EUR-Lex Access to European Union law
This document is an excerpt from the EUR-Lex website
Document 32011D0753
2011/753/EU: Commission Decision of 18 November 2011 establishing rules and calculation methods for verifying compliance with the targets set in Article 11(2) of Directive 2008/98/EC of the European Parliament and of the Council (notified under document C(2011) 8165)
2011/753/UE: Deċiżjoni tal-Kummissjoni tat- 18 ta’ Novembru 2011 li tistabbilixxi regoli u metodi ta’ kalkolu biex tkun ivverifikata l-konformità mal-miri stipulati fl-Artikolu 11(2) tad-Direttiva 2008/98/KE tal-Parlament Ewropew u tal-Kunsill (notifikata bid-dokument numru C(2011) 8165)
2011/753/UE: Deċiżjoni tal-Kummissjoni tat- 18 ta’ Novembru 2011 li tistabbilixxi regoli u metodi ta’ kalkolu biex tkun ivverifikata l-konformità mal-miri stipulati fl-Artikolu 11(2) tad-Direttiva 2008/98/KE tal-Parlament Ewropew u tal-Kunsill (notifikata bid-dokument numru C(2011) 8165)
OJ L 310, 25.11.2011, p. 11–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 15 Volume 034 P. 180 - 185
In force
25.11.2011 |
MT |
Il-Ġurnal Uffiċjali tal-Unjoni Ewropea |
L 310/11 |
DEĊIŻJONI TAL-KUMMISSJONI
tat-18 ta’ Novembru 2011
li tistabbilixxi regoli u metodi ta’ kalkolu biex tkun ivverifikata l-konformità mal-miri stipulati fl-Artikolu 11(2) tad-Direttiva 2008/98/KE tal-Parlament Ewropew u tal-Kunsill
(notifikata bid-dokument numru C(2011) 8165)
(2011/753/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (1), u b'mod partikolari l-Artikolu 11(3) tagħha,
Billi:
(1) |
Sabiex ikun żgurat li jkun hemm implimentazzjoni effettiva tal-miri stipulati fl-Artikolu 11(2) tad-Direttiva 2008/98/KE, hu xieraq li jiġu definiti r-regoli meta dawn il-miri jiġu applikati. |
(2) |
Hu neċessarju wkoll li jiġu determinati l-metodi għall-kalkolu tas-sehem tal-iskart muniċipali u tal-iskart mill-kostruzzjoni u t-twaqqigħ tal-bini li hu mħejji għall-użu mill-ġdid, riċiklat jew materjalment irkuprat sabiex jivverifikaw u jimmonitorjaw il-konformità mal-miri stipulati fl-Artikolu 11(2) tad-Direttiva 2008/98/KE. |
(3) |
L-Artikolu 11(2)(a) tad-Direttiva 2008/98/KE tagħti ċerta flessibbiltà lill-Istati Membri fir-rigward tal-flussi ta’ skart muniċipali li għalihom qed jiġu applikati l-miri. Madankollu, hu xieraq li tiġi definita firxa ta’ għażliet li għandhom l-Istati Membri sabiex jiċċaraw l-applikazzjoni prattika biex tkun ivverifikata l-konformità ma’ dawn il-miri. |
(4) |
Sabiex jiġi evitat il-piż amministrattiv addizzjonali, id-dejta dwar l-istatistika tal-iskart irrappurtata skont ir-Regolament (KE) Nru 2150/2002 tal-Parlament Ewropew u tal-Kunsill tal-25 ta’ Novembru 2002 dwar l-istatistika tal-iskart (2) għandha tintuża sakemm ikun possibbli biex tkun ivverifikata l-konformità mal-miri stipulati fl-Artikolu 11(2) tad-Direttiva 2008/98/KE. |
(5) |
Meta l-iskart ikun esportat 'il barra mill-Unjoni u jkun hemm evidenza b'saħħitha li t-tħejjija għall-użu mill-ġdid, ir-riċiklaġġ u l-irkupru jkunu saru skont il-kondizzjonijiet li jkunu ekwivalenti għal dawk preskritti mil-leġislazzjoni tal-Unjoni, li l-iskart għandu jitqies meta tkun iverifikata l-konformità mal-miri stipulati fl-Artikolu 11(2) tad-Direttiva 2008/98/KE. |
(6) |
Reviżjoni ta’ din id-Deċiżjoni tista' tkun neċessarja, jekk jittieħdu miżuri sabiex jissaħħu l-miri jew jiġu ffissati miri għal flussi oħra ta’ skart. |
(7) |
Il-miżuri stabbiliti f'din id-Direttiva jikkonformaw mal-opinjoni tal-Kumitat stabbilit bl-Artikolu 39 tad-Direttiva 2008/98/KE, |
ADOTTAT DIN ID-DEĊIŻJONI:
Artikolu 1
Definizzjonijiet
B'żieda mad-definizzjonijiet imniżżla fl-Artikolu 3 tad-Direttiva 2008/98/KE, id-definizzjonijiet li ġejjin japplikaw għall-iskopijiet ta’ din id-Deċiżjoni:
(1) |
“skart domestiku” jfisser skart iġġenerat fid-djar; |
(2) |
“skart simili” jfisser skart li fin-natura u l-kompożizzjoni tiegħu jkun jista' jitqabbel ma’ skart domestiku, ħlief skart tal-produzzjoni u skart mill-agrikoltura u l-forestrija; |
(3) |
“skart muniċipali” jfisser skart domestiku u skart simili; |
(4) |
“skart mill-kostruzzjoni u t-twaqqigħ tal-bini” jikkorrispondi għall-kodiċi tal-iskart li jinsabu fil-kapitolu 17 tal-Anness għad-Deċiżjoni tal-Kummissjoni 2000/532/KE (3), ħlief għall-iskart ta’ periklu u materjal li jokkorri b'mod naturali kif definit fil-kategorija 170504; |
(5) |
“materjal ta’ rkupru” jfisser kwalunkwe operazzjoni ta’ rkupru, ħlief għall-irkupru tal-enerġija u l-ipproċessar mill-ġdid f'materjali li għandhom jintużaw bħala fjuwil; |
(6) |
“mili bir-radam” ifisser operazzjoni ta’ rkupru li fiha jintuża skart adattat minflok materjali li mhumiex skart għall-fini ta’ riklamazzjoni f'żoni skavati jew għall-fini ta’ xogħlijiet ta’ inġinerija fil-pajsaġġ. |
Artikolu 2
Rekwiżiti ġenerali
Għall-fini sabiex tiġi vverifikata l-konformità mal-miri stipulati fl-Artikolu 11(2) tad-Direttiva 2008/98/KE, għandhom japplikaw ir-regoli li ġejjin:
(1) |
L-Istati Membri għandhom jivverifikaw il-konformità mal-miri stipulati fl-Artikolu 11(2) tad-Direttiva 2008/98/KE billi jikkalkulaw il-piż tal-flussi tal-iskart iġġenerati u l-flussi ta’ skart li jkunu mħejjijin għall-użu mill-ġdid, ir-riċiklaġġ jew li jkunu għaddew minn irkupru ta’ materjali oħra f'sena kalendarja waħda. |
(2) |
Il-piż tal-iskart imħejji għall-użu mill-ġdid, ir-riċiklaġġ jew l-irkupru materjali għandu jkun determinat billi tiġi kkalkulata l-kwantità ta’ skart użata fit-tħejjija għall-użu mill-ġdid jew għar-riċiklaġġ finali jew għal proċessi finali oħra ta’ rkupru ta’ materjali. Operazzjoni preparatorja qabel ma l-iskart jgħaddi għall-irkupru jew għal operazzjoni ta’ rimi mhijiex operazzjoni finali ta’ riċiklaġġ jew ta’ rkupru ta’ materjali. Meta l-iskart jinġabar wara li jkun ġie sseparat jew inkella l-iskart ikun ġie pproċessat f'impjant fejn l-iskart jiġi magħżul u jintbagħat għar-riċiklaġġ jew jgħaddi minn proċessi ta’ rkupru materjali oħra mingħajr ma jkun hemm ħafna telf, dak l-iskart ikun jista' jitqies bħala l-piż tal-iskart li jkun tħejja għall-użu mill-ġdid, ir-riċiklaġġ jew li jkun għadda minn irkupru materjali ieħor. |
(3) |
L-ammont ta’ skart imħejji għall-użu mill-ġdid għandu jkun inkluż fl-ammont ta’ skart riċiklat u ma għandux jiġi rrappurtat b'mod separat. |
(4) |
Meta l-iskart jintbagħat biex jitħejja għall-użu mill-ġdid, għar-riċiklaġġ jew għall-irkupru ta’ materjal ieħor fi Stat Membru ieħor, ma jistax jitqies ħlief skont il-miri tal-Istat Membru li fih ikun inġabar. |
(5) |
Meta l-iskart jiġi esportat 'il barra mill-Unjoni biex jitħejja għall-użu mill-ġdid, ir-riċiklaġġ jew irkupru ta’ materjali oħra, għandu jitqies li jkun tħejja għall-użu mill-ġdid, riċiklat jew inkella jkun għadda minn proċess ta’ rkupru materjali ieħor dejjem jekk ikun hemm evidenza ta’ min joqgħod fuqha li turi li l-ġarr ikun konformi mad-dispożizzjonijiet tar-Regolament (KE) Nru 1013/2006 tal-Parlament Ewropew u tal-Kunsill (4) u b'mod partiolari l-Artikolu 49(2) tiegħu. |
(6) |
Meta l-kalkolu tal-mira jiġi applikat għat-trattament aerobiku jew anaerobiku tal-iskart bijodegredabbli, il-kwantità ta’ skart li jiġi trattat b'mod aerobiku jew anaerobiku jista' jitqies bħala riċiklat meta dak it-trattament jiġġenera kompost jew diġestat li, wara li jkun hemm il-ħtieġa ta’ iktar proċessar mill-ġdid, jintuża bħala prodott, materjal jew sustanza riċiklat/a għal trattament tal-art li jirriżulta f'benefiċċji għall-agrikultura jew għat-titjib ekoloġiku. |
Artikolu 3
Skart muniċipali
(1) Għall-fini sabiex tiġi vverifikata l-konformità mal-mira dwar l-iskart muniċipali stipulata fl-Artikolu 11(2)(a) tad-Direttiva 2008/98/KE, l-Istati Membri għandhom japplikaw il-mira għal waħda minn dawn is-sitwazzjonijiet li ġejjin:
(a) |
it-tħejjija għall-użu mill-ġdid u għar-riċiklaġġ tal-iskart domestiku li jkun magħmul mill-karta, il-metall, il-plastik, il-ħġieġ; |
(b) |
it-tħejjija għall-użu mill-ġdid u għar-riċiklaġġ tal-iskart domestiku magħmul mill-karta, mill-metall, mill-plastik, mill-ħġieġ u tipi oħra singli ta’ skart domestiku jew ta’ skart simili ta’ oriġini oħra; |
(c) |
it-tħejjija għall-użu mill-ġdid u għar-riċiklaġġ tal-iskart domestiku; |
(d) |
it-tħejjija għall-użu mill-ġdid u għar-riċiklaġġ tal-iskart muniċipali. |
(2) Il-mira tapplika għall-ammont sħiħ tal-flussi tal-iskart fl-għażla magħżula mill-Istat Membru skont il-paragrafu 1 għal dan l-Artikolu.
(3) L-Istati Membri għandhom japplikaw il-metodu tal-kalkolu stipulati fl-Anness I għal din id-Deċiżjoni li jikkorrispondi għall-alternattiva magħżula mill-Istat Membru skont il-paragrafu 1.
(4) Ir-rapport tal-implimentazzjoni tal-Istati Membri dwar l-iskart muniċipali għandhom jikkonformaw mar-rekwiżiti speċifiċi stipulati fl-Annessi I u II.
(5) L-Istati Membri għandhom jinfurmaw lill-Kummissjoni tal-alternattiva magħżula skont il-paragrafu 1 ta’ dan l-Artikolu fl-ewwel rapport ta’ implimentazzjoni msemmi fl-Artikolu 37(1) tad-Direttiva 2008/98/KE.
(6) Stat Membru jista' jibdel l-alternattiva sakemm jiddaħħal ir-rapport ta’ implimentazzjoni li jkopri s-sena 2020 sakemm tkun tista' tiżgura li jkun hemm konsistenza fid-dejta rrappurtata.
Artikolu 4
Skart tal-kostruzzjoni u tat-twaqqigħ tal-bini
(1) Għall-kalkolu tal-mira stipulata fl-Artikolu 11(2)(b) tad-Direttiva 2008/98/KE fir-rigward tal-iskart tal-kostruzzjoni u t-twaqqigħ tal-hini, l-Istati Membri għandhom japplikaw il-metodu tal-kalkolu stipulati fl-Anness III għal din id-Deċiżjoni.
(2) Ir-rapporti tal-implimentazzjoni tal-Istati Membri dwar l-iskart muniċipali għandhom jikkonformaw mar-rekwiżiti speċifiċi stipulati fl-Anness III.
(3) L-ammont tal-iskart użat għall-operazzjonijiet tal-irdim mill-ġdid għandu jiġi rrappurtat b'mod separat mill-ammont tal-iskart imħejji għall-użu mill-ġdid jew riċiklat minn operazzjonijiet ta’ rkupru tal-materjal ieħor. L-ipproċessar mill-ġdid tal-iskart f'materjal li għandu jintuża għall-operazzjoniiet tal-irdim mill-ġdid għandu jiġu rrappurtat wkoll bħala rdim mill-ġdid.
Artikolu 5
Rappurtar mill-Istati Membri
(1) L-Istati Membri għandhom jirrappurtaw il-progress li jagħmlu lill-Kummissjoni fir-rigward tal-miri li għandhom jintlaħqu stipulati fl-Artikolu 11(2) tad-Direttiva 2008/98/KE permezz tar-rapport ta’ implimentazzjoni msemmi fl-Artikolu 37 tiegħu.
(2) L-Istati Membri għandhom jipprovdu dejta fir-rapporti ta’ implimentazzjoni dwar l-istat ta’ tħejjija għall-użu mill-ġdid, r-riċiklaġġ u l-irkupru tal-materjal tal-flussi tal-iskart rispettivi għal kull sena mill-perjodu ta’ rrappurtar ta’ tliet snin jew inkella għas-snin tal-perjodi ta’ rappurtar stabbiliti fit-Taqsima 5 tal-Anness I għar-Regolament (KE) Nru 2150/2002.
(3) Fir-rapport ta’ implimentazzjoni li jkopri s-sena 2020, l-Istati Membri għandhom juru konformità mal-miri stipulati fl-Artikolu 11(2) tad-Direttiva 2008/98/KE għall-ammonti tal-flussi ta’ skart rispettivi ġġenerati u rriċiklati jew irkuprati fis-sena 2020.
(4) L-Istati Membri għandhom jibagħtu d-dejta u l-metadejta mitluba minn din id-Deċiżjoni lill-Kummissjoni f'format elettroniku, permezz ta’ standard ta’ bidla stipulat mill-Eurostat.
Artikolu 6
Indirizzati
Din id-Deċiżjoni hija indirizzata lill-Istati Membri.
Magħmul fi Brussell, it-18 ta’ Novembru 2011.
Għall-Kummissjoni
Janez POTOČNIK
Membru tal-Kummissjoni
(1) ĠU L 312. 22.11.2008, p. 3.
(2) ĠU L 332, 9.12.2002, p. 1.
(4) ĠU L 190, 12.7.2006, p. 1.
ANNESS I
METODI GĦALL-KALKOLU TAL-MIRA TAL-ISKART MUNIĊIPALI SKONT L-ARTIKOLU 3(3) TA’ DIN ID-DEĊIŻJONI
Alternattiva msemmija fl-Artikolu 3(1) ta’ din id-Deċiżjoni |
Metodu tal-kalkolu |
Rekwiżiti speċifiċi għar-rapporti ta’ implimentazzjoni tal-Istat Membru |
||||||
Tħejjija għall-użu mill-ġdid u għar-riċiklaġġ tal-iskart domestiku li jkun magħmul mill-karta, il-metall, il-plastik, il-ħġieġ; |
Metodu ta’ kalkolu nru 1
|
L-Istati Membri għandhom jużaw id-dejta nazzjonali. Tista’ tintuża dejta minn obbligi oħra ta’ rappurtar dwar l-iskart u tiġi adattata għall-kundizzjonijiet nazzjonali. L-Istati Membri għandhom jibagħtu, flimkien mad-dejta, rapport li jispjega kif l-ammonti ġġenerati u rriċiklati ġew ikkalkulati u kif dawn l-ammonti jirrelataw mad-dejta dwar l-iskart domestiku li għandu jiġi rrappurtat skont ir-Regolament (KE) Nru 2150/2002. |
||||||
Tħejjija għall-użu mill-ġdid u għar-riċiklaġġ tal-iskart domestiku magħmul mill-karta, metall, plastik, ħġieġ u tipi oħra ta’ skart domestiku magħmul minn materjal wieħed jew tipi oħra ta’ skart simili ta’ oriġini oħra |
Metodu ta’ kalkolu nru 2
|
L-Istati Membri għandhom jużaw id-dejta nazzjonali. Tista’ tintuża dejta minn obbligi oħra ta’ rappurtar dwar l-iskart u tiġi adattata għall-kundizzjonijiet nazzjonali. L-Istati Membri għandhom jibagħtu, flimkien mad-dejta, rapport li jispjega liema materjali huma koperti, mil-liema attivitajiet jirriżultaw billi jiġu mmarkati ċ-ċelloli rilevanti fit-tabella fl-Anness II għal din id-Deċiżjoni u kif ikunu ġew ikkalkulati l-ammonti ġġenerati u rriċiklati. Fil-każ li Stat Membru jinkludi skart li jiġi kompost fid-djar fil-kalkoli tiegħu, għandu jispjega kif l-ammonti ġġenerati u rriċiklati jkunu ġew ikkalkulati. Ir-rapport għandu jispjega wkoll kif dawn l-ammonti jirrelataw mad-dejta dwar l-iskart domestiku u attivitajiet ekonomiċi oħra li għandhom juiġu rrappurtati skont ir-Regolament (KE) Nru 2150/2002. |
||||||
Tħejjija għall-użu mill-ġdid u għar-riċiklaġġ tal-iskart domestiku |
Metodu ta’ kalkolu nru 3
|
L-Istati Membri għandhom jużaw id-dejta nazzjonali għar-rappurtar dwar l-ammont ta’ skart doemstiku riċiklat. Għandhom jibagħtu, flimkien mad-dejta, rapport li jispjega liema materjali huma koperti, billi jimmarkaw il-kaxxi rilevanti fit-tabella li tinsab fl-Anness II għal din id-Deċiżjoni u kif ikunu ġew ikkalkulati l-ammonti ta’ skart riċiklat. Ir-rapport għandu jispjega wkoll kif dawn l-ammonti jirrelataw mad-dejta dwar l-iskart domestiku u attivitajiet ekonomiċi oħra li għandhom juiġu rrappurtati skont ir-Regolament (KE) Nru 2150/2002. L-ammonti sħaħ ta’ skart domestiku għandhom jittieħdu mid-dejta li għandha tiġi rrappurtat skont il-punt 1.2 tat-Taqsima 8 tal-Anness I għar-Regoalment (KE) Nru 2150/2002. L-iskart li jaqa’ taħt il-kodiċi tal-iskart li ġejjin għandu jkun eskluż mill-kalkolu:
|
||||||
Tħejjija għall-użu mill-ġdid u għar-riċiklaġġ tal-iskart muniċipali |
Metodu ta’ kalkolu nru 4
|
L-Istati Membri għandhom jistrieħu fuq id-dejta statistika tal-iskart muniċipali rrappurtata kull sena lill-Kummissjoni (Eurostat). |
ANNESS II
IL-MATERJALI U S-SORSI RILEVANTI TAL-ISKART MUNIĊIPALI GĦALL-METODI TAL-KALKOLU Nri 1, 2 U 3 GĦALL-ANNESS I
|
|
Iġġenerat minn |
||||
Djar |
Intrapriżi żgħar |
Ristoranti u kantins |
Żoni pubbliċi |
Oħrajn (speċifika) |
||
Materjal tal-iskart |
Il-kodiċi tal-iskart skont id-Direttiva 2000/532/KE |
|
|
|
|
|
Karta u kartun |
20 01 01 , 15 01 01 |
|
|
|
|
|
Metalli |
20 01 40 , 15 01 04 |
|
|
|
|
|
Plastik |
20 01 39 , 15 01 02 |
|
|
|
|
|
Ħġieġ |
20 01 02 , 15 01 07 |
|
|
|
|
|
Skart bijodegradabbli tal-kċina u tal-kantin |
20 01 08 |
|
|
|
|
|
Jekk jogħġbok indika jekk hux inkluż l-iskart domestiku kompost |
||||||
Skart bijodegredabbli tal-ġonna u l-parks |
20 02 01 |
|
|
|
|
|
Jekk jogħġbok indika jekk hux inkluż l-iskart domestiku kompost: |
||||||
Skart mhux bijodegredabbli tal-ġonna u l-parks |
20 02 02 , 20 02 03 |
|
|
|
|
|
Injam |
20 01 38 , 15 01 03 |
|
|
|
|
|
Tessili |
20 01 10 , 20 01 11 , 15 01 09 |
|
|
|
|
|
Batteriji |
20 01 34 , 20 01 33 * |
|
|
|
|
|
Apparat mormi |
20 01 21 *, 20 01 23 *, 20 01 35 *, 20 01 36 |
|
|
|
|
|
Skart muniċipali ieħor |
20 03 01 , 20 03 02 , 20 03 07 , 15 01 06 |
|
|
|
|
|
Skart muniċipali mhux imsemmi hawn fuq (jekk jogħġbok speċifika) |
|
|
|
|
|
|
ANNESS III
METODI GĦALL-KALKOLU TAL-MIRA TAL-ISKART TAL-KOSTRUZZJONI U TAT-TWAQQIGĦ TAL-BINI SKONT L-ARTIKOLU 4(1) TA’ DIN ID-DEĊIŻJONI
Metodu tal-kalkolu |
Rekwiżiti speċifiċi għar-rapporti ta’ implimentazzjoni tal-Istat Membru |
||||||||||||||||||||||||||||||||||
|
|