EUR-Lex Access to European Union law
This document is an excerpt from the EUR-Lex website
Document 32014R0851
Council Regulation (EU) No 851/2014 of 23 July 2014 amending Regulation (EC) No 2866/98 as regards the conversion rate to the euro for Lithuania
Regolament tal-Kunsill (UE) Nru 851/2014 tat- 23 ta' Lulju 2014 li jemenda r-Regolament (KE) Nru 2866/98 dwar ir-rata tal-kambju għall-euro għal-Litwanja
Regolament tal-Kunsill (UE) Nru 851/2014 tat- 23 ta' Lulju 2014 li jemenda r-Regolament (KE) Nru 2866/98 dwar ir-rata tal-kambju għall-euro għal-Litwanja
OJ L 233, 6.8.2014, p. 21–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
6.8.2014 |
MT |
Il-Ġurnal Uffiċjali tal-Unjoni Ewropea |
L 233/21 |
REGOLAMENT TAL-KUNSILL (UE) Nru 851/2014
tat-23 ta' Lulju 2014
li jemenda r-Regolament (KE) Nru 2866/98 dwar ir-rata tal-kambju għall-euro għal-Litwanja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikulari l-Artikolu 140(3) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-opinjoni tal-Bank Ċentrali Ewropew,
Billi:
|
(1) |
Ir-Regolament tal-Kunsill (KE) Nru 2866/98 tal-31 ta' Diċembru 1998 dwar ir-rati tal-kambju bejn l-euro u l-muniti tal-Istati Membri li jadottaw l-euro (1) jiddetermina dawk ir-rati tal-kambju mill-1 ta' Jannar 1999. |
|
(2) |
Skont l-Artikolu 4 tal-Att ta' Adeżjoni tal-2003, il-Litwanja hija Stat Membru b'deroga kif definit fl-Artikolu 139(1) tat-Trattat dwar il-Funzjonament tal-Unjoni Ewropea. |
|
(3) |
Skont id-Deċiżjoni tal-Kunsill 2014/509/UE tat-23 ta' Lulju 2014 dwar l-adozzjoni mil-Litwanja tal-euro fl-1 ta' Jannar 2015 (2), il-Litwanja tissodisfa l-kondizzjonijiet meħtieġa għall-adozzjoni tal-euro u d-deroga tal-Litwanja hija abrogata mill-1 ta' Jannar 2015. |
|
(4) |
L-introduzzjoni tal-euro fil-Litwanja teħtieġ l-adozzjoni tar-rata ta' konverżjoni bejn l-euro u l-litas Litwan. Din ir-rata ta' konverżjoni għandha tkun iffissata għal 3,45280 litas għal kull 1 euro, li tikkorrispondi għar-rata ċentrali preżenti tal-litas fil-mekkaniżmu tar-rata tal-kambju (ERM II). |
|
(5) |
Ir-Regolament (KE) Nru 2866/98 għandu għalhekk jiġi emendat kif meħtieġ, |
ADOTTA DAN IR-REGOLAMENT:
Artikolu 1
Fl-Artikolu 1 tar-Regolament (KE) Nru 2866/98, għandu jiddaħħal dan li ġej bejn ir-rati ta' konverżjoni applikabbli għal-lats Latvjan u l-frank tal-Lussemburgu:
“= 3,45280 litas Litwani”.
Artikolu 2
Dan ir-Regolament għandu jidħol fis-seħħ fl-1 ta' Jannar 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta' Lulju 2014.
Għall-Kunsill
Il-President
S. GOZI
(1) ĠU L 359, 31.12.1998, p. 1.
(2) ĠU L 228, 31.7.2014, p. 29.