EUR-Lex Access to European Union law
This document is an excerpt from the EUR-Lex website
Document 32009D0442
2009/442/EC: Commission Decision of 5 June 2009 implementing Directive 2007/2/EC of the European Parliament and of the Council as regards monitoring and reporting (notified under document number C(2009) 4199) (Text with EEA relevance)
2009/442/KE: Deċiżjoni tal-Kummissjoni tal- 5 ta’ Ġunju 2009 li timplimenta d-Direttiva 2007/2/KE tal-Parlament Ewropew u tal-Kunsill f’dak li għandu x’jaqsam mal-monitoraġġ u mar-rappurtar (notifikata taħt id-dokument numru C(2009) 4199) (Test b’relevanza għaż-ŻEE)
2009/442/KE: Deċiżjoni tal-Kummissjoni tal- 5 ta’ Ġunju 2009 li timplimenta d-Direttiva 2007/2/KE tal-Parlament Ewropew u tal-Kunsill f’dak li għandu x’jaqsam mal-monitoraġġ u mar-rappurtar (notifikata taħt id-dokument numru C(2009) 4199) (Test b’relevanza għaż-ŻEE)
OJ L 148, 11.6.2009, p. 18–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 13 Volume 059 P. 27 - 35
No longer in force, Date of end of validity: 20/08/2019; Imħassar b' 32019D1372
11.6.2009 |
MT |
Il-Ġurnal Uffiċjali tal-Unjoni Ewropea |
L 148/18 |
DEĊIŻJONI TAL-KUMMISSJONI
tal-5 ta’ Ġunju 2009
li timplimenta d-Direttiva 2007/2/KE tal-Parlament Ewropew u tal-Kunsill f’dak li għandu x’jaqsam mal-monitoraġġ u mar-rappurtar
(notifikata taħt id-dokument numru C(2009) 4199)
(Test b’relevanza għaż-ŻEE)
(2009/442/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 2007/2/KE tal-Parlament Ewropew u tal-Kunsill tal-14 ta’ Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire) (1), u b’mod partikulari l-Artikolu 21(4) tagħha,
Billi:
(1) |
Id-Direttiva 2007/2/KE teħtieġ lill-Istati Membri jimmonitorjaw l-implimentazzjoni u l-użu tal-infrastrutturi tagħhom għall-informazzjoni ġeografika u jirrappurtaw dwar l-implimentazzjoni ta’ dik id-Direttiva. |
(2) |
Sabiex jiġi żgurat approċċ koerenti għal dan il-monitoraġġ u dan ir-rappurtar, l-Istati Membri għandhom jistabbilixxu lista tas-settijiet tad-dejta ġeografika u tas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE, miġburin skont it-tema u skont l-Anness, u tas-servizzi tan-netwerk imsemmija fl-Artikolu 11(1) tad-Direttiva 2007/2/KE, miġburin skont it-tip ta’ servizz, u għandhom jibagħtu dik il-lista lill-Kummissjoni. |
(3) |
Il-monitoraġġ għandu jkun ibbażat fuq sett ta’ indikaturi li jkunu kkalkulati abbażi tad-dejta miġbura mill-partijiet ikkonċernati x-xierqa fid-diversi livelli tal-awtoritajiet pubbliċi. |
(4) |
Id-dejta miġbura biex jiġu kkalkulati l-indikaturi tal-monitoraġġ għandha tingħata lill-Kummissjoni. |
(5) |
Ir-riżultati tal-monitoraġġ u tar-rappurtar għandhom jingħataw lill-Kummissjoni u għandhom jitqiegħdu għad-dispożizzjoni tal-pubbliku. |
(6) |
Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 22 tad-Direttiva 2007/2/KE, |
ADOTTAT DIN ID-DEĊIŻJONI:
IL-KAPITOLU I
ID-DISPOŻIZZJONIJIET ĠENERALI
L-Artikolu 1
Is-suġġett
Din id-Deċiżjoni tistipula regoli ddettaljati dwar il-monitoraġġ min-naħa tal-Istati Membri tal-implimentazzjoni u l-użu tal-infrastrutturi tagħhom għall-informazzjoni ġeografika u għar-rappurtar dwar l-implimentazzjoni tad-Direttiva 2007/2/KE.
L-Artikolu 2
Id-dispożizzjonijiet komuni dwar il-monitoraġġ u r-rappurtar
1. L-Istati Membri għandhom jistabbilixxu lista tas-settijiet tad-dejta ġeografika u tas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE, miġburin skont it-tema u skont l-Anness, u tas-servizzi tan-netwerk imsemmija fl-Artikolu 11(1) ta’ dik id-Direttiva, miġburin skont it-tip ta’ servizz.
Huma għandhom jibagħtu dik il-lista lill-Kummissjoni u jaġġornawha kull sena.
2. L-Istati Membri għandhom joqogħdu fuq l-istruttura ta’ koordinazzjoni msemmija fl-Artikolu 19(2) tad-Direttiva 2007/2/KE sabiex jiġbru d-dejta għall-monitoraġġ u r-rappurtar.
3. Il-punti ta’ kuntatt tal-Istati Membri għandhom jibagħtu r-riżultati tal-monitoraġġ imsemmi fl-Artikolu 21(2) tad-Direttiva 2007/2/KE u r-rapport imsemmi fl-Artikolu 21(2) u (3) ta’ dik id-Direttiva lill-Kummissjoni.
4. Ir-riżultati kollha tal-monitoraġġ u tar-rappurtar għandhom jitqiegħdu għad-dispożizzjoni tal-pubbliku permezz tal-Internet jew permezz ta’ kwalunkwe mezz xieraq ieħor tat-telekomunikazzjoni.
IL-KAPITOLU II
IL-MONITORAĠĠ TAL-IMPLIMENTAZZJONI TAR-REKWIŻITI DWAR IL-METADEJTA
L-Artikolu 3
Il-monitoraġġ tal-eżistenza tal-metadejta
1. L-indikaturi li ġejjin għandhom jintużaw sabiex titkejjel l-eżistenza tal-metadejta għas-settijiet u għas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE:
(a) |
indikatur ġenerali (MDi1) li jkejjel l-eżistenza tal-metadejta għas-settijiet u għas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE; |
(b) |
l-indikaturi speċifiċi li ġejjin:
|
2. Għal kull sett u servizz tad-dejta ġeografika msemmi fil-lista msemmija fl-Artikolu 2(1), l-Istati Membri għandhom jiddeċiedu jekk hemmx metadejta u għandhom jattribwixxu l-valuri li ġejjin lis-sett jew lis-servizz tad-dejta ġeografika:
(a) |
il-valur nru 1 f’każ li teżisti l-metadejta; |
(b) |
il-valur nru 0 f’każ li ma teżisti l-ebda metadejta. |
3. L-Istati Membri għandhom jikkalkulaw l-indikatur ġenerali MDi 1 billi jiddividu l-għadd ta’ settijiet u servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom teżisti l-metadejta bl-għadd totali ta’ settijiet u servizzi tad-dejta ġeografika li jikkorrispondu mat-temi mniżżlin f’dawk l-Annessi.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness I għad-Direttiva 2007/2/KE li għalihom teżisti l-metadejta, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi 1.1); |
(b) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness II għad-Direttiva 2007/2/KE li għalihom teżisti l-metadejta, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi 1.2); |
(c) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness III għad-Direttiva 2007/2/KE li għalihom teżisti l-metadejta, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi 1.3); |
(d) |
l-għadd ta’ servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom teżisti l-metadejta, diviż bl-għadd totali ta’ servizzi tad-dejta ġeografika li jikkorrispondu mat-temi mniżżlin f’dawk l-Annessi (MDi 1.4); |
L-Artikolu 4
Il-monitoraġġ tal-konformità tal-metadejta
1. L-indikaturi li ġejjin għandhom jintużaw sabiex titkejjel il-konformità tal-metadejta tas-settijiet u tas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE mar-regoli ta’ implimentazzjoni msemmija fl-Artikolu 5(4) ta’ dik id-Direttiva:
(a) |
indikatur ġenerali li jkejjel il-konformità tal-metadejta tas-settijiet u tas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE mar-regoli ta’ implimentazzjoni msemmija fl-Artikolu 5(4) ta’ dik id-Direttiva. |
(b) |
l-indikaturi speċifiċi li ġejjin:
|
2. Għal kull sett u servizz tad-dejta ġeografika msemmi fil-lista msemmija fl-Artikolu 2(1) ta’ din id-Deċiżjoni, l-Istati Membri għandhom jiddeċiedu jekk il-metadejta li tikkorrispondi magħhom hijiex konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE u għandhom jattribwixxu l-valuri li ġejjin lis-sett jew lis-servizz tad-dejta ġeografika:
(a) |
il-valur nru 1 f’każ li l-metadejta korrispondenti tkun konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE; |
(b) |
il-valur nru 0 f’każ li l-metadejta korrispondenti ma tkunx konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE. |
3. L-Istati Membri għandhom jikkalkulaw l-indikatur ġenerali MDi2 billi jiddividu l-għadd ta’ settijiet u servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva bl-għadd totali ta’ settijiet u servizzi tad-dejta ġeografika li jikkorrispondu mat-temi mniżżlin f’dawk l-Annessi.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness I għad-Direttiva 2007/2/KE li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi2.1); |
(b) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness II għad-Direttiva 2007/2/KE li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi2.2); |
(c) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness III għad-Direttiva 2007/2/KE li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (MDi2.3); |
(d) |
l-għadd ta’ servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) tad-Direttiva 2007/2/KE, diviż bl-għadd totali ta’ servizzi tad-dejta ġeografika (MDi2.4). |
IL-KAPITOLU III
IL-MONITORAĠĠ TAL-IMPLIMENTAZZJONI TAR-REKWIŻITI DWAR L-INTEROPERABBILTÀ TAS-SETTIJIET TAD-DEJTA ĠEOGRAFIKA
L-Artikolu 5
Il-monitoraġġ tal-kopertura ġeografika tas-settijiet tad-dejta ġeografika
1. L-indikaturi li ġejjin għandhom jintużaw sabiex titkejjel il-kopertura ġeografika tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE:
(a) |
indikatur ġenerali (DSi1) li jkejjel kemm mit-territorju tal-Istati Membri huwa kopert mis-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE; |
(b) |
l-indikaturi speċifiċi li ġejjin:
|
2. Għas-settijiet tad-dejta ġeografika msemmija fil-lista msemmija fl-Artikolu 2(1), l-Istati Membri għandhom jiddeċiedu dwar:
(a) |
iż-żona li għandha tkun koperta minn sett tad-dejta ġeografika speċifiku (minn hawn ’il quddiem imsejħa “ż-żona rilevanti”), f’km2; |
(b) |
iż-żona li hi koperta minn sett tad-dejta ġeografika speċifiku (minn hawn ’il quddiem imsejħa “ż-żona reali”), f’km2. |
3. L-Istati Membri għandhom jikkalkulaw l-indikatur ġenerali DSi1 billi jiddividu l-għadd taż-żoni reali koperti mis-settijiet kollha tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE bl-għadd taż-żoni rilevanti għas-settijiet kollha tad-dejta ġeografika li jikkorrispondu mat-temi mniżżlin f’dawk l-Annessi.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd taż-żoni reali koperti mis-settijiet tad-dejta ġeografika li jikkorrispondu mat-temi mniżżlin fl-Anness I għad-Direttiva 2007/2/KE, diviż bl-għadd taż-żoni rilevanti għas-settijiet tad-dejta ġeografika li jikkorrispondu mat-temi mniżżlin f’dak l-Anness (DSi1.1); |
(b) |
l-għadd taż-żoni reali koperti mis-settijiet tad-dejta ġeografika li jikkorrispondu mat-temi mniżżlin fl-Anness II għad-Direttiva 2007/2/KE, diviż bl-għadd taż-żoni rilevanti għas-settijiet tad-dejta ġeografika li jikkorrispondu mat-temi mniżżlin f’dak l-Anness (DSi1.2); |
(c) |
l-għadd taż-żoni reali koperti mis-settijiet tad-dejta ġeografika li jikkorrispondu mat-temi mniżżlin fl-Anness III għad-Direttiva 2007/2/KE, diviż bl-għadd taż-żoni rilevanti għas-settijiet tad-dejta ġeografika li jikkorrispondu mat-temi mniżżlin f’dak l-Anness (DSi1.3). |
L-Artikolu 6
Il-monitoraġġ tal-konformità tas-settijiet tad-dejta ġeografika
1. L-indikaturi li ġejjin għandhom jintużaw sabiex titkejjel il-konformità tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE mar-regoli ta’ implimentazzjoni msemmija fl-Artikolu 7(1) ta’ dik id-Direttiva u l-konformità tal-metadejta li tikkorrispondi magħhom mar-regoli ta’ implimentazzjoni msemmija fl-Artikolu 5(4) ta’ dik id-Direttiva:
(a) |
indikatur ġenerali (DSi2) li jkejjel il-konformità tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE mar-regoli ta’ implimentazzjoni msemmija fl-Artikolu 7(1) ta’ dik id-Direttiva u l-konformità tal-metadejta li tikkorrispondi magħhom mar-regoli ta’ implimentazzjoni msemmija fl-Artikolu 5(4) ta’ dik id-Direttiva. |
(b) |
l-indikaturi speċifiċi li ġejjin:
|
2. L-Istati Membri għandhom jiddeċiedu jekk kull sett tad-dejta ġeografika msemmi fil-lista msemmija fl-Artikolu 2(1) ta’ din id-Deċiżjoni huwiex konformi mar-regoli ta’ implimentazzjoni msemmija fl-Artikolu 7(1) tad-Direttiva 2007/2/KE u jekk il-metadejta li tikkorrispondi miegħu hijiex konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva, u għandhom jattribwixxu l-valuri li ġejjin lis-sett tad-dejta ġeografika:
(a) |
il-valur nru 1 f’każ li s-sett tad-dejta ġeografika jkun konformi mar-regoli ta’ implimentazzjoni msemmija fl-Artikolu 7(1) tad-Direttiva 2007/2/KE u l-metadejta li tikkorrispondi miegħu tkun konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva; |
(b) |
il-valur nru 0 f’każ li s-sett tad-dejta ġeografika ma jkunx konformi mar-regoli ta’ implimentazzjoni msemmija fl-Artikolu 7(1) tad-Direttiva 2007/2/KE jewinkella f’każ li l-metadejta li tikkorrispondi miegħu ma tkunx konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva. |
3. L-Istati Membri għandhom jikkalkulaw l-indikatur ġenerali DSi2 billi jiddividu l-għadd ta’ settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li huma konformi mar-regoli ta’ implimentazzjoni msemmija fl-Artikolu 7(1) ta’ dik id-Direttiva u li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dawk l-Annessi.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness I għad-Direttiva 2007/2/KE li huma konformi mar-regoli ta’ implimentazzjoni msemmija fl-Artikolu 7(1) ta’ dik id-Direttiva u li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (DSi2.1); |
(b) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness II għad-Direttiva 2007/2/KE li huma konformi mar-regoli ta’ implimentazzjoni msemmija fl-Artikolu 7(1) ta’ dik id-Direttiva u li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (DSi2.2); |
(c) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Anness III għad-Direttiva 2007/2/KE li huma konformi mar-regoli ta’ implimentazzjoni msemmija fl-Artikolu 7(1) ta’ dik id-Direttiva u li l-metadejta dwarhom hija konformi mar-regoli ta’ implimentazzjoni msemmija fl-Artikolu 5(4) ta’ dik id-Direttiva, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dak l-Anness (DSi2.3). |
IL-KAPITOLU IV
IL-MONITORAĠĠ TAL-IMPLIMENTAZZJONI TAR-REKWIŻITI DWAR IS-SERVIZZI TAN-NETWERK
L-Artikolu 7
Il-monitoraġġ tal-aċċessibbiltà tal-metadejta permezz tas-servizzi ta’ sejbien
1. L-indikaturi li ġejjin għandhom jintużaw sabiex titkejjel l-aċċessibbiltà tal-metadejta tas-settijiet u tas-servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE permezz tas-servizzi ta’ sejbien imsemmija fl-Artikolu 11(1)(a) ta’ dik id-Direttiva:
(a) |
indikatur ġenerali (NSi1) li jkejjel kemm huwa possibbli li wieħed ifittex, permezz tas-servizzi ta’ sejbien, settijiet u servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE abbażi tal-metadejta li tikkorrispondi magħhom; |
(b) |
l-indikaturi speċifiċi li ġejjin:
|
2. Għal kull sett u servizz tad-dejta ġeografika msemmi fil-lista msemmija fl-Artikolu 2(1), l-Istati Membri għandhom jiddeċiedu jekk hemmx servizz ta’ sejbien u għandhom jattribwixxu l-valuri li ġejjin lis-sett jew lis-servizz tad-dejta ġeografika:
(a) |
il-valur nru 1 f’każ li jeżisti servizz ta’ sejbien; |
(b) |
il-valur nru 0 f’każ li ma jeżisti l-ebda servizz ta’ sejbien. |
3. L-Istati Membri għandhom jikkalkulaw l-indikatur ġenerali NSi1 billi jiddividu l-għadd ta’ settijiet u servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżisti servizz ta’ sejbien bl-għadd totali ta’ settijiet u servizzi tad-dejta ġeografika li jikkorrispondu mat-temi mniżżlin f’dawk l-Annessi.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżisti servizz ta’ sejbien, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dawk l-Annessi (NSi1.1); |
(b) |
l-għadd ta’ servizzi tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżisti servizz ta’ sejbien, diviż bl-għadd totali ta’ servizzi tad-dejta ġeografika li jikkorrispondu mat-temi mniżżlin f’dawk l-Annessi (NSi1.2). |
L-Artikolu 8
Il-monitoraġġ tal-aċċessibbiltà tas-settijiet tad-dejta ġeografika permezz tas-servizzi ta’ viżjoni (“view services”) u ta’ tniżżil (“download services”)
1. L-indikaturi li ġejjin għandhom jintużaw sabiex titkejjel l-aċċessibbiltà tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE permezz tas-servizzi ta’ viżjoni u ta’ tniżżil imsemmija fl-Artikolu 11(1)(b) u (c) ta’ dik id-Direttiva:
(a) |
indikatur ġenerali (NSi2) li jkejjel kemm huwa possibbli li wieħed jara u jniżżel, permezz tas-servizzi ta’ viżjoni u ta’ tniżżil, settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE; |
(b) |
l-indikaturi speċifiċi li ġejjin:
|
2. Għal kull sett tad-dejta ġeografika msemmi fil-lista msemmija fl-Artikolu 2(1), l-Istati Membri għandhom jiddeċiedu jekk hemmx servizz ta’ viżjoni jew ta’ tniżżil, jew jekk hemmx it-tnejn li huma, u għandhom jattribwixxu l-valuri li ġejjin lis-sett tad-dejta ġeografika:
(a) |
il-valur nru 1 f’każ li jeżisti servizz ta’ viżjoni u l-valur nru 0 f’każ li ma jeżistix dan it-tip ta’ servizz; |
(b) |
il-valur nru 1 f’każ li jeżisti servizz ta’ tniżżil u l-valur nru 0 f’każ li ma jeżistix dan it-tip ta’ servizz; |
(c) |
il-valur nru 1 f’każ li jeżisti kemm servizz ta’ viżjoni kif ukoll servizz ta’ tniżżil u l-valur nru 0 f’każ li ma jeżistix mill-inqas wieħed minnhom. |
3. L-Istati Membri għandhom jikkalkulaw l-indikatur ġenerali NSi2 billi jiddividu l-għadd ta’ settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżistu kemm is-servizz ta’ viżjoni kif ukoll dak ta’ tniżżil bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dawk l-Annessi (NSi2).
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżisti servizz ta’ viżjoni, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dawk l-Annessi (NSi2.1); |
(b) |
l-għadd ta’ settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE li għalihom jeżisti servizz ta’ tniżżil, diviż bl-għadd totali ta’ settijiet tad-dejta ġeografika li jikkorrispondu mat-temi mniżżlin f’dawk l-Annessi (NSi2.2). |
L-Artikolu 9
Il-monitoraġġ tal-użu tas-servizzi tan-netwerk
1. L-indikaturi li ġejjin għandhom jintużaw sabiex jiġi mmonitorjat l-użu tas-servizzi tan-netwerk imsemmija fl-Artikolu 11(1) tad-Direttiva 2007/2/KE:
(a) |
indikatur ġenerali (NSi3) li jkejjel l-użu tas-servizzi kollha tan-netwerk; |
(b) |
l-indikaturi speċifiċi li ġejjin:
|
2. Għal kull servizz tan-netwerk imsemmi fil-lista msemmija fl-Artikolu 2(1), l-Istati Membri għandhom jiddeċiedu dwar l-għadd ta’ talbiet annwali għas-servizzi.
3. L-Istati Membri għandhom jikkalkulaw l-indikatur ġenerali NSi3 billi jiddividu l-għadd totali tal-għadd ta’ talbiet annwali għas-servizzi għas-servizzi kollha tan-netwerk bl-għadd ta’ servizzi tan-netwerk.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ talbiet annwali għas-servizzi kollha ta’ sejbien, diviż bl-għadd ta’ servizzi ta’ sejbien(NSi3.1); |
(b) |
l-għadd ta’ talbiet annwali għas-servizzi kollha ta’ viżjoni, diviż bl-għadd ta’ servizzi ta’ viżjoni (NSi3.2); |
(c) |
l-għadd ta’ talbiet annwali għas-servizzi kollha ta’ tniżżil, diviż bl-għadd ta’ servizzi ta’ tniżżil (NSi3.3); |
(d) |
l-għadd ta’ talbiet annwali għas-servizzi kollha ta’ trasformazzjoni, diviż bl-għadd ta’ servizzi ta’ trasformazzjoni (NSi3.4); |
(e) |
l-għadd ta’ talbiet annwali għas-servizzi kollha ta’ sejħan, diviż bl-għadd ta’ servizzi ta’ sejħan (NSi3.5). |
L-Artikolu 10
Il-monitoraġġ tal-konformità tas-servizzi tan-netwerk
1. L-indikaturi li ġejjin għandhom jintużaw sabiex titkejjel il-konformità tas-servizzi tan-netwerk imsemmija fl-Artikolu 11(1) tad-Direttiva 2007/2/KE mar-regoli ta’ implimentazzjoni msemmija fl-Artikolu 16 ta’ dik id-Direttiva:
(a) |
indikatur ġenerali (NSi4) li jkejjel il-konformità tas-servizzi kollha tan-netwerk mar-regoli ta’ implimentazzjoni msemmija fl-Artikolu 16 tad-Direttiva 2007/2/KE; |
(b) |
l-indikaturi speċifiċi li ġejjin:
|
2. Għal kull servizz tan-netwerk imsemmi fil-lista msemmija fl-Artikolu 2(1) ta’ din id-Deċiżjoni, l-Istati Membri għandhom jiddeċiedu jekk huwiex konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE u għandhom jattribwixxu l-valuri li ġejjin lis-servizz tan-netwerk:
(a) |
il-valur nru 1 f’każ li s-servizz tan-netwerk ikun konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE; |
(b) |
il-valur nru 0 f’każ li s-servizz tan-netwerk ma jkunx konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE. |
3. L-Istati Membri għandhom jikkalkulaw l-indikatur ġenerali NSi4 billi jiddividu l-għadd ta’ servizzi tan-netwerk li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE bl-għadd totali ta’ servizzi tan-netwerk.
4. L-Istati Membri għandhom jikkalkulaw l-indikaturi speċifiċi kif ġej:
(a) |
l-għadd ta’ servizzi ta’ sejbien li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE, diviż bl-għadd totali ta’ servizzi ta’ sejbien (NSi4.1); |
(b) |
l-għadd ta’ servizzi ta’ viżjoni li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE, diviż bl-għadd totali ta’ servizzi ta’ viżjoni (NSi4.2); |
(c) |
l-għadd ta’ servizzi ta’ tniżżil li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE, diviż bl-għadd totali ta’ servizzi ta’ tniżżil (NSi4.3); |
(d) |
l-għadd ta’ servizzi ta’ trasformazzjoni li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE, diviż bl-għadd totali ta’ servizzi ta’ trasformazzjoni (NSi4.4); |
(e) |
l-għadd ta’ servizzi ta’ sejħan li huma konformi mar-regoli ta’ implimentazzjoni msemmija fl-Artikolu 16 tad-Direttiva 2007/2/KE, diviż bl-għadd totali ta’ servizzi ta’ sejħan (NSi4.5). |
L-Artikolu 11
It-tagħrif li għandu jintbagħat
1. L-Istati Membri għandhom jibagħtu t-tagħrif li ġej lill-Kummissjoni:
(a) |
il-valuri tal-indikaturi ġenerali u speċifiċi kollha, f’perċentwali; |
(b) |
in-numeraturi u d-denominaturi tal-indikaturi ġenerali u speċifiċi kollha; |
(c) |
id-dejta miġbura skont l-Artikoli 3(2), 4(2), 5(2), 6(2), 7(2), 8(2), 9(2) u 10(2). |
2. Ir-riżultati tal-monitoraġġ imsemmi fl-Artikolu 21(1) tad-Direttiva 2007/2/KE għandhom ikunu marbutin mal-monitoraġġ imwettaq matul sena kalendarja, u għandhom ikunu ppubblikati sal-15 ta’ Mejju tas-sena ta’ wara. Għalhekk, ir-riżultati għandhom ikunu aġġornati tal-inqas kull sena.
Ir-riżultati marbutin mal-monitoraġġ imwettaq fis-sena 2009 għandhom ikopru l-perjodu mid-data msemmija fl-Artikolu 18 sa tmiem dik is-sena.
IL-KAPITOLU V
IR-RAPPURTAR
L-Artikolu 12
Il-koordinazzjoni u l-assigurazzjoni tal-kwalità
1. F’dak li għandu x’jaqsam mal-koordinazzjoni, id-deskrizzjoni fil-qosor imsemmija fl-Artikolu 21(2)(a) tad-Direttiva 2007/2/KE għandha tinkludi dan li ġej:
(a) |
l-isem, it-tagħrif tal-kuntatt, ir-rwol u r-responsabbiltajiet tal-punt tal-kuntatt tal-Istat Membru; |
(b) |
l-isem, it-tagħrif tal-kuntatt, ir-rwol u r-responsabbiltajiet, l-iskema ta’ organizzazzjoni tal-istruttura ta’ koordinazzjoni li tappoġġa l-punt tal-kuntatt tal-Istat Membru; |
(c) |
deskrizzjoni tar-relazzjoni mal-partijiet terzi; |
(d) |
analiżi ġenerali tal-prattiki u tal-proċeduri ta’ ħidma tal-korp ta’ koordinazzjoni; |
(e) |
kummenti dwar il-proċess ta’ monitoraġġ u ta’ rrappurtar. |
2. F’dak li għandu x’jaqsam mal-organizzazzjoni tal-assigurazzjoni tal-kwalità, id-deskrizzjoni fil-qosor imsemmija fl-Artikolu 21(2)(a) tad-Direttiva 2007/2/KE għandha tinkludi dan li ġej:
(a) |
deskrizzjoni tal-proċeduri tal-assigurazzjoni tal-kwalità, inkluża ż-żamma tal-infrastruttura tat-tagħrif ġeografiku; |
(b) |
analiżi tal-problemi tal-assigurazzjoni tal-kwalità li għandhom x’jaqsmu mal-iżvilupp tal-infrastruttura tat-tagħrif ġeografiku, filwaqt li jitqiesu l-indikaturi ġenerali u speċifiċi; |
(c) |
deskrizzjoni tal-miżuri li ttieħdu biex titjieb l-assigurazzjoni tal-kwalità tal-infrastruttura; |
(d) |
f’każ fejn ġie stabbilit mekkaniżmu ta’ ċertifikazzjoni, deskrizzjoni ta’ dak il-mekkaniżmu. |
L-Artikolu 13
Kontribut għat-tħaddim u l-koordinazzjoni tal-infrastruttura
Id-deskrizzjoni fil-qosor imsemmija fl-Artikolu 21(2)(b) tad-Direttiva 2007/2/KE għandha tinkludi dan li ġej:
(a) |
analiżi ġenerali tad-diversi partijiet interessati li qed jagħtu kontribut lill-implimentazzjoni tal-infrastruttura tat-tagħrif ġeografiku skont it-tipoloġija li ġejja: l-utenti, il-produtturi tad-dejta, il-fornituri tas-servizzi, il-korpi ta’ koordinazzjoni; |
(b) |
deskrizzjoni tar-rwol tad-diversi partijiet interessati fl-iżvilupp u fiż-żamma tal-infrastruttura tat-tagħrif ġeograiku, inkluż ir-rwol tagħhom fil-koordinazzjoni tal-ħidmiet, fil-forniment tad-dejta u tal-metadejta, u fil-ġestjoni, l-iżvilupp u l-ospitar tas-servizzi; |
(c) |
deskrizzjoni ġenerali tal-miżuri ewlenin li ttieħdu sabiex jiġi ffaċilitat it-tqassim tas-settijiet u tas-servizzi tad-dejta ġeografika bejn l-awtoritajiet pubbliċi u deskrizzjoni ta’ kif tjieb it-tqassim minħabba fihom; |
(d) |
deskrizzjoni ta’ kif jikkooperaw il-partijiet interessati; |
(e) |
deskrizzjoni tal-aċċess għas-servizzi permezz tal-portal ġeografiku msejjaħ “Inspire”, kif imsemmi fl-Artikolu 15(2) tad-Direttiva 2007/2/KE. |
L-Artikolu 14
L-użu tal-infrastruttura tat-tagħrif ġeografiku
It-tagħrif dwar l-użu tal-infrastruttura tat-tagħrif ġeografiku msemmija fl-Artikolu 21(2)(c) tad-Direttiva 2007/2/KE għandu jkopri dan li ġej:
(a) |
l-użu tas-servizzi tad-dejta ġeografika tal-infrastruttura tat-tagħrif ġeografiku, filwaqt li jitqiesu l-indikaturi ġenerali u speċifiċi; |
(b) |
l-użu tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE mill-awtoritajiet pubbliċi, b’attenzjoni partikulari għall-eżempji tajbin fil-qasam tal-politika ambjentali; |
(c) |
jekk ikunu disponibbli, provi dwar l-użu tal-infrastruttura tat-tagħrif ġeografiku mill-pubbliku inġenerali; |
(d) |
eżempji tal-użu transkonfinali u tal-isforzi mwettqin sabiex titjieb il-konsistenza transkonfinali tas-settijiet tad-dejta ġeografika li jikkorrispondu mat-temi mniżżlin fl-Annessi I, II u III għad-Direttiva 2007/2/KE; |
(e) |
kif is-servizzi ta’ trasformazzjoni qed jintużaw sabiex tinkiseb l-interoperabbiltà tad-dejta. |
L-Artikolu 15
L-arranġamenti dwar it-tqassim tad-dejta
Id-deskrizzjoni fil-qosor imsemmija fl-Artikolu 21(2)(d) tad-Direttiva 2007/2/KE għandha tinkludi dan li ġej:
(a) |
analiżi ġenerali tal-arranġamenti dwar it-tqassim tad-dejta li nħolqu, jew li qed jinħolqu bejn l-awtoritajiet pubbliċi; |
(b) |
analiżi ġenerali tal-arranġamenti dwar it-tqassim tad-dejta li nħolqu, jew li qed jinħolqu bejn l-awtoritajiet pubbliċi u l-istituzzjonijiet u l-korpi Komunitarji, inklużi eżempji tal-arranġamenti dwar it-tqassim tad-dejta għal sett partikulari tad-dejta ġeografika; |
(c) |
lista ta’ dak li qed ixekkel it-tqassim tas-settijiet u tas-servizzi tad-dejta ġeografika bejn l-awtoritajiet pubbliċi u bejn l-awtoritajiet pubbliċi u l-istituzzjonijiet u l-korpi Komunitarji, kif ukoll deskrizzjoni tal-azzjonijiet li qed jittieħdu sabiex jingħeleb dan ix-xkiel. |
L-Artikolu 16
L-aspetti tal-ispejjeż u tal-benefiċċji
Id-deskrizzjoni fil-qosor imsemmija fl-Artikolu 21(2)(e) tad-Direttiva 2007/2/KE għandha tinkludi dan li ġej:
(a) |
stima tal-ispejjeż li joħorġu mill-implimentazzjoni tad-Direttiva 2007/2/KE; |
(b) |
eżempji tal-benefiċċji li jkunu ġew innutati, inklużi eżempji tal-effetti pożittivi dwar it-tħejjija tal-politika, l-implimentazzjoni, l-evalwazzjoni, l-eżempji ta’ servizzi mtejba għaċ-ċittadini kif ukoll eżempji ta’ kooperazzjoni transkonfinali. |
L-Artikolu 17
L-aġġornament tar-rapporti
Ir-rapport imsemmi fl-Artikolu 21(3) tad-Direttiva 2007/2/KE għandu jkopri t-tliet snin kalendarji ta’ qabel is-sena tar-rapport.
IL-KAPITOLU VI
ID-DISPOŻIZZJONIJIET FINALI
L-Artikolu 18
L-applikazzjoni
Din id-Deċiżjoni għandha tapplika mill-5 ta’ Ġunju 2009.
L-Artikolu 19
Id-destinatarji
Din id-Deċiżjoni hija indirizzata lill-Istati Membri.
Magħmul fi Brussell, il-5 ta’ Ġunju 2009.
Għall-Kummissjoni
Stavros DIMAS
Membru tal-Kummissjoni
(1) ĠU L 108, 25.4.2007, p. 1.