EUR-Lex Access to European Union law
This document is an excerpt from the EUR-Lex website
Document 32014D0768
2014/768/EU: Commission Implementing Decision of 30 October 2014 establishing the type, format and frequency of information to be made available by the Member States on integrated emission management techniques applied in mineral oil and gas refineries, pursuant to Directive 2010/75/EU of the European Parliament and of the Council (notified under document C(2014) 7517) Text with EEA relevance
2014/768/UE: Deċiżjoni ta' Implimentazzjoni tal-Kummissjoni tat- 30 ta' Ottubru 2014 li tistabbilixxi t-tip, il-format u l-frekwenza tal-informazzjoni li l-Istati Membri għandhom jagħmlu disponibbli dwar tekniki ta' ġestjoni integrata tal-emissjonijiet applikati f'raffineriji taż-żejt minerali u tal-gass, skont id-Direttiva 2010/75/UE tal-Parlament Ewropew u tal-Kunsill (notifikata bid-dokument C(2014) 7517) Test b'rilevanza għaż-ŻEE
2014/768/UE: Deċiżjoni ta' Implimentazzjoni tal-Kummissjoni tat- 30 ta' Ottubru 2014 li tistabbilixxi t-tip, il-format u l-frekwenza tal-informazzjoni li l-Istati Membri għandhom jagħmlu disponibbli dwar tekniki ta' ġestjoni integrata tal-emissjonijiet applikati f'raffineriji taż-żejt minerali u tal-gass, skont id-Direttiva 2010/75/UE tal-Parlament Ewropew u tal-Kunsill (notifikata bid-dokument C(2014) 7517) Test b'rilevanza għaż-ŻEE
OJ L 315, 1.11.2014, p. 15–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
1.11.2014 |
MT |
Il-Ġurnal Uffiċjali tal-Unjoni Ewropea |
L 315/15 |
DEĊIŻJONI TA' IMPLIMENTAZZJONI TAL-KUMMISSJONI
tat-30 ta' Ottubru 2014
li tistabbilixxi t-tip, il-format u l-frekwenza tal-informazzjoni li l-Istati Membri għandhom jagħmlu disponibbli dwar tekniki ta' ġestjoni integrata tal-emissjonijiet applikati f'raffineriji taż-żejt minerali u tal-gass, skont id-Direttiva 2010/75/UE tal-Parlament Ewropew u tal-Kunsill
(notifikata bid-dokument C(2014) 7517)
(Test b'rilevanza għaż-ŻEE)
(2014/768/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2010/75/UE tal-Parlament Ewropew u tal-Kunsill tal-24 ta' Novembru 2010 dwar l-emissjonijiet industrijali (il-prevenzjoni u l-kontroll integrati tat-tniġġis) (1), u b'mod partikolari l-Artikolu 72(2) tagħha,
Billi:
(1) |
Id-Deċiżjoni ta' Implimentazzjoni tal-Kummissjoni 2014/738/UE (2) tistabbilixxi konklużjonijiet dwar l-aqwa tekniki disponibbli (“konklużjonijiet tal-BAT”) għar-raffinar taż-żejt minerali u tal-gass. Il-konklużjonijiet tal-BAT 57 u 58, stabbiliti b'dik id-Deċiżjoni, jippermettu lill-Istati Membri biex jagħmlu użu minn teknika ta' ġestjoni integrata tal-emissjonijiet għal emissjonijiet ta' ossidi tan-nitroġenu (NOx) u ta' diossidu tal-kubrit (SO2) minn ċerti unitajiet tekniċi. |
(2) |
Ir-raffineriji taż-żejt minerali u l-gass huma sorsi sinifikanti ta' emissjonijiet ta' sustanzi li jniġġsu l-arja, b'mod partikolari d-dijossidu tal-kubrit u l-ossidi tan-nitroġenu. Kieku r-raffineriji jużaw teknika ta' ġestjoni integrata tal-emissjonijiet, dan isir il-fattur ewlieni determinanti għall-prestazzjoni ambjentali ta' dawk ir-raffinerji. |
(3) |
Huwa meħtieġ li jiġu stabbiliti rekwiżiti ta' rappurtar speċifiċi sabiex jippermettu lill-Kummissjoni tivvaluta l-applikazzjoni korretta tal-BAT 57 u l-BAT 58, u b'mod partikolari biex tivverifika li t-teknika ta' ġestjoni integrata tal-emissjonijiet tkun imfassla, implimentata u mħaddma b'tali mod li tkun konformi mal-prinċipji ta' riżultat ambjentali ekwivalenti, kif stipulat f'dawk il-konklużjonijiet tal-BAT. |
(4) |
It-tip ta' informazzjoni li l-Istati Membri għandhom jagħmlu disponibbli fir-rigward tal-implimentazzjoni ta' tekniki ta' ġestjoni integrata tal-emissjonijiet deskritta fil-BAT 57 u l-BAT 58 għandha tiġi ddeterminata u għandha tinkludi deskrizzjoni tal-karatteristiċi tad-disinn sinifikanti tat-tekniki implimentati, il-valuri assoċjati ta' limitu tal-emissjonijiet stabbiliti, kif ukoll is-sistema assoċjata ta' monitoraġġ u r-riżultati tagħha. |
(5) |
Skont l-Artikolu 72(1) tad-Direttiva 2010/75/UE, l-Istati Membri għandhom jagħmlu l-informazzjoni dwar l-applikazzjoni tal-BAT disponibbli f'format elettroniku. Sabiex jiżguraw il-konsistenza u l-koerenza tal-informazzjoni disponibbli, l-Istati Membri għandhom jużaw il-format ta' rappurtar elettroniku żviluppat għal dak l-għan mill-Kummissjoni, megħjuna mill-Aġenzija Ewropea għall-Ambjent. |
(6) |
Il-miżuri msemmija f'din id-Deċiżjoni huma f'konformità mal-opinjoni tal-Kumitat stabbilit bl-Artikolu 75(1) tad-Direttiva 2010/75/UE, |
ADOTTAT DIN ID-DEĊIŻJONI:
Artikolu 1
Rappurtar mill-Istati Membri
1. L-Istati Membri għandhom iqiegħdu għad-dispożizzjoni tal-Kummissjoni l-informazzjoni dwar l-implimentazzjoni tat-tekniki ta' ġestjoni integrata tal-emissjonijiet stabbiliti fil-BAT 57 u l-BAT 58, adottati bid-Deċiżjoni ta' Implimentazzjoni 2014/738/UE.
L-informazzjoni msemmija fl-ewwel subparagrafu għandha tkun disponibbli skont l-Anness u għandha tkopri s-snin 2017, 2018 u 2019. Dik l-informazzjoni għandha tkun disponibbli għal kull raffinerija taż-żejt minerali u tal-gass fejn tkun implimentata teknika ta' ġestjoni integrata tal-emissjonijiet stabbilita fil-BAT 57 jew fil-BAT 58 għall-emissjonijiet fl-arja ta' ossidi tan-nitroġenu (NOx) jew ta' diossidu tal-kubrit (SO2).
2. L-informazzjoni msemmija fil-paragrafu 1 għandha tkun disponibbli għall-Kummissjoni sa mhux aktar tard mit-30 ta' Settembru 2020, billi jintuża l-format ta' rappurtar elettroniku pprovdut għal dan l-għan.
Artikolu 2
Destinatarji
Din id-Deċiżjoni hija indirizzata lill-Istati Membri.
Magħmul fi Brussell, it-30 ta' Ottubru 2014.
Għall-Kummissjoni
Janez POTOČNIK
Membru tal-Kummissjoni
(1) ĠU L 334, 17.12.2010, p. 17.
(2) Id-Deċiżjoni ta' Implimentazzjoni tal-Kummissjoni 2014/738/UE tad-9 ta' Ottubru 2014 li tistabbilixxi l-konklużjonijiet tal-aqwa tekniki disponibbli (BAT), skont id-Direttiva 2010/75/UE tal-Parlament Ewropew u tal-Kunsill dwar l-emissjonijiet industrijali, għar-raffinar taż-żejt minerali u tal-gass (ĠU L 307, 28.10.2014, p. 38).
ANNESS
Tip ta' informazzjoni dwar tekniki ta' ġestjoni integrata tal-emissjonijiet applikati f'raffineriji taż-żejt minerali u tal-gass li għandha titqiegħed għad-dispożizzjoni tal-Kummissjoni
1. Informazzjoni ġenerali
1.1. |
Numru ta' referenza tal-installazzjoni: identifikatur uniku tal-installazzjoni għall-finijiet tad-Direttiva 2010/75/UE; |
1.2. |
Isem l-installazzjoni; |
1.3. |
Isem l-operatur; |
1.4. |
Indirizz tal-installazzjoni: triq, kodiċi postali, belt u pajjiż. |
2. Informazzjoni dwar l-ambitu tat-tekniki ta' ġestjoni integrata tal-emissjonijiet u l-valuri ta' limitu tal-emissjonijiet applikabbli
2.1. |
Lista u deskrizzjoni tal-unitajiet ta' kombustjoni u ta' proċess koperti mit-tekniki ta' ġestjoni integrata tal-emissjonijiet għall-NOx u l-SO2, b'mod partikolari:
|
2.2. |
Il-valuri ta' limiti tal-emissjonijiet applikabbli għall-NOx u l-SO2 skont it-tekniki ta' ġestjoni integrata tal-emissjonijiet, fejn jiġu deskritti:
|
3. Informazzjoni dwar is-sistema ta' monitoraġġ
3.1. |
Deskrizzjoni tas-sistema ta' monitoraġġ użata biex tiddetermina l-emissjonijiet skont it-tekniki ta' ġestjoni integrata tal-emissjonijiet. |
3.2. |
Dettalji dwar il-parametri mkejla u kkalkulati, it-tip (dirett, indirett) u l-metodi ta' kejl użati, il-fatturi ta' kalkolu użati (u l-ġustifikazzjoni tagħhom) u l-frekwenza tal-monitoraġġ. |
4. Informazzjoni dwar ir-riżultati tal-monitoraġġ
Ħarsa ġenerali tar-riżultati tal-monitoraġġ li juru li l-BAT-AELs applikabbli stabbiliti fil-BAT 57 u l-BAT 58 ġew osservati u li l-emissjonijiet li rriżultaw huma ugwali għal jew inqas mill-emissjonijiet meta jiġu applikati l-BAT-AELs u l-BAT-AEPLS applikabbli fil-livell għal kull unità, inklużi mill-inqas dawn li ġejjin:
(a) |
il-konċentrazzjoni medja tal-emissjonijiet madwar l-unitajiet kollha kkonċernati (mg/Nm3, il-medji kollha ta' kull xahar matul sena); |
(b) |
l-emissjonijiet totali ta' kull xahar madwar l-unitajiet kollha kkonċernati (tunnellati/xahar); |
(c) |
il-konċentrazzjoni medja tal-emissjonijiet għal kull unità kkonċernata (mg/Nm3, il-medji ta' kull xahar matul sena); |
(d) |
ir-rata tal-fluss tal-gass mit-tromba taċ-ċumnija għal kull unità kkonċernata (Nm3/siegħa, il-medji kollha ta' kull xahar matul sena). |