EUR-Lex Access to European Union law
This document is an excerpt from the EUR-Lex website
Document 32017R2213
Commission Implementing Regulation (EU) 2017/2213 of 30 November 2017 amending Commission Implementing Regulation (EU) 2017/271 extending the definitive anti-dumping duty imposed by Council Regulation (EC) No 925/2009 on imports of certain aluminium foil originating in the People's Republic of China to imports of slightly modified certain aluminium foil
Regolament ta' Implimentazzjoni tal-Kummissjoni (UE) 2017/2213 tat-30 ta' Novembru 2017 li jemenda r-Regolament ta' Implimentazzjoni tal-Kummissjoni (UE) 2017/271 li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata
Regolament ta' Implimentazzjoni tal-Kummissjoni (UE) 2017/2213 tat-30 ta' Novembru 2017 li jemenda r-Regolament ta' Implimentazzjoni tal-Kummissjoni (UE) 2017/271 li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata
C/2017/7687
OJ L 316, 1.12.2017, p. 17–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
1.12.2017 |
MT |
Il-Ġurnal Uffiċjali tal-Unjoni Ewropea |
L 316/17 |
REGOLAMENT TA' IMPLIMENTAZZJONI TAL-KUMMISSJONI (UE) 2017/2213
tat-30 ta' Novembru 2017
li jemenda r-Regolament ta' Implimentazzjoni tal-Kummissjoni (UE) 2017/271 li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1), u b'mod partikolari l-Artikolu 13 tiegħu,
Billi:
(1) |
Permezz tar-Regolament (KE) Nru 925/2009 (2), il-Kunsill impona dazju antidumping definittiv fuq il-fojl tal-aluminju li joriġina mill-Armenja, mill-Brażil u miċ-Ċina. Fir-rigward tar-Regolament (UE) 2015/2384 (3), il-Kummissjoni estendiet il-miżuri fis-17 ta' Diċembru 2015 għal ħames snin oħra għall-esportazzjonijiet miċ-Ċina biss u temmet il-miżuri għall-Brażil. |
(2) |
Bir-Regolament ta' Implimentazzjoni tal-Kummissjoni (UE) 2017/271 (4) (ir-“Regolament”), id-dazju antidumping definittiv impost fuq l-importazzjonijiet ta' ċertu fojl tal-aluminju li joriġina mir-Repubblika tal-Poplu taċ-Ċina ġie estiż għal importazzjonijiet ta' ċertu fojl tal-aluminju ftit modifikat. |
(3) |
L-Artikolu 1(1) tar-Regolament jirreferi għar-Regolament (KE) Nru 925/2009 meta jestendi d-dazji antidumping applikabbli għal ċertu fojl tal-aluminju kemm kemm immodifikat. Madankollu, peress li l-miżuri mhumiex iżjed fis-seħħ għall-Armenja u l-Brażil, ir-referenza korretta kellha tkun il-bażi legali għall-miżuri fis-seħħ għaċ-Ċina biss, jiġifieri r-Regolament ta' Implimentazzjoni tal-Kummissjoni (UE) 2015/2384. Għalhekk, huwa xieraq li l-Artikolu 1(1) tar-Regolament jiġi emendat b'mod retroattiv b'referenza għar-Regolament ta' Implimentazzjoni tal-Kummissjoni (UE) 2015/2384 minflok ir-Regolament tal-Kunsill (KE) Nru 925/2009. |
(4) |
Sabiex jiġi limitat ir-riskju ta' ċirkomvenzjoni, l-Artikolu 1(3) tar-Regolament jgħid li l-applikazzjoni ta' eżenzjonijiet mogħtija lill-kumpaniji speċifikament imsemmija fil-paragrafu 2 tal-istess Artikolu għandha tkun kundizzjonali fuq il-preżentazzjoni lill-awtoritajiet doganali tal-Istati Membri ta' fattura kummerċjali valida. Din il-fattura kummerċjali trid tkun konformi mar-rekwiżiti stipulati fl-Artikolu 1(3) ta' dan ir-Regolament. |
(5) |
Sa mid-dħul fis-seħħ tar-Regolament din il-fattura kummerċjali ġġenerat diffikultajiet mas-servizzi doganali nazzjonali peress li tista' tinħareġ biss mill-manifattur. Madankollu, l-investigazzjoni wriet li, normalment, dawk il-produtturi esportaturi elenkati fl-Artikolu 1(2) tar-Regolament jesportaw permezz ta' negozjanti mhux relatati.Għalhekk, dawn ma jistgħux jissodisfaw dan ir-rekwiżit mingħajr tfixkil sinifikanti fil-prattiki tan-negozju tagħhom. Fil-fatt, jekk dawn l-operaturi ekonomiċi kienu meħtieġa li jissodisfaw ir-rekwiżiti tal-Artikolu 1(3) tar-Regolament, huma jkunu mġiegħla jibdlu l-kanali ta' bejgħ tagħhom u jibdew ibigħu l-prodotti tagħhom direttament lill-Unjoni, minħabba li ż-żamma tal-kanali tal-bejgħ attwali tagħhom, jiġifieri li jbigħu permezz ta' negozjanti mhux relatati tista' twassal biex dawn ikunu soġġetti għar-rata tad-dazju antidumping imposta mill-Artikolu 1(2) tar-Regolament ta' Implimentazzjoni tal-Kummissjoni (UE) 2015/2384. |
(6) |
Il-produtturi esportaturi elenkati fl-Artikolu 1(2) tar-Regolament huma produtturi ta' fojl konvertitur tal-aluminju. Il-fojl konvertitur tal-aluminju għandu karatteristiċi tekniċi, kanali ta' distribuzzjoni u użu aħħari differenti mill-prodott ikkonċernat mir-Regolament. Mhuwiex f'kompetizzjoni mal-prodott ikkonċernat, u lanqas ma kien intenzjonat li jkun parti mill-ambitu tal-prodott, iżda ma setax jiġi eskluż mid-definizzjoni tal-prodott għal raġunijiet spjegati fil-premessi (60) sa (72) fir-Regolament. Barra minn hekk, dawn il-produtturi esportaturikienu ġew ivverifikati fuq il-post kif spjegat fil-premessa (80) tar-Regolament, u kien stabbilit li huma ma kinux ipproduċu fl-imgħoddi l-prodott ikkonċernat mir-Regolament. Għaldaqstant il-Kummissjoni tqis li hemm riskju limitat li dawn il-produtturi esportaturi jippruvaw jevitaw il-miżuri fil-futur. |
(7) |
Il-Kummissjoni waslet għall-konklużjoni li jkun ta' piż bla bżonn li l-kumpaniji elenkati fl-Artikolu 1(2) tar-Regolament jintalbu jbiddlu l-operazzjoni kummerċjali tagħhom tas-soltu u jibdew ibigħu direttament lill-Unjoni. F'dan l-isfond, huwa xieraq li jitneħħa dan ir-rekwiżit mir-Regolament. Għalhekk, il-produtturi esportaturi elenkati fl-Artikolu 1(2) tar-Regolament mhux se jkunu obbligati li joħorġu din il-fattura kummerċjali. |
(8) |
F'kull każ, it-tneħħija ta' dan ir-rekwiżit m'għandux iwaqqaf lill-awtoritajiet doganali milli jwettqu verifiki addizzjonali dwar il-vjeġġ inkwistjoni, f'konformità mal-profil tar-riskju assoċjat mal-importazzjoni kkonċernata, sa meta jkunu jistgħu jissodisfaw lilhom infushom li l-manifattur iddikjarat fuq id-dokumenti huwa korretta. |
(9) |
Sabiex tingħata ċertezza legali lill-operaturi ekonomiċi, huwa wkoll xieraq li dawn l-emendi japplikaw b'effett retroattiv mid-data tad-dħul fis-seħħ tar-Regolament. Dan huwa f'konformità mal-każistika eżistenti tal-Qrati Ewropej, minħabba li din l-emenda ġiet ippreżentata f'perjodu ta' żmien raġonevoli, b'mod li ma nħolqot l-ebda aspettattiva leġittima għall-operaturi ekonomiċi kkonċernati. Fi kwalunkwe każ, l-operaturi ekonomiċi li jesportaw lejn l-Unjoni mhux se jkollhom in-negozji tagħhom affettwati b'mod mhux xieraq, peress li t-tneħħija ta' dan ir-rekwiżit toħloq ċertezza legali għall-finijiet ta' importazzjoni fl-Unjoni kemm għall-produtturi esportaturi miċ-Ċina kif ukoll għall-importaturi fl-Unjoni (5). |
(10) |
Fis-7 ta' Awwissu 2017, il-Kummissjoni żvelat lill-partijiet interessati kollha l-fatti u l-kunsiderazzjonijiet essenzjali li fuq il-bażi tagħhom l-emenda preżenti hija kkunsidrat bħala meħtieġa, u stednithom biex jikkummentaw. |
(11) |
L-applikant li ppreżenta t-talba għall-estensjoni tad-dazji oġġezzjona għall-proposta tal-Kummissjoni li tneħħi r-rekwiżit li tiġi ppreżentata fattura kummerċjali maħruġa mill-manifattur. Dan sostna, b'mod partikolari, li billi tneħħi dan ir-rekwiżit, il-Kummissjoni se toħloq riskju addizzjonali ta' evażjoni u, għaldaqstant, inċertezzi addizzjonali għall-industrija tal-Unjoni tal-fojl tal-aluminju. |
(12) |
Kif spjegat fil-premessa (8), it-tneħħija ta' dan ir-rekwiżit ma żżommx lill-awtoritajiet doganali milli jwettqu verifiki addizzjonali sabiex jivverifikaw jekk il-manifattur iddikjarat fuq id-dokumenti huwiex korrett. Jekk xejn, dan iħeġġeġ lill-awtoritajiet doganali biex iwettqu kontrolli addizzjonali f'każ ta' dubji li l-kunsinni inkwistjoni verament ġejjin minn kumpaniji eżentati. Barra minn hekk, dawn il-produtturi esportaturi eżentati ma kinux involuti fi prattiki ta' ċirkomvenzjoni fl-imgħoddi, huma ma jimmanifatturawx il-prodott ikkonċernat, u l-klijenti tal-fojl konvertitur tal-aluminju huma differenti minn dawk tal-prodott ikkonċernat. Il-Kummissjoni għalhekk ikkonkludiet li t-tneħħija tar-rekwiżit għal tali fattura kummerċjali ma ħolqotx riskju addizzjonali ta' ċirkomvenzjoni u rrifjutat tad-dikjarazzjoni. |
(13) |
Il-miżuri stipulati f'dan ir-Regolament huma konformi mal-opinjoni tal-Kumitat stabbilit bl-Artikolu 15(1) tar-Regolament bażiku (UE) 2016/1036. |
(14) |
Fid-dawl ta' dan ta' hawn fuq u skont l-Artikolu 13 tar-Regolament (UE) 2016/1036, l-Artikolu 1 tar-Regolament ta' Implimentazzjoni (UE) 2017/271 jenħtieġ li jiġi emendat skont dan, |
ADOTTAT DAN IR-REGOLAMENT:
Artikolu 1
Ir-Regolament (UE) 2017/271 huwa emendat kif ġej:
(1) |
L-Artikolu 1(1) jinbidel b'dan li ġej: “Artikolu 1 1. Id-dazju antidumping definittiv applikabbli għall-“kumpaniji l-oħrajn kollha” impost mill-Artikolu 1(2) tar-Regolament ta' Implimentazzjoni tal-Kummissjoni (UE) 2015/2384 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina minn issa huwa estiż għall-importazzjonijiet fl-Unjoni ta'
|
(2) |
L-Artikolu 1(3) jitħassar. |
Artikolu 2
Dan ir-Regolament għandu jidħol fis-seħħ b'effett retroattiv mit-18 ta' Frar 2017.
Magħmul fi Brussell, it-30 ta' Novembru 2017.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Ir-Regolament ta' Implimentazzjoni tal-Kunsill (KE) 925/2009 tal-24 ta' Settembru 2009 li jimponi dazju antidumping definittiv u jiġbor b'mod definittiv id-dazju impost fuq l-importazzjonijiet ta' ċerti fojls tal-aluminju li joriġinaw mill-Armenja, mill-Brażil u mir-Repubblika Popolari taċ-Ċina (ĠU L 262, 6.10.2009, p. 1).
(3) Ir-Regolament ta' Implimentazzjoni tal-Kummissjoni (UE) 2015/2384 tas-17 ta' Diċembru 2015 li jimponi dazju antidumping definittiv fuq l-importazzjonijiet ta' ċerti fojls tal-aluminju li joriġinaw mir-Repubblika tal-Poplu taċ-Ċina u li jtemm il-proċediment għall-importazzjonijiet ta' ċerti fojls tal-aluminju li joriġinaw fil-Brażil wara rieżami ta' skadenza skont l-Artikolu 11(2) tar-Regolament tal-Kunsill (KE) Nru 1225/2009 (ĠU L 332, 18.12.2015, p. 63).
(4) Ir-Regolament ta' Implimentazzjoni tal-Kummissjoni (UE) 2017/271 tas-16 ta' Frar 2017 li jestendi d-dazju antidumping definittiv impost mir-Regolament tal-Kunsill (KE) Nru 925/2009 fuq l-importazzjonijiet ta' ċerta fuljetta tal-aluminju li joriġinaw mir-Repubblika tal-Poplu taċ-Ċina għal importazzjonijiet ta' ċerta fuljetta tal-aluminju ftit modifikata (ĠU L 40, 17.2.2017, p. 51).
(5) Kawżi Magħquda C-7/56 u C-3/57 sa C-7/57, Algera u Oħrajn vs Assemblée communeECLI:EU:C:1957:7, paġna 39.