EUR-Lex Access to European Union law
This document is an excerpt from the EUR-Lex website
Document 32014R1311
Commission Regulation (EU) No 1311/2014 of 10 December 2014 amending Regulation (EC) No 976/2009 as regards the definition of an INSPIRE metadata element
Regolament tal-Kummissjoni (UE) Nru 1311/2014 tal- 10 ta' Diċembru 2014 li jemenda r-Regolament (KE) Nru 976/2009 fir-rigward tad-definizzjoni ta' element ta' metadejta INSPIRE
Regolament tal-Kummissjoni (UE) Nru 1311/2014 tal- 10 ta' Diċembru 2014 li jemenda r-Regolament (KE) Nru 976/2009 fir-rigward tad-definizzjoni ta' element ta' metadejta INSPIRE
OJ L 354, 11.12.2014, p. 6–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
11.12.2014 |
MT |
Il-Ġurnal Uffiċjali tal-Unjoni Ewropea |
L 354/6 |
REGOLAMENT TAL-KUMMISSJONI (UE) Nru 1311/2014
tal-10 ta' Diċembru 2014
li jemenda r-Regolament (KE) Nru 976/2009 fir-rigward tad-definizzjoni ta' element ta' metadejta INSPIRE
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2007/2/KE tal-Parlament Ewropew u tal-Kunsill tal-14 ta' Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (INSPIRE) (1), u b'mod partikolari l-Artikolu 7(1) tagħha,
Billi:
(1) |
Ir-Regolament tal-Kummissjoni (KE) Nru 976/2009 (2) jistabbilixxi r-regoli għall-implimentazzjoni tas-servizzi kollha ta' netwerk għajr għal servizzi li jippermettu li jiġu invokati servizzi ta' dejta spazjali. |
(2) |
L-interoperabilità ta' servizzi ta' dejta spazjali hija kkaratterizzata mill-kapaċità li d-dejta tiġi komunikata, eżegwita jew trasferita bejniethom. Prerekwiżit għall-invokazzjoni tas-servizzi ta' dejta spazjali huwa l-kapaċità li wieħed jaċċessal-informazzjoni rilevanti. Permezz tas-servizzi ta' sejbien ordnati fid-Direttiva 2007/2/KE, b'regoli għall-implimentazzjoni fir-Regolament tal-Kummissjoni (KE) Nru 976/2009, l-Istati Membri qed jagħmlu disponibbli l-elementi ta' metadejta ordnati fir-Regolament tal-Kummissjoni (KE) Nru 1205/2008 (3). Ir-regoli ta' implimentazzjoni għal servizzi ta' dejta spazjali fir-Regolament tal-Kummissjoni (UE) Nru 1089/2010 (4) jintroduċu elementi ġodda ta' metadejta għal servizzi ta' dejta spazjali, u bħala konsegwenza ta' dan, id-definizzjoni ta' element ta' metadejta fir-Regolament (KE) Nru 976/2009 għandha tiġi aġġornata sabiex jiġu permessi wkoll l-iskoperta u d-disponibbiltà tal-elementi l-ġodda ta' metadejta bis-servizzi ta' sejbien tal-Istati Membri. |
(3) |
Għaldaqstant, ir-Regolament (KE) Nru 976/2009 għandu jiġi emendat skont dan. |
(4) |
Il-miżuri pprovduti f'dan ir-Regolament huma skont l-opinjoni tal-Kumitat stabbilit permezz tal-Artikolu 22 tad-Direttiva 2007/2/KE, |
ADOTTAT DAN IR-REGOLAMENT:
Artikolu 1
Fl-Artikolu 2 tar-Regolament (KE) Nru 976/2009, il-punt 7 huwa mibdul b'dan li ġej:
“7. |
l-‘Element ta' metadejta INSPIRE’ tfisser element ta' metadejta stabbilit fil-parti B tal-Anness tar-Regolament (KE) Nru 1205/2008 jew fil-Parti B tal-Anness V, Parti B tal-Anness VI u Parti B tal-Anness VII tar-Regolament tal-Kummissjoni (UE) Nru 1089/2010 (*); |
Artikolu 2
Dan ir-Regolament għandu jidħol fis-seħħ fl-20 jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' Diċembru 2014.
Għall-Kummissjoni
Il-President
Jean-Claude JUNCKER
(1) ĠU L 108, 25.4.2007, p. 1.
(2) Ir-Regolament tal-Kummissjoni (KE) Nru 976/2009 tad-19 ta' Ottubru 2009 li jimplimenta d-Direttiva 2007/2/KE tal-Parlament Ewropew u tal-Kunsill fir-rigward tas-Servizzi ta' Netwerk (ĠU L 274, 20.10.2009, p. 9).
(3) Ir-Regolament tal-Kummissjoni (KE) Nru 1205/2008 tat-3 ta' Diċembru 2008 li jimplimenta d-Direttiva 2007/2/KE tal-Parlament Ewropew u tal-Kunsill fir-rigward tal-metadejta (ĠU L 326, 4.12.2008, p. 12).
(4) Ir-Regolament tal-Kummisjoni (UE) Nru 1089/2010 tat-23 ta' Novembru 2010 li jimplimenta d-Direttiva 2007/2/KE tal-Parlament Ewropew u tal-Kunsill fir-rigward tal-interoperabbiltà tas-settijiet ta' dejta u servizzi ġeografiċi (ĠU L 323, 8.12.2010, p. 11).