Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014R0849

Regolament ta' Implimentazzjoni tal-Kummissjoni (UE) Nru 849/2014 tal- 4 ta' Awwissu 2014 dwar l-awtorizzazzjoni tal-preparazzjonijiet ta' Pediococcus acidilactici NCIMB 30005, Lactobacillus paracasei NCIMB 30151 u Lactobacillus plantarum DSMZ 16627 bħala addittivi tal-għalf għall-ispeċijiet kollha tal-annimali Test b'rilevanza għaż-ŻEE

OJ L 232, 5.8.2014, p. 16–19 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2014/849/oj

5.8.2014   

MT

Il-Ġurnal Uffiċjali tal-Unjoni Ewropea

L 232/16

REGOLAMENT TA' IMPLIMENTAZZJONI TAL-KUMMISSJONI (UE) Nru 849/2014

tal-4 ta' Awwissu 2014

dwar l-awtorizzazzjoni tal-preparazzjonijiet ta' Pediococcus acidilactici NCIMB 30005, Lactobacillus paracasei NCIMB 30151 u Lactobacillus plantarum DSMZ 16627 bħala addittivi tal-għalf għall-ispeċijiet kollha tal-annimali

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta' addittivi għall-użu fl-għalf tal-annimali u r-raġunijiet u l-proċeduri għall-għoti ta' din l-awtorizzazzjoni. L-Artikolu 10(7) tar-Regolament (KE) Nru 1831/2003, flimkien mal-Artikolu 10(1) sa (4) tiegħu, jistipula d-dispożizzjonijiet speċifiċi għall-evalwazzjoni tal-prodotti użati fl-Unjoni bħala addittivi li jitħalltu mal-furrajna.

(2)

Skont l-Artikolu 10(1)(b) tar-Regolament (KE) Nru 1831/2003, il-preparazzjonijiet tal-Pediococcus acidilactici NCIMB 30005, Lactobacillus paracasei NCIMB 30151 u Lactobacillus plantarum DSMZ 16627 kienu ddaħħlu fir-Reġistru tal-Addittivi tal-Għalf bħala prodotti eżistenti li jiffurmaw parti mill-grupp funzjonali tal-addittivi li jitħalltu mal-furrajna, għall-ispeċi kollha tal-annimali.

(3)

Skont l-Artikolu 10(2) tar-Regolament (KE) Nru 1831/2003, flimkien mal-Artikolu 7 tiegħu, tressqu applikazzjonijiet biex dawk il-preparazzjonijiet jiġu awtorizzati bħala addittivi tal-għalf għal kull speċi tal-annimali, u ntalab li dawn l-addittivi jiġu kklassifikati fil-kategorija tal-'addittivi teknoloġiċi' u fil-grupp funzjonali tal-'addittivi li jitħalltu mal-furrajna'. Dawk l-applikazzjonijiet tressqu flimkien mad-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

Fl-opinjonijiet tagħha tas-6 ta' Marzu 2014 (2), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, skont il-kundizzjonijiet proposti tal-użu, il-preparazzjonijiet ikkonċernati ma għandhom ebda effett negattiv fuq saħħet l-annimali, saħħet il-bniedem jew l-ambjent.L-Awtorità kkonkludiet ukoll li l-preparazzjonijiet tal-Pediococcus acidilactici NCIMB 30005, Lactobacillus paracasei NCIMB 30151 u Lactobacillus plantarum DSMZ 16627 għandhom il-potenzjal li jtejbu l-produzzjoni tal-furrajna billi tiżdied il-konċentrazzjoni tal-aċidu lattiku u jnaqqsu t-telf ta' materja niexfa. L-Awtorità ma tqisx li hemm bżonn ta' rekwiżiti speċifiċi għall-monitoraġġ ta' wara l-kummerċjalizzazzjoni. Hija vverifikat ukoll ir-rapport dwar il-metodi ta' analiżi tal-addittivi tal-għalf fl-għalf imressaq mil-Laboratorju ta' Referenza stabbilit bir-Regolament (KE) Nru 1831/2003.

(5)

Il-valutazzjoni tal-preparazzjonijiet tal-Pediococcus acidilactici NCIMB 30005, Lactobacillus paracasei NCIMB 30151 u Lactobacillus plantarum DSMZ 16627 turi li l-kundizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' dawk il-preparazzjonijiet għandu jiġi awtorizzat kif speċifikat fl-Anness ta' dan ir-Regolament.

(6)

Billi r-raġunijiet dwar is-sikurezza ma jeħtiġux applikazzjoni immedjata tal-emendi tal-kundizzjonijiet tal-awtorizzazzjoni, jixraq li jkun permess perjodu tranżitorju biex il-partijiet interessati jħejju lilhom infushom biex jissodisfaw ir-rekwiżiti l-ġodda li jirriżultaw mill-awtorizzazzjoni.

(7)

Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

ADOTTAT DAN IR-REGOLAMENT:

Artikolu 1

Awtorizzazzjoni

Il-preparazzjonijiet speċifikati fl-Anness li jiffurmaw parti mill-kategorija tal-addittivi tal-'addittivi teknoloġiċi' u mill-grupp funzjonali tal-'addittivi li jitħalltu mal-furrajna', huma awtorizzati biex jintużaw bħala addittivi fl-għalf tal-annimali, suġġetti għall-kundizzjonijiet stipulati f'dak l-Anness.

Artikolu 2

Miżuri ta' tranżizzjoni

Il-preparazzjonijiet speċifikati fl-Anness u l-għalf li jkun fih dawn il-preparazzjonijiet, li jkunu prodotti u ttikkettati qabel il-25 ta' Frar 2015 b'konformità mar-regoli applikabbli qabel il-25 ta' Awwissu 2014 jistgħu jibqgħu jitqiegħdu fis-suq u jintużaw sakemm jiġu eżawriti l-ħażniet eżistenti.

Artikolu 3

Dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, l-4 ta' Awwissu 2014.

Għall-Kummissjoni

Il-President

José Manuel BARROSO

(1)  ĠU L 268, 18.10.2003, p. 29.

(2)  The EFSA Journal 2014; 12(3):3613; The EFSA Journal 2014; 12(3):3611; The EFSA Journal 2014; 12(3):3612.

ANNESS

Numru ta' identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku.

Speċi jew kategorija tal-annimal

Età massima

Kontenut minimu

Kontenut massimu

Dispożizzjonijiet oħra

Tmiem il-perjodu ta' awtorizzazzjoni

CFU/kg ta' materja friska

Kategorija ta' addittivi teknoloġiċi. Grupp funzjonali: addittivi li jitħalltu mal-furrajna

1k21013

—

Pediococcus acidilactici

NCIMB 30005

Kompożizzjoni tal-addittiv:

Preparazzjoni tal-Pediococcus acidilactici NCIMB 30005 li fiha minimu ta' 1 × 107 CFU/g ta' addittiv.

Karatterizzazzjoni tas-sustanza attiva:

Ċelloli vijabbli tal-Pediococcus acidilactici NCIMB 30005.

Metodu analitiku  (1)

L-enumerazzjoni tal-addittiv tal-għalf: il-metodu tat-tifrix permezz tal-agar MRS (EN 15786).

Identifikazzjoni: Elettroforeżi bil-Ġell f'Kamp Pulsat (PFGE)

L-ispeċijiet kollha tal-annimali

—

—

—

1.

Fl-istruzzjonijiet tal-użu tal-addittiv u tat-taħlita minn qabel, indika l-kundizzjonijiet tal-ħżin.

2.

Il-kontenut minimu rakkomandat tal-addittiv meta jintuża mingħajr ma jitħallat ma' mikroorganiżmi oħra bħala addittivi li jitħalltu mal-furrajna: 5 × 107 CFU/Kg ta' materja friska.

3.

Għas-sikurezza: huwa rrakkomandat li waqt il-maniġġ jintużaw il-protezzjoni għall-imnifsejn u għall-għajnejn u l-ingwanti.

Il-25 ta' Awwissu 2024

1k20748

—

Lactobacillus paracasei

NCIMB 30151

Kompożizzjoni tal-addittiv:

Preparazzjoni ta' Lactobacillus paracasei NCIMB 30151 li fiha minimu ta' 1 × 107 CFU/g ta' addittiv.

Karatterizzazzjoni tas-sustanza attiva:

Ċelloli vijabbli tal-Lactobacillus paracasei NCIMB 30151.

Metodu analitiku  (1)

L-enumerazzjoni tal-addittiv tal-għalf: il-metodu tat-tifrix permezz tal-agar MRS (EN 15787).

Identifikazzjoni: Elettroforeżi bil-Ġell f'Kamp Pulsat (PFGE)

L-ispeċijiet kollha tal-annimali

 

 

 

1.

Fl-istruzzjonijiet tal-użu tal-addittiv u tat-taħlita minn qabel, indika l-kundizzjonijiet tal-ħżin.

2.

Il-kontenut minimu rakkomandat tal-addittiv meta jintuża mingħajr ma jitħallat ma' mikroorganiżmi oħra bħala addittivi li jitħalltu mal-furrajna: 5 × 107 CFU/Kg ta' materja friska.

3.

Għas-sikurezza: huwa rrakkomandat li waqt il-maniġġ jintużaw il-protezzjoni għall-imnifsejn u għall-għajnejn u l-ingwanti.

 

1k20749

—

Lactobacillus plantarum

DSMZ 16627

Kompożizzjoni tal-addittiv:

Preparazzjoni tal-Lactobacillus plantarum DSMZ 16627 li fiha minimu ta' 1 × 107 CFU/g ta' addittiv.

Karatterizzazzjoni tas-sustanza attiva:

Ċelloli vijabbli tal-Lactobacillus plantarum DSMZ 16627.

Metodu analitiku  (1)

L-enumerazzjoni tal-addittiv tal-għalf: il-metodu tat-tifrix permezz tal-agar MRS (EN 15787).

Identifikazzjoni: Elettroforeżi bil-Ġell f'Kamp Pulsat (PFGE)

L-ispeċijiet kollha tal-annimali

—

—

—

1.

Fl-istruzzjonijiet tal-użu tal-addittiv u tat-taħlita minn qabel, indika l-kundizzjonijiet tal-ħżin.

2.

Il-kontenut minimu rakkomandat tal-addittiv meta jintuża mingħajr ma jitħallat ma' mikroorganiżmi oħra bħala addittivi li jitħalltu mal-furrajna: 5 × 107 CFU/Kg ta' materja friska.

3.

Għas-sikurezza: huwa rrakkomandat li waqt il-maniġġ jintużaw il-protezzjoni għall-imnifsejn u għall-għajnejn u l-ingwanti.

Il-25 ta' Awwissu 2024

(1)  Id-dettalji dwar il-metodi analitiċi jinsabu fl-indirizz tal-Laboratorju ta' Referenza li ġej: www.irmm.jrc.be/eurl-feed-additives.

Top