EUR-Lex Access to European Union law
This document is an excerpt from the EUR-Lex website
Document 32016R1369
Commission Implementing Regulation (EU) 2016/1369 of 11 August 2016 amending Implementing Regulation (EU) 2016/388 imposing a definitive anti-dumping duty on imports of tubes and pipes of ductile cast iron (also known as spheroidal graphite cast iron) originating in India
Regolament ta' Implimentazzjoni tal-Kummissjoni (UE) 2016/1369 tal-11 ta' Awwissu 2016 li jemenda r-Regolament ta' Implimentazzjoni (UE) 2016/388 li jimponi dazju antidumping definittiv fuq l-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja
Regolament ta' Implimentazzjoni tal-Kummissjoni (UE) 2016/1369 tal-11 ta' Awwissu 2016 li jemenda r-Regolament ta' Implimentazzjoni (UE) 2016/388 li jimponi dazju antidumping definittiv fuq l-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja
C/2016/5166
OJ L 217, 12.8.2016, p. 4–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 16/06/2022
12.8.2016 |
MT |
Il-Ġurnal Uffiċjali tal-Unjoni Ewropea |
L 217/4 |
REGOLAMENT TA' IMPLIMENTAZZJONI TAL-KUMMISSJONI (UE) 2016/1369
tal-11 ta' Awwissu 2016
li jemenda r-Regolament ta' Implimentazzjoni (UE) 2016/388 li jimponi dazju antidumping definittiv fuq l-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra l-importazzjonijiet li huma l-oġġett ta' dumping minn pajjiżi mhux membri tal-Unjoni Ewropea (1) (“ir-Regolament antidumping bażiku”), u b'mod partikolari l-Artikolu 9(4) tiegħu,
Billi:
(1) |
Fl-20 ta' Diċembru 2014, il-Kummissjoni Ewropea (“il-Kummissjoni”) fetħet investigazzjoni antidumping fir-rigward tal-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja. Fil-11 ta' Marzu 2015, il-Kummissjoni fetħet investigazzjoni antisussidji fir-rigward tal-importazzjonijiet fl-Unjoni tal-istess prodott li joriġina mill-Indja. |
(2) |
Fit-18 ta' Settembru 2015, il-Kummissjoni adottat ir-Regolament ta' Implimentazzjoni (UE) 2015/1559 (2) (“ir-regolament antidumping provviżorju”). Il-Kummissjoni ma imponietx dazju kumpensatorju provviżorju fuq l-importazzjonijiet ta' tubi u pajpijiet ta' ħadid fondut duttili li joriġinaw mill-Indja. |
(3) |
Fis-17 ta' Marzu 2016, il-Kummissjoni adottat ir-Regolament ta' Implimentazzjoni (UE) 2016/388 (3) (“ir-regolament antidumping definittiv”) u r-Regolament ta' Implimentazzjoni (UE) 2016/387 (4) (“ir-regolament kompensatorju definittiv”). |
(4) |
B'konformità mar-Regolament antidumping bażiku u r-Regolament (UE) 2016/1037 tal-Parlament Ewropew u tal-Kunsill (5) (“ir-Regolament antisussidji bażiku”) is-sussidji tal-esportazzjoni u l-marġini tad-dumping ma jistgħux jiġu kumulati peress li s-sussidji fuq l-esportazzjoni jikkawżaw dumping. Is-sussidji tal-esportazzjoni jnaqqsu l-prezzijiet tal-esportazzjoni u jżidu l-marġini tad-dumping. Għalhekk, il-Kummissjoni qieset li tlieta mill-iskemi ta' sussidju investigati kienu sussidji tal-esportazzjoni. Il-Kummissjoni naqqset id-dazji anti-dumping definittivi fl-investigazzjoni antidumping bl-ammonti tas-sussidju għall-esportazzjoni li nstabu fl-investigazzjoni antisussidji parallela (6). |
(5) |
Id-dazju antidumping definittiv kien stabbilit għal 0 % għal Electrosteel Castings Ltd (“ECL”) u 14,1 % għal Jindal Saw Ltd (“Jindal”) u l-kumpaniji l-oħra kollha fir-Regolament antidumping definittiv (7). Il-marġni ta' dumping kien stabbilit għal 4,1 % għal ECL u 19,0 % għal Jindal u l-kumpaniji l-oħra kollha fl-istess Regolament (8). Għalhekk, id-dazju antidumping definittiv impost kien taħt il-livell ta' marġni ta' dumping definittiv misjub għaż-żewġ kumpaniji. |
(6) |
L-Artikolu 2 tar-Regolament antidumping definittiv stipula li l-ammonti żgurati li jaqbżu r-rati kombinati tad-dazji antidumping u kompensatorji għandhom jiġu rilaxxati. Madankollu, għadd ta' awtoritajiet doganali nazzjonali indikaw lill-Kummissjoni li din id-dispożizzjoni, fil-forma attwali tagħha, toħloq xi konfużjoni fit-termini tal-implimentazzjoni effettiva fiċ-ċirkostanzi speċifiċi tal-każ. |
(7) |
Għalhekk, jenħtieġ li l-Artikolu 2 tar-Regolament antidumping definittiv jiġi emendat biex ikun ċar li l-ammonti żgurati li jaqbżu l-marġni ta' dumping biss li għandhom jiġu rilaxxati, peress li ma ġie impost l-ebda dazju kumpensatorju provviżorju. |
(8) |
Jekk l-ammont tad-dazji provviżorji miġbura b'mod definittiv skont l-Artikolu 2 tar-Regolament antidumping definittiv jaqbeż dak dovut skont ir-regolament preżenti, dak l-ammont jeħtieġ li jitħallas lura jew jiġi rimess. |
(9) |
Fir-rigward tal-prodott ikkonċernat, il-Kummissjoni teskludi t-tubi u l-pajpijiet ta' ħadid fondut duttili mingħajr kisi intern jew estern (“pajpijiet bla kisi”) mill-prodott ikkonċernat fir-Regolamenti antidumping u kompensatorji definittivi (9). Il-Kummissjoni tqis li jkun xieraq li l-importazzjonijiet ta' pajpijiet bla kisi fl-Unjoni jkun monitorizzat. Għalhekk, se jiġu stabbiliti kodiċijiet TARIC separat għall-pajpijiet bla kisi. |
(10) |
L-emenda kienet ġiet żvelata lill-partijiet interessati u ngħataw l-opportunità li jikkummentaw. Ma wasal l-ebda kumment li joġġezzjona għall-emenda. |
(11) |
Il-miżuri stipulati f 'dan ir-Regolament huma konformi mal-opinjoni tal-Kumitat stabbilit bl-Artikolu 15(1) tar-Regolament (UE) 2016/1036. |
ADOTTAT DAN IR-REGOLAMENT:
Artikolu 1
Ir-Regolament ta' Implimentazzjoni (UE) 2016/388 jiġi emendat kif ġej:
(1) |
L-Artikolu 2 jiġi sostitwit b'dan li ġej: “Artikolu 2 L-ammonti żgurati permezz tad-dazji antidumping provviżorji skont ir-Regolament ta' Implimentazzjoni (UE) 2015/1559 għandhom jinġabru b'mod definittiv fir-rati li ġejjin, li jigwaljaw il-marġini ta' dumping definittiv misjuba:
|
(2) |
Jiddaħħlu l-Artikoli 1a u 1b li ġejjin: “Artikolu 1a Tubi u pajpijiet ta' ħadid fondut duttili mingħajr kisi intern u estern (“pajpijiet bla kisi”) għandhom ikunu koperti mill-kodiċijiet TARIC 7303001020 u 7303009020. Artikolu 1b L-ammont ta' dazji mħallsa jew imdaħħla fil-kontijiet skont l-Artikolu 2 u li jaqbeż lil dak stabbilit skont l-Artikolu 1 għandu jitħallas lura jew jiġi rimess. Il-ħlas lura u r-remissjoni għandhom jintalbu mill-awtoritajiet doganali nazzjonali skont il-leġiżlazzjoni doganali applikabbli fi żmien kif stipulat fl-Artikolu 236 tar-Regolament tal-Kunsill (KEE) Nru 2913/92 (*) u fl-Artikolu 121 tar-Regolament (UE) Nru 952/2013 tal-Parlament Ewropew u tal-Kunsill (**). (*) Ir-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (ĠU L 302, 19.10.1992, p. 1)." (**) Ir-Regolament (UE) Nru 952/2013 tal-Parlament Ewropew u tal-Kunsill tad-9 ta' Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).”" |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika retroattivament mid-19 ta' Marzu 2016, bl-eċċezzjoni tat-twaqqif tal-kodiċijiet TARIC 7303001020 u 7303009020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta' Awwissu 2016.
Għall-Kummissjoni
Il-President
Jean-Claude JUNCKER
(1) ĠU L 176, 30.6.2016, p. 21.
(2) Ir-Regolament ta' Implimentazzjoni tal-Kummissjoni (UE) 2015/1559 tat-18 ta' Settembru 2015 li jimponi dazju antidumping provviżorju fuq l-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġina mill-Indja (ĠU L 244, 19.9.2015, p. 25).
(3) Ir-Regolament ta' Implimentazzjoni tal-Kummissjoni (UE) 2016/388 tas-17 ta' Marzu 2016 li jimponi dazju antidumping definittiv fuq l-importazzjonijiet ta' tubi u pajpijiet ta' ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja (ĠU L 73, 18.3.2016, p. 53).
(4) Ir-Regolament ta' Implimentazzjoni tal-Kummissjoni (UE) 2016/387 tas-17 ta' Marzu 2016 li jimponi dazju kompensatorju definittiv fuq l-importazzjonijiet ta' tubi u pajpijiet tal-ħadid fondut duttili (magħruf ukoll bħala grafit ta' ħadid fondut sferojdali), li joriġinaw mill-Indja (ĠU L 73, 18.3.2016, p. 1).
(5) Ir-Regolament (UE) 2016/1037 tal-Parlament Ewropew u tal-Kunsill tat-8 ta' Ġunju 2016 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (ĠU L 176, 30.6.2016, p. 55.)
(6) Ara l-premessa (160) tar-Regolament antidumping definittiv.
(7) Ara l-Artikolu 1(2) tar-Regolament antidumping definittiv.
(8) Ara l-premessa (160) tar-Regolament antidumping definittiv.
(9) Ara l-Artikolu 1 u l-premessi (13) – (18) tar-regolament antidumping definittiv u l-Artikolu 1 u l-premessi (24) – (29) tar-Regolament kompensatorju definittiv.