EUR-Lex Access to European Union law
This document is an excerpt from the EUR-Lex website
Document 32003D0269
2003/269/EC: Council Decision of 8 April 2003 concerning the conclusion on behalf of the Community of the Agreement between the Government of the United States of America and the European Community on the coordination of energy-efficient labelling programmes for office equipment
Id-Deċiżjoni tal-kunsill tat-8 ta’ april 2003 li tirrigwarda l-Ftehim milħuq għan-nom tal-Komunità bejn il-Gvern ta’ l-Istati Uniti ta’ l-Amerika u l-Komunità Ewropeà dwar il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju
Id-Deċiżjoni tal-kunsill tat-8 ta’ april 2003 li tirrigwarda l-Ftehim milħuq għan-nom tal-Komunità bejn il-Gvern ta’ l-Istati Uniti ta’ l-Amerika u l-Komunità Ewropeà dwar il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju
OJ L 99, 17.4.2003, p. 47–48
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 11 Volume 046 P. 187 - 188
Special edition in Estonian: Chapter 11 Volume 046 P. 187 - 188
Special edition in Latvian: Chapter 11 Volume 046 P. 187 - 188
Special edition in Lithuanian: Chapter 11 Volume 046 P. 187 - 188
Special edition in Hungarian Chapter 11 Volume 046 P. 187 - 188
Special edition in Maltese: Chapter 11 Volume 046 P. 187 - 188
Special edition in Polish: Chapter 11 Volume 046 P. 187 - 188
Special edition in Slovak: Chapter 11 Volume 046 P. 187 - 188
Special edition in Slovene: Chapter 11 Volume 046 P. 187 - 188
Special edition in Croatian: Chapter 11 Volume 114 P. 169 - 170
In force
Id-Deċiżjoni tal-kunsill tat-8 ta’ april 2003 li tirrigwarda l-Ftehim milħuq għan-nom tal-Komunità bejn il-Gvern ta’ l-Istati Uniti ta’ l-Amerika u l-Komunità Ewropeà dwar il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju
Official Journal L 099 , 17/04/2003 P. 0047 - 0048
CS.ES Chapter 11 Volume 46 P. 187 - 188
ET.ES Chapter 11 Volume 46 P. 187 - 188
HU.ES Chapter 11 Volume 46 P. 187 - 188
LT.ES Chapter 11 Volume 46 P. 187 - 188
LV.ES Chapter 11 Volume 46 P. 187 - 188
MT.ES Chapter 11 Volume 46 P. 187 - 188
PL.ES Chapter 11 Volume 46 P. 187 - 188
SK.ES Chapter 11 Volume 46 P. 187 - 188
SL.ES Chapter 11 Volume 46 P. 187 - 188
Id-Deċiżjoni tal-Kunsill tat-8 ta’ april 2003 li tirrigwarda l-Ftehim milħuq għan-nom tal-Komunità bejn il-Gvern ta’ l-Istati Uniti ta’ l-Amerika u l-Komunità Ewropeà dwar il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju (2003/269/KE) IL-KUNSILL TA’ L-UNJONI EWROPEA, Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 133, flimkien ma’ l-Artikolu 300(3) tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Parlament Ewropew, Billi: (1) Għandhom jiġu stabbiliti fil-Komunità l-proċeduri approprjati sabiex jiġi żgurat it-tħaddim kif jixraq tal-Ftehim iffirmat f’Washington fid-19 ta’ Diċembru 2000 [2] bejn il-Gvern ta’ l-Istati Uniti ta’ l-Amerika u l-Komunità Ewropea dwar il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju. Huwa meħtieġ li l-Kummissjoni tiġi awtorizzata sabiex, bl-għajnuna tal-kumitat speċjali nnominat mill-Kunsill, tagħmel ċerti emendi tekniċi fil-Ftehim u li tieħu ċerti deċiżjonijiet rigward l-implimentazzjoni tiegħu. Fil-każijiet l-oħra kollha d-deċiżjoni trid tittieħed skond il-proċeduri normali. (2) Ir-reviżjoni ta’ l-implimentazzjoni ġiet attribwita lill-Kummissjoni teknika stabbilita bil-Ftehim. (3) Kull parti nnominat entità ta’ ġestjoni. Il-Komunità nnominat lill-Kummissjoni bħala l-entità ta’ ġestjoni tagħha. Il-Partijiet jistgħu jemendaw il-Ftehim u l-Annessi u jżidu l-Annessi ġodda bi ftehim reċiproku. (4) Il-Qorti Ewropea tal-Ġustizzja [3] ħassret id-Deċiżjoni tal-Kunsill 2001/469/KE ta’ l-14 ta’ Mejju 2001 dwar il-Ftehim milħuq għan-nom tal-Komunità Ewropea bejn il-Gvern ta’ l-Istati Uniti ta’ l-Amerika u l-Komunità Ewropea rigward il-kordinazzjoni ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju [4], li għalhekk trid tinbidel. (5) Il-Ftehim għandu jiġi approvat, ADOTTAT DAN IR-REGOLAMENT: Artikolu 1 Il-Ftehim bejn il-Gvern ta’ l-Istati Uniti ta’ l-Amerika u l-Komunità Ewropea dwar il-kordinazzjoni ta’ programmi ta’ tikkettjar, ta’ programmi ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju inkluż l-Annessi tiegħu, huwa hawnhekk approvat għan-nom tal-Komunità. It-test tal-Ftehim, u l-Annessi tiegħu, huma annessi ma’ din id-Deċiżjoni [5]. Artikolu 2 Għan-nom tal-Komunità, il-President tal-Kunsill għandu joħroġ in-notifika bil-miktub skond kif provdut fl-Artikolu XII(1) tal-Ftehim. Artikolu 3 1. Il-Kummissjoni għandha tirrappreżenta lill-Komunità fil-kummissjoni teknika pprovduta bl-Artikolu VI tal-Ftehim, u tkun megħjuna mill-kumitat speċjali nnominat mill-Kunsill. Wara konsultazzjoni ma’ dan il-kumitat speċjali, il-Kummissjoni għandha tgħaddi għall-komunikazzjonijiet, koperazzjoni, reviżjoni ta’ l-implimentazzjoni u n-notifiki li hemm imsemmija fl-Artikoli V(5), VI(1) u (2), u VIII(4), tal-Ftehim. 2. Bl-għan li tlesti l-posizzjoni tal-Komunità fir-rigward ta’ l-emendi għall-ispeċifikazzjonijiet u l-lista’ ta’ tagħmir ta’ l-uffiċċju fl-Anness C tal-Ftehim, il-Kummissjoni għandha tikkunsidra kull opinjoni mogħtija mill-European Community Energy Star Board imsemmi fl-Artikoli 8 u 11 tar-Regolament (KE) Nru 2422/2001/KE tal-Parlament Ewropew u tal-Kunsill tas-6 ta’ Novembru 2001 dwar program tal-Komunità ta’ tikkettjar, bl-użu effiċjenti ta’ l-enerġija, għat-tagħmir ta’ l-uffiċċju [6]. 3. Il-posizzjoni tal-Komunità rigward id-deċiżjonijiet li jridu jittieħdu mill-entitajiet ta’ ġestjoni għandhom jiġu ddeterminati, fejn jirrigwarda l-emendi ta’ speċifikazzjonijiet tekniċi ta’ tagħmir ta’ l-uffiċċju mniżżla fl-Anness C tal-Ftehim, mill-Kummissjoni, wara konsultazzjoni mal-kumitat speċjali, msemmi fil-paragrafu 1. 4. Fil-każijiet l-oħra kollha, il-posizzjoni tal-Komunità rigward deċiżjonijiet li jridu jittieħdu mill-entitajiet ta’ ġestjoni jew mill-Partijiet għandhom jiġu ddeterminati mill-Kunsill, waqt li jaġixxi fuq proposta magħmula mill-Kummissjoni skond l-Artikolu 300 tat-Trattat. Magħmula fil-Lussemburgu, fit-8 ta’ April 2003. F’isem il-Kunsill Il-President G. Drys [1] ĠU C 274 E, tat-28.09.99, pġ. 16. [2] ĠU L 172, tas-26.06.01, pġ. 3. [3] Sentenza tat-12 ta’ Diċembru 2002 fil-Kawża C-281/01, Il-Kummissjoni tal-Komunitajiet Ewropej v. Il-Kunsill ta’ l-Unjoni Ewropea (ĠU C 31, tat-8.2.2003, pġ. 3). [4] ĠU L 172, tas-26.06.01, pġ. 1. [5] ĠU L 172, tas-26.06.01, pġ. 3. [6] ĠU L 332, tal-15.12.01, pġ. 1. --------------------------------------------------