EUR-Lex Access to European Union law
This document is an excerpt from the EUR-Lex website
Document 52010DC0655
REPORT FROM THE COMMISSION TO THE EUROPEAN PARLIAMENT, THE COUNCIL AND THE EUROPEAN ECONOMIC AND SOCIAL COMMITTEE Monitoring the CO2 emissions from new passenger cars in the EU: data for 2009
RAPPORT MILL-KUMMISSJONI LILL-PARLAMENT EWROPEW, LILL-KUNSILL U LILL-KUMITAT EKONOMIKU U SOĊJALI EWROPEW Monitoraġġ tal-emissjonijiet ta’ CO2 mill-karozzi ġodda tal-passiġġieri fl-UE: dejta għas-sena 2009
RAPPORT MILL-KUMMISSJONI LILL-PARLAMENT EWROPEW, LILL-KUNSILL U LILL-KUMITAT EKONOMIKU U SOĊJALI EWROPEW Monitoraġġ tal-emissjonijiet ta’ CO2 mill-karozzi ġodda tal-passiġġieri fl-UE: dejta għas-sena 2009
/* KUMM/2010/0655 finali */
/* KUMM/2010/0655 finali */ RAPPORT MILL-KUMMISSJONI LILL-PARLAMENT EWROPEW, LILL-KUNSILL U LILL-KUMITAT EKONOMIKU U SOĊJALI EWROPEW Monitoraġġ tal-emissjonijiet ta’ CO2 mill-karozzi ġodda tal-passiġġieri fl-UE: dejta għas-sena 2009
[pic] | IL-KUMMISSJONI EWROPEA | Brussel 10.11.2010 KUMM(2010) 655 finali RAPPORT MILL-KUMMISSJONI LILL-PARLAMENT EWROPEW, LILL-KUNSILL U LILL-KUMITAT EKONOMIKU U SOĊJALI EWROPEW Monitoraġġ tal-emissjonijiet ta’ CO 2 mill-karozzi ġodda tal-passiġġieri fl-UE: dejta għas-sena 2009 RAPPORT MILL-KUMMISSJONI LILL-PARLAMENT EWROPEW, LILL-KUNSILL U LILL-KUMITAT EKONOMIKU U SOĊJALI EWROPEW Monitoraġġ tal-emissjonijiet ta’ CO 2 mill-karozzi ġodda tal-passiġġieri fl-UE: dejta għas-sena 2009 1. INTRODUZZJONI Skont l-Artikolu 9 tad-Deċiżjoni (KE) 1753/2000[1], il-Kummissjoni għandha tissottometti rapporti annwali bbażati fuq id-dejta tal-monitoraġġ sottomessa mill-Istati Membri lill-Parlament Ewropew u lill-Kunsill. Dan ir-Rapport jikkonċerna d-dejta ta’ monitoraġġ għas-sena 2009. Mill-2010, il-monitoraġġ u r-rapportar skont ir-Regolament (KE) Nru 443/2009[2] għandhom jieħdu post ir-rapportar ibbażat fuq id-Deċiżjoni (KE) 1753/2000 minħabba li dik id-Deċiżjoni hija revokata bir-Regolament. 2. TENDENZI LI JIKKONĊERNAW IL-KAROZZI ĠODDA TAL-PASSIĠĠIERI 2.1. Kwalità tad-dejta u l-ipproċessar L-Istati Membri kollha bagħtu d-dejta għall-2009 fir-rigward tar-reġistrazzjonijiet ta’ vetturi tal-passiġġieri ġodda. Għal għadd ta’ Stati Membri, kien neċessarju li d-dejta terġa’ tiġi pproċessata manwalment minħabba l-użu ta’ tipi ta’ fjuwil oħrajn għajr dawk li kien sar ftehim dwarhom, l-immaniġġar ta’ vetturi mhux magħrufa, l-applikazzjoni tal-fattur ta’ korrezzjoni u dejta oħra dubjuża. Dawn il-kwistjonijiet kienu indirizzati waqt il-proċess tal-evalwazzjoni tad-dejta u ssolvew b’suċċess mingħajr telf sinifikanti ta’ dejta. Wieħed għandu joqgħod attent meta janalizza s-serje ta’ żmien billi mhux l-Istati Membri kollha tal-UE huma inklużi għas-snin kollha, kif jidher mit-tabelli fit-taqsima 3. Filwaqt li qiegħed isir l-ikbar sforz possibbli biex tkun ippreżentata serje konsistenti, jista’ jkun li jseħħu xi tibdiliet fit-tendenzi minħabba titjib fil-metodoloġija u fl-immonitorjar. Meta mqabbla mar-rapporti li saru fis-snin ta’ qabel, id-dejta aggregata f’dan ir-rapport tirreferi għall-fjuwils kollha (qabel kienu ġew irrappurtati biss figuri fir-rigward tal-petrol u d-diżil), u f’kuntrast mar-rapporti li saru qabel, il-figuri tal-emissjonijiet ta’ CO2 mhumiex ikkoreġuti b’0.7%. Din il-korrezzjoni ta’ 0.7% ġiet applikata waqt il-valutazzjoni tal-progress li sar mill-assoċjazzjonijiet tal-manifattura ACEA, JAMA u KAMA, sabiex tkun ikkumpensata bidla fil-proċedura ta’ ttestjar li saret wara li saru l-impenji volontarji tagħhom[3]. Dawn l-impenji issa ġew sostitwiti bil-miri speċifikati fir-Regolament (KE) 443/2009. Għal raġunijiet ta’ kontinwità mar-rapporti preċedenti, id-dejta skont kull assoċjazzjoni tal-manifatturi tal-vetturi sejra tkompli tiġi ppreżentata. Dejta għall-vetturi li jużaw fjuwil alternattiv (AFV - alternative fuel vehicles) hija inkluża għat-tieni darba fir-rapport tal-monitoraġġ minħabba s-sehem tagħhom fis-suq li dejjem qiegħed jikber u l-kwalità mtejba tad-dejta. Din tinkludi vetturi rrappurtati fil-kategoriji tal-fjuwil li ġejjin: Liquefied Petroleum Gas (LPG), Gass Naturali (NG – Natural Gas), elettriku, idroġenu, fjuwil doppju, petrol-bioetanol, petrol-LPG, petrol-NG kif ukoll vetturi rrappurtati fil-kategorija Oħrajn. 2.2. Medja tal-emissjonijiet ta’ CO 2 minn karozzi ġodda tal-passiġġieri Il-medja tal-emissjonijiet speċifiċi ta’ CO2 fis-sena 2009 mill-karozzi ġodda tal-passiġġieri rreġistrati fl-Unjoni Ewropea kienet ta’ 145.7 gCO2/km. Dan jirrappreżenta tnaqqis ta’ 5.1%, jew 7.9 gCO2/km, mis-sena ta’ qabel (153.6 gCO2/km fis-sena 2008), li huwa l-ikbar tnaqqis relattiv f’emissjonijiet speċifiċi minn meta bdiet topera l-iskema tal-monitoraġġ. Parti minn dan it-tnaqqis seta’ kien dovut għall-kriżi finanzjarja u ekonomika kif ukoll minħabba l-mod kif inhuma mfasslin l-iskemi ta’ skrappjar li ġew implimentati f’bosta Stati Membri. Id-dejta tindika wkoll li kien hemm tnaqqis fid-daqs tal-flotta tal-karozzi, peress li s-saħħa medja tal-magni, il-massa tal-vettura kif ukoll il-kapaċità tal-magna naqsu xi ftit fis-sena 2009. Fis-sena 2009, il-vetturi li jaħdmu bid-diżil tjiebu bi kważi 6 grammi, il-vetturi li jaħdmu bil-petrol tjiebu bi kważi 9 grammi u l-vetturi li jaħdmu b’AFV bi ftit iktar minn 11-il gramma. Id-differenza bejn il-vetturi ġodda li jaħdmu bid-diżil u dawk li jaħdmu bil-petrol naqset għal madwar 2.3 grammi. Ta’ min wieħed jinnota li 10 snin ilu kien hemm iktar minn 17-il gramma differenza bejn karozzi ġodda li jaħdmu bil-gasolina u dawk li jaħdmu bid-diżil. Fis-sena 2009, il-proporzjon ta’ karozzi ġodda li jaħdmu bil-petrol qabeż dak tal-vetturi li jaħdmu bid-diżil. Fis-sena 2009, is-sehem ta’ AFV żdied b’mod sinifikanti. Dan kien dovut l-aktar għaż-żieda ta’ vetturi li jaħdmu bil-petrol-LPG reġistrati fl-Italja, li jammonta għal 92.8% tal-karozzi ġodda tal-passiġġieri kollha li jaħdmu bil-petrol-LPG reġistrati fl-UE27. Tabella 1: Emissjonijiet medji ta’ CO2 minn karozzi ġodda tal-passiġġieri skont il-fjuwil (UE27) Il-fjuwils kollha | 1347 | 1356 | 1372 | 1379 | 1373 | 1337 | Petrol | 1237 | 1235 | 1238 | 1235 | 1228 | 1206 | Diżil | 1463 | 1479 | 1501 | 1510 | 1508 | 1498 | Fjuwil alternattiv | 1415 | 1404 | 1392 | 1271 | 1237 | 1169 | 2.4. Dejta ta’ monitoraġġ skont l-assoċjazzjoni Għal raġunijiet ta’ kontinwità mar-rapporti li ħarġu qabel, id-dejta f’din it-taqsima hija ppreżentata skont l-assoċjazzjoni tal-manifatturi tal-vetturi. Fis-sena 2009, l-emissjonijiet ta’ CO2 minn karozzi ġodda tal-passiġġieri naqsu għal kull assoċjazzjoni. Meta mqabbel mal-2008, ACEA naqset il-medja tal-emissjonijiet tagħha b’7.3 grammi, JAMA bi 11.2 grammi, KAMA b’9.7 grammi u manifatturi oħrajn, bħala medja, bi 18.4 grammi. Fis-sena 2009 kemm KAMA kif ukoll JAMA kellhom emissjonijiet medji aktar baxxi minn karozzi ġodda tal-passiġġieri milli ACEA, filwaqt li s-sitwazzjoni kienet bil-maqlub fis-sena 2007. Tabella 7: Medja ta’ emissjonijiet ta’ CO2 minn karozzi ġodda tal-passiġġieri skont l-assoċjazzjoni tagħhom VOLKSWAGEN | 1 396 | 131 | 150.7 | 1 595 889 | FORD | 1 268 | 125 | 139.7 | 1 249 195 | FIAT | 1 134 | 119 | 130.1 | 1 206 362 | RENAULT | 1 308 | 127 | 137.7 | 1 079 984 | PEUGEOT | 1 292 | 126 | 133.6 | 966 013 | CITROEN | 1 328 | 128 | 137.9 | 850 753 | OPEL | 1 329 | 128 | 147.6 | 802 686 | TOYOTA | 1 277 | 126 | 131.7 | 691 518 | BMW | 1 526 | 137 | 151.2 | 680 768 | DAIMLER | 1 487 | 135 | 166.8 | 666 341 | AUDI | 1 605 | 141 | 160.2 | 586 764 | SKODA | 1 266 | 125 | 147.9 | 446 671 | NISSAN | 1 348 | 129 | 154.3 | 359 094 | HYUNDAI | 1 245 | 124 | 137.8 | 322 432 | SEAT | 1 253 | 125 | 140.1 | 307 811 | KIA | 1 384 | 131 | 145.9 | 240 986 | VAUXHALL | 1 321 | 128 | 151.9 | 233 400 | HONDA | 1 354 | 129 | 147.3 | 231 810 | DACIA | 1 182 | 121 | 151.9 | 226 618 | MAZDA | 1 251 | 124 | 149.5 | 199 299 | Mill-manifatturi kollha li rreġistraw iktar minn 10 000 vettura fl-Unjoni Ewropea fis-sena 2009, manifattur wieħed biss irnexxielu jissodisfa għal kollox il-mira stabbilita għas-sena 2015:MARUTI (massa medja: 932 kg, mira ta’ emissjonijiet speċifiċi: 110 gCO2/km, medja ta’ emissjonijiet speċifiċi fis-sena 2009: 104 gCO2/km, reġistrazzjonijiet fis-sena 2009: 14 095). [pic][pic] [1] Deċiżjoni (KE) 1753/2000 tal-Parlament Ewropew u tal-Kunsill li tistabbilixxi skema biex timmonitorja il-medja tal-emissjonijiet speċifiċi ta’ CO2 minn karozzi tal-passiġġieri ġodda, ĠU L 202, 10.8.2000. [2] Regolament (KE) 443/2009 tal-Parlament Ewropew u tal-Kunsill tat-23 ta’ April 2009 li jistabbilixxi standards ta’ rendiment għall-emissjonijiet minn karozzi ġodda tal-passiġġieri, ĠU L 140, 5.6.2009 [3] Iktar informazzjoni relatata mal-korrezzjoni ta’ 0.7% tinstab f’COM(2002) 693 finali and COM(2004) 78 finali. [4] L-UE15 tinkludi l-Awstrija, il-Belġju, id-Danimarka, il-Finlandja, Franza, il-Ġermanja, il-Greċja, l-Irlanda, l-Italja, il-Lussemburgu, il-Pajjiżi l-Baxxi, il-Portugall, Spanja, l-Isvezja u r-Renju Unit (barra l-Irlanda ta’ Fuq). L-UE10 tinkludi Ċipru, ir-Repubblika Ċeka, l-Estonja, l-Ungerija, il-Latvja, il-Litwanja, Malta, il-Polonja, is-Slovakja u s-Slovenja. L-UE12 tinkludi l-UE10, il-Bulgarija u r-Rumanija. L-UE25 tinkludi l-UE15 u l-UE10. L-UE27 tinkludi l-UE15 u l-UE12. [5] “Oħrajn” tinkludi karozzi ġodda tal-passiġġieri mhux identifikati (vetturi li għalihom l-Istati Membri ma rrappurtawx b’mod korrett l-informazzjoni meħtieġa) [6] Ir-reġistrazzjoni totali ta’ karozzi ġodda tal-passiġġieri skont l-Istati Membri tal-UE li qegħdin jirrapportaw [7] http://ec.europa.eu/environment/air/transport/co2/co2_monitoring.htm [8] Mira ta’ emissjonijiet speċifiċi bbażata fuq il-formoli stabbliti fl-Anness I tar-Regolament (KE) 443/2009