dispożizzjonijiet tal-Istati Membri dwar obbligi għal trasportaturi bl-ajru, tħaddim ta’ titjiriet bejn pajjiż terz u t-territorju ta' mill-anqas Stat Membru wieħed, li tittrażmetti dejta tal-PNR lill-awtoritajiet kompetenti bl-iskop tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. L-ipproċessar kollu tad-dejta tal-PNR fuq il-bażi ta’ din il-proposta jkun konformi mar-regoli tal-protezzjoni tad-dejta ppreżentati fid-Deċiżjoni Qafas 2008/977/ĠAI. - Bażi legali It-TFUE u b’mod partikolari l-Artikoli 82(1)(d) u 87(2)(a). - Prinċipju tas-sussidjarjetà L-awtoritajiet tal-infurzar tal-liġi jridu jiġu pprovduti b’għodda effettivi biex ikunu jistgħu jiġġieldu t-terroriżmu u delitti serji. Peress li ħafna delitti serji u atti terroristiċi jinvolvu xi vjaġġar internazzjonali, l-awtoritajiet jeħtieġu li jużaw id-dejta tal-PNR biex jipproteġu s-sigurtà interna tal-UE. Barra minn hekk, investigazzjonijiet bl-iskop tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji li jsiru mill-awtoritajiet kompetenti tal-Istati Membri huma dipendenti ħafna fuq il-kooperazzjoni internazzjonali u transkonfinali. Minħabba l-moviment liberu ta’ persuni fiż-żona Schengen, hemm bżonn li l-Istati Membri kollha jiġbru, jipproċessaw u jiskambjaw id-dejta tal-PNR, biex jiġu evitati nuqqasijiet fis-sigurtà. B’aġir kollettiv u koerenti, din il-miżura għandha tikkontribwixxi għaż-żieda tas-sigurtà fl-UE. L-azzjoni fuq il-livell tal-UE tgħin biex tiżgura dispożizzjonijiet armonizzati tas-salvagwardjar tal-protezzjoni tad-dejta fl-Istati Membri. Is-sistemi differenti tal-Istati Membri li diġà stabbilixxew mekkaniżmi simili, jew se jagħmlu dan fil-ġejjieni, jista’ jkollhom impatt negattiv fuq it-trasportaturi bl-ajru peress li jkollhom ikunu konformi ma' bosta rekwiżiti nazzjonali potenzjalment diverġenti, pereżempju rigward it-tipi ta' informazzjoni li għandha tintbagħat u l-kundizzjonijiet li taħthom din l-informazzjoni teħtieġ li tiġi pprovduta lill-Istati Membri. Dawn id-differenzi jistgħu jkunu ta’ ħsara għall-kooperazzjoni effettiva bejn l-Istati Membri għall-iskopijiet tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. Minħabba li l-għanijiet ta’ din il-proposta ma jistgħux jinkisbu b'mod suffiċjenti mill-Istati Membri, u jistgħu jintlaħqu aħjar fil-livell tal-Unjoni, jista' jiġi konkluż li l-UE mhux biss hija intitolata li taġixxi, iżda qiegħda wkoll f’pożizzjoni li tagħmel dan aħjar milli kieku l-Istati Membri jaġixxu b’mod indipendenti. Għalhekk din il-proposta tikkonforma mal-prinċipju tas-sussidjarjetà kif stabbilit fl-Artikolu 5 tat-Trattat. - Prinċipju tal-proporzjonalità Il-ġbir, l-analiżi u ż-żamma sistematiċi proposti tad-dejta tal-PNR dwar it-titjiriet lejn l-UE minn pajjiżi terzi, suġġetti għal garanziji stretti fuq il-protezzjoni tad-dejta, isaħħu l-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji u huma meħtieġa biex jaffrontaw dak it-theddid għas-sigurtà. L-ambitu tal-proposta huwa limitat għal dawk l-elementi li jeħtieġu approċċ armonizzat tal-UE, inkluż id-definizzjoni tal-metodi fejn jista' jintuża l-PNR mill-Istati Membri, l-elementi tad-dejta li hemm bżonn jinġabru, ir-raġunijiet għalfejn l-informazzjoni tista' tintuża, il-komunikazzjoni tad-dejta bejn l-unitajiet tal-PNR tal-Istati Membri, u l-kundizzjonijiet tekniċi għal tali komunikazzjoni. L-azzjoni proposta hija direttiva. L-għażla għal sistema deċentralizzata tfisser li l-Istati Membri jistgħu jagħżlu kif jistabbilixxu s-sistema tal-PNR tagħhom, u jistgħu jiddeċiedu huma fuq l-aspetti tekniċi tagħha. Skont il-prinċipju tal-proporzjonalità, kif stabbilit fl-Artikolu 5 tat-Trattat dwar l-Unjoni Ewropea, din il-proposta ma tmurx lil hinn minn dak meħtieġ u proporzjonat sabiex jinkisbu l-għanijiet tagħha. - Għażla tal-istrument Strument propost: direttiva. Mezzi oħra ma jkunux adegwati minħabba r-raġunijiet li ġejjin: L-għan tal-miżura huwa l-approssimazzjoni tal-leġiżlazzjoni tal-Istati Membri, li jfisser li kwalunkwe strument minbarra direttiva ma jkunx xieraq. 4. IMPLIKAZZJONIJIET BAġITARJA Il-proposta m’għandha l-ebda implikazzjoni fuq il-baġit tal-EU. 5. INFORMAZZJONI ADDIZZJONALI - Simulazzjoni, fażi ta’ prova u perjodu tranżitorju Ser ikun hemm perjodu tranżitorju għall-proposta fil-forma ta' perjodu ta' implimentazzjoni ta' sentejn. Ser ikun hemm ukoll ġabra tranżitorja tad-dejta tal-PNR, li timmira li tinkiseb il-ġabra tad-dejta dwar it-titjiriet kollha għall-perjodu ta' sitt (6) xhur mid-dħul fis-seħħ tad-Direttiva. - Applikazzjoni territorjali Id-Direttiva proposta se tiġi indirizzata lill-Istati Membri. L-applikazzjoni tad-Direttiva mar-Renju Unit, l-Irlanda u d-Danimarka se tiġi determinata skont id-dispożizzjonijiet tal-Protokolli Nri 21 u 22 annessi mat-Trattat dwar il-Funzjonament tal-Unjoni Ewropea. - Klawżola tal-analiżi/reviżjoni/sunset Il-proposta tinkludi klawżola li tipprovdi għal analiżi tal-operazzjoni tad-Direttiva erba’ snin wara d-data tat-traspożizzjoni tagħha u reviżjoni speċjali tal-estensjoni potenzjali tal-iskop tad-Direttiva li tkopri dejta tal-PNR dwar il-passiġġieri fuq titjiriet interni għall-UE. 2011/0023 (COD) Proposta għal DIRETTIVA TAL-PARLAMENT EWROPEW U TAL-KUNSILL dwar l-użu tad-dejta fir-Reġistru tal-Ismijiet tal-Passiġġieri għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji IL-PARLAMENT EWROPEW U L-KUNSILL TAL-UNJONI EWROPEA, Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 82(1)(d) u 87(2)(a) tiegħu, Wara li kkunsidraw il-proposta tal-Kummissjoni, Wara t-trasmissjoni tal-abbozz tal-att leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat Ekonomiku u Soċjali Ewropew[31], Wara li kkunsidraw l-opinjoni tal-Kumitat tar-Reġjuni[32], Wara li kkonsultaw il-Kontrollur Ewropew tal-Protezzjoni tad-Dejta, Filwaqt li jaġixxu skont il-proċedura leġiżlattiva ordinarja, Billi: (1) Fis-6 ta’ Novembru 2007 il-Kummissjoni adottat proposta għal Deċiżjoni Qafas tal-Kunsill dwar l-użu tad-dejta tar-Reġistru tal-Ismijiet tal-Passiġġieri (PNR) għal skopijiet tal-infurzar tal-liġi[33]. Madankollu, mad-dħul fis-seħħ tat-Trattat ta’ Lisbona fl-1 ta’ Diċembru 2009, il-proposta tal-Kummissjoni, li kienet għadha mhux adottata mill-Kunsill sa dik id-data, saret skaduta. (2) Il-‘Programm ta’ Stokkolma — Ewropa libera u żgura li taqdi u tipproteġi ċ-ċittadini’[34] jitlob li l-Kummissjoni tippreżenta proposta għall-użu tad-dejta tal-PNR għall-prevenzjoni, l-iskoperta, l-investigazzjoni u l-prosekuzzjoni tat-terroriżmu u delitti serji. (3) Il-Kummissjoni ppreżentat uħud mill-elementi ewlenin ta’ politika tal-Unjoni f’dan il-qasam fil-Komunikazzjoni tagħha tal-21 ta’ Settembru 2010 ‘Dwar l-approċċ globali għat-trasferiment ta’ dejta tar-Reġistru tal-Ismijiet tal-Passiġġieri (PNR) lejn pajjiżi terzi[35]. (4) Id-Direttiva tal-Kunsill 2004/82/KE tad-29 ta’ April 2004 dwar l-obbligu tat-trasportaturi bl-ajru li jikkomunikaw dejta tal-passiġġieri[36] tirregola t-trasferiment bil-quddiem ta’ informazzjoni dwar il-passiġġieri mit-trasportaturi bl-ajru lill-awtoritajiet nazzjonali kompetenti bil-għan li jtejbu l-kontrolli bejn il-fruntieri u għall-ġlieda kontra l-immigrazzjoni irregolari. (5) Id-dejta tal-PNR hija meħtieġa għall-prevenzjoni, l-iskoperta, l-investigazzjoni u l-prosekuzzjoni b’mod effettiv ta’ reati terroristiċi u delitti serji u għalhekk tissaħħaħ is-sigurtà interna. (6) Id-dejta tal-PNR tgħin lill-awtoritajiet tal-infurzar tal-liġi fil-prevenzjoni, l-iskoperta, l-investigazzjoni u l-prosekuzzjoni ta' delitti serji, inklużi atti ta' terroriżmu, billi titqabbel ma' bosta databases ta' persuni u oġġetti mfittxija, titwaqqaf evidenza u, fejn rilevanti, sabiex jinstabu assoċjati ta' kriminali u jinqabdu netwerks kriminali. (7) Id-dejta tal-PNR tippermetti lill-awtoritajiet tal-infurzar tal-liġi sabiex jidentifikaw persuni, li qabel kienu “mhux magħrufa”, jiġifieri persuni li qabel kienu mhux suspettati u jistgħu jkunu involuti f’delitt serju jew f’terroriżmu, iżda meta d-dejta tagħhom tiġi analizzata din tissuġġerixxi li setgħu jkunu involuti f'tali delitti u li għalhekk dawn il-persuni għandhom ikunu soġġetti għal aktar eżaminazzjoni mill-awtoritajiet kompetenti. Bl-użu tad-dejta tal-PNR l-awtoritajiet tal-infurzar tal-liġi jistgħu jindirizzaw it-theddida ta' delitti serji u terroriżmu minn perspettiva differenti u permezz tal-ipproċessar ta' kategoriji oħra ta' dejta personali. Barra minn hekk, sabiex jiġi żgurat li l-ipproċessar tad-dejta ta' persuni innoċenti u persuni mhux sospettati jibqa' limitat kemm jista' jkun, l-aspetti tal-użu tad-dejta tal-PNR fir-rigward tal-istabbiliment u l-applikazzjoni tal-kriterji tal-valutazzjoni għandhom jiġu limitati ulterjorment għal delitti serji li għandhom wkoll natura transnazzjonali, jiġifieri huma intrisikament konnessi mal-ivvjaġġar u għal din hija r-raġuni għat-tip ta' dejta li qiegħda tiġi pproċessata. (8) L-ipproċessar tad-dejta personali jrid ikun proporzjonali għall-għan speċifiku tas-sigurtà segwit minn din id-Direttiva. (9) L-użu tad-dejta tal-PNR flimkien mad-dejta tal-Informazzjoni minn Qabel dwar il-Passiġġieri f’ċerti każijiet żiedet il-valur fl-assistenza lill-Istati Membri sabiex jivverifikaw l-identità ta’ individwu u għalhekk isaħħu l-valur tal-infurzar tal-liġi tagħhom. (10) Għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji, huwa għalhekk essenzjali li l-Istati Membri kollha jintroduċu dispożizzjonijiet li jistabbilixxu obbligi fuq it-trasportaturi bl-ajru li joperaw titjiriet internazzjonali lejn jew minn territorju tal-Istati Membri tal-Unjoni Ewropea. (11) It-trasportaturi bl-ajru diġà jiġbru u jipproċessaw dejta tal-PNR mill-passiġġieri tagħhom għall-iskopijiet kummerċjali tagħhom. Din id-Direttiva m’għandha timponi l-ebda obbligu fuq it-trasportaturi bl-ajru biex jiġbru jew iżommu dejta addizzjonali mill-passiġġieri jew jiponu xi obbligu fuq il-passiġġieri sabiex jipprovdu xi dejta addizzjonali ma' dik li diġà qed tkun ipprovduta lit-trasportaturi bl-ajru. (12) Id-definizzjoni ta' reati terroristiċi għandha tittieħed mill-Artikoli 1 sa 4 tad-Deċiżjoni Qafas tal-Kunsill 2002/475/ĠAI dwar il-ġlieda kontra t-terroriżmu[37]. Id-definizzjoni tad-delitti serji għandha tittieħed mill-Artikolu 2 tad-Deċiżjoni Qafas tal-Kunsill 2002/584/ĠAI tat-13 ta' Ġunju 2002 fuq il-Mandat ta' Arrest Ewropew u l-proċeduri ta' ċediment bejn l-Istati Membri[38]. Madankollu, l-Istati Membri jistgħu jeskludu dawk id-delitti minuri li għalihom, filwaqt li tiġi kkunsidrata s-sistema ta’ ġustizzja kriminali rispettiva tagħhom, l-ipproċessar tad-dejta tal-PNR skont din id-direttiva ma jkunx konformi mal-prinċipju tal-proporzjonalità. Id-definizzjoni ta' delitti transnazzjonali serji għandha tittieħed mill-Artikolu 2 tad-Deċiżjoni Qafas tal-Kunsill 2002/584/ĠAI u mill-Konvenzjoni tan-Nazzjonijiet Uniti dwar il-Kriminalità Organizzata Transnazzjonali. (13) Id-dejta tal-PNR għandha tiġi ttrasferita għal għand unità deżinjata waħda (Unità tal-Informazzjoni dwar il-Passiġġieri) fl-Istat Membru rilevanti, sabiex tiġi żgurata ċ-ċarezza u jitnaqqsu l-kostijiet għat-trasportaturi bl-ajru. (14) Il-kontenut ta’ kwalunkwe lista ta’ dejta tal-PNR meħtieġa li għandha tinkiseb mill-Unità tal-Informazzjoni dwar il-Passiġġieri għandha titħejja bl-iskop li tirrifletti r-rekwiżiti leġittimi tal-awtoritajiet pubbliċi għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi jew delitti serji, b’hekk tittejjeb s-sigurtà interna ġewwa l-Unjoni kif ukoll il-protezzjoni tad-drittijiet fundamentali taċ-ċittadini, l-aktar il-privatezza u l-protezzjoni tad-dejta personali. Dawn il-listi m’għandhomx jinkludu dejta personali li jistgħu jiżvelaw l-oriġini razzjali jew etniċi, l-opinjonijiet politiċi, it-twemmin reliġjuż jew filosofiku, is-sħubija fi trejdjunjin jew id-dejta dwar is-saħħa jew il-ħajja sesswali tal-individwu kkonċernat. Id-dejta tal-PNR għandha tinkludi dettalji dwar ir-riservazzjoni u l-itinerajru tal-ivvjaġġar tal-passiġġier li tippermetti lill-awtoritajiet kompetenti sabiex jidentifikaw il-passiġġieri tal-ajru li jirrappreżentaw theddida għas-sigurtà interna. (15) Hemm żewġ metodi possibbli ta’ trasferiment ta’ dejta bħalissa disponibbli: il-metodu ‘pull’, fejn l-awtoritajiet kompetenti tal-Istati Membri li jeħtieġu d-dejta jistgħu jidħlu (jaċċessaw) fis-sistema tar-riservazzjoni tat-trasportatur bl-ajru u joħorġu (‘pull’) kopja tad-dejta meħtieġa, u l-metodu ‘push’, fejn it-trasportaturi bl-ajru jittrasferu (‘push’) id-dejta tal-PNR meħtieġa lill-awtorità li qed titlobha, b’hekk dan jippermetti t-trasportaturi bl-ajru jżommu kontroll ta' liema dejta kienet ipprovduta. Il-metodu ‘push’ huwa kkunsidrat li joffri livell ogħla ta’ protezzjoni tad-dejta u għandu jkun mandatorju għat-trasportaturi bl-ajru kollha. (16) Il-Kummissjoni tappoġġja l-linji gwida tal-Organizzazzjoni għall-Avjazzjoni Ċivili Internazzjonali (ICAO) dwar il-PNR. Għaldaqstant dawn il-linji gwida għandhom ikunu l-bażi għall-adozzjoni tal-formati aċettati tad-dejta għat-trasferiment tad-dejta tal-PNR mit-trasportaturi bl-ajru lejn l-Istati Membri. Dan jiġġustifika li tali formati aċċettati tad-dejta, kif ukoll il-protokolli rilevanti applikabbli għat-trasferiment tad-dejta mit-trasportaturi bl-ajru għandhom jiġu adottati skont il-proċedura konsultattiva maħsuba fir-Regolament (UE) Nru….. tal-Parlament Ewropew u tal-Kunsill [……………..] (17) L-Istati Membri għandhom jieħdu l-miżuri kollha meħtieġa biex jippermettu lit-trasportaturi bl-ajru jissodisfaw l-obbligi tagħhom taħt din id-Direttiva. L-Istati Membri għandhom jiġu pprovduti b'penali dissważivi, effettivi u proporzjonati, inklużi penali finanzjarji kontra dawk it-trasportaturi bl-ajru li jonqsu li jissodisfaw dawn l-obbligi fir-rigward tat-trasferiment tad-dejta tal-PNR. Meta jkun hemm ksur serju ripetut li jista’ jagħmel ħsara għall-iskopijiet bażiċi ta’ din id-Direttiva, dawn il-penali jistgħu jinkludu, f’każijiet eċċezzjonali, miżuri bħall-immobilizzazzjoni, il-qbid u l-konfiska tal-mezzi tat-trasport, jew is-sospensjoni temporanja jew l-irtirar tal-liċenzja tal-operazzjoni. (18) Kull Stat Membru għandu jkun responsabbli biex jivvaluta t-theddid potenzjali relatat ma’ reati terroristiċi u delitti serji. (19) Filwaqt li jiġi kkunsidrat bi sħiħ id-dritt tal-protezzjoni tad-dejta personali u d-dritt tan-nondiskriminazzjoni, m'għandha tittieħed l-ebda deċiżjoni, li tipproduċi effett legali negattiv fuq persuna jew li taffettwaha serjament, biss minħabba l-ipproċessar awtomatizzat tad-dejta tal-PNR. Barra minn hekk, l-ebda deċiżjoni bħal din m’għandha tittieħed fuq il-bażi tal-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta' persuna. (20) L-Istati Membri għandhom jikkondividu ma’ Stati Membri oħrajn id-dejta tal-PNR li jirċievu fejn tali trasferiment huwa meħtieġ għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji Id-dispożizzjonijiet ta’ din id-Direttiva għandhom ikunu mingħajr preġudizzju għal strumenti oħra tal-Unjoni dwar l-iskambju tal-intelligence bejn il-pulizija u l-awtoritajiet ġudizzjarji, inkluż id-Deċiżjoni tal-Kunsill 2009/371/ĠAI tas-6 ta’ April 2009 li stabbiliet l-Uffiċċju Ewropew tal-Pulizija (Europol)[39] u d-Deċiżjoni Qafas tal-Kunsill 2006/960/ĠAI tat-18 ta’ Settembru 2006 dwar is-simplifikazzjoni tal-iskambju ta’ informazzjoni u intelligence bejn l-awtoritajiet tal-infurzar tal-liġi tal-Istati Membri tal-Unjoni Ewropea[40]. Dan l-iskambju tad-dejta tal-PNR bejn l-awtoritajiet tal-infurzar tal-liġi u dawk ġudizzjarji għandu jiġu irregolat mir-regoli dwar il-kooperazzjoni mal-pulizija u dik ġudizzjarja. (21) Il-perjodu li matulu għandha tinżamm id-dejta tal-PNR għandu jkun proporzjonali mal-iskopijiet tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. Minħabba n-natura tad-dejta u l-użu tagħhom, huwa meħtieġ li d-dejta tal-PNR tinżamm għal perjodu twil biżżejjed biex titwettaq analiżi tax-xejriet u għall-użu fl-investigazzjonijiet. Sabiex jiġi evitat użu sproporzjonat, huwa meħtieġ li, wara perjodu tal-bidu, id-dejta tiġi anonimizzata u aċċessibbli biss taħt kundizzjonijiet stretti ħafna u limitati. (22) Fejn dejta tal-PNR speċifika tiġi trasferita lil awtorità kompetenti u tintuża fil-kuntest ta' investigazzjonijiet jew prosekuzzjonijiet kriminali speċifiċi, iż-żamma ta' tali dejta mill-awtorità kompetenti għandha tiġi rregolata mil-liġi nazzjonali tal-Istat Membri, irrispettivament mill-perjodi taż-żamma stabbiliti minn din id-Direttiva. (23) L-ipproċessar domestiku tad-dejta tal-PNR f’kull Stat Membru mill-Unità tal-Informazzjoni dwar il-Passiġġieri u mill-awtoritajiet kompetenti għandu jkun soġġett għal standard ta’ protezzjoni tad-dejta personali taħt il-liġi nazzjonali tiegħu li hija konformi mad-Deċiżjoni Qafas 2008/977/ĠAI tas-27 ta’ Novembru 2008 dwar il-protezzjoni tad-dejta personali pproċessata fil-qafas tal-kooperazzjoni tal-pulizija u dik ġudizzjarja f’materji kriminali[41] (‘Deċiżjoni Qafas 2008/977/ĠAI’). (24) Waqt li jiġi kkunsidrat id-dritt għall-protezzjoni tad-dejta personali, id-drittijiet tad-dejta soġġetta għall-ipproċessar tad-dejta tal-PNR tagħhom, bħad-dritt għall-aċċess, id-dritt għar-rettifika, it-tħassir u l-ibblukkar, kif ukoll id-drittijiet għall-kumpens u rimedji ġudizzjarji, għandhom ikunu konformi mad-Deċiżjoni Qafas 2008/977/ĠAI. (25) Waqt li jikkunsidraw id-dritt li l-passiġġieri jiġu informati bl-ipproċessar tad-dejta personali tagħhom, l-Istati Membri għandhom jiżguraw li jiġu pprovduti b’informazzjoni preċiża dwar il-ġbir ta’ dejta tal-PNR u t-trasferiment tagħha lill-Unità tal-Informazzjoni dwar il-Passiġġieri. (26) It-trasferiment tad-dejta tal-PNR minn Stati Membri lejn pajjiżi terzi għandu jkun permess biss fuq bażi ta’ każ b’każ u b’konformità mad-Deċiżjoni Qafas 2008/977/ĠAI. Biex jiġi żgurat il-protezzjoni tad-dejta personali, tali trasferimenti għandhom ikunu soġġetti għal rekwiżiti addizzjonali dwar l-iskop tat-trasferiment, il-kwalità tal-awtorità li qed tirċievi u s-salvagwardji applikabbli għad-dejta personali trasferita lejn pajjiż terz. (27) L-awtorità nazzjonali tas-superviżjoni li ġiet stabbilita bl-implimentazzjoni tad-Deċiżjoni Qafas 2008/977/ĠAI għandha tkun responsabbli wkoll biex tavża u tissorvelja l-applikazzjoni u l-implimentazzjoni tad-dispożizzjonijiet ta’ din id-Direttiva. (28) Din id-Direttiva ma taffetwax il-possibbiltà għall-Istati Membri li jipprovdu, taħt il-liġi domestika tagħhom, għal sistema ta’ ġbir u ġestjoni ta’ dejta tal-PNR għal skopijiet oħrajn minbarra dawk speċifikati f’din id-Direttiva, jew mill-fornituri tat-trasport minbarra dawk speċifikati fid-Direttiva, dwar titjiriet interni soġġetti għall-konformità mad-dispożizzjonijiet rilevanti tal-protezzjoni tad-dejta, sakemm tali liġi domestika tirrispetta l-acquis tal-Unjoni. Il-ħruġ tal-ġbir tad-dejta tal-PNR dwar titjiriet interni għandu jkun is-suġġett ta' riflessjoni speċifika f’data futura. (29) B’riżultat tad-differenzi legali u tekniċi bejn id-dispożizzjonijiet nazzjonali dwar l-ipproċessar tad-dejta personali, inklużi l-PNR, it-trasportaturi bl- huma u jkunu affaċċjati b'rekwiżiti differenti dwar it-tipi ta’ informazzjoni li għandhom jiġu trażmessi, kif ukoll il-kundizzjonijiet li taħthom trid tiġi pprovduta din l-informazzjoni lill-awtoritajiet nazzjonali kompetenti. Dawn id-differenzi jistgħu jkunu ta’ ħsara għall-kooperazzjoni effettiva bejn l-awtoritajiet nazzjonali kompetenti bl-iskop tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi jew delitti serji. (30) Peress li l-għanijiet ta’ din id-Direttiva ma jistgħux jinkisbu kif jixraq mill-Istati Membri, u jistgħu jintlaħqu aħjar fuq livell tal-Unjoni, l-Unjoni tista’ tadotta miżuri, skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak meħtieġ sabiex jinkiseb dak l-għan. (31) Din id-Direttiva tirrispetta d-drittijiet fundamentali u l-prinċipji tal-Karta tad-Drittijiet Fundamentali tal-Unjoni Ewropea, b'mod partikolari d-dritt tal-protezzjoni tad-dejta personali, id-dritt għall-privatezza u d-dritt għal nondiskriminazzjoni kif protetti mill-Artikoli 8, 7 u 21 tal-Karta u għandha tiġi implimentata b’dan il-mod. Id-Direttiva hija kompatibbli mal-prinċipji tal-protezzjoni tad-dejta u d-dispożizzjonijiet tagħha huma konformi mad-Deċiżjoni Qafas tal-Kunsill 2008/977/ĠAI. Barra minn hekk, u biex tkun konformi mal-prinċipju tal-proporzjonalità, id-Direttiva, dwar kwistjonijiet speċifiċi, ser ikollha regoli dwar il-protezzjoni tad-dejta aktar stretti mid-Deċiżjoni Qafas 2008/977/ĠAI. (32) B'mod partikolari, l-ambitu tad-Direttiva huwa limitat kemm jista' jkun, hija tippermetti ż-żamma tad-dejta tal-PNR għal perjodu ta' mhux aktar minn ħames (5) snin, li warajhom din id-dejta trid titħassar, id-dejta trid tiġi anonimizzata wara perjodu qasir ħafna, il-ġbir u l-użu tad-dejta huwa pprojbit. Sabiex jiżguraw effiċjenza u livell għoli ta' protezzjoni tad-dejta, l-Istati Membri huma meħtieġa li jiżguraw li awtorità nazzjonali ta’ sorveljanza indipendenti tkun responsabbli biex tagħti konsulenza u tagħmel monitoraġġ ta’ kif tiġi pproċessata d-dejta tal-PNR. L-ipproċessar kollu tad-dejta tal-PNR irid jiġi rreġistrat jew iddokumentat għall-iskop ta' verifikazzjoni jekk l-ipproċessar tad-dejta hux illegali, awtomonitoraġġ u sabiex tiġi żgurata integrità xierqa tad-dejta u sigurtà tal-ipproċessar tad-dejta. L-Istati Membri jridu jiżguraw ukoll li l-passiġġieri tingħatalhom informazzjoni ċara u preċiża dwar il-ġbir tad-dejta tal-PNR u dwar id-drittijiet tagħhom. (33) [Skont l-Artikolu 3 tal-Protokoll (Nru 21) dwar il-pożizzjoni tar-Renju Unit u l-Irlanda dwar iż-Żona tal-Libertà, Sigurtà u Ġustizzja, annessa mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, dawk l-Istati Membri avżaw ix-xewqa tagħhom li jieħdu sehem fl-adozzjoni u l-applikazzjoni ta’ din id-Direttiva] JEW [Mingħajr preġudizzju għall-Artikolu 4 tal-Protokoll (Nru 21) dwar il-pożizzjoni tar-Renju Unit u l-Irlanda dwar iż-Żona tal-Libertà, Sigurtà u Ġustizzja, annessa mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, dawk l-Istati Membri mhux se jieħdu sehem fl-adozzjoni ta’ din id-Direttiva u mhux ser ikunu marbutin jew ikunu soġġetti għall-applikazzjoni tagħha]. (34) Skont l-Artikoli 1 u 2 tal-Protokoll (Nru 22) dwar il-pożizzjoni tad-Danimarka anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, id-Danimarka mhiex qed tieħu sehem fl-adozzjoni ta’ din id-Direttiva u mhux marbuta biha jew soġġetta għall-applikazzjoni tagħha, ADDOTTAW DIN ID-DIRETTIVA: KAPITOLU I DISPOŻIZZJONIJIET ĠENERALI Artikolu 1 Materja tas-suġġett u ambitu 1. Din id-Direttiva tipprovdi għat-trasferiment tad-dejta dwar ir-Reġistru tal-Ismijiet tal-Passiġġieri mit-trasportaturi bl- ta’ passiġġieri ta’ titjiriet internazzjonali lejn u mill-Istati Membri, kif ukoll l-ipproċessar ta’ dik id-dejta, inkluż il-ġbir, l-użu u ż-żamma tagħha mill-Istati Membri u l-iskambju tagħha bejniethom. 2. Id-dejta tal-PNR miġbura skont din id-Direttiva tista' tiġi pproċessata biss għall-iskopijiet li ġejjin: 1. Il-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji skont l-Artikolu 4(2)(b) u (c); u 2. Il-prevenzjoni, l-iskoperta, l-investigazzjoni u l-prosekuzzjoni ta’ delitti transnazzjonali serji skont l-Artikolu 4(2)(a) u (d); Artikolu 2 Definizzjonijiet Għall-iskopijiet ta’ din id-Direttiva, għandhom japplikaw id-definizzjonijiet li ġejjin: (a) ‘trasportatur bl-’ tfisser impriża tat-trasport bl- b’liċenzja valida jew ekwivalenti li tippermettilha li twettaq ġarr ta' passiġġieri bl-; (b) ‘titjira internazzjonali’ tfisser kull titjira skedata jew mhux skedata minn trasportatur bl- ppjanat li jinżel fit-territorju ta' Stat Membru li toriġina minn pajjiż terz jew li titlaq mit-territorju ta’ Stat Membru b’destinazzjoni finali f’pajjiż terz, inklużi fiż-żewġ każijiet kull titjira tat-trasferiment jew tat-transitu; (c) ‘Reġistru tal-Ismijiet tal-Passiġġieri’ jew 'dejta tal-PNR' tfisser reġistru tar-rekwiżiti tal-ivvjaġġar ta’ kull passiġġier li jinkludi informazzjoni meħtieġa biex tippermetti li r-riservazzjonijiet jistgħu jiġu pproċessati u kkontrollati mit-trasportaturi bl- tal-prenotazzjoni u tal-parteċipazzjoni għal kull vjaġġ ipprenotat minn jew f’isem persuna, kemm jekk inkluża fuq sistema tar-riservazzjoni, Sistemi tal-Kontroll tat-Tluq (DCS) jew sistemi ekwivalenti li jipprovdu l-istess funzjonijiet; (d) ‘passiġġier’ tfisser kwalunkwe persuna, minbarra l-membri tal-ekwipaġġ, li tinġarr jew li għandha tinġarr fuq inġenji tal- bil-kunsens tat-trasportatur; (e) ‘sistemi tar-riservazzjoni’ tfisser is-sistema interna tal-inventajru tat-trasportatur bl-, fejn tinġabar id-dejta tal-PNR għall-ġestjoni tar-riservazzjonijiet; (f) ‘metodu push’ tfisser il-metodu fejn it-trasportaturi bl-ajru jittrasferixxu d-dejta tal-PNR meħtieġa fid-database tal-awtorità li tkun qed titlobha; (g) ‘reati terroristiċi’ tfisser ir-reati taħt il-liġi nazzjonali msemmija fl-Artikoli 1 sa 4 tad-Deċiżjoni Qafas tal-Kunsill 2002/475/ĠAI; (h) ‘delitt serju’ tfisser id-delitti taħt il-liġi nazzjonali msemmija fl-Artikolu 2(2) tad-Deċiżjoni Qafas tal-Kunsill 2002/584/ĠAI jekk huma punibbli minn piena ta' kustodja jew ordni ta' detenzjoni għal perjodu massimu ta' mill-inqas tliet snin skont il-liġi nazzjonali ta' Stat Membru, madankollu, l-Istati Membri jistgħu jeskludu dawk id-delitti minuri li, meta tiġi kkunsidrata s-sistema tal-ġustizzja kriminali rispettiva, l-ipproċessar tad-dejta tal-PNR skont din id-direttiva fir-rigward tagħhom ma jkunx skont il-prinċipju tal-proporzjonalità ; (i) ‘delitti transnazzjonali serji’ tfisser id-delitti taħt il-liġi nazzjonali msemmija fl-Artikolu 2(2) tad-Deċiżjoni Qafas tal-Kunsill 2002/584/ĠAI jekk għalihom ikun hemm piena ta’ kustodja jew ta’ ordni ta’ detenzjoni għal perjodu massimu ta’ mill-inqas tliet snin taħt il-liġi nazzjonali ta’ Stat Membru, jekk. (i) Jitwettqu fi stat wieħed jew aktar; (ii) Jitwettqu fi stat wieħed iżda parti sostanzjali tat-tħejjija, ippjanar, direzzjoni jew kontroll issir fi stat ieħor.; (iii) Jitwettqu fi stat wieħed iżda jinvolvu grupp kriminali organizzat li jieħu sehem f'attivitajiet kriminali fi stat ieħor jew aktar; jew (iv) Jitwettqu fi stat wieħed iżda għandhom effetti sostanzjali fi stat ieħor. KAPITOLU II RESPONSABBILTAJIET TAL-ISTATI MEMBRI Artikolu 3 Unità tal-Informazzjoni dwar il-Passiġġieri 1. Kull Stat Membru għandu jistabbilixxi jew jinnomina awtorità kompetenti għall-prevenzjoni, l-iskoperta, l-investigazzjoni jew il-prosekuzzjoni ta’ reati terroristiċi u delitti serji jew fergħa ta’ din l-awtorità biex taġixxi bħala l-‘Unità tal-Informazzjoni dwar il-Passiġġieri’ tiegħu responsabbli mill-ġbir tad-dejta tal-PNR mit-trasportaturi bl-, il-ħażna tagħhom, l-analiżi tagħhom u t-trasmissjoni tar-riżultat tal-analiżi lill-awtoritajiet kompetenti msemmija fl-Artikolu 5. Il-membri tal-persunal tagħhom jistgħu jiġu sekondati mill-awtoritajiet pubbliċi kompetenti. 2. Żewġ Stati Membri jew aktar jistgħu jistabbilixxu jew jinnominaw awtorità waħda biex isservi bħala l-Unità tal-Informazzjoni dwar il-Passiġġieri tagħhom. Tali Unità tal-Informazzjoni dwar il-Passiġġieri għandha tiġi stabbilità f'wieħed mill-Istati Membri parteċipanti u għandha tiġi kkunsidrata bħala l-Unità tal-Informazzjoni dwar il-Passiġġieri ta’ tali Stati Membri kollha parteċipanti. L-Istati Membri parteċipanti għandhom jaqblu fuq ir-regoli dettaljati għall-operazzjoni tal-Unità tal-Informazzjoni dwar il-Passiġġieri u għandhom jirrispettaw ir-rekwiżiti ppreżentati f'din id-Direttiva. 3. Kull Stat Membru għandu javża lill-Kummissjoni b’dan fi żmien xahar mill-istabbiliment tal-Unità tal-Informazzjoni dwar il-Passiġġieri u jistgħu jaġġornaw din id-dikjarazzjoni f’kull ħin. Il-Kummissjoni għandha tippubblika din l-informazzjoni, kif ukoll kull aġġornament, f’ Il-Ġurnal Uffiċjali tal-Unjoni Ewropea . Artikolu 4 Proċessar tad-dejta tal-PNR 1. Id-dejta tal-PNR trasferita mit-trasportaturi bl-, skont l-Artikolu 6, dwar it-titjiriet internazzjonali li jinżlu jew li jitilqu mit-territorju ta’ kull Stat Membru għandha tinġabar mill-Unità tal-Informazzjoni dwar il-Passiġġieri tal-Istat Membru rilevanti. F’każ li d-dejta tal-PNR trasferita mit-trasportaturi bl- tinkludi dejta aktar minn dik imniżżla fl-Anness, l-Unità tal-Informazzjoni dwar il-Passiġġieri għandha tħassar tali dejta immedjatament malli tkun irċevuta. 2. L-Unità tal-Informazzjoni dwar il-Passiġġieri għandha tipproċessa d-dejta tal-PNR għall-iskopijiet li ġejjin biss: 3. tewttieq ta’ valutazzjoni tal-passiġġieri qabel il-wasla jew tluq skedat tagħhom mill-Istat Membru sabiex jiġu identifikati persuni li jistgħu jkunu involuti f’reat terroristiku jew delitt transnazzjonali serju u li jeħtieġu aktar analiżi mill-awtoritajiet kompetenti msemmija fl-Artikolu 5. Fit-tewttieq ta' tali valutazzjoni, l-Unità tal-Informazzjoni dwar il-Passiġġieri tista' tipproċessa d-dejta tal-PNR mal-kriterji stabbiliti minn qabel. L-Istati Membri għandhom jiżguraw li kwalunkwe taqbila pożittiva li tirriżulta minn tali pproċessar awtomatizzat hija riveduta individwalment permezz ta’ mezzi mhux awtomatizzati biex ikun verifikat jekk l-awtorità kompetenti msemmija fl-Artikolu 5 għandhiex bżonn tieħu azzjoni; 4. twettieq ta’ valutazzjoni tal-passiġġieri qabel il-wasla jew tluq skedat tagħhom mill-Istat Membru sabiex jiġu identifikati persuni li jistgħu jkunu involuti f’reat terroristiku jew delitt serju u li jeħtieġu aktar analiżi mill-awtoritajiet kompetenti msemmija fl-Artikolu 5. Fit-twettiq ta' tali valutazzjoni l-Unità tal-Informazzjoni dwar il-Passiġġieri tista’ wkoll tqabbel id-dejta tal-PNR ma’ databases rilevanti, inklużi databases internazzjonali jew nazzjonali jew mirja nazzjonali tad-databases tal-Unjoni, fejn dawn huma stabbiliti abbażi tal-liġi tal-Unjoni fuq persuni jew oġġetti mfittxija jew taħt allert, skont regoli tal-Unjoni, internazzjonali u nazzjonali applikabbli għal dawn il-fajls. L-Istati Membri għandhom jiżguraw li kwalunkwe taqbila pożittiva li tirriżulta minn tali pproċessar awtomatizzat hija riveduta individwalment permezz ta’ mezzi mhux awtomatizzati biex ikun verifikat jekk l-awtorità kompetenti msemmija fl-Artikolu 5 għandhiex bżonn tieħu azzjoni; 5. tweġiba, fuq bażi ta' kull każ individwali, għal talbiet b’raġuni xierqa mill-awtoritajiet kompetenti sabiex tipprovdi dejta tal-PNR u tipproċessa dejta tal-PNR f'każijiet speċifiċi għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji, u tipprovdi r-riżultati ta’ dan l-ipproċessar lill-awtoritajiet kompetenti. u 6. l-analizzar tad-dejta tal-PNR bl-iskop li jiġu aġġornati jew jiġu stabbiliti kriterji ġodda għat-twettieq tal-valutazzjonijiet sabiex jiġu identifikati kwalunkwe persuni li jistgħu jkunu involuti f'reat terroristiku jew delitti transnazzjonali serji skont il-punt (a). 3. Il-valutazzjoni tal-passiġġieri, qabel il-wasla jew tluq skedat tagħhom mill-Istat Membru msemmi fil-punt (a) tal-paragrafu 2, għandha titwettaq b'mod nondiskriminatorju abbażi ta’ kriterji tal-valutazzjoni stabbiliti mill-Unità tal-Informazzjoni dwar il-Passiġġieri. L-Istati Membri għandhom jiżguraw li l-kriterji tal-valutazzjoni jiġu stabbiliti mill-Unitajiet tal-Informazzjoni dwar il-Passiġġieri, bil-kooperazzjoni mal-awtoritajiet kompetenti msemmija fl-Artikolu 5. Il-kriterji ta’ valutazzjoni fl-ebda ċirkostanza m’għandhom jiġu bbażati fuq l-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta' persuna. 4. L-Unità tal-Informazzjoni dwar il-Passiġġieri ta’ Stat Membru għandha tittrasferixxi d-dejta tal-PNR jew ir-riżultati tal-ipproċessar tad-dejta tal-PNR tal-persuni identifikati skont il-punti (a) u (b) tal-paragrafu 2 għal aktar analiżi lill-awtoritajiet kompetenti rilevanti tal-istess Stat Membru. Dawn it-trasferimenti jistgħu jsiru biss fuq bażi ta’ każ b’każ. Artikolu 5 Awtoritajiet kompetenti 1. Kull Stat Membru għandu jadotta lista tal-awtoritajiet kompetenti ntitolati li jitolbu jew jirċievu dejta tal-PNR jew ir-riżultat tal-ipproċessar ta’ dejta tal-PNR mill-Unitajiet tal-Informazzjoni dwar il-Passiġġieri sabiex jeżamina aktar din l-informazzjoni jew biex jieħu azzjoni xierqa bl-iskop tal-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. 2. L-awtoritajiet kompetenti għandhom ikunu magħmula minn awtoritajiet kompetenti għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. 3. Kull Stat Membru għandu jinnotifika l-lista tal-awtoritajiet kompetenti tiegħu lill-Kummissjoni mhux aktar tard minn tnax-il xahar mid-dħul fis-seħħ ta’ din id-Direttiva, u jista’ jaġġorna din id-dikjarazzjoni f’kull ħin. Il-Kummissjoni għandha tippubblika din l-informazzjoni, kif ukoll kull aġġornament, f’ Il-Ġurnal Uffiċjali tal-Unjoni Ewropea . 4. Id-dejta tal-PNR tal-passiġġieri u r-riżultat tal-ipproċessar tad-dejta tal-PNR riċevuti mill-Unità tal-Informazzjoni dwar il-Passiġġieri jistgħu jiġu pproċessati aktar mill-awtoritajiet kompetenti tal-Istati Membri bl-iskop biss għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi u delitti serji. 5. Il-paragrafu 4 għandu jkun mingħajr preġudizzju għall-infurzar tal-liġi nazzjonali jew poteri ġudizzjarji ta’ meta reati oħra, jew indikazzjonijiet tagħhom, jiġu skoperti matul l-andament ta’ azzjoni tal-infurzar wara dan l-ipproċessar. 6. L-awtoritajiet kompetenti m'għadhom jieħdu l-ebda deċiżjoni li tipproduċi effett legali negattiv fuq persuna jew li taffettwah b'mod sinifikattiv sempliċiment minħabba l-ipproċessar awtomatizzat tad-data tal-PNR. Tali deċiżjonijiet m’għandhomx jittieħdu fuq l-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta' persuna. Artikolu 6 Obbligi fuq trasportaturi bl- 1. L-Istati Membri għandhom jadottaw il-miżuri meħtieġa biex jiżguraw li t-trasportaturi bl- jittrasferixxu (‘push’) id-dejta tal-PNR kif definita fl-Artikolu 2(c) u speċifikata fl-Anness, sakemm din id-dejta diġà jiġbruha huma, għad-database tal-Unità tal-Informazzjoni dwar il-Passiġġieri nazzjonali tal-Istat Membru fit-territorju fejn it-titjira internazzjonali se tinżel jew mit-territorju minn fejn se titlaq it-titjira. Meta t-titjira għandha l-kodiċi kondiviż bejn trasportatur bl- wieħed jew aktar, l-obbligu għat-trasferiment tad-dejta tal-PNR tal-passiġġieri kollha fuq it-titjira għandu jkun fuq it-trasportatur bl- li jopera t-titjira. Fejn it-titjira jkollha waqfa waħda jew aktar fl-porti tal-Istati Membri, it-trasportaturi bl- għandhom jitrasferixxu d-dejta tal-PNR lill-Unitajiet tal-Informazzjoni dwar il-Passiġġieri tal-Istati Membri kkonċernati. 2. It-trasportaturi bl- għandhom jittrasferixxu d-dejta tal-PNR permezz ta’ mezzi elettroniċi bl-użu ta’ protokolli komuni u formati aċċettati tad-dejta li għandhom ikunu adottati skont il-proċedura tal-Artikoli 13 u 14 jew, fil-każ ta’ falliment tekniku, permezz ta’ kwalunkwe mezz xieraq ieħor li jiżgura livell xieraq ta’ sigurtà tad-dejta: (a) 24 sa 48 siegħa qabel il-ħin skedat għat-tluq tat-titjira; u (b) minnufih wara l-għeluq tat-titjira, jiġifieri hekk kif il-passiġġieri jkunu telgħu fuq l-inġenju tal- lesti għat-tluq u ma jkunx għadu possibbli li jitilgħu aktar passiġġieri abbord. 3. L-Istati Membri jistgħu jippermettu t-trasportaturi bl- jillimitaw it-trasferiment msemmi fil-punt (b) tal-paragrafu 2 għall-aġġornamenti tat-trasferiment imsemmi fil-punt (a) tal-paragrafu 2. 4. Fuq bażi ta' każ b'każ, fuq talba tal-Unità tal-Informazzjoni dwar il-Passiġġieri skont il-liġi nazzjonali, it-trasportaturi bl- għandhom jittrasferixxu d-dejta tal-PNR fejn ikun meħtieġ aċċess aktar kmieni minn dak imsemmi fil-punt (a) tal-paragrafu 2 biex jassistu fit-tweġiba għal theddid speċifiku u reali marbut ma' reati terroristiċi jew delitti serji. Artikolu 7 Skambju ta’ informazzjoni bejn Stati Membri 1. L-Istati Membri għandhom jiżguraw li, fir-rigward ta’ persuni identifikati mill-Unità tal-Informazzjoni dwar il-Passiġġieri skont l-Artikolu 4(2)(a) u (b), ir-riżultat tal-iproċessar tad-dejta tal-PNR huwa trażmess minn dik l-Unità tal-Informazzjoni dwar il-Passiġġieri lill-Unitajiet tal-Informazzjoni dwar il-Passiġġieri meta l-Unità tal-Informazzjoni dwar il-Passiġġieri tal-ewwel tikkunsidra tali trasferiment meħtieġ għall-prevenzjoni, l-iskoperta, l-investigazzjoni u l-prosekuzzjoni ta' reati terroristiċi jew delitti serji. L-Unitajiet tal-Informazzjoni dwar il-Passiġġieri tal-Istati Membri riċeventi għandhom jittrażmettu tali dejta tal-PNR jew ir-riżultat tal-ipproċessar tad-dejta tal-PNR lill-awtoritajiet kompetenti rilevanti tagħhom. 2. L-Unità tal-Informazzjoni dwar il-Passiġġieri ta’ Stat Membru għandu jkollu d-dritt li jitlob, jekk ikun hemm bżonn, lill-Unità tal-Informazzjoni dwar il-Passiġġieri ta' kwalunkwe Stat Membru ieħor biex tipprovdilha d-dejta tal-PNR li tinżamm fid-database ta’ din tal-aħħar skont l-Artikolu 9(1), u, jekk ikun hemm bżonn, anke r-riżultat tal-ipproċessar tad-dejta tal-PNR. It-talba għal tali dejta tista’ tkun ibbażata fuq kwalunkwe waħda jew kombinazzjoni ta’ elementi tad-dejta, kif meqjusa meħtieġa mill-Unità tal-Informazzjoni dwar il-Passiġġieri li qed tagħmel it-talba għal każ speċifiku għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi jew delitti serji. L-Unitajiet tal-Informazzjoni dwar il-Passiġġieri għandhom jipprovdu d-dejta mitluba hekk kif tkun prattikabbli u għandhom jipprovdu wkoll ir-riżultat tal-ipproċessar tad-dejta tal-PNR, jekk ikun diġà tħejja skont l-Artikolu 4(2)(a). 3. L-Unità tal-Informazzjoni dwar il-Passiġġieri ta’ Stat Membru għandu jkollu d-dritt li jitlob, jekk ikun hemm bżonn, lill-Unità tal-Informazzjoni dwar il-Passiġġieri ta' kwalunkwe Stat Membru ieħor biex tipprovdilha d-dejta tal-PNR li tinżamm fid-database ta’ din tal-aħħar skont l-Artikolu 9(2), u, jekk ikun hemm bżonn, anke r-riżultat tal-ipproċessar tad-dejta tal-PNR. L-Unità tal-Informazzjoni dwar il-Passiġġieri tista' titlob aċċess għal dejta tal-PNR speċifika li tinżamm mill-Unità tal-Informazzjoni dwar il-Passiġġieri ta' Stat Membru ieħor fil-forma totali tagħha mingħajr il-ħabi ta' xi dejta biss f'ċirkostanzi eċċezzjonali bi tweġiba għal theddida speċifika jew investigazzjoni jew prosekuzzjoni speċifiċi relatati ma' reati terroristiċi jew delitti serji. 4. Huwa biss f'dawk il-każijiet fejn ikun hemm il-ħtieġa għall-prevenzjoni ta' theddida imminenti u serja għas-sigurtà pubblika li l-awtoritajiet kompetenti ta' Stat Membru jistgħu jitolbu direttament lill-Unità tal-Informazzjoni dwar il-Passiġġieri ta’ kwalunkwe Stat Membru ieħor biex tipprovdihom bid-dejta tal-PNR li tinżamm fid-database ta’ din tal-aħħar skont l-Artikolu 9(1) and (2). Dawn it-talbiet għandhom ikunu relatati ma’ investigazzjoni jew prosekuzzjon speċifika ta’ reati terroristiċi jew delitti serji u għandhom ikunu raġunati. L-Unitajiet tal-Informazzjoni dwar il-Passiġġieri għandhom iwieġbu għal dawn it-talbiet bħala kwistjoni ta' prijorità. Fil-każijiet l-oħra kollha l-awtoritajiet kompetenti għandhom jgħaddu t-talbiet tagħhom mingħand l-Unità tal-Informazzjoni dwar il-Passiġġieri tal-Istat Membru tagħhom stess. 5. Eċċezzjonalment, meta jkun hemm bżonn aċċess kmieni bħala tweġiba għal theddida speċifika u reali dwar reati terroristiċi jew delitti serji, l-Unità tal-Informazzjoni dwar il-Passiġġieri ta’ Stat Membru għandu jkollha d-dritt li titlob lill-Unità tal-Informazzjoni dwar il-Passiġġieri ta’ Stat Membru ieħor biex tipprovdilha dejta tal-PNR tat-titjiriet li jinżlu fi jew li jitilqu mit-territorju ta' din tal-aħħar fi kwalunkwe ħin. 6. L-iskambju tal-informazzjoni taħt dan l-Artikolu jista’ jsir bl-użu tal-mezzi eżistenti għall-kooperazzjoni tal-infurzar tal-liġi internazzjonali. Il-lingwa użata għat-talba u l-iskambju tal-informazzjoni għandha tkun waħda applikabbli għall-mezz użat. Meta jagħmlu n-notifiki tagħhom skont l-Artikolu 3(3), l-Istati Membri għandhom ukoll jinfurmaw il-Kummissjoni bid-dettalji tal-kuntatti, lil min jistgħu jintbagħtu t-talbiet f’każ ta’ urġenza. Il-Kummissjoni għandha tikkomunika n-notifiki riċevuti lill-Istati Membri. Artikolu 8 Trasferiment ta’ dejta lil pajjiżi terzi Stat Membru jista’ jittrasferixxi dejta tal-PNR u r-riżultati tal-ipproċessar tad-dejta tal-PNR lil pajjiż terz, fuq il-bażi ta’ każ b’każ biss u jekk: (a) (a) jiġu ssodisfati l-kundizzjonijiet ippreżentati fl-Artikolu 13 tad-Deċiżjoni Qafas tal-Kunsill 2008/977/ĠAI, (b) (b) it-trasferiment huwa meħtieġ għall-iskopijiet ta’ din id-Direttiva speċifikata fl-Artikolu 1(2), u (c) it-tielet pajjiż jaqbel li jitrasferixxi d-dejta lil pajjiż terz ieħor fil-każ biss li huwa meħtieġ għall-iskopijiet ta' din id-Direttiva kif speċifikat fl-Artikolu 1(2) u biss bl-awtorizzazzjoni espressa tal-Istat Membru. Artikolu 9 Perjodu taż-żamma tad-dejta 1. L-Istati Membri għandhom jiżguraw li d-dejta tal-PNR ipprovduta mit-trasportaturi bl- tal-Unità tal-Informazzjoni dwar il-Passiġġieri tinżamm f'database fl-Unità tal-Informazzjoni dwar il-Passiġġieri għal perjodu ta' 30 ġurnata wara t-trasferiment tagħha lill-Unità tal-Informazzjoni dwar il-Passiġġieri tal-ewwel Stat Membru li fit-territorju tiegħu tkun nieżla jew tielqa t-titjira. 2. Wara l-iskadenza tal-perjodu ta’ 30 ġurnata wara t-trasferiment tad-dejta tal-PNR lill-Unità tal-Informazzjoni dwar il-Passiġġieri msemmija fil-paragrafu 1, id-dejta għandha tinżamm fl-Unità tal-Informazzjoni dwar il-Passiġġieri għal perjodu ieħor ta’ ħames snin. Matul dan il-perjodu, l-elementi kollha tad-dejta li jistgħu jservu biex jidentifikaw il-passiġġier li miegħu hija relatata d-dejta tal-PNR, għandhom jiġu moħbija. Din id-dejta tal-PNR anonimizzata għandha tkun aċċessibbli biss għal numru limitat ta’ persunal tal-Unità tal-Informazzjoni dwar il-Passiġġieri awtorizzata speċifikament sabiex twettaq analiżi tad-dejta tal-PNR u tiżviluppa kriterji tal-valutazzjoni skont l-Artikolu 4(2)(c). Aċċess għad-dejta tal-PNR kollha għandu jkun permess biss mill-Kap tal-Unità tal-Informazzjoni dwar il-Passiġġieri għall-iskop tal-Artikolu 4(2)(b) u fejn jista’ jkun maħsub raġonevolment li hemm bżonn li titwettaq investigazzjoni u bħala reazzjoni għal theddida jew riskju speċifiku u reali jew investigazzjoni jew prosekuzzjoni speċifika. Għall-finijiet ta’ din id-Direttiva, l-elementi tad-dejta li jistgħu jservu biex jiġi identifikat il-passiġġier li miegħu hija relatata d-dejta tal-PNR, u li għandhom jiġu ffiltrati u moħbija. - Isem (ismijiet), kif ukoll ismijiet ta' passiġġieri oħrajn fuq il-PNR u n-numru ta’ vjaġġaturi fuq il-PNR li qed jivvjaġġaw flimkien; - Indirizz u informazzjoni dwar il-kuntatt; - Kummenti ġenerali safejn ikun fihom xi informazzjoni li tista’ sservi biex jiġi identifikat il-passiġġier li miegħu huwa relatat l-PNR; u - Kwalunkwe Informazzjoni minn Qabel dwar il-Passiġġieri miġbura. 3. L-Istati Membri għandhom jiżguraw li d-dejta tal-PNR titħassar hekk kif jiskadi l-perjodu speċifikat fil-paragrafu 2. Dan l-obbligu għandu jkun mingħajr preġudizzju għal każijiet fejn dejta tal-PNR speċifika ġiet trasferita lil awtorità kompetenti u li tintuża fil-kuntest ta’ investigazzjonijiet jew prosekuzzjonijiet kriminali speċifiċi, fejn iż-żamma ta’ tali dejta mill-awtorità kompetenti għandha tiġi regolata mil-liġi nazzjonali tal-Istat Membru. 4. Ir-riżultat ta’ tqabbil msemmi fl-Artikolu 4(2)(a) u (b) għandu jinżamm mill-Unità tal-Informazzjoni dwar il-Passiġġieri sakemm biss ikun hemm bżonn li jiġu informati l-awtoritajiet kompetenti ta’ tqabbil pożittiv. Meta, wara analiżi individwali ta’ mezzi mhux awtomatizzati, ir-riżultat ta’ operazzjoni ta' tqabbil awtomatizzat joħroġ negattiv, madankollu għandu jinħażen biex jiġi evitat tqabbil pożittiv ‘falz’ futuri għal perjodu massimu ta' tliet snin sakemm id-dejta sottostanti tkun għadha ma tħassritx skont il-paragrafu 3 sal-iskadenza ta' dawk il-ħames (5) snin, li f'dak il-każ ir-reġistru għandu jinżamm sakemm id-dejta sottostanti titħassar. Artikolu 10 Penali kontra t-trasportaturi bl- L-Istati Membri għandhom jiżguraw, b’konformità mal-liġi nazzjonali tagħhom, li penali dissważivi, effettivi u proporzjonali, inklużi penali finanzjarji, jiġu pprovduti kontra t-trasportaturi bl- li, ma jittrażmettux id-dejta meħtieġa taħt din id-Direttiva, sakemm tkun diġà nġabret mit-trasportaturi bl-, jew ma jagħmlux hekk fil-format meħtieġ jew jiksru b'mod ieħor id-dispożizzjonijiet nazzjonali adottati skont din id-Direttiva. Artikolu 11 Protezzjoni tad-dejta personali 1. Kull Stat Membru għandu jipprovdi li, fir-rigward tal-ipproċessar kollu tad-dejta personali skont din id-Direttiva, kull passiġġier għandu jkollu l-istess dritt għall-aċċess, id-dritt għar-rettifika, it-tħassir u l-ibblukkar, id-dritt għall-kumpens u d-dritt għar-riżarċiment ġudizzjajru bħal dawk adottati mil-liġi nazzjonali fl-implementazzjoni tal-Artikoli 17, 18, 19 u 20 tad-Deċiżjoni Qafas tal-Kunsill 2008/977/ĠAI. Id-dispożizzjonijiet tal-Artikoli 17, 18, 19 u 20 tad-Deċiżjoni Qafas tal-Kunsill 2008/977/ĠAI għandhom għalhekk ikunu applikabbli. 2. Kull Stat Membru għandu jipprovdi li d-dispożizzjonijiet adottati taħt il-liġi nazzjonali fl-implimentazzjoni tal-Artikoli 21 u 22 tad-Deċiżjoni Qafas tal-Kunsill 2008/977/ĠAI dwar il-kunfidenzjalità tal-ipproċessar u s-sigurtà tad-dejta għandhom japplikaw għall-ipproċessar kollu tad-dejta personali skont din id-Direttiva 3. Kwalunkwe pproċessar ta’ dejta tal-PNR li jiżvela l-oriġini tar-razza jew etnika, it-twemmin reliġjuż jew filosofiku, l-opinjoni politika, is-sħubija fi trejdjunjin, is-saħħa jew il-ħajja sesswali ta’ persuna għandu jkun projbit. F'każ li dejta tal-PNR li tiżvela din l-informazzjoni tasal għand l-Unità tal-Informazzjoni dwar il-Passiġġieri għandha titħassar minnufih. 4. L-ipproċessar kollu tad-dejta tal-PNR mit-trasportaturi bl-, it-trasferimenti kollha tad-dejta tal-PNR minn Unitajiet tal-Informazzjoni dwar il-Passiġġieri u t-talbiet kollha mill-awtoritajiet kompetenti jew Unitajiet tal-Informazzjoni dwar il-Passiġġieri ta’ Stati Membri oħra u pajjiżi terzi, anke jekk irrifjutati, għandhom jiġu rreġistrati jew iddokumentati mill-Unitajiet tal-Informazzjoni dwar il-Passiġġieri u l-awtoritajiet kompetenti għall-iskop tal-verifika tal-legalità tal-ipproċessar tad-dejta, awto-monitoraġġ u assigurazzjoni tal-integrità tad-dejta xierqa u s-sigurtà tal-ipproċessar tad-dejta, b’mod partikolari mill-awtoritajiet nazzjonali tas-superviżjoni tal-protezzjoni tad-dejta. Dawn l-entrati tar-reġistru għandhom jinżammu għal perjodu ta’ ħames snin sakemm id-dejta sottostanti għadha ma tħassritx skont l-Artikolu 9(3) mal-iskadenza ta’ dawk l-istess ħames snin, u f’dak il-każ l-entrati tar-reġistru għandhom jinżammu sakemm titħassar id-dejta sottostanti. 5. L-Istati Membri għandhom jiżguraw li t-trasportaturi bl-, l-aġenti tagħhom jew bejjiegħa oħra tal-biljetti għall-ġarr ta’ passiġġieri fuq servizz tal- javżaw il-passiġġieri ta’ titjiriet internazzjonali, fil-ħin li jipprenotaw it-titjira u fil-ħin tal-akkwist tal-biljett, b’mod ċar u preċiż dwar il-provvista ta’ dejta tal-PNR għall-Unità tal-Informazzjoni dwar il-Passiġġieri, l-iskopijiet tal-ipproċessar tagħhom, il-perjodu taż-żamma tad-dejta, l-użu possibbli tagħhom għall-prevenzjoni, l-iskoperta, l-investigazzjoni u l-prosekuzzjoni ta’ reati terroristiċi jew delitti serji, il-possibbiltà tal-iskambju u l-kondiviżjoni ta’ din id-dejta u d-drittijiet tagħhom tal-protezzjoni tad-dejta, b’mod partikolari d-dritt li jilmentaw ma’ awtorità nazzjonali tas-sorveljanza tal-protezzjoni tad-dejta tal-għażla tagħhom. L-istess informazzjoni għandha tkun disponibbli mill-Istati Membri lill-pubbliku. 6. Għandu jiġi pprojbit kwalunkwe trasferiment tad-dejta tal-PNR mill-Unitajiet tal-Informazzjoni dwar il-Passiġġieri u mill-awtoritajiet kompetenti u partijiet privati fi Stati Membri jew f'pajjiżi terzi. 7. Mingħajr preġudizju għall-Artikolu 10, l-Istati Membri għandhom jadottaw miżuri xierqa biex jiżguraw l-implimentazzjoni sħiħa tad-dispożizzjonijiet ta’ din id-Direttiva u b’mod partikolari għandhom jistabbilixxu penali effettivi, proporzjonali u dissważivi sabiex jiġu imposti f’każijiet ta’ ksur tad-dispożizzjonijiet adottati skont din id-Direttiva. Artikolu 12 Awtorità Nazzjonali tas-Sorveljanza Kull Stat Membru għandu jipprovdi li l-awtorità nazzjonali tas-sorveljanza stabbilita fl-implimentazzjoni tal-Artikolu 25 tad-Deċiżjoni Qafas 2008/977/ĠAI għandha tkun responsabbli wkoll għan-notifika u l-monitoraġġ tal-applikazzjoni fit-territorju tiegħu tad-dispożizzjonijiet adottati mill-Istati Membri skont din id-Direttiva. Id-dispożizzjonijiet l-oħra tal-Artikolu 25 tad-Deċiżjoni Qafas 2008/977/JHA għandhom ikunu applikabbli. KAPITOLU IV MIŻURI TAL-IMPLIMENTAZZJONI Artikolu 13 Protokolli komuni u formati aċċettati tad-dejta 1. It-trasferimenti kollha tad-dejta tal-PNR mit-trasportaturi bl- lill-Unitajiet tal-Informazzjoni dwar il-Passiġġieri għall-iskopijiet ta' din id-Direttiva għandhom isiru b'mezzi elettroniċi jew, fil-każ ta’ falliment tekniku, permezz ta’ kwalunkwe mezz xieraq ieħor, għal perjodu ta' sena wara l-adozzjoni tal-protokoll komuni u l-formati aċċettati tad-dejta skont l-Artikolu 14. 2. Meta jkun skada l-limitu ta’ żmien ta’ sena mid-data mill-adozzjoni tal-protokolli komuni u l-foromati aċċettati tad-dejta, it-trasferimenti kollha tad-dejta tal-PNR mit-trasportaturi bl- lill-Unitajiet tal-Informazzjoni dwar il-Passiġġieri għall-iskopijiet ta’ din id-Direttiva għandhom isiru b’mod elettroniku bl-użu ta’ metodi żguri f’għamla ta’ protokolli komuni aċċettabbli li jkunu komuni għat-trasferimenti kollha biex tiġi żgurata s-sigurtà tad-dejta matul it-trasferiment, u f’format appoġġjat tad-dejta biex tiġi żgurata l-leġġibbiltà mill-partijiet kollha involuti. It-trasportaturi bl- kollha għandhom ikunu meħtieġa jagħżlu u jidentifikaw lill-Unità tal-Informazzjoni dwar il-Passiġġieri l-protokoll komuni u l-format tad-dejta li bi ħsiebhom jużaw għat-trasferimenti tagħhom. 3. Il-lista tal-protokolli komuni aċċettabbli u l-formati aċċettati tad-dejta għandhom jitħejjew u, jekk ikun hemm bżonn, aġġustati mill-Kummissjoni skont il-proċedura regolatorja msemmija fl-Artikolu 14(2). 4. Sakemm il-protokolli komuni aċċettabbli u l-formati aċċettati tad-dejta msemmija fil-paragrafi 2 u 3 mhumiex disponibbli, il-paragrafu 1 għandu jibqa’ applikabbli. 5. Kull Stat Membru għandu jiżgura li l-miżuri tekniċi meħtieġa huma adottati biex ikunu jistgħu jintużaw il-protokolli komuni u l-formati tad-dejta fi żmien sena mid-data meta ġew adottati l-protokolli komuni u l-formati aċċettati tad-dejta. Artikolu 14 Proċedura tal-kumitat 1. Il-Kummissjoni għandha tiġi assistita minn kumitat ("il-Kumitat"). Il-Kumitat għandu jkun kumitat skont it-tifsira tar-Regolament […/2011/UE] tas-16 ta' Frar 2011. 2. Fejn issir referenza għal dan il-paragrafu, għandu japplika l-Artikolu 4 tar-Regolament […/2011/UE] tas-16 ta' Frar 2011. KAPITOLU V DISPOŻIZZJONIJIET FINALI Artikolu 15 Traspożizzjoni 1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jimxu ma' din id-Direttiva sa mhux iżjed tard minn sentejn wara d-dħul fis-seħħ ta' din id-Direttiva. Għandhom minnufih jikkomunikaw lill-Kummissjoni t-testi ta’ dawk id-dispożizzjonijiet u skeda ta’ korrelazzjoni bejn dawk id-dispożizzjonijiet u din id-Direttiva. Meta l-Istati Membri jadottaw dawk id-dispożizzjonijiet, għandu jkun fihom referenza għal din id-Direttiva jew jiġu akkompanjati bl-imsemmija referenza fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir it-tali referenza. 2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam irregolat minn din id-Direttiva. Artikolu 16 Dispożizzjonijiet transizzjonali Mad-data msemmija fl-Artikolu 15(1), jiġifieri sentejn wara d-dħul fis-seħħ ta' din id-Direttiva, l-Istati Membri għandhom jiżguraw li tinġabar id-dejta tal-PNR ta' mill-inqas 30% tat-titjiriet kollha msemmija fl-Artikolu 6(1). Sa sentejn wara d-data msemmija fl-Artikolu 15, l-Istati Membri għandhom jiżguraw li tinġabar id-dejta tal-PNR ta' mill-inqas 60 % tat-titjiriet kollha msemmija fl-Artikolu 6(1). L-Istati Membri għandhom jiżguraw li minn erba' snin wara d-data msemmija fl-Artikolu 15, tinġabar id-dejta tal-PNR mit-titjiriet kollha msemmija fl-Artikolu 6(1). Artikolu 17 Analiżi Abbażi l-informazzjoni pprovduta mill-Istati Membri, il-Kummissjoni għandha: (a) tanalizza l-vijabilità u ħtieġa li jiġu inklużi t-titjiriet interni fl-iskop ta’ din id-Direttiva, fid-dawl tal-esperjenza miksuba minn dawk l-Istati Membri li jiġbru dejta tal-PNR dwar titjiriet interni. Il-Kummissjoni għandha tibgħat rapport lill-Parlament Ewropew u l-Kunsill fi żmien sentejn mid-data msemmija fl-Artikolu 15(1); (b) twettaq analiżi tal-operazzjoni ta’ din id-Direttiva u tibgħat rapport lill-Parlament Ewropew u l-Kunsill fi żmien erba’ snin mid-data msemmija fl-Artikolu 15(1). Din l-analiżi għandha tkopri l-elementi kollha ta’ din id-Direttiva, b’attenzjoni speċjali għall-konformità mal-istandard tal-protezzjoni tad-dejta personali, it-tul tal-perjodu taż-żamma tad-dejta u l-kwalità tal-valutazzjonijiet. Ikun fih ukoll informazzjoni ta’ statistika miġbura skont l-Artikolu 18. Artikolu 18 Dejta ta’ statistika 1. L-Istati Membri għandhom iħejju sett ta' informazzjoni statistika dwar id-dejta tal-PNR mogħtija lill-Unitajiet tal-Informazzjoni dwar il-Passiġġieri. Tali statistika għandha bħala minimu tkopri n-numru ta’ identifikazzjonijiet ta’ kwalunkwe persuna li tista’ tkun involuta f’reat terroristiku jew f’delitti serji skont l-Artikolu 4(2) u n-numru ta’ azzjonijiet sussegwenti tal-infurzar tal-liġi li jinvolvu l-użu tad-dejta tal-PNR għal kull trasportatur bl- u destinazzjoni. 2. Dawn l-istatistiċi m’għandhomx jinkludu dejta personali. Għandhom ikunu trażmessi lill-Kummissjoni fuq bażi annwali. Artikolu 19 Relazzjoni ma’ strumenti oħra 1. L-Istati Membri jistgħu jkomplu japplikaw ftehim jew arranġamenti bilaterali jew multilaterali bejniethom dwar l-iskambju tal-informazzjoni bejn awtoritajiet kompetenti, fis-seħħ meta din id-Direttiva tiġi adottata, sakemm dawn il-ftehimiet jew arranġamenti jkunu kompatibbli ma’ din id-Direttiva. 2. Din id-Direttiva hija mingħajr preġudizzju għal kwalunkwe obbligu jew impenn mill-Unjoni permezz ta’ ftehim bilaterali u/jew multilaterali ma’ pajjiżi terzi. Artikolu 20 Dħul fis-seħħ Din id-Direttiva għandha tidħol fis-seħħ fl-għoxrin jum ta’ wara dak tal-pubblikazzjoni tagħha f’ Il-Ġurnal Uffiċjali tal-Unjoni Ewropea . Din id-Direttiva hija indirizzata lill-Istati Membri skont it-Trattati. Magħmula fi Brussell, Għall-Parlament Ewropew Għall-Kunsill Il-President Il-President ANNESS Dejta tar-Reġistru tal-Ismijiet tal-Passiġġieri sakemm miġbura mit-trasportaturi bl- 7. Lokalizzatur tar-reġistru tal-PNR 8. Data tar-riservazzjoni/ħruġ tal-biljett 9. Data(i) tal-ivvjaġġar ippjanat 10. Isem(ismijiet) 11. Indirizz u informazzjoni tal-kuntatt (numru tat-telefown, indirizz tal-posta elettronika) 12. Il-forom kollha tal-informazzjoni dwar il-ħlas, inkluż l-indirizz tal-ħruġ tal-kontijiet 13. Itinerajru sħiħ tal-ivvjaġġar għall-PNR speċifika 14. Informazzjoni dwar vjaġġaturi ta’ spiss 15. Aġenzija tal-ivvjaġġar/aġent tal-ivvjaġġar 16. Status tal-ivvjaġġar tal-passiġġier, inklużi konfermi, status taċ-cheque-in, informazzjoni dwar in-nuqqas jew il-preżenza 17. Informazzjoni tal-PNR mifruda/maqsuma 18. Kummenti ġenerali (inkluża l-informazzjoni kollha disponibbli fuq minuri mhux akkumpanjati taħt it-18-il sena, bħall-isem u s-sess tal-minuri, l-età, l-ilsien (ilsna) mitkellm(a), l-isem u d-dettalji tal-kuntatt tal-kustodja mat-tluq u r-relazzjoni mal-minuri, l-isem u d-dettalji tal-kuntatt tal-kustodja mal-wasla u r-relazzjoni mal-minuri, l-aġent tat-tluq u tal-wasla) 19. Informazzjoni fil-qasam tal-biljetti, inkluż in-numru tal-biljett, id-data tal-ħruġ tal-biljett u biljetti lejn direzzjoni waħda, spazji tal-Automated Ticket Fare Quote 20. Numru tal-post u informazzjoni oħra dwar il-post 21. Informazzjoni dwar il-kondiviżjoni tal-kodiċi 22. L-informazzjoni kollha dwar il-bagalji 23. Numru u ismijiet oħra tal-vjaġġaturi fuq il-PNR 24. Kwalunkwe dejta miġbura dwar l-Informazzjoni minn Qabel dwar il-Passiġġieri (API). 25. Il-bidliet storiċi kollha tal-PNR elenkati taħt in-numri 1 sa 18 [1] Valutazzjoni tat-Theddida tal-Kriminalità Organizzata tal-UE tal-2009 tal-Europol [2] Eurostat 36/2009. [3] Rapport tal-2010 tal-Europol dwar is-Sitwazzjoni u x-Xejra tat-Terroriżmu fl-UE [4] Measuring the costs of coercion to workers in forced labour - Vinogradova, De Cock, Belser. [5] Il-kostijiet ekonomiċi u soċjali tal-kriminalità kontra individwi u djar 2003/04. [6] Ewrobarometru Standard 71, p. 149 tal-Anness. [7] Il-Konvenzjoni li timplimenta l-Ftehim ta’ Schengen tal-14 ta’ Ġunju 1985 bejn il-Gvernijiet tal-Istati tal-Unjoni Ekonomika ta’ Benelux, ir-Repubblika Federali tal-Ġermanja u r-Repubblika Franċiża fuq it-tneħħija gradwali tal-verifiki fil-fruntieri komuni tagħhom, ĠU L 239, 22.9.2000, p. 19. [8] Ir-Regolament (KE) Nru 1987/2006, id-Deċiżjoni 2007/533/ĠAI, ir-Regolament (KE) Nru 1986/2006. [9] Id-Deċiżjoni tal-Kunsill 2004/512/KE, ir-Regolament (KE) Nru 767/2008, Deċiżjoni tal-Kunsill 2008/633/ĠAI. Ara wkoll id-Dikjarazzjoni dwar il-ġlieda kontra t-terroriżmu, il-Kunsill tal-Ewropa, 25.3.2004. [10] COM(2010) 385. [11] Id-Dokument tal-Kunsill 17024/09, 2.12.2009. [12] Id-Direttiva 2004/82/KE tad-29 ta’ Awwissu 2004. [13] COM(2007) 654. [14] Id-Dokument tal-Kunsill 5618/2/09 REV 2, 29.6.2009. [15] P6_TA (2008)0561. [16] ĠU C 110, 1.5.2008. [17] Numru tal-Opinjoni 145 tal-5.12.2007 [18] http://fra.europa.eu/fraWebsite/attachments/FRA_opinion_PNR_en.pdf [19] Id-Direttiva 2004/82/KE tad-29 ta’ Awwissu 2004. [20] COM(2010) 492. [21] Il-Konvenzjoni li timplimenta l-Ftehim ta’ Schengen tal-14 ta’ Ġunju 1985 bejn il-Gvernijiet tal-Istati tal-Unjoni Ekonomika ta’ Benelux, ir-Repubblika Federali tal-Ġermanja u r-Repubblika Franċiża fuq it-tneħħija gradwali tal-verifiki fil-fruntieri komuni tagħhom, ĠU L 239, 22.9.2000, p. 19. [22] Ir-Regolament (KE) Nru 1987/2006, id-Deċiżjoni 2007/533/ĠAI, ir-Regolament (KE) Nru 1986/2006. [23] Id-Deċiżjoni tal-Kunsill 2004/512/KE, ir-Regolament (KE) Nru 767/2008, Deċiżjoni tal-Kunsill 2008/633/ĠAI. Ara wkoll id-Dikjarazzjoni dwar il-ġlieda kontra t-terroriżmu, il-Kunsill tal-Ewropa, 25.3.2004. [24] ĠU L 350, 30.12.2008, p. 60. [25] P6_TA (2008)0561. [26] Id-Dokument tal-Kunsill 17024/09, 2.12.2009. [27] ĠU C 110, 1.5.2008. [28] Opinjoni konġunta għall-proposta għal Deċiżjoni Kwadru tal-Kunsill dwar l-użu tar-Reġistru tal-Ismijiet tal-Passiġġieri (PNR) għal skopijiet tal-infurzar tal-liġi, ippreżentata mill-Kummissjoni fis-6 ta’ Novembru 2007 (WP 145 tal-5.12.2007), http://ec.europa.eu/justice/policies/privacy/docs/wpdocs/2007/wp145_en.pdf. [29] http://fra.europa.eu/fraWebsite/attachments/FRA_opinion_PNR_en.pdf. [30] SEC(2011) 132. [31] OJ C , , p. . [32] OJ C , , p. . [33] COM(2007) 654. [34] Id-Dokument tal-Kunsill 17024/09, 2.12.2009. [35] COM(2010) 492. [36] ĠU L 261, 6.8.2004, p. 24. [37] ĠU L 164, 22.6.2002, p. 3. Id-Deċiżjoni kif emendata mid-Deċiżjoni Kwadru tal-Kunsill 2008/919/ĠAI tat-28 ta’ Novembru 2008, (ĠU L 330, 9.1.2.2008, p. 21). [38] ĠU L 190, 18.7.2002, p. 1. [39] ĠU L 121, 15.5.2009, p. 37. [40] ĠU L 386, 29.12.2006, p. 89. [41] ĠU L 350, 30.12.2008, p. 60.