25.6.2011

MT

Il-Ġurnal Uffiċjali tal-Unjoni Ewropea

L 167/1

---

REGOLAMENT TAL-KUMMISSJONI (UE) Nru 582/2011

tal-25 ta’ Mejju 2011

li jimplimenta u jemenda r-Regolament (KE) Nru 595/2009 tal-Parlament Ewropew u tal-Kunsill rigward l-emissjonijiet minn vetturi heavy-duty (Euro VI) u li jemenda l-Annessi I u III għad-Direttiva 2007/46/KE tal-Parlament Ewropew u tal-Kunsill

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 595/2009 tal-Parlament Ewropew u tal-Kunsill tat-18 ta’ Ġunju 2009 dwar l-approvazzjoni tat-tip ta’ vetturi bil-mutur u magni rigward l-emissjonijiet minn vetturi heavy-duty (Euro VI) u dwar l-aċċess għal informazzjoni dwar it-tiswija u l-manutenzjoni tal-vetturi u li jemenda Regolament (KE) Nru 715/2007 u d-Direttiva 2007/46/KE u li jħassar id-Direttivi 80/1269/KEE, 2005/55/KE u 2005/78/KE (1),u b’mod partikolari l-Artikolu 4(3), 5(4), 6(2) u 12 tiegħu.

Wara li kkunsidrat id-Direttiva 2007/46/KE tal-Parlament Ewropew u tal-Kunsill tal-5 ta’ Settembru 2007 li tistabbilixxi kwadru għall-approvazzjoni ta’ vetturi bil-mutur u l-karrijiet tagħhom, u ta’ sistemi, komponenti u unitajiet tekniċi separati maħsuba għat-tali vetturi (Direttiva Kwadru) (2), u b’mod partikolari l-Artikolu 39(7) tal-istess Direttiva,

Billi:

(1)	Ir-Regolament (KE) Nru 595/2009 huwa wieħed mill-atti regolatorji separati skont il-proċedura għall-approvazzjoni tat-tip stabbilita mid-Direttiva 2007/46/KE.

(2)

Ir-Regolament (KE) Nru 595/2009 jeħtieġ li vetturi heavy-duty u magni ġodda jikkonformaw mal-limiti l-ġodda tal-emissjonijiet u jintroduċi rekwiżiti addizzjonali dwar l-aċċess għall-informazzjoni. Ir-rekwiżiti tekniċi se japplikaw mill-31 ta’ Diċembru 2012 għal tipi ġodda ta’ vetturi u mill-31 ta’ Diċembru 2013 għall-vetturi ġodda kollha. Għandhom jiġu adottati d-dispożizzjonijiet tekniċi speċifiċi meħtieġa biex jiġi implimentat ir-Regolament (KE) Nru 595/2009. Għalhekk, dan ir-Regolament jimmira li jistabbilixxi r-rekwiżiti meħtieġa għall-approvazzjoni tat-tip ta’ vetturi u magni ta’ speċifikazzjoni Euro VI.

(3)	Skont l-Artikolu 5(4) tar-Regolament (KE) Nru 595/2009, il-Kummissjoni teħtieġ li tadotta leġiżlazzjoni ta’ implimentazzjoni li tistabbilixxi r-rekwiżiti tekniċi speċifiċi relatati mal-kontroll ta’ emissjonijiet minn vetturi. Għalhekk, huwa xieraq li dawk ir-rekwiżiti jiġu adottati.

(4)

Wara l-adozzjoni tar-rekwiżiti ewlenin għall-approvazzjoni tat-tip ta’ vetturi heavy-duty bil-mutur u magni bir-Regolament (KE) Nru 595/2009, jeħtieġ li jiġu stabbiliti dispożizzjonijiet amministrattivi għal dak l-approvazzjoni tat-tip tal-KE. Dawk ir-rekwiżiti amministrattivi għandhom jinkludu dispożizzjonijiet għall-konformità tal-produzzjoni u konformità fis-servizz biex tiġi żgurata prestazzjoni tajba fuq bażi kontinwa ta’ vetturi u magni tal-produzzjoni.

(5)

Skont l-Artikolu 6 tar-Regolament (KE) Nru 595/2009, huwa wkoll meħtieġ li jiġu stabbiliti rekwiżiti biex jiġi żgurat li informazzjoni dwar sistemi dijanjostiċi abbord (minn hawn ’il quddiem imsejjaħ “OBD”) u dwar tiswija u manutenzjoni ta’ vetturi tkun faċilment aċċessibbli, sabiex jiġi żgurat li operaturi indipendenti jkollhom aċċess għal informazzjoni ta’ dan it-tip.

(6)

Skont ir-Regolament (KE) Nru 595/2009, il-miżuri previsti f’dan ir-Regolament dwar l-aċċess għal informazzjoni dwar tiswija u manutenzjoni ta’ vetturi, dwar għodod dijanjostiċi u dwar il-kompatibilità ta’ partijiet ta’ rikambju b’sistemi OBD għall-vetturi ma għandhomx ikunu ristretti għal komponenti u sistemi relatati mal-emissjonijiet, iżda jkopru l-aspetti kollha ta’ vettura soġġetta għall-approvazzjoni tat-tip fl-ambitu tal-applikazzjoni ta’ dan ir-Regolament.

(7)

Skont l-Artikolu 5 tar-Regolament (KE) Nru 595/2009, il-Kummissjoni għandha tadotta miżuri għall-implimentazzjoni tal-użu ta’ sistemi tal-kejl li jistgħu jinġarru biex jiġu verifikati l-livelli proprja tal-emissjonijiet iġġenerati waqt l-użu u biex jiġu verifikati u ristretti l-emissjonijiet off-cycle. Huwa għalhekk meħtieġ li jiġu stabbiliti, f’perjodu xieraq, dispożizzjonijiet dwar l-emissjonijiet off-cycle kemm bħala parti tal-approvazzjoni tat-tip kif ukoll biex jiġu verifikati u ristretti l-emissjonijiet off-cycle waqt l-użu proprju tal-vetturi. Għall-iskop ta’ konformità In-service għandha tiġi introdotta proċedura li tuża sistemi tal-kejl tal-emissjonijiet li jistgħu jinġarru (minn hawn ’il quddiem imsejħa “PEMS”). Il-proċeduri PEMS introdotti permezz ta’ dan ir-Regolament għandhom ikunu soġġetti għal evalwazzjoni li abbażi tagħha l-Kummissjoni għandha tingħata s-setgħa biex temenda d-dispożizzjonijiet ta’ waqt l-użu.

(8)	Skont l-Artikolu 5(4)(d) tar-Regolament (KE) Nru 595/2009, jeħtieġ li jiġu stabbiliti rekwiżiti għall-approvazzjoni tat-tip ta’ strumenti ta’ kontroll tat-tniġġis ta’ sostituzzjoni sabiex jiġi żgurat li dawn jaħdmu kif suppost.

(9)

Skont l-Artikolu 5(4)(d) tar-Regolament (KE) Nru 595/2009, jeħtieġ li jiġu stabbiliti rekwiżiti sabiex jiġu ddeterminati fatturi ta’ deterjorament li għandhom jintużaw għall-verifika tad-durabilità ta’ sistemi ta’ magni. Barra minn dan u soġġett għar-riżultati ta’ riċerka u żvilupp dwar metodi għall-bank tat-tiqdim ta’ sistemi ta’ magni, il-Kummissjoni għandha tingħata s-setgħa biex temenda d-dispożizzjonijiet għad-determinazzjoni ta’ fatturi ta’ deterjorament.

(10)

Kif previst mill-Artikolu 12(1) tar-Regolament (KE) Nru 595/2009, għandhom jiġu introdotti valuri ta’ limitu ġodda u proċedura ta’ kejl għan-numru ta’ partikuli emessi. Il-proċedura tal-kejl għandha tkun ibbażata fuq ix-xogħol tal-Programm tal-Kejl tal-Partikuli (PMP) tal-Kummissjoni Ekonomika għall-Ewropa tan-Nazzjonijiet Uniti (minn hawn ’il quddiem imsejjaħ “NU/KEE”).

(11)

B’konformità mal-Artikolu 12(2) tar-Regolament (KE) Nru 595/2009, għandhom jiġu introdotti l-valuri ta’ limitu għaċ-Ċiklu ta’ Sewqan Armonizzat Dinji Tranżitorju (minn hawn ’il quddiem imsejħa “WHTC”) u ċ-Ċiklu Armonizzat Dinji fi Stat Stabbli (minn hawn ’il quddiem imsejjaħ “WHSC”) kif speċifikat fl-Anness 4B tar-Regolament Nru 49 tal-Kummissjoni Ekonomika għall-Ewropa tan-Nazzjonijiet Uniti (NU/KEE) - Dispożizzjonijiet uniformi dwar il-miżuri li għandhom jittieħdu kontra l-emissjoni ta’ inkwinanti gassużi u partikulati minn magni li jaħdmu bil-kompressjoni għall-użu f’vetturi, u l-emissjoni ta’ inkwinanti gassużi minn magni li jaqbdu bl-ispark plaggs u li jaħdmu bil-gass naturali jew bil-gass likwidu tal-petroljum għall-użu fil-vetturi (3).

(12)	Il-Kummissjoni għandha tevalwa l-ħtieġa għal miżuri speċifiċi rigward magni multi-setting, u għandha tingħata s-setgħa biex temenda d-dispożizzjonijiet skont ir-riżultati tal-evalwazzjoni.

(13)	Għaldaqstant, ir-Regolament (KE) Nru 595/2009 u d-Direttiva 2007/46/KE għandhom jiġu emendati.

(14)	Il-miżuri previsti f’dan ir-Regolament huma konformi mal-opinjoni tal-Kumitat Tekniku – Vetturi bil-Mutur,

ADOTTAT DAN IR-REGOLAMENT:

Artikolu 1

Suġġett

Dan ir-Regolament jistabbilixxi miżuri għall-implimentazzjoni tal-Artikoli 4, 5, 6 u 12 tar-Regolament (KE) Nru 595/2009.

Huwa jemenda wkoll ir-Regolament (KE) Nru 595/2009 u d-Direttiva 2007/46/KE.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)

“sistema tal-magna” tfisser il-magna, is-sistema ta’ kontroll tal-emissjonijiet u l-interfejs tal-komunikazzjoni (ħardwer u messaġġi) bejn l-unità elettronika jew l-unitajiet elettroniċi ta’ kontroll tas-sistema tal-magna (minn hawn ’il quddiem imsejħa ECU) u kull powertrain jew unità ta’ kontroll tal-vettura;

(2)	“skeda ta’ akkumulazzjoni tas-servizz” tfisser iċ-ċiklu ta’ tiqdim u l-perjodu ta’ akkumulazzjoni tas-servizz għad-determinazzjoni tal-fatturi ta’ deterjorament għall-familja tas-sistema ta’ trattament ta’ wara tal-magna;

(3)

“familja ta’ magni” tfisser tqegħid ta’ magni fi gruppi minn fabbrikanti li, permezz tad-disinn tagħhom kif definit fit-Taqsima 6 tal-Anness I, ikollhom karatteristiċi simili f’dak li huma emissjonijiet; il-membri kollha tal-familja għandhom jikkonformaw mal-valuri tal-limitu applikabbli ta’ emissjonijiet;

(4)	“tip ta’ magna” tfisser kategorija ta’ magni li ma jvarjawx fil-karatteristiċi essenzjali tal-magna kif stipulat fl-Appendiċi 4 tal-Anness I;

(5)	“tip ta’ vettura rigward l-emissjonijiet u l-informazzjoni dwar it-tiswija u l-manutenzjoni tal-vetturi” tfisser grupp ta’ vetturi li ma jvarjawx fil-karatteristiċi essenzjali tal-magna u l-vettura kif stipulat fl-Appendiċi 4 tal-Anness I;

(6)

“sistema deNOx” tfisser sistema ta’ tnaqqis katalitiku selettiv (minn hawn ’il quddiem imsejħa SCR), tagħmir ta’ assorbiment NOx, katalizzatur NOx irqiq passiv jew attiv jew kwalunkwe sistema ta’ trattament ta’ wara tal-egżost iddisinjata biex jitnaqqsu l-emissjonijiet ta’ ossidi tan-nitroġenu (NOx);

(7)	“sistema ta’ trattament ta’ wara tal-egżost” tfisser il-katalizzatur (tal-ossidazzjoni jew bi 3 naħat jew kwalunkwe ieħor), il-filtru tal-partikuli, is-sistema deNOx, il-filtru tal-partikuli deNOx magħqudin jew kull mekkaniżmu ieħor li jnaqqas l-emissjoni u li jiġi installat downstream fil-magna;

(8)

“Sistema OBD” tfisser sistema abbord vettura jew magna li għandha l-kapaċità: (a) li tidentifika ħsarat, li jaffettwaw il-prestazzjoni tal-emissjonijiet tas-sistema tal-magna u; (b) li tindika l-okkorrenza tagħhom permezz ta’ sistema ta’ twissija u; (c) tidentifika ż-żona fejn probabbilment tinsab il-ħsara permezz ta’ informazzjoni maħżuna fil-memorja ta’ kompjuter u tikkomunika din l-informazzjoni lil mezzi esterni li mhumiex abbord il-vettura jew il-magna;

(9)

“komponent jew sistema kwalifikata li ddeterjorat (minn hawn ’il quddiem imsejjaħ ‘QDC’)” tfisser komponent jew sistema li ddeterjorat intenzjonalment permezz ta’ tiqdim mgħaġġel, jew li ġiet manipulata b’mod ikkontrollat u li ġiet aċċettata mill-awtoritajiet tal-approvazzjoni skont id-dispożizzjonijiet stipulati fit-Taqsima 6.3.2 tal-Anness 9B tar-Regolament Nru 49 tal-UN/ECE u fil-punt 2.2. tal-Appendiċi 3 fl-Anness X għal dan ir-Regolament biex tintuża għal skopijiet ta’ wiri tal-prestazzjoni OBD tas-sistema tal-magna;

(10)	“ECU” tfisser l-unità elettronika ta’ kontroll tas-sistema tal-magna;

(11)	“kodiċi dijanjostiku tal-problemi (minn hawn ’il quddiem imsejjaħ ‘DTC’)” tfisser identifikatur numeriku jew alfanumeriku li jidentifika jew jimmarka malfunzjonament;

(12)	“sistema ta’ kejl ta’ emissjonijiet li tista’ tinġarr” (minn hawn ’il quddiem imsejħa “PEMS”) tfisser sistema ta’ kejl ta’ emissjonijiet li tista’ tinġarr li tissodisfa r-rekwiżiti speċifikati fl-Appendiċi 2 tal-Anness II ta’ dan ir-Regolament;

(13)	“indikatur tal-malfunzjonament” (minn hawn ’il quddiem imsejjaħ “MI”) ifisser indikatur li huwa parti mis-sistema ta’ twissija u li jinforma b’mod ċar lis-sewwieq tal-vettura fil-każ ta’ malfunzjonament;

(14)	“ċiklu ta’ tiqdim” tfisser it-tħaddim tal-vettura jew tal-magna (veloċità, tagħbija, qawwa) li għandu tiġi eżegwit matul il-perjodu ta’ akkumulazzjoni tas-servizz;

(15)

“komponenti relatati mal-emissjonijiet kritiċi” tfisser il-komponenti li ġejjin, li huma maħsuba primarjament għall-kontroll ta’ emissjonijiet: kwalunkwe sistema ta’ trattament ta’ wara tal-egżost, “ECU” u s-sensers u l-azzjonaturi assoċjati magħha, u s-sistema ta’ ċirkolazzjoni mill-ġdid tal-gass mill-egżost (minn hawn ’il quddiem imsejħa “EGR”) inklużi l-filtri, it-tagħmir għat-tkessiħ, il-valvoli ta’ kontroll u t-tubatura kollha relatati;

(16)	“manutenzjoni relatata mal-emissjonijiet kritiċi” tfisser il-manutenzjoni li għandha titwettaq fuq komponenti relatati mal-emissjonijiet kritiċi;

(17)	“manutenzjoni relatata mal-emissjonijiet” tfisser il-manutenzjoni li taffettwa b’mod sostanzjali l-emissjonijiet jew li x’aktarx taffettwa d-deterjorament tal-emissjonijiet tal-vettura jew tal-magna waqt tħaddim normali;

(18)	“familja tas-sistema ta’ trattament ta’ wara tal-magna” tfisser l-iggruppjar mill-fabbrikant, tal-magni li jikkonformaw mad-definizzjoni ta’ familja ta’ magni, iżda li jkomplu jiġu raggruppati f’magni li jużaw sistema simili ta’ trattament ta’ wara tal-egżost;

(19)	“l-indiċi Wobbe (Wl ta’ isfel; jew Wu ta’ fuq)” tfisser il-proporzjon tal-valur kalorifiku ta’ gass għal kull unità ta’ volum u l-għerq kwadrat tad-densità relattiva taħt l-istess kundizzjonijiet ta’ referenza:

(20)

“fattur λ-shift (Sλ)” tfisser espressjoni li tiddeskrivi l-flessibbiltà meħtieġa tas-sistema ta’ ġestjoni tal-magna rigward il-bidla tal-proporzjon λ tal-arja eċċessiva jekk il-magna taħdem b’kompożizzjoni ta’ gass differenti mill-metanu pur kif speċifikat fit-Taqsima 4.1. tal-Anness 6 tar-Regolament Nru 49 tal-Kummissjoni Ekonomika għall-Ewropa tan-Nazzjonijiet Uniti (NU/KEE);

(21)	“manutenzjoni mhux relatata mal-emissjonijiet” tfisser manutenzjoni li ma taffetwax l-emissjonijiet b’mod sostanzjali u li ma għandhiex effett dejjiemi fuq id-deterjorament tal-emissjonijiet tal-vettura jew tal-magna waqt it-tħaddim normali wara li tkun twettqet il-manutenzjoni;

(22)	“familja ta’ magni OBD” tfisser l-iggruppjar flimkien mill-fabbrikant ta’ sistemi ta’ magni li jużaw l-istess metodi ta’ monitoraġġ u dijanjożi ta’ malfunzjonament relatat mal-emissjonijiet;

(23)	“Għodda tal-iskanjar” tfisser tagħmir estern għall-ittestjar li jintuża għal komunikazzjoni standardizzata off-board mas-sistema OBD skont ir-rekwiżiti ta’ dan ir-Regolament;

(24)

“Strateġija Awżiljarja għall-Kontroll tal-Emissjonijiet” (minn hawn ’il quddiem imsejħa AES) tfisser strateġija tal-emissjonijiet li tiddaħħal fis-seħħ u tieħu post jew li timmodifika strateġija bażi għall-emissjonijiet għal skop speċifiku u bħala reazzjoni għal grupp speċifiku ta’ kundizzjonijiet ambjentali u/jew operattivi u li tibqa’ operattiva biss sakemm jibqgħu jeżistu dawn il-kundizzjonijiet;

(25)	“Strateġija Bażi għall-Emissjonijiet” (minn hawn ’il quddiem imsejħa BES) tfisser strateġija għall-emissjonijiet li tkun attiva matul il-medda operattiva tal-veloċità u t-tagħbija tal-magna sakemm ma tkunx ġiet attivata AES;

(26)	“Proporzjon tal-prestazzjoni waqt it-tħaddim” tfisser il-proporzjon tal-għadd ta’ drabi li eżistew il-kundizzjonijiet li taħthom moniter, jew grupp ta’ moniters, kellhom jidentifikaw malfunzjonament imqabbla mal-għadd ta’ ċikli ta’ sewqan rilevanti għal dak il-moniter, jew grupp ta’ moniters;

(27)	“Startjar tal-magna” jikkonsisti mit-tqabbid, mill-cranking u l-bidu tal-kombustjoni, li jitqies bħala lest meta l-magna tilħaq veloċità ta’ 150 min-1 inqas mill-veloċità normali tal-magna msaħħna u mhux ingranata;

(28)

“Sekwenza operattiva” tfisser sekwenza li tikkonsisti mill-istartjar tal-magna, mill-perjodu ta’ tħaddim (tal-magna), mit-tifi tal-magna, u mill-ħin sakemm il-magna tiġi startjata mill-ġdid, fejn moniter OBD speċifiku iwettaq ċiklu komplut ta’ kontroll u malfunzjonament jiġi identifikat jekk ikun preżenti;

(29)

“Monitoraġġ tal-limitu tal-emissjoni” tfisser il-monitoraġġ ta’ malfunzjonament li jwassal għal eċċess tal-limiti OBD (OTLs) u li jikkonsisti minn waħda jew minn tnejn minn dawn li ġejjin: (a) a) kejl dirett ta’ emissjonijiet permezz ta’ senser(s) ta’ emissjonijiet fil-parti ta’ wara tal-pajp u mudell biex jikkorrelata l-emissjonijiet diretti u l-emissjonijiet speċifiċi taċ-ċiklu tat-test applikabbli; (b) indikazzjoni ta’ żieda ta’ emissjonijiet permezz ta’ korrelazzjoni tal-informazzjoni imdaħħla jew maħruġa tal-kompjuter mal-emissjonijiet speċifiċi taċ-ċiklu tat-test;

(30)

“Monitoraġġ tal-prestazzjoni” tfisser monitoraġġ ta’ malfunzjonament li jikkonsisti minn kontrolli tal-funzjonalità, u l-monitoraġġ ta’ parametri li mhumiex marbuta b’mod dirett ma’ limiti tal-emissjoni, li jitwettaq fuq komponenti jew sistemi biex jiġi verifikat li dawn ikunu qed jaħdmu fi ħdan il-firxa korretta tal-parametri;

(31)

“Ħsara ta’ funzjonalità” tfisser malfunzjonament fejn is-sinjal minn senser jew komponent individwali ma jaqbilx ma’ dak mistenni meta jiġi evalwat bi tqabbil ma’ sinjali disponibbli minn sensers jew komponenti oħra fi ħdan is-sistema ta’ kontroll inklużi każijiet fejn is-sinjali kollha mkejla u d-dejta li għandha tinħareġ mill-komponenti jkunu, b’mod individwali, fi ħdan il-firxa assoċjata mat-tħaddim normali tas-senser jew komponent assoċjat u fejn l-ebda wieħed mis-sensers jew komponenti individwali ma jkun qed jindika malfunzjonament;

(32)	“Monitoraġġ ta’ ħsara funzjonali totali” tfisser monitoraġġ ta’ malfunzjonament li jkun qed iwassal għal telf totali tal-funzjonament mixtieq tas-sistema;

(33)	“Malfunzjonament” tfisser kull ħsara operattiva jew deterjorament ta’ sistema ta’ magna, inkluż ħsara tas-sistema OBD, li b’mod raġonevoli jista’ jirriżulta f’emissjonijiet ogħla ta’ inkwinanti rregolati mis-sistema tal-magna jew fi tnaqqis tal-effettività tas-sistema OBD;

(34)	“Denominatur Ġenerali” tfisser tagħmir tal-għadd li jindika l-għadd ta’ drabi li tkun tħaddmet vettura, waqt li jitqiesu l-kundizzjonijiet ġenerali;

(35)	“Tagħmir tal-għadd taċ-ċiklu tal-ignixin” tfisser tagħmir tal-għadd li jindika n-numru ta’ ċikli ta’ ignixin li tkun esperjenzat vettura;

(36)	“Ċiklu ta’ sewqan” tfisser sekwenza li tikkonsisti mill-istartjar tal-magna, mill-perjodu ta’ tħaddim (tal-vettura), mit-tifi tal-magna, u mill-ħin sakemm il-magna tiġi startjata mill-ġdid;

(37)	“Grupp ta’ moniters” tfisser, għall-iskop ta’ evalwazzjoni tal-prestazzjoni waqt l-użu ta’ familja ta’ magni OBD, sett ta’ moniters OBD li jintużaw biex jiġi determinat tħaddim korrett tas-sistema ta’ kontroll tal-emissjonijiet;

(38)	“Qawwa netta” tfisser il-qawwa miksuba fuq bank tat-test fl-aħħar tal-manovella jew l-ekwivalenti tagħha fil-veloċità korrispondenti tal-magna jew tal-mutur bl-awżiljarji skont l-Anness XIV u stabbilita skont kundizzjonijiet atmosferiċi ta’ referenza;

(39)	“Qawwa netta massima” tfisser il-valur massimu tal-qawwa netta mkejla meta l-magna tkun mgħobbija b’tagħbija sħiħa;

(40)	“Filtru wall-flow tal-Partikuli tad-Diżil” tfisser Filtru tal-Partikuli tad-Diżil (minn hawn ’il quddiem imsejjaħ “DPF”) li fih l-egżost tal-gass kollu huwa mġiegħel jgħaddi minn ġo ħajt ta’ materjal li jiffiltra l-materjal solidu;

(41)	“Riġenerazzjoni kontinwa” tfisser il-proċess ta’ riġenerazzjoni ta’ sistema ta’ trattament ta’ wara tal-egżost li jseħħ jew b’mod permanenti jew mill-inqas darba għal kull Ċiklu ta’ Sewqan Armonizzat Dinji Tranżitorju (minn hawn ’il quddiem imsejjaħ “WHTC”) bi startjar sħun;

Artikolu 3

Rekwiżiti għall-approvazzjoni tat-tip

1.   Sabiex jingħata approvazzjoni tat-tip KE ta’ sistema ta’ magna jew familja ta’ magni bħala unità teknika separata, approvazzjoni tat-tip KE ta’ vettura b’sistema approvata fir-rigward ta’ emissjonijiet u informazzjoni dwar it-tiswija u l-manutenzjoni tal-vetturi, jew approvazzjoni tat-tip KE ta’ vettura fir-rigward ta’ emissjonijiet u informazzjoni dwar it-tiswija u l-manutenzjoni tal-vetturi, il-fabbrikant għandu, skont id-dispożizzjonijiet tal-Anness I, juri li l-vetturi jew is-sistemi ta’ magni huma soġġetti għat-testijiet u li jikkonformaw mar-rekwiżiti stabbiliti fl-Annessi minn III sa VII, X, XIII, u XIV. Il-fabbrikant għandu jiżgura wkoll il-konformità mal-ispeċifikazzjonijiet ta’ karburanti ta’ referenza stabbiliti fl-Anness IX.

2.   Sabiex jingħata approvazzjoni tat-tip KE ta’ vettura b’sistema approvata ta’ magna fir-rigward ta’ emissjonijiet u informazzjoni dwar it-tiswija u l-manutenzjoni tal-vetturi, jew approvazzjoni tat-tip KE ta’ vettura fir-rigward ta’ emissjonijiet u informazzjoni dwar it-tiswija u l-manutenzjoni tal-vetturi, il-fabbrikant għandu jiżgura l-konformità mar-rekwiżiti għall-installazzjoni stabbiliti fit-Taqsima 4 tal-Anness I.

3.   Sabiex jingħata estensjoni ta’ approvazzjoni tat-tip KE ta’ vettura fir-rigward ta’ emissjonijiet u informazzjoni dwar it-tiswija u l-manutenzjoni ta’ vetturi ta’ tip approvat skont dan ir-Regolament b’massa ta’ referenza li taqbeż l-2 380 kg iżda li ma taqbiżx l-2 610 kg, il-fabbrikant għandu jissodisfa r-rekwiżiti stabbiliti fl-Appendiċi 1 tal-Anness VIII.

4.   Id-dispożizzjonijiet għall-approvazzjoni alternattiva speċifikati fil-punt 2.4.1. tal-Anness X u fil-punt 2.1. tal-Anness XIII ma għandhomx japplikaw għall-fini ta’ approvazzjoni tat-tip KE ta’ sistema ta’ magna jew familja ta’ magni bħala unità teknika separata.

5.   Kwalunkwe sistema ta’ magna u kwalunkwe element ta’ disinn li jistgħu jaffettwaw l-emissjoni ta’ inkwinanti gassużi u inkwinanti partikulati għandhom jiġu ddisinjati, mibnija, immuntati u installati b’mod li jippermettu li l-magna, f’użu normali, tikkonforma mad-dispożizzjonijiet tar-Regolament (KE) 595/2009 u ta’ dan ir-Regolament. Il-faabbrikant għandu jiżgura wkoll konformità mar-rekwiżiti off-cycle stabbiliti fl-Artikolu 14 u fl-Anness VI.

6.   Sabiex jingħata approvazzjoni tat-tip KE ta’ sistema ta’ magna jew familja ta’ magni bħala unità teknika separata jew approvazzjoni tat-tip KE ta’ vettura fir-rigward ta’ emissjonijiet u informazzjoni dwar it-tiswija u l-manutenzjoni ta’ vetturi l-fabbrikant għandu jiżgura l-konformità mar-rekwiżiti dwar il-medda ta’ karburanti għal approvazzjoni universali tal-karburant jew, fil-każ ta’ magni bi startjar pożittiv (positive-ignition) li jaħdmu b’gass naturali u LPG, approvazzjoni ristretta ta’ medda ta’ karburanti skont kif speċifikat fit-Taqsima 1 tal-Anness I.

7.   Sabiex jirċievi l-approvazzjoni tat-tip KE fil-każ ta’ sistema ta’ magna jew vettura li taħdem bil-petrol jew E85 il-manifattur għandu jiżgura li r-rekwiżiti speċifiċi għal daħliet ta’ tankijiet tal-karburant għall-petrol u vetturi li jaħdmu bl-E85 stabbiliti fit-Taqsima 4.3. tal-Anness I huma sodisfatti.

8.   Sabiex jirċievi l-approvazzjoni tat-tip KE fil-każ ta’ sistema ta’ magna jew vettura li taħdem bil-petrol jew E85 il-manifattur għandu jiżgura li r-rekwiżiti speċifiċi għas-sigurtà ta’ sistemi elettroniċi stabbiliti fl-Anness X huma sodisfatti.

9.   Il-miżuri tekniċi li jieħu l-fabbrikant għandhom ikunu tali li jiġi żgurat li l-emissjonijiet mill-pajp tal-egżost ikunu effettivament limitati skont dan ir-Regolament tul il-ħajja normali tal-vetturi f’kundizzjonijiet ta’ użu normali. Dawk il-miżuri għandhom jinkludu l-iżgurar li s-sigurtà ta’ pajpijiet, ġonot u konnessjonijiet li jintużaw fis-sistemi ta’ kontroll tal-emissjoni, ikunu mibnija b’tali mod li jikkonformaw mat-intenzjoni tad-disinn oriġinali.

10.   Il-fabbrikant għandu jiżgura li r-riżultati tat-testijiet tal-emissjonijiet ikunu konformi mal-valur ta’ limitu applikabbli skont il-kundizzjonijiet għall-ittestjar speċifikati f’ dan ir-Regolament.

11.   Il-fabbrikant għandu jiddetermina l-fatturi ta’ deterjorament li jkunu se jintużaw biex jintwera li l-emissjonijiet gassużi u partikulati minn familja ta’ magni jew minn familja ta’ sistema ta’ trattament ta’ wara tal-magna jibqgħu konformi mal-limiti tal-emissjonijiet stabbiliti fl-Anness I tar-Regolament (KE) Nru 595/2009 tul il-perjodi normali ta’ ħajja stipulati fl-Artikolu 4(2) ta’ dak ir-Regolament.

Il-proċeduri li jintużaw biex tintwera l-konformità ta’ sistema ta’ magna jew familja ta’ sistema ta’ trattament ta’ wara tal-magna tul il-perjodi normali ta’ ħajja utli huma stabbiliti fl-Anness VII għal dan ir-Regolament.

12.   Għal magni bi startjar pożittiv soġġetti għat-test stipulat fl-Anness IV, il-kontenut massimu permissibbli ta’ monossidu tal-karbonju fil-gassijiet tal-egżost, waqt li l-magna ma tkunx ingranata u tkun qed taħdem b’veloċità normali, għandu jkun dak iddikjarat mill-fabbrikant tal-vettura. Madankollu, il-kontenut massimu ta’ monossidu tal-karbonju ma għandux ikun ogħla minn 0.3 fil-mija vol.

Bil-magna mhux ingranata taħdem b’veloċità għolja, il-kontenut ta’ monossidu tal-karbonju skont il-volum ta’ gassijiet tal-egżost ma għandux ikun ogħla minn 0.2 fil-mija vol., b’veloċità tal-magna ta’ mill-inqas 2 000 min-1 u l-valur tal-Lambda ta’ 1 ± 0.03 jew skont l-ispeċifikazzjonijiet tal-fabbrikant.

13.   Fil-każ ta’ crankcase magħluqa, il-fabbrikanti għandu jiżguraw li għat-test stipulat fl-Anness V, is-sistema ta’ ventilazzjoni tal-magna ma tippermettix l-emissjoni fl-atmosfera ta’ ebda gassijiet tal-crankcase. Jekk il-crankcase hija ta’ tip miftuħ, l-emissjonijiet għandhom jitkejlu u jiġu miżjuda mal-emissjonijiet tal-pajp tal-egżost skont kif stipulat mid-dispożizzjonijiet stabbiliti fl-Anness V.

14.   Meta japplikaw għall-approvazzjoni tat-tip, il-fabbrikanti għandhom jippreżentaw lill-awtorità tal-approvazzjoni l-informazzjoni li turi li s-sistema deNOx iżżomm il-funzjoni tagħha ta’ kontroll ta’ emissjonijiet fil-kundizzjonijiet kollha li jokkorru b’mod regolari fit-territorju tal-Unjoni, speċjalment f’temperaturi baxxi.

Barra minn hekk, il-fabbrikanti għandhom jipprovdu wkoll lill-awtorità tal-approvazzjoni l-informazzjoni dwar l-istrateġija operattiva ta’ kwalunkwe sistema ta’ EGR, inkluż il-funzjonament tagħha f’temperaturi ambjentali baxxi.

Din l-informazzjoni għandha tinkludi wkoll deskrizzjoni ta’ kwlaunkwe effetti li jista’ jkollu t-tħaddim tas-sistema f’temperaturi ambjentali baxxi fuq l-emissjonijiet.

15.   Vetturi u magni għandhom jingħataw approvazzjoni tat-tip biss skont ir-Regolament (KE) Nru 595/2009 u dan ir-Regolament meta jiġu adottati l-proċeduri ta’ kejl għall-kejl ta’ numru PM kif stabbilit fl-Anness I għar-Regolament (KE) Nru 595/2009, kwalunkwe dispożizzjonijiet speċifiċi dwar magni multi-setting li huma meħtieġa u dispożizzjonijiet li jimplimentaw l-Artikolu 6 ta’ dak ir-Regolament.

Artikolu 4

Sistemi Dijanjostiċi Abbord

1.   Il-fabbrikanti għandhom jiżguraw li s-sistemi kollha tal-magna u l-vetturi huma mgħammra b’sistema OBD.

2.   Is-sistema OBD għandha tkun iddisinjata, mibnija u installata fuq vettura skont l-Anness X, sabiex tkun tista’ tidentifika, tirreġistra u tikkomunika t-tipi ta’ deterjorament jew malfunzjonament speċifikati f’dak l-Anness tul il-ħajja kollha tal-vettura.

3.   Il-fabbrikant għandu jiżgura li s-sistema OBD hija konformi mar-rekwiżiti stabbiliti fl-Anness X, inkluż ir-rekwiżiti tal-prestazzjoni tal-OBD waqt l-użu, fil-kundizzjonijiet kollha ta’ sewqan normali u raġonevolment prevedibbli li wieħed jiltaqa’ magħhom fl-UE, inklużi l-kundizzjonijiet ta’ użu normali speċifikati fl-Anness X.

4.   Meta tiġi ttestjata b’komponent iddeterjorat kwalifikat, l-indikatur ta’ malfunzjonament tas-sistema OBD għandu jiġi attivat skont l-Anness X. L-indikatur ta’ malfunzjonament tas-sistema OBD jista’ wkoll jiġi attivat f’livelli ta’ emissjonijiet li jkunu taħt il-limiti OBD speċifikati fl-Anness X.

5.   il-fabbrikant għandu jiżgura li d-dispożizzjonijiet dwar il-prestazzjoni waqt l-użu ta’ familja ta’ magni OBD stabbiliti fl-Anness X jiġu segwiti.

6.   Id-dejta OBD dwar il-prestazzjoni waqt l-użu għandha tiġi maħżuna u magħmula disponibbli mingħajr ebda kodifikazzjoni permezz tal-protokoll standard għall-komunikazzjoni OBD mis-sistema OBD skont id-dispożizzjonijiet tal-Anness X.

7.   Matul perjodu ta’ tliet snin wara d-dati speċifikati fl-Artikolu 8(1) u l-Artikolu 8(2) tar-Regolament KE Nru 595/2009, il-fabbrikant jista’ jagħżel li s-sistemi OBD jikkonformaw mad-dispożizzjonijiet alternattivi kif speċifikat fl-Anness X għal dan ir-Regolament u li jirreferu għal dan il-paragrafu.

8.   Sal-1 ta’ Settembru 2014, fil-każ ta’ tipi ġodda ta’ vetturi jew magni u sal-1 ta’ Settembru 2015 għall-vetturi ġodda kollha mibjugħa, irreġistrati jew imqiegħda fis-servizz fl-Unjoni, il-fabbrikant jista’ jekk irid, juża dispożizzjonijiet alternattivi għall-monitoraġġ tad-DPF kif stipulat fil-Punt 2.3.3.3. tal-Anness X.

Artikolu 5

Applikazzjoni għal approvazzjoni tat-tip KE ta’ sistema ta’ magna jew familja ta’ magni bħala unità teknika separata

1.   Il-fabbrikant għandu jippreżenta applikazzjoni għall-approvazzjoni tat-tip KE ta’ sistema ta’ magna jew familja ta’ magni lill-awtorità tal-approvazzjoni bħala unità teknika separata.

2.   L-applikazzjoni msemmija fil-paragrafu 1 għandha titfassal skont il-mudell tad-dokument tal-informazzjoni stabbilit fl-Appendiċi 4 tal-Anness I. Għal dan il-għan għandha tkun applikabbli l-Parti 1 ta’ dak l-Appendiċi.

3.   Flimkien mal-applikazzjoni, il-fabbrikant għandu jipprovdi wkoll pakkett ta’ dokumentazzjoni li jispjega fid-dettall kull element tad-disinn li jaffettwa l-emissjonijiet, l-istrateġija tas-sistema tal-magna għall-kontroll ta’ emissjonijiet, il-mezzi li permezz tagħhom is-sistema tal-magna tikkontrolla l-varjabbli li jinħarġu li għandhom impatt fuq l-emissjonijiet, kemm jekk il-kontroll huwa dirett jew indirett, u li jispjega bis-sħiħ is-sistema ta’ twissija u ta’ inċentiv meħtieġa mit-Taqsimiet 4 u 5 tal-Anness XIII. Il-pakkett ta’ dokumentazzjoni għandu jikkonsisti mill-partijiet li ġejjin, inkluż l-informazzjoni stipulata fit-Taqsima 8 tal-Anness I:

(a)	pakkett ta’ dokumentazzjoni formali li għandu jinżamm mill-Awtorità tal-approvazzjoni. Il-pakkett ta’ dokumentazzjoni formali jista’ jkun magħmul disponibbli għal partijiet interessati fuq talba;

(b)

pakkett ta’ dokumentazzjoni estiż li għandu jibqa’ kunfidenzjali. Il-pakkett ta’ dokumentazzjoni estiż jista’ jinżamm mill-Awtorità tal-approvazzjoni, jew, jinżamm mill-fabbrikant, skont kif tiddeċiedi l-Awtorità tal-approvazzjoni, iżda għandu jkun magħmul disponibbli għal spezzjoni mill-Awtorità tal-approvazzjoni fil-ħin tal-approvazzjoni jew fi kwalunkwe ħin matul il-validità tal-approvazzjoni. Meta l-pakkett ta’ dokumentazzjoni jinżamm mill-fabbrikant, l-Awtorità tal-approvazzjoni għandha tieħu l-miżuri meħtieġa biex tiżgura li d-dokumentazzjoni ma tiġix mibdula wara l-approvazzjoni.

4.   Flimkien mal-informazzjoni msemmija fil-paragrafu 3, il-fabbrikant għandu jippreżenta l-informazzjoni li ġejja:

(a)

Fil-każ ta’ magni bi startjar pożittiv, dikjarazzjoni mill-fabbrikant dwar il-perċentwali minimu ta’ nuqqas ta’ qbid tal-magna minn numru totali ta’ każijiet ta’ qbid tal-magna li jew jirriżulta f’emissjonijiet li jaqbżu l-limiti stabbiliti fl-Anness X jekk dak il-perċentwali ta’ nuqqas ta’ qbid tal-magna kien preżenti mill-bidu tat-test tal-emissjonijiet kif stabbilit fl-Anness III jew li jista’ jwassal għal tisħin eċċessiv ta’ katalizzatur jew katalizzaturi tal-egżost qabel ma tiġi kkawżata ħsara irriversibbli;

(b)	Deskrizzjoni tal-miżuri meħuda biex ma jsirx tbagħbis u modifikazzjoni tal-kompjuter(s) għall-kontroll tal-emissjonijiet inkluża l-faċilità għall-aġġornament permezz ta’ programm jew kalibrazzjoni approvati mill-fabbrikant;

(c)	Dokumentazzjoni tas-sistema OBD, skont ir-rekwiżiti stabbiliti fit-Taqsima 5 tal-Anness X;

(d)	Informazzjoni relatata mal-OBD għall-finijiet ta’ aċċess għall-OBD u għal informazzjoni dwar tiswija u manutenzjoni, skont ir-rekwiżiti ta’ dan ir-Regolament;

(e)	Dikjarazzjoni ta’ konformità ta’ Emissjonijiet Off-Cycle mar-rekwiżiti tal-Artikolu 14 u t-Taqsima 9 tal-Anness VI;

(f)	Dikjarazzjoni ta’ konformità OBD għall-Prestazzjoni waqt l-użu mar-rekwiżiti tal-Appendiċi 6 għall-Anness X;

(g)	Dikjarazzjoni ta’ konformità mar-rekwiżiti dwar l-aċċess għall-OBD u għal informazzjoni dwar tiswija u manutenzjoni;

(h)	Il-pjan inizjali għall-ittestjar waqt is-servizz skont il-punt 2. 4. tal-Anness II;

(i)	Fejn ikun xieraq, kopji ta’ approvazzjonijiet oħra tat-tip flimkien ma’ dejta rilevanti li tippermetti l-estensjonijiet ta’ approvazzjonijiet u l-istabbiliment ta’ fatturi ta’ deterjorament.

5.   Il-fabbrikant għandu jibgħat magna jew, skont kif xieraq, magna rappreżentattiva tat-tip li għandha tiġi approvata lis-servizz tekniku responsabbli għat-testijiet għall-approvazzjoni tat-tip.

6.   Bidliet fil-proċess ta’ produzzjoni ta’ sistema, komponent jew unità teknika separata li jseħħu wara l-approvazzjoni tat-tip ma għandhomx jinvalidaw approvazzjoni tat-tip b’mod awtomatiku, sakemm il-karatteristiċi oriġinali jew il-parametri tekniċi jinbidlu b’tali mod li jaffettwaw il-funzjonalità tal-magna jew is-sistema ta’ kontroll tat-tniġġis.

Artikolu 6

Dispożizzjonijiet amministrattivi għall-approvazzjoni tat-tip KE ta’ sistema ta’ magna jew familja ta’ magni bħala unità teknika separata

1.   Jekk ir-rekwiżiti rilevanti kollha jiġu sodisfatti, l-awtorità tal-approvazzjoni għandha tagħti approvazzjoni tat-tip KE ta’ sistema ta’ magna jew ta’ familja ta’ magni bħala unità teknika separata, u għandha toħroġ numru tal-approvazzjoni tat-tip skont is-sistema ta’ numerazzjoni stipulata fl-Anness VII tad-Direttiva 2007/46/KE.

Bla ħsara għad-dispożizzjonijiet tal-Anness VII tad-Direttiva 2007/46/KE, it-Taqsima 3 tan-numru tal-approvazzjoni tat-tip għandha titfassal skont l-Appendiċi 9 tal-Anness I għal dan ir-Regolament.

Awtorità tal-approvazzjoni ma għandhiex tagħti l-istess numru lil tip ieħor ta’ magna.

2.   Meta tagħti approvazzjoni tat-tip KE skont il-paragrafu 1, l-awtorità tal-approvazzjoni għandha toħroġ ċertifikat ta’ approvazzjoni tat-tip KE imfassal fuq il-mudell stabbilit fl-Appendiċi 5 tal-Anness I.

Artikolu 7

Applikazzjoni għal approvazzjoni tat-tip KE ta’ vettura b’sistema ta’ magna approvata rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi

1.   Il-fabbrikant għandu jippreżenta applikazzjoni għall-approvazzjoni tat-tip KE ta’ vettura b’sistema ta’ magna approvata rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi lill-awtorità tal-approvazzjoni.

2.   L-applikazzjoni msemmija fil-paragrafu 1 għandha titfassal skont il-mudell tad-dokument ta’ informazzjoni stipulat fil-Parti 2 tal-Appendiċi 4 tal-Anness I. Din l-applikazzjoni għandha tkun akkumpanjata minn kopja taċ-ċertifikat ta’ approvazzjoni tat-tip KE għas-sistema ta’ magna jew familja ta’ magni bħala unità teknika separata maħruġa skont l-Artikolu 6.

3.   Il-fabbrikant għandu jipprovdi pakkett ta’ dokumentazzjoni li jispjega b’mod dettaljat l-elementi ta’ twissija u s-sistema ta’ inċentiv li tinsab abbord il-vettura u li hija meħtieġa mill-Anness XIII. Dan il-pakkett ta’ dokumentazzjoni għandu jiġi provdut skont kif stipulat fl-Artikolu 5(3).

4.   Flimkien mal-informazzjoni msemmija fil-paragrafu 3, il-fabbrikant għandu jippreżenta l-informazzjoni li ġejja:

(a)	Deskrizzjoni tal-miżuri meħuda biex ma jsirx tbagħbis u modifikazzjoni tal-unitajiet ta’ kontroll tal-vetturi koperti minn dan ir-Regolament inkluż il-faċilità għall-aġġornament permezz ta’ programm jew kalibrazzjoni approvati mill-fabbrikant.

(b)	Deskrizzjoni tal-komponenti OBD abbord il-vettura, skont ir-rekwiżiti stabbiliti fit-Taqsima 5 tal-Anness X.

(c)	Informazzjoni relatata mal-komponenti OBD abbord il-vettura għall-iskop ta’ aċċess għall-OBD u għal informazzjoni dwar it-tiswija u l-manutenzjoni.

(d)	Dikjarazzjoni ta’ konformità mar-rekwiżiti dwar l-aċċess għall-OBD u għal informazzjoni dwar it-tiswija u l-manutenzjoni.

(e)	Fejn xieraq, kopji ta’ approvazzjonijiet oħra tat-tip kompluti bid-dejta rilevanti biex tiġi permessa l-estensjoni tal-approvazzjonijiet.

5.   Il-bidliet fil-proċess ta’ produzzjoni ta’ sistema, komponent jew unità teknika separata li jseħħu wara l-approvazzjoni tat-tip ma għandhomx jinvalidaw approvazzjoni tat-tip b’mod awtomatiku, sakemm il-karatteristiċi oriġinali jew il-parametri tekniċi jinbidlu b’tali mod li jaffettwaw il-funzjonalità tal-magna jew is-sistema ta’ kontroll tat-tniġġis.

Artikolu 8

Dispożizzjonijiet amministrattivi għall-approvazzjoni tat-tip KE ta’ vettura b’sistema ta’ magna approvata rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi

1.   Jekk ir-rekwiżiti rilevanti kollha jiġu sodisfatti, l-awtorità tal-approvazzjoni għandha tagħti approvazzjoni tat-tip KE ta’ vettura b’sistema ta’ magna approvata rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi, u għandha toħroġ numru tal-approvazzjoni tat-tip skont is-sistema ta’ numerazzjoni stipulata fl-Anness VII tad-Direttiva 2007/46/KE.

Bla ħsara għad-dispożizzjonijiet tal-Anness VII tad-Direttiva 2007/46/KE, it-Taqsima 3 tan-numru tal-approvazzjoni tat-tip għandha titfassal skont l-Appendiċi 9 tal-Anness I ta’ dan ir-Regolament.

L-awtorità tal-approvazzjoni ma għandhiex tagħti l-istess numru lil tip ieħor ta’ vettura.

2.   Meta tagħti approvazzjoni tat-tip KE skont il-paragrafu 1, l-awtorità tal-approvazzjoni għandha toħroġ ċertifikat ta’ approvazzjoni tat-tip KE imfassal fuq il-mudell stabbilit fl-Appendiċi 6 tal-Anness I.

Artikolu 9

Applikazzjoni għal approvazzjoni tat-tip KE ta’ vettura rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi

1.   Il-fabbrikant għandu jippreżenta applikazzjoni għall-approvazzjoni tat-tip KE ta’ vettura rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi lill-awtorità tal-approvazzjoni.

2.   L-applikazzjoni msemmija fil-paragrafu 1 għandha titfassal skont il-mudell tad-dokument ta’ informazzjoni stabbilit fl-Appendiċi 4 tal-Anness I. Għal dan il-għan għandhom japplikaw il-Partijiet 1 u 2 ta’ dak l-Appendiċi.

3.   Il-fabbrikant għandu jipprovdi wkoll pakkett ta’ dokumentazzjoni li jispjega fid-dettall kull element tad-disinn li jaffettwa l-emissjonijiet, l-istrateġija tas-sistema tal-magna għall-kontroll ta’ emissjonijiet, il-mezzi li permezz tagħhom is-sistema tal-magna tikkontrolla l-varjabbli li jinħarġu li għandhom impatt fuq l-emissjonijiet, kemm jekk il-kontroll huwa dirett jew indirett, u li jispjega bis-sħiħ is-sistema ta’ twissija u ta’ inċentiv meħtieġa mill-Anness XIII. Dan il-pakkett ta’ dokumentazzjoni għandu jiġi provdut skont l-Artikolu 5(3).

4.   Flimkien mal-informazzjoni msemmija fil-paragrafu 3, il-fabbrikant għandu jippreżenta l-informazzjoni meħtieġa mill-Artikolu 5(4) minn (a) sa (i) u Artikolu 7(4) minn (a) sa (e).

5.   Il-fabbrikant għandu jibgħat magna rappreżentattiva tat-tip li għandu jiġi approvat lis-servizz tekniku responsabbli għat-testijiet għall-approvazzjoni tat-tip.

6.   Bidliet fil-proċess ta’ produzzjoni ta’ sistema, komponent jew unità teknika separata li jseħħu wara l-approvazzjoni tat-tip ma għandhomx jinvalidaw approvazzjoni tat-tip b’mod awtomatiku, sakemm il-karatteristiċi oriġinali jew il-parametri tekniċi jinbidlu b’tali mod li jaffettwaw il-funzjonalità tal-magna jew is-sistema ta’ kontroll tat-tniġġis.

Artikolu 10

Dispożizzjonijiet amministrattivi għall-approvazzjoni tat-tip KE ta’ vettura rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi

1.   Jekk ir-rekwiżiti rilevanti kollha jiġu sodisfatti, l-awtorità tal-approvazzjoni għandha tagħti approvazzjoni tat-tip KE ta’ vettura rigward l-emissjonijiet u aċċess għal informazzjoni dwar it-tiswija u l-manutenzjoni ta’ vetturi, u għandha toħroġ numru tal-approvazzjoni tat-tip skont is-sistema ta’ numerazzjoni stipulata fl-Anness VII tad-Direttiva 2007/46/KE.

Bla ħsara għad-dispożizzjonijiet tal-Anness VII tad-Direttiva 2007/46/KE, it-Taqsima 3 tan-numru tal-approvazzjoni tat-tip għandha titfassal skont l-Appendiċi 9 tal-Anness I għal dan ir-Regolament.

L-awtorità tal-approvazzjoni ma għandhiex tagħti l-istess numru lil tip ieħor ta’ vettura.

2.   Meta tagħti approvazzjoni tat-tip KE skont il-paragrafu 1, l-awtorità tal-approvazzjoni għandha toħroġ ċertifikat ta’ approvazzjoni tat-tip KE imfassal fuq il-mudell stabbilit fl-Appendiċi 7 tal-Anness I.

Artikolu 11

Konformità tal-produzzjoni

1.   Għandhom jittieħdu miżuri biex tiġi żgurata l-konformità tal-produzzjoni skont id-dispożizzjonijiet tal-Artikolu 12 tad-Direttiva 2007/46/KE.

2.   Il-konformità tal-produzzjoni għandha tiġi verifikata abbażi tad-deskrizzjoni fiċ-ċertifikati tal-approvazzjoni tat-tip stabbilita fl-Appendiċi 5, 6 u 7 tal-Anness I, skont kif applikabbli.

3.   Il-konformità tal-produzzjoni għandha tiġi evalwata skont id-dispożizzjonijiet speċifiċi li huma stabbiliti fit-Taqsima 7 tal-Anness I waqt li l-metodi statistiċi rilevanti huma stabbiliti fl-Appendiċi minn 1, 2 u 3 tal-istess Anness.

Artikolu 12

Konformità waqt is-servizz

1.   Miżuri sabiex tiġi żgurata l-konformità waqt is-servizz ta’ vetturi jew sistemi ta’ magni ta’ tip approvat skont dan ir-Regolament jew id-Direttiva 2005/55/KE tal-Parlament Ewropew u tal-Kunsill (4) għandhom jittieħdu skont l-Artikolu 12 tad-Direttiva 2007/46/KE b’osservanza tar-rekwiżiti tal-Anness II għar-Regolament fil-każ ta’ vetturi jew sistemi ta’ magni ta’ tip approvat skont dan ir-Regolament u r-rekwiżiti tal-Anness XII ta’ dan ir-Regolament fil-każ ta’ vetturi jew sistemi ta’ magni ta’ tip approvat skont id-Direttiva 2005/55/KE.

2.   Il-miżuri tekniċi meħuda mill-fabbrikant għandhom ikunu tali li jiżguraw li l-emissjonijiet mill-pajp tal-egżost ikunu limitati b’mod effettiv, matul il-ħajja normali tal-vetturi taħt kundizzjonijiet ta’ użu normali. Il-konformità mad-dispożizzjonijiet ta’ dan ir-Regolament għandha tiġi verifikata tul il-ħajja utili normali ta’ sistema ta’ magna installata fuq vettura taħt kundizzjonijiet normali ta’ użu kif speċifikat fl-Anness II ta’ dan ir-Regolament.

3.   Il-fabbrikant għandu jirrapporta r-riżultati tal-ittestjar ta’ servizz lill-awtorità tal-approvazzjoni li tat l-approvazzjoni tat-tip oriġinali skont il-pjan inizjali ppreżentat waqt l-approvazzjoni tat-tip. Kwalunkwe devjazzjoni mill-pjan inizjali għandha tiġi ġustifikata b’mod li l-awtorità tal-approvazzjoni tkun sodisfatta.

4.   Jekk l-awtorità tal-approvazzjoni li tat l-approvazzjoni tat-tip oriġinali ma tkunx sodisfatta bir-rappurtaġġ tal-fabbrikant skont it-Taqsima 10 tal-Anness II, jew tirrapporta evidenza ta’ konformità waqt is-servizz mhux sodisfaċenti, l-awtorità tista’ tordna lill-fabbrikant biex iwettaq test għal skopijiet ta’ konferma. L-awtorità tal-approvazzjoni għandha teżamina r-rapport tat-test ta’ konferma pprovdut mill-fabbrikant.

5.   F’każ li l-awtorità tal-approvazzjoni li tat l-approvazzjoni tat-tip oriġinali ma tkunx sodisfatta bir-riżultati tat-testijiet waqt is-servizz jew b’dawk ta’ testijiet ta’ konferma skont il-kriterji mniżżla fl-Anness II ta’ dan ir-Regolament, jew fuq bażi tal-ittestjar waqt is-servizz imwettaq minn Stat Membru, hija għandha titlob lill-fabbrikant biex jippreżenta pjan ta’ miżuri ta’ rimedju biex jirrimedja n-nuqqas ta’ konformità skont l-Artikolu 13 u t-Taqsima 9 tal-Anness II.

6.   Kull Stat Membru jista’ jwettaq u jirrapporta t-testijiet ta’ sorveljanza li jkun wettaq, fuq il-bażi tal-konformità tal-proċedura tal-ittestjar ta’ waqt is-servizz imniżżel fl-Anness II. Informazzjoni dwar il-ksib, il-manutenzjoni u l-parteċipazzjoni tal-fabbrikant fl-attivitajiet għandha tiġi rreġistrata. Fuq talba minn awtorità tal-approvazzjoni, l-awtorità tal-approvazzjoni li tkun tat l-approvazzjoni tat-tip oriġinali għandha tipprovdi l-informazzjoni meħtieġa dwar l-approvazzjoni tat-tip biex ikun jista’ jitwettaq l-ittestjar skont il-proċedura mniżżla fl-Anness II.

7.   Jekk Stat Membru juri li tip ta’ magna jew vettura ma jikkonformawx mar-rekwiżiti applikabbli ta’ dan l-Artikolu u tal-Anness II, għandu jinnotifika, mingħajr dewmien, lill-awtorità tal-approvazzjoni li tat l-approvazzjoni tat-tip oriġinali permezz tal-awtorità tal-approvazzjoni tiegħu stess skont ir-rekwiżiti tal-Artikolu 30(3) tad-Direttiva 2007/46/KE.

Wara li ssir din in-notifika u soġġett għad-dispożizzjoni tal-Artikolu 30(6) tad-Direttiva 2007/46/KE, l-awtorità tal-approvazzjoni tal-Istat Membru li jkun ħareġ l-approvazzjoni tat-tip oriġinali għandha tgħarraf minnufih lill-fabbrikant li tip ta’ magna jew vettura ma jissodisfax ir-rekwiżiti ta’ dawn id-dispożizzjonijiet.

8.   Wara n-notifika msemmija fil-paragrafu 7 u fil-każijiet fejn il-konformità tkun ġiet verifikata permezz ta’ testijiet għall-konformità waqt is-servizz, l-awtorità tal-approvazzjoni li tkun tat l-approvazzjoni oriġinali tat-tip tista’ titlob lill-fabbrikant biex iwettaq testijiet ta’ konferma addizzjonali wara li ssir konsultazzjoni mal-esperti tal-Istat Membru li jkun irrapporta l-vettura li ma tikkonformax mar-rekwiżiti applikabbli.

Jekk ma jkun hemm l-ebda dejta tat-testijiet disponibbli, il-fabbrikant għandu, fi żmien 60 jum tax-xogħol wara n-notifika deskritta fil-paragrafu 7, jew jippreżenta pjan ta’ miżuri ta’ rimedju skont l-Artikolu 13 lill-awtorità tal-approvazzjoni li tkun tat l-approvazzjoni oriġinali tat-tip jew iwettaq testijiet addizzjonali tal-konformità waqt is-servizz fuq vettura ekwivalenti biex jiġi verifikat jekk il-magna jew it-tip ta’ vettura jonqsux milli jissodisfaw ir-rekwiżiti. Fil-każ fejn il-fabbrikant jista’ juri għas-sodisfazzjon tal-awtorità tal-approvazzjoni li jeħtieġ aktar żmien biex jitwettaq l-ittestjar addizzjonali, tista’ tingħata estensjoni.

9.   Esperti tal-Istat Membru li jkun irrapporta l-magna jew it-tip ta’ vettura li ma jkunux issodisfaw ir-rekwiżiti skont il-paragrafu 7 għandhom jiġu mistiedna biex ikunu preżenti waqt li jsiru t-testijiet addizzjonali tal-konformità waqt is-servizz imniżżla fil-paragrafu 8. Barra minn hekk, ir-riżultati tat-testijiet għandhom jiġu rrappurtati lil dak l-Istat Membru u lill-awtoritajiet ta’ approvazzjoni.

Jekk dawn it-testijiet tal-konformità waqt is-servizz jew testijiet ta’ konferma jikkonfermaw in-nuqqas ta’ konformità tal-magna jew tat-tip ta’ vettura, l-awtorità tal-approvazzjoni għandha titlob lill-fabbrikant biex jippreżenta pjan ta’ miżuri ta’ rimedju biex jiġi rrimedjat in-nuqqas ta’ konformità. Il-pjan tal-miżuri ta’ rimedju għandu jikkonforma mad-dispożizzjonijiet tal-Artikolu 13 u tat-Taqsima 9 tal-Anness II.

Jekk dawk it-testijiet tal-konformità waqt is-servizz jew it-testijiet ta’ konferma juru konformità, il-fabbrikant għandu jippreżenta rapport lill-awtorità tal-approvazzjoni li tkun tat l-approvazzjoni oriġinali tat-tip. Ir-rapport għandu jiġi ppreżentat mill-awtorità tal-approvazzjoni li tkun tat l-approvazzjoni oriġinali tat-tip lill-Istat Membru li jkun irrapporta t-tip ta’ vettura li tkun naqset milli tissodisfa r-rekwiżiti u l-awtoritajiet ta’ approvazzjoni. Għandu jkun fih ir-riżultati tat-test skont it-Taqsima 10 tal-Anness II.

10.   L-awtorità tal-approvazzjoni li tkun tat l-approvazzjoni tat-tip oriġinali għandha żżomm lill-Istat Membru li jkun stabbilixxa li l-magna jew it-tip ta’ vettura ma kkonformawx mar-rekwiżiti applikabbli informat dwar il-progress u r-riżultati tad-diskussjonijiet mal-fabbrikant, it-testijiet ta’ verifika u l-miżuri ta’ rimedju.

Artikolu 13

Miżuri ta’ rimedju

1.   Fuq talba tal-awtorità tal-approvazzjoni, u wara t-twettiq ta’ testijiet tal-konformità waqt is-servizz skont l-Artikolu 12, il-fabbrikant għandu jippreżenta l-pjan ta’ miżuri ta’ rimedju lill-awtorità tal-approvazzjoni mhux aktar tard minn 60 ġurnata tax-xogħol wara li n-notifika tkun ġiet riċevuta mill-awtorità tal-approvazzjoni. Fejn il-fabbrikant jista’ juri, għas-sodisfazzjon tal-awtorità tal-approvazzjoni, li jeħtieġ aktar żmien biex tiġi investigata r-raġuni għan-nuqqas ta’ konformità sabiex ikun jista’ jiġi ppreżentat pjan ta’ miżuri ta’ rimedju, tista’ tingħata estensjoni.

2.   Il-miżuri ta’ rimedju għandhom japplikaw għall-magni kollha fis-servizz li huma parti mill-istess familji ta’ magni jew familji ta’ magni OBD u għandhom jiġu estiżi wkoll għal familji ta’ magni jew familji ta’ magni OBD li jistgħu jiġu affettwati mill-istess difetti. Il-ħtieġa li jiġu emendati d-dokumenti tal-approvazzjoni tat-tip għandha tiġi evalwata mill-fabbrikant u r-riżultat għandu jiġi rappurtat lill-awtorità tal-approvazzjoni.

3.   L-awtorità tal-approvazzjoni għandha tikkonsulta lill-fabbrikant biex tiżgura ftehim dwar pjan ta’ miżuri ta’ rimedju u dwar it-twettiq tal-pjan. Jekk l-awtorità tal-approvazzjoni li tkun tat l-approvazzjoni tat-tip oriġinali tistabbilixxi li ma jista’ jintlaħaq l-ebda ftehim, għandha tinbeda l-proċedura skont l-Artikolu 30(1) u 30(5) tad-Direttiva 2007/46/KE.

4.   L-awtorità tal-approvazzjoni għandha tapprova jew tirrifjuta l-pjan ta’ miżuri ta’ rimedju fi żmien 30 ġurnata tax-xogħol mid-data ta’ meta tkun irċeviet il-pjan tal-miżuri ta’ rimedju mill-fabbrikant. L-awtorità tal-approvazzjoni, fl-istess perjodu ta’ żmien għandha wkoll tinnotifika lill-fabbrikant u lill-Istati Membri kollha bid-deċiżjoni tagħha li tapprova jew tirrifjuta l-pjan ta’ miżuri ta’ rimedju.

5.   Il-fabbrikant għandu jkun responsabbli għall-eżekuzzjoni tal-pjan approvat tal-miżuri ta’ rimedju.

6.   Il-fabbrikant għandu jżomm reġistru ta’ kull sistema ta’ magna jew vettura msejħa lura u msewwija jew modifikata, li għandu jinkludi wkoll dettalji dwar l-istabbiliment li jkun għamel it-tiswija. L-awtorità tal-approvazzjoni għandu jkollha aċċess fuq talba għal dak ir-reġistru waqt it-twettiq u għal perjodu ta’ ħames snin wara li jkun twettaq il-pjan.

7.   Kull tiswija jew tibdil msemmija fil-paragrafu 6 għandhom jiġu reġistrati f’ċertifikat ipprovdut mill-fabbrikant lil sid il-magna jew il-vettura.

Artikolu 14

Rekwiżiti sabiex jiġu limitati l-emissjonijiet off-cycle

1.   Il-fabbrikant għandu jieħu l-miżuri kollha neċessarji, skont dan ir-Regolament u l-Artikolu 4 tar-Regolament (KE) Nru 595/2009, sabiex jiġi żgurat li l-emissjonijiet mill-pajp tal-egżost ikunu limitati b’mod effettiv matul il-ħajja normali tal-vettura u fil-kundizzjonijiet normali kollha tal-użu.

Dawk il-miżuri għandhom iqisu dan li ġej:

(a)	ir-rekwiżiti ġenerali inklużi r-rekwiżiti tal-prestazzjoni u l-projbizzjoni ta’ strateġiji ta’ tbagħbis;

(b)	ir-rekwiżiti biex l-emissjonijiet mill-pajp tal-egżost jiġu limitati b’mod effettiv għall-firxa ta’ kundizzjonijiet ambjentali li l-vettura tista’ tkun mistennija li topera fihom, u għall-firxa ta’ kundizzjonijiet operattivi li jistgħu jiġu ffaċċjati;

(c)	ir-rekwiżiti fir-rigward ta’ ttestjar off-cycle fil-laboratorju waqt l-approvazzjoni tat-tip;

(d)	kwalunkwe rekwiżiti addizzjonali fir-rigward ta’ ttestjar off-cycle waqt l-użu ta’ vetturi, kif previst f’dan ir-Regolament;

(e)	ir-rekwiżit li l-fabbrikant jipprovdi dikjarazzjoni ta’ konformità mar-rekwiżiti li jillimitaw l-emissjonijiet off-cycle.

2.   Il-fabbrikant għandu jissodisfa r-rekwiżiti speċifiċi, flimkien mal-proċeduri relatati tat-test, stipulati fl-Anness VI.

3.   Kwalunkwe rekwiżit addizzjonali fir-rigward ta’ ttestjar off-cycle waqt l-użu ta’ vetturi li ssir referenza għalih fil-punt d tal-paragrafu 1 għandu jiġi introdott wara li ssir l-evalwazzjoni tal-proċeduri PEMS stabbiliti fl-Anness II. L-evalwazzjoni għandha tiġi finalizzata sal-31 ta’ Diċembru 2014.

Artikolu 15

Tagħmir għall-kontroll tat-tniġġis

1.   Il-fabbrikant għandu jiżgura li t-tagħmir ta’ sostitutuzzjoni għall-kontroll tat-tniġġis maħsub biex jitwaħħal fuq sistemi ta’ magni jew vetturi b’approvazzjoni tat-tip KE koperti mir-Regolament (KE) Nru 595/2009 huwa ta’ tip approvat mill-KE, bħala unitajiet tekniċi separati skont ir-rekwiżiti ta’ dan l-Artikolu u tal-Artikoli 16 u 17.

Konvertituri katalitiċi, mezzi deNOx u filtri għall-partikuli għandhom jitqiesu bħala tagħmir għall-kontroll tat-tniġġis għall-finijiet ta’ dan ir-Regolament.

2.   It-tagħmir oriġinali ta’ sostituzzjoni għall-kontroll tat-tniġġis, li jaqa’ fi ħdan it-tip kopert mill-punt 3.2.12 tal-Appendiċi 4 tal-Anness I u li huwa maħsub biex jitwaħħal f’vettura li għaliha jirreferi d-dokument rilevanti tal-approvazzjoni tat-tip, ma għandux għalfejn ikun konformi mad-dispożizzjonijiet kompluti tal-Anness XI sakemm jissodisfa r-rekwiżiti tal-punti 2.1, 2.2 u 2.3 ta’ dak l-Anness.

3.   Il-fabbrikant għandu jiżgura li t-tagħmir oriġinali għall-kontroll tat-tniġġis ikollu fuqu marki ta’ identifikazzjoni.

4.   Il-marki ta’ identifikazzjoni msemmija fil-paragrafu 3 għandhom jinkludu dan li ġej:

(a)	l-isem jew it-trejdmark tal-vettura jew tal-fabbrikant tal-magna;

(b)	id-ditta u n-numru ta’ identifikazzjoni tal-parti tat-tagħmir oriġinali għall-kontroll tat-tniġġis kif ġew irreġistrati fl-informazzjoni msemmija fil-punt 3.2.12.2. tal-Appendiċi 4 tal-Anness I.

5.   Tagħmir oriġinali ta’ sostituzzjoni għall-kontroll tat-tniġġis għandu biss jiġi approvat għat-tip skont ir-Regolament (KE) Nru 595/2009 u dan ir-Regolament ladarba r-rekwiżiti speċifiċi għall-ittestjar jiġu introdotti fl-Anness XI għar-Regolament.

Artikolu 16

Applikazzjoni għal approvazzjoni tat-tip KE ta’ tagħmir għall-kontroll tat-tniġġis ta’ sostitutuzzjoni bħala unità teknika separata

1.   Il-fabbrikant għandu jippreżenta applikazzjoni għall-approvazzjoni tat-tip KE ta’ tip ta’ tagħmir għall-kontroll tat-tniġġis ta’ sostituzzjoni bħala unità teknika separata lill-awtorità tal-approvazzjoni.

2.   L-applikazzjoni għandha titfassal skont il-mudell tad-dokument ta’ informazzjoni stabbilit fl-Appendiċi 1 tal-Anness XI.

3.   Il-fabbrikant għandu jippreżenta Dikjarazzjoni ta’ konformità mar-rekwiżiti dwar l-aċċess għall-OBD u l-informazzjoni dwar it-tiswija u l-manutenzjoni.

4.   Il-fabbrikant għandu jipprovdi lis-servizz tekniku responsabbli għat-test għall-approvazzjoni tat-tip dan li ġej:

(a)	sistema ta’ magna jew sistemi ta’ magni ta’ tip approvat skont dan ir-Regolament mgħammra b’tagħmir għall-kontroll tat-tniġġis oriġinali ġdid;

(b)	kampjun wieħed tat-tip ta’ tagħmir għall-kontroll tat-tniġġis ta’ sostituzzjoni;

(c)	kampjun addizzjonali tat-tip ta’ tagħmir għall-kontroll tat-tniġġis ta’ sostituzzjoni, fil-każ ta’ tagħmir għall-kontroll tat-tniġġis ta’ sostituzzjoni maħsub biex jitwaħħal f’vettura mgħammra b’sistema OBD.

5.   Għall-finijiet tal-punt (a) tal-paragrafu 4, il-magni għall-ittestjar għandhom jiġu magħżula mill-applikant bi qbil mal-awtorità tal-approvazzjoni.

Il-kundizzjonijiet tat-test għandhom ikunu konformi mar-rekwiżiti stabbiliti fit-Taqsima 6 tal-Anness 4B tar-Regolament Nru 49 tal-Kummissjoni Ekonomika għall-Ewropa tan-Nazzjonijiet Uniti (NU/KEE).

Il-magni għall-ittestjar għandhom jirrispettaw ir-rekwiżiti li ġejjin:

a)	ma għandu jkollhom l-ebda difett fis-sistema ta’ kontroll tal-emissjonijiet;

b)	kwalunkwe parti oriġinali relatata mal-emissjonijiet li hija bil-ħsara jew li ġiet użata b’mod eċċessiv għandha tissewwa jew tinbidel;

c)	għandhom jiġu kkoreġuti b’mod xieraq u ssettjati skont l-ispeċifikazzjonijiet tal-fabbrikant qabel l-ittestjar għall-emissjonijiet.

6.   Għall-finijiet tal-punti (b) u (c) tal-paragrafu 4, il-kampjun għandu jiġi mmarkat b’mod ċar u li ma jitħassarx bl-isem kummerċjali jew it-trejdmark tal-applikant kif ukoll bid-deżinjazzjoni kummerċjali tiegħu.

7.   Għall-finijiet tal-punt (c) tal-paragrafu 4, il-kampjun għandu jkun komponent deterjorat kwalifikat kif definit skont il-punt 9 tal-Artikolu 2.

Artikolu 17

Dispożizzjonijiet amministrattivi għall-approvazzjoni tat-tip KE ta’ tagħmir għall-kontroll tat-tniġġis ta’ sostituzzjoni bħala unità teknika separata

1.   Jekk ir-rekwiżiti kollha rilevanti jiġu sodisfatti, l-awtorità tal-approvazzjoni għandha tagħti approvazzjoni tat-tip KE għal tagħmir għall-kontroll tat-tniġġis ta’ sostituzzjoni bħala unità teknika separata u għandha toħroġ numru tal-approvazzjoni tat-tip skont is-sistema ta’ numerazzjoni stabbilita fl-Anness VII tad-Direttiva 2007/46/KE.

L-awtorità tal-approvazzjoni ma għandhiex tassenja l-istess numru lil tip ieħor ta’ tagħmir għall-kontroll tat-tniġġis ta’ sostituzzjoni.

L-istess numru ta’ approvazzjoni tat-tip jista’ jkopri l-użu ta’ dak it-tip ta’ tagħmir għall-kontroll tat-tniġġis ta’ sostituzzjoni fuq għadd ta’ tipi differenti ta’ vetturi jew magni.

2.   Għall-finijiet tal-paragrafu 1, l-awtorità tal-approvazzjoni għandha toħroġ ċertifikat ta’ approvazzjoni tat-tip KE stabbilit skony il-mudell stabbilit fl-Appendiċi 2 tal-Anness XI.

3.   Jekk il-fabbrikant ikun kapaċi juri lill-awtorità tal-approvazzjoni li t-tagħmir għall-kontroll tat-tniġġis ta’ sostituzzjoni huwa ta’ tip imsemmi fil-punt 3.2.12.2 tal-Appendiċi 4 tal-Anness I, l-għoti ta’ approvazzjoni tat-tip ma għandux jiddependi fuq verifika ta’ konformità mar-rekwiżiti stipulati fit-Taqsima 4 tal-Anness XI.

Artikolu 18

Emendi għar-Regolament (KE) Nru 595/2009

Ir-Regolament (KE) Nru 595/2009 huwa emendat skont l-Anness XV għal dan ir-Regolament.

Artikolu 19

Emendi għad-Direttiva 2007/46/KE

Id-Direttiva 2007/46/KE hija emendata skont l-Anness XVI għal dan ir-Regolament.

Artikolu 20

Dħul fis-seħħ

Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

---

(1)  ĠU L 188, 18.7.2009, p. 1.

(2)  ĠU L 263, 9.10.2007, p. 1.

(3)  ĠU L 229, 31.8.2010, p. 1.

(4)  ĠU L 275, 20.10.2005, p. 1.

---

---