EUR-Lex Access to European Union law
This document is an excerpt from the EUR-Lex website
Document 32013R0782
Commission Regulation (EU) No 782/2013 of 14 August 2013 amending Annex III to Regulation (EU) No 66/2010 of the European Parliament and of the Council on the EU Ecolabel Text with EEA relevance
Regolament tal-Kummissjoni (UE) Nru 782/2013 tal- 14 ta’ Awwissu 2013 li jemenda l-Anness III tar-Regolament (UE) Nru 66/2010 tal-Parlament Ewropew u tal-Kunsill dwar l-Ekotikketta tal-UE Test b’relevanza għaż-ŻEE
Regolament tal-Kummissjoni (UE) Nru 782/2013 tal- 14 ta’ Awwissu 2013 li jemenda l-Anness III tar-Regolament (UE) Nru 66/2010 tal-Parlament Ewropew u tal-Kunsill dwar l-Ekotikketta tal-UE Test b’relevanza għaż-ŻEE
OJ L 219, 15.8.2013, p. 26–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
15.8.2013 |
MT |
Il-Ġurnal Uffiċjali tal-Unjoni Ewropea |
L 219/26 |
REGOLAMENT TAL-KUMMISSJONI (UE) Nru 782/2013
tal-14 ta’ Awwissu 2013
li jemenda l-Anness III tar-Regolament (UE) Nru 66/2010 tal-Parlament Ewropew u tal-Kunsill dwar l-Ekotikketta tal-UE
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta (1) tal-UE, u b’mod partikolari l-Artikolu 15 tiegħu,
Billi:
(1) |
Biex jiżdied l-użu tal-Ekotikketta tal-UE u biex jitħeġġu jużawha dawk li l-prodotti tagħhom jissodisfaw il-kriterji tal-Ekotikketta tal-UE, l-ispejjeż biex din tintuża għandhom ikunu kemm jista’ jkun baxxi, iżda xorta waħda għandhom ikunu biżżejjed biex ikopru l-ispejjeż tal-funzjonament tal-iskema tal-Ekotikketta tal-UE. |
(2) |
Ir-Regolament (KE) Nru 66/2010 jagħti l-possibbiltà li jiżdiedu l-ħlasijiet massimi fejn dan ikun meħtieġ u xieraq. |
(3) |
Il-korpi kompetenti wettqu evalwazzjoni interna biex jivvalutaw jekk il-livell attwali tal-ħlasijiet ikoprix il-kompiti kollha li huma mistennija jwettqu għall-funzjonament tal-iskema tal-Ekotikketta tal-UE. |
(4) |
Il-miżuri stipulati f’dan ir-Regolament huma skont l-opinjoni tal-Kumitat imwaqqaf permezz tal-Artikolu 16 tar-Regolament (KE) Nru 66/2010, |
ADOTTAT DAN IR-REGOLAMENT:
Artikolu 1
L-Anness III tar-Regolament (KE) Nru 66/2010 jinbidel bit-test stipulat fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Awwissu 2013.
Għall-Kummissjoni
Il-President
José Manuel BARROSO
ANNESS
“ANNESS III
1. Il-ħlas tal-applikazzjoni
Il-korp kompetenti li tkun saritlu applikazzjoni għandu jitlob ħlas għall-iproċessar tal-applikazzjoni. Dan il-ħlas ma għandux ikun anqas minn EUR 200 u mhux ogħla minn EUR 2 000.
Fil-każ ta’ impriżi żgħar u ta’ daqs medju (1) u operaturi minn pajjiżi li qed jiżviluppaw, il-ħlas massimu tal-applikazzjoni ma għandux ikun ogħla minn EUR 600.
Fil-każ tal-mikrointrapriżi (2), il-ħlas massimu għandu jkun ta’ EUR 350.
Il-ħlas tal-applikazzjoni għandu jitnaqqas bi 30 % għal applikanti li jkunu rreġistrati taħt l-Iskema ta’ Mmaniġġjar u Awditjar Ekoloġiċi tal-UE (EMAS) jew bi 15 % ċċertifikati taħt l-ISO 14001. It-tnaqqis mhuwiex kumulattiv. Fil-każ li jkunu applikabbli ż-żewġ sistemi, l-ogħla tnaqqis biss għandu japplika.
It-tnaqqis huwa suġġett għall-kondizzjoni li l-applikant espliċitament jikkometti ruħu li jiżgura li l-prodotti tiegħu ttikkettati ekoloġikament jikkonformaw bis-sħiħ mal-kriterji tal-Ekotikketta tal-UE fil-perjodu kollu tal-validità tal-kuntratt u li dan l-impenn jiġi inkorporat kif jixraq fil-politika ambjentali u fl-għanijiet ddettaljati ambjentali tiegħu.
Il-korpi kompetenti jistgħu jitolbu l-ħlas għall-modifika jew għall-estenzjoni ta’ liċenzja. Il-ħlas għal dan ma għandux ikun ogħla mill-ħlas tal-applikazzjoni u għandu japplika wkoll it-tnaqqis imsemmi hawn fuq.
Il-ħlas tal-applikazzjoni ma jkoprix l-ispejjeż tal-ittestjar u tal-verifika minn partijiet terzi u ta’ kull spezzjoni fil-post li jkunu meħtieġa minn parti terza jew minn korp kompetenti. L-applikanti jkollhom iħallsu l-ispejjeż għal dan l-ittestjar, għall-verifiki u għall-ispezzjonijiet huma stess.
2. Ħlas annwali
Il-korp kompetenti jista’ jitlob li kull applikant li jkun ingħata Ekotikketta tal-UE jħallas tariffa annwali. Din tista’ tkun tariffa b’rata fissa jew tariffa bbażata fuq il-valur tal-bejgħ annwali fl-Unjoni tal-prodott li jkun ingħata l-Ekotikketta tal-UE.
Il-perjodu kopert mill-ħlas annwali għandu jibda mid-data tal-għotja tal-Ekotikketta tal-UE lill-applikant.
Meta t-tariffa tiġi kkalkulata bħala perċentwal tal-valur tal-bejgħ annwali, ma għandhiex tkun iżjed minn 0,15 % ta’ dak il-valur. It-tariffa għandha tkun ibbażata fuq il-prezz mill-fabbrika fejn il-prodott li jkun ingħata l-Ekotikketta tal-UE huwa oġġett għall-bejgħ. It-tariffa għandha tkun ibbażata fuq il-prezz tal-kunsinna tax-xogħol meta tkun marbuta ma’ servizzi.
It-tariffa massima annwali għandha tkun EUR 25 000 għal kull grupp ta’ prodotti għal kull applikant.
Fil-każ ta’ SMEs, mikrointrapriżi jew applikanti minn pajjiżi li qegħdin jiżviluppaw, it-tariffa annwali għandha titnaqqas b’mill-inqas 25 %.
It-tariffa annwali ma tkoprix l-ispejjeż tal-ittestjar, tal-verifika u ta’ xi spezzjonijiet fil-post li jkunu meħtieġa. L-applikanti jkollhom iħallsu l-ispejjeż għal dan l-ittestjar, għall-verifiki u għall-ispezzjonijiet huma stess.
3. Ħlas għal spezzjoni
Il-korp kompetenti jista’ jitlob il-ħlas tal-ispezzjoni.
(1) L-SMEs kif iddefiniti mir-Rakkommandazzjoni tal-Kummissjoni 2003/361/KE (ĠU L 124, 20.5.2003, p. 36).
(2) Il-mikrointrapriżi kif iddefiniti mir-Rakkommandazzjoni 2003/361/KE.”