21.11.2006   

MT

Il-Ġurnal Uffiċjali ta’ l-Unjoni Ewropea

158

(1)

Sabiex jiġu evitati r-riskji għas-saħħa tal-bniedem u l-ostakoli għall-moviment ħieles tal-merkanzija, id-Direttiva tal-Kummissjoni 2002/16/KE ta’ l-20 ta’ Frar 2002 dwar l-użu ta’ l-epoksi derivati fil-materjali u fl-artikoli li huma intenzjonati li jiġu f’ kuntatt ma’ l-ikel (2), tistipola limiti ta’ migrazzjoni speċifiċi għall-2,2-bis(4-hydroxyphenyl)propane bis(2,3-epoxypropyl) ether (“BADGE” jiġifieri Bisphenol-A DiGlycidyl Ether), bis(hydroxyphenyl)methane bis(2,3-epoxypropyl)ethers (“BFDGE” jiġifieri Bisphenol-F DiGlycidyl Ether) u novolac glycidyl ethers (“NOGE”) u wħud mid-derivati tagħhom.

(2)

Id-Direttiva 2002/16/KE tistipola li l-użu u/jew il-preżenza tal-BFDGE u l-NOGE jista’ jitkompla sal-31 ta’ Diċembru 2004. Għall-BADGE il-perijodu ta’ transizzjoni ġie estiż sal-31 ta’ Diċembru 2005 bi stennija għas-sottomissjoni tad-data tossikoloġika ġdida u l-evalwazzjoni tagħhom mill-Awtorità Ewropea dwar is-Sigurtà ta’ l-Ikel (“l-Awtorità”).

(3)

Id-data tossikoloġika meħtieġa għall-BADGE ġiet trażmessa. L-Awtorità kkonkludiet li l-BADGE, BADGE. H2O u l-BADGE.2H2O ma jqajjmu ebda dubju dwar karċinoġeniċità u ġenotossiċità in vivo u li l-Limitu Tollerabbli ta’ kemm wieħed jista’ jibla’ ta’ 0.15 mg/kg ta’ piż tal-ġisem jista’ jiġi stabbilit għall-l-BADGE, BADGE. H2O u l-BADGE.2H2O. Għalhekk jista’ jiġi stabbilit limitu ta’ migrazzjoni speċifiku ogħla SML(T) għall-BADGE BADGE. H2O u l-BADGE.2H2O. Dwar il-BADGE chlorohydrins, fid-dawl tan-nuqqas ta’ data dwar ġenotossiċità in vivo, l-Awtorità tikkonsidra li l-limitu ta’ migrazzjoni speċifika kurrenti ta’ 1mg/kg ta’ piż tal-ġisem għall-ikel u għall-istimolanti ta’ l-ikel għadhom approprjati.

(4)

Il-kummerċ u l-użu ta’ materjali u ta’ l-artikoli li fihom il-BADGE skond dan ir-Regolament għandhom għalhekk jiġu permessi fil-Komunità mill-1 ta’ Jannar 2006.

(5)

Id-data tossikolġika meħtieġa għall-NOGE u l-BFDGE ma’ ġewx trażmessi fil-ħin sabiex jippermettu l-evalwazzjoni tagħhom mill-Awtorità u biex jitkompla l-użu tagħhom. Għalhekk l-użu u/jew il-preżenza tal-BFDGE u l-NOGE m’ għadux iktar permess mill-1 ta’ Jannar 2005 skond id-Direttiva 2002/16/KE. Iżda l-eżawriment tal-ħażniet eżistenti għandu jitħalla jsir.

(6)

Għall-kontenituri kbar, l-użu u/jew il-preżenza tal-BADGE, l-NOGE u l-BFDGE huma permessi. Il-proporzjoni kbira ta’ volum/erja, l-użu ripetut matul il-ħajja twila tagħhom li jnaqqas il-migrazzjoni u l-fatt li l-kuntatt ma’ l-ikel is-soltu jsir f’ temperatura ta’ l-ambjent jagħti hjiel li mhux meħtieġ li jiġi stipolat limitu ta’ migrazzjoni għall-BADGE, l-NOGE u l-BFDGE li jintużaw fil-kontenituri.

(7)

Skond l-Artikolu 16 tar-Regolament (KE) Nru 1935/2004 il-materjali u l-artikoli li huma koperti minn miżuri speċifiċi għandhom jiġu akkumpanjati minn dikjarazzjoni bil-miktub li huma f’ konformità mar-regoli li huma applikabbli għalihom. Dik il-kondizzjoni għadha ma ġietx stipolata fid-Direttiva 2002/16/KEE. Għalhekk huwa meħtieġ li tiġi introdotta din l-obbligazzjoni sabiex tipprovdi għal perijodu ta’ transizzjoni.

(8)

Wara li ġew ikkunsidrati l-emendi meħtieġa u fl-interess taċ-ċarezza, d-Direttiva 2002/16/KE għandha tinbidel b’ Regolament ġdid.

(9)

Id-Direttiva 2002/16/KE jistipola li l-kondizzjonijiet tagħha li jikkonċernaw il-BADGE, il-BFDGE u l-NOGE ma japplikawx għall-materjali u l-artikoli li jiġu f’ kuntatt ma’ l-ikel qabel l-1 ta’ Marzu 2003. Dawk il-materjali u l-artikoli jistgħu jibqgħu itqiegħdu fis-suq bil-kondizzjoni li d-data ta’ kif intlew tidher fuqhom. Id-data tista’ tinbidel mid-data ta’ “tajjeb qabel” kif stipolat mid-Direttiva 2000/13/KE tal-Parlament Ewropew u tal-Kunsill ta’ l-20 ta’ Marzu 2000 dwar l-approssimazzjoni tal-liġijiet ta’ l-Istati Membri fir-rigward tat-tikkettjar, tal-preżentazzjoni u r-reklamar ta’ l-ikel (3) jew ta’ indikazzjoni oħra, bħalma huwa n-numru tal-lott meħtieġ mid-Direttiva tal-Kunsill 89/396/KEE ta’ l-14 ta’ Ġunju 1989 dwar l-indikazzjonijiet jew marki li jidentifikaw lott li jagħmel parti minn-oġġett ta’ l-ikel (4) għall-ikel ippakkjat f’ tali materjali u artikoli, bil-kondizzjoni li ssir konnessjoni bejn l-indikazzjoni u d-data ta’ meta ntlew sabiex din tista’ tiġi identifikata.

(10)

Id-Direttiva 2002/16/KE għandha għalhekk tiġi rrevokata.

(11)

Il-miżuri stipolati f’dan ir-Regolament jikkonformaw ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimali,

(a)

2,2-bis(4-hydroxyphenyl)propane bis(2,3-epoxypropyl) ether, minn hawn jissejjaħ “BADGE” (CAS No 001675-54-3), u wħud mid-derivati tiegħu;

(b)

bis(hydroxyphenyl)methane bis(2,3-epoxypropyl)ethers, minn hawn jissejjħu “BFDGE” (CAS No 039817-09-9);

(c)

novolac glycidyl ethers oħrajn, minn hawn jissejħu “NOGE”.

(a)

materjali u artikoli magħmulin minn kull tip ta’ plastik;

(b)

materjali u artikoli miksija b’ lega tal-wiċċ; u

(c)

adeżivi