EUR-Lex Access to European Union law
This document is an excerpt from the EUR-Lex website
Document 32005L0092
Council Directive 2005/92/EC of 12 December 2005 amending Directive 77/388/EEC with regard to the length of time during which the minimum standard rate of VAT is to be applied
Direttiva 2005/92/KE tal-Kunsill tat- 12 ta' Diċembru 2005 li temenda d-Direttiva 77/388/KEE fir-rigward tal-perjodu ta' l-applikazzjoni tar-rata standard minima tal-VAT
Direttiva 2005/92/KE tal-Kunsill tat- 12 ta' Diċembru 2005 li temenda d-Direttiva 77/388/KEE fir-rigward tal-perjodu ta' l-applikazzjoni tar-rata standard minima tal-VAT
OJ L 345, 28.12.2005, p. 19–20
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 175M, 29.6.2006, p. 305–306
(MT)
No longer in force, Date of end of validity: 31/12/2006; Imħassar b' 32006L0112
29.6.2006 |
MT |
Il-Ġurnal Uffiċjali ta’ l-Unjoni Ewropea |
305 |
DIRETTIVA 2005/92/KE TAL-KUNSILL
tat-12 ta' Diċembru 2005
li temenda d-Direttiva 77/388/KEE fir-rigward tal-perjodu ta' l-applikazzjoni tar-rata standard minima tal-VAT
IL-KUNSILL TA' L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 93 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Wara li kkunsidra l-opinjoni tal-Kumitat Ekonomiku u Soċjali Ewropew (1),
Billi:
(1) |
It-tieni subparagrafu ta' l-Artikolu 12(3)(a) tas-Sitt Direttiva 77/388/KEE tal-Kunsill tas-17 ta' Mejju 1977 dwar l-armonizzazzjoni tal-liġijiet ta' l-Istati Membri dwar taxxi fuq id-dħul mill-bejgħ - Sistema komuni ta' taxxa fuq il-valur miżjud: bażi uniformi ta' stima (2), jistipula li l-Kunsill għandu jiddeċiedi dwar il-livell tar-rata standard li għandha tkun applikata wara l-31 ta' Diċembru 2005. |
(2) |
Ir-rata standard tat-taxxa fuq il-valur miżjud bħalissa fis-seħħ fl-Istati Membri, kombinata mal-mekkaniżmi tas-sistema tranżitorja, tiżgura li din is-sistema tiffunzjona b'mod aċċettabbli. Madankollu, jeħtieġ li jiġi evitat li diverġenza, li qiegħda tikber, bejn ir-rati standard tal-VAT applikati mill-Istati Membri ma twassalx għal żbilanċi strutturali fil-Komunità u għal distorsjonijiet tal-kompetizzjoni f'ċerti setturi ta' attività. |
(3) |
Għalhekk jidher xieraq li tinżamm ir-rata standard minima ta' 15 % għal perjodu ulterjuri li jkun suffiċjentement twil sabiex jippermetti t-tkomplija ta' l-implementazzjoni ta' l-istrateġija ta' simplifikazzjoni u ta' modernizzazzjoni tal-liġi Komunitarja attwalment fis-seħħ fil-materja tal-VAT. |
(4) |
Konsegwentement, id-Direttiva 77/388/KEE għandha għaldaqstant tiġi emendata, |
ADOTTA DIN ID-DIRETTIVA:
Artikolu 1
L-ewwel u t-tieni subparagrafi ta' l-Artikolu 12(3)(a) tad-Direttiva 77/388/KEE għandhom jinbidlu bit-test li ġej:
“Ir-rata standard tat-taxxa fuq il-valur miżjud għandha tkun iffissata minn kull Stat Membru bħala persentaġġ ta' l-ammont taxxabbli u għandha tkun l-istess għall-provvista ta' l-oġġetti u għall-provvista ta' servizzi. Mill-1 ta' Jannar 2006 sal-31 ta' Diċembru 2010, ir-rata standard ma tistax tkun inqas minn 15 %.
Il-Kunsill għandu jiddeċiedi skond l-artikolu 93 tat-Trattat, il-livell tar-rata standard applikabbli wara l-31 ta' Diċembru 2010.”
.
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa sabiex jikkonformaw ma' din id-Direttiva b'effett mill-1 ta' Jannar 2006. Għandhom minnufih jinfurmaw lill-Kummissjoni b'dan.
2. Meta l-Istati Membri jadottaw dawn il-miżuri, dawn għandhom jinkludu referenza għal din id-Direttiva jew ikunu akkumpanjati minn tali referenza fl-okkażjoni tal-pubblikazzjoni uffiċjali tagħhhom. Il-modalitajiet kif issir din ir-referenza għandhom jiġu deċiżi mill-Istati Membri.
3. L-Istati Membri għandhom jikkomunikaw lill-Kummissjoni t-test tad-dispożizzjonijiet tal-liġi nazzjonali li huma jadottaw fil-qasam regolat minn din id-Direttiva.
Artikolu 3
Din id-Direttiva għandha tidħol fis-seħħ fil-jum li fih tiġi pubblikata fil-Ġurnal Uffiċjali ta' l-Unjoni Ewropea.
Artikolu 4
Din id-Direttiva hija indirizzata lill-Istati Membri.
Maghmula fi Brussel, nhar it-12 ta' Diċembru 2005.
Mill-Kunsill
Il-President
J. STRAW
(1) Għadha mhux ippubblikata fil-Ġurnal Uffiċjali.
(2) ĠU L 145, 13.6.1977, p. 1. Direttiva kif l-aħħar emendata bid-Direttiva 2004/66/KE (ĠU L 168, 1.5.2004, p. 35).