EUR-Lex Access to European Union law
This document is an excerpt from the EUR-Lex website
Document 42000A0922(08)
The Schengen acquis - Agreement on the Accession of the Kingdom of Denmark to the Convention implementing the Schengen Agreement of 14 June 1985 on the gradual abolition of checks at the common borders signed at Schengen on 19 June 1990
Ftehim dwar l-adeżjoni tar-Renju tad-Danimarka għall-Konvenzjoni li timplimenta l-Ftehim ta' Schengen ta' l-14 ta' Ġunju 1985 dwar l-abolizzjoni gradwali tal-kontrolli fuq il-fruntieri komuni firmata f'Schengen fid-19 ta' Ġunju 1990
Ftehim dwar l-adeżjoni tar-Renju tad-Danimarka għall-Konvenzjoni li timplimenta l-Ftehim ta' Schengen ta' l-14 ta' Ġunju 1985 dwar l-abolizzjoni gradwali tal-kontrolli fuq il-fruntieri komuni firmata f'Schengen fid-19 ta' Ġunju 1990
OJ L 239, 22.9.2000, p. 97–105
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 19 Volume 002 P. 88 - 96
Special edition in Estonian: Chapter 19 Volume 002 P. 88 - 96
Special edition in Latvian: Chapter 19 Volume 002 P. 88 - 96
Special edition in Lithuanian: Chapter 19 Volume 002 P. 88 - 96
Special edition in Hungarian Chapter 19 Volume 002 P. 88 - 96
Special edition in Maltese: Chapter 19 Volume 002 P. 88 - 96
Special edition in Polish: Chapter 19 Volume 002 P. 88 - 96
Special edition in Slovak: Chapter 19 Volume 002 P. 88 - 96
Special edition in Slovene: Chapter 19 Volume 002 P. 88 - 96
Special edition in Bulgarian: Chapter 19 Volume 001 P. 262 - 270
Special edition in Romanian: Chapter 19 Volume 001 P. 262 - 270
Special edition in Croatian: Chapter 19 Volume 009 P. 84 - 92
In force
ELI: http://data.europa.eu/eli/agree_internation/2000/922(7)/oj
Official Journal L 239 , 22/09/2000 P. 0097 - 0105
Ftehim dwar l-adeżjoni tar-Renju tad-Danimarka għall-Konvenzjoni li timplimenta l-Ftehim ta' Schengen ta' l-14 ta' Ġunju 1985 dwar l-abolizzjoni gradwali tal-kontrolli fuq il-fruntieri komuni firmata f'Schengen fid-19 ta' Ġunju 1990 IR-RENJU TAL-BELĠJU, IR-REPUBBLIKA FEDERALI TAL-ĠERMANJA, r-REPUBBLIKA FRANĊIŻA, IL-GRAN DUKAT TAL-LUSSEMBURGU W R-RENJU TA' L-OLANDA,Partijiet fil-Konvenzjoni li timplimenta l-Ftehim ta' Schengen ta' l-14 ta' Ġunju 1985 bejn il-Gvernijiet ta' l-Istati ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fuq iil-fruntieri komuni tagħhom iffirmat f'Schengen fid-19 ta' Ġunju 1990, hawnhekk iżjed 'il quddiem magħruf bħala "l-Konvenzjoni ta' l-1990" kif ukoll ir-Repubblika Taljana, ir-Renju ta' Spanja u r-Repubblika tal-Portugall, ir-Repubblika Ellenika u r-Repubblika ta' l-Awstrija li ssieħbu mal-Konvenzjoni ta' l-1990 permezz tal-Ftehim iffirmati fis-27 ta' Novembru 1990, fil-25 ta' Ġunju 1991 u fis-6 ta' Novembru 1992 u fit-28 ta' April 1995 rispettivament, min-naħa l-waħda, u r-RENJU TAD-DANIMARKA, min-naħa l-oħra, Wara li kkunsidraw il-firma magħmula fil-Lussemburgu fil-ġurnata tad-dsatax ta' Diċembru tas-sena elf disa' mija u sitta w disgħin tal-Protokoll dwar l-Adeżjoni tal-Gvern tar-Repubblika Portugiża fil-Ftehim ta' Schengen ta' l-14 ta' Ġunju 1985 bejn il-gvernijiet ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fuq il-fruntieri komuni tagħhom, hekk kif emendat bil-Protokolli dwar l-Adeżjoni tal-Gvernijiet tar-Repubblika Taljana, ir-Renju ta' Spanja u r-Repubblika tal-Portugall, ir-Repubblika Ellenika, u r-Repubblika ta' l-Awstrija iffirmati fis-27 ta' Novembru 1990, il-25 ta' Ġunju 1991, is-6 ta' Novembru 1992 u t-28 ta' April 1995 rispettivament, Fuq il-bażi ta' l-Artikolu 140 tal-Konvenzjoni ta' l-1990, IDDEĊIDEW DAN LI ĠEJ: Artikolu 1 Ir-Renju tad-Danimarka hawnhekk qiegħed jingħaqad fil-Konvenzjoni ta' l-1990. Artikolu 2 1. Fid-data meta ffirmaw dan il-Ftehim, l-uffiċjali msemmija fl-Artikolu 40(4) tal-Konvenzjoni ta' l-1990 rigward ir-Renju tad-Danimarka għandhom ikunu: (a) Politijenestemaend hos lokale politimestre og hos Rigspolitichefen (uffiċjali tal-pulizija li jaħdmu għal Kuntistabbli Prinċipali lokali u għall-Uffiċċju tal-Kummissarju tal-Pulizija; (b) L-uffiċjali tad-dwana, taħt il-kondizzjonijiet stipulati fil-ftehim bilaterali addattati li hemm riferenza għalihom fl-Artikolu 40(6) tal-Konvenzjoni ta' l-1990, dwar il-poteri tagħhom rigward it-traffikar illeċtu ta' drogi narkotiċi u sustanzi psikotropiċi, traffikar fl-armi u l-esplosivi, u t-trasport illeċitu ta' l-iskart tossiku u perikoluż. 2. Fid-data meta ġie ffirmat dan il-Ftehim, l-awtorità li hemm riferenza għaliha fl-Artikolu 40(5) tal-Konvenzjoni ta' l-1990 rigward ir-Renju tad-Danimarka għandha tkun ir-Rigspolitichefen (Uffiċċju tal-Kummissarju tal-Pulizija). Artikolu 3 Fid-data meta ġie ffirmat dan il-Ftehim, l-uffiċjali li hemm riferenza għalihom fl-Artikolu 41(7) tal-Konvenzjoni ta' l-1990 rigward ir-Renju tad-Danimarka għandhom ikunu: 1. Politijenestemaend hos lokale politimestre og hos Rigspolitichefen (uffiċjali tal-pulizija li jaħdmu għal Kuntistabbli Prinċipali lokali u għall-Uffiċċju tal-Kummissarju tal-Pulizija; 2. L-uffiċjali tad-dwana, taħt il-kondizzjonijiet stipulati fil-ftehim bilaterali adattati li hemm riferenza għalihom fl-Artikolu 41(10) tal-Konvenzjoni ta' l-1990, rigward il-poteri tagħhom dwar it-traffikar illeċtu ta' drogi narkotiċi u sustanzi psikotropiċi, traffikar fl-armi u l-esplossivi, u t-trasport illeċtu ta' l-iskart tossiku u ta' periklu. Artikolu 4 Fid-data meta ġie ffirmat dan il-Ftehim, il-Ministeru kompetenti li għalih hemm riferenza fl-Artikolu 65(2) għandu jkun il-Justitsministeriet (Ministeru tal-Ġustizzja). Artikolu 5 1. Id-disposizzjonijiet ta' dan il-Ftehim ma għandhomx japplikaw għall-Gżejjer Faeroe jew għal Groenlandja. 2. Meta jiġi konsidrat il-fatt illi l-Gżejjer Faeroe u l-Groenlandja japplikaw id-disposizzjonijiet fuq il-moviment ta' persuni stabbiliti ġewwa l-qafas ta' l-Unjoni Nordika dwar Passaporti, persuni illi jivvjaġġaw bejn il-Gżejjer Faeroe jew il-Groenlandja fuq naħa waħda, u l-Istati parteċipanti fil-Konvenzjoni ta' l-1990 u l-Ftehim ta' Koperazzjoni mar-Repubblika ta' l-Iżlanda u r-Renju tan-Norveġja, fuq in-naħa l-oħra, ma għandhomx ikunu suġġetti għal kontrolli fuq il-fruntiera. Artikolu 6 Id-disposizzjonjijiet ta' dan il-Ftehim ma għandhomx jippreġudikaw il-koperazzjoni ġewwa l-qafas ta' l-Unjoni Nordika dwar Passaporti, sakemm tali koperazzjoni ma tkunx kontra jew ma tostakolax l-applikazzjoni ta' dan il-Ftehim. Artikolu 7 1. Dan il-Ftehim għandu jkun suġġett għat-twettiq għar-ratifikazzjoni, aċċettazzjoni jew approvazzjoni. L-istrumenti tar-ratifika, aċċettazzjoni jew approvazzjoni għandhom jiġu depożitati mal-Gvern tal-Gran Dukat tal-Lussemburgu, li għandu jinnotifika lill-Partijiet Miftiehma kollha tagħhom. 2. Dan il-Ftehim għandu jidħol fis-seħħ fl-ewwel ġurnata tat-tieni xahar wara d-depożitu ta' l-istrumenti tar-ratifika, aċċettazzjoni u approvazzjoni mill-Istati li għalihom il-Konvenzjoni ta' l-1990 daħlet fis-seħħ u mir-Renju tad-Danimarka. Rigward l-Istati l-oħrajn, dan il-Ftehim għandu jidħol fis-seħħ fl-ewwel ġurnata tat-tieni xahar wara d-depożitu ta' l-istrumenti tar-ratifika, l-aċċettazzjoni jew l-approvazzjoni tagħhom, basta dan il-Ftehim ikun daħal fis-seħħ skond id-disposizzjonijiet tas-subparagrafu preċedenti. 3. Il-Gvern tal-Gran Dukat tal-Lussemburgu għandu jinnotifika lil kull wieħed mill-Partijiet Kontraenti bid-data tad-dħul fis-seħħ. Artikolu 8 1. Il-Gvern tal-Gran Dukat tal-Lussemburgu għandu jittrasmetti lill-Gvern tar-Renju tad-Danimarka kopja ċertifikata tal-Konvenzjoni ta' l-1990 fil-lingwa Olandiża, Franċiża, Ġermaniża, Griega, Taljana, Portugiża u Spanjola. 2. It-test tal-Konvenzjoni ta' l-1990 magħmul fil-lingwa Daniża huwa anness ma' dan il-Ftehim, u għandu jkun awtentiku taħt l-istess kondizzjonijiet bħat-test tal-Konvenzjoni ta' l-1990 magħmula fil-lingwa Olandiża, Franċiża, Ġermaniża, Griega, Taljana, Portugiża w Spanjola. Bħala xhieda ta' dan, 'l hawn taħt iffirmati, debitament awtorizzati għal dan l-iskop, iffirmaw dan il-Ftehim. Magħmul fil-Lussemburgu illum id-dsatax ta' Diċembru tas-sena elf disa' mija u sitta u disgħin f'kopja waħda oriġinali fil-lingwa Daniża, Olandiża, Franċiża, Ġermaniża, Griega, Taljana, Portugiża u Spanjola, it-tmien testi jkunu ugwalment awtentiċi, u t-tali oriġinal tibqa' depożitata fl-Arkivji tal-Gran Dukat tal-Lussemburgu, li għandu jibgħat kopja ċertifikata lil kull wieħed mill-Partijiet Kontraenti. Għall-Gvern tar-Renju tal-Belġju +++++ TIFF +++++ Għall-Gvern tar-Renju tad-Danimarka +++++ TIFF +++++ Għall-Gvern tar-Repubblika Federali tal-Ġermanja +++++ TIFF +++++ Għall-Gvern tar-Repubblika Ellenika +++++ TIFF +++++ Għall-Gvern tar-Renju ta' Spanja +++++ TIFF +++++ Għall-Gvern tar-Repubblika Franċiża +++++ TIFF +++++ Għall-Gvern tar-Repubblika ta' l-Italja +++++ TIFF +++++ Għall-Gvern tal-Gran Dukat tal-Lussemburgu +++++ TIFF +++++ Għall-Gvern tar-Renju ta' l-Olanda +++++ TIFF +++++ Għall-Gvern tar-Repubblika ta' l-Awstrija +++++ TIFF +++++ Għall-Gvern tar-Repubblika tal-Portugall +++++ TIFF +++++ -------------------------------------------------- ATT FINALI I. Fiż-żmien meta ġie ffirmat dan il-Ftehim dwar l-Adeżjoni tar-Renju tad-Danimarka fil-Konvenzjoni li timplimenta l-Ftehim ta' Schengen ta' l-14 ta' Ġunju 1985 bejn il-pajjiżi ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fuq il-fruntieri komuni tagħhom, iffirmat f'Schengen fid-19 ta' Ġunju 1990, li fih ir-Repubblika ta' l-Italja, ir-Renju ta' Spanja, ir-Repubblika tal-Portugall u r-Repubblika Ellenika issieħbu permezz tal-Ftehim iffirmati fis-27 ta' Novembru 1990, fil-25 ta' Ġunju 1991, fis-6 ta' Novembru 1992 u fit-28 ta' Ġunju 1995 rispettivament, il-Gvern tar-Renju tad-Danimarka iffirma l-Att Finali, il-Minuti u d-Dikjarazzjoni Konġunta tal-Ministri u Segretarji ta' l-Istat li ġew iffirmati fl-istess żmien meta ġiet iffirmata l-Konvenzjoni ta' l-1990. Il-Gvern tar-Renju tad-Danimarka ffirma d-Dikjarazzjonijiet Konġunti u nnota d-Dikjarazzjonijiet unilaterali li jinsabu fih. Il-Gvern tal-Gran Dukat tal-Lussemburgu għandu jittrasmetti lill-Gvern tar-Renju tad-Danimarka kopja ċertifikata ta' l-Att Finali, il-Minuti u d-Dikjarazzjoni konġunta tal-Ministri u Segretarji ta' l-Istat, li ġew iffirmati fiż- żmien meta ġiet iffirmata l-Konvenzjoni ta' l-1990, fil-lingwa Daniża, Olandiża, Franċiża, Ġermaniża, Griega, Taljana, Portugiża u Spanjola. II. Fiż-żmien meta ġie ffirmat il-Ftehim dwar l-Adezjoni tar-Renju tad-Danimarka fil-Konvenzjoni li timplimenta l-Ftehim ta' Schengen ta' l-14 ta' Ġunju 1985 bejn il-pajjiżi ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fuq il-fruntieri komuni tagħhom, iffirmat f'Schengen fid-19 ta' Ġunju 1990 li fih ir-Repubblika Taljana, ir-Renju ta' Spanja u r-Repubblika tal-Portugall, u r-Repubblika Ellenika ingħaqdu permezz tal-Ftehim iffirmat f'Pariġi fis-27 ta' Novembru 1990, 25 ta' Ġunju 1991, 6 ta' Novembru 1992 u 28 ta' April 1995 rispettivament, il-Partijiet Kontraenti adottaw id-Dikjarazzjonijiet li ġejjin: 1. Dikjarazzjoni Konġunta dwar l-Artikolu 6 tal-Ftehim ta' l-Adeżjoni Il-Partijiet Kontraenti għandhom, qabel id-dħul fis-seħħ tal-Ftehim ta' l-Adeżjoni, jinfurmaw lil xulxin dwar iċ-ċirkostanzi kollha li jistgħu jkollhom impatt sinifikanti fuq l-oqsma koperti mill-Konvenzjoni ta' l-1990 u li jġibu fis-seħħ il-Ftehim ta' Adeżjoni. Dan il-Ftehim ta' Adeżjoni għandu jidħol fis-seħħ bejn l-Istati li għalihom il-Konvenzjoni ta' l-1990 daħlet fis-seħħ u r-Renju tad-Danimarka meta l-prekondizzjonijiet għall-implimentazzjoni tal-Konvenzjoni ta' l-1990 ikunu ġew imwettqa f'dawn l-Istati kollha u l-kontrolli fuq il-fruntieri esterni ikunu hemmhekk effettivi, u ġaladarba l-Kumitat Eżekuttiv ikun stabbilixxa illi r-regoli li jidhirlu huma neċessarji għall-implimentazzjoni tal-miżuri tal-kontroll u sorveljanza effettivi fuq il-fruntieri esterni tal-Gżejjer Faroe u Groenlandja u l-miżuri ta' kumpens neċessarji, inkluża l-implimentazzjoni tas-Sistema ta' Informazzjoni ta' Schengen (SIS) ikunu ġew applikati u huma effettivi. Rigward kull wieħed mill-Istati l-oħrajn, dan il-Ftehim ta' Adezjoni għandu jiddaħħal fis-seħħ meta l-prekondizzjonijiet għall-implimentazzjoni tal-Konvenzjoni ta' l-1990 ikunu ġew imwettqa f'dak l-Istat u l-kontrolli fuq il-fruntieri esterni ikunu hemmhekk effettivi. 2. Id-Dikjarazzjoni Konġunta dwar l-Artikolu 9(2) tal-Konvenzjoni ta' l-1990 Il-Partijiet Kontraenti jispeċifikaw li fil-waqt li ġie ffirmat il-Ftehim dwar l-Adeżjoni tar-Renju tad-Danimarka fil-Konvenzjoni ta' l-1990, l-arranġamenti komuni tal-visa li hemm riferenza għalihom fl-Artikolu 9(2) tal-Konvenzjoni ta' l-1990 għandhom jittieħdu li jfissru l-arranġamenti komuni applikati mill-Partijiet Firmatarji ta' din il-Konvenzjoni sa' mid-19 ta' Ġunju 1990. 3. Id-Dikjarazzjoni Konġunta dwar il-Konvenzjoni magħmula fuq il-bażi ta' l-Artikolu K.3 tat-Trattat dwar l-Unjoni Ewropea li tirrigwarda l-estradizzjoni. L-Istati li huma partijiet fil-Konvenzjoni ta' l-1990 hawnhekk jikkonfermaw illi l-Artikolu 5(4) tal-Konvenzjoni mfassal fuq il-bażi ta' l-Artikolu K.3 tat-Trattat dwar l-Unjoni Ewropea li jirrigwarda l-Estradizzjoni bejn l-Istati Membri u l-Unjoni Ewropea, iffirmat f'Dublin fis-27 ta' Settembru 1996, u d-Dikjarazzjonijiet rispettivi tagħhom annessi ma' l-imsemmija Konvenzjoni, għandhom japplikaw fil-qafas tal-Konvenzjoni ta' l-1990. III. Il-Partijiet Kontraenti ħadu nota tad-Dikjarazzjonijiet mir-Renju tad-Danimarka dwar il-Ftehim fuq l-Adeżjoni tar-Repubblika ta' l-Italja, ir-Renju ta' Spanja, ir-Repubblika tal-Portugall, ir-Repubblika Ellenika u r-Repubblika ta' l-Awstrija. Il-Gvern tar-Renju tad-Danimarka jinnota l-kontenut tal-Ftehim dwar l-Adeżjoni tar-Repubblika ta' l-Italja, ir-Renju ta' Spanja, ir-Repubblika tal-Portugall, ir-Repubblika Ellenika u r-Repubblika ta' l-Awstrija fil-Konvenzjoni ta' l-1990, iffirmata fis-27 ta' Novembru 1990, il-25 ta' Ġunju 1991, is-6 ta' Novembru 1992 u t-28 ta' April 1995 rispettivament u tal-kontenut ta' l-Atti Finali u d-Dikjarazzjonijiet annessi ma' l-imsemmija Ftehim. Il-Gvern tal-Gran Dukat tal-Lussemburgu għandu jibgħat kopja ċertifikata ta' l-istrumenti hawn fuq imsemmija lill-Gvern tar-Renju tad-Danimarka. Id-dikjarazzjoni mir-Renju tad-Danimarka rigward il-Ftehim dwar l-Adeżjoni tar-Repubblika tal-Finlandja u r-renju ta' l-Isvezja fil-Konvenzjoni ta' l-1990 Fiż-żmien meta ġie ffirmat dan il-Ftehim, ir-Renju tad-Danimarka jieħu nota tal-kontenut tal-Ftehim dwar l-Adeżjoni tar-Repubblika tal-Finlandja u r-Renju ta' l-Isvezja fil-Konvenzjoni ta' l-1990 u tal-kontenut ta' l-Atti Finali u Dikjarazzjonijiet li għandhom x'jaqsmu. Magħmul fil-Lussemburgu illum id-dsatax ta' Diċembru tas-sena elf disa' mija u sitta u disgħin f'kopja oriġinali waħda fil-lingwa Daniża, Olandiża, Franċiża, Ġermaniża, Griega, Taljana, Portugiża u Spanjola, it-tmien testi jkunu ugwalment awtentiċi, tali kopja oriġinali tibqa' depożitata fl-Arkivji tal-Gran Dukat tal-Lussemburgu, li għandu jibgħat kopja ċċertifikata lil kull wieħed mill-Partijiet Kontraenti. Għall-Gvern tar-Renju tal-Belġju +++++ TIFF +++++ Għall-Gvern tar-Renju tad-Danimarka +++++ TIFF +++++ Għall-Gvern tar-Repubblika Federali tal-Ġermanja +++++ TIFF +++++ Għall-Gvern tar-Repubblika Ellenika +++++ TIFF +++++ Għall-Gvern tar-Renju ta' Spanja +++++ TIFF +++++ Għall-Gvern tar-Repubblika Franċiża +++++ TIFF +++++ Għall-Gvern tar-Repubblika ta' l-Italja +++++ TIFF +++++ Għall-Gvern tal-Gran Dukat tal-Lussemburgu +++++ TIFF +++++ Għall-Gvern tar-Renju ta' l-Olanda +++++ TIFF +++++ Għall-Gvern tar-Repubblika ta' l-Awstrija +++++ TIFF +++++ Għall-Gvern tar-Repubblika tal-Portugall +++++ TIFF +++++ -------------------------------------------------- DIKJARAZZJONI TAL-MINISTRI U SEGRETARJI TA' L-ISTAT Fid-dsatax ta' Diċembru tas-sena elf disa' mija u tnejn u disgħin, ir-rappreżentanti tal-Gvernijiet tar-Renju tal-Belġju, ir-Renju tad-Danimarka, ir-Repubblika Federali tal-Ġermanja, ir-Renju ta' Spanja, ir-Repubblika Franċiża, ir-Repubblika Ellenika, ir-Repubblika Taljana, il-Gran Dukat tal-Lussemburgu, ir-Renju ta' l-Olanda u r-Repubblika Portugiża iffirmaw fil-Lussemburgu il-Ftehim dwar id-Dħul tar-Repubblika Portugiża fil-Konvenzjoni li timplimenta l-Ftehim ta' Schengen ta' l-14 ta' Ġunju 1985 bejn il-Gvernijiet ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża dwar it-tneħħija gradwali tal-kontrolli fuq il-fruntieri komuni ffirmat f'Schengen fid-19 ta' Ġunju 1990, li fih ir-Repubblika Taljana, ir-Renju ta' Spanja, ir-Repubblika tal-Portugall, ir-Repubblika Ellenika u r-Renju ta' l-Awstrija ssieħbu permezz tal-Ftehim iffirmati fis-27 ta' Novembru 1990, fil-25 ta' Ġunju 1991, fis-6 ta' Novembru 1992 u fit-28 ta' April 1995 rispettivament. Innutaw li r-rappreżentant tar-Renju tad-Danimarka ddikjara li qiegħed jappoġġja d-Dikjarazzjoni magħmula f'Schengen fid-19 ta' Ġunju 1990 mill-Ministri u s-Segretarji ta' l-Istat li jirrappreżentaw il-Gvernijiet ta' l-Unjoni Ekonomika ta' Benelux, ir-Repubblika Federali tal-Ġermanja u r-Repubblika Franċiża,, il-Gran Dukat tal-Lussemburgu u r-Renju ta' l-Olanda liema Dikjarazzjoni u deċiżjoni kienu kkonfermati fl-istess jum wara li ġiet iffirmata l-Konvenzjoni li timplimenta l-Ftehim ta' Schengen, liema Dikjarazzjoni u deċiżjoni l-Gvernijiet tar-Repubblika Taljana, ir-Renju ta' Spanja, ir-Repubblika Portugiża, ir-Repubblika Ellenika u r-Renju ta' l-Awstrija ukoll appoġġjaw. --------------------------------------------------