18.6.2015   

MT

Il-Ġurnal Uffiċjali tal-Unjoni Ewropea

L 151/1

(1)

Ir-Regolament tal-Kummissjoni (KE) Nru 1235/2008 (2) jipprevedi perjodu biex il-korpi ta' kontroll u l-awtoritajiet ta' kontroll jissottomettu t-talba tagħhom għal rikonoxximent bi skop ta' konformità skont l-Artikolu 32 tar-Regolament (KE) Nru 834/2007. Peress li l-implimentazzjoni tad-dispożizzjonijiet rigward l-importazzjoni ta' prodotti konformi għadha qed tiġi evalwata u l-linji gwida, il-mudelli, il-kwestjonarji u s-sistema ta' trażmissjoni elettronika meħtieġa relatati għadhom qed jiġu żviluppati, l-iskadenza għall-preżentazzjoni ta' talbiet mill-korpi ta' kontroll u mill-awtoritajiet ta' kontroll għandha tiġi mtawla.

(2)

Għal raġunijiet ta' simplifikazzjoni u effiċjenza tal-proċedura ta' rikonoxximent tal-korpi ta' kontroll u tal-awtoritajiet ta' kontroll għall-iskop tal-konformità u l-ekwivalenza, fi kwalunkwe żmien tas-sena r-rappreżentanti ta' dawk il-korpi ta' kontroll jew l-awtoritajiet ta' kontroll għandhom ikunu jistgħu jintroduċu talbiet għall-inklużjoni fil-listi previsti fl-Artikoli 3 u 10 tar-Regolament (KE) Nru 1235/2008. Għandha għalhekk tiġi mħassra id-data ta' skadenza annwali li sa qabilha talbiet bħal dawn għandhom jiġu rċevuti.

(3)

L-Anness III tar-Regolament (KE) Nru 1235/2008 jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(4)

Skont l-informazzjoni mogħtija mill-Awstralja, l-awtorità kompetenti rilevanti nbidlet.

(5)

Skont l-informazzjoni mogħtija mill-Ġappun, l-isem u l-indirizz tal-Internet ta' diversi korpi ta' kontroll tal-pajjiż inbidlu.

(6)

Minn informazzjoni mogħtija mir-Repubblika tal-Korea, l-indirizz tal-Internet tal-awtorità kompetenti rilevanti għandu jiġu inkluż.

(7)

L-inklużjoni fil-lista tat-Tuneżija tiskadi fit-30 ta' Ġunju 2015. Wara l-miżuri korrettivi li ttieħdu u t-titjib li sar mit-Tuneżija fir-rigward tas-sistema ta' kontroll tal-pajjiż, huwa xieraq li l-inklużjoni tat-Tuneżija fl-Anness III tar-Regolament (KE) Nru 1235/2008 tkun estiża għal perjodu mhux speċifikat.

(8)

L-inklużjoni fil-lista tal-Istati Uniti tiskadi fit-30 ta' Ġunju 2015. Minħabba li l-Istati Uniti għadhom jissodisfaw l-kundizzjonijiet stabbiliti fl-Artikolu 33(2) tar-Regolament (KE) Nru 834/2007, l-inklużjoni għandha tittawwal għal perjodu mhux speċifikat.

(9)

L-Anness IV tar-Regolament (KE) Nru 1235/2008 jistabbilixxi l-lista tal-korpi ta' kontroll u tal-awtoritajiet ta' kontroll li huma kompetenti biex iwettqu kontrolli u joħorġu ċertifikati f'pajjiżi terzi għall-iskop tal-ekwivalenza.

(10)

Il-Kummissjoni rċeviet u eżaminat talba minn “Abcert AG” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D għall-Albanija, l-Armenja, il-Bożnja-Ħerzegovina, il-Kosovo (3), il-Kirgiżistan, l-Eks-Repubblika Jugoslava tal-Maċedonja, il-Montenegro, is-Serbja, it-Taġikistan, it-Turkmenistan u l-Uzbekistan, u għall-kategorija tal-prodott B, għall-Moldova.

(11)

Il-Kummissjoni rċeviet u eżaminat talba minn “Afrisco Certified Organic, CC” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu tar-rikonoxximent tagħha għan-Namibja, l-Afrika t'Isfel, is-Sważiland, iż-Żambja u ż-Żimbabwe għall-kategorija tal-prodott B.

(12)

Il-Kummissjoni rċeviet u eżaminat talba mingħand “Agreco R.F. Göderz GmbH” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodott A għall-Bolivja, il-Bożnija-Ħerzegovina, il-Burkina Faso, il-Kambodja, Cape Verde, il-Kolombja, Kuba, ir-Repubblika Dominikana, l-Ekwador, l-Eġittu, El Salvador, l-Etjopja, Fiġi, l-Eks-Repubblika Jugoslava tal-Maċedonja, il-Georgia, il-Gwatemala, il-Ħonduras, l-Indoneżja, l-Iran, il-Każakistan, il-Kenja, il-Kirgiżistan, Madagascar, il-Mali, il-Montenegro, in-Nepal, in-Nikaragwa, in-Niġerja, Papua New Guinea, il-Paragwaj, il-Perù, il-Filippini, Samoa, is-Senegal, is-Serbja, il-Gżejjer Solomon, l-Afrika t'Isfel, is-Sri Lanka, is-Surinam, it-Tanzanija, it-Tajlandja, it-Togo, Tonga, it-Turkmenistan, Tuvalu, l-Uganda, l-Użbekistan, il-Venezwela u l-Vjetnam, u għall-kategorija tal-prodott D għall-Burkina Faso, il-Kolombja, Kuba, l-Etjopja, il-Gwatemala, il-Ħonduras, il-Kenja, il-Mali, il-Messiku, in-Nepal, in-Nikaragwa, in-Niġerja, Papua New Guinea, il-Paragwaj, il-Filippini, is-Senegal, l-Afrika t'Isfel, is-Sri Lanka, is-Surinam, Tuvalu, l-Uganda, l-Urugwaj u l-Vjetnam.

(13)

“Austria Bio Garantie GmbH” għarrfet lill-Kummissjoni li hija temmet l-attivitajiet ta' ċertifikazzjoni tagħha fil-pajjiżi terzi kollha li għalihom kienet rikonoxxuta.

(14)

“BCS Öko-Garantie GmbH” innotifikat lill-Kummissjoni dwar il-bidla fl-isem għall-“Kiwa BCS Öko-Garantie GmbH”.

(15)

Barra minn hekk, il-Kummissjoni rċeviet u eżaminat talba minn “BCS Öko-Garantie” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodott B għall-Kenja, il-Mongolja, l-Emirati Għarab Magħquda u l-Vjetnam, għall-kategorija tal-prodott E għall-Kenja u l-Mongolja, u għall-kategorija tal-prodott F għall-Bangladexx, il-Bhutan, il-Kolombja, Fiġi, in-Nepal, Papua New Guinea, Singapor u l-Afrika t'Isfel.

(16)

Il-Kummissjoni rċeviet u eżaminat talba minn “Bioagricert S.r.l.” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D lejn l-Iran u l-Vjetnam.

(17)

Il-Kummissjoni rċeviet u eżaminat talba minn “Bio Latina Certificadora” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodott A fin-Nikaragwa u l-Perù. Barra minn hekk, “Bio Latina Certificadora” għarrfet lill-Kummissjoni li hija temmet l-attivitajiet ta' ċertifikazzjoni tagħha għall-kategorija tal-prodott C fil-Perù.

(18)

Il-Kummissjoni rċeviet u eżaminat talba minn “Caucacert Ltd” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu tar-rikonoxximent tagħha għall-Georgia għall-kategoriji tal-prodott B u F.

(19)

Il-Kummissjoni rċeviet u eżaminat talba minn “CCPB Srl” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D għall-Mali. Barra minn hekk, “CCPB Srl” informat lill-Kummissjoni li hija biddlet l-indirizz.

(20)

Il-Kummissjoni rċeviet u eżaminat talba minn “CERES Certification of Environmental Standards GmbH” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodott A għall-Kambodja, El Salvador, il-Gwatemala, il-Ħonduras, il-Laos, Madagascar, il-Malasja, il-Możambik, il-Myanmar/Burma, in-Namibja, in-Nikaragwa, il-Panama, Samoa, Timor Leste, l-Urugwaj, il-Venezwela u ż-Żimbabwe, għall-kategorija tal-prodott B lill-Myanmar/Burma u l-Urugwaj, għall-kategorija tal-prodott D lill-Kambodja, El Salvador, il-Gwatemala, il-Ħonduras, il-Laos, Madagascar, il-Malasja, il-Możambik, il-Myanmar/Burma, in-Namibja, in-Nikaragwa, il-Panama, Samoa, Timor Leste, l-Emirati Għarab Magħquda, l-Urugwaj, il-Venezwela u ż-Żimbabwe, u għall-kategorija tal-prodott F lejn iċ-Ċina, l-Eks-Repubblika Jugoslava tal-Maċedonja u s-Serbja.

(21)

Il-Kummissjoni rċeviet u eżaminat talba minn “Certificadora mexicana de Productos y Procesos ecológicos S.C.” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodott A lejn il-Kolombja.

(22)

Il-Kummissjoni rċeviet u eżaminat talba minn “Control Union Certifications” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodott A għall-Alġerija, l-Ażerbajġan, il-Bolivja, iċ-Ċilì, El Salvador, il-Gambja, il-Gwatemala, in-Nikaragwa, ir-Russja u s-Sudan, għall-kategorija tal-prodott B għall-Ażerbajġan, il-Bolivja, iċ-Ċilì, El Salvador, il-Gambja, il-Gwatemala, in-Nikaragwa, ir-Russja u s-Sudan, għall-kategorija tal-prodott C għall-Alġerija, l-Ażerbajġan u r-Russja, għall-kategorija tal-prodott D għall-Alġerija, l-Ażerbajġan, il-Bolivja, iċ-Ċilì, El Salvador, il-Gambja, il-Gwatemala, in-Nikaragwa, ir-Russja u s-Sudan, u għall-kategoriji ta' prodotti E u F għall-Ażerbajġan u r-Russja.

(23)

Il-Kummissjoni rċeviet u eżaminat talba minn “Ecocert SA” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodotti A fl-Etjopja u t-Tajwan, għall-kategorija tal-prodotti C lejn il-Ġappun, għall-kategorija tal-prodott D għaċ-Ċilì u t-Tajwan u għall-kategorija tal-prodott E lejn il-Kolombja u Kuba.

(24)

Il-Kummissjoni rċeviet u eżaminat talba minn “Ecoglobe” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' il-kamp ta' applikazzjoni tar-rikonoxximent tagħha għall-Afganistan, l-Armenja, il-Bjelorussja, l-Iran, il-Każakistan, il-Kirgiżistan, il-Pakistan, ir-Russja, it-Taġikistan, it-Turkmenistan, l-Ukraina u l-Uzbekistan għall-prodotti tal-kategorija B.

(25)

F'dawn l-aħħar xhur il-Kummissjoni rċeviet diversi notifiki mill-Istati Membri rigward volum għoli ta' konsenji ta' prodotti organiċi importati fl-Unjoni mill-Ukrajna li fihom residwi ta' prodotti għall-protezzjoni tal-pjanti li mhumiex permessi fil-biedja organika skont ir-Regolament (KE) Nru 834/2007 u r-Regolament tal-Kummissjoni (KE) Nru 889/2008 (4). Il-merkanzija kkonċernata kienet ġiet iċċertifikata skont ir-Regolament (KE) Nru 834/2007 minn “Ekolojik Tarim Kontrol Organizasyonu” (ETKO). Wara informazzjoni li rċeviet il-Kummissjoni minn ETKO u eżami fuq il-post tal-attivitajiet tagħha mill-korp ta' akkreditazzjoni tagħha, ġew dokumentati nuqqasijiet serji fil-kontrolli mwettqa u għadd sostanzjali ta' nuqqasijiet ta' konformità, li kollha flimkien indikaw nuqqas ta' funzjonament sistematiku tal-miżuri ta' kontroll applikati. Deher ukoll li ETKO ma kinitx f'pożizzjoni li tieħu miżuri korrettivi adegwati fir-rigward tan-nuqqasijiet irrappurtati u b'reazzjoni għall-ksur serju osservat. F'dawn iċ-ċirkustanzi, jeżisti r-riskju għall-konsumaturi li jiġu mqarrqa dwar in-natura vera tal-prodotti ċċertifikati minn ETKO. Konsegwentement, ETKO għandha tiġi rtirata mill-lista skont il-punti (d), (e) u (f) tal-ewwel subparagrafu tal-Artikolu 12(2) tar-Regolament (KE) Nru 1235/2008.

(26)

Il-Kummissjoni rċeviet u eżaminat talba minn “IMO Control Latinoamérica Ltda.” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A u D għall-Panama u s-Surinam.

(27)

Il-Kummissjoni rċeviet u eżaminat talba minn “IMO-Control Sertifikasyon Tic. Ltd Ști” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu tar-rikonoxximent tagħha għat-Turkija għall-kategoriji tal-prodott B u E.

(28)

“IMO Institut für Marktökologie GmbH” għarrfet lill-Kummissjoni li hija temmet l-attivitajiet ta' ċertifikazzjoni tagħha fil-pajjiżi terzi kollha li għalihom kienet rikonoxxuta.

(29)

“Indocert” għarrfet lill-Kummissjoni li hija temmet l-attivitajiet ta' ċertifikazzjoni tagħha għall-kategorija tal-prodotti C.

(30)

Il-Kummissjoni rċeviet u eżaminat talba minn “IMOswiss AG” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodott A għall-Kambodja, il-Gambja, l-Iran, il-Laos, il-Malasja, il-Myanmar/Burma, l-Oman, l-Arabja Sawdija u s-Surinam, għall-kategorija tal-prodotti B għall-Etjopja u għall-kategorija D għall-Baħamas, il-Kambodja, il-Gambja, il-Ħonduras, l-Iran, il-Laos, il-Malasja, il-Myanmar/Burma, l-Oman u l-Arabja Sawdija.

(31)

Il-Kummissjoni rċeviet u eżaminat talba mill-“Istituto Certificazione Etica e Ambientale” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D għall-Kosta tal-Avorju.

(32)

Il-Kummissjoni rċeviet u eżaminat talba minn “Lacon GmbH” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li l-kamp ta' applikazzjoni tar-rikonoxximent tagħha għall-kategorija tal-prodott D jista' jinkludi l-inbid. Barra minn hekk, huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodott A fil-Bhutan, il-Brażil, l-Indoneżja, Mauritius, in-Niġerja, is-Senegal, is-Sri Lanka, l-Uganda u l-Emirati Għarab Magħquda, għall-kategorija tal-prodott B fMadagascar, il-Marokk, is-Senegal, is-Serbja u t-Tanzanija, u għall-kategorija tal-prodotti D fil-Bhutan, il-Brażil, l-Indoneżja, il-Mali, Mauritius, in-Niġerja, is-Senegal, is-Sri Lanka u l-Uganda.

(33)

Il-Kummissjoni rċeviet u eżaminat talba minn “Letis S.A.” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodotti A għall-Gżejjer Cayman, l-Ekwador u l-Messiku, u għall-kategorija tal-prodott D għall-Gżejjer Cayman u l-Ekwador.

(34)

Il-Kummissjoni rċeviet u eżaminat talba minn “NASAA Certified Organic Pty Ltd” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D lejn iċ-Ċina.

(35)

Il-Kummissjoni rċeviet u eżaminat talba minn “Organic Control System” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D għall-Montenegro.

(36)

Il-Kummissjoni rċeviet u eżaminat talba minn “Organic Standard” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent għall-kategorija tal-prodott A għall-Armenja, l-Ażerbajġan, il-Georgia, il-Każakistan, il-Kirgiżistan, il-Moldova, ir-Russja u l-Uzbekistan, għall-kategorija tal-prodott B lill-Georgia u għall-prodotti tal-kategorija D għall-Armenja, l-Ażerbajġan, il-Bjelorussja, il-Georgia, il-Każakistan, il-Kirgiżistan, il-Moldova, ir-Russja u l-Uzbekistan. Barra minn hekk, l-informazzjoni riċevuta, wasslet għall-konklużjoni li huwa ġustifikat li jitwessa' l-ambitu tar-rikonoxximent tagħha għall-Bjelorussja u l-Ukraina għall-kategoriji tal-prodott C, E u F.

(37)

Il-Kummissjoni rċeviet u eżaminat talba minn “Organización Internacional Agropecuaria” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' il-kamp ta' applikazzjoni tar-rikonoxximent tagħha għall-Arġentina għall-prodotti tal-kategorija D, inkluż l-inbid, u li jestendu l-ambitu ġeografiku tar-rikonoxximent għall-kategorija tal-prodott A għall-Bolivja u l-Paragwaj, għall-kategorija tal-prodott C lejn il-Brażil u l-Urugwaj, u għall-kategorija D għall-Bolivja, il-Brażil u l-Paragwaj.

(38)

“SGS Austria Controll-Co. GmbH” għarrfet lill-Kummissjoni li hija temmet l-attivitajiet ta' ċertifikazzjoni tagħha fil-pajjiżi terzi kollha li għalihom kienet rikonoxxuta.

(39)

Il-Kummissjoni rċeviet u eżaminat talba minn “Soil Association Certification Limited” sabiex ikunu emendati l-ispeċifikazzjonijiet tagħha. L-eżami tal-informazzjoni mogħtija wassal għall-konklużjoni li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodott A u D għall-Alġerija, il-Baħamas, Ħong Kong, il-Malawi, Samoa, Singapor u l-Vjetnam.

(40)

“Suolo e Salute srl” għarrfet lill-Kummissjoni li hija temmet l-attivitajiet ta' ċertifikazzjoni tagħha fis-Serbja.

(41)

It-tul ta' żmien tal-inklużjoni ta' diversi korpi ta' kontroll fil-lista jintemm fit-30 ta' Ġunju 2015. Ibbażata fuq is-superviżjoni kontinwa mwettqa mill-Kummissjoni f'konformità mal-Artikolu 33(3) tar-Regolament (KE) Nru 834/2007, it-tul taż-żmien tal-inklużjoni tal-korpi ta' kontroll ikkonċernati għandu jiġi estiż sat-30 ta' Ġunju 2018.

(42)

L-Anness IV tar-Regolament (KE) Nru 1235/2008 kif emendat mir-Regolament ta' Implimentazzjoni tal-Kummissjoni (UE) Nru 355/2014 (5) fih żball b'rabta man-numru tal-kodiċi għan-Nepal għall-korp ta' kontroll “Onecert, Inc”. Jeħtieġ li dak l-iżball jiġi kkoreġut.

(43)

Ir-Regolament (KE) No 1235/2008 għandu għalhekk jiġi emendat u ikkoreġut kif suppost.

(44)

Billi r-referenzi għat-30 ta' Ġunju 2015 bħala d-data li fiha tiskadi l-inklużjoni fil-listi fl-Annessi III u IV għar-Regolament (KE) Nru 1235/2008 jeħtieġ li jiġu emendati f'ħin debitu, l-emendi rilevanti għandhom japplikaw mit-30 ta' Ġunju 2015.

(45)

Il-miżuri stipulati f'dan ir-Regolament huma skont l-opinjoni tal-Kumitat regolatorju għall-produzzjoni organika,

(1)

Fl-Artikolu 4, il-paragrafu 1 huwa sostitwit b'dan li ġej:

“1.   Il-Kummissjoni għandha tikkunsidra jekk għandhiex tirrikonoxxi u tinkludi korp ta' kontroll jew awtorità ta' kontroll fil-lista pprovduta fl-Artikolu 3 malli tirċievi talba għall-inklużjoni minn rappreżentant tal-korp tal-kontroll jew tal-awtorità ta' kontroll ikkonċernat fuq il-bażi tal-mudell ta' applikazzjoni disponibbli mill-Kummissjoni skont l-Artikolu 17(2). Talbiet kompluti li jaslu qabel il-31 ta' Ottubru 2016 biss ser jitqiesu għat-tħejjija tal-ewwel lista.”

(2)

Fl-Artikolu 11, il-paragrafu 1 huwa sostitwit b'dan li ġej:

“1.   Il-Kummissjoni għandha tikkunsidra jekk għandhiex tinkludi korp ta' kontroll jew awtorità ta' kontroll fil-lista pprovduta fl-Artikolu 10 malli tirċievi talba għall-inklużjoni minn rappreżentant ta' korp ta' kontroll jew ta' awtorità ta' kontroll ikkonċernata fuq il-bażi tal-mudell ta' applikazzjoni disponibbli mill-Kummissjoni skont l-Artikolu 17(2). Huma biss it-talbiet kompluti li ser jitqiesu għall-aġġornament tal-lista.”

(3)

L-Anness III huwa emendat skont l-Anness I ta' dan ir-Regolament;

(4)

l-Anness IV huwa emendat skont l-Anness II ta' dan ir-Regolament.