EUR-Lex Access to European Union law
This document is an excerpt from the EUR-Lex website
Document 52007DC0396
Communication from the Commission to the Council, the European Parliament and the European Economic and Social Committee on the implementation of the Community Strategy for dioxins, furans and polychlorinated biphenyls (COM(2001) 593) – Second progress Report {SEC(2007) 955}
Munikazzjoni mill-Kummissjoni lill-Kunsill, il-Parlament Ewropew u lill-Kumitat Ekonomiku u Soċjali Ewropew dwar l-implimentazzjoni ta' l-Istrateġija Komunitarja għad-dijossini, l-furani u l-bifenili poliklorurati (COM(2001) 593) – It-tieni Rapport ta' progress {SEG(2007) 955}
Munikazzjoni mill-Kummissjoni lill-Kunsill, il-Parlament Ewropew u lill-Kumitat Ekonomiku u Soċjali Ewropew dwar l-implimentazzjoni ta' l-Istrateġija Komunitarja għad-dijossini, l-furani u l-bifenili poliklorurati (COM(2001) 593) – It-tieni Rapport ta' progress {SEG(2007) 955}
/* KUMM/2007/0396 finali */
Munikazzjoni mill-Kummissjoni lill-Kunsill, il-Parlament Ewropew u lill-Kumitat Ekonomiku u Soċjali Ewropew dwar l-implimentazzjoni ta' l-Istrateġija Komunitarja għad-dijossini, l-furani u l-bifenili poliklorurati (COM(2001) 593) – It-tieni Rapport ta' progress {SEG(2007) 955} /* KUMM/2007/0396 finali */
[pic] | KUMMISSJONI TAL-KOMUNITAJIET EWROPEJ | Brussel 10.7.2007 KUMM(2007) 396 finali MUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW U LILL-KUMITAT EKONOMIKU U SOĊJALI EWROPEW Dwar l-implimentazzjoni ta' l-Istrateġija Komunitarja għad-dijossini, l-furani u l-bifenili poliklorurati (COM(2001) 593) – It-tieni rapport ta' progress {SEG(2007) 955} MUNIKAZZJONI MILL-KUMMISSJONI LILL-KUNSILL, IL-PARLAMENT EWROPEW U LILL-KUMITAT EKONOMIKU U SOĊJALI EWROPEW Dwar l-implimentazzjoni ta' l-Istrateġija Komunitarja għad-dijossini, l-furani u l-bifenili poliklorurati (COM(2001) 593) – It-tieni rapport ta' progress Il-kuntest Id-dijossini, l-furani u l-bifenili poliklorurati (PCDD, PCDF u PCBs) huma grupp ta' sustanzi kimiċi tossiċi li jippersistu fl-ambjent, jibbijoakkumulaw permezz tal-katina alimentari u hemm riskju li jikkawżaw effetti negattivi fuq is-saħħa tal-bniedem u l-ambjent. Jistgħu jikkawżaw dannu fis-sistema immunitarja, fis-sistema nervuża, fis-sistema endokrinu u fil-funzjonijiet riproduttivi u hemm anke suspett li jikkawżaw il-kanċer. Il-feti u t-trabi tat-twelid huma l-aktar sensittivi jekk jiġu esposti. Hemm tħassib konsiderevoli mil-lat pubbliku, politiku u xjentifiku dwar l-effetti negattivi fuq is-saħħa tal-bniedem u l-ambjent f'każ ta' esponiment fit-tul għal anke għall-iżgħar ammonti tad-dijossini, l-furani u l-PCBs. Tul l-aħħar għoxrin sena, diġà nkiseb tnaqqis ġenerali fil-livelli tad-dijossini, l-furani u l-PCBs fl-ambjent u fil-bniedem, b'mod partikolari permezz tal-kontroll fis-sorsi ta' l-emissjonijiet industrijali, bħall-inċinerazzjoni ta' l-iskart. Madankollu huwa xieraq li, fid-dawl tal-persistenza ta' dawn is-sustanzi kimiċi, il-ħidma għat-tnaqqis fl-emissjonijiet antropoġeniċi fl-ambjent, bil-għan li jkomplu jitnaqqsu u, fejn ikun fattibbli, jiġu eliminati għal kollox. Barra dan, il-livelli fl-għalf u fl-ikel għandu jkompli jitnaqqas sabiex jitnaqqas l-esponiment tal-bniedem. Biex jonqos il-konsum mill-bniedem, huwa importanti li jitnaqsu l-livelli fil-katina alimentari għax il-konsum ta' l-ikel huwa l-aktar mod importanti għall-esponiment tal-bniedem. Il-kontaminazzjoni fil-katina alimentari hija kkawżata mill-kontaminazzjoni ambjentali. Id-dijossini li joħorġu fl-arja jistgħu pereżempju jiddepożitaw ruħhom fuq il-pjanti jew fl-ilma u jiġu akkumulati mill-annimali u mill-ħut meta jieklu, b'hekk jidħlu fil-katina alimentari. Għalhekk hemm bżonn li jittieħdu miżuri biex inaqsu l-preżenza tad-dijossini, l-furani u l-PCBs kemm għall-ambjent u anke għall-ikel u l-għalf. Fl-24 ta' Ottubru 2001 il-Kummissjoni adottat Komunikazzjoni lill-Kunsill, lill-Parlament Ewropew u lill-Kumitat Ekonomiku u Soċjali Ewropew li tistabbilixxi Strateġija Komunitarja għad-dijossini, l-furani u l-PCBs[1] (l-Istrateġija għad-Dijossini). L-Istrateġija għad-Dijossini tikkonsisti f'żewġ partijiet: parti li fiha azzjonijiet biex titnaqqas il-preżenza tad-dijossini, l-furani u l-PCBs fl- ambjent u parti li fiha l-azzjonijiet biex tonqos il-preżenza tagħhom fl-għalf u fl-ikel . Fit-12 ta' Diċembru 2001, il-Kunsill "Ambjent" adotta Konklużjonijiet dwar il-Komunikazzjoni tal-Kummissjoni, li jappoġġaw l-Istrateġija tad-Dijossini tal-Kummissjoni u jitolbu lill-Kummissjoni biex tirraporta lura dwar l-implimentazzjoni sa l-aħħar ta' l-2003 u minn dakinhar 'il quddiem kull tliet snin. Fit-13 ta' April 2004, ġie adottat l-ewwel rapport ta' progress li jkopri l-perjodu 2002-2003[2]. Din il-Komunikazzjoni hija t-tieni rapport ta' progress li jpoġġi fil-qosor l-attivitajiet li ttieħdu mill-Kummissjoni fuq il-perjodu 2004-2006 fl-oqsma ta' l-ambjent u l-ikel u l-għalf. Hija ssuplimentata b'Anness li fih deskrizzjonijiet aktar dettaljati u tekniċi dwar l-iżviluppi fiż-żoni differenti (SEC(2007) 955). L-attivitajiet li twettqu fil-qasam ambjentali Id-dijossini, l-furani u l-PCBs jiġu indirizzati taħt diversi oqsma politiċi ambjentali. Qasam ta' importanza partikolari għall-perjodu ta' skrutinju huwa l-implimentazzjoni ta' żewġ konvenzjonijiet internazzjonali dwar inkwinanti organiċi persistenti (POPs). Bħal POPs oħra, id-dijossini, l-furani u l-PCBs jaqsmu konfini internazzjonali u huma ta' riskju għall-ambjent u is-saħħa tal-bniedem madwar id-dinja kollha. Dan it-tħassib globali huwa rifless fil-Konvenzjoni ta' Stokkolma tal-UNEP dwar il-inkwinanti organiċi persistenti, li fi Frar 2005 l-Komunità saret parti minnha, kif ukoll fil-Protokoll ta' l-1998 dwar il-POBs taħt il-Konvenzjoni tal-Kummissjoni Ekonomika tan-Nazzjonijiet Uniti għall-Ewropa dwar it-Tniġġis ta' l-Arja Transkonfinali fuq Distanza Twila. Biex l-UE timplimenta bis-sħiħ l-obbligi taż-żewġ strumenti internazzjonali, ir-Regolament (KE) Nru 850/2004 dwar il-inkwinanti organiċi persistenti[3] ġie adottat fl-2004. L-adozzjoni tikkostitwixxi kisba prinċipali għat-tnaqqis tad-dijossini, il-furani u l-PCBs. Ir-Regolament jeħtieġ li l-Istati Membri jiżviluppaw inventarji nazzjonali dwar ir-rilaxxi tad-dijossini, il-furani u l-PCBs u jidentifikaw miżuri biex jindirizzawhom. Ġew żviluppati jew se jiġu żviluppati fil-futur qarib, Pjanijiet Nazzjonali ta' Implimentazzjoni. Għalhekk ir-Regolament tal-POP jiżgura li informazzjoni aħjar dwar ir-rilaxxi nazzjonali tad-dijossini, il-furani u l-PCBs se ssir disponibbli u li qed jiġu definiti l-miżuri nazzjonali biex jindirizzawhom. Il-Kummissjoni żviluppat ukoll Pjan Komunitarju ta' Implimentazzjoni[4], li jistabbilixxi l-azzjonijiet li għandhom jittieħdu fil-livell ta' l-UE. Għall-għan ta' dan il-pjan, saret evalwazzjoni tal-prijoritajiet sabiex tiddefinixxi l-azzjonijiet biex jindirizzaw POPs li ġew rilaxxati mingħajr ħsieb, li jinkludu d-dijossini, il-furani u l-PCBs. Il-Pjan ta' Implimentazzjoni, b'mod partikolari jsostni li s-sorsi industrijali għandhom ikomplu jiġu indirizzati fil-qafas ġuridiku preżenti, li jinkludi d-Direttiva ta' l-IPPC[5] u d-Direttiva ta' l-Inċinerazzjoni ta' l-Iskart[6]. Sorsi domestiċi, bħat-tisħin residenzjali bl-injam u l-faħam, qed isiru dejjem aktar importanti u l-Kummissjoni se tikkontribwixxi biex tindirizzahom billi tippromwovi l-iskambju ta' l-esperjenza u l-informazzjoni bejn il-partijiet prinċipali u l-Istati Membri. Minbarra dan l-iżvilupp ġenerali, il-progress rigward l-azzjonijiet ta' l-Istrateġija tad-Dijossini għall-ambjent matul il-perjodu 2004-2006 sar f'għadd ta' oqsma speċifiċi: Fil-qasam ta' l- emissjonijiet industrijali kompla x-xogħol biex jiġu identifikati l-Aħjar Metodi ta' Teknika Disponibbli (BAT) għall-prevenzjoni u l-kontroll tat-tniġġis, u sa l-aħħar ta' l-2006 ġew finalizzati l-aħħar sitta minn serje ta' 32 BREF (Dokumenti ta' Referenza BAT). Għal xi BREFs adottati qabel, diġà bdiet reviżjoni biex tqis l-iżviluppi ġodda inklużi fis-setturi tas-siment u l-ġir, ta' l-għaġna tal-karta u l-karta u tal-ħadid u ta' l-azzar. F'Settembru 2006, ġiet adottata Strateġija Tematika dwar il-ħarsien tal- ħamrija . Din tinkludi proposta għal qafas ta' Direttiva li tirrikjedi li l-Istati Membri jipprevjenu l-kontaminazzjoni tal-ħamrija, biex jagħmlu inventarju dwar is-siti kontaminati u biex jitranġaw is-siti identifikati. Għall- iskart , ir-Regolament tal-POP jistipula li l-kontaminazzjoni tal-POP għandha tinqered jew tiġi trasformata b'mod irriversibbli f''sustanzi oħra. Hemm xi derogi minn din ir-regola ġenerali, u fl-2006 u l-2007 ġew adottati żewġ Regolamenti[7] li jiddefinixxu l-valuri ta' limitu għad-dijossini, il-furani u l-PCBs dwar l-applikazzjoni ta' tali derogi. Fil-qafas ta' l- aċċess pubbliku għal data dwar l-emissjonijiet industrijali, f'Jannar 2006 ġie adottat reġistru Ewropew disponibbli pubblikament dwar l-Inkwinanti (E-PRTR)[8]. Imqabbel mar-reġistru preżenti (EPER), għandu livelli ta' rappurtaġġ aktar baxxi għad-dijossini u l-furani u jinkludi r-rapputaġġ dwar il-PCBs. Matul il-perjodu 2002-2005, twettqu żewġ studji prinċipali sabiex jipprovdu informazzjoni komprensiva dwar id-dijossini, il-furani u l-PCBs fl-UE-10. Ir-riżultati ġew diskussi fi grupp ta' ħidma organizzat fi Brussell fi Frar 2005 li matulu l-implimentazzjoni tal-leġiżlazzjoni eżistenti u aktar attenzjoni għas-sorsi domestiċi żgħar ġew identifikati bħala prijoritajiet għax-xogħol futur[9]. L-attivitajiet li twettqu fil-qasam ta' l-għalf u l-ikel L-Istrateġija tad-Dijossina tiddeskrivi strateġija integrata għal-leġiżlazzjoni dwar l-għalf u l-ikel biex tnaqqas il-preżenza tad-dijossini, l-furani u l-PCBs fil-katina alimentari kollha. Din l-istrateġija integrata tikkonsisti fi tliet pilastri: 1. It-twaqqif ta' livelli massimi stretti iżda fattibbli fl-għalf u l-ikel li jqisu r-riżultati miksuba bit-tnaqqis tal-preżenza tad-dijossini fl-ambjent. 2. It-twaqqif tal-livelli ta' azzjoni biex titqanqal l-azzjoni meta l-livelli fl-għalf jew l-ikel jinsabu li jkunu b'mod ċar 'il fuq mil-livell ta' l-isfond. Il-livelli ta' azzjoni għandhom funzjoni ta' twissija bikrija. 3. It-twaqqif ta' livelli ta' mira li għandhom jinkisbu tul iż-żmien sabiex l-esponiment tal-maġġoranza mill-popolazzjoni Ewropea fi ħdan il-limiti rakkomandati mill-Kumitat Xjentifiku dwar l-Ikel. Matul il-perjodu taħt skrutinju, il-leġiżlazzjoni dwar il- livelli massimi fl-għalf u fl-ikel ġiet aġġornata biex tinkludi wkoll PCBs li jixbhu lid-dijossini billi ġew stabbiliti livelli massimi għat-total tad-dijossini, l-furani u PCBs li jixbħu lid-dijossini[10]. Sabiex tiġi żgurata tranżizzjoni mingħajr xkiel, il-livelli massimi preżenti għad-dijossini u l-furani, flimkien mal-livelli massimi ġodda proposti għat-total tad-dijossini, l-furani u PCBs li jixbħu lid-dijossini, se jinżammu għal perjodu temporanju. Peress li s-sorsi tad-dijossini u l-PCBs li jixbhu lid-dijossini huma differenti, il-pjanijiet ta' azzjoni stabbiliti għad-dijossini u l-furani fl-2002 ġew miżmuma u fl-2006 ġew stabbiliti livelli ta' azzjoni separati għall-PCBs li jixbhu lid-dijossini, simultanjament mat-twaqqif ta' livelli massimi għat-total tad-dijossini, l-furani u PCBs li jixbhu lid-dijossini[11]. Il-leġiżlazzjoni dwar il-metodoloġija analitika u l-monitoraġġ ta' l-għalf u l-ikel ġiet riveduta u aġġornata fid-dawl ta' l-inklużjoni ta' PCBs li jixbhu d-dijossini fil-livelli stabbiliti u biex tqis l-esperjenzi[12]. Dwar il-PCBs li ma jixbhux lid-dijossini, l-Awtorità Ewropea għas-Sigurtà Alimentari wettqet valutazzjoni dwar ir-riskji għas-saħħa tal-pubbliku u dik ta' l-annimali dwar il-preżenza ta' PCBs li ma jixbhux lid-dijossini fl-għalf u fl-ikel[13]. Waqt li jqisu l-konklużjonijiet ta' din il-valutazzjoni tar-riskju, qed isiru d-diskussjonijiet dwar il-possibiltà li jitwaqqfu livelli regolatorji għal-PCBs li ma jixbhux lid-dijossini fl-għalf u fl-ikel. L-attivitajiet ta' riċerka Biex jimtlew xi wħud mil-lakuni fl-għarfien preżenti, id-dijossini, il-furani u l-PCPs, flimkien ma' sustanzi oħra, ġew indirizzati f'għadd ta' proġetti ta' riċerka ffinanzjati taħt is-Sitt Programm ta' Qafas ta' Riċerka li jiffoka fuq l-effetti tas-saħħa, il-kontaminazzjoni tal-katina alimentari u l-aspetti ambjentali. Saret ukoll riċerka miċ-Ċentru Konġunt ta' Riċerka dwar dawn is-sustanzi fl-oqsma tal-ħamrija, l-ilma, l-arja ambjentali u l-emissjonijiet. [1] COM (2001) 593 finali. [2] COM (2004) 240 finali. [3] Ir-Regolament (KE) Nru 850/2004 tal-Parlament Ewropew u tal-Kunsill tad-29 ta’ April 2004 dwar pollutanti organiċi persistenti u li jemenda d-Direttiva 79/117/KEE, ĠU L158, 30.4.2004. [4] SEC(2007) 341. [5] Id-Direttiva tal-Kunsill 96/61/KE ta' l-24 ta' Settembru 1996 dwar il-prevenzjoni u l-kontroll integrat tat-tniġġis ĠU L 257, 10.10.1996, p. 26. [6] Id-Direttiva 2000/76/KE tal-Parlament Ewropew u tal-Kunsill ta' l-4 ta' Diċembru 2000 dwar l-inċinerazzjoni ta' l-iskart ĠU L 332, 28.12.2000, p. 91. [7] Ir-Regolament tal-Kunsill (KE) Nru 1195/2006 tat-18 ta' Lulju 2006 li jemenda l-Anness IV mar-Regolament (KE) Nru 850/2004 dwar inkwinanti organiċi persistenti ĠU L217, 8.8.2006, p. 1, u r-Regolament (KE) Nru 172/2007 tas-16 ta' Frar 2007 li jemenda l-Anness V mar-Regolament (KE) Nru 850/2004 tal-Parlament Ewropew u tal-Kunsill dwar inkwinanti organiċi persistenti, ĠU L55, 23.2.2007, p. 1. [8] Ir-Regolament (KE) Nru 166/2006 tal-Parlament Ewropew u tal-Kunsill tat-18 ta' Jannar 2006 dwar il-ħolqien ta' Reġistru Ewropew dwar ir-Rilaxx u t-Trasferiment ta' Inkwinanti, ĠU L33, 4.2.2006, p.1. [9] Ir-rapporti dwar l-istudju u d-dokumenti tal-grupp ta' ħidma jinstabu fuq: http://ec.europa.eu/environment/dioxin/index.htm#enlarged_eu [10] Id-Direttiva tal-Kummissjoni 2006/13/KE tat-3 ta’ Frar 2006 li temenda l-Annessi I u II tad-Direttiva tal-Parlament Ewropew 2002/32/KE u tal-Kunsill dwar sustanzi mhux mixtieqa fl-għalf ta’ l-annimali fir-rigward ta’ dijossini u PCBs li jixbhu lid-dijossini (ĠU L32, 4.2.2006, p. 44) għall-għalf; u r-Regolament tal-Kummissjoni (KE) Nru 199/2006 tat-3 ta' Frar 2006 li jemenda r-Regolament (KE) Nru 466/2001 li jistabilixxi livelli massimi ta' ċerti kontaminanti fl-oġġetti ta' l-ikel fir-rigward tad-dijossini u l-PCBs li jixbhu lid-dijossini (ĠU L32, 4.2.2006) għall-ikel. Dawn ta' l-aħħar ssostitwixxa r-Regolament tal-Kummissjoni (KE) Nru 1881/2006 tat-19 ta' Diċembru 2006 li jistabbilixxi livelli massimi ta' ċerti kontaminanti fl-ikel. (ĠU L364, 20.12.2006, p. 5) [11] Ir-Rakkomandazzjoni tal-Kummissjon 2006/88/KE tas-6 ta' Frar 2006 dwar it-tnaqqis tal-preżenza tad-dijossini il-furani u l-PCBs fl-oġġetti ta' l-għalf u l-oġġetti ta' l-ikel (ĠU L42, 14.2.2006, p. 26). [12] ĠU L364, 20.12.2006, p.32. Ir-Regolament li jissostitwixxi d-Direttiva 2002/69/KE tas-26 ta' Ġunju 2002 li tistabbilixxi l-metodi għat-teħid ta' kampjuni u l-metodi ta' l-analiżi għall-kontroll uffiċjali tad-dijossini u d-determinazzjoni ta' PCBs li jixbhu d-dijossini fl-oġġetti ta' l-ikel (ĠU L209, 6.8.2002, p.5). [13] www.efsa.europa.eu/etc/medialib/efsa/science/contam/contam_opinions/1229.Par.0003.File.dat/contam_op_ej284_ndl-pcb_en1.pdf