EUR-Lex Access to European Union law
This document is an excerpt from the EUR-Lex website
Document 32017D0785
Commission Implementing Decision (EU) 2017/785 of 5 May 2017 on the approval of efficient 12 V motor-generators for use in conventional combustion engine powered passenger cars as an innovative technology for reducing CO2 emissions from passenger cars pursuant to Regulation (EC) No 443/2009 of the European Parliament and of the Council (Text with EEA relevance. )
Deċiżjoni ta' Implimentazzjoni tal-Kummissjoni (UE) 2017/785 tal-5 ta' Mejju 2017 dwar l-approvazzjoni ta' ġeneraturi bil-mutur 12V effiċjenti għall-użu fil-karozzi tal-passiġġieri li jaħdmu b'magni ta' kombustjoni konvenzjonali bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2017/785 tal-5 ta' Mejju 2017 dwar l-approvazzjoni ta' ġeneraturi bil-mutur 12V effiċjenti għall-użu fil-karozzi tal-passiġġieri li jaħdmu b'magni ta' kombustjoni konvenzjonali bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (Test b'rilevanza għaż-ŻEE. )
C/2017/2839
OJ L 118, 6.5.2017, p. 20–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020; Imħassar b' 32020D1806
6.5.2017 |
MT |
Il-Ġurnal Uffiċjali tal-Unjoni Ewropea |
L 118/20 |
DEĊIŻJONI TA' IMPLIMENTAZZJONI TAL-KUMMISSJONI (UE) 2017/785
tal-5 ta' Mejju 2017
dwar l-approvazzjoni ta' ġeneraturi bil-mutur 12V effiċjenti għall-użu fil-karozzi tal-passiġġieri li jaħdmu b'magni ta' kombustjoni konvenzjonali bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment għall-emissjonijiet minn karozzi ġodda tal-passiġġieri bħala parti mill-approċċ integrat tal-Komunità biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-Artikolu 12(4) tiegħu,
Wara li kkunsidrat ir-Regolament ta' Implimentazzjoni tal-Kummissjoni (UE) Nru 725/2011 tal-25 ta' Lulju 2011 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO 2 minn karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (2), u b'mod partikolari l-Artikolu 10(2) tiegħu,
Billi:
(1) |
L-applikazzjoni mressqa mill-fornitur Valeo Electrical Systems fil-21 ta' Lulju 2016 għall-approvazzjoni tal-funzjoni ta' ġeneratur effiċjenti tal-alternatur-startjatur biċ-ċinga i-StARS 12V bħala ekoinnovazzjoni ġiet ivvalutata skont l-Artikolu 12 tar-Regolament (KE) Nru 443/2009, ir-Regolament ta' Implimentazzjoni (UE) Nru 725/2011 u l-Linji Gwida Tekniċi għat-tħejjija tal-applikazzjonijiet għall-approvazzjoni ta' teknoloġiji innovattivi skont ir-Regolament (KE) Nru 443/2009 u r-Regolament (UE) Nru 510/2011 (3). |
(2) |
L-informazzjoni li nbagħtet fl-applikazzjoni turi li l-kundizzjonijiet u l-kriterji msemmija fl-Artikolu 12 tar-Regolament (KE) Nru 443/2009 u fl-Artikoli 2 u 4 tar-Regolament ta' Implimentazzjoni tal-Kummissjoni (UE) Nru 725/2011 ġew issodisfati. Barra minn hekk, l-applikazzjoni għandha l-appoġġ ta' rapport ta' verifika stabbilit minn korp iċċertifikat u indipendenti skont l-Artikolu 7 ta' dak ir-Regolament. Għaldaqstant, il-funzjoni ta' ġeneratur effiċjenti tal-alternatur-startjatur biċ-ċinga i-StARS 12V proposta mill-applikant għandha tiġi approvata bħala ekoinnovazzjoni. |
(3) |
Abbażi tal-informazzjoni li ntbagħtet flimkien mal-applikazzjoni attwali u skont id-Deċiżjoni ta' Implimentazzjoni tal-Kummissjoni (UE) 2016/265 (4), fid-dawl tal-esperjenza miksuba mill-valutazzjoni tal-applikazzjonijiet dwar it-teknoloġiji li jikkontribwixxu għat-titjib tal-effiċjenza tal-alternaturi fil-qafas tad-Deċiżjonijiet ta' Implimentazzjoni tal-Kummissjoni 2013/341/UE (5), 2014/465/UE (6), 2015/158/UE (7), (UE) 2015/295 (8), (UE) 2015/2280 (9), u (UE) 2016/588 (10), intwera b'mod sodisfaċenti u konklużiv li ġeneratur bil-mutur 12V li għandu massa massima ta' 7 kg u effiċjenza minima tal-funzjoni ta' ġeneratur jissodisfa l-kriterji msemmija fl-Artikolu 12(2) tar-Regolament (KE) Nru 443/2009 u jipprovdi tnaqqis fl-emissjonijiet ta' CO2 ta' mill-inqas 1 g CO2/km skont l-Artikolu 9 tar-Regolament ta' Implimentazzjoni (UE) Nru 725/2011. Għal ġeneratur bil-mutur 12V li għandu massa ta' aktar minn 7 kg, jenħtieġ li jiġi applikat koeffiċjent ta' korrezzjoni tal-massa meta jiġi kkalkulat jekk ntlaħaqx il-limitu minimu ta' tnaqqis ta' 1 g CO2/km. |
(4) |
Għaldaqstant, huwa xieraq li l-kapaċità ta' din it-teknoloġija innovattiva li tnaqqas l-emissjonijiet ta' CO2 tiġi rikonoxxuta u kkonfermata b'mod ġenerali, b'konformità mal-Artikolu 12(4) tar-Regolament (KE) Nru 443/2009, u li tiġi pprovduta metodoloġija ġenerika tal-ittestjar għaċ-ċertifikazzjoni tal-iffrankar ta' CO2 mill-użu tal-funzjoni ta' ġeneratur ta' ġeneraturi bil-mutur 12V effiċjenti. |
(5) |
Sabiex jiġi ċċertifikat l-iffrankar ta' CO2 minn ġeneraturi bil-mutur 12V effiċjenti, il-manifattur għandu jipprovdi rapport ta' verifika minn korp ta' verifika indipendenti u ċċertifikat li jikkonferma l-konformità tal-ġeneratur bil-mutur mal-kundizzjonijiet stipulati f'din id-Deċiżjoni flimkien mal-applikazzjoni għaċ-ċertifikazzjoni lill-awtorità tal-approvazzjoni tat-tip. |
(6) |
Jekk l-awtorità tal-approvazzjoni tat-tip tqis li l-ġeneratur bil-mutur imressaq mill-manifattur ma jissodisfax il-kundizzjonijiet għaċ-ċertifikazzjoni kif speċifikat f'din id-Deċiżjoni, l-applikazzjoni għaċ-ċertifikazzjoni tal-iffrankar għandha tiġi miċħuda. |
(7) |
Huwa xieraq li jiġi ddeterminat it-tnaqqis tal-emissjonijiet ta' CO2 minn ġeneraturi bil-mutur 12V effiċjenti bl-użu tal-metodoloġija tal-ittestjar stabbilita fl-Anness. |
(8) |
Sabiex jiġi stabbilit l-iffrankar ta' CO2 jenħtieġ li tiġi ddefinita t-teknoloġija ta' referenza li magħha għandha titqabbel l-effiċjenza tal-ġeneratur bil-mutur 12V effiċjenti kif previst fl-Artikoli 5 u 8 tar-Regolament ta' Implimentazzjoni (UE) Nru 725/2011. Abbażi tal-esperjenza miksuba, huwa xieraq li jitqies bħala t-teknoloġija ta' referenza alternatur 12V b'effiċjenza ta' 67 %. |
(9) |
L-iffrankar mill-ġeneratur bil-mutur 12V effiċjenti jista' jintwera parzjalment permezz tat-test imsemmi fl-Anness XII tar-Regolament tal-Kummissjoni (KE) Nru 692/2008 (11). L-iffrankar totali finali għall-għanijiet taċ-ċertifikazzjoni ta' vettura mgħammra bit-teknoloġija innovattiva skont l-Artikolu 11 tar-Regolament ta' Implimentazzjoni (UE) Nru 725/2011 għandu għalhekk jiġi stabbilit skont it-tieni subparagrafu tal-Artikolu 8(2) ta' dak ir-Regolament ta' Implimentazzjoni. |
(10) |
Sabiex ikun iffaċilitat użu usa' ta' ġeneraturi bil-mutur 12V effiċjenti f'vetturi ġodda, manifattur għandu jkollu wkoll il-possibbiltà li japplika għaċ-ċertifikazzjoni tal-iffrankar ta' CO2 minn diversi ġeneraturi bil-mutur 12V permezz ta' applikazzjoni waħda għal ċertifikazzjoni. Madankollu huwa xieraq li jiġi żgurat li meta tintuża din il-possibbiltà jiġi applikat mekkaniżmu li jinċentiva biss l-użu ta' dawk il-ġeneraturi bil-mutur 12V li joffru l-ogħla effiċjenza. |
(11) |
Bil-għan li jiġi stabbilit il-kodiċi ġenerali tal-ekoinnovazzjoni li għandu jintuża fid-dokumenti tal-approvazzjoni tat-tip rilevanti skont l-Annessi I, VIII u IX tad-Direttiva 2007/46/KE tal-Parlament Ewropew u tal-Kunsill (12), għandu jiġi speċifikat il-kodiċi individwali li għandu jintuża għat-teknoloġija innovattiva, |
ADOTTAT DIN ID-DEĊIŻJONI:
Artikolu 1
Approvazzjoni
Il-funzjoni ta' ġeneratur effiċjenti tal-ġeneratur bil-mutur 12V, jiġifieri tal-alternatur-startjatur biċ-ċinga i-StARS, kif deskritt fl-applikazzjoni minn Valeo Electrical Systems, hija approvata bħala teknoloġija innovattiva skont it-tifsira tal-Artikolu 12 tar-Regolament (KE) Nru 443/2009.
Artikolu 2
Definizzjonijiet
Għall-fini ta' din id-Deċiżjoni ġeneratur bil-mutur 12V effiċjenti tfisser il-funzjoni ta' ġeneratur effiċjenti ta' ġeneratur bil-mutur 12V.
Artikolu 3
Applikazzjoni għaċ-ċertifikazzjoni tal-iffrankar ta' CO2
1. Il-manifattur jista' japplika għal ċertifikazzjoni tal-iffrankar ta' CO2 minn ġeneratur bil-mutur 12V effiċjenti wieħed jew aktar għall-użu f'vetturi M1 mħaddma b'magna ta' kombustjoni konvenzjonali, bil-kundizzjoni li kull ġeneratur bil-mutur ikun konformi mal-kundizzjonijiet li ġejjin:
(a) |
fejn il-massa tal-ġeneratur bil-mutur 12V effiċjenti ma taqbiżx il-massa tal-alternatur ta' referenza ta' 7 kg u l-effiċjenza tal-funzjoni ta' ġeneratur, determinata skont l-Anness, hija tal-inqas:
jew, |
(b) |
fejn il-massa tal-ġeneratur bil-mutur 12V taqbeż il-massa tal-alternatur ta' referenza kif speċifikat fil-punt (a), il-massa żejda titqies skont il-Formola 10 stabbilita fl-Anness u tissodisfa l-limitu minimu ta' tnaqqis ta' 1 g CO2/km, speċifikat fl-Artikolu 9(1) tar-Regolament ta' Implimentazzjoni (UE) Nru 725/2011. Il-massa żejda għandha tiġi vverifikata u kkonfermata fir-rapport ta' verifika li jrid jintbagħat lill-awtorità tal-approvazzjoni tat-tip mal-applikazzjoni għaċ-ċertifikazzjonijiet. |
2. Applikazzjoni għaċ-ċertifikazzjoni tal-iffrankar minn ġeneratur/i bil-mutur 12V effiċjenti għandha tkun akkumpanjata minn rapport ta' verifika minn korp indipendenti u ċċertifikat li jiċċertifika li l-ġeneratur/i bil-mutur 12V effiċjenti jikkonforma/jikkonformaw mal-kundizzjonijiet stabbiliti fil-paragrafu 1, u li jivverifika u jikkonferma l-massa tal-ġeneraturi bil-mutur 12V.
3. L-awtorità tal-approvazzjoni tat-tip għandha tiċħad l-applikazzjoni għal ċertifikazzjoni f'każ li jidhrilha li l-ġeneratur/i bil-mutur 12V effiċjenti ma jikkonformax/jikkonformawx mal-kundizzjonijiet stabbiliti fil-paragrafu 1.
Artikolu 4
Ċertifikazzjoni tal-iffrankar ta' CO2
1. It-tnaqqis fl-emissjonijiet ta' CO2 mill-użu ta' ġeneraturi bil-mutur 12V effiċjenti msemmija fl-Artikolu 2(1) għandu jiġi ddeterminat bl-użu tal-metodoloġija stabbilita fl-Anness.
2. Meta manifattur jippreżenta applikazzjoni għaċ-ċertifikazzjoni tal-iffrankar ta' CO2 minn aktar minn ġeneratur bil-mutur 12V effiċjenti wieħed fir-rigward ta' verżjoni waħda ta' vettura, l-awtorità tal-approvazzjoni tat-tip għandha tiddetermina liema mill-ġeneraturi bil-mutur li jkunu ġew ittestjati jrendi l-inqas iffrankar ta' CO2, u għandha tirreġistra l-aktar valur baxx fid-dokumentazzjoni rilevanti tal-approvazzjoni tat-tip. Dak il-valur għandu jkun indikat fiċ-ċertifikat ta' konformità skont l-Artikolu 11(2) tar-Regolament ta' Implimentazzjoni (UE) Nru 725/2011.
Artikolu 5
Kodiċi tal-ekoinnovazzjoni
Il-kodiċi tal-ekoinnovazzjoni Nru 22 għandu jiddaħħal fid-dokumentazzjoni tal-approvazzjoni tat-tip meta ssir referenza għal din id-Deċiżjoni skont l-Artikolu 11(1) tar-Regolament ta' Implimentazzjoni (UE) Nru 725/2011.
Artikolu 6
Dħul fis-seħħ
Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-5 ta' Mejju 2017.
Għall-Kummissjoni
Miguel ARIAS CAÑETE
Membru tal-Kummissjoni
(2) ĠU L 194, 26.7.2011, p. 19.
(3) https://circabc.europa.eu/w/browse/f3927eae-29f8-4950-b3b3-d2e700598b52
(4) Deċiżjoni ta' Implimentazzjoni tal-Kummissjoni (UE) 2016/265 tal-25 ta' Frar 2016 dwar l-approvazzjoni tal-ġeneratur MELCO bħala teknoloġija innovattiva għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 50, 26.2.2016, p. 30).
(5) Deċiżjoni ta' Implimentazzjoni tal-Kummissjoni 2013/341/UE tas-27 ta' Ġunju 2013 dwar l-approvazzjoni tal-Alternatur ta' Ġenerazzjoni Effiċjenti Valeo bħala teknoloġija innovattiva għat-tnaqqis tal-emissjonijiet tad-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 179, 29.6.2013, p. 98).
(6) Deċiżjoni ta' Implimentazzjoni tal-Kummissjoni 2014/465/UE tas-16 ta' Lulju 2014 dwar l-approvazzjoni tal-alternatur effiċjenti DENSO bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill u li temenda d-Deċiżjoni ta' Implimentazzjoni tal-Kummissjoni 2013/341/UE (ĠU L 210, 17.7.2014, p. 17).
(7) Deċiżjoni ta' Implimentazzjoni tal-Kummissjoni (UE) 2015/158 tat-30 ta' Jannar 2015 dwar l-approvazzjoni ta' żewġ alternaturi ta' effiċjenza għolja Robert Bosch GmbH bħala t-teknoloġiji innovattivi għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 26, 31.1.2015, p. 31). ((UE) 2015/158 tkopri żewġ applikazzjonijiet).
(8) Deċiżjoni ta' Implimentazzjoni tal-Kummissjoni (UE) 2015/295 tal-24 ta' Frar 2015 dwar l-approvazzjoni tal-alternatur effiċjenti MELCO GXi bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 53, 25.2.2015, p. 11).
(9) Deċiżjoni ta' Implimentazzjoni tal-Kummissjoni (UE) 2015/2280 tas-7 ta' Diċembru 2015 dwar l-approvazzjoni tal-alternatur effiċjenti DENSO bħala teknoloġija innovattiva għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 322, 8.12.2015, p. 64).
(10) Deċiżjoni ta' Implimentazzjoni tal-Kummissjoni (UE) 2016/588 tal-14 ta' April 2016 dwar l-approvazzjoni tat-teknoloġija użata fl-alternaturi ta' effiċjenza għolja ta' 12 Volts bħala teknoloġija innovattiva għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 101, 16.4.2016, p. 25).
(11) Ir-Regolament tal-Kummissjoni (KE) Nru 692/2008 tat-18 ta' Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).
(12) Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (Direttiva Kwadru) (ĠU L 263, 9.10.2007, p. 1).
ANNESS
METODOLOĠIJA BIEX JIĠI KKALKULAT L-IFFRANKAR TA' CO2 TA' ĠENERATURI BIL-MUTUR 12V EFFIĊJENTI GĦAL VETTURI M1 LI JAĦDMU BIL-MAGNA TA' KOMBUSTJONI KONVENZJONALI
1. Introduzzjoni
Sabiex jiġi ddeterminat it-tnaqqis tal-emissjonijiet ta' CO2 li jista' jiġi attribwit għall-funzjoni ta' ġeneratur ta' ġeneratur bil-mutur 12V, minn hawn 'il quddiem imsejjaħ ġeneratur bil-mutur 12V effiċjenti jew ġeneratur bil-mutur, biex jintuża f'vettura tat-tip M1 li taħdem b'magna ta' kombustjoni, jenħtieġ li jiġi stabbilit dan li ġej:
(1) |
il-kundizzjonijiet tal-ittestjar; |
(2) |
it-tagħmir tat-testijiet; |
(3) |
id-determinazzjoni tal-output ta' potenza massima; |
(4) |
il-kalkolu tal-iffrankar ta' CO2; |
(5) |
il-kalkolu tal-marġni statistika tal-iffrankar ta' CO2. |
2. Simboli, parametri u unitajiet
Simboli bil-Latin
|
— |
Iffrankar ta' CO2 [g CO2/km] |
CO2 |
— |
Diossidu tal-karbonju |
CF |
— |
Il-fattur ta' konverżjoni (l/100 km) – (g CO2/km) [g CO2/l] kif iddefinit fi Table 3 |
h |
— |
Il-frekwenza kif iddefinita fit-Tabella 1 |
I |
— |
L-intensità tal-kurrent li bih għandu jitwettaq il-kejl [A] |
m |
— |
Numru ta' titkiliet tal-kampjun |
M |
— |
It-torque [Nm] |
n |
— |
Il-frekwenza tar-rotazzjoni [f'minn – 1] kif iddefinita fit-Tabella 1 |
P |
— |
Il-potenza [W] |
|
— |
Id-devjazzjoni standard tal-effiċjenza tal-ġeneratur bil-mutur [%] |
|
— |
Id-devjazzjoni standard tal-medja tal-effiċjenza tal-ġeneratur bil-mutur [%] |
|
— |
Id-devjazzjoni standard tal-iffrankar totali ta' CO2 [g CO2/km] |
U |
— |
Il-vultaġġ tat-test li fih għandu jitwettaq il-kejl [V] |
v |
— |
Il-veloċità medja tas-sewqan taċ-Ċiklu tas-Sewqan Ewropew il-Ġdid (NEDC) [km/h] |
VPe |
— |
Il-konsum tal-enerġija effettiva [l/kWh] kif iddefinit fit- Table 2 |
|
— |
Is-sensittività tal-iffrankar ta' CO2 ikkalkulat b'rabta mal-effiċjenza tal-ġeneratur bil-mutur |
Simboli bil-Grieg
Δ |
— |
Id-differenza |
ηB |
— |
L-effiċjenza tal-alternatur ta' referenza [%] |
ηMG |
— |
L-effiċjenza tal-ġeneratur bil-mutur [%] |
|
— |
L-effiċjenza medja tal-ġeneratur bil-mutur fil-punt tat-tħaddim i [%] |
Indikazzjonijiet taħt il-vers
L-indiċi (i) jirreferi għall-punt tat-tħaddim
L-indiċi (j) jirreferi għall-kejl tal-kampjun
MG |
— |
Il-ġeneratur bil-mutur |
m |
— |
Mekkaniku |
RW |
— |
Il-kundizzjonijiet tal-ħajja reali |
TA |
— |
Il-kundizzjonijiet tal-approvazzjoni tat-tip |
B |
— |
Ix-xenarju ta' referenza |
3. Titkiliet u determinazzjoni tal-effiċjenza
L-effiċjenza tal-ġeneratur bil-mutur 12V għandha tiġi stabbilita skont l-istandard tal-ISO 8854:2012, ħlief għall-elementi speċifikati f'dan il-punt.
L-awtorità tal-approvazzjoni tat-tip għandha tingħata evidenza li l-firxiet tal-veloċità tal-ġeneratur bil-mutur 12V huma konsistenti ma' dawk deskritti fit-Tabella 1. Il-titkiliet għandhom isiru f'diversi punti tat-tħaddim, kif iddefinit fit- Table 1. L-intensità tal-kurrent tal-ġeneratur bil-mutur 12V għandha tiġi ddefinita bħala nofs il-kurrent nominali għall-punti kollha tat-tħaddim. Għal kull veloċità, il-vultaġġ u l-kurrent tal-output tal-alternatur għandhom jinżammu kostanti fuq 14,3V.
Tabella 1
Punti ta' tħaddim
Il-punt ta' tħaddim i |
Il-ħin ta' żamma [s] |
Il-frekwenza tar-rotazzjoni ni[min– 1] |
Il-frekwenza hi |
1 |
1 200 |
1 800 |
0,25 |
2 |
1 200 |
3 000 |
0,40 |
3 |
600 |
6 000 |
0,25 |
4 |
300 |
10 000 |
0,10 |
L-effiċjenza f'kull punt tat-tħaddim għandha tiġi kkalkulata skont dan li ġejFormula 1:
Formula 1
It-titkiliet kollha tal-effiċjenza jridu jsiru b'mod konsekuttiv għal mill-inqas ħames (5) darbiet. Il-medja tat-titkiliet f'kull punt tat-tħaddim () għandha tiġi kkalkulata.
L-effiċjenza tal-ġeneratur bil-mutur (ηMG) għandha tiġi kkalkulata skont il-Formula 2 li ġejja:
Formula 2
Il-ġeneratur bil-mutur iwassal biex tiġi ffrankata l-potenza mekkanika fil-kundizzjonijiet tal-ħajja reali (ΔPmRW) u fil-kundizzjonijiet tal-approvazzjoni tat-tip (ΔPmTA) kif iddefinit fil-Formula 3.
Formula 3
Fejn il-potenza mekkanika ffrankata bil-kundizzjonijiet tal-ħajja reali (ΔPmRW) tiġi kkalkulata skont il-Formula 4 u l-potenza mekkanika ffrankata bil-kundizzjonijiet tal-approvazzjoni tat-tip (ΔPmTA) skont il-Formula 5 li ġejja:
Formula 4
Formula 5
fejn
PRW |
: |
Il-ħtieġa ta' potenza bil-kundizzjonijiet “tal-ħajja reali” [W], li hija 750 W |
PTA |
: |
Il-ħtieġa ta' potenza bil-kundizzjonijiet tal-approvazzjoni tat-tip [W], li hija 350 W |
ηB |
: |
L-effiċjenza tal-alternatur ta' referenza [%], li hija 67 % |
4. Kalkolu tal-iffrankar TACO2
L-iffrankar ta' CO2 tal-ġeneratur bil-mutur 12V effiċjenti għandu jiġi kkalkulat skont il-Formola 6 li ġejja:
Formula 6
fejn
v |
: |
Il-veloċità medja tas-sewqan tal-NEDC [km/h], li hija 33,58 km/h |
||||||||
VPe |
: |
Il-konsum ta' potenza effettiva kif speċifikat fit- Table 2 Tabella 2 Konsum ta' potenza effettiva
|
||||||||
CF |
: |
Il-fattur ta' konverżjoni (l/100 km) – (g CO2/km) [g CO2/l] kif iddefinit fi Table 3 Tabella 3 Fattur ta' konverżjoni tal-fjuwil
|
5. Kalkolu tal-iżball statistiku
L-iżbalji statistiċi fir-riżultati tal-metodoloġija tal-ittestjar ikkawżati mit-titkiliet għandhom jiġu kkwantifikati. Id-devjazzjoni standard għandha tiġi kkalkulata għal kull punt tat-tħaddim skont il-Formula 7 li ġejja:
Formula 7
Id-devjazzjoni standard tal-valur ta' effiċjenza tal-ġeneratur bil-mutur 12V effiċjenti () għandha tiġi kkalkulata skont il-Formola 8 li ġejja:
Formula 8
Id-devjazzjoni standard tal-effiċjenza tal-ġeneratur bil-mutur () twassal għal żball fl-iffrankar ta' CO2 (). Dak l-iżball jiġi kkalkulat skont il-Formola 9 li ġejja:
Formula 9
6. Sinifikat statistiku
Għal kull tip, varjant u verżjoni ta' vettura installata bil-ġeneratur bil-mutur 12V effiċjenti jrid jintwera li l-iżball fl-iffrankar ta' CO2 ikkalkulat skont il-Formula 9 mhuwiex ikbar mid-differenza bejn it-total ta' CO2 iffrankat u l-limitu minimu ta' ffrankar speċifikat fl-Artikolu 9(1) tar-Regolament ta' Implimentazzjoni (UE) Nru 725/2011 (ara l-Formula 10).
Formula 10
Fejn:
MT |
: |
il-limitu minimu [g CO2/km] |
||||||
|
: |
it-total ta' CO2 iffrankat [g CO2/km] |
||||||
|
: |
id-devjazzjoni standard tat-total ta' CO2 iffrankat [g CO2/km] |
||||||
|
: |
il-koeffiċjent ta' korrezzjoni ta' CO2 minħabba d-differenza tal-massa pożittiva bejn il-ġeneratur bil-mutur 12V u l-alternatur ta' referenza. Għall- għandha tintuża d-dejta mogħtija fit-Tabella 4. Tabella 4 Il-koeffiċjent ta' korrezzjoni ta' CO2 minħabba l-massa żejda
|
ΔM (fit-Tabella 4) hija l-massa ż-żejda minħabba l-installazzjoni tal-ġeneratur bil-mutur. Din hija d-differenza pożittiva bejn il-massa tal-ġeneratur bil-mutur 12V effiċjenti u l-massa tal-alternatur ta' referenza. Il-massa tal-alternatur ta' referenza hija ta' 7 kg. Il-massa żejda trid tiġi vverifikata u kkonfermata fir-rapport ta' verifika li għandu jintbagħat lill-awtorità tal-approvazzjoni tat-tip mal-applikazzjoni għaċ-ċertifikazzjonijiet.
7. Il-ġeneratur bil-mutur 12V effiċjenti li jrid jiġi installat fil-vetturi
L-awtorità tal-approvazzjoni tat-tip trid tiċċertifika l-iffrankar ta' CO2 abbażi tat-titkiliet tal-ġeneratur bil-mutur 12V u l-alternatur ta' referenza billi tuża l-metodoloġija tal-ittestjar stabbilita f'dan l-Anness. Meta l-iffrankar fl-emissjonijiet ta' CO2 ikun taħt il-livell limitu speċifikat fl-Artikolu 9(1) tar-Regolament ta' Implimentazzjoni (UE) Nru 725/2011, għandu japplika t-tieni subparagrafu tal-Artikolu 11(2) ta' dak ir-Regolament.