EUR-Lex Access to European Union law
This document is an excerpt from the EUR-Lex website
Document 32015D1959
Commission Delegated Decision (EU) 2015/1959 of 1 July 2015 on the applicable systems to assess and verify constancy of performance of wastewater engineering products pursuant to Regulation (EU) No 305/2011 of the European Parliament and of the Council (Text with EEA relevance)
Deċiżjoni delegata tal-Kummissjoni (UE) 2015/1959 tal-1 ta' Lulju 2015 dwar is-sistemi applikabbli għall-valutazzjoni u l-verifika tal-kostanza tal-prestazzjoni ta' prodotti tal-inġinerija għall-ilma mormi, skont ir-Regolament (UE) Nru 305/2011 tal-Parlament Ewropew u tal-Kunsill (Test b'rilevanza għaż-ŻEE)
Deċiżjoni delegata tal-Kummissjoni (UE) 2015/1959 tal-1 ta' Lulju 2015 dwar is-sistemi applikabbli għall-valutazzjoni u l-verifika tal-kostanza tal-prestazzjoni ta' prodotti tal-inġinerija għall-ilma mormi, skont ir-Regolament (UE) Nru 305/2011 tal-Parlament Ewropew u tal-Kunsill (Test b'rilevanza għaż-ŻEE)
OJ L 284, 30.10.2015, p. 184–186
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.10.2015 |
MT |
Il-Ġurnal Uffiċjali tal-Unjoni Ewropea |
L 284/184 |
DEĊIŻJONI DELEGATA TAL-KUMMISSJONI (UE) 2015/1959
tal-1 ta' Lulju 2015
dwar is-sistemi applikabbli għall-valutazzjoni u l-verifika tal-kostanza tal-prestazzjoni ta' prodotti tal-inġinerija għall-ilma mormi, skont ir-Regolament (UE) Nru 305/2011 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta' Marzu 2011 li jistabbilixxi kondizzjonijiet armonizzati għall-kumerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b'mod partikolari l-Artikolu 60(e) tiegħu,
Billi:
|
(1) |
Il-proċedura għall-attestazzjoni tal-konformità ta' prodotti tal-inġinerija għall-ilma mormi mal-ispeċifikazzjonijiet tekniċi applikabbli, ġiet stabbilita fid-Deċiżjoni tal-Kummissjoni 97/464/KE (2). |
|
(2) |
Id-Deċiżjoni 97/464/KE ma tistabbilixxix kriterji dettaljati għall-għażla ta' sistemi għall-valutazzjoni u l-verifika tal-kostanza ta' prestazzjoni għar-reazzjoni għan-nar ta' prodotti tal-inġinerija għall-ilma mormi, b'mod partikolari t-tappieri tal-ħofor għall-ispezzjonar u l-għotjien tal-gandotti. |
|
(3) |
Is-sistemi stabbiliti fl-Anness V tar-Regolament (UE) Nru 305/2011 għandhom jintgħażlu b'mod aktar adegwat sabiex tiġi vvalutata l-prestazzjoni tal-prodotti tal-inġinerija għall-ilma mormi. B'dan il-mod, il-manifatturi jistgħu jiksbu aċċess għas-suq intern b'mod aktar effiċjenti, u b'hekk tiżdied il-kompetittività tal-industrija tal-bini kollha kemm hi. |
|
(4) |
Id-Deċiżjoni 97/464/KE għandha titħassar u tiġi sostitwita fl-interess taċ-ċarezza u tat-trasparenza, |
ADOTTAT DIN ID-DEĊIŻJONI:
Artikolu 1
Din id-Deċiżjoni tapplika għall-prodotti tal-inġinerija għall-ilma mormi stabbiliti fl-Anness I.
Artikolu 2
Il-prodotti tal-inġinerija għall-ilma mormi msemmija fl-Artikolu 1 għandhom jiġu vvalutati u vverifikati għall-kostanza tal-prestazzjoni b'rabta mal-karatteristiċi essenzjali tagħhom f'konformità mas-sistemi speċifikati fl-Anness II.
Artikolu 3
Id-Deċiżjoni 97/464/KE hija mħassra.
Ir-referenzi għad-Deċiżjoni mħassra għandhom jiġu mifhuma bħala referenzi għal din id-Deċiżjoni.
Artikolu 4
Din id-Deċiżjoni tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-1 ta' Lulju 2015.
Għall-Kummissjoni
Il-President
Jean-Claude JUNCKER
(2) Id-Deċiżjoni tal-Kummissjoni tas-27 ta' Ġunju 1997 dwar il-proċedura ta' attestazzjoni tal-konformità tal-prodotti għall-bini skont l-Artikolu 20(2) tad-Direttiva tal-Kunsill 89/106/KEE fejn għandhom x'jaqsmu prodotti tal-inġinerija għall-ilma mormi (ĠU L 198, 25.7.1997, p. 33).
ANNESS I
PRODOTTI KOPERTI
Din id-Deċiżoni tapplika għal:
|
(1) |
Apparati għall-back-flow: pajpijiet ventilati b'valvoli li jippermettu d-dħul tal-arja; |
|
(2) |
Kits għal stazzjon tal-ippumpjar tal-ilma mormi u impjanti li jtellgħu l-effluwent |
|
(3) |
Kits u elementi għal impjanti ta' trattament tal-ilma mormi u apparat ta' trattament fuq il-post; |
|
(4) |
Tankijiet settiċi; |
|
(5) |
Kanali tad-dranaġġ prefabbrikati; |
|
(6) |
Toqob u kmamar tal-ispezzjonar; |
|
(7) |
Turġien tal-ħadid, slielem, poġġamani għat-toqob u għall-kmamar tal-ispezzjonar; |
|
(8) |
Separaturi; |
|
(9) |
Għotjien ta' toqob għall-ispezzjonar u għotjien tal-gandotti. |
ANNESS II
SISTEMI TA' VALUTAZZJONI U VERIFIKA TAL-KOSTANZA TAL-PRESTAZZJONI
Għall-prodotti koperti minn din id-Deċiżjoni, b'kont meħud tal-karatteristiċi essenzjali tagħhom, is-sistemi ta' Valutazzjoni u Verifika tal-Kostanza tal-Prestazzjoni japplikaw kif ġej:
Tabella 1
Għall-karatteristiċi essenzjali kollha għajr ir-reazzjoni għan-nar
|
Prodotti |
Karatteristiċi Essenzjali |
Sistemi applikabbli għall-Valutazzjoni u għall-Verifika tal-Kostanza tal-Prestazzjoni kif stabbilit fl-Anness V tar-Regolament (UE) Nru 305/2011 |
|
Apparati għall-back-flow: pajpijiet ventilati b'valvoli li jippermettu d-dħul tal-arja |
Għall-karatteristiċi essenzjali kollha għajr ir-reazzjoni għan-nar |
4 |
|
Kits għal stazzjon tal-ippumpjar tal-ilma mormi u impjanti li jtellgħu l-effluwent |
3 |
|
|
Kits u elementi għal impjanti tat-trattament tal-ilma mormi u apparat ta' trattament fuq il-post |
3 |
|
|
Tankijiet settiċi |
3 |
|
|
Kanali tad-dranaġġ prefabbrikati |
3 |
|
|
Toqob u kmamar tal-ispezzjonar |
4 |
|
|
Turġien tal-ħadid, slielem u poġġamani għat-toqob u għall-kmamar tal-ispezzjonar |
4 |
|
|
Separaturi |
4 |
|
|
Għotjien tat-toqob għall-ispezzjonar u għotjien tal-gandotti |
1 |
Tabella 2
Għal reazzjoni għan-nar biss
Għall-prodotti kollha indikati fl-ewwel kolonna tat-Tabella 1, is-sistemi ta' Valutazzjoni u Verifika tal-Kostanza ta' Prestazzjoni huma determinati, skont is-subfamilji tagħhom, kif ġej:
|
Subfamilji tal-prodott |
Sistemi applikabbli għall-Valutazzjoni u l-Verifika tal-Kostanza tal-Prestazzjoni kif stabbilit fl-Anness V tar- Regolament (UE) Nru 305/2011 |
|
Il-prodotti li għalihom stadju identifikabbli b'mod ċar fil-proċess tal-produzzjoni tagħhom jirriżulta f'titjib fil-prestazzjoni tagħhom ta' reazzjoni għan-nar (eż. billi jiżdiedu r-ritardanti tan-nar jew jiġu llimitati l-materjali organiċi) |
1 |
|
Prodotti li għalihom teżisti bażi ġuridika Ewropea applikabbli li tikklassifika l-prestazzjoni tagħhom ta' reazzjoni għan-nar mingħajr ittestjar |
4 |
|
Prodotti li ma jappartjenux għas-subfamilji indikati fir-ringieli 1 u 2 |
3 |